𑁩. 𑀅𑀩𑁆𑀬𑀸𑀓𑀢𑀸 𑀥𑀫𑁆𑀫𑀸 (𑁧) 𑀫𑀽𑀮𑀦𑀬𑁄

𑁭𑁪. (𑀓) 𑀬𑁂 𑀓𑁂𑀘𑀺 𑀅𑀩𑁆𑀬𑀸𑀓𑀢𑀸 𑀥𑀫𑁆𑀫𑀸, 𑀲𑀩𑁆𑀩𑁂 𑀢𑁂 𑀅𑀩𑁆𑀬𑀸𑀓𑀢𑀫𑀽𑀮𑀸𑀢𑀺?

𑀢𑀻𑀡𑁂𑀯 𑀅𑀩𑁆𑀬𑀸𑀓𑀢𑀫𑀽𑀮𑀸𑀦𑀺. 𑀅𑀯𑀲𑁂𑀲𑀸 𑀅𑀩𑁆𑀬𑀸𑀓𑀢𑀸 𑀥𑀫𑁆𑀫𑀸 𑀦 𑀅𑀩𑁆𑀬𑀸𑀓𑀢𑀫𑀽𑀮𑀸.

(𑀔) 𑀬𑁂 𑀯𑀸 𑀧𑀦 𑀅𑀩𑁆𑀬𑀸𑀓𑀢𑀫𑀽𑀮𑀸, 𑀲𑀩𑁆𑀩𑁂 𑀢𑁂 𑀥𑀫𑁆𑀫𑀸 𑀅𑀩𑁆𑀬𑀸𑀓𑀢𑀸𑀢𑀺? 𑀆𑀫𑀦𑁆𑀢𑀸.

𑁭𑁫. (𑀓) 𑀬𑁂 𑀓𑁂𑀘𑀺 𑀅𑀩𑁆𑀬𑀸𑀓𑀢𑀸 𑀥𑀫𑁆𑀫𑀸, 𑀲𑀩𑁆𑀩𑁂 𑀢𑁂 𑀅𑀩𑁆𑀬𑀸𑀓𑀢𑀫𑀽𑀮𑁂𑀦 𑀏𑀓𑀫𑀽𑀮𑀸𑀢𑀺?

𑀅𑀳𑁂𑀢𑀼𑀓𑀁 𑀅𑀩𑁆𑀬𑀸𑀓𑀢𑀁 𑀅𑀩𑁆𑀬𑀸𑀓𑀢𑀫𑀽𑀮𑁂𑀦 𑀦 𑀏𑀓𑀫𑀽𑀮𑀁. 𑀲𑀳𑁂𑀢𑀼𑀓𑀁 𑀅𑀩𑁆𑀬𑀸𑀓𑀢𑀁 𑀅𑀩𑁆𑀬𑀸𑀓𑀢𑀫𑀽𑀮𑁂𑀦 𑀏𑀓𑀫𑀽𑀮𑀁.

(𑀔) 𑀬𑁂 𑀯𑀸 𑀧𑀦 𑀅𑀩𑁆𑀬𑀸𑀓𑀢𑀫𑀽𑀮𑁂𑀦 𑀏𑀓𑀫𑀽𑀮𑀸, 𑀲𑀩𑁆𑀩𑁂 𑀢𑁂 𑀥𑀫𑁆𑀫𑀸 𑀅𑀩𑁆𑀬𑀸𑀓𑀢𑀸𑀢𑀺? 𑀆𑀫𑀦𑁆𑀢𑀸.

𑁭𑁬. (𑀓) 𑀬𑁂 𑀓𑁂𑀘𑀺 𑀅𑀩𑁆𑀬𑀸𑀓𑀢𑀫𑀽𑀮𑁂𑀦 𑀏𑀓𑀫𑀽𑀮𑀸 𑀥𑀫𑁆𑀫𑀸, 𑀲𑀩𑁆𑀩𑁂 𑀢𑁂 𑀅𑀩𑁆𑀬𑀸𑀓𑀢𑀫𑀽𑀮𑁂𑀦 𑀅𑀜𑁆𑀜𑀫𑀜𑁆𑀜𑀫𑀽𑀮𑀸𑀢𑀺?

