𑁭. 𑀧𑀜𑁆𑀳𑀸𑀯𑀸𑀭𑁄

𑀧𑀘𑁆𑀘𑀬𑀘𑀢𑀼𑀓𑁆𑀓𑀁

𑀳𑁂𑀢𑀼𑀧𑀘𑁆𑀘𑀬𑁄

𑁫𑁪. 𑀳𑁂𑀢𑀼 𑀅𑀩𑁆𑀬𑀸𑀓𑀢𑁄 𑀥𑀫𑁆𑀫𑁄 𑀳𑁂𑀢𑀼𑀲𑁆𑀲 𑀅𑀩𑁆𑀬𑀸𑀓𑀢𑀲𑁆𑀲 𑀥𑀫𑁆𑀫𑀲𑁆𑀲 𑀳𑁂𑀢𑀼𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄. 𑀳𑁂𑀢𑀼 𑀅𑀩𑁆𑀬𑀸𑀓𑀢𑁄 𑀥𑀫𑁆𑀫𑁄 𑀦𑀳𑁂𑀢𑀼𑀲𑁆𑀲 𑀅𑀩𑁆𑀬𑀸𑀓𑀢𑀲𑁆𑀲 𑀥𑀫𑁆𑀫𑀲𑁆𑀲 𑀳𑁂𑀢𑀼𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄. 𑀳𑁂𑀢𑀼 𑀅𑀩𑁆𑀬𑀸𑀓𑀢𑁄 𑀥𑀫𑁆𑀫𑁄 𑀳𑁂𑀢𑀼𑀲𑁆𑀲 𑀅𑀩𑁆𑀬𑀸𑀓𑀢𑀲𑁆𑀲 𑀘 𑀦𑀳𑁂𑀢𑀼𑀲𑁆𑀲 𑀅𑀩𑁆𑀬𑀸𑀓𑀢𑀲𑁆𑀲 𑀘 𑀥𑀫𑁆𑀫𑀲𑁆𑀲 𑀳𑁂𑀢𑀼𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄. (𑁩)

𑀆𑀭𑀫𑁆𑀫𑀡𑀧𑀘𑁆𑀘𑀬𑀸𑀤𑀺

𑁫𑁫. 𑀳𑁂𑀢𑀼 𑀅𑀩𑁆𑀬𑀸𑀓𑀢𑁄 𑀥𑀫𑁆𑀫𑁄 𑀳𑁂𑀢𑀼𑀲𑁆𑀲 𑀅𑀩𑁆𑀬𑀸𑀓𑀢𑀲𑁆𑀲 𑀥𑀫𑁆𑀫𑀲𑁆𑀲 𑀆𑀭𑀫𑁆𑀫𑀡𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄… 𑀦𑀯.

𑁫𑁬. 𑀳𑁂𑀢𑀼 𑀅𑀩𑁆𑀬𑀸𑀓𑀢𑁄 𑀥𑀫𑁆𑀫𑁄 𑀳𑁂𑀢𑀼𑀲𑁆𑀲 𑀅𑀩𑁆𑀬𑀸𑀓𑀢𑀲𑁆𑀲 𑀥𑀫𑁆𑀫𑀲𑁆𑀲 𑀅𑀥𑀺𑀧𑀢𑀺𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄 𑁋 𑀆𑀭𑀫𑁆𑀫𑀡𑀸𑀥𑀺𑀧𑀢𑀺, 𑀲𑀳𑀚𑀸𑀢𑀸𑀥𑀺𑀧𑀢𑀺… 𑀢𑀻𑀡𑀺.

𑀦𑀳𑁂𑀢𑀼 𑀅𑀩𑁆𑀬𑀸𑀓𑀢𑁄 𑀥𑀫𑁆𑀫𑁄 𑀦𑀳𑁂𑀢𑀼𑀲𑁆𑀲 𑀅𑀩𑁆𑀬𑀸𑀓𑀢𑀲𑁆𑀲 𑀥𑀫𑁆𑀫𑀲𑁆𑀲 𑀅𑀥𑀺𑀧𑀢𑀺𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄 𑁋 𑀆𑀭𑀫𑁆𑀫𑀡𑀸𑀥𑀺𑀧𑀢𑀺, 𑀲𑀳𑀚𑀸𑀢𑀸𑀥𑀺𑀧𑀢𑀺… 𑀢𑀻𑀡𑀺.

