𑁧. 𑀢𑀺𑀓𑀁

𑁪𑁬𑁪. 𑀓𑀼𑀲𑀮𑀸𑀬𑁂𑀯. 𑀲𑀺𑀬𑀸 𑀲𑀼𑀔𑀸𑀬 𑀯𑁂𑀤𑀦𑀸𑀬 𑀲𑀫𑁆𑀧𑀬𑀼𑀢𑁆𑀢𑀸, 𑀲𑀺𑀬𑀸 𑀅𑀤𑀼𑀓𑁆𑀔𑀫𑀲𑀼𑀔𑀸𑀬 𑀯𑁂𑀤𑀦𑀸𑀬 𑀲𑀫𑁆𑀧𑀬𑀼𑀢𑁆𑀢𑀸. 𑀯𑀺𑀧𑀸𑀓𑀥𑀫𑁆𑀫𑀥𑀫𑁆𑀫𑀸. 𑀅𑀦𑀼𑀧𑀸𑀤𑀺𑀦𑁆𑀦𑀅𑀦𑀼𑀧𑀸𑀤𑀸𑀦𑀺𑀬𑀸. 𑀅𑀲𑀁𑀓𑀺𑀮𑀺𑀝𑁆𑀞𑀅𑀲𑀁𑀓𑀺𑀮𑁂𑀲𑀺𑀓𑀸. 𑀲𑀺𑀬𑀸 𑀲𑀯𑀺𑀢𑀓𑁆𑀓𑀲𑀯𑀺𑀘𑀸𑀭𑀸, 𑀲𑀺𑀬𑀸 𑀅𑀯𑀺𑀢𑀓𑁆𑀓𑀯𑀺𑀘𑀸𑀭𑀫𑀢𑁆𑀢𑀸, 𑀲𑀺𑀬𑀸 𑀅𑀯𑀺𑀢𑀓𑁆𑀓𑀅𑀯𑀺𑀘𑀸𑀭𑀸. 𑀲𑀺𑀬𑀸 𑀧𑀻𑀢𑀺𑀲𑀳𑀕𑀢𑀸, 𑀲𑀺𑀬𑀸 𑀲𑀼𑀔𑀲𑀳𑀕𑀢𑀸, 𑀲𑀺𑀬𑀸 𑀉𑀧𑁂𑀓𑁆𑀔𑀸𑀲𑀳𑀕𑀢𑀸. 𑀦𑁂𑀯 𑀤𑀲𑁆𑀲𑀦𑁂𑀦 𑀦 𑀪𑀸𑀯𑀦𑀸𑀬 𑀧𑀳𑀸𑀢𑀩𑁆𑀩𑀸. 𑀦𑁂𑀯 𑀤𑀲𑁆𑀲𑀦𑁂𑀦 𑀦 𑀪𑀸𑀯𑀦𑀸𑀬 𑀧𑀳𑀸𑀢𑀩𑁆𑀩𑀳𑁂𑀢𑀼𑀓𑀸. 𑀅𑀧𑀘𑀬𑀕𑀸𑀫𑀺𑀦𑁄. 𑀲𑁂𑀓𑁆𑀔𑀸. 𑀅𑀧𑁆𑀧𑀫𑀸𑀡𑀸. 𑀅𑀧𑁆𑀧𑀫𑀸𑀡𑀸𑀭𑀫𑁆𑀫𑀡𑀸. 𑀧𑀡𑀻𑀢𑀸. 𑀲𑀫𑁆𑀫𑀢𑁆𑀢𑀦𑀺𑀬𑀢𑀸. 𑀦 𑀫𑀕𑁆𑀕𑀸𑀭𑀫𑁆𑀫𑀡𑀸, 𑀫𑀕𑁆𑀕𑀳𑁂𑀢𑀼𑀓𑀸, 𑀦 𑀫𑀕𑁆𑀕𑀸𑀥𑀺𑀧𑀢𑀺𑀦𑁄. 𑀲𑀺𑀬𑀸 𑀉𑀧𑁆𑀧𑀦𑁆𑀦𑀸, 𑀲𑀺𑀬𑀸 𑀅𑀦𑀼𑀧𑁆𑀧𑀦𑁆𑀦𑀸, 𑀦 𑀯𑀢𑁆𑀢𑀩𑁆𑀩𑀸 𑀉𑀧𑁆𑀧𑀸𑀤𑀺𑀦𑁄𑀢𑀺. 𑀲𑀺𑀬𑀸 𑀅𑀢𑀻𑀢𑀸, 𑀲𑀺𑀬𑀸 𑀅𑀦𑀸𑀕𑀢𑀸, 𑀲𑀺𑀬𑀸 𑀧𑀘𑁆𑀘𑀼𑀧𑁆𑀧𑀦𑁆𑀦𑀸. 𑀦 𑀯𑀢𑁆𑀢𑀩𑁆𑀩𑀸 𑀅𑀢𑀻𑀢𑀸𑀭𑀫𑁆𑀫𑀡𑀸𑀢𑀺𑀧𑀺, 𑀅𑀦𑀸𑀕𑀢𑀸𑀭𑀫𑁆𑀫𑀡𑀸𑀢𑀺𑀧𑀺, 𑀧𑀘𑁆𑀘𑀼𑀧𑁆𑀧𑀦𑁆𑀦𑀸𑀭𑀫𑁆𑀫𑀡𑀸𑀢𑀺𑀧𑀺. 𑀲𑀺𑀬𑀸 𑀅𑀚𑁆𑀛𑀢𑁆𑀢𑀸, 𑀲𑀺𑀬𑀸 𑀩𑀳𑀺𑀤𑁆𑀥𑀸, 𑀲𑀺𑀬𑀸 𑀅𑀚𑁆𑀛𑀢𑁆𑀢𑀩𑀳𑀺𑀤𑁆𑀥𑀸. 𑀩𑀳𑀺𑀤𑁆𑀥𑀸𑀭𑀫𑁆𑀫𑀡𑀸. 𑀅𑀦𑀺𑀤𑀲𑁆𑀲𑀦𑀅𑀧𑁆𑀧𑀝𑀺𑀖𑀸.