𑁧-𑁭. 𑀧𑀝𑀺𑀘𑁆𑀘𑀯𑀸𑀭𑀸𑀤𑀺

𑀧𑀘𑁆𑀘𑀬𑀘𑀢𑀼𑀓𑁆𑀓𑀁

𑀳𑁂𑀢𑀼𑀧𑀘𑁆𑀘𑀬𑁄

𑁨𑁮. 𑀓𑀼𑀲𑀮𑀁 𑀓𑀸𑀫𑀸𑀯𑀘𑀭𑀁 𑀥𑀫𑁆𑀫𑀁 𑀧𑀝𑀺𑀘𑁆𑀘 𑀓𑀼𑀲𑀮𑁄 𑀓𑀸𑀫𑀸𑀯𑀘𑀭𑁄 𑀥𑀫𑁆𑀫𑁄 𑀉𑀧𑁆𑀧𑀚𑁆𑀚𑀢𑀺 𑀳𑁂𑀢𑀼𑀧𑀘𑁆𑀘𑀬𑀸. 𑀓𑀼𑀲𑀮𑀁 𑀓𑀸𑀫𑀸𑀯𑀘𑀭𑀁 𑀥𑀫𑁆𑀫𑀁 𑀧𑀝𑀺𑀘𑁆𑀘 𑀅𑀩𑁆𑀬𑀸𑀓𑀢𑁄 𑀓𑀸𑀫𑀸𑀯𑀘𑀭𑁄 𑀥𑀫𑁆𑀫𑁄 𑀉𑀧𑁆𑀧𑀚𑁆𑀚𑀢𑀺 𑀳𑁂𑀢𑀼𑀧𑀘𑁆𑀘𑀬𑀸. 𑀓𑀼𑀲𑀮𑀁 𑀓𑀸𑀫𑀸𑀯𑀘𑀭𑀁 𑀥𑀫𑁆𑀫𑀁 𑀧𑀝𑀺𑀘𑁆𑀘 𑀓𑀼𑀲𑀮𑁄 𑀓𑀸𑀫𑀸𑀯𑀘𑀭𑁄 𑀘 𑀅𑀩𑁆𑀬𑀸𑀓𑀢𑁄 𑀓𑀸𑀫𑀸𑀯𑀘𑀭𑁄 𑀘 𑀥𑀫𑁆𑀫𑀸 𑀉𑀧𑁆𑀧𑀚𑁆𑀚𑀦𑁆𑀢𑀺 𑀳𑁂𑀢𑀼𑀧𑀘𑁆𑀘𑀬𑀸. (𑁩)

𑀅𑀓𑀼𑀲𑀮𑀁 𑀓𑀸𑀫𑀸𑀯𑀘𑀭𑀁 𑀥𑀫𑁆𑀫𑀁 𑀧𑀝𑀺𑀘𑁆𑀘 𑀅𑀓𑀼𑀲𑀮𑁄 𑀓𑀸𑀫𑀸𑀯𑀘𑀭𑁄 𑀥𑀫𑁆𑀫𑁄 𑀉𑀧𑁆𑀧𑀚𑁆𑀚𑀢𑀺 𑀳𑁂𑀢𑀼𑀧𑀘𑁆𑀘𑀬𑀸… 𑀢𑀻𑀡𑀺.

𑀅𑀩𑁆𑀬𑀸𑀓𑀢𑀁 𑀓𑀸𑀫𑀸𑀯𑀘𑀭𑀁 𑀥𑀫𑁆𑀫𑀁 𑀧𑀝𑀺𑀘𑁆𑀘 𑀅𑀩𑁆𑀬𑀸𑀓𑀢𑁄 𑀓𑀸𑀫𑀸𑀯𑀘𑀭𑁄 𑀥𑀫𑁆𑀫𑁄 𑀉𑀧𑁆𑀧𑀚𑁆𑀚𑀢𑀺 𑀳𑁂𑀢𑀼𑀧𑀘𑁆𑀘𑀬𑀸. (𑁧)

