𑁭. 𑀧𑀜𑁆𑀳𑀸𑀯𑀸𑀭𑁄

𑀧𑀘𑁆𑀘𑀬𑀘𑀢𑀼𑀓𑁆𑀓𑀁

𑀳𑁂𑀢𑀼𑀧𑀘𑁆𑀘𑀬𑁄

𑁩𑁪. 𑀳𑁂𑀢𑀼 𑀅𑀓𑀼𑀲𑀮𑁄 𑀥𑀫𑁆𑀫𑁄 𑀳𑁂𑀢𑀼𑀲𑁆𑀲 𑀅𑀓𑀼𑀲𑀮𑀲𑁆𑀲 𑀥𑀫𑁆𑀫𑀲𑁆𑀲 𑀳𑁂𑀢𑀼𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄. 𑀳𑁂𑀢𑀼 𑀅𑀓𑀼𑀲𑀮𑁄 𑀥𑀫𑁆𑀫𑁄 𑀦𑀳𑁂𑀢𑀼𑀲𑁆𑀲 𑀅𑀓𑀼𑀲𑀮𑀲𑁆𑀲 𑀥𑀫𑁆𑀫𑀲𑁆𑀲 𑀳𑁂𑀢𑀼𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄. 𑀳𑁂𑀢𑀼 𑀅𑀓𑀼𑀲𑀮𑁄 𑀥𑀫𑁆𑀫𑁄 𑀳𑁂𑀢𑀼𑀲𑁆𑀲 𑀅𑀓𑀼𑀲𑀮𑀲𑁆𑀲 𑀘 𑀦𑀳𑁂𑀢𑀼𑀲𑁆𑀲 𑀅𑀓𑀼𑀲𑀮𑀲𑁆𑀲 𑀘 𑀥𑀫𑁆𑀫𑀲𑁆𑀲 𑀳𑁂𑀢𑀼𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄. (𑁩)

𑀆𑀭𑀫𑁆𑀫𑀡𑀧𑀘𑁆𑀘𑀬𑀸𑀤𑀺

𑁩𑁫. 𑀳𑁂𑀢𑀼 𑀅𑀓𑀼𑀲𑀮𑁄 𑀥𑀫𑁆𑀫𑁄 𑀳𑁂𑀢𑀼𑀲𑁆𑀲 𑀅𑀓𑀼𑀲𑀮𑀲𑁆𑀲 𑀥𑀫𑁆𑀫𑀲𑁆𑀲 𑀆𑀭𑀫𑁆𑀫𑀡𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄… 𑀢𑀻𑀡𑀺.

𑀦𑀳𑁂𑀢𑀼 𑀅𑀓𑀼𑀲𑀮𑁄 𑀥𑀫𑁆𑀫𑁄 𑀦𑀳𑁂𑀢𑀼𑀲𑁆𑀲 𑀅𑀓𑀼𑀲𑀮𑀲𑁆𑀲 𑀥𑀫𑁆𑀫𑀲𑁆𑀲 𑀆𑀭𑀫𑁆𑀫𑀡𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄… 𑀢𑀻𑀡𑀺.

𑀳𑁂𑀢𑀼 𑀅𑀓𑀼𑀲𑀮𑁄 𑀘 𑀦𑀳𑁂𑀢𑀼 𑀅𑀓𑀼𑀲𑀮𑁄 𑀘 𑀥𑀫𑁆𑀫𑀸 𑀳𑁂𑀢𑀼𑀲𑁆𑀲 𑀅𑀓𑀼𑀲𑀮𑀲𑁆𑀲 𑀥𑀫𑁆𑀫𑀲𑁆𑀲 𑀆𑀭𑀫𑁆𑀫𑀡𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄… 𑀢𑀻𑀡𑀺.

𑁩𑁬. 𑀳𑁂𑀢𑀼 𑀅𑀓𑀼𑀲𑀮𑁄 𑀥𑀫𑁆𑀫𑁄 𑀳𑁂𑀢𑀼𑀲𑁆𑀲 𑀅𑀓𑀼𑀲𑀮𑀲𑁆𑀲 𑀥𑀫𑁆𑀫𑀲𑁆𑀲 𑀅𑀥𑀺𑀧𑀢𑀺𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄 𑁋 𑀆𑀭𑀫𑁆𑀫𑀡𑀸𑀥𑀺𑀧𑀢𑀺… 𑀢𑀻𑀡𑀺.

𑀦𑀳𑁂𑀢𑀼 𑀅𑀓𑀼𑀲𑀮𑁄 𑀥𑀫𑁆𑀫𑁄 𑀦𑀳𑁂𑀢𑀼𑀲𑁆𑀲 𑀅𑀓𑀼𑀲𑀮𑀲𑁆𑀲 𑀥𑀫𑁆𑀫𑀲𑁆𑀲 𑀅𑀥𑀺𑀧𑀢𑀺𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄 𑁋 𑀆𑀭𑀫𑁆𑀫𑀡𑀸𑀥𑀺𑀧𑀢𑀺, 𑀲𑀳𑀚𑀸𑀢𑀸𑀥𑀺𑀧𑀢𑀺… 𑀢𑀻𑀡𑀺.

