𑁧-𑁬-𑁧𑁨. 𑀳𑁂𑀢𑀼𑀤𑀼𑀓-𑀘𑀽𑀴𑀦𑁆𑀢𑀭𑀤𑀼𑀓𑀸𑀤𑀺

𑁯. 𑀦𑀳𑁂𑀢𑀼 𑀅𑀧𑁆𑀧𑀘𑁆𑀘𑀬𑁄 𑀥𑀫𑁆𑀫𑁄 𑀦𑀦𑀳𑁂𑀢𑀼𑀲𑁆𑀲 𑀦𑀅𑀧𑁆𑀧𑀘𑁆𑀘𑀬𑀲𑁆𑀲 𑀥𑀫𑁆𑀫𑀲𑁆𑀲 𑀆𑀭𑀫𑁆𑀫𑀡𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄…𑀧𑁂… 𑀦𑀳𑁂𑀢𑀼 𑀅𑀧𑁆𑀧𑀘𑁆𑀘𑀬𑁄 𑀥𑀫𑁆𑀫𑁄 𑀦𑀳𑁂𑀢𑀼𑀲𑁆𑀲 𑀦𑀅𑀧𑁆𑀧𑀘𑁆𑀘𑀬𑀲𑁆𑀲 𑀥𑀫𑁆𑀫𑀲𑁆𑀲 𑀆𑀭𑀫𑁆𑀫𑀡𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄. 𑀦𑀳𑁂𑀢𑀼 𑀅𑀧𑁆𑀧𑀘𑁆𑀘𑀬𑁄 𑀥𑀫𑁆𑀫𑁄 𑀦𑀳𑁂𑀢𑀼𑀲𑁆𑀲 𑀦𑀅𑀧𑁆𑀧𑀘𑁆𑀘𑀬𑀲𑁆𑀲 𑀘 𑀦𑀦𑀳𑁂𑀢𑀼𑀲𑁆𑀲 𑀦𑀅𑀧𑁆𑀧𑀘𑁆𑀘𑀬𑀲𑁆𑀲 𑀘 𑀥𑀫𑁆𑀫𑀲𑁆𑀲 𑀆𑀭𑀫𑁆𑀫𑀡𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄…𑀧𑁂…. (𑀅𑀲𑀗𑁆𑀔𑀢𑀁 𑀅𑀧𑁆𑀧𑀘𑁆𑀘𑀬𑀲𑀤𑀺𑀲𑀁.)

𑁧𑁦. 𑀦𑀳𑁂𑀢𑀼 𑀲𑀦𑀺𑀤𑀲𑁆𑀲𑀦𑁄 𑀥𑀫𑁆𑀫𑁄 𑀦𑀦𑀳𑁂𑀢𑀼𑀲𑁆𑀲 𑀦𑀲𑀦𑀺𑀤𑀲𑁆𑀲𑀦𑀲𑁆𑀲 𑀥𑀫𑁆𑀫𑀲𑁆𑀲 𑀆𑀭𑀫𑁆𑀫𑀡𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄. 𑀦𑀳𑁂𑀢𑀼 𑀲𑀦𑀺𑀤𑀲𑁆𑀲𑀦𑁄 𑀥𑀫𑁆𑀫𑁄 𑀦𑀳𑁂𑀢𑀼𑀲𑁆𑀲 𑀦𑀲𑀦𑀺𑀤𑀲𑁆𑀲𑀦𑀲𑁆𑀲 𑀥𑀫𑁆𑀫𑀲𑁆𑀲 𑀆𑀭𑀫𑁆𑀫𑀡𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄. 𑀦𑀳𑁂𑀢𑀼 𑀲𑀦𑀺𑀤𑀲𑁆𑀲𑀦𑁄 𑀥𑀫𑁆𑀫𑁄 𑀦𑀳𑁂𑀢𑀼𑀲𑁆𑀲 𑀦𑀲𑀦𑀺𑀤𑀲𑁆𑀲𑀦𑀲𑁆𑀲 𑀘 𑀦𑀦𑀳𑁂𑀢𑀼𑀲𑁆𑀲 𑀦𑀲𑀦𑀺𑀤𑀲𑁆𑀲𑀦𑀲𑁆𑀲 𑀘 𑀥𑀫𑁆𑀫𑀲𑁆𑀲 𑀆𑀭𑀫𑁆𑀫𑀡𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄. 𑀆𑀭𑀫𑁆𑀫𑀡𑁂 𑀢𑀻𑀡𑀺.