𑀳𑁂𑀢𑀼 𑀅𑀩𑁆𑀬𑀸𑀓𑀢𑁄 𑀘 𑀦𑀳𑁂𑀢𑀼 𑀅𑀩𑁆𑀬𑀸𑀓𑀢𑁄 𑀘 𑀥𑀫𑁆𑀫𑀸 𑀳𑁂𑀢𑀼𑀲𑁆𑀲 𑀅𑀩𑁆𑀬𑀸𑀓𑀢𑀲𑁆𑀲 𑀥𑀫𑁆𑀫𑀲𑁆𑀲 𑀅𑀥𑀺𑀧𑀢𑀺𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄 𑁋 𑀆𑀭𑀫𑁆𑀫𑀡𑀸𑀥𑀺𑀧𑀢𑀺… 𑀢𑀻𑀡𑀺…𑀧𑁂….

𑀧𑀼𑀭𑁂𑀚𑀸𑀢𑀧𑀘𑁆𑀘𑀬𑀸𑀤𑀺

𑁫𑁭. 𑀦𑀳𑁂𑀢𑀼 𑀅𑀩𑁆𑀬𑀸𑀓𑀢𑁄 𑀥𑀫𑁆𑀫𑁄 𑀦𑀳𑁂𑀢𑀼𑀲𑁆𑀲 𑀅𑀩𑁆𑀬𑀸𑀓𑀢𑀲𑁆𑀲 𑀥𑀫𑁆𑀫𑀲𑁆𑀲 𑀧𑀼𑀭𑁂𑀚𑀸𑀢𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄… 𑀢𑀻𑀡𑀺.

𑁫𑁮. 𑀳𑁂𑀢𑀼 𑀅𑀩𑁆𑀬𑀸𑀓𑀢𑁄 𑀥𑀫𑁆𑀫𑁄 𑀦𑀳𑁂𑀢𑀼𑀲𑁆𑀲 𑀅𑀩𑁆𑀬𑀸𑀓𑀢𑀲𑁆𑀲 𑀥𑀫𑁆𑀫𑀲𑁆𑀲 𑀧𑀘𑁆𑀙𑀸𑀚𑀸𑀢𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄. (𑁧)

𑀦𑀳𑁂𑀢𑀼 𑀅𑀩𑁆𑀬𑀸𑀓𑀢𑁄 𑀥𑀫𑁆𑀫𑁄 𑀦𑀳𑁂𑀢𑀼𑀲𑁆𑀲 𑀅𑀩𑁆𑀬𑀸𑀓𑀢𑀲𑁆𑀲 𑀥𑀫𑁆𑀫𑀲𑁆𑀲 𑀧𑀘𑁆𑀙𑀸𑀚𑀸𑀢𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄. (𑁧)

𑀳𑁂𑀢𑀼 𑀅𑀩𑁆𑀬𑀸𑀓𑀢𑁄 𑀘 𑀦𑀳𑁂𑀢𑀼 𑀅𑀩𑁆𑀬𑀸𑀓𑀢𑁄 𑀘 𑀥𑀫𑁆𑀫𑀸 𑀦𑀳𑁂𑀢𑀼𑀲𑁆𑀲 𑀅𑀩𑁆𑀬𑀸𑀓𑀢𑀲𑁆𑀲 𑀥𑀫𑁆𑀫𑀲𑁆𑀲 𑀧𑀘𑁆𑀙𑀸𑀚𑀸𑀢𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄. (𑁧)

𑁫𑁯. 𑀦𑀳𑁂𑀢𑀼 𑀅𑀩𑁆𑀬𑀸𑀓𑀢𑁄 𑀥𑀫𑁆𑀫𑁄 𑀦𑀳𑁂𑀢𑀼𑀲𑁆𑀲 𑀅𑀩𑁆𑀬𑀸𑀓𑀢𑀲𑁆𑀲 𑀥𑀫𑁆𑀫𑀲𑁆𑀲 𑀓𑀫𑁆𑀫𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄… 𑀢𑀻𑀡𑀺.