𑀫𑀽𑀮𑀸𑀦𑀺 𑀬𑀸𑀦𑀺 𑀏𑀓𑀢𑁄 𑀉𑀧𑁆𑀧𑀚𑁆𑀚𑀦𑁆𑀢𑀺 𑀅𑀩𑁆𑀬𑀸𑀓𑀢𑀫𑀽𑀮𑀸𑀦𑀺 𑀏𑀓𑀫𑀽𑀮𑀸𑀦𑀺 𑀘𑁂𑀯 𑀅𑀜𑁆𑀜𑀫𑀜𑁆𑀜𑀫𑀽𑀮𑀸𑀦𑀺 𑀘. 𑀅𑀯𑀲𑁂𑀲𑀸 𑀅𑀩𑁆𑀬𑀸𑀓𑀢𑀫𑀽𑀮𑀲𑀳𑀚𑀸𑀢𑀸 𑀥𑀫𑁆𑀫𑀸 𑀅𑀩𑁆𑀬𑀸𑀓𑀢𑀫𑀽𑀮𑁂𑀦 𑀏𑀓𑀫𑀽𑀮𑀸, 𑀦 𑀘 𑀅𑀜𑁆𑀜𑀫𑀜𑁆𑀜𑀫𑀽𑀮𑀸.

(𑀔) 𑀬𑁂 𑀯𑀸 𑀧𑀦 𑀅𑀩𑁆𑀬𑀸𑀓𑀢𑀫𑀽𑀮𑁂𑀦 𑀅𑀜𑁆𑀜𑀫𑀜𑁆𑀜𑀫𑀽𑀮𑀸, 𑀲𑀩𑁆𑀩𑁂 𑀢𑁂 𑀥𑀫𑁆𑀫𑀸 𑀅𑀩𑁆𑀬𑀸𑀓𑀢𑀸𑀢𑀺? 𑀆𑀫𑀦𑁆𑀢𑀸.

(𑁨) 𑀫𑀽𑀮𑀫𑀽𑀮𑀦𑀬𑁄

𑁭𑁭. (𑀓) 𑀬𑁂 𑀓𑁂𑀘𑀺 𑀅𑀩𑁆𑀬𑀸𑀓𑀢𑀸 𑀥𑀫𑁆𑀫𑀸, 𑀲𑀩𑁆𑀩𑁂 𑀢𑁂 𑀅𑀩𑁆𑀬𑀸𑀓𑀢𑀫𑀽𑀮𑀫𑀽𑀮𑀸𑀢𑀺?

𑀢𑀻𑀡𑁂𑀯 𑀅𑀩𑁆𑀬𑀸𑀓𑀢𑀫𑀽𑀮𑀫𑀽𑀮𑀸𑀦𑀺. 𑀅𑀯𑀲𑁂𑀲𑀸 𑀅𑀩𑁆𑀬𑀸𑀓𑀢𑀸 𑀥𑀫𑁆𑀫𑀸 𑀦 𑀅𑀩𑁆𑀬𑀸𑀓𑀢𑀫𑀽𑀮𑀫𑀽𑀮𑀸.

(𑀔) 𑀬𑁂 𑀯𑀸 𑀧𑀦 𑀅𑀩𑁆𑀬𑀸𑀓𑀢𑀫𑀽𑀮𑀫𑀽𑀮𑀸, 𑀲𑀩𑁆𑀩𑁂 𑀢𑁂 𑀥𑀫𑁆𑀫𑀸 𑀅𑀩𑁆𑀬𑀸𑀓𑀢𑀸𑀢𑀺? 𑀆𑀫𑀦𑁆𑀢𑀸.

𑁭𑁮. (𑀓) 𑀬𑁂 𑀓𑁂𑀘𑀺 𑀅𑀩𑁆𑀬𑀸𑀓𑀢𑀸 𑀥𑀫𑁆𑀫𑀸, 𑀲𑀩𑁆𑀩𑁂 𑀢𑁂 𑀅𑀩𑁆𑀬𑀸𑀓𑀢𑀫𑀽𑀮𑁂𑀦 𑀏𑀓𑀫𑀽𑀮𑀫𑀽𑀮𑀸𑀢𑀺?

