𑁧-𑁭. 𑀧𑀝𑀺𑀘𑁆𑀘𑀯𑀸𑀭𑀸𑀤𑀺

𑁧𑁩. 𑀦𑀳𑁂𑀢𑀼𑀁 𑀦𑀲𑀳𑁂𑀢𑀼𑀓𑀁 𑀥𑀫𑁆𑀫𑀁 𑀧𑀝𑀺𑀘𑁆𑀘 𑀦𑀳𑁂𑀢𑀼 𑀦𑀲𑀳𑁂𑀢𑀼𑀓𑁄 𑀥𑀫𑁆𑀫𑁄 𑀉𑀧𑁆𑀧𑀚𑁆𑀚𑀢𑀺 𑀳𑁂𑀢𑀼𑀧𑀘𑁆𑀘𑀬𑀸 𑁋 𑀏𑀓𑀁 𑀫𑀳𑀸𑀪𑀽𑀢𑀁 𑀧𑀝𑀺𑀘𑁆𑀘 𑀢𑀬𑁄 𑀫𑀳𑀸𑀪𑀽𑀢𑀸…𑀧𑁂…. 𑀦𑀳𑁂𑀢𑀼𑀁 𑀦𑀲𑀳𑁂𑀢𑀼𑀓𑀁 𑀥𑀫𑁆𑀫𑀁 𑀧𑀝𑀺𑀘𑁆𑀘 𑀦𑀳𑁂𑀢𑀼 𑀦𑀅𑀳𑁂𑀢𑀼𑀓𑁄 𑀥𑀫𑁆𑀫𑁄 𑀉𑀧𑁆𑀧𑀚𑁆𑀚𑀢𑀺 𑀳𑁂𑀢𑀼𑀧𑀘𑁆𑀘𑀬𑀸 𑁋 𑀧𑀝𑀺𑀲𑀦𑁆𑀥𑀺𑀓𑁆𑀔𑀡𑁂 𑀯𑀢𑁆𑀣𑀼𑀁 𑀧𑀝𑀺𑀘𑁆𑀘 𑀦𑀳𑁂𑀢𑀼𑀲𑀳𑁂𑀢𑀼𑀓𑀸 𑀔𑀦𑁆𑀥𑀸. 𑀦𑀳𑁂𑀢𑀼𑀁 𑀦𑀲𑀳𑁂𑀢𑀼𑀓𑀁 𑀥𑀫𑁆𑀫𑀁 𑀧𑀝𑀺𑀘𑁆𑀘 𑀦𑀳𑁂𑀢𑀼 𑀦𑀲𑀳𑁂𑀢𑀼𑀓𑁄 𑀘 𑀦𑀳𑁂𑀢𑀼 𑀦𑀅𑀳𑁂𑀢𑀼𑀓𑁄 𑀘 𑀥𑀫𑁆𑀫𑀸 𑀉𑀧𑁆𑀧𑀚𑁆𑀚𑀦𑁆𑀢𑀺 𑀳𑁂𑀢𑀼𑀧𑀘𑁆𑀘𑀬𑀸. (𑁩)