𑀓𑀼𑀲𑀮𑀁 𑀓𑀸𑀫𑀸𑀯𑀘𑀭𑀜𑁆𑀘 𑀅𑀩𑁆𑀬𑀸𑀓𑀢𑀁 𑀓𑀸𑀫𑀸𑀯𑀘𑀭𑀜𑁆𑀘 𑀥𑀫𑁆𑀫𑀁 𑀧𑀝𑀺𑀘𑁆𑀘 𑀅𑀩𑁆𑀬𑀸𑀓𑀢𑁄 𑀓𑀸𑀫𑀸𑀯𑀘𑀭𑁄 𑀥𑀫𑁆𑀫𑁄 𑀉𑀧𑁆𑀧𑀚𑁆𑀚𑀢𑀺 𑀳𑁂𑀢𑀼𑀧𑀘𑁆𑀘𑀬𑀸. (𑁧)

𑀅𑀓𑀼𑀲𑀮𑀁 𑀓𑀸𑀫𑀸𑀯𑀘𑀭𑀜𑁆𑀘 𑀅𑀩𑁆𑀬𑀸𑀓𑀢𑀁 𑀓𑀸𑀫𑀸𑀯𑀘𑀭𑀜𑁆𑀘 𑀥𑀫𑁆𑀫𑀁 𑀧𑀝𑀺𑀘𑁆𑀘 𑀅𑀩𑁆𑀬𑀸𑀓𑀢𑁄 𑀓𑀸𑀫𑀸𑀯𑀘𑀭𑁄 𑀥𑀫𑁆𑀫𑁄 𑀉𑀧𑁆𑀧𑀚𑁆𑀚𑀢𑀺 𑀳𑁂𑀢𑀼𑀧𑀘𑁆𑀘𑀬𑀸. (𑁧) (𑀲𑀁𑀔𑀺𑀢𑁆𑀢𑀁.)

𑁨𑁯. 𑀳𑁂𑀢𑀼𑀬𑀸 𑀦𑀯, 𑀆𑀭𑀫𑁆𑀫𑀡𑁂 𑀢𑀻𑀡𑀺…𑀧𑁂… 𑀅𑀯𑀺𑀕𑀢𑁂 𑀦𑀯 (𑀲𑀁𑀔𑀺𑀢𑁆𑀢𑀁. 𑀲𑀳𑀚𑀸𑀢𑀯𑀸𑀭𑀫𑁆𑀧𑀺…𑀧𑁂… 𑀲𑀫𑁆𑀧𑀬𑀼𑀢𑁆𑀢𑀯𑀸𑀭𑀫𑁆𑀧𑀺 𑀧𑀝𑀺𑀘𑁆𑀘𑀯𑀸𑀭𑀲𑀤𑀺𑀲𑀁).

𑁩𑁦. 𑀓𑀼𑀲𑀮𑁄 𑀓𑀸𑀫𑀸𑀯𑀘𑀭𑁄 𑀥𑀫𑁆𑀫𑁄 𑀓𑀼𑀲𑀮𑀲𑁆𑀲 𑀓𑀸𑀫𑀸𑀯𑀘𑀭𑀲𑁆𑀲 𑀥𑀫𑁆𑀫𑀲𑁆𑀲 𑀳𑁂𑀢𑀼𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄… 𑀢𑀻𑀡𑀺.

𑀅𑀓𑀼𑀲𑀮𑁄 𑀓𑀸𑀫𑀸𑀯𑀘𑀭𑁄 𑀥𑀫𑁆𑀫𑁄 𑀓𑀼𑀲𑀮𑀲𑁆𑀲 𑀓𑀸𑀫𑀸𑀯𑀘𑀭𑀲𑁆𑀲 𑀥𑀫𑁆𑀫𑀲𑁆𑀲 𑀳𑁂𑀢𑀼𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄… 𑀢𑀻𑀡𑀺.

𑀅𑀩𑁆𑀬𑀸𑀓𑀢𑁄 𑀓𑀸𑀫𑀸𑀯𑀘𑀭𑁄 𑀥𑀫𑁆𑀫𑁄 𑀅𑀩𑁆𑀬𑀸𑀓𑀢𑀲𑁆𑀲 𑀓𑀸𑀫𑀸𑀯𑀘𑀭𑀲𑁆𑀲 𑀥𑀫𑁆𑀫𑀲𑁆𑀲 𑀳𑁂𑀢𑀼𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄. (𑁧) (𑀲𑀁𑀔𑀺𑀢𑁆𑀢𑀁.)

