𑁧-𑁭. 𑀧𑀝𑀺𑀘𑁆𑀘𑀯𑀸𑀭𑀸𑀤𑀺

𑀧𑀘𑁆𑀘𑀬𑀘𑀢𑀼𑀓𑁆𑀓𑀁

𑁮𑁪. 𑀅𑀩𑁆𑀬𑀸𑀓𑀢𑀁 𑀅𑀦𑀺𑀤𑀲𑁆𑀲𑀦𑀲𑀧𑁆𑀧𑀝𑀺𑀖𑀁 𑀥𑀫𑁆𑀫𑀁 𑀧𑀝𑀺𑀘𑁆𑀘 𑀅𑀩𑁆𑀬𑀸𑀓𑀢𑁄 𑀅𑀦𑀺𑀤𑀲𑁆𑀲𑀦𑀲𑀧𑁆𑀧𑀝𑀺𑀖𑁄 𑀥𑀫𑁆𑀫𑁄 𑀉𑀧𑁆𑀧𑀚𑁆𑀚𑀢𑀺 𑀳𑁂𑀢𑀼𑀧𑀘𑁆𑀘𑀬𑀸. (𑀲𑀁𑀔𑀺𑀢𑁆𑀢𑀁.)

𑀳𑁂𑀢𑀼𑀬𑀸 𑀏𑀓𑀁…𑀧𑁂… 𑀅𑀯𑀺𑀕𑀢𑁂 𑀏𑀓𑀁. (𑀲𑀁𑀔𑀺𑀢𑁆𑀢𑀁.)

(𑀲𑀳𑀚𑀸𑀢𑀯𑀸𑀭𑀫𑁆𑀧𑀺…𑀧𑁂… 𑀧𑀜𑁆𑀳𑀸𑀯𑀸𑀭𑀫𑁆𑀧𑀺 𑀯𑀺𑀢𑁆𑀣𑀸𑀭𑁂𑀢𑀩𑁆𑀩𑀁.)

𑁮𑁫. 𑀓𑀼𑀲𑀮𑀁 𑀅𑀦𑀺𑀤𑀲𑁆𑀲𑀦𑀅𑀧𑁆𑀧𑀝𑀺𑀖𑀁 𑀥𑀫𑁆𑀫𑀁 𑀧𑀝𑀺𑀘𑁆𑀘 𑀓𑀼𑀲𑀮𑁄 𑀅𑀦𑀺𑀤𑀲𑁆𑀲𑀦𑀅𑀧𑁆𑀧𑀝𑀺𑀖𑁄 𑀥𑀫𑁆𑀫𑁄 𑀉𑀧𑁆𑀧𑀚𑁆𑀚𑀢𑀺 𑀳𑁂𑀢𑀼𑀧𑀘𑁆𑀘𑀬𑀸. 𑀓𑀼𑀲𑀮𑀁 𑀅𑀦𑀺𑀤𑀲𑁆𑀲𑀦𑀅𑀧𑁆𑀧𑀝𑀺𑀖𑀁 𑀥𑀫𑁆𑀫𑀁 𑀧𑀝𑀺𑀘𑁆𑀘 𑀅𑀩𑁆𑀬𑀸𑀓𑀢𑁄 𑀅𑀦𑀺𑀤𑀲𑁆𑀲𑀦𑀅𑀧𑁆𑀧𑀝𑀺𑀖𑁄 𑀥𑀫𑁆𑀫𑁄 𑀉𑀧𑁆𑀧𑀚𑁆𑀚𑀢𑀺 𑀳𑁂𑀢𑀼𑀧𑀘𑁆𑀘𑀬𑀸. 𑀓𑀼𑀲𑀮𑀁 𑀅𑀦𑀺𑀤𑀲𑁆𑀲𑀦𑀅𑀧𑁆𑀧𑀝𑀺𑀖𑀁 𑀥𑀫𑁆𑀫𑀁 𑀧𑀝𑀺𑀘𑁆𑀘 𑀓𑀼𑀲𑀮𑁄 𑀅𑀦𑀺𑀤𑀲𑁆𑀲𑀦𑀅𑀧𑁆𑀧𑀝𑀺𑀖𑁄 𑀘 𑀅𑀩𑁆𑀬𑀸𑀓𑀢𑁄 𑀅𑀦𑀺𑀤𑀲𑁆𑀲𑀦𑀅𑀧𑁆𑀧𑀝𑀺𑀖𑁄 𑀘 𑀥𑀫𑁆𑀫𑀸 𑀉𑀧𑁆𑀧𑀚𑁆𑀚𑀦𑁆𑀢𑀺 𑀳𑁂𑀢𑀼𑀧𑀘𑁆𑀘𑀬𑀸. (𑁩)

𑀅𑀓𑀼𑀲𑀮𑀁 𑀅𑀦𑀺𑀤𑀲𑁆𑀲𑀦𑀅𑀧𑁆𑀧𑀝𑀺𑀖𑀁 𑀥𑀫𑁆𑀫𑀁 𑀧𑀝𑀺𑀘𑁆𑀘 𑀅𑀓𑀼𑀲𑀮𑁄 𑀅𑀦𑀺𑀤𑀲𑁆𑀲𑀦𑀅𑀧𑁆𑀧𑀝𑀺𑀖𑁄 𑀥𑀫𑁆𑀫𑁄 𑀉𑀧𑁆𑀧𑀚𑁆𑀚𑀢𑀺 𑀳𑁂𑀢𑀼𑀧𑀘𑁆𑀘𑀬𑀸… 𑀢𑀻𑀡𑀺.

