(𑁨) 𑀫𑀽𑀮𑀫𑀽𑀮𑀦𑀬𑁄

𑁮𑁯. (𑀓) 𑀬𑁂 𑀓𑁂𑀘𑀺 𑀦𑀸𑀫𑀸 𑀥𑀫𑁆𑀫𑀸, 𑀲𑀩𑁆𑀩𑁂 𑀢𑁂 𑀦𑀸𑀫𑀫𑀽𑀮𑀫𑀽𑀮𑀸𑀢𑀺?

𑀦𑀯𑁂𑀯 𑀦𑀸𑀫𑀫𑀽𑀮𑀫𑀽𑀮𑀸𑀦𑀺. 𑀅𑀯𑀲𑁂𑀲𑀸 𑀦𑀸𑀫𑀸 𑀥𑀫𑁆𑀫𑀸 𑀦 𑀦𑀸𑀫𑀫𑀽𑀮𑀫𑀽𑀮𑀸.

(𑀔) 𑀬𑁂 𑀯𑀸 𑀧𑀦 𑀦𑀸𑀫𑀫𑀽𑀮𑀫𑀽𑀮𑀸, 𑀲𑀩𑁆𑀩𑁂 𑀢𑁂 𑀥𑀫𑁆𑀫𑀸 𑀦𑀸𑀫𑀸𑀢𑀺? 𑀆𑀫𑀦𑁆𑀢𑀸.

𑁯𑁦. (𑀓) 𑀬𑁂 𑀓𑁂𑀘𑀺 𑀦𑀸𑀫𑀸 𑀥𑀫𑁆𑀫𑀸, 𑀲𑀩𑁆𑀩𑁂 𑀢𑁂 𑀦𑀸𑀫𑀫𑀽𑀮𑁂𑀦 𑀏𑀓𑀫𑀽𑀮𑀫𑀽𑀮𑀸𑀢𑀺?

𑀅𑀳𑁂𑀢𑀼𑀓𑀁 𑀦𑀸𑀫𑀁 𑀦𑀸𑀫𑀫𑀽𑀮𑁂𑀦 𑀦 𑀏𑀓𑀫𑀽𑀮𑀫𑀽𑀮𑀁. 𑀲𑀳𑁂𑀢𑀼𑀓𑀁 𑀦𑀸𑀫𑀁 𑀦𑀸𑀫𑀫𑀽𑀮𑁂𑀦 𑀏𑀓𑀫𑀽𑀮𑀫𑀽𑀮𑀁.

(𑀔) 𑀬𑁂 𑀯𑀸 𑀧𑀦 𑀦𑀸𑀫𑀫𑀽𑀮𑁂𑀦 𑀏𑀓𑀫𑀽𑀮𑀫𑀽𑀮𑀸, 𑀲𑀩𑁆𑀩𑁂 𑀢𑁂 𑀥𑀫𑁆𑀫𑀸 𑀦𑀸𑀫𑀸𑀢𑀺?

𑀦𑀸𑀫𑀲𑀫𑀼𑀝𑁆𑀞𑀸𑀦𑀁 𑀭𑀽𑀧𑀁 𑀦𑀸𑀫𑀫𑀽𑀮𑁂𑀦 𑀏𑀓𑀫𑀽𑀮𑀫𑀽𑀮𑀁, 𑀦 𑀦𑀸𑀫𑀁. 𑀦𑀸𑀫𑀁 𑀦𑀸𑀫𑀫𑀽𑀮𑁂𑀦 𑀏𑀓𑀫𑀽𑀮𑀫𑀽𑀮𑀜𑁆𑀘𑁂𑀯 𑀦𑀸𑀫𑀜𑁆𑀘.

𑁯𑁧. (𑀓) 𑀬𑁂 𑀓𑁂𑀘𑀺 𑀦𑀸𑀫𑀫𑀽𑀮𑁂𑀦 𑀏𑀓𑀫𑀽𑀮𑀫𑀽𑀮𑀸 𑀥𑀫𑁆𑀫𑀸, 𑀲𑀩𑁆𑀩𑁂 𑀢𑁂 𑀦𑀸𑀫𑀫𑀽𑀮𑁂𑀦 𑀅𑀜𑁆𑀜𑀫𑀜𑁆𑀜𑀫𑀽𑀮𑀫𑀽𑀮𑀸𑀢𑀺?

𑀫𑀽𑀮𑀸𑀦𑀺 𑀬𑀸𑀦𑀺 𑀏𑀓𑀢𑁄 𑀉𑀧𑁆𑀧𑀚𑁆𑀚𑀦𑁆𑀢𑀺 𑀦𑀸𑀫𑀫𑀽𑀮𑀸𑀦𑀺 𑀏𑀓𑀫𑀽𑀮𑀫𑀽𑀮𑀸𑀦𑀺 𑀘𑁂𑀯 𑀅𑀜𑁆𑀜𑀫𑀜𑁆𑀜𑀫𑀽𑀮𑀫𑀽𑀮𑀸𑀦𑀺 𑀘. 𑀅𑀯𑀲𑁂𑀲𑀸 𑀦𑀸𑀫𑀫𑀽𑀮𑀲𑀳𑀚𑀸𑀢𑀸 𑀥𑀫𑁆𑀫𑀸 𑀦𑀸𑀫𑀫𑀽𑀮𑁂𑀦 𑀏𑀓𑀫𑀽𑀮𑀫𑀽𑀮𑀸, 𑀦 𑀘 𑀅𑀜𑁆𑀜𑀫𑀜𑁆𑀜𑀫𑀽𑀮𑀫𑀽𑀮𑀸.

(𑀔) 𑀬𑁂 𑀯𑀸 𑀧𑀦 𑀦𑀸𑀫𑀫𑀽𑀮𑁂𑀦 𑀅𑀜𑁆𑀜𑀫𑀜𑁆𑀜𑀫𑀽𑀮𑀫𑀽𑀮𑀸, 𑀲𑀩𑁆𑀩𑁂 𑀢𑁂 𑀥𑀫𑁆𑀫𑀸 𑀦𑀸𑀫𑀸𑀢𑀺? 𑀆𑀫𑀦𑁆𑀢𑀸.