𑁧. 𑀯𑀺𑀪𑀗𑁆𑀕𑀯𑀸𑀭𑁄

𑀳𑁂𑀢𑀼𑀧𑀘𑁆𑀘𑀬𑁄

𑁮𑁦. 𑀓𑀺𑀮𑁂𑀲𑀜𑁆𑀘𑁂𑀯 𑀲𑀁𑀓𑀺𑀮𑀺𑀝𑁆𑀞𑀜𑁆𑀘 𑀥𑀫𑁆𑀫𑀁 𑀧𑀝𑀺𑀘𑁆𑀘 𑀓𑀺𑀮𑁂𑀲𑁄 𑀘𑁂𑀯 𑀲𑀁𑀓𑀺𑀮𑀺𑀝𑁆𑀞𑁄 𑀘 𑀥𑀫𑁆𑀫𑁄 𑀉𑀧𑁆𑀧𑀚𑁆𑀚𑀢𑀺 𑀳𑁂𑀢𑀼𑀧𑀘𑁆𑀘𑀬𑀸 𑁋 𑀮𑁄𑀪𑀁 𑀧𑀝𑀺𑀘𑁆𑀘 𑀫𑁄𑀳𑁄 𑀤𑀺𑀝𑁆𑀞𑀺 𑀣𑀺𑀦𑀁 𑀉𑀤𑁆𑀥𑀘𑁆𑀘𑀁 𑀅𑀳𑀺𑀭𑀺𑀓𑀁 𑀅𑀦𑁄𑀢𑁆𑀢𑀧𑁆𑀧𑀁 (𑀘𑀓𑁆𑀓𑀁). (𑁧)

𑀓𑀺𑀮𑁂𑀲𑀜𑁆𑀘𑁂𑀯 𑀲𑀁𑀓𑀺𑀮𑀺𑀝𑁆𑀞𑀜𑁆𑀘 𑀥𑀫𑁆𑀫𑀁 𑀧𑀝𑀺𑀘𑁆𑀘 𑀲𑀁𑀓𑀺𑀮𑀺𑀝𑁆𑀞𑁄 𑀘𑁂𑀯 𑀦𑁄 𑀘 𑀓𑀺𑀮𑁂𑀲𑁄 𑀥𑀫𑁆𑀫𑁄 𑀉𑀧𑁆𑀧𑀚𑁆𑀚𑀢𑀺 𑀳𑁂𑀢𑀼𑀧𑀘𑁆𑀘𑀬𑀸 𑁋 𑀓𑀺𑀮𑁂𑀲𑁂 𑀧𑀝𑀺𑀘𑁆𑀘 𑀲𑀫𑁆𑀧𑀬𑀼𑀢𑁆𑀢𑀓𑀸 𑀔𑀦𑁆𑀥𑀸. (𑁨)

𑀓𑀺𑀮𑁂𑀲𑀜𑁆𑀘𑁂𑀯 𑀲𑀁𑀓𑀺𑀮𑀺𑀝𑁆𑀞𑀜𑁆𑀘 𑀥𑀫𑁆𑀫𑀁 𑀧𑀝𑀺𑀘𑁆𑀘 𑀓𑀺𑀮𑁂𑀲𑁄 𑀘𑁂𑀯 𑀲𑀁𑀓𑀺𑀮𑀺𑀝𑁆𑀞𑁄 𑀘 𑀲𑀁𑀓𑀺𑀮𑀺𑀝𑁆𑀞𑁄 𑀘𑁂𑀯 𑀦𑁄 𑀘 𑀓𑀺𑀮𑁂𑀲𑁄 𑀘 𑀥𑀫𑁆𑀫𑀸 𑀉𑀧𑁆𑀧𑀚𑁆𑀚𑀦𑁆𑀢𑀺 𑀳𑁂𑀢𑀼𑀧𑀘𑁆𑀘𑀬𑀸 𑁋 𑀮𑁄𑀪𑀁 𑀧𑀝𑀺𑀘𑁆𑀘 𑀫𑁄𑀳𑁄 𑀤𑀺𑀝𑁆𑀞𑀺 𑀣𑀺𑀦𑀁 𑀉𑀤𑁆𑀥𑀘𑁆𑀘𑀁 𑀅𑀳𑀺𑀭𑀺𑀓𑀁 𑀅𑀦𑁄𑀢𑁆𑀢𑀧𑁆𑀧𑀁 𑀲𑀫𑁆𑀧𑀬𑀼𑀢𑁆𑀢𑀓𑀸 𑀘 𑀔𑀦𑁆𑀥𑀸 (𑀘𑀓𑁆𑀓𑀁). (𑁩)

