𑁧-𑁭. 𑀧𑀝𑀺𑀘𑁆𑀘𑀯𑀸𑀭𑀸𑀤𑀺

𑀧𑀘𑁆𑀘𑀬𑀘𑀢𑀼𑀓𑁆𑀓𑀁

𑀳𑁂𑀢𑀼𑀧𑀘𑁆𑀘𑀬𑁄

𑁧. 𑀦𑀳𑁂𑀢𑀼𑀁 𑀥𑀫𑁆𑀫𑀁 𑀧𑀝𑀺𑀘𑁆𑀘 𑀦𑀳𑁂𑀢𑀼 𑀥𑀫𑁆𑀫𑁄 𑀉𑀧𑁆𑀧𑀚𑁆𑀚𑀢𑀺 𑀳𑁂𑀢𑀼𑀧𑀘𑁆𑀘𑀬𑀸 𑁋 𑀦𑀳𑁂𑀢𑀼𑀁 𑀏𑀓𑀁 𑀔𑀦𑁆𑀥𑀁 𑀧𑀝𑀺𑀘𑁆𑀘 𑀢𑀬𑁄 𑀔𑀦𑁆𑀥𑀸 𑀘𑀺𑀢𑁆𑀢𑀲𑀫𑀼𑀝𑁆𑀞𑀸𑀦𑀜𑁆𑀘 𑀭𑀽𑀧𑀁…𑀧𑁂… 𑀤𑁆𑀯𑁂 𑀔𑀦𑁆𑀥𑁂 𑀧𑀝𑀺𑀘𑁆𑀘 𑀤𑁆𑀯𑁂 𑀔𑀦𑁆𑀥𑀸 𑀘𑀺𑀢𑁆𑀢𑀲𑀫𑀼𑀝𑁆𑀞𑀸𑀦𑀜𑁆𑀘 𑀭𑀽𑀧𑀁; 𑀧𑀝𑀺𑀲𑀦𑁆𑀥𑀺𑀓𑁆𑀔𑀡𑁂…𑀧𑁂… (𑀬𑀸𑀯 𑀫𑀳𑀸𑀪𑀽𑀢𑀸). 𑀦𑀳𑁂𑀢𑀼𑀁 𑀥𑀫𑁆𑀫𑀁 𑀧𑀝𑀺𑀘𑁆𑀘 𑀦 𑀦𑀳𑁂𑀢𑀼 𑀥𑀫𑁆𑀫𑁄 𑀉𑀧𑁆𑀧𑀚𑁆𑀚𑀢𑀺 𑀳𑁂𑀢𑀼𑀧𑀘𑁆𑀘𑀬𑀸 𑁋 𑀦𑀳𑁂𑀢𑀽 𑀔𑀦𑁆𑀥𑁂 𑀧𑀝𑀺𑀘𑁆𑀘 𑀳𑁂𑀢𑀽; 𑀧𑀝𑀺𑀲𑀦𑁆𑀥𑀺𑀓𑁆𑀔𑀡𑁂…𑀧𑁂… 𑀦𑀳𑁂𑀢𑀼𑀁 𑀥𑀫𑁆𑀫𑀁 𑀧𑀝𑀺𑀘𑁆𑀘 𑀦𑀳𑁂𑀢𑀼 𑀘 𑀦 𑀦𑀳𑁂𑀢𑀼 𑀘 𑀥𑀫𑁆𑀫𑀸 𑀉𑀧𑁆𑀧𑀚𑁆𑀚𑀦𑁆𑀢𑀺 𑀳𑁂𑀢𑀼𑀧𑀘𑁆𑀘𑀬𑀸. (𑁩)

𑀦 𑀦𑀳𑁂𑀢𑀼𑀁 𑀥𑀫𑁆𑀫𑀁 𑀧𑀝𑀺𑀘𑁆𑀘 𑀦 𑀦𑀳𑁂𑀢𑀼 𑀥𑀫𑁆𑀫𑁄 𑀉𑀧𑁆𑀧𑀚𑁆𑀚𑀢𑀺 𑀳𑁂𑀢𑀼𑀧𑀘𑁆𑀘𑀬𑀸. 𑀦 𑀦𑀳𑁂𑀢𑀼𑀁 𑀥𑀫𑁆𑀫𑀁 𑀧𑀝𑀺𑀘𑁆𑀘 𑀦𑀳𑁂𑀢𑀼 𑀥𑀫𑁆𑀫𑁄 𑀉𑀧𑁆𑀧𑀚𑁆𑀚𑀢𑀺 𑀳𑁂𑀢𑀼𑀧𑀘𑁆𑀘𑀬𑀸. 𑀦 𑀦𑀳𑁂𑀢𑀼𑀁 𑀥𑀫𑁆𑀫𑀁 𑀧𑀝𑀺𑀘𑁆𑀘 𑀦𑀳𑁂𑀢𑀼 𑀘 𑀦 𑀦𑀳𑁂𑀢𑀼 𑀘 𑀥𑀫𑁆𑀫𑀸 𑀉𑀧𑁆𑀧𑀚𑁆𑀚𑀦𑁆𑀢𑀺 𑀳𑁂𑀢𑀼𑀧𑀘𑁆𑀘𑀬𑀸. (𑁩)

