𑁭. 𑀧𑀜𑁆𑀳𑀸𑀯𑀸𑀭𑁄

𑀧𑀘𑁆𑀘𑀬𑀘𑀢𑀼𑀓𑁆𑀓𑀁

𑀳𑁂𑀢𑀼-𑀉𑀧𑀦𑀺𑀲𑁆𑀲𑀬𑀧𑀘𑁆𑀘𑀬𑀸

𑁪𑁭𑁭. 𑀳𑁂𑀢𑀼 𑀉𑀧𑁆𑀧𑀦𑁆𑀦𑁄 𑀥𑀫𑁆𑀫𑁄 𑀳𑁂𑀢𑀼𑀲𑁆𑀲 𑀉𑀧𑁆𑀧𑀦𑁆𑀦𑀲𑁆𑀲 𑀥𑀫𑁆𑀫𑀲𑁆𑀲 𑀳𑁂𑀢𑀼𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄… 𑀢𑀻𑀡𑀺.

𑀦𑀳𑁂𑀢𑀼 𑀉𑀧𑁆𑀧𑀦𑁆𑀦𑁄 𑀥𑀫𑁆𑀫𑁄 𑀦𑀳𑁂𑀢𑀼𑀲𑁆𑀲 𑀉𑀧𑁆𑀧𑀦𑁆𑀦𑀲𑁆𑀲 𑀥𑀫𑁆𑀫𑀲𑁆𑀲 𑀆𑀭𑀫𑁆𑀫𑀡𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄… 𑀢𑀻𑀡𑀺.

𑀳𑁂𑀢𑀼 𑀉𑀧𑁆𑀧𑀦𑁆𑀦𑁄 𑀥𑀫𑁆𑀫𑁄 𑀳𑁂𑀢𑀼𑀲𑁆𑀲 𑀉𑀧𑁆𑀧𑀦𑁆𑀦𑀲𑁆𑀲 𑀥𑀫𑁆𑀫𑀲𑁆𑀲 𑀅𑀥𑀺𑀧𑀢𑀺𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄 𑁋 𑀲𑀳𑀚𑀸𑀢𑀸𑀥𑀺𑀧𑀢𑀺… 𑀢𑀻𑀡𑀺.

𑀦𑀳𑁂𑀢𑀼 𑀉𑀧𑁆𑀧𑀦𑁆𑀦𑁄 𑀥𑀫𑁆𑀫𑁄 𑀦𑀳𑁂𑀢𑀼𑀲𑁆𑀲 𑀉𑀧𑁆𑀧𑀦𑁆𑀦𑀲𑁆𑀲 𑀥𑀫𑁆𑀫𑀲𑁆𑀲 𑀅𑀥𑀺𑀧𑀢𑀺𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄 𑁋 𑀆𑀭𑀫𑁆𑀫𑀡𑀸𑀥𑀺𑀧𑀢𑀺, 𑀲𑀳𑀚𑀸𑀢𑀸𑀥𑀺𑀧𑀢𑀺… 𑀢𑀻𑀡𑀺.

𑀳𑁂𑀢𑀼 𑀉𑀧𑁆𑀧𑀦𑁆𑀦𑁄 𑀥𑀫𑁆𑀫𑁄 𑀳𑁂𑀢𑀼𑀲𑁆𑀲 𑀉𑀧𑁆𑀧𑀦𑁆𑀦𑀲𑁆𑀲 𑀥𑀫𑁆𑀫𑀲𑁆𑀲 𑀲𑀳𑀚𑀸𑀢𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄 (𑀲𑀁𑀔𑀺𑀢𑁆𑀢𑀁).