𑀦𑀳𑁂𑀢𑀼𑀁 𑀦𑀅𑀳𑁂𑀢𑀼𑀓𑀁 𑀥𑀫𑁆𑀫𑀁 𑀧𑀝𑀺𑀘𑁆𑀘 𑀦𑀳𑁂𑀢𑀼 𑀦𑀅𑀳𑁂𑀢𑀼𑀓𑁄 𑀥𑀫𑁆𑀫𑁄 𑀉𑀧𑁆𑀧𑀚𑁆𑀚𑀢𑀺 𑀳𑁂𑀢𑀼𑀧𑀘𑁆𑀘𑀬𑀸. 𑀦𑀳𑁂𑀢𑀼𑀁 𑀦𑀅𑀳𑁂𑀢𑀼𑀓𑀁 𑀥𑀫𑁆𑀫𑀁 𑀧𑀝𑀺𑀘𑁆𑀘 𑀦𑀳𑁂𑀢𑀼 𑀦𑀲𑀳𑁂𑀢𑀼𑀓𑁄 𑀥𑀫𑁆𑀫𑁄 𑀉𑀧𑁆𑀧𑀚𑁆𑀚𑀢𑀺 𑀳𑁂𑀢𑀼𑀧𑀘𑁆𑀘𑀬𑀸. 𑀦𑀳𑁂𑀢𑀼𑀁 𑀦𑀅𑀳𑁂𑀢𑀼𑀓𑀁 𑀥𑀫𑁆𑀫𑀁 𑀧𑀝𑀺𑀘𑁆𑀘 𑀦𑀳𑁂𑀢𑀼 𑀦𑀲𑀳𑁂𑀢𑀼𑀓𑁄 𑀘 𑀦𑀳𑁂𑀢𑀼 𑀦𑀅𑀳𑁂𑀢𑀼𑀓𑁄 𑀘 𑀥𑀫𑁆𑀫𑀸 𑀉𑀧𑁆𑀧𑀚𑁆𑀚𑀦𑁆𑀢𑀺 𑀳𑁂𑀢𑀼𑀧𑀘𑁆𑀘𑀬𑀸. (𑁩)

𑀦𑀳𑁂𑀢𑀼𑀁 𑀦𑀲𑀳𑁂𑀢𑀼𑀓𑀜𑁆𑀘 𑀦𑀳𑁂𑀢𑀼𑀁 𑀦𑀅𑀳𑁂𑀢𑀼𑀓𑀜𑁆𑀘 𑀥𑀫𑁆𑀫𑀁 𑀧𑀝𑀺𑀘𑁆𑀘 𑀦𑀳𑁂𑀢𑀼 𑀦𑀲𑀳𑁂𑀢𑀼𑀓𑁄 𑀥𑀫𑁆𑀫𑁄 𑀉𑀧𑁆𑀧𑀚𑁆𑀚𑀢𑀺 𑀳𑁂𑀢𑀼𑀧𑀘𑁆𑀘𑀬𑀸. 𑀦𑀳𑁂𑀢𑀼𑀁 𑀦𑀲𑀳𑁂𑀢𑀼𑀓𑀜𑁆𑀘 𑀦𑀳𑁂𑀢𑀼𑀁 𑀦𑀅𑀳𑁂𑀢𑀼𑀓𑀜𑁆𑀘 𑀥𑀫𑁆𑀫𑀁 𑀧𑀝𑀺𑀘𑁆𑀘 𑀦𑀳𑁂𑀢𑀼 𑀦𑀅𑀳𑁂𑀢𑀼𑀓𑁄 𑀥𑀫𑁆𑀫𑁄 𑀉𑀧𑁆𑀧𑀚𑁆𑀚𑀢𑀺 𑀳𑁂𑀢𑀼𑀧𑀘𑁆𑀘𑀬𑀸. 𑀦𑀳𑁂𑀢𑀼𑀁 𑀦𑀲𑀳𑁂𑀢𑀼𑀓𑀜𑁆𑀘 𑀦𑀳𑁂𑀢𑀼𑀁 𑀦𑀅𑀳𑁂𑀢𑀼𑀓𑀜𑁆𑀘 𑀥𑀫𑁆𑀫𑀁 𑀧𑀝𑀺𑀘𑁆𑀘 𑀦𑀳𑁂𑀢𑀼 𑀦𑀲𑀳𑁂𑀢𑀼𑀓𑁄 𑀘 𑀦𑀳𑁂𑀢𑀼 𑀦𑀅𑀳𑁂𑀢𑀼𑀓𑁄 𑀘 𑀥𑀫𑁆𑀫𑀸 𑀉𑀧𑁆𑀧𑀚𑁆𑀚𑀦𑁆𑀢𑀺 𑀳𑁂𑀢𑀼𑀧𑀘𑁆𑀘𑀬𑀸. (𑁩) (𑀲𑀁𑀔𑀺𑀢𑁆𑀢𑀁.)

