𑁧-𑁬. 𑀧𑀝𑀺𑀘𑁆𑀘𑀯𑀸𑀭𑀸𑀤𑀺

𑀧𑀘𑁆𑀘𑀬𑀘𑀢𑀼𑀓𑁆𑀓𑀁

𑀳𑁂𑀢𑀼𑀧𑀘𑁆𑀘𑀬𑁄

𑁨𑁬. 𑀲𑀧𑁆𑀧𑀝𑀺𑀖𑀁 𑀅𑀩𑁆𑀬𑀸𑀓𑀢𑀁 𑀥𑀫𑁆𑀫𑀁 𑀧𑀝𑀺𑀘𑁆𑀘 𑀲𑀧𑁆𑀧𑀝𑀺𑀖𑁄 𑀅𑀩𑁆𑀬𑀸𑀓𑀢𑁄 𑀥𑀫𑁆𑀫𑁄 𑀉𑀧𑁆𑀧𑀚𑁆𑀚𑀢𑀺 𑀳𑁂𑀢𑀼𑀧𑀘𑁆𑀘𑀬𑀸. 𑀲𑀧𑁆𑀧𑀝𑀺𑀖𑀁 𑀅𑀩𑁆𑀬𑀸𑀓𑀢𑀁 𑀥𑀫𑁆𑀫𑀁 𑀧𑀝𑀺𑀘𑁆𑀘 𑀅𑀧𑁆𑀧𑀝𑀺𑀖𑁄 𑀅𑀩𑁆𑀬𑀸𑀓𑀢𑁄 𑀥𑀫𑁆𑀫𑁄 𑀉𑀧𑁆𑀧𑀚𑁆𑀚𑀢𑀺 𑀳𑁂𑀢𑀼𑀧𑀘𑁆𑀘𑀬𑀸. 𑀲𑀧𑁆𑀧𑀝𑀺𑀖𑀁 𑀅𑀩𑁆𑀬𑀸𑀓𑀢𑀁 𑀥𑀫𑁆𑀫𑀁 𑀧𑀝𑀺𑀘𑁆𑀘 𑀲𑀧𑁆𑀧𑀝𑀺𑀖𑁄 𑀅𑀩𑁆𑀬𑀸𑀓𑀢𑁄 𑀘 𑀅𑀧𑁆𑀧𑀝𑀺𑀖𑁄 𑀅𑀩𑁆𑀬𑀸𑀓𑀢𑁄 𑀘 𑀥𑀫𑁆𑀫𑀸 𑀉𑀧𑁆𑀧𑀚𑁆𑀚𑀦𑁆𑀢𑀺 𑀳𑁂𑀢𑀼𑀧𑀘𑁆𑀘𑀬𑀸… 𑀦𑀯.

𑀅𑀧𑁆𑀧𑀝𑀺𑀖𑀁 𑀅𑀩𑁆𑀬𑀸𑀓𑀢𑀁 𑀥𑀫𑁆𑀫𑀁 𑀧𑀝𑀺𑀘𑁆𑀘 𑀅𑀧𑁆𑀧𑀝𑀺𑀖𑁄 𑀅𑀩𑁆𑀬𑀸𑀓𑀢𑁄 𑀥𑀫𑁆𑀫𑁄 𑀉𑀧𑁆𑀧𑀚𑁆𑀚𑀢𑀺 𑀆𑀭𑀫𑁆𑀫𑀡𑀧𑀘𑁆𑀘𑀬𑀸 (𑀲𑀁𑀔𑀺𑀢𑁆𑀢𑀁).

𑁨𑁭. 𑀳𑁂𑀢𑀼𑀬𑀸 𑀦𑀯, 𑀆𑀭𑀫𑁆𑀫𑀡𑁂 𑀏𑀓𑀁, 𑀅𑀥𑀺𑀧𑀢𑀺𑀬𑀸 𑀦𑀯…𑀧𑁂… 𑀅𑀜𑁆𑀜𑀫𑀜𑁆𑀜𑁂 𑀙, 𑀦𑀺𑀲𑁆𑀲𑀬𑁂 𑀦𑀯, 𑀉𑀧𑀦𑀺𑀲𑁆𑀲𑀬𑁂 𑀏𑀓𑀁, 𑀧𑀼𑀭𑁂𑀚𑀸𑀢𑁂 𑀆𑀲𑁂𑀯𑀦𑁂 𑀏𑀓𑀁, 𑀓𑀫𑁆𑀫𑁂 𑀦𑀯, 𑀯𑀺𑀧𑀸𑀓𑁂 𑀦𑀯…𑀧𑁂… 𑀅𑀯𑀺𑀕𑀢𑁂 𑀦𑀯 (𑀲𑀁𑀔𑀺𑀢𑁆𑀢𑀁).

𑀦𑀳𑁂𑀢𑀼𑀧𑀘𑁆𑀘𑀬𑁄

𑁨𑁮. 𑀲𑀧𑁆𑀧𑀝𑀺𑀖𑀁 𑀅𑀩𑁆𑀬𑀸𑀓𑀢𑀁 𑀥𑀫𑁆𑀫𑀁 𑀧𑀝𑀺𑀘𑁆𑀘 𑀲𑀧𑁆𑀧𑀝𑀺𑀖𑁄 𑀅𑀩𑁆𑀬𑀸𑀓𑀢𑁄 𑀥𑀫𑁆𑀫𑁄 𑀉𑀧𑁆𑀧𑀚𑁆𑀚𑀢𑀺 𑀦𑀳𑁂𑀢𑀼𑀧𑀘𑁆𑀘𑀬𑀸 (𑀲𑀁𑀔𑀺𑀢𑁆𑀢𑀁).

𑁨𑁯. 𑀦𑀳𑁂𑀢𑀼𑀬𑀸 𑀦𑀯…𑀧𑁂… 𑀦𑁄𑀯𑀺𑀕𑀢𑁂 𑀦𑀯 (𑀲𑀩𑁆𑀩𑀢𑁆𑀣 𑀦𑀯, 𑀲𑀁𑀔𑀺𑀢𑁆𑀢𑀁).