𑁧-𑁭. 𑀧𑀝𑀺𑀘𑁆𑀘𑀯𑀸𑀭𑀸𑀤𑀺

𑀧𑀘𑁆𑀘𑀬𑀘𑀢𑀼𑀓𑁆𑀓𑀁

𑁬𑁦. 𑀅𑀓𑀼𑀲𑀮𑀁 𑀲𑀭𑀡𑀁 𑀥𑀫𑁆𑀫𑀁 𑀧𑀝𑀺𑀘𑁆𑀘 𑀅𑀓𑀼𑀲𑀮𑁄 𑀲𑀭𑀡𑁄 𑀥𑀫𑁆𑀫𑁄 𑀉𑀧𑁆𑀧𑀚𑁆𑀚𑀢𑀺 𑀳𑁂𑀢𑀼𑀧𑀘𑁆𑀘𑀬𑀸 (𑀲𑀁𑀔𑀺𑀢𑁆𑀢𑀁).

𑀳𑁂𑀢𑀼𑀬𑀸 𑀏𑀓𑀁…𑀧𑁂… 𑀅𑀯𑀺𑀕𑀢𑁂 𑀏𑀓𑀁 (𑀲𑀁𑀔𑀺𑀢𑁆𑀢𑀁).

(𑀲𑀳𑀚𑀸𑀢𑀯𑀸𑀭𑁂𑀧𑀺…𑀧𑁂… 𑀧𑀜𑁆𑀳𑀸𑀯𑀸𑀭𑁂𑀧𑀺 𑀲𑀩𑁆𑀩𑀢𑁆𑀣 𑀏𑀓𑀁.)

𑁬𑁧. 𑀓𑀼𑀲𑀮𑀁 𑀅𑀭𑀡𑀁 𑀥𑀫𑁆𑀫𑀁 𑀧𑀝𑀺𑀘𑁆𑀘 𑀓𑀼𑀲𑀮𑁄 𑀅𑀭𑀡𑁄 𑀥𑀫𑁆𑀫𑁄 𑀉𑀧𑁆𑀧𑀚𑁆𑀚𑀢𑀺 𑀳𑁂𑀢𑀼𑀧𑀘𑁆𑀘𑀬𑀸… 𑀢𑀻𑀡𑀺.

𑀅𑀩𑁆𑀬𑀸𑀓𑀢𑀁 𑀅𑀭𑀡𑀁 𑀥𑀫𑁆𑀫𑀁 𑀧𑀝𑀺𑀘𑁆𑀘 𑀅𑀩𑁆𑀬𑀸𑀓𑀢𑁄 𑀅𑀭𑀡𑁄 𑀥𑀫𑁆𑀫𑁄 𑀉𑀧𑁆𑀧𑀚𑁆𑀚𑀢𑀺 𑀳𑁂𑀢𑀼𑀧𑀘𑁆𑀘𑀬𑀸. (𑁧)

𑀓𑀼𑀲𑀮𑀁 𑀅𑀭𑀡𑀜𑁆𑀘 𑀅𑀩𑁆𑀬𑀸𑀓𑀢𑀁 𑀅𑀭𑀡𑀜𑁆𑀘 𑀥𑀫𑁆𑀫𑀁 𑀧𑀝𑀺𑀘𑁆𑀘 𑀅𑀩𑁆𑀬𑀸𑀓𑀢𑁄 𑀅𑀭𑀡𑁄 𑀥𑀫𑁆𑀫𑁄 𑀉𑀧𑁆𑀧𑀚𑁆𑀚𑀢𑀺 𑀳𑁂𑀢𑀼𑀧𑀘𑁆𑀘𑀬𑀸. (𑁧)

𑀓𑀼𑀲𑀮𑀁 𑀅𑀭𑀡𑀁 𑀥𑀫𑁆𑀫𑀁 𑀧𑀝𑀺𑀘𑁆𑀘 𑀓𑀼𑀲𑀮𑁄 𑀅𑀭𑀡𑁄 𑀥𑀫𑁆𑀫𑁄 𑀉𑀧𑁆𑀧𑀚𑁆𑀚𑀢𑀺 𑀆𑀭𑀫𑁆𑀫𑀡𑀧𑀘𑁆𑀘𑀬𑀸. (𑁧)

