𑁧-𑁭. 𑀧𑀝𑀺𑀘𑁆𑀘𑀯𑀸𑀭𑀸𑀤𑀺

𑀳𑁂𑀢𑀼𑀧𑀘𑁆𑀘𑀬𑁄

𑁧𑁧𑁭. 𑀫𑀕𑁆𑀕𑀸𑀭𑀫𑁆𑀫𑀡𑀁 𑀅𑀭𑀡𑀁 𑀥𑀫𑁆𑀫𑀁 𑀧𑀝𑀺𑀘𑁆𑀘 𑀫𑀕𑁆𑀕𑀸𑀭𑀫𑁆𑀫𑀡𑁄 𑀅𑀭𑀡𑁄 𑀥𑀫𑁆𑀫𑁄 𑀉𑀧𑁆𑀧𑀚𑁆𑀚𑀢𑀺 𑀳𑁂𑀢𑀼𑀧𑀘𑁆𑀘𑀬𑀸… 𑀢𑀻𑀡𑀺.

𑀫𑀕𑁆𑀕𑀳𑁂𑀢𑀼𑀓𑀁 𑀅𑀭𑀡𑀁 𑀥𑀫𑁆𑀫𑀁 𑀧𑀝𑀺𑀘𑁆𑀘 𑀫𑀕𑁆𑀕𑀳𑁂𑀢𑀼𑀓𑁄 𑀅𑀭𑀡𑁄 𑀥𑀫𑁆𑀫𑁄 𑀉𑀧𑁆𑀧𑀚𑁆𑀚𑀢𑀺 𑀳𑁂𑀢𑀼𑀧𑀘𑁆𑀘𑀬𑀸… 𑀢𑀻𑀡𑀺.

𑀫𑀕𑁆𑀕𑀸𑀥𑀺𑀧𑀢𑀺𑀁 𑀅𑀭𑀡𑀁 𑀥𑀫𑁆𑀫𑀁 𑀧𑀝𑀺𑀘𑁆𑀘 𑀫𑀕𑁆𑀕𑀸𑀥𑀺𑀧𑀢𑀺 𑀅𑀭𑀡𑁄 𑀥𑀫𑁆𑀫𑁄 𑀉𑀧𑁆𑀧𑀚𑁆𑀚𑀢𑀺 𑀳𑁂𑀢𑀼𑀧𑀘𑁆𑀘𑀬𑀸… 𑀧𑀜𑁆𑀘.

𑀫𑀕𑁆𑀕𑀸𑀭𑀫𑁆𑀫𑀡𑀁 𑀅𑀭𑀡𑀜𑁆𑀘 𑀫𑀕𑁆𑀕𑀸𑀥𑀺𑀧𑀢𑀺𑀁 𑀅𑀭𑀡𑀜𑁆𑀘 𑀥𑀫𑁆𑀫𑀁 𑀧𑀝𑀺𑀘𑁆𑀘 𑀫𑀕𑁆𑀕𑀸𑀭𑀫𑁆𑀫𑀡𑁄 𑀅𑀭𑀡𑁄 𑀥𑀫𑁆𑀫𑁄 𑀉𑀧𑁆𑀧𑀚𑁆𑀚𑀢𑀺 𑀳𑁂𑀢𑀼𑀧𑀘𑁆𑀘𑀬𑀸… 𑀢𑀻𑀡𑀺.

𑀫𑀕𑁆𑀕𑀳𑁂𑀢𑀼𑀓𑀁 𑀅𑀭𑀡𑀜𑁆𑀘 𑀫𑀕𑁆𑀕𑀸𑀥𑀺𑀧𑀢𑀺𑀁 𑀅𑀭𑀡𑀜𑁆𑀘 𑀥𑀫𑁆𑀫𑀁 𑀧𑀝𑀺𑀘𑁆𑀘 𑀫𑀕𑁆𑀕𑀳𑁂𑀢𑀼𑀓𑁄 𑀅𑀭𑀡𑁄 𑀥𑀫𑁆𑀫𑁄 𑀉𑀧𑁆𑀧𑀚𑁆𑀚𑀢𑀺 𑀳𑁂𑀢𑀼𑀧𑀘𑁆𑀘𑀬𑀸… 𑀢𑀻𑀡𑀺 (𑀲𑀁𑀔𑀺𑀢𑁆𑀢𑀁).

𑀳𑁂𑀢𑀼𑀬𑀸 𑀲𑀢𑁆𑀢𑀭𑀲…𑀧𑁂… 𑀅𑀯𑀺𑀕𑀢𑁂 𑀲𑀢𑁆𑀢𑀭𑀲 (𑀲𑀁𑀔𑀺𑀢𑁆𑀢𑀁).

