𑁧𑁦𑁦-𑁧-𑁬. 𑀲𑀭𑀡𑀤𑀼𑀓-𑀳𑁂𑀢𑀼𑀤𑀼𑀓𑀸𑀤𑀺

𑁮𑁨. 𑀲𑀭𑀡𑀁 𑀳𑁂𑀢𑀼𑀁 𑀥𑀫𑁆𑀫𑀁 𑀧𑀝𑀺𑀘𑁆𑀘 𑀦𑀲𑀭𑀡𑁄 𑀦𑀳𑁂𑀢𑀼 𑀥𑀫𑁆𑀫𑁄 𑀉𑀧𑁆𑀧𑀚𑁆𑀚𑀢𑀺 𑀳𑁂𑀢𑀼𑀧𑀘𑁆𑀘𑀬𑀸… 𑀢𑀻𑀡𑀺.

𑀅𑀭𑀡𑀁 𑀳𑁂𑀢𑀼𑀁 𑀥𑀫𑁆𑀫𑀁 𑀧𑀝𑀺𑀘𑁆𑀘 𑀦𑀲𑀭𑀡𑁄 𑀦𑀳𑁂𑀢𑀼 𑀥𑀫𑁆𑀫𑁄 𑀉𑀧𑁆𑀧𑀚𑁆𑀚𑀢𑀺 𑀳𑁂𑀢𑀼𑀧𑀘𑁆𑀘𑀬𑀸. 𑀏𑀓𑀁… 𑀳𑁂𑀢𑀼𑀬𑀸 𑀘𑀢𑁆𑀢𑀸𑀭𑀺.

𑀲𑀭𑀡𑀁 𑀦𑀳𑁂𑀢𑀼𑀁 𑀥𑀫𑁆𑀫𑀁 𑀧𑀝𑀺𑀘𑁆𑀘 𑀦𑀅𑀭𑀡𑁄 𑀦𑀦𑀳𑁂𑀢𑀼 𑀥𑀫𑁆𑀫𑁄 𑀉𑀧𑁆𑀧𑀚𑁆𑀚𑀢𑀺 𑀳𑁂𑀢𑀼𑀧𑀘𑁆𑀘𑀬𑀸. 𑀏𑀓𑀁.

𑀅𑀭𑀡𑀁 𑀦𑀳𑁂𑀢𑀼𑀁 𑀥𑀫𑁆𑀫𑀁 𑀧𑀝𑀺𑀘𑁆𑀘 𑀦𑀲𑀭𑀡𑁄 𑀦𑀦𑀳𑁂𑀢𑀼 𑀥𑀫𑁆𑀫𑁄 𑀉𑀧𑁆𑀧𑀚𑁆𑀚𑀢𑀺 𑀳𑁂𑀢𑀼𑀧𑀘𑁆𑀘𑀬𑀸. 𑀏𑀓𑀁… 𑀳𑁂𑀢𑀼𑀬𑀸 𑀤𑁆𑀯𑁂.

𑁮𑁩. 𑀲𑀭𑀡𑀁 𑀲𑀳𑁂𑀢𑀼𑀓𑀁 𑀥𑀫𑁆𑀫𑀁 𑀧𑀝𑀺𑀘𑁆𑀘 𑀦𑀲𑀭𑀡𑁄 𑀦𑀲𑀳𑁂𑀢𑀼𑀓𑁄 𑀥𑀫𑁆𑀫𑁄 𑀉𑀧𑁆𑀧𑀚𑁆𑀚𑀢𑀺 𑀳𑁂𑀢𑀼𑀧𑀘𑁆𑀘𑀬𑀸. 𑀏𑀓𑀁.

𑀅𑀭𑀡𑀁 𑀲𑀳𑁂𑀢𑀼𑀓𑀁 𑀥𑀫𑁆𑀫𑀁 𑀧𑀝𑀺𑀘𑁆𑀘 𑀦𑀲𑀭𑀡𑁄 𑀦𑀲𑀳𑁂𑀢𑀼𑀓𑁄 𑀥𑀫𑁆𑀫𑁄 𑀉𑀧𑁆𑀧𑀚𑁆𑀚𑀢𑀺 𑀳𑁂𑀢𑀼𑀧𑀘𑁆𑀘𑀬𑀸. 𑀏𑀓𑀁… 𑀳𑁂𑀢𑀼𑀬𑀸 𑀤𑁆𑀯𑁂.

𑀲𑀭𑀡𑀁 𑀅𑀳𑁂𑀢𑀼𑀓𑀁 𑀥𑀫𑁆𑀫𑀁 𑀧𑀝𑀺𑀘𑁆𑀘 𑀦𑀅𑀭𑀡𑁄 𑀦𑀅𑀳𑁂𑀢𑀼𑀓𑁄 𑀥𑀫𑁆𑀫𑁄 𑀉𑀧𑁆𑀧𑀚𑁆𑀚𑀢𑀺 𑀳𑁂𑀢𑀼𑀧𑀘𑁆𑀘𑀬𑀸. 𑀏𑀓𑀁.