𑀅𑀳𑁂𑀢𑀼𑀓𑀁 𑀅𑀩𑁆𑀬𑀸𑀓𑀢𑀁 𑀅𑀩𑁆𑀬𑀸𑀓𑀢𑀫𑀽𑀮𑁂𑀦 𑀦 𑀏𑀓𑀫𑀽𑀮𑀫𑀽𑀮𑀁. 𑀲𑀳𑁂𑀢𑀼𑀓𑀁 𑀅𑀩𑁆𑀬𑀸𑀓𑀢𑀁 𑀅𑀩𑁆𑀬𑀸𑀓𑀢𑀫𑀽𑀮𑁂𑀦 𑀏𑀓𑀫𑀽𑀮𑀫𑀽𑀮𑀁.

(𑀔) 𑀬𑁂 𑀯𑀸 𑀧𑀦 𑀅𑀩𑁆𑀬𑀸𑀓𑀢𑀫𑀽𑀮𑁂𑀦 𑀏𑀓𑀫𑀽𑀮𑀫𑀽𑀮𑀸, 𑀲𑀩𑁆𑀩𑁂 𑀢𑁂 𑀥𑀫𑁆𑀫𑀸 𑀅𑀩𑁆𑀬𑀸𑀓𑀢𑀸𑀢𑀺? 𑀆𑀫𑀦𑁆𑀢𑀸.

𑁭𑁯. (𑀓) 𑀬𑁂 𑀓𑁂𑀘𑀺 𑀅𑀩𑁆𑀬𑀸𑀓𑀢𑀫𑀽𑀮𑁂𑀦 𑀏𑀓𑀫𑀽𑀮𑀫𑀽𑀮𑀸 𑀥𑀫𑁆𑀫𑀸, 𑀲𑀩𑁆𑀩𑁂 𑀢𑁂 𑀅𑀩𑁆𑀬𑀸𑀓𑀢𑀫𑀽𑀮𑁂𑀦 𑀅𑀜𑁆𑀜𑀫𑀜𑁆𑀜𑀫𑀽𑀮𑀫𑀽𑀮𑀸𑀢𑀺?

𑀫𑀽𑀮𑀸𑀦𑀺 𑀬𑀸𑀦𑀺 𑀏𑀓𑀢𑁄 𑀉𑀧𑁆𑀧𑀚𑁆𑀚𑀦𑁆𑀢𑀺 𑀅𑀩𑁆𑀬𑀸𑀓𑀢𑀫𑀽𑀮𑀸𑀦𑀺 𑀏𑀓𑀫𑀽𑀮𑀫𑀽𑀮𑀸𑀦𑀺 𑀘𑁂𑀯 𑀅𑀜𑁆𑀜𑀫𑀜𑁆𑀜𑀫𑀽𑀮𑀫𑀽𑀮𑀸𑀦𑀺 𑀘. 𑀅𑀯𑀲𑁂𑀲𑀸 𑀅𑀩𑁆𑀬𑀸𑀓𑀢𑀫𑀽𑀮𑀲𑀳𑀚𑀸𑀢𑀸 𑀥𑀫𑁆𑀫𑀸 𑀅𑀩𑁆𑀬𑀸𑀓𑀢𑀫𑀽𑀮𑁂𑀦 𑀏𑀓𑀫𑀽𑀮𑀫𑀽𑀮𑀸, 𑀦 𑀘 𑀅𑀜𑁆𑀜𑀫𑀜𑁆𑀜𑀫𑀽𑀮𑀫𑀽𑀮𑀸.

(𑀔) 𑀬𑁂 𑀯𑀸 𑀧𑀦 𑀅𑀩𑁆𑀬𑀸𑀓𑀢𑀫𑀽𑀮𑁂𑀦 𑀅𑀜𑁆𑀜𑀫𑀜𑁆𑀜𑀫𑀽𑀮𑀫𑀽𑀮𑀸, 𑀲𑀩𑁆𑀩𑁂 𑀢𑁂 𑀥𑀫𑁆𑀫𑀸 𑀅𑀩𑁆𑀬𑀸𑀓𑀢𑀸𑀢𑀺? 𑀆𑀫𑀦𑁆𑀢𑀸.

