𑁭. 𑀧𑀜𑁆𑀳𑀸𑀯𑀸𑀭𑁄

𑀧𑀘𑁆𑀘𑀬𑀘𑀢𑀼𑀓𑁆𑀓𑀁

𑀳𑁂𑀢𑀼-𑀆𑀭𑀫𑁆𑀫𑀡𑀧𑀘𑁆𑀘𑀬𑀸

𑁫𑁪. 𑀆𑀲𑀯𑀯𑀺𑀧𑁆𑀧𑀬𑀼𑀢𑁆𑀢𑁄 𑀲𑀸𑀲𑀯𑁄 𑀅𑀩𑁆𑀬𑀸𑀓𑀢𑁄 𑀥𑀫𑁆𑀫𑁄 𑀆𑀲𑀯𑀯𑀺𑀧𑁆𑀧𑀬𑀼𑀢𑁆𑀢𑀲𑁆𑀲 𑀲𑀸𑀲𑀯𑀲𑁆𑀲 𑀅𑀩𑁆𑀬𑀸𑀓𑀢𑀲𑁆𑀲 𑀥𑀫𑁆𑀫𑀲𑁆𑀲 𑀳𑁂𑀢𑀼𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄.

𑀆𑀲𑀯𑀯𑀺𑀧𑁆𑀧𑀬𑀼𑀢𑁆𑀢𑁄 𑀅𑀦𑀸𑀲𑀯𑁄 𑀅𑀩𑁆𑀬𑀸𑀓𑀢𑁄 𑀥𑀫𑁆𑀫𑁄 𑀆𑀲𑀯𑀯𑀺𑀧𑁆𑀧𑀬𑀼𑀢𑁆𑀢𑀲𑁆𑀲 𑀅𑀦𑀸𑀲𑀯𑀲𑁆𑀲 𑀅𑀩𑁆𑀬𑀸𑀓𑀢𑀲𑁆𑀲 𑀥𑀫𑁆𑀫𑀲𑁆𑀲 𑀳𑁂𑀢𑀼𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄. 𑀆𑀲𑀯𑀯𑀺𑀧𑁆𑀧𑀬𑀼𑀢𑁆𑀢𑁄 𑀅𑀦𑀸𑀲𑀯𑁄 𑀅𑀩𑁆𑀬𑀸𑀓𑀢𑁄 𑀥𑀫𑁆𑀫𑁄 𑀆𑀲𑀯𑀯𑀺𑀧𑁆𑀧𑀬𑀼𑀢𑁆𑀢𑀲𑁆𑀲 𑀲𑀸𑀲𑀯𑀲𑁆𑀲 𑀅𑀩𑁆𑀬𑀸𑀓𑀢𑀲𑁆𑀲 𑀥𑀫𑁆𑀫𑀲𑁆𑀲 𑀳𑁂𑀢𑀼𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄. 𑀆𑀲𑀯𑀯𑀺𑀧𑁆𑀧𑀬𑀼𑀢𑁆𑀢𑁄 𑀅𑀦𑀸𑀲𑀯𑁄 𑀅𑀩𑁆𑀬𑀸𑀓𑀢𑁄 𑀥𑀫𑁆𑀫𑁄 𑀆𑀲𑀯𑀯𑀺𑀧𑁆𑀧𑀬𑀼𑀢𑁆𑀢𑀲𑁆𑀲 𑀲𑀸𑀲𑀯𑀲𑁆𑀲 𑀅𑀩𑁆𑀬𑀸𑀓𑀢𑀲𑁆𑀲 𑀘 𑀆𑀲𑀯𑀯𑀺𑀧𑁆𑀧𑀬𑀼𑀢𑁆𑀢𑀲𑁆𑀲 𑀅𑀦𑀸𑀲𑀯𑀲𑁆𑀲 𑀅𑀩𑁆𑀬𑀸𑀓𑀢𑀲𑁆𑀲 𑀘 𑀥𑀫𑁆𑀫𑀲𑁆𑀲 𑀳𑁂𑀢𑀼𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄. (𑁩)

𑀆𑀲𑀯𑀯𑀺𑀧𑁆𑀧𑀬𑀼𑀢𑁆𑀢𑁄 𑀲𑀸𑀲𑀯𑁄 𑀅𑀩𑁆𑀬𑀸𑀓𑀢𑁄 𑀥𑀫𑁆𑀫𑁄 𑀆𑀲𑀯𑀯𑀺𑀧𑁆𑀧𑀬𑀼𑀢𑁆𑀢𑀲𑁆𑀲 𑀲𑀸𑀲𑀯𑀲𑁆𑀲 𑀅𑀩𑁆𑀬𑀸𑀓𑀢𑀲𑁆𑀲 𑀥𑀫𑁆𑀫𑀲𑁆𑀲 𑀆𑀭𑀫𑁆𑀫𑀡𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄. (𑁧)

𑀆𑀲𑀯𑀯𑀺𑀧𑁆𑀧𑀬𑀼𑀢𑁆𑀢𑁄 𑀅𑀦𑀸𑀲𑀯𑁄 𑀅𑀩𑁆𑀬𑀸𑀓𑀢𑁄 𑀥𑀫𑁆𑀫𑁄 𑀆𑀲𑀯𑀯𑀺𑀧𑁆𑀧𑀬𑀼𑀢𑁆𑀢𑀲𑁆𑀲 𑀅𑀦𑀸𑀲𑀯𑀲𑁆𑀲 𑀅𑀩𑁆𑀬𑀸𑀓𑀢𑀲𑁆𑀲 𑀥𑀫𑁆𑀫𑀲𑁆𑀲 𑀆𑀭𑀫𑁆𑀫𑀡𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄. 𑀆𑀲𑀯𑀯𑀺𑀧𑁆𑀧𑀬𑀼𑀢𑁆𑀢𑁄 𑀅𑀦𑀸𑀲𑀯𑁄 𑀅𑀩𑁆𑀬𑀸𑀓𑀢𑁄 𑀥𑀫𑁆𑀫𑁄 𑀆𑀲𑀯𑀯𑀺𑀧𑁆𑀧𑀬𑀼𑀢𑁆𑀢𑀲𑁆𑀲 𑀲𑀸𑀲𑀯𑀲𑁆𑀲 𑀅𑀩𑁆𑀬𑀸𑀓𑀢𑀲𑁆𑀲 𑀥𑀫𑁆𑀫𑀲𑁆𑀲 𑀆𑀭𑀫𑁆𑀫𑀡𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄. (𑁨) (𑀲𑀁𑀔𑀺𑀢𑁆𑀢𑀁.)

𑁫𑁫. 𑀳𑁂𑀢𑀼𑀬𑀸 𑀘𑀢𑁆𑀢𑀸𑀭𑀺, 𑀆𑀭𑀫𑁆𑀫𑀡𑁂 𑀢𑀻𑀡𑀺, 𑀅𑀥𑀺𑀧𑀢𑀺𑀬𑀸 𑀘𑀢𑁆𑀢𑀸𑀭𑀺, 𑀅𑀦𑀦𑁆𑀢𑀭𑁂 𑀘𑀢𑁆𑀢𑀸𑀭𑀺, 𑀲𑀫𑀦𑀦𑁆𑀢𑀭𑁂 𑀘𑀢𑁆𑀢𑀸𑀭𑀺, 𑀲𑀳𑀚𑀸𑀢𑁂 𑀧𑀜𑁆𑀘, 𑀅𑀜𑁆𑀜𑀫𑀜𑁆𑀜𑁂 𑀤𑁆𑀯𑁂, 𑀦𑀺𑀲𑁆𑀲𑀬𑁂 𑀲𑀢𑁆𑀢, 𑀉𑀧𑀦𑀺𑀲𑁆𑀲𑀬𑁂 𑀘𑀢𑁆𑀢𑀸𑀭𑀺, 𑀧𑀼𑀭𑁂𑀚𑀸𑀢𑁂 𑀤𑁆𑀯𑁂, 𑀆𑀲𑁂𑀯𑀦𑁂 𑀏𑀓𑀁, 𑀓𑀫𑁆𑀫𑁂 𑀘𑀢𑁆𑀢𑀸𑀭𑀺, 𑀯𑀺𑀧𑀸𑀓𑁂 𑀘𑀢𑁆𑀢𑀸𑀭𑀺, 𑀆𑀳𑀸𑀭𑁂 𑀘𑀢𑁆𑀢𑀸𑀭𑀺…𑀧𑁂… 𑀅𑀯𑀺𑀕𑀢𑁂 𑀲𑀢𑁆𑀢 (𑀲𑀁𑀔𑀺𑀢𑁆𑀢𑀁).