𑀅𑀭𑀡𑀁 𑀅𑀳𑁂𑀢𑀼𑀓𑀁 𑀥𑀫𑁆𑀫𑀁 𑀧𑀝𑀺𑀘𑁆𑀘 𑀦𑀲𑀭𑀡𑁄 𑀦𑀅𑀳𑁂𑀢𑀼𑀓𑁄 𑀥𑀫𑁆𑀫𑁄 𑀉𑀧𑁆𑀧𑀚𑁆𑀚𑀢𑀺 𑀳𑁂𑀢𑀼𑀧𑀘𑁆𑀘𑀬𑀸. 𑀏𑀓𑀁… 𑀳𑁂𑀢𑀼𑀬𑀸 𑀤𑁆𑀯𑁂.

𑁮𑁪. 𑀲𑀭𑀡𑀁 𑀳𑁂𑀢𑀼𑀲𑀫𑁆𑀧𑀬𑀼𑀢𑁆𑀢𑀁 𑀥𑀫𑁆𑀫𑀁 𑀧𑀝𑀺𑀘𑁆𑀘 𑀦𑀲𑀭𑀡𑁄 𑀦𑀳𑁂𑀢𑀼𑀲𑀫𑁆𑀧𑀬𑀼𑀢𑁆𑀢𑁄 𑀥𑀫𑁆𑀫𑁄 𑀉𑀧𑁆𑀧𑀚𑁆𑀚𑀢𑀺 𑀳𑁂𑀢𑀼𑀧𑀘𑁆𑀘𑀬𑀸. 𑀏𑀓𑀁. 𑀅𑀭𑀡𑀁 𑀳𑁂𑀢𑀼𑀲𑀫𑁆𑀧𑀬𑀼𑀢𑁆𑀢𑀁 𑀥𑀫𑁆𑀫𑀁 𑀧𑀝𑀺𑀘𑁆𑀘 𑀦𑀲𑀭𑀡𑁄 𑀦𑀳𑁂𑀢𑀼𑀲𑀫𑁆𑀧𑀬𑀼𑀢𑁆𑀢𑁄 𑀥𑀫𑁆𑀫𑁄 𑀉𑀧𑁆𑀧𑀚𑁆𑀚𑀢𑀺 𑀳𑁂𑀢𑀼𑀧𑀘𑁆𑀘𑀬𑀸. 𑀏𑀓𑀁… 𑀳𑁂𑀢𑀼𑀬𑀸 𑀤𑁆𑀯𑁂. (𑀲𑀳𑁂𑀢𑀼𑀓𑀤𑀼𑀓𑀲𑀤𑀺𑀲𑀁.)

𑁮𑁫. 𑀲𑀭𑀡𑀁 𑀳𑁂𑀢𑀼𑀜𑁆𑀘𑁂𑀯 𑀲𑀳𑁂𑀢𑀼𑀓𑀜𑁆𑀘 𑀥𑀫𑁆𑀫𑀁 𑀧𑀝𑀺𑀘𑁆𑀘 𑀦𑀅𑀭𑀡𑁄 𑀦𑀳𑁂𑀢𑀼 𑀘𑁂𑀯 𑀦𑀅𑀳𑁂𑀢𑀼𑀓𑁄 𑀘 𑀥𑀫𑁆𑀫𑁄 𑀉𑀧𑁆𑀧𑀚𑁆𑀚𑀢𑀺 𑀳𑁂𑀢𑀼𑀧𑀘𑁆𑀘𑀬𑀸. 𑀏𑀓𑀁.

𑀅𑀭𑀡𑀁 𑀳𑁂𑀢𑀼𑀜𑁆𑀘𑁂𑀯 𑀲𑀳𑁂𑀢𑀼𑀓𑀜𑁆𑀘 𑀥𑀫𑁆𑀫𑀁 𑀧𑀝𑀺𑀘𑁆𑀘 𑀦𑀲𑀭𑀡𑁄 𑀦𑀳𑁂𑀢𑀼 𑀘𑁂𑀯 𑀦𑀅𑀳𑁂𑀢𑀼𑀓𑁄 𑀘 𑀥𑀫𑁆𑀫𑁄 𑀉𑀧𑁆𑀧𑀚𑁆𑀚𑀢𑀺 𑀳𑁂𑀢𑀼𑀧𑀘𑁆𑀘𑀬𑀸. 𑀏𑀓𑀁… 𑀳𑁂𑀢𑀼𑀬𑀸 𑀤𑁆𑀯𑁂.

𑀲𑀭𑀡𑀁 𑀲𑀳𑁂𑀢𑀼𑀓𑀜𑁆𑀘𑁂𑀯 𑀦 𑀘 𑀳𑁂𑀢𑀼𑀁 𑀥𑀫𑁆𑀫𑀁 𑀧𑀝𑀺𑀘𑁆𑀘 𑀦𑀅𑀭𑀡𑁄 𑀦𑀅𑀳𑁂𑀢𑀼𑀓𑁄 𑀘𑁂𑀯 𑀦𑀦 𑀘 𑀳𑁂𑀢𑀼 𑀥𑀫𑁆𑀫𑁄 𑀉𑀧𑁆𑀧𑀚𑁆𑀚𑀢𑀺 𑀳𑁂𑀢𑀼𑀧𑀘𑁆𑀘𑀬𑀸. 𑀏𑀓𑀁.