(𑁩) 𑀫𑀽𑀮𑀓𑀦𑀬𑁄

𑁮𑁦. (𑀓) 𑀬𑁂 𑀓𑁂𑀘𑀺 𑀅𑀩𑁆𑀬𑀸𑀓𑀢𑀸 𑀥𑀫𑁆𑀫𑀸, 𑀲𑀩𑁆𑀩𑁂 𑀢𑁂 𑀅𑀩𑁆𑀬𑀸𑀓𑀢𑀫𑀽𑀮𑀓𑀸𑀢𑀺?

𑀅𑀳𑁂𑀢𑀼𑀓𑀁 𑀅𑀩𑁆𑀬𑀸𑀓𑀢𑀁 𑀦 𑀅𑀩𑁆𑀬𑀸𑀓𑀢𑀫𑀽𑀮𑀓𑀁. 𑀲𑀳𑁂𑀢𑀼𑀓𑀁 𑀅𑀩𑁆𑀬𑀸𑀓𑀢𑀁 𑀅𑀩𑁆𑀬𑀸𑀓𑀢𑀫𑀽𑀮𑀓𑀁.

(𑀔) 𑀬𑁂 𑀯𑀸 𑀧𑀦 𑀅𑀩𑁆𑀬𑀸𑀓𑀢𑀫𑀽𑀮𑀓𑀸, 𑀲𑀩𑁆𑀩𑁂 𑀢𑁂 𑀥𑀫𑁆𑀫𑀸 𑀅𑀩𑁆𑀬𑀸𑀓𑀢𑀸𑀢𑀺? 𑀆𑀫𑀦𑁆𑀢𑀸.

𑁮𑁧. (𑀓) 𑀬𑁂 𑀓𑁂𑀘𑀺 𑀅𑀩𑁆𑀬𑀸𑀓𑀢𑀸 𑀥𑀫𑁆𑀫𑀸, 𑀲𑀩𑁆𑀩𑁂 𑀢𑁂 𑀅𑀩𑁆𑀬𑀸𑀓𑀢𑀫𑀽𑀮𑁂𑀦 𑀏𑀓𑀫𑀽𑀮𑀓𑀸𑀢𑀺?

𑀅𑀳𑁂𑀢𑀼𑀓𑀁 𑀅𑀩𑁆𑀬𑀸𑀓𑀢𑀁 𑀅𑀩𑁆𑀬𑀸𑀓𑀢𑀫𑀽𑀮𑁂𑀦 𑀦 𑀏𑀓𑀫𑀽𑀮𑀓𑀁. 𑀲𑀳𑁂𑀢𑀼𑀓𑀁 𑀅𑀩𑁆𑀬𑀸𑀓𑀢𑀁 𑀅𑀩𑁆𑀬𑀸𑀓𑀢𑀫𑀽𑀮𑁂𑀦 𑀏𑀓𑀫𑀽𑀮𑀓𑀁.

(𑀔) 𑀬𑁂 𑀯𑀸 𑀧𑀦 𑀅𑀩𑁆𑀬𑀸𑀓𑀢𑀫𑀽𑀮𑁂𑀦 𑀏𑀓𑀫𑀽𑀮𑀓𑀸, 𑀲𑀩𑁆𑀩𑁂 𑀢𑁂 𑀥𑀫𑁆𑀫𑀸 𑀅𑀩𑁆𑀬𑀸𑀓𑀢𑀸𑀢𑀺? 𑀆𑀫𑀦𑁆𑀢𑀸.

𑁮𑁨. (𑀓) 𑀬𑁂 𑀓𑁂𑀘𑀺 𑀅𑀩𑁆𑀬𑀸𑀓𑀢𑀫𑀽𑀮𑁂𑀦 𑀏𑀓𑀫𑀽𑀮𑀓𑀸 𑀥𑀫𑁆𑀫𑀸, 𑀲𑀩𑁆𑀩𑁂 𑀢𑁂 𑀅𑀩𑁆𑀬𑀸𑀓𑀢𑀫𑀽𑀮𑁂𑀦 𑀅𑀜𑁆𑀜𑀫𑀜𑁆𑀜𑀫𑀽𑀮𑀓𑀸𑀢𑀺?