𑀳𑁂𑀢𑀼 𑀅𑀓𑀼𑀲𑀮𑁄 𑀘 𑀦𑀳𑁂𑀢𑀼 𑀅𑀓𑀼𑀲𑀮𑁄 𑀘 𑀥𑀫𑁆𑀫𑀸 𑀳𑁂𑀢𑀼𑀲𑁆𑀲 𑀅𑀓𑀼𑀲𑀮𑀲𑁆𑀲 𑀥𑀫𑁆𑀫𑀲𑁆𑀲 𑀅𑀥𑀺𑀧𑀢𑀺𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄 𑁋 𑀆𑀭𑀫𑁆𑀫𑀡𑀸𑀥𑀺𑀧𑀢𑀺… 𑀢𑀻𑀡𑀺…𑀧𑁂….

𑁩𑁭. 𑀦𑀳𑁂𑀢𑀼 𑀅𑀓𑀼𑀲𑀮𑁄 𑀥𑀫𑁆𑀫𑁄 𑀦𑀳𑁂𑀢𑀼𑀲𑁆𑀲 𑀅𑀓𑀼𑀲𑀮𑀲𑁆𑀲 𑀥𑀫𑁆𑀫𑀲𑁆𑀲 𑀓𑀫𑁆𑀫𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄. 𑀦𑀳𑁂𑀢𑀼 𑀅𑀓𑀼𑀲𑀮𑁄 𑀥𑀫𑁆𑀫𑁄 𑀳𑁂𑀢𑀼𑀲𑁆𑀲 𑀅𑀓𑀼𑀲𑀮𑀲𑁆𑀲 𑀥𑀫𑁆𑀫𑀲𑁆𑀲 𑀓𑀫𑁆𑀫𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄. 𑀦𑀳𑁂𑀢𑀼 𑀅𑀓𑀼𑀲𑀮𑁄 𑀥𑀫𑁆𑀫𑁄 𑀳𑁂𑀢𑀼𑀲𑁆𑀲 𑀅𑀓𑀼𑀲𑀮𑀲𑁆𑀲 𑀘 𑀦𑀳𑁂𑀢𑀼𑀲𑁆𑀲 𑀅𑀓𑀼𑀲𑀮𑀲𑁆𑀲 𑀘 𑀥𑀫𑁆𑀫𑀲𑁆𑀲 𑀓𑀫𑁆𑀫𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄. (𑁩)

𑀆𑀳𑀸𑀭𑀧𑀘𑁆𑀘𑀬𑀸𑀤𑀺

𑁩𑁮. 𑀦𑀳𑁂𑀢𑀼 𑀅𑀓𑀼𑀲𑀮𑁄 𑀥𑀫𑁆𑀫𑁄 𑀦𑀳𑁂𑀢𑀼𑀲𑁆𑀲 𑀅𑀓𑀼𑀲𑀮𑀲𑁆𑀲 𑀥𑀫𑁆𑀫𑀲𑁆𑀲 𑀆𑀳𑀸𑀭𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄… 𑀢𑀻𑀡𑀺.

𑁩𑁯. 𑀦𑀳𑁂𑀢𑀼 𑀅𑀓𑀼𑀲𑀮𑁄 𑀥𑀫𑁆𑀫𑁄 𑀦𑀳𑁂𑀢𑀼𑀲𑁆𑀲 𑀅𑀓𑀼𑀲𑀮𑀲𑁆𑀲 𑀥𑀫𑁆𑀫𑀲𑁆𑀲 𑀇𑀦𑁆𑀤𑁆𑀭𑀺𑀬𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄… 𑀢𑀻𑀡𑀺.

𑁪𑁦. 𑀦𑀳𑁂𑀢𑀼 𑀅𑀓𑀼𑀲𑀮𑁄 𑀥𑀫𑁆𑀫𑁄 𑀦𑀳𑁂𑀢𑀼𑀲𑁆𑀲 𑀅𑀓𑀼𑀲𑀮𑀲𑁆𑀲 𑀥𑀫𑁆𑀫𑀲𑁆𑀲 𑀛𑀸𑀦𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄… 𑀢𑀻𑀡𑀺 (𑀲𑀁𑀔𑀺𑀢𑁆𑀢𑀁).