𑁮𑁧. 𑀲𑀁𑀓𑀺𑀮𑀺𑀝𑁆𑀞𑀜𑁆𑀘𑁂𑀯 𑀦𑁄 𑀘 𑀓𑀺𑀮𑁂𑀲𑀁 𑀥𑀫𑁆𑀫𑀁 𑀧𑀝𑀺𑀘𑁆𑀘 𑀲𑀁𑀓𑀺𑀮𑀺𑀝𑁆𑀞𑁄 𑀘𑁂𑀯 𑀦𑁄 𑀘 𑀓𑀺𑀮𑁂𑀲𑁄 𑀥𑀫𑁆𑀫𑁄 𑀉𑀧𑁆𑀧𑀚𑁆𑀚𑀢𑀺 𑀳𑁂𑀢𑀼𑀧𑀘𑁆𑀘𑀬𑀸 𑁋 𑀲𑀁𑀓𑀺𑀮𑀺𑀝𑁆𑀞𑀜𑁆𑀘𑁂𑀯 𑀦𑁄 𑀘 𑀓𑀺𑀮𑁂𑀲𑀁 𑀏𑀓𑀁 𑀔𑀦𑁆𑀥𑀁 𑀧𑀝𑀺𑀘𑁆𑀘 𑀢𑀬𑁄 𑀔𑀦𑁆𑀥𑀸…𑀧𑁂… 𑀤𑁆𑀯𑁂 𑀔𑀦𑁆𑀥𑁂…𑀧𑁂…. (𑁧)

𑀲𑀁𑀓𑀺𑀮𑀺𑀝𑁆𑀞𑀜𑁆𑀘𑁂𑀯 𑀦𑁄 𑀘 𑀓𑀺𑀮𑁂𑀲𑀁 𑀥𑀫𑁆𑀫𑀁 𑀧𑀝𑀺𑀘𑁆𑀘 𑀓𑀺𑀮𑁂𑀲𑁄 𑀘𑁂𑀯 𑀲𑀁𑀓𑀺𑀮𑀺𑀝𑁆𑀞𑁄 𑀘 𑀥𑀫𑁆𑀫𑁄 𑀉𑀧𑁆𑀧𑀚𑁆𑀚𑀢𑀺 𑀳𑁂𑀢𑀼𑀧𑀘𑁆𑀘𑀬𑀸 𑁋 𑀲𑀁𑀓𑀺𑀮𑀺𑀝𑁆𑀞𑁂 𑀘𑁂𑀯 𑀦𑁄 𑀘 𑀓𑀺𑀮𑁂𑀲𑁂 𑀔𑀦𑁆𑀥𑁂 𑀧𑀝𑀺𑀘𑁆𑀘 𑀓𑀺𑀮𑁂𑀲𑀸. (𑁨)