𑁬𑁦. 𑀳𑁂𑀢𑀼 𑀅𑀩𑁆𑀬𑀸𑀓𑀢𑁄 𑀥𑀫𑁆𑀫𑁄 𑀳𑁂𑀢𑀼𑀲𑁆𑀲 𑀅𑀩𑁆𑀬𑀸𑀓𑀢𑀲𑁆𑀲 𑀥𑀫𑁆𑀫𑀲𑁆𑀲 𑀯𑀺𑀧𑀸𑀓𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄… 𑀦𑀯.

𑁬𑁧. 𑀦𑀳𑁂𑀢𑀼 𑀅𑀩𑁆𑀬𑀸𑀓𑀢𑁄 𑀥𑀫𑁆𑀫𑁄 𑀦𑀳𑁂𑀢𑀼𑀲𑁆𑀲 𑀅𑀩𑁆𑀬𑀸𑀓𑀢𑀲𑁆𑀲 𑀥𑀫𑁆𑀫𑀲𑁆𑀲 𑀆𑀳𑀸𑀭𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄… 𑀇𑀦𑁆𑀤𑁆𑀭𑀺𑀬𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄… 𑀛𑀸𑀦𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄… 𑀫𑀕𑁆𑀕𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄… 𑀲𑀫𑁆𑀧𑀬𑀼𑀢𑁆𑀢𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄.

𑀯𑀺𑀧𑁆𑀧𑀬𑀼𑀢𑁆𑀢𑀧𑀘𑁆𑀘𑀬𑁄

𑁬𑁨. 𑀳𑁂𑀢𑀼 𑀅𑀩𑁆𑀬𑀸𑀓𑀢𑁄 𑀥𑀫𑁆𑀫𑁄 𑀦𑀳𑁂𑀢𑀼𑀲𑁆𑀲 𑀅𑀩𑁆𑀬𑀸𑀓𑀢𑀲𑁆𑀲 𑀥𑀫𑁆𑀫𑀲𑁆𑀲 𑀯𑀺𑀧𑁆𑀧𑀬𑀼𑀢𑁆𑀢𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄. (𑁧)

𑀦𑀳𑁂𑀢𑀼 𑀅𑀩𑁆𑀬𑀸𑀓𑀢𑁄 𑀥𑀫𑁆𑀫𑁄 𑀦𑀳𑁂𑀢𑀼𑀲𑁆𑀲 𑀅𑀩𑁆𑀬𑀸𑀓𑀢𑀲𑁆𑀲 𑀥𑀫𑁆𑀫𑀲𑁆𑀲 𑀯𑀺𑀧𑁆𑀧𑀬𑀼𑀢𑁆𑀢𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄… 𑀢𑀻𑀡𑀺.

𑀳𑁂𑀢𑀼 𑀅𑀩𑁆𑀬𑀸𑀓𑀢𑁄 𑀘 𑀦𑀳𑁂𑀢𑀼 𑀅𑀩𑁆𑀬𑀸𑀓𑀢𑁄 𑀘 𑀥𑀫𑁆𑀫𑀸 𑀦𑀳𑁂𑀢𑀼𑀲𑁆𑀲 𑀅𑀩𑁆𑀬𑀸𑀓𑀢𑀲𑁆𑀲 𑀥𑀫𑁆𑀫𑀲𑁆𑀲 𑀯𑀺𑀧𑁆𑀧𑀬𑀼𑀢𑁆𑀢𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄. (𑁧) (𑀲𑀁𑀔𑀺𑀢𑁆𑀢𑀁.)