𑁧𑁪. 𑀳𑁂𑀢𑀼𑀬𑀸 𑀦𑀯, 𑀆𑀭𑀫𑁆𑀫𑀡𑁂 𑀘𑀢𑁆𑀢𑀸𑀭𑀺…𑀧𑁂… 𑀅𑀯𑀺𑀕𑀢𑁂 𑀦𑀯.

(𑀲𑀳𑀚𑀸𑀢𑀯𑀸𑀭𑀫𑁆𑀧𑀺…𑀧𑁂… 𑀲𑀫𑁆𑀧𑀬𑀼𑀢𑁆𑀢𑀯𑀸𑀭𑀫𑁆𑀧𑀺 𑀧𑀝𑀺𑀘𑁆𑀘𑀯𑀸𑀭𑀲𑀤𑀺𑀲𑀁.)

𑀆𑀭𑀫𑁆𑀫𑀡𑀧𑀘𑁆𑀘𑀬𑁄

𑁧𑁫. 𑀦𑀳𑁂𑀢𑀼 𑀦𑀲𑀳𑁂𑀢𑀼𑀓𑁄 𑀥𑀫𑁆𑀫𑁄 𑀦𑀳𑁂𑀢𑀼𑀲𑁆𑀲 𑀦𑀲𑀳𑁂𑀢𑀼𑀓𑀲𑁆𑀲 𑀥𑀫𑁆𑀫𑀲𑁆𑀲 𑀆𑀭𑀫𑁆𑀫𑀡𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄. 𑀦𑀳𑁂𑀢𑀼 𑀦𑀲𑀳𑁂𑀢𑀼𑀓𑁄 𑀥𑀫𑁆𑀫𑁄 𑀦𑀳𑁂𑀢𑀼𑀲𑁆𑀲 𑀦𑀅𑀳𑁂𑀢𑀼𑀓𑀲𑁆𑀲 𑀥𑀫𑁆𑀫𑀲𑁆𑀲 𑀆𑀭𑀫𑁆𑀫𑀡𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄. (𑁨)

𑀦𑀳𑁂𑀢𑀼 𑀦𑀅𑀳𑁂𑀢𑀼𑀓𑁄 𑀥𑀫𑁆𑀫𑁄 𑀦𑀳𑁂𑀢𑀼𑀲𑁆𑀲 𑀦𑀅𑀳𑁂𑀢𑀼𑀓𑀲𑁆𑀲 𑀥𑀫𑁆𑀫𑀲𑁆𑀲 𑀆𑀭𑀫𑁆𑀫𑀡𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄. 𑀦𑀳𑁂𑀢𑀼 𑀦𑀅𑀳𑁂𑀢𑀼𑀓𑁄 𑀥𑀫𑁆𑀫𑁄 𑀦𑀳𑁂𑀢𑀼𑀲𑁆𑀲 𑀦𑀲𑀳𑁂𑀢𑀼𑀓𑀲𑁆𑀲 𑀥𑀫𑁆𑀫𑀲𑁆𑀲 𑀆𑀭𑀫𑁆𑀫𑀡𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄. (𑁨) (𑀲𑀁𑀔𑀺𑀢𑁆𑀢𑀁.)

𑁧𑁬. 𑀆𑀭𑀫𑁆𑀫𑀡𑁂 𑀘𑀢𑁆𑀢𑀸𑀭𑀺…𑀧𑁂… 𑀅𑀯𑀺𑀕𑀢𑁂 𑀲𑀢𑁆𑀢.

𑀳𑁂𑀢𑀼𑀕𑁄𑀘𑁆𑀙𑀓𑀁 𑀦𑀺𑀝𑁆𑀞𑀺𑀢𑀁.