𑀫𑀽𑀮𑀸𑀦𑀺 𑀬𑀸𑀦𑀺 𑀏𑀓𑀢𑁄 𑀉𑀧𑁆𑀧𑀚𑁆𑀚𑀦𑁆𑀢𑀺 𑀅𑀩𑁆𑀬𑀸𑀓𑀢𑀫𑀽𑀮𑀸𑀦𑀺 𑀏𑀓𑀫𑀽𑀮𑀓𑀸𑀦𑀺 𑀘𑁂𑀯 𑀅𑀜𑁆𑀜𑀫𑀜𑁆𑀜𑀫𑀽𑀮𑀓𑀸𑀦𑀺 𑀘. 𑀅𑀯𑀲𑁂𑀲𑀸 𑀅𑀩𑁆𑀬𑀸𑀓𑀢𑀫𑀽𑀮𑀲𑀳𑀚𑀸𑀢𑀸 𑀥𑀫𑁆𑀫𑀸 𑀅𑀩𑁆𑀬𑀸𑀓𑀢𑀫𑀽𑀮𑁂𑀦 𑀏𑀓𑀫𑀽𑀮𑀓𑀸, 𑀦 𑀘 𑀅𑀜𑁆𑀜𑀫𑀜𑁆𑀜𑀫𑀽𑀮𑀓𑀸.

(𑀔) 𑀬𑁂 𑀯𑀸 𑀧𑀦 𑀅𑀩𑁆𑀬𑀸𑀓𑀢𑀫𑀽𑀮𑁂𑀦 𑀅𑀜𑁆𑀜𑀫𑀜𑁆𑀜𑀫𑀽𑀮𑀓𑀸, 𑀲𑀩𑁆𑀩𑁂 𑀢𑁂 𑀥𑀫𑁆𑀫𑀸 𑀅𑀩𑁆𑀬𑀸𑀓𑀢𑀸𑀢𑀺? 𑀆𑀫𑀦𑁆𑀢𑀸.

(𑁪) 𑀫𑀽𑀮𑀫𑀽𑀮𑀓𑀦𑀬𑁄

𑁮𑁩. (𑀓) 𑀬𑁂 𑀓𑁂𑀘𑀺 𑀅𑀩𑁆𑀬𑀸𑀓𑀢𑀸 𑀥𑀫𑁆𑀫𑀸, 𑀲𑀩𑁆𑀩𑁂 𑀢𑁂 𑀅𑀩𑁆𑀬𑀸𑀓𑀢𑀫𑀽𑀮𑀫𑀽𑀮𑀓𑀸𑀢𑀺?

𑀅𑀳𑁂𑀢𑀼𑀓𑀁 𑀅𑀩𑁆𑀬𑀸𑀓𑀢𑀁 𑀦 𑀅𑀩𑁆𑀬𑀸𑀓𑀢𑀫𑀽𑀮𑀫𑀽𑀮𑀓𑀁. 𑀲𑀳𑁂𑀢𑀼𑀓𑀁 𑀅𑀩𑁆𑀬𑀸𑀓𑀢𑀁 𑀅𑀩𑁆𑀬𑀸𑀓𑀢𑀫𑀽𑀮𑀫𑀽𑀮𑀓𑀁.

(𑀔) 𑀬𑁂 𑀯𑀸 𑀧𑀦 𑀅𑀩𑁆𑀬𑀸𑀓𑀢𑀫𑀽𑀮𑀫𑀽𑀮𑀓𑀸, 𑀲𑀩𑁆𑀩𑁂 𑀢𑁂 𑀥𑀫𑁆𑀫𑀸 𑀅𑀩𑁆𑀬𑀸𑀓𑀢𑀸𑀢𑀺? 𑀆𑀫𑀦𑁆𑀢𑀸.

𑁮𑁪. (𑀓) 𑀬𑁂 𑀓𑁂𑀘𑀺 𑀅𑀩𑁆𑀬𑀸𑀓𑀢𑀸 𑀥𑀫𑁆𑀫𑀸, 𑀲𑀩𑁆𑀩𑁂 𑀢𑁂 𑀅𑀩𑁆𑀬𑀸𑀓𑀢𑀫𑀽𑀮𑁂𑀦 𑀏𑀓𑀫𑀽𑀮𑀫𑀽𑀮𑀓𑀸𑀢𑀺?