𑁩𑁧. 𑀳𑁂𑀢𑀼𑀬𑀸 𑀲𑀢𑁆𑀢, 𑀆𑀭𑀫𑁆𑀫𑀡𑁂 𑀦𑀯, 𑀅𑀥𑀺𑀧𑀢𑀺𑀬𑀸 𑀦𑀯…𑀧𑁂… 𑀅𑀯𑀺𑀕𑀢𑁂 𑀢𑁂𑀭𑀲 (𑀲𑀁𑀔𑀺𑀢𑁆𑀢𑀁. 𑀬𑀣𑀸 𑀓𑀼𑀲𑀮𑀢𑁆𑀢𑀺𑀓𑁂 𑀧𑀜𑁆𑀳𑀸𑀯𑀸𑀭𑀁, 𑀏𑀯𑀁 𑀯𑀺𑀢𑁆𑀣𑀸𑀭𑁂𑀢𑀩𑁆𑀩𑀁).

𑀦𑀓𑀸𑀫𑀸𑀯𑀘𑀭𑀧𑀤𑀁

𑀳𑁂𑀢𑀼-𑀆𑀭𑀫𑁆𑀫𑀡𑀧𑀘𑁆𑀘𑀬𑀸

𑁩𑁨. 𑀓𑀼𑀲𑀮𑀁 𑀦𑀓𑀸𑀫𑀸𑀯𑀘𑀭𑀁 𑀥𑀫𑁆𑀫𑀁 𑀧𑀝𑀺𑀘𑁆𑀘 𑀓𑀼𑀲𑀮𑁄 𑀦𑀓𑀸𑀫𑀸𑀯𑀘𑀭𑁄 𑀥𑀫𑁆𑀫𑁄 𑀉𑀧𑁆𑀧𑀚𑁆𑀚𑀢𑀺 𑀳𑁂𑀢𑀼𑀧𑀘𑁆𑀘𑀬𑀸. (𑁧)

𑀅𑀩𑁆𑀬𑀸𑀓𑀢𑀁 𑀦𑀓𑀸𑀫𑀸𑀯𑀘𑀭𑀁 𑀥𑀫𑁆𑀫𑀁 𑀧𑀝𑀺𑀘𑁆𑀘 𑀅𑀩𑁆𑀬𑀸𑀓𑀢𑁄 𑀦𑀓𑀸𑀫𑀸𑀯𑀘𑀭𑁄 𑀥𑀫𑁆𑀫𑁄 𑀉𑀧𑁆𑀧𑀚𑁆𑀚𑀢𑀺 𑀳𑁂𑀢𑀼𑀧𑀘𑁆𑀘𑀬𑀸. (𑁧) (𑀲𑀁𑀔𑀺𑀢𑁆𑀢𑀁.)

𑀳𑁂𑀢𑀼𑀬𑀸 𑀤𑁆𑀯𑁂, 𑀆𑀭𑀫𑁆𑀫𑀡𑁂 𑀤𑁆𑀯𑁂…𑀧𑁂… 𑀅𑀯𑀺𑀕𑀢𑁂 𑀤𑁆𑀯𑁂 (𑀲𑀁𑀔𑀺𑀢𑁆𑀢𑀁. 𑀲𑀳𑀚𑀸𑀢𑀯𑀸𑀭𑀫𑁆𑀧𑀺…𑀧𑁂… 𑀲𑀫𑁆𑀧𑀬𑀼𑀢𑁆𑀢𑀯𑀸𑀭𑀫𑁆𑀧𑀺 𑀧𑀝𑀺𑀘𑁆𑀘𑀯𑀸𑀭𑀲𑀤𑀺𑀲𑀁).