𑀅𑀩𑁆𑀬𑀸𑀓𑀢𑀁 𑀅𑀦𑀺𑀤𑀲𑁆𑀲𑀦𑀅𑀧𑁆𑀧𑀝𑀺𑀖𑀁 𑀥𑀫𑁆𑀫𑀁 𑀧𑀝𑀺𑀘𑁆𑀘 𑀅𑀩𑁆𑀬𑀸𑀓𑀢𑁄 𑀅𑀦𑀺𑀤𑀲𑁆𑀲𑀦𑀅𑀧𑁆𑀧𑀝𑀺𑀖𑁄 𑀥𑀫𑁆𑀫𑁄 𑀉𑀧𑁆𑀧𑀚𑁆𑀚𑀢𑀺 𑀳𑁂𑀢𑀼𑀧𑀘𑁆𑀘𑀬𑀸. (𑁧)

𑀓𑀼𑀲𑀮𑀁 𑀅𑀦𑀺𑀤𑀲𑁆𑀲𑀦𑀅𑀧𑁆𑀧𑀝𑀺𑀖𑀜𑁆𑀘 𑀅𑀩𑁆𑀬𑀸𑀓𑀢𑀁 𑀅𑀦𑀺𑀤𑀲𑁆𑀲𑀦𑀅𑀧𑁆𑀧𑀝𑀺𑀖𑀜𑁆𑀘 𑀥𑀫𑁆𑀫𑀁 𑀧𑀝𑀺𑀘𑁆𑀘 𑀅𑀩𑁆𑀬𑀸𑀓𑀢𑁄 𑀅𑀦𑀺𑀤𑀲𑁆𑀲𑀦𑀅𑀧𑁆𑀧𑀝𑀺𑀖𑁄 𑀥𑀫𑁆𑀫𑁄 𑀉𑀧𑁆𑀧𑀚𑁆𑀚𑀢𑀺 𑀳𑁂𑀢𑀼𑀧𑀘𑁆𑀘𑀬𑀸. (𑁧)

𑀅𑀓𑀼𑀲𑀮𑀁 𑀅𑀦𑀺𑀤𑀲𑁆𑀲𑀦𑀅𑀧𑁆𑀧𑀝𑀺𑀖𑀜𑁆𑀘 𑀅𑀩𑁆𑀬𑀸𑀓𑀢𑀁 𑀅𑀦𑀺𑀤𑀲𑁆𑀲𑀦𑀅𑀧𑁆𑀧𑀝𑀺𑀖𑀜𑁆𑀘 𑀥𑀫𑁆𑀫𑀁 𑀧𑀝𑀺𑀘𑁆𑀘 𑀅𑀩𑁆𑀬𑀸𑀓𑀢𑁄 𑀅𑀦𑀺𑀤𑀲𑁆𑀲𑀦𑀅𑀧𑁆𑀧𑀝𑀺𑀖𑁄 𑀥𑀫𑁆𑀫𑁄 𑀉𑀧𑁆𑀧𑀚𑁆𑀚𑀢𑀺 𑀳𑁂𑀢𑀼𑀧𑀘𑁆𑀘𑀬𑀸. (𑁧)

𑀳𑁂𑀢𑀼𑀬𑀸 𑀦𑀯, 𑀆𑀭𑀫𑁆𑀫𑀡𑁂 𑀢𑀻𑀡𑀺…𑀧𑁂… 𑀯𑀺𑀧𑀸𑀓𑁂 𑀏𑀓𑀁…𑀧𑁂… 𑀅𑀯𑀺𑀕𑀢𑁂 𑀦𑀯. (𑀲𑀁𑀔𑀺𑀢𑁆𑀢𑀁. 𑀲𑀳𑀚𑀸𑀢𑀯𑀸𑀭𑀫𑁆𑀧𑀺…𑀧𑁂… 𑀲𑀫𑁆𑀧𑀬𑀼𑀢𑁆𑀢𑀯𑀸𑀭𑀫𑁆𑀧𑀺 𑀧𑀜𑁆𑀳𑀸𑀯𑀸𑀭𑀫𑁆𑀧𑀺 𑀯𑀺𑀢𑁆𑀣𑀸𑀭𑁂𑀢𑀩𑁆𑀩𑀁.)

𑀓𑀼𑀲𑀮𑀢𑁆𑀢𑀺𑀓𑀲𑀦𑀺𑀤𑀲𑁆𑀲𑀦𑀢𑁆𑀢𑀺𑀓𑀁 𑀦𑀺𑀝𑁆𑀞𑀺𑀢𑀁.