𑀳𑁂𑀢𑀼𑀁 𑀅𑀦𑀺𑀤𑀲𑁆𑀲𑀦𑀁 𑀥𑀫𑁆𑀫𑀁 𑀧𑀝𑀺𑀘𑁆𑀘 𑀦𑀳𑁂𑀢𑀼 𑀦𑀅𑀦𑀺𑀤𑀲𑁆𑀲𑀦𑁄 𑀥𑀫𑁆𑀫𑁄 𑀉𑀧𑁆𑀧𑀚𑁆𑀚𑀢𑀺 𑀳𑁂𑀢𑀼𑀧𑀘𑁆𑀘𑀬𑀸… 𑀳𑁂𑀢𑀼𑀬𑀸 𑀢𑀻𑀡𑀺.

𑁧𑁧. 𑀦𑀳𑁂𑀢𑀼𑀁 𑀲𑀧𑁆𑀧𑀝𑀺𑀖𑀁 𑀥𑀫𑁆𑀫𑀁 𑀧𑀝𑀺𑀘𑁆𑀘 𑀦𑀳𑁂𑀢𑀼 𑀦𑀲𑀧𑁆𑀧𑀝𑀺𑀖𑁄 𑀥𑀫𑁆𑀫𑁄 𑀉𑀧𑁆𑀧𑀚𑁆𑀚𑀢𑀺 𑀳𑁂𑀢𑀼𑀧𑀘𑁆𑀘𑀬𑀸… 𑀳𑁂𑀢𑀼𑀬𑀸 𑀏𑀓𑀁.

𑀳𑁂𑀢𑀼𑀁 𑀅𑀧𑁆𑀧𑀝𑀺𑀖𑀁 𑀥𑀫𑁆𑀫𑀁 𑀧𑀝𑀺𑀘𑁆𑀘 𑀦𑀳𑁂𑀢𑀼 𑀦𑀅𑀧𑁆𑀧𑀝𑀺𑀖𑁄 𑀥𑀫𑁆𑀫𑁄 𑀉𑀧𑁆𑀧𑀚𑁆𑀚𑀢𑀺 𑀳𑁂𑀢𑀼𑀧𑀘𑁆𑀘𑀬𑀸… 𑀳𑁂𑀢𑀼𑀬𑀸 𑀢𑀻𑀡𑀺.

𑁧𑁨. 𑀦𑀳𑁂𑀢𑀼𑀁 𑀭𑀽𑀧𑀺𑀁 𑀥𑀫𑁆𑀫𑀁 𑀧𑀝𑀺𑀘𑁆𑀘 𑀦𑀦𑀳𑁂𑀢𑀼 𑀦𑀭𑀽𑀧𑀻 𑀥𑀫𑁆𑀫𑁄 𑀉𑀧𑁆𑀧𑀚𑁆𑀚𑀢𑀺 𑀳𑁂𑀢𑀼𑀧𑀘𑁆𑀘𑀬𑀸… 𑀳𑁂𑀢𑀼𑀬𑀸 𑀢𑀻𑀡𑀺.

𑀳𑁂𑀢𑀼𑀁 𑀅𑀭𑀽𑀧𑀺𑀁 𑀥𑀫𑁆𑀫𑀁 𑀧𑀝𑀺𑀘𑁆𑀘 𑀦𑀳𑁂𑀢𑀼 𑀦𑀅𑀭𑀽𑀧𑀻 𑀥𑀫𑁆𑀫𑁄 𑀉𑀧𑁆𑀧𑀚𑁆𑀚𑀢𑀺 𑀳𑁂𑀢𑀼𑀧𑀘𑁆𑀘𑀬𑀸… 𑀳𑁂𑀢𑀼𑀬𑀸 𑀢𑀻𑀡𑀺.

𑁧𑁩. 𑀦𑀳𑁂𑀢𑀼𑀁 𑀮𑁄𑀓𑀺𑀬𑀁 𑀥𑀫𑁆𑀫𑀁 𑀧𑀘𑁆𑀘𑀬𑀸 𑀦𑀦𑀳𑁂𑀢𑀼 𑀦𑀮𑁄𑀓𑀺𑀬𑁄 𑀥𑀫𑁆𑀫𑁄 𑀉𑀧𑁆𑀧𑀚𑁆𑀚𑀢𑀺 𑀳𑁂𑀢𑀼𑀧𑀘𑁆𑀘𑀬𑀸… 𑀳𑁂𑀢𑀼𑀬𑀸 𑀢𑀻𑀡𑀺.