𑁬𑁩. 𑀳𑁂𑀢𑀼𑀬𑀸 𑀢𑀻𑀡𑀺, 𑀆𑀭𑀫𑁆𑀫𑀡𑁂 𑀦𑀯, 𑀅𑀥𑀺𑀧𑀢𑀺𑀬𑀸 𑀦𑀯, 𑀅𑀦𑀦𑁆𑀢𑀭𑁂 𑀦𑀯, 𑀲𑀫𑀦𑀦𑁆𑀢𑀭𑁂 𑀦𑀯, 𑀲𑀳𑀚𑀸𑀢𑁂 𑀦𑀯, 𑀅𑀜𑁆𑀜𑀫𑀜𑁆𑀜𑁂 𑀦𑀯, 𑀦𑀺𑀲𑁆𑀲𑀬𑁂 𑀦𑀯, 𑀉𑀧𑀦𑀺𑀲𑁆𑀲𑀬𑁂 𑀦𑀯, 𑀧𑀼𑀭𑁂𑀚𑀸𑀢𑁂 𑀢𑀻𑀡𑀺, 𑀧𑀘𑁆𑀙𑀸𑀚𑀸𑀢𑁂 𑀢𑀻𑀡𑀺, 𑀆𑀲𑁂𑀯𑀦𑁂 𑀦𑀯, 𑀓𑀫𑁆𑀫𑁂 𑀢𑀻𑀡𑀺, 𑀯𑀺𑀧𑀸𑀓𑁂 𑀦𑀯, 𑀆𑀳𑀸𑀭𑁂 𑀢𑀻𑀡𑀺, 𑀇𑀦𑁆𑀤𑁆𑀭𑀺𑀬𑁂 𑀦𑀯, 𑀛𑀸𑀦𑁂 𑀢𑀻𑀡𑀺, 𑀫𑀕𑁆𑀕𑁂 𑀦𑀯, 𑀲𑀫𑁆𑀧𑀬𑀼𑀢𑁆𑀢𑁂 𑀦𑀯, 𑀯𑀺𑀧𑁆𑀧𑀬𑀼𑀢𑁆𑀢𑁂 𑀧𑀜𑁆𑀘, 𑀅𑀢𑁆𑀣𑀺𑀬𑀸 𑀦𑀯, 𑀦𑀢𑁆𑀣𑀺𑀬𑀸 𑀦𑀯, 𑀯𑀺𑀕𑀢𑁂 𑀦𑀯, 𑀅𑀯𑀺𑀕𑀢𑁂 𑀦𑀯.

𑀧𑀘𑁆𑀘𑀦𑀻𑀬𑀼𑀤𑁆𑀥𑀸𑀭𑁄

𑁬𑁪. 𑀳𑁂𑀢𑀼 𑀅𑀩𑁆𑀬𑀸𑀓𑀢𑁄 𑀥𑀫𑁆𑀫𑁄 𑀳𑁂𑀢𑀼𑀲𑁆𑀲 𑀅𑀩𑁆𑀬𑀸𑀓𑀢𑀲𑁆𑀲 𑀥𑀫𑁆𑀫𑀲𑁆𑀲 𑀆𑀭𑀫𑁆𑀫𑀡𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄… 𑀲𑀳𑀚𑀸𑀢𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄… 𑀉𑀧𑀦𑀺𑀲𑁆𑀲𑀬𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄. 𑀳𑁂𑀢𑀼 𑀅𑀩𑁆𑀬𑀸𑀓𑀢𑁄 𑀥𑀫𑁆𑀫𑁄 𑀦𑀳𑁂𑀢𑀼𑀲𑁆𑀲 𑀅𑀩𑁆𑀬𑀸𑀓𑀢𑀲𑁆𑀲 𑀥𑀫𑁆𑀫𑀲𑁆𑀲 𑀆𑀭𑀫𑁆𑀫𑀡𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄… 𑀲𑀳𑀚𑀸𑀢𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄… 𑀉𑀧𑀦𑀺𑀲𑁆𑀲𑀬𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄… 𑀧𑀘𑁆𑀙𑀸𑀚𑀸𑀢𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄. 𑀳𑁂𑀢𑀼 𑀅𑀩𑁆𑀬𑀸𑀓𑀢𑁄 𑀥𑀫𑁆𑀫𑁄 𑀳𑁂𑀢𑀼𑀲𑁆𑀲 𑀅𑀩𑁆𑀬𑀸𑀓𑀢𑀲𑁆𑀲 𑀘 𑀦𑀳𑁂𑀢𑀼𑀲𑁆𑀲 𑀅𑀩𑁆𑀬𑀸𑀓𑀢𑀲𑁆𑀲 𑀘 𑀥𑀫𑁆𑀫𑀲𑁆𑀲 𑀆𑀭𑀫𑁆𑀫𑀡𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄… 𑀲𑀳𑀚𑀸𑀢𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄… 𑀉𑀧𑀦𑀺𑀲𑁆𑀲𑀬𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄. (𑁩)

𑁬𑁫. 𑀦𑀳𑁂𑀢𑀼 𑀅𑀩𑁆𑀬𑀸𑀓𑀢𑁄 𑀥𑀫𑁆𑀫𑁄 𑀦𑀳𑁂𑀢𑀼𑀲𑁆𑀲 𑀅𑀩𑁆𑀬𑀸𑀓𑀢𑀲𑁆𑀲 𑀥𑀫𑁆𑀫𑀲𑁆𑀲 𑀆𑀭𑀫𑁆𑀫𑀡𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄… 𑀲𑀳𑀚𑀸𑀢𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄… 𑀉𑀧𑀦𑀺𑀲𑁆𑀲𑀬𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄… 𑀧𑀼𑀭𑁂𑀚𑀸𑀢𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄… 𑀧𑀘𑁆𑀙𑀸𑀚𑀸𑀢𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄… 𑀆𑀳𑀸𑀭𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄… 𑀇𑀦𑁆𑀤𑁆𑀭𑀺𑀬𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄.

𑁬𑁬. 𑀦𑀳𑁂𑀢𑀼𑀬𑀸 𑀦𑀯, 𑀦𑀆𑀭𑀫𑁆𑀫𑀡𑁂 𑀦𑀯, 𑀦𑀅𑀥𑀺𑀧𑀢𑀺𑀬𑀸 𑀦𑀯 (𑀲𑀁𑀔𑀺𑀢𑁆𑀢𑀁, 𑀧𑀘𑁆𑀘𑀦𑀻𑀬𑀁).

𑀳𑁂𑀢𑀼𑀧𑀘𑁆𑀘𑀬𑀸 𑀦𑀆𑀭𑀫𑁆𑀫𑀡𑁂 𑀢𑀻𑀡𑀺 (𑀲𑀁𑀔𑀺𑀢𑁆𑀢𑀁, 𑀅𑀦𑀼𑀮𑁄𑀫𑀧𑀘𑁆𑀘𑀦𑀻𑀬𑀁).

𑀦𑀳𑁂𑀢𑀼𑀧𑀘𑁆𑀘𑀬𑀸 𑀆𑀭𑀫𑁆𑀫𑀡𑁂 𑀦𑀯 (𑀲𑀁𑀔𑀺𑀢𑁆𑀢𑀁, 𑀧𑀘𑁆𑀘𑀦𑀻𑀬𑀸𑀦𑀼𑀮𑁄𑀫𑀁).

(𑀬𑀣𑀸 𑀓𑀼𑀲𑀮𑀢𑁆𑀢𑀺𑀓𑁂 𑀧𑀜𑁆𑀳𑀸𑀯𑀸𑀭𑀲𑁆𑀲 𑀅𑀦𑀼𑀮𑁄𑀫𑀫𑁆𑀧𑀺 𑀧𑀘𑁆𑀘𑀦𑀻𑀬𑀫𑁆𑀧𑀺 𑀅𑀦𑀼𑀮𑁄𑀫𑀧𑀘𑁆𑀘𑀦𑀻𑀬𑀫𑁆𑀧𑀺 𑀧𑀘𑁆𑀘𑀦𑀻𑀬𑀸𑀦𑀼𑀮𑁄𑀫𑀫𑁆𑀧𑀺 𑀕𑀡𑀺𑀢𑀁, 𑀏𑀯𑀁 𑀕𑀡𑁂𑀢𑀩𑁆𑀩𑀁.)

𑀳𑁂𑀢𑀼𑀤𑀼𑀓𑀓𑀼𑀲𑀮𑀢𑁆𑀢𑀺𑀓𑀁 𑀦𑀺𑀝𑁆𑀞𑀺𑀢𑀁.