𑁩𑁩. 𑀓𑀼𑀲𑀮𑁄 𑀦𑀓𑀸𑀫𑀸𑀯𑀘𑀭𑁄 𑀥𑀫𑁆𑀫𑁄 𑀓𑀼𑀲𑀮𑀲𑁆𑀲 𑀦𑀓𑀸𑀫𑀸𑀯𑀘𑀭𑀲𑁆𑀲 𑀥𑀫𑁆𑀫𑀲𑁆𑀲 𑀳𑁂𑀢𑀼𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄. (𑁧)

𑀅𑀩𑁆𑀬𑀸𑀓𑀢𑁄 𑀦𑀓𑀸𑀫𑀸𑀯𑀘𑀭𑁄 𑀥𑀫𑁆𑀫𑁄 𑀅𑀩𑁆𑀬𑀸𑀓𑀢𑀲𑁆𑀲 𑀦𑀓𑀸𑀫𑀸𑀯𑀘𑀭𑀲𑁆𑀲 𑀥𑀫𑁆𑀫𑀲𑁆𑀲 𑀳𑁂𑀢𑀼𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄. (𑁧)

𑀓𑀼𑀲𑀮𑁄 𑀦𑀓𑀸𑀫𑀸𑀯𑀘𑀭𑁄 𑀥𑀫𑁆𑀫𑁄 𑀓𑀼𑀲𑀮𑀲𑁆𑀲 𑀦𑀓𑀸𑀫𑀸𑀯𑀘𑀭𑀲𑁆𑀲 𑀥𑀫𑁆𑀫𑀲𑁆𑀲 𑀆𑀭𑀫𑁆𑀫𑀡𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄. 𑀓𑀼𑀲𑀮𑁄 𑀦𑀓𑀸𑀫𑀸𑀯𑀘𑀭𑁄 𑀥𑀫𑁆𑀫𑁄 𑀅𑀩𑁆𑀬𑀸𑀓𑀢𑀲𑁆𑀲 𑀦𑀓𑀸𑀫𑀸𑀯𑀘𑀭𑀲𑁆𑀲 𑀥𑀫𑁆𑀫𑀲𑁆𑀲 𑀆𑀭𑀫𑁆𑀫𑀡𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄. (𑁨)

𑀅𑀩𑁆𑀬𑀸𑀓𑀢𑁄 𑀦𑀓𑀸𑀫𑀸𑀯𑀘𑀭𑁄 𑀥𑀫𑁆𑀫𑁄 𑀅𑀩𑁆𑀬𑀸𑀓𑀢𑀲𑁆𑀲 𑀦𑀓𑀸𑀫𑀸𑀯𑀘𑀭𑀲𑁆𑀲 𑀥𑀫𑁆𑀫𑀲𑁆𑀲 𑀆𑀭𑀫𑁆𑀫𑀡𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄. 𑀅𑀩𑁆𑀬𑀸𑀓𑀢𑁄 𑀦𑀓𑀸𑀫𑀸𑀯𑀘𑀭𑁄 𑀥𑀫𑁆𑀫𑁄 𑀓𑀼𑀲𑀮𑀲𑁆𑀲 𑀦𑀓𑀸𑀫𑀸𑀯𑀘𑀭𑀲𑁆𑀲 𑀥𑀫𑁆𑀫𑀲𑁆𑀲 𑀆𑀭𑀫𑁆𑀫𑀡𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄. (𑁨)

𑁩𑁪. 𑀳𑁂𑀢𑀼𑀬𑀸 𑀤𑁆𑀯𑁂, 𑀆𑀭𑀫𑁆𑀫𑀡𑁂 𑀘𑀢𑁆𑀢𑀸𑀭𑀺, 𑀅𑀥𑀺𑀧𑀢𑀺𑀬𑀸 𑀢𑀻𑀡𑀺…𑀧𑁂… 𑀅𑀯𑀺𑀕𑀢𑁂 𑀤𑁆𑀯𑁂 (𑀲𑀁𑀔𑀺𑀢𑁆𑀢𑀁).

(𑀬𑀣𑀸 𑀓𑀼𑀲𑀮𑀢𑁆𑀢𑀺𑀓𑁂 𑀧𑀜𑁆𑀳𑀸𑀯𑀸𑀭𑀁, 𑀏𑀯𑀁 𑀯𑀺𑀢𑁆𑀣𑀸𑀭𑁂𑀢𑀩𑁆𑀩𑀁.)