𑁪𑁧. 𑀳𑁂𑀢𑀼𑀬𑀸 𑀢𑀻𑀡𑀺, 𑀆𑀭𑀫𑁆𑀫𑀡𑁂 𑀦𑀯, 𑀅𑀥𑀺𑀧𑀢𑀺𑀬𑀸 𑀦𑀯, 𑀅𑀦𑀦𑁆𑀢𑀭𑁂 𑀦𑀯, 𑀲𑀫𑀦𑀦𑁆𑀢𑀭𑁂 𑀦𑀯, 𑀲𑀳𑀚𑀸𑀢𑁂 𑀦𑀯, 𑀅𑀜𑁆𑀜𑀫𑀜𑁆𑀜𑁂 𑀦𑀯, 𑀦𑀺𑀲𑁆𑀲𑀬𑁂 𑀦𑀯, 𑀉𑀧𑀦𑀺𑀲𑁆𑀲𑀬𑁂 𑀦𑀯, 𑀆𑀲𑁂𑀯𑀦𑁂 𑀦𑀯, 𑀓𑀫𑁆𑀫𑁂 𑀢𑀻𑀡𑀺, 𑀆𑀳𑀸𑀭𑁂 𑀢𑀻𑀡𑀺, 𑀇𑀦𑁆𑀤𑁆𑀭𑀺𑀬𑁂 𑀢𑀻𑀡𑀺, 𑀛𑀸𑀦𑁂 𑀢𑀻𑀡𑀺, 𑀫𑀕𑁆𑀕𑁂 𑀢𑀻𑀡𑀺, 𑀲𑀫𑁆𑀧𑀬𑀼𑀢𑁆𑀢𑁂 𑀦𑀯, 𑀅𑀢𑁆𑀣𑀺𑀬𑀸 𑀦𑀯, 𑀦𑀢𑁆𑀣𑀺𑀬𑀸 𑀦𑀯, 𑀯𑀺𑀕𑀢𑁂 𑀦𑀯, 𑀅𑀯𑀺𑀕𑀢𑁂 𑀦𑀯.

𑀧𑀘𑁆𑀘𑀦𑀻𑀬𑀼𑀤𑁆𑀥𑀸𑀭𑁄

𑁪𑁨. 𑀳𑁂𑀢𑀼 𑀅𑀓𑀼𑀲𑀮𑁄 𑀥𑀫𑁆𑀫𑁄 𑀳𑁂𑀢𑀼𑀲𑁆𑀲 𑀅𑀓𑀼𑀲𑀮𑀲𑁆𑀲 𑀥𑀫𑁆𑀫𑀲𑁆𑀲 𑀆𑀭𑀫𑁆𑀫𑀡𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄… 𑀲𑀳𑀚𑀸𑀢𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄… 𑀉𑀧𑀦𑀺𑀲𑁆𑀲𑀬𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄 (𑀲𑀁𑀔𑀺𑀢𑁆𑀢𑀁).

𑁪𑁩. 𑀦𑀳𑁂𑀢𑀼𑀬𑀸 𑀦𑀯, 𑀦𑀆𑀭𑀫𑁆𑀫𑀡𑁂 𑀦𑀯, 𑀦𑀅𑀥𑀺𑀧𑀢𑀺𑀬𑀸 𑀦𑀯, 𑀦𑀅𑀦𑀦𑁆𑀢𑀭𑁂 𑀦𑀯, 𑀦𑀲𑀫𑀦𑀦𑁆𑀢𑀭𑁂 𑀦𑀯, 𑀦𑀲𑀳𑀚𑀸𑀢𑁂 𑀦𑀯, 𑀦𑀅𑀜𑁆𑀜𑀫𑀜𑁆𑀜𑁂 𑀦𑀯…𑀧𑁂… 𑀦𑁄𑀅𑀯𑀺𑀕𑀢𑁂 𑀦𑀯 (𑀧𑀘𑁆𑀘𑀦𑀻𑀬𑀁).

𑀳𑁂𑀢𑀼𑀧𑀘𑁆𑀘𑀬𑀸 𑀦𑀆𑀭𑀫𑁆𑀫𑀡𑁂 𑀢𑀻𑀡𑀺 (𑀲𑀁𑀔𑀺𑀢𑁆𑀢𑀁, 𑀅𑀦𑀼𑀮𑁄𑀫𑀧𑀘𑁆𑀘𑀦𑀻𑀬𑀁).

𑀦𑀳𑁂𑀢𑀼𑀧𑀘𑁆𑀘𑀬𑀸 𑀆𑀭𑀫𑁆𑀫𑀡𑁂 𑀦𑀯 (𑀲𑀁𑀔𑀺𑀢𑁆𑀢𑀁, 𑀧𑀘𑁆𑀘𑀦𑀻𑀬𑀸𑀦𑀼𑀮𑁄𑀫𑀁).

(𑀬𑀣𑀸 𑀓𑀼𑀲𑀮𑀢𑁆𑀢𑀺𑀓𑁂 𑀧𑀜𑁆𑀳𑀸𑀯𑀸𑀭𑀲𑁆𑀲 𑀅𑀦𑀼𑀮𑁄𑀫𑀫𑁆𑀧𑀺 𑀧𑀘𑁆𑀘𑀦𑀻𑀬𑀫𑁆𑀧𑀺 𑀅𑀦𑀼𑀮𑁄𑀫𑀧𑀘𑁆𑀘𑀦𑀻𑀬𑀫𑁆𑀧𑀺 𑀧𑀘𑁆𑀘𑀦𑀻𑀬𑀸𑀦𑀼𑀮𑁄𑀫𑀫𑁆𑀧𑀺 𑀕𑀡𑀺𑀢𑀁, 𑀏𑀯𑀁 𑀕𑀡𑁂𑀢𑀩𑁆𑀩𑀁.)