𑀧𑀘𑁆𑀘𑀦𑀻𑀬𑀼𑀤𑁆𑀥𑀸𑀭𑁄

𑁫𑁬. 𑀆𑀲𑀯𑀯𑀺𑀧𑁆𑀧𑀬𑀼𑀢𑁆𑀢𑁄 𑀲𑀸𑀲𑀯𑁄 𑀅𑀩𑁆𑀬𑀸𑀓𑀢𑁄 𑀥𑀫𑁆𑀫𑁄 𑀆𑀲𑀯𑀯𑀺𑀧𑁆𑀧𑀬𑀼𑀢𑁆𑀢𑀲𑁆𑀲 𑀲𑀸𑀲𑀯𑀲𑁆𑀲 𑀅𑀩𑁆𑀬𑀸𑀓𑀢𑀲𑁆𑀲 𑀥𑀫𑁆𑀫𑀲𑁆𑀲 𑀆𑀭𑀫𑁆𑀫𑀡𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄… 𑀲𑀳𑀚𑀸𑀢𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄… 𑀉𑀧𑀦𑀺𑀲𑁆𑀲𑀬𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄… 𑀧𑀼𑀭𑁂𑀚𑀸𑀢𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄… 𑀧𑀘𑁆𑀙𑀸𑀚𑀸𑀢𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄… 𑀆𑀳𑀸𑀭𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄… 𑀇𑀦𑁆𑀤𑁆𑀭𑀺𑀬𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄 (𑀲𑀁𑀔𑀺𑀢𑁆𑀢𑀁).

𑁫𑁭. 𑀦𑀳𑁂𑀢𑀼𑀬𑀸 𑀲𑀢𑁆𑀢, 𑀦𑀆𑀭𑀫𑁆𑀫𑀡𑁂 𑀲𑀢𑁆𑀢 (𑀲𑀁𑀔𑀺𑀢𑁆𑀢𑀁).

𑀳𑁂𑀢𑀼𑀧𑀘𑁆𑀘𑀬𑀸 𑀦𑀆𑀭𑀫𑁆𑀫𑀡𑁂 𑀘𑀢𑁆𑀢𑀸𑀭𑀺 (𑀲𑀁𑀔𑀺𑀢𑁆𑀢𑀁).

𑀦𑀳𑁂𑀢𑀼𑀧𑀘𑁆𑀘𑀬𑀸 𑀆𑀭𑀫𑁆𑀫𑀡𑁂 𑀢𑀻𑀡𑀺 (𑀲𑀁𑀔𑀺𑀢𑁆𑀢𑀁).

(𑀬𑀣𑀸 𑀓𑀼𑀲𑀮𑀢𑁆𑀢𑀺𑀓𑁂 𑀧𑀜𑁆𑀳𑀸𑀯𑀸𑀭𑀲𑁆𑀲 𑀅𑀦𑀼𑀮𑁄𑀫𑀫𑁆𑀧𑀺 𑀧𑀘𑁆𑀘𑀦𑀻𑀬𑀫𑁆𑀧𑀺 𑀅𑀦𑀼𑀮𑁄𑀫𑀧𑀘𑁆𑀘𑀦𑀻𑀬𑀫𑁆𑀧𑀺 𑀧𑀘𑁆𑀘𑀦𑀻𑀬𑀸𑀦𑀼𑀮𑁄𑀫𑀫𑁆𑀧𑀺 𑀕𑀡𑀺𑀢𑀁, 𑀏𑀯𑀁 𑀕𑀡𑁂𑀢𑀩𑁆𑀩𑀁.)

𑀆𑀲𑀯𑀯𑀺𑀧𑁆𑀧𑀬𑀼𑀢𑁆𑀢𑀲𑀸𑀲𑀯𑀤𑀼𑀓𑀓𑀼𑀲𑀮𑀢𑁆𑀢𑀺𑀓𑀁 𑀦𑀺𑀝𑁆𑀞𑀺𑀢𑀁.

𑀆𑀲𑀯𑀕𑁄𑀘𑁆𑀙𑀓𑀁 𑀦𑀺𑀝𑁆𑀞𑀺𑀢𑀁.