(𑀲𑀳𑀚𑀸𑀢𑀯𑀸𑀭𑀫𑁆𑀧𑀺…𑀧𑁂… 𑀲𑀫𑁆𑀧𑀬𑀼𑀢𑁆𑀢𑀯𑀸𑀭𑀫𑁆𑀧𑀺 𑀧𑀝𑀺𑀘𑁆𑀘𑀯𑀸𑀭𑀲𑀤𑀺𑀲𑀁.)

𑁧𑁧𑁮. 𑀫𑀕𑁆𑀕𑀸𑀭𑀫𑁆𑀫𑀡𑁄 𑀅𑀭𑀡𑁄 𑀥𑀫𑁆𑀫𑁄 𑀫𑀕𑁆𑀕𑀸𑀭𑀫𑁆𑀫𑀡𑀲𑁆𑀲 𑀅𑀭𑀡𑀲𑁆𑀲 𑀥𑀫𑁆𑀫𑀲𑁆𑀲 𑀳𑁂𑀢𑀼𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄… 𑀢𑀻𑀡𑀺.

𑀫𑀕𑁆𑀕𑀳𑁂𑀢𑀼𑀓𑁄 𑀅𑀭𑀡𑁄 𑀥𑀫𑁆𑀫𑁄 𑀫𑀕𑁆𑀕𑀳𑁂𑀢𑀼𑀓𑀲𑁆𑀲 𑀅𑀭𑀡𑀲𑁆𑀲 𑀥𑀫𑁆𑀫𑀲𑁆𑀲 𑀳𑁂𑀢𑀼𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄… 𑀢𑀻𑀡𑀺.

𑀫𑀕𑁆𑀕𑀸𑀥𑀺𑀧𑀢𑀺 𑀅𑀭𑀡𑁄 𑀥𑀫𑁆𑀫𑁄 𑀫𑀕𑁆𑀕𑀸𑀥𑀺𑀧𑀢𑀺𑀲𑁆𑀲 𑀅𑀭𑀡𑀲𑁆𑀲 𑀥𑀫𑁆𑀫𑀲𑁆𑀲 𑀳𑁂𑀢𑀼𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄… 𑀧𑀜𑁆𑀘.

𑀫𑀕𑁆𑀕𑀸𑀭𑀫𑁆𑀫𑀡𑁄 𑀅𑀭𑀡𑁄 𑀘 𑀫𑀕𑁆𑀕𑀸𑀥𑀺𑀧𑀢𑀺 𑀅𑀭𑀡𑁄 𑀘 𑀥𑀫𑁆𑀫𑀸 𑀫𑀕𑁆𑀕𑀸𑀭𑀫𑁆𑀫𑀡𑀲𑁆𑀲 𑀅𑀭𑀡𑀲𑁆𑀲 𑀥𑀫𑁆𑀫𑀲𑁆𑀲 𑀳𑁂𑀢𑀼𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄… 𑀢𑀻𑀡𑀺.

𑀫𑀕𑁆𑀕𑀳𑁂𑀢𑀼𑀓𑁄 𑀅𑀭𑀡𑁄 𑀘 𑀫𑀕𑁆𑀕𑀸𑀥𑀺𑀧𑀢𑀺 𑀅𑀭𑀡𑁄 𑀘 𑀥𑀫𑁆𑀫𑀸 𑀫𑀕𑁆𑀕𑀳𑁂𑀢𑀼𑀓𑀲𑁆𑀲 𑀅𑀭𑀡𑀲𑁆𑀲 𑀥𑀫𑁆𑀫𑀲𑁆𑀲 𑀳𑁂𑀢𑀼𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄… 𑀢𑀻𑀡𑀺 (𑀲𑀁𑀔𑀺𑀢𑁆𑀢𑀁).

𑁧𑁧𑁯. 𑀳𑁂𑀢𑀼𑀬𑀸 𑀲𑀢𑁆𑀢𑀭𑀲, 𑀆𑀭𑀫𑁆𑀫𑀡𑁂 𑀦𑀯…𑀧𑁂… 𑀅𑀯𑀺𑀕𑀢𑁂 𑀲𑀢𑁆𑀢𑀭𑀲 (𑀲𑀁𑀔𑀺𑀢𑁆𑀢𑀁).

(𑀬𑀣𑀸 𑀓𑀼𑀲𑀮𑀢𑁆𑀢𑀺𑀓𑁂 𑀧𑀜𑁆𑀳𑀸𑀯𑀸𑀭𑀁, 𑀏𑀯𑀁 𑀯𑀺𑀢𑁆𑀣𑀸𑀭𑁂𑀢𑀩𑁆𑀩𑀁.)