𑀲𑀁𑀓𑀺𑀮𑀺𑀝𑁆𑀞𑀜𑁆𑀘𑁂𑀯 𑀦𑁄 𑀘 𑀓𑀺𑀮𑁂𑀲𑀁 𑀥𑀫𑁆𑀫𑀁 𑀧𑀝𑀺𑀘𑁆𑀘 𑀓𑀺𑀮𑁂𑀲𑁄 𑀘𑁂𑀯 𑀲𑀁𑀓𑀺𑀮𑀺𑀝𑁆𑀞𑁄 𑀘 𑀲𑀁𑀓𑀺𑀮𑀺𑀝𑁆𑀞𑁄 𑀘𑁂𑀯 𑀦𑁄 𑀘 𑀓𑀺𑀮𑁂𑀲𑁄 𑀘 𑀥𑀫𑁆𑀫𑀸 𑀉𑀧𑁆𑀧𑀚𑁆𑀚𑀦𑁆𑀢𑀺 𑀳𑁂𑀢𑀼𑀧𑀘𑁆𑀘𑀬𑀸 𑁋 𑀲𑀁𑀓𑀺𑀮𑀺𑀝𑁆𑀞𑀜𑁆𑀘𑁂𑀯 𑀦𑁄 𑀘 𑀓𑀺𑀮𑁂𑀲𑀁 𑀏𑀓𑀁 𑀔𑀦𑁆𑀥𑀁 𑀧𑀝𑀺𑀘𑁆𑀘 𑀢𑀬𑁄 𑀔𑀦𑁆𑀥𑀸 𑀓𑀺𑀮𑁂𑀲𑀸 𑀘…𑀧𑁂… 𑀤𑁆𑀯𑁂 𑀔𑀦𑁆𑀥𑁂…𑀧𑁂…. (𑁩)

𑁮𑁨. 𑀓𑀺𑀮𑁂𑀲𑀜𑁆𑀘𑁂𑀯 𑀲𑀁𑀓𑀺𑀮𑀺𑀝𑁆𑀞𑀜𑁆𑀘 𑀲𑀁𑀓𑀺𑀮𑀺𑀝𑁆𑀞𑀜𑁆𑀘𑁂𑀯 𑀦𑁄 𑀘 𑀓𑀺𑀮𑁂𑀲𑀜𑁆𑀘 𑀥𑀫𑁆𑀫𑀁 𑀧𑀝𑀺𑀘𑁆𑀘 𑀓𑀺𑀮𑁂𑀲𑁄 𑀘𑁂𑀯 𑀲𑀁𑀓𑀺𑀮𑀺𑀝𑁆𑀞𑁄 𑀘 𑀥𑀫𑁆𑀫𑁄 𑀉𑀧𑁆𑀧𑀚𑁆𑀚𑀢𑀺 𑀳𑁂𑀢𑀼𑀧𑀘𑁆𑀘𑀬𑀸 𑁋 𑀮𑁄𑀪𑀜𑁆𑀘 𑀲𑀫𑁆𑀧𑀬𑀼𑀢𑁆𑀢𑀓𑁂 𑀘 𑀔𑀦𑁆𑀥𑁂 𑀧𑀝𑀺𑀘𑁆𑀘 𑀫𑁄𑀳𑁄 𑀤𑀺𑀝𑁆𑀞𑀺 𑀣𑀺𑀦𑀁 𑀉𑀤𑁆𑀥𑀘𑁆𑀘𑀁 𑀅𑀳𑀺𑀭𑀺𑀓𑀁 𑀅𑀦𑁄𑀢𑁆𑀢𑀧𑁆𑀧𑀁 (𑀘𑀓𑁆𑀓𑀁). (𑁧)