𑀅𑀩𑁆𑀬𑀸𑀓𑀢𑀁 𑀅𑀭𑀡𑀁 𑀥𑀫𑁆𑀫𑀁 𑀧𑀝𑀺𑀘𑁆𑀘 𑀅𑀩𑁆𑀬𑀸𑀓𑀢𑁄 𑀅𑀭𑀡𑁄 𑀥𑀫𑁆𑀫𑁄 𑀉𑀧𑁆𑀧𑀚𑁆𑀚𑀢𑀺 𑀆𑀭𑀫𑁆𑀫𑀡𑀧𑀘𑁆𑀘𑀬𑀸. (𑁧) (𑀲𑀁𑀔𑀺𑀢𑁆𑀢𑀁.)

𑁬𑁨. 𑀳𑁂𑀢𑀼𑀬𑀸 𑀧𑀜𑁆𑀘, 𑀆𑀭𑀫𑁆𑀫𑀡𑁂 𑀤𑁆𑀯𑁂…𑀧𑁂… 𑀅𑀯𑀺𑀕𑀢𑁂 𑀧𑀜𑁆𑀘 (𑀲𑀁𑀔𑀺𑀢𑁆𑀢𑀁. 𑀲𑀳𑀚𑀸𑀢𑀯𑀸𑀭𑀫𑁆𑀧𑀺…𑀧𑁂… 𑀲𑀫𑁆𑀧𑀬𑀼𑀢𑁆𑀢𑀯𑀸𑀭𑀫𑁆𑀧𑀺 𑀧𑀝𑀺𑀘𑁆𑀘𑀯𑀸𑀭𑀲𑀤𑀺𑀲𑀁).

𑁬𑁩. 𑀓𑀼𑀲𑀮𑁄 𑀅𑀭𑀡𑁄 𑀥𑀫𑁆𑀫𑁄 𑀓𑀼𑀲𑀮𑀲𑁆𑀲 𑀅𑀭𑀡𑀲𑁆𑀲 𑀥𑀫𑁆𑀫𑀲𑁆𑀲 𑀳𑁂𑀢𑀼𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄… 𑀢𑀻𑀡𑀺.

𑀅𑀩𑁆𑀬𑀸𑀓𑀢𑁄 𑀅𑀭𑀡𑁄 𑀥𑀫𑁆𑀫𑁄 𑀅𑀩𑁆𑀬𑀸𑀓𑀢𑀲𑁆𑀲 𑀅𑀭𑀡𑀲𑁆𑀲 𑀥𑀫𑁆𑀫𑀲𑁆𑀲 𑀳𑁂𑀢𑀼𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄. (𑁧) (𑀲𑀁𑀔𑀺𑀢𑁆𑀢𑀁.)

𑁬𑁪. 𑀳𑁂𑀢𑀼𑀬𑀸 𑀘𑀢𑁆𑀢𑀸𑀭𑀺, 𑀆𑀭𑀫𑁆𑀫𑀡𑁂 𑀘𑀢𑁆𑀢𑀸𑀭𑀺…𑀧𑁂… 𑀅𑀯𑀺𑀕𑀢𑁂 𑀲𑀢𑁆𑀢 (𑀲𑀁𑀔𑀺𑀢𑁆𑀢𑀁).

(𑀬𑀣𑀸 𑀓𑀼𑀲𑀮𑀢𑁆𑀢𑀺𑀓𑁂 𑀧𑀜𑁆𑀳𑀸𑀯𑀸𑀭𑀁, 𑀏𑀯𑀁 𑀯𑀺𑀢𑁆𑀣𑀸𑀭𑁂𑀢𑀩𑁆𑀩𑀁.)

𑀓𑀼𑀲𑀮𑀢𑁆𑀢𑀺𑀓𑀧𑀺𑀝𑁆𑀞𑀺𑀤𑀼𑀓𑀁 𑀦𑀺𑀝𑁆𑀞𑀺𑀢𑀁.