𑀦𑀳𑁂𑀢𑀼 𑀉𑀧𑁆𑀧𑀦𑁆𑀦𑁄 𑀥𑀫𑁆𑀫𑁄 𑀦𑀳𑁂𑀢𑀼𑀲𑁆𑀲 𑀉𑀧𑁆𑀧𑀦𑁆𑀦𑀲𑁆𑀲 𑀥𑀫𑁆𑀫𑀲𑁆𑀲 𑀉𑀧𑀦𑀺𑀲𑁆𑀲𑀬𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄 𑁋 𑀆𑀭𑀫𑁆𑀫𑀡𑀽𑀧𑀦𑀺𑀲𑁆𑀲𑀬𑁄, 𑀧𑀓𑀢𑀽𑀧𑀦𑀺𑀲𑁆𑀲𑀬𑁄…𑀧𑁂…. 𑀧𑀓𑀢𑀽𑀧𑀦𑀺𑀲𑁆𑀲𑀬𑁄 𑁋 𑀉𑀧𑁆𑀧𑀦𑁆𑀦𑀁 𑀉𑀢𑀼𑀁 𑀉𑀧𑀦𑀺𑀲𑁆𑀲𑀸𑀬 𑀛𑀸𑀦𑀁 𑀉𑀧𑁆𑀧𑀸𑀤𑁂𑀢𑀺, 𑀯𑀺𑀧𑀲𑁆𑀲𑀦𑀁… 𑀫𑀕𑁆𑀕𑀁… 𑀅𑀪𑀺𑀜𑁆𑀜𑀁… 𑀲𑀫𑀸𑀧𑀢𑁆𑀢𑀺𑀁 𑀉𑀧𑁆𑀧𑀸𑀤𑁂𑀢𑀺 (𑀲𑀁𑀔𑀺𑀢𑁆𑀢𑀁).

𑁪𑁭𑁮. 𑀳𑁂𑀢𑀼𑀬𑀸 𑀢𑀻𑀡𑀺, 𑀆𑀭𑀫𑁆𑀫𑀡𑁂 𑀢𑀻𑀡𑀺, 𑀅𑀥𑀺𑀧𑀢𑀺𑀬𑀸 𑀙, 𑀲𑀳𑀚𑀸𑀢𑁂 𑀦𑀯, 𑀅𑀜𑁆𑀜𑀫𑀜𑁆𑀜𑁂 𑀦𑀯, 𑀦𑀺𑀲𑁆𑀲𑀬𑁂 𑀦𑀯, 𑀉𑀧𑀦𑀺𑀲𑁆𑀲𑀬𑁂 𑀢𑀻𑀡𑀺, 𑀧𑀼𑀭𑁂𑀚𑀸𑀢𑁂 𑀢𑀻𑀡𑀺, 𑀧𑀘𑁆𑀙𑀸𑀚𑀸𑀢𑁂 𑀢𑀻𑀡𑀺, 𑀓𑀫𑁆𑀫𑁂 𑀢𑀻𑀡𑀺, 𑀯𑀺𑀧𑀸𑀓𑁂 𑀦𑀯, 𑀆𑀳𑀸𑀭𑁂 𑀢𑀻𑀡𑀺, 𑀇𑀦𑁆𑀤𑁆𑀭𑀺𑀬𑁂 𑀦𑀯, 𑀛𑀸𑀦𑁂 𑀢𑀻𑀡𑀺, 𑀫𑀕𑁆𑀕𑁂 𑀦𑀯, 𑀲𑀫𑁆𑀧𑀬𑀼𑀢𑁆𑀢𑁂 𑀦𑀯, 𑀯𑀺𑀧𑁆𑀧𑀬𑀼𑀢𑁆𑀢𑁂 𑀧𑀜𑁆𑀘, 𑀅𑀢𑁆𑀣𑀺𑀬𑀸 𑀦𑀯, 𑀅𑀯𑀺𑀕𑀢𑁂 𑀦𑀯 (𑀲𑀁𑀔𑀺𑀢𑁆𑀢𑀁).