𑀓𑀺𑀮𑁂𑀲𑀜𑁆𑀘𑁂𑀯 𑀲𑀁𑀓𑀺𑀮𑀺𑀝𑁆𑀞𑀜𑁆𑀘 𑀲𑀁𑀓𑀺𑀮𑀺𑀝𑁆𑀞𑀜𑁆𑀘𑁂𑀯 𑀦𑁄 𑀘 𑀓𑀺𑀮𑁂𑀲𑀜𑁆𑀘 𑀥𑀫𑁆𑀫𑀁 𑀧𑀝𑀺𑀘𑁆𑀘 𑀲𑀁𑀓𑀺𑀮𑀺𑀝𑁆𑀞𑁄 𑀘𑁂𑀯 𑀦𑁄 𑀘 𑀓𑀺𑀮𑁂𑀲𑁄 𑀥𑀫𑁆𑀫𑁄 𑀉𑀧𑁆𑀧𑀚𑁆𑀚𑀢𑀺 𑀳𑁂𑀢𑀼𑀧𑀘𑁆𑀘𑀬𑀸 𑁋 𑀲𑀁𑀓𑀺𑀮𑀺𑀝𑁆𑀞𑀜𑁆𑀘𑁂𑀯 𑀦𑁄 𑀘 𑀓𑀺𑀮𑁂𑀲𑀁 𑀏𑀓𑀁 𑀔𑀦𑁆𑀥𑀜𑁆𑀘 𑀓𑀺𑀮𑁂𑀲𑁂 𑀘 𑀧𑀝𑀺𑀘𑁆𑀘 𑀢𑀬𑁄 𑀔𑀦𑁆𑀥𑀸…𑀧𑁂… 𑀤𑁆𑀯𑁂 𑀔𑀦𑁆𑀥𑁂 𑀘…𑀧𑁂…. (𑁨)

𑀓𑀺𑀮𑁂𑀲𑀜𑁆𑀘𑁂𑀯 𑀲𑀁𑀓𑀺𑀮𑀺𑀝𑁆𑀞𑀜𑁆𑀘 𑀲𑀁𑀓𑀺𑀮𑀺𑀝𑁆𑀞𑀜𑁆𑀘𑁂𑀯 𑀦𑁄 𑀘 𑀓𑀺𑀮𑁂𑀲𑀜𑁆𑀘 𑀥𑀫𑁆𑀫𑀁 𑀧𑀝𑀺𑀘𑁆𑀘 𑀓𑀺𑀮𑁂𑀲𑁄 𑀘𑁂𑀯 𑀲𑀁𑀓𑀺𑀮𑀺𑀝𑁆𑀞𑁄 𑀘 𑀲𑀁𑀓𑀺𑀮𑀺𑀝𑁆𑀞𑁄 𑀘𑁂𑀯 𑀦𑁄 𑀘 𑀓𑀺𑀮𑁂𑀲𑁄 𑀘 𑀥𑀫𑁆𑀫𑀸 𑀉𑀧𑁆𑀧𑀚𑁆𑀚𑀦𑁆𑀢𑀺 𑀳𑁂𑀢𑀼𑀧𑀘𑁆𑀘𑀬𑀸 𑁋 𑀲𑀁𑀓𑀺𑀮𑀺𑀝𑁆𑀞𑀜𑁆𑀘𑁂𑀯 𑀦𑁄 𑀘 𑀓𑀺𑀮𑁂𑀲𑀁 𑀏𑀓𑀁 𑀔𑀦𑁆𑀥𑀜𑁆𑀘 𑀮𑁄𑀪𑀜𑁆𑀘 𑀧𑀝𑀺𑀘𑁆𑀘 𑀢𑀬𑁄 𑀔𑀦𑁆𑀥𑀸 𑀫𑁄𑀳𑁄 𑀤𑀺𑀝𑁆𑀞𑀺 𑀣𑀺𑀦𑀁 𑀉𑀤𑁆𑀥𑀘𑁆𑀘𑀁 𑀅𑀳𑀺𑀭𑀺𑀓𑀁 𑀅𑀦𑁄𑀢𑁆𑀢𑀧𑁆𑀧𑀁…𑀧𑁂… 𑀤𑁆𑀯𑁂 𑀔𑀦𑁆𑀥𑁂 𑀘…𑀧𑁂… (𑀘𑀓𑁆𑀓𑀁). (𑁩)