𑀳𑁂𑀢𑀼𑀁 𑀮𑁄𑀓𑀼𑀢𑁆𑀢𑀭𑀁 𑀥𑀫𑁆𑀫𑀁 𑀧𑀝𑀺𑀘𑁆𑀘 𑀦𑀳𑁂𑀢𑀼 𑀦𑀮𑁄𑀓𑀼𑀢𑁆𑀢𑀭𑁄 𑀥𑀫𑁆𑀫𑁄 𑀉𑀧𑁆𑀧𑀚𑁆𑀚𑀢𑀺 𑀳𑁂𑀢𑀼𑀧𑀘𑁆𑀘𑀬𑀸. 𑀦𑀳𑁂𑀢𑀼𑀁 𑀮𑁄𑀓𑀼𑀢𑁆𑀢𑀭𑀁 𑀥𑀫𑁆𑀫𑀁 𑀧𑀝𑀺𑀘𑁆𑀘 𑀦𑀳𑁂𑀢𑀼 𑀦𑀮𑁄𑀓𑀼𑀢𑁆𑀢𑀭𑁄 𑀥𑀫𑁆𑀫𑁄 𑀉𑀧𑁆𑀧𑀚𑁆𑀚𑀢𑀺 𑀳𑁂𑀢𑀼𑀧𑀘𑁆𑀘𑀬𑀸. 𑀳𑁂𑀢𑀼𑀁 𑀮𑁄𑀓𑀼𑀢𑁆𑀢𑀭𑀜𑁆𑀘 𑀦𑀳𑁂𑀢𑀼𑀁 𑀮𑁄𑀓𑀼𑀢𑁆𑀢𑀭𑀜𑁆𑀘 𑀥𑀫𑁆𑀫𑀁 𑀧𑀝𑀺𑀘𑁆𑀘 𑀦𑀳𑁂𑀢𑀼 𑀦𑀮𑁄𑀓𑀼𑀢𑁆𑀢𑀭𑁄 𑀥𑀫𑁆𑀫𑁄 𑀉𑀧𑁆𑀧𑀚𑁆𑀚𑀢𑀺 𑀳𑁂𑀢𑀼𑀧𑀘𑁆𑀘𑀬𑀸. 𑀳𑁂𑀢𑀼𑀬𑀸 𑀢𑀻𑀡𑀺.

𑁧𑁪. 𑀳𑁂𑀢𑀼𑀁 𑀓𑁂𑀦𑀘𑀺 𑀯𑀺𑀜𑁆𑀜𑁂𑀬𑁆𑀬𑀁 𑀥𑀫𑁆𑀫𑀁 𑀧𑀝𑀺𑀘𑁆𑀘 𑀦𑀳𑁂𑀢𑀼 𑀦𑀓𑁂𑀦𑀘𑀺 𑀯𑀺𑀜𑁆𑀜𑁂𑀬𑁆𑀬𑁄 𑀥𑀫𑁆𑀫𑁄 𑀉𑀧𑁆𑀧𑀚𑁆𑀚𑀢𑀺 𑀳𑁂𑀢𑀼𑀧𑀘𑁆𑀘𑀬𑀸… 𑀳𑁂𑀢𑀼𑀬𑀸 𑀦𑀯.

𑀳𑁂𑀢𑀼𑀁 𑀦𑀓𑁂𑀦𑀘𑀺 𑀯𑀺𑀜𑁆𑀜𑁂𑀬𑁆𑀬𑀁 𑀥𑀫𑁆𑀫𑀁 𑀧𑀝𑀺𑀘𑁆𑀘 𑀦𑀳𑁂𑀢𑀼 𑀦𑀦𑀓𑁂𑀦𑀘𑀺 𑀯𑀺𑀜𑁆𑀜𑁂𑀬𑁆𑀬𑁄 𑀥𑀫𑁆𑀫𑁄 𑀉𑀧𑁆𑀧𑀚𑁆𑀚𑀢𑀺 𑀳𑁂𑀢𑀼𑀧𑀘𑁆𑀘𑀬𑀸… 𑀳𑁂𑀢𑀼𑀬𑀸 𑀦𑀯.