𑀦𑀳𑁂𑀢𑀼𑀜𑁆𑀘 𑀦 𑀦𑀳𑁂𑀢𑀼𑀜𑁆𑀘 𑀥𑀫𑁆𑀫𑀁 𑀧𑀝𑀺𑀘𑁆𑀘 𑀦𑀳𑁂𑀢𑀼 𑀥𑀫𑁆𑀫𑁄 𑀉𑀧𑁆𑀧𑀚𑁆𑀚𑀢𑀺 𑀳𑁂𑀢𑀼𑀧𑀘𑁆𑀘𑀬𑀸. 𑀦𑀳𑁂𑀢𑀼𑀜𑁆𑀘 𑀦 𑀦𑀳𑁂𑀢𑀼𑀜𑁆𑀘 𑀥𑀫𑁆𑀫𑀁 𑀧𑀝𑀺𑀘𑁆𑀘 𑀦 𑀦𑀳𑁂𑀢𑀼 𑀥𑀫𑁆𑀫𑁄 𑀉𑀧𑁆𑀧𑀚𑁆𑀚𑀢𑀺 𑀳𑁂𑀢𑀼𑀧𑀘𑁆𑀘𑀬𑀸. 𑀦𑀳𑁂𑀢𑀼𑀜𑁆𑀘 𑀦 𑀦𑀳𑁂𑀢𑀼𑀜𑁆𑀘 𑀥𑀫𑁆𑀫𑀁 𑀧𑀝𑀺𑀘𑁆𑀘 𑀦𑀳𑁂𑀢𑀼 𑀘 𑀦 𑀦𑀳𑁂𑀢𑀼 𑀘 𑀥𑀫𑁆𑀫𑀸 𑀉𑀧𑁆𑀧𑀚𑁆𑀚𑀦𑁆𑀢𑀺 𑀳𑁂𑀢𑀼𑀧𑀘𑁆𑀘𑀬𑀸. (𑁩) (𑀲𑀁𑀔𑀺𑀢𑁆𑀢𑀁.)

𑁨. 𑀳𑁂𑀢𑀼𑀬𑀸 𑀦𑀯, 𑀆𑀭𑀫𑁆𑀫𑀡𑁂 𑀦𑀯…𑀧𑁂… 𑀅𑀯𑀺𑀕𑀢𑁂 𑀦𑀯.

(𑀲𑀳𑀚𑀸𑀢𑀯𑀸𑀭𑀫𑁆𑀧𑀺…𑀧𑁂… 𑀲𑀫𑁆𑀧𑀬𑀼𑀢𑁆𑀢𑀯𑀸𑀭𑀫𑁆𑀧𑀺 𑀧𑀝𑀺𑀘𑁆𑀘𑀯𑀸𑀭𑀲𑀤𑀺𑀲𑀁 𑀏𑀯𑀁 𑀯𑀺𑀢𑁆𑀣𑀸𑀭𑁂𑀢𑀩𑁆𑀩𑀁.)

𑀳𑁂𑀢𑀼-𑀆𑀭𑀫𑁆𑀫𑀡𑀧𑀘𑁆𑀘𑀬𑀸

𑁩. 𑀦 𑀦𑀳𑁂𑀢𑀼 𑀥𑀫𑁆𑀫𑁄 𑀦 𑀦𑀳𑁂𑀢𑀼𑀲𑁆𑀲 𑀥𑀫𑁆𑀫𑀲𑁆𑀲 𑀳𑁂𑀢𑀼𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄. 𑀦 𑀦𑀳𑁂𑀢𑀼 𑀥𑀫𑁆𑀫𑁄 𑀦𑀳𑁂𑀢𑀼𑀲𑁆𑀲 𑀥𑀫𑁆𑀫𑀲𑁆𑀲 𑀳𑁂𑀢𑀼𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄. 𑀦 𑀦𑀳𑁂𑀢𑀼 𑀥𑀫𑁆𑀫𑁄 𑀦𑀳𑁂𑀢𑀼𑀲𑁆𑀲 𑀘 𑀦 𑀦𑀳𑁂𑀢𑀼𑀲𑁆𑀲 𑀘 𑀥𑀫𑁆𑀫𑀲𑁆𑀲 𑀳𑁂𑀢𑀼𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄. (𑁩)

