(𑁨) 𑀫𑀽𑀮𑀫𑀽𑀮𑀦𑀬𑁄

𑁫𑁩. (𑀓) 𑀬𑁂 𑀓𑁂𑀘𑀺 𑀓𑀼𑀲𑀮𑀸 𑀥𑀫𑁆𑀫𑀸, 𑀲𑀩𑁆𑀩𑁂 𑀢𑁂 𑀓𑀼𑀲𑀮𑀫𑀽𑀮𑀫𑀽𑀮𑀸𑀢𑀺? 𑀢𑀻𑀡𑁂𑀯 𑀓𑀼𑀲𑀮𑀫𑀽𑀮𑀫𑀽𑀮𑀸𑀦𑀺. 𑀅𑀯𑀲𑁂𑀲𑀸 𑀓𑀼𑀲𑀮𑀸 𑀥𑀫𑁆𑀫𑀸 𑀦 𑀓𑀼𑀲𑀮𑀫𑀽𑀮𑀫𑀽𑀮𑀸.

(𑀔) 𑀬𑁂 𑀯𑀸 𑀧𑀦 𑀓𑀼𑀲𑀮𑀫𑀽𑀮𑀫𑀽𑀮𑀸, 𑀲𑀩𑁆𑀩𑁂 𑀢𑁂 𑀥𑀫𑁆𑀫𑀸 𑀓𑀼𑀲𑀮𑀸𑀢𑀺? 𑀆𑀫𑀦𑁆𑀢𑀸.

𑁫𑁪. (𑀓) 𑀬𑁂 𑀓𑁂𑀘𑀺 𑀓𑀼𑀲𑀮𑀸 𑀥𑀫𑁆𑀫𑀸, 𑀲𑀩𑁆𑀩𑁂 𑀢𑁂 𑀓𑀼𑀲𑀮𑀫𑀽𑀮𑁂𑀦 𑀏𑀓𑀫𑀽𑀮𑀫𑀽𑀮𑀸𑀢𑀺? 𑀆𑀫𑀦𑁆𑀢𑀸.

(𑀔) 𑀬𑁂 𑀯𑀸 𑀧𑀦 𑀓𑀼𑀲𑀮𑀫𑀽𑀮𑁂𑀦 𑀏𑀓𑀫𑀽𑀮𑀫𑀽𑀮𑀸, 𑀲𑀩𑁆𑀩𑁂 𑀢𑁂 𑀥𑀫𑁆𑀫𑀸 𑀓𑀼𑀲𑀮𑀸𑀢𑀺?

𑀓𑀼𑀲𑀮𑀲𑀫𑀼𑀝𑁆𑀞𑀸𑀦𑀁 𑀭𑀽𑀧𑀁 𑀓𑀼𑀲𑀮𑀫𑀽𑀮𑁂𑀦 𑀏𑀓𑀫𑀽𑀮𑀫𑀽𑀮𑀁, 𑀦 𑀓𑀼𑀲𑀮𑀁. 𑀓𑀼𑀲𑀮𑀁 𑀓𑀼𑀲𑀮𑀫𑀽𑀮𑁂𑀦 𑀏𑀓𑀫𑀽𑀮𑀫𑀽𑀮𑀜𑁆𑀘𑁂𑀯 𑀓𑀼𑀲𑀮𑀜𑁆𑀘.

𑁫𑁫. (𑀓) 𑀬𑁂 𑀓𑁂𑀘𑀺 𑀓𑀼𑀲𑀮𑀫𑀽𑀮𑁂𑀦 𑀏𑀓𑀫𑀽𑀮𑀫𑀽𑀮𑀸 𑀥𑀫𑁆𑀫𑀸, 𑀲𑀩𑁆𑀩𑁂 𑀢𑁂 𑀓𑀼𑀲𑀮𑀫𑀽𑀮𑁂𑀦 𑀅𑀜𑁆𑀜𑀫𑀜𑁆𑀜𑀫𑀽𑀮𑀫𑀽𑀮𑀸𑀢𑀺?

𑀫𑀽𑀮𑀸𑀦𑀺 𑀬𑀸𑀦𑀺 𑀏𑀓𑀢𑁄 𑀉𑀧𑁆𑀧𑀚𑁆𑀚𑀦𑁆𑀢𑀺 𑀓𑀼𑀲𑀮𑀫𑀽𑀮𑀸𑀦𑀺 𑀏𑀓𑀫𑀽𑀮𑀫𑀽𑀮𑀸𑀦𑀺 𑀘𑁂𑀯 𑀅𑀜𑁆𑀜𑀫𑀜𑁆𑀜𑀫𑀽𑀮𑀫𑀽𑀮𑀸𑀦𑀺 𑀘. 𑀅𑀯𑀲𑁂𑀲𑀸 𑀓𑀼𑀲𑀮𑀫𑀽𑀮𑀲𑀳𑀚𑀸𑀢𑀸 𑀥𑀫𑁆𑀫𑀸 𑀓𑀼𑀲𑀮𑀫𑀽𑀮𑁂𑀦 𑀏𑀓𑀫𑀽𑀮𑀫𑀽𑀮𑀸, 𑀦 𑀘 𑀅𑀜𑁆𑀜𑀫𑀜𑁆𑀜𑀫𑀽𑀮𑀫𑀽𑀮𑀸.

(𑀔) 𑀬𑁂 𑀯𑀸 𑀧𑀦 𑀓𑀼𑀲𑀮𑀫𑀽𑀮𑁂𑀦 𑀅𑀜𑁆𑀜𑀫𑀜𑁆𑀜𑀫𑀽𑀮𑀫𑀽𑀮𑀸, 𑀲𑀩𑁆𑀩𑁂 𑀢𑁂 𑀥𑀫𑁆𑀫𑀸 𑀓𑀼𑀲𑀮𑀸𑀢𑀺? 𑀆𑀫𑀦𑁆𑀢𑀸.