𑀅𑀭𑀡𑀁 𑀲𑀳𑁂𑀢𑀼𑀓𑀜𑁆𑀘𑁂𑀯 𑀦 𑀘 𑀳𑁂𑀢𑀼𑀁 𑀥𑀫𑁆𑀫𑀁 𑀧𑀝𑀺𑀘𑁆𑀘 𑀦𑀲𑀭𑀡𑁄 𑀦𑀅𑀳𑁂𑀢𑀼𑀓𑁄 𑀘𑁂𑀯 𑀦𑀦 𑀘 𑀳𑁂𑀢𑀼 𑀥𑀫𑁆𑀫𑁄 𑀉𑀧𑁆𑀧𑀚𑁆𑀚𑀢𑀺 𑀳𑁂𑀢𑀼𑀧𑀘𑁆𑀘𑀬𑀸. 𑀏𑀓𑀁… 𑀳𑁂𑀢𑀼𑀬𑀸 𑀤𑁆𑀯𑁂.

𑁮𑁬. 𑀲𑀭𑀡𑀁 𑀳𑁂𑀢𑀼𑀜𑁆𑀘𑁂𑀯 𑀳𑁂𑀢𑀼𑀲𑀫𑁆𑀧𑀬𑀼𑀢𑁆𑀢𑀜𑁆𑀘 𑀥𑀫𑁆𑀫𑀁 𑀧𑀝𑀺𑀘𑁆𑀘 𑀦𑀅𑀭𑀡𑁄 𑀦𑀳𑁂𑀢𑀼 𑀘𑁂𑀯 𑀦𑀳𑁂𑀢𑀼𑀯𑀺𑀧𑁆𑀧𑀬𑀼𑀢𑁆𑀢𑁄 𑀘 𑀥𑀫𑁆𑀫𑁄 𑀉𑀧𑁆𑀧𑀚𑁆𑀚𑀢𑀺 𑀳𑁂𑀢𑀼𑀧𑀘𑁆𑀘𑀬𑀸. (𑀳𑁂𑀢𑀼𑀲𑀳𑁂𑀢𑀼𑀓𑀤𑀼𑀓𑀲𑀤𑀺𑀲𑀁.)

𑁮𑁭. 𑀲𑀭𑀡𑀁 𑀦𑀳𑁂𑀢𑀼𑀁 𑀲𑀳𑁂𑀢𑀼𑀓𑀁 𑀥𑀫𑁆𑀫𑀁 𑀧𑀝𑀺𑀘𑁆𑀘 𑀦𑀲𑀭𑀡𑁄 𑀦𑀳𑁂𑀢𑀼 𑀦𑀲𑀳𑁂𑀢𑀼𑀓𑁄 𑀥𑀫𑁆𑀫𑁄 𑀉𑀧𑁆𑀧𑀚𑁆𑀚𑀢𑀺 𑀳𑁂𑀢𑀼𑀧𑀘𑁆𑀘𑀬𑀸. 𑀏𑀓𑀁.

𑀅𑀭𑀡𑀁 𑀦𑀳𑁂𑀢𑀼𑀁 𑀲𑀳𑁂𑀢𑀼𑀓𑀁 𑀥𑀫𑁆𑀫𑀁 𑀧𑀝𑀺𑀘𑁆𑀘 𑀦𑀲𑀭𑀡𑁄 𑀦𑀳𑁂𑀢𑀼 𑀦𑀲𑀳𑁂𑀢𑀼𑀓𑁄 𑀥𑀫𑁆𑀫𑁄 𑀉𑀧𑁆𑀧𑀚𑁆𑀚𑀢𑀺 𑀳𑁂𑀢𑀼𑀧𑀘𑁆𑀘𑀬𑀸. 𑀏𑀓𑀁… 𑀳𑁂𑀢𑀼𑀬𑀸 𑀤𑁆𑀯𑁂.

𑀅𑀭𑀡𑀁 𑀦𑀳𑁂𑀢𑀼𑀁 𑀅𑀳𑁂𑀢𑀼𑀓𑀁 𑀥𑀫𑁆𑀫𑀁 𑀧𑀝𑀺𑀘𑁆𑀘 𑀦𑀲𑀭𑀡𑁄 𑀦𑀳𑁂𑀢𑀼 𑀦𑀅𑀳𑁂𑀢𑀼𑀓𑁄 𑀥𑀫𑁆𑀫𑁄 𑀉𑀧𑁆𑀧𑀚𑁆𑀚𑀢𑀺 𑀳𑁂𑀢𑀼𑀧𑀘𑁆𑀘𑀬𑀸. 𑀳𑁂𑀢𑀼𑀬𑀸 𑀏𑀓𑀁.