𑀦𑀳𑁂𑀢𑀼 𑀥𑀫𑁆𑀫𑁄 𑀦𑀳𑁂𑀢𑀼𑀲𑁆𑀲 𑀥𑀫𑁆𑀫𑀲𑁆𑀲 𑀆𑀭𑀫𑁆𑀫𑀡𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄. 𑀦𑀳𑁂𑀢𑀼 𑀥𑀫𑁆𑀫𑁄 𑀦 𑀦𑀳𑁂𑀢𑀼𑀲𑁆𑀲 𑀥𑀫𑁆𑀫𑀲𑁆𑀲 𑀆𑀭𑀫𑁆𑀫𑀡𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄. 𑀦𑀳𑁂𑀢𑀼 𑀥𑀫𑁆𑀫𑁄 𑀦𑀳𑁂𑀢𑀼𑀲𑁆𑀲 𑀘 𑀦 𑀦𑀳𑁂𑀢𑀼𑀲𑁆𑀲 𑀘 𑀥𑀫𑁆𑀫𑀲𑁆𑀲 𑀆𑀭𑀫𑁆𑀫𑀡𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄. (𑁩)

𑀦 𑀦𑀳𑁂𑀢𑀼 𑀥𑀫𑁆𑀫𑁄 𑀦 𑀦𑀳𑁂𑀢𑀼𑀲𑁆𑀲 𑀥𑀫𑁆𑀫𑀲𑁆𑀲 𑀆𑀭𑀫𑁆𑀫𑀡𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄. 𑀦 𑀦𑀳𑁂𑀢𑀼 𑀥𑀫𑁆𑀫𑁄 𑀦𑀳𑁂𑀢𑀼𑀲𑁆𑀲 𑀥𑀫𑁆𑀫𑀲𑁆𑀲 𑀆𑀭𑀫𑁆𑀫𑀡𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄. 𑀦 𑀦𑀳𑁂𑀢𑀼 𑀥𑀫𑁆𑀫𑁄 𑀦𑀳𑁂𑀢𑀼𑀲𑁆𑀲 𑀘 𑀦 𑀦𑀳𑁂𑀢𑀼𑀲𑁆𑀲 𑀘 𑀥𑀫𑁆𑀫𑀲𑁆𑀲 𑀆𑀭𑀫𑁆𑀫𑀡𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄. (𑁩)

𑀦𑀳𑁂𑀢𑀼 𑀘 𑀦 𑀦𑀳𑁂𑀢𑀼 𑀘 𑀥𑀫𑁆𑀫𑀸 𑀦𑀳𑁂𑀢𑀼𑀲𑁆𑀲 𑀥𑀫𑁆𑀫𑀲𑁆𑀲 𑀆𑀭𑀫𑁆𑀫𑀡𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄. 𑀦𑀳𑁂𑀢𑀼 𑀘 𑀦 𑀦𑀳𑁂𑀢𑀼 𑀘 𑀥𑀫𑁆𑀫𑀸 𑀦 𑀦𑀳𑁂𑀢𑀼𑀲𑁆𑀲 𑀥𑀫𑁆𑀫𑀲𑁆𑀲 𑀆𑀭𑀫𑁆𑀫𑀡𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄. 𑀦𑀳𑁂𑀢𑀼 𑀘 𑀦 𑀦𑀳𑁂𑀢𑀼 𑀘 𑀥𑀫𑁆𑀫𑀸 𑀦𑀳𑁂𑀢𑀼𑀲𑁆𑀲 𑀘 𑀦 𑀦𑀳𑁂𑀢𑀼𑀲𑁆𑀲 𑀘 𑀥𑀫𑁆𑀫𑀲𑁆𑀲 𑀆𑀭𑀫𑁆𑀫𑀡𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄. (𑁩) (𑀲𑀁𑀔𑀺𑀢𑁆𑀢𑀁.)

𑁪. 𑀳𑁂𑀢𑀼𑀬𑀸 𑀢𑀻𑀡𑀺, 𑀆𑀭𑀫𑁆𑀫𑀡𑁂 𑀦𑀯…𑀧𑁂… 𑀅𑀯𑀺𑀕𑀢𑁂 𑀦𑀯. (𑀬𑀣𑀸 𑀓𑀼𑀲𑀮𑀢𑁆𑀢𑀺𑀓𑁂 𑀧𑀜𑁆𑀳𑀸𑀯𑀸𑀭𑀁, 𑀏𑀯𑀁 𑀯𑀺𑀢𑁆𑀣𑀸𑀭𑁂𑀢𑀩𑁆𑀩𑀁.)