𑀅𑀳𑁂𑀢𑀼𑀓𑀁 𑀅𑀩𑁆𑀬𑀸𑀓𑀢𑀁 𑀅𑀩𑁆𑀬𑀸𑀓𑀢𑀫𑀽𑀮𑁂𑀦 𑀦 𑀏𑀓𑀫𑀽𑀮𑀫𑀽𑀮𑀓𑀁. 𑀲𑀳𑁂𑀢𑀼𑀓𑀁 𑀅𑀩𑁆𑀬𑀸𑀓𑀢𑀁 𑀅𑀩𑁆𑀬𑀸𑀓𑀢𑀫𑀽𑀮𑁂𑀦 𑀏𑀓𑀫𑀽𑀮𑀫𑀽𑀮𑀓𑀁.

(𑀔) 𑀬𑁂 𑀯𑀸 𑀧𑀦 𑀅𑀩𑁆𑀬𑀸𑀓𑀢𑀫𑀽𑀮𑁂𑀦 𑀏𑀓𑀫𑀽𑀮𑀫𑀽𑀮𑀓𑀸, 𑀲𑀩𑁆𑀩𑁂 𑀢𑁂 𑀥𑀫𑁆𑀫𑀸 𑀅𑀩𑁆𑀬𑀸𑀓𑀢𑀸𑀢𑀺? 𑀆𑀫𑀦𑁆𑀢𑀸.

𑁮𑁫. (𑀓) 𑀬𑁂 𑀓𑁂𑀘𑀺 𑀅𑀩𑁆𑀬𑀸𑀓𑀢𑀫𑀽𑀮𑁂𑀦 𑀏𑀓𑀫𑀽𑀮𑀫𑀽𑀮𑀓𑀸 𑀥𑀫𑁆𑀫𑀸, 𑀲𑀩𑁆𑀩𑁂 𑀢𑁂 𑀅𑀩𑁆𑀬𑀸𑀓𑀢𑀫𑀽𑀮𑁂𑀦 𑀅𑀜𑁆𑀜𑀫𑀜𑁆𑀜𑀫𑀽𑀮𑀫𑀽𑀮𑀓𑀸𑀢𑀺?

𑀫𑀽𑀮𑀸𑀦𑀺 𑀬𑀸𑀦𑀺 𑀏𑀓𑀢𑁄 𑀉𑀧𑁆𑀧𑀚𑁆𑀚𑀦𑁆𑀢𑀺 𑀅𑀩𑁆𑀬𑀸𑀓𑀢𑀫𑀽𑀮𑀸𑀦𑀺 𑀏𑀓𑀫𑀽𑀮𑀫𑀽𑀮𑀓𑀸𑀦𑀺 𑀘𑁂𑀯 𑀅𑀜𑁆𑀜𑀫𑀜𑁆𑀜𑀫𑀽𑀮𑀫𑀽𑀮𑀓𑀸𑀦𑀺 𑀘. 𑀅𑀯𑀲𑁂𑀲𑀸 𑀅𑀩𑁆𑀬𑀸𑀓𑀢𑀫𑀽𑀮𑀲𑀳𑀚𑀸𑀢𑀸 𑀥𑀫𑁆𑀫𑀸 𑀅𑀩𑁆𑀬𑀸𑀓𑀢𑀫𑀽𑀮𑁂𑀦 𑀏𑀓𑀫𑀽𑀮𑀫𑀽𑀮𑀓𑀸, 𑀦 𑀘 𑀅𑀜𑁆𑀜𑀫𑀜𑁆𑀜𑀫𑀽𑀮𑀫𑀽𑀮𑀓𑀸.

(𑀔) 𑀬𑁂 𑀯𑀸 𑀧𑀦 𑀅𑀩𑁆𑀬𑀸𑀓𑀢𑀫𑀽𑀮𑁂𑀦 𑀅𑀜𑁆𑀜𑀫𑀜𑁆𑀜𑀫𑀽𑀮𑀫𑀽𑀮𑀓𑀸, 𑀲𑀩𑁆𑀩𑁂 𑀢𑁂 𑀥𑀫𑁆𑀫𑀸 𑀅𑀩𑁆𑀬𑀸𑀓𑀢𑀸𑀢𑀺? 𑀆𑀫𑀦𑁆𑀢𑀸.