𑀧𑀘𑁆𑀘𑀦𑀻𑀬𑀼𑀤𑁆𑀥𑀸𑀭𑁄

𑁪𑁭𑁯. 𑀳𑁂𑀢𑀼 𑀉𑀧𑁆𑀧𑀦𑁆𑀦𑁄 𑀥𑀫𑁆𑀫𑁄 𑀳𑁂𑀢𑀼𑀲𑁆𑀲 𑀉𑀧𑁆𑀧𑀦𑁆𑀦𑀲𑁆𑀲 𑀥𑀫𑁆𑀫𑀲𑁆𑀲 𑀲𑀳𑀚𑀸𑀢𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄 (𑀲𑀁𑀔𑀺𑀢𑁆𑀢𑀁).

𑁪𑁮𑁦. 𑀦𑀳𑁂𑀢𑀼𑀬𑀸 𑀦𑀯, 𑀦𑀆𑀭𑀫𑁆𑀫𑀡𑁂 𑀦𑀯 (𑀲𑀁𑀔𑀺𑀢𑁆𑀢𑀁).

𑀳𑁂𑀢𑀼𑀧𑀘𑁆𑀘𑀬𑀸 𑀦𑀆𑀭𑀫𑁆𑀫𑀡𑁂 𑀢𑀻𑀡𑀺 (𑀲𑀁𑀔𑀺𑀢𑁆𑀢𑀁).

𑀦𑀳𑁂𑀢𑀼𑀧𑀘𑁆𑀘𑀬𑀸 𑀆𑀭𑀫𑁆𑀫𑀡𑁂 𑀢𑀻𑀡𑀺 (𑀲𑀁𑀔𑀺𑀢𑁆𑀢𑀁).

(𑀬𑀣𑀸 𑀓𑀼𑀲𑀮𑀢𑁆𑀢𑀺𑀓𑁂 𑀧𑀜𑁆𑀳𑀸𑀯𑀸𑀭𑀲𑁆𑀲 𑀅𑀦𑀼𑀮𑁄𑀫𑀫𑁆𑀧𑀺 𑀧𑀘𑁆𑀘𑀦𑀻𑀬𑀫𑁆𑀧𑀺 𑀅𑀦𑀼𑀮𑁄𑀫𑀧𑀘𑁆𑀘𑀦𑀻𑀬𑀫𑁆𑀧𑀺 𑀧𑀘𑁆𑀘𑀦𑀻𑀬𑀸𑀦𑀼𑀮𑁄𑀫𑀫𑁆𑀧𑀺 𑀕𑀡𑀺𑀢𑀁, 𑀏𑀯𑀁 𑀕𑀡𑁂𑀢𑀩𑁆𑀩𑀁. 𑀇𑀫𑀫𑁆𑀳𑀺 𑀤𑀼𑀓𑀢𑀺𑀓𑁂 𑀧𑀝𑀺𑀘𑁆𑀘𑀯𑀸𑀭𑀫𑁆𑀧𑀺 𑀲𑀳𑀚𑀸𑀢𑀯𑀸𑀭𑀫𑁆𑀧𑀺 𑀧𑀘𑁆𑀘𑀬𑀯𑀸𑀭𑀫𑁆𑀧𑀺 𑀦𑀺𑀲𑁆𑀲𑀬𑀯𑀸𑀭𑀫𑁆𑀧𑀺 𑀲𑀁𑀲𑀝𑁆𑀞𑀯𑀸𑀭𑀫𑁆𑀧𑀺 𑀲𑀫𑁆𑀧𑀬𑀼𑀢𑁆𑀢𑀯𑀸𑀭𑀫𑁆𑀧𑀺 𑀅𑀦𑀼𑀧𑁆𑀧𑀦𑁆𑀦𑀫𑁆𑀧𑀺 𑀉𑀧𑁆𑀧𑀸𑀤𑀻𑀧𑀺 𑀦𑀢𑁆𑀣𑀺.)

𑀳𑁂𑀢𑀼𑀤𑀼𑀓𑀉𑀧𑁆𑀧𑀦𑁆𑀦𑀢𑁆𑀢𑀺𑀓𑀁 𑀦𑀺𑀝𑁆𑀞𑀺𑀢𑀁.