𑁨𑁨-𑁨𑁦-𑁨𑁧. 𑀲𑀦𑀺𑀤𑀲𑁆𑀲𑀦𑀢𑁆𑀢𑀺𑀓-𑀅𑀚𑁆𑀛𑀢𑁆𑀢𑀢𑁆𑀢𑀺𑀓𑀤𑁆𑀯𑀬𑀁

𑁬𑁭. 𑀦𑀲𑀦𑀺𑀤𑀲𑁆𑀲𑀦𑀲𑀧𑁆𑀧𑀝𑀺𑀖𑁄 𑀦𑀅𑀚𑁆𑀛𑀢𑁆𑀢𑁄 𑀥𑀫𑁆𑀫𑁄 𑀅𑀦𑀺𑀤𑀲𑁆𑀲𑀦𑀅𑀧𑁆𑀧𑀝𑀺𑀖𑀲𑁆𑀲 𑀅𑀚𑁆𑀛𑀢𑁆𑀢𑀲𑁆𑀲 𑀥𑀫𑁆𑀫𑀲𑁆𑀲 𑀆𑀭𑀫𑁆𑀫𑀡𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄. (𑀲𑀁𑀔𑀺𑀢𑁆𑀢𑀁.) 𑀆𑀭𑀫𑁆𑀫𑀡𑁂 𑀙, 𑀅𑀥𑀺𑀧𑀢𑀺𑀬𑀸 𑀙, 𑀧𑀼𑀭𑁂𑀚𑀸𑀢𑁂 𑀅𑀢𑁆𑀣𑀺𑀬𑀸 𑀅𑀯𑀺𑀕𑀢𑁂 𑀙.

𑀦𑀲𑀦𑀺𑀤𑀲𑁆𑀲𑀦𑀲𑀧𑁆𑀧𑀝𑀺𑀖𑁄 𑀦𑀩𑀳𑀺𑀤𑁆𑀥𑀸 𑀥𑀫𑁆𑀫𑁄 𑀅𑀦𑀺𑀤𑀲𑁆𑀲𑀦𑀅𑀧𑁆𑀧𑀝𑀺𑀖𑀲𑁆𑀲 𑀩𑀳𑀺𑀤𑁆𑀥𑀸 𑀥𑀫𑁆𑀫𑀲𑁆𑀲 𑀆𑀭𑀫𑁆𑀫𑀡𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄. (𑀲𑀁𑀔𑀺𑀢𑁆𑀢𑀁.) 𑀆𑀭𑀫𑁆𑀫𑀡𑁂 𑀙, 𑀅𑀥𑀺𑀧𑀢𑀺𑀬𑀸 𑀙, 𑀧𑀼𑀭𑁂𑀚𑀸𑀢𑁂 𑀅𑀢𑁆𑀣𑀺𑀬𑀸 𑀅𑀯𑀺𑀕𑀢𑁂 𑀙.

𑁬𑁮. 𑀦𑀲𑀦𑀺𑀤𑀲𑁆𑀲𑀦𑀲𑀧𑁆𑀧𑀝𑀺𑀖𑀁 𑀦𑀅𑀚𑁆𑀛𑀢𑁆𑀢𑀸𑀭𑀫𑁆𑀫𑀡𑀁 𑀥𑀫𑁆𑀫𑀁 𑀧𑀝𑀺𑀘𑁆𑀘 𑀅𑀦𑀺𑀤𑀲𑁆𑀲𑀦𑀅𑀧𑁆𑀧𑀝𑀺𑀖𑁄 𑀅𑀚𑁆𑀛𑀢𑁆𑀢𑀸𑀭𑀫𑁆𑀫𑀡𑁄 𑀥𑀫𑁆𑀫𑁄 𑀉𑀧𑁆𑀧𑀚𑁆𑀚𑀢𑀺 𑀳𑁂𑀢𑀼𑀧𑀘𑁆𑀘𑀬𑀸… 𑀳𑁂𑀢𑀼𑀬𑀸 𑀢𑀻𑀡𑀺.

𑀦𑀲𑀦𑀺𑀤𑀲𑁆𑀲𑀦𑀲𑀧𑁆𑀧𑀝𑀺𑀖𑀁 𑀦𑀩𑀳𑀺𑀤𑁆𑀥𑀸𑀭𑀫𑁆𑀫𑀡𑀁 𑀥𑀫𑁆𑀫𑀁 𑀧𑀝𑀺𑀘𑁆𑀘 𑀅𑀦𑀺𑀤𑀲𑁆𑀲𑀦𑀅𑀧𑁆𑀧𑀝𑀺𑀖𑁄 𑀩𑀳𑀺𑀤𑁆𑀥𑀸𑀭𑀫𑁆𑀫𑀡𑁄 𑀥𑀫𑁆𑀫𑁄 𑀉𑀧𑁆𑀧𑀚𑁆𑀚𑀢𑀺 𑀳𑁂𑀢𑀼𑀧𑀘𑁆𑀘𑀬𑀸… 𑀳𑁂𑀢𑀼𑀬𑀸 𑀢𑀻𑀡𑀺.

(𑀲𑀳𑀚𑀸𑀢𑀯𑀸𑀭𑀫𑁆𑀧𑀺 𑀧𑀘𑁆𑀘𑀬𑀯𑀸𑀭𑀫𑁆𑀧𑀺 𑀦𑀺𑀲𑁆𑀲𑀬𑀯𑀸𑀭𑀫𑁆𑀧𑀺 𑀲𑀁𑀲𑀝𑁆𑀞𑀯𑀸𑀭𑀫𑁆𑀧𑀺 𑀲𑀫𑁆𑀧𑀬𑀼𑀢𑁆𑀢𑀯𑀸𑀭𑀫𑁆𑀧𑀺 𑀧𑀜𑁆𑀳𑀸𑀯𑀸𑀭𑀫𑁆𑀧𑀺 𑀯𑀺𑀢𑁆𑀣𑀸𑀭𑁂𑀢𑀩𑁆𑀩𑀁.)

𑀥𑀫𑁆𑀫𑀧𑀘𑁆𑀘𑀦𑀻𑀬𑀸𑀦𑀼𑀮𑁄𑀫𑁂 𑀢𑀺𑀓𑀢𑀺𑀓𑀧𑀝𑁆𑀞𑀸𑀦𑀁 𑀦𑀺𑀝𑁆𑀞𑀺𑀢𑀁.