𑁧. 𑀯𑀺𑀪𑀗𑁆𑀕𑀯𑀸𑀭𑁄

𑀳𑁂𑀢𑀼𑀧𑀘𑁆𑀘𑀬𑁄

𑁩𑁪𑁯. 𑀲𑀭𑀡𑁄 𑀥𑀫𑁆𑀫𑁄 𑀲𑀭𑀡𑀲𑁆𑀲 𑀥𑀫𑁆𑀫𑀲𑁆𑀲 𑀳𑁂𑀢𑀼𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄 (𑀅𑀭𑀽𑀧𑀤𑀼𑀓𑀲𑀤𑀺𑀲𑀁, 𑀘𑀢𑁆𑀢𑀸𑀭𑀺).

𑀆𑀭𑀫𑁆𑀫𑀡𑀧𑀘𑁆𑀘𑀬𑁄

𑁩𑁫𑁦. 𑀲𑀭𑀡𑁄 𑀥𑀫𑁆𑀫𑁄 𑀲𑀭𑀡𑀲𑁆𑀲 𑀥𑀫𑁆𑀫𑀲𑁆𑀲 𑀆𑀭𑀫𑁆𑀫𑀡𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄 𑁋 𑀭𑀸𑀕𑀁 𑀅𑀲𑁆𑀲𑀸𑀤𑁂𑀢𑀺 𑀅𑀪𑀺𑀦𑀦𑁆𑀤𑀢𑀺, 𑀢𑀁 𑀆𑀭𑀩𑁆𑀪 𑀭𑀸𑀕𑁄 𑀉𑀧𑁆𑀧𑀚𑁆𑀚𑀢𑀺, 𑀤𑀺𑀝𑁆𑀞𑀺…𑀧𑁂… 𑀯𑀺𑀘𑀺𑀓𑀺𑀘𑁆𑀙𑀸…𑀧𑁂… 𑀉𑀤𑁆𑀥𑀘𑁆𑀘𑀁…𑀧𑁂… 𑀤𑁄𑀫𑀦𑀲𑁆𑀲𑀁 𑀉𑀧𑁆𑀧𑀚𑁆𑀚𑀢𑀺, 𑀤𑀺𑀝𑁆𑀞𑀺𑀁 𑀅𑀲𑁆𑀲𑀸𑀤𑁂𑀢𑀺 𑀅𑀪𑀺𑀦𑀦𑁆𑀤𑀢𑀺, 𑀢𑀁 𑀆𑀭𑀩𑁆𑀪 𑀭𑀸𑀕𑁄 𑀉𑀧𑁆𑀧𑀚𑁆𑀚𑀢𑀺…𑀧𑁂… 𑀤𑁄𑀫𑀦𑀲𑁆𑀲𑀁 𑀉𑀧𑁆𑀧𑀚𑁆𑀚𑀢𑀺, 𑀯𑀺𑀘𑀺𑀓𑀺𑀘𑁆𑀙𑀁 𑀆𑀭𑀩𑁆𑀪 …𑀧𑁂… 𑀉𑀤𑁆𑀥𑀘𑁆𑀘𑀁 𑀆𑀭𑀩𑁆𑀪…𑀧𑁂… 𑀤𑁄𑀫𑀦𑀲𑁆𑀲𑀁 𑀆𑀭𑀩𑁆𑀪 𑀤𑁄𑀫𑀦𑀲𑁆𑀲𑀁 𑀉𑀧𑁆𑀧𑀚𑁆𑀚𑀢𑀺, 𑀤𑀺𑀝𑁆𑀞𑀺…𑀧𑁂… 𑀯𑀺𑀘𑀺𑀓𑀺𑀘𑁆𑀙𑀸…𑀧𑁂… 𑀉𑀤𑁆𑀥𑀘𑁆𑀘𑀁 𑀉𑀧𑁆𑀧𑀚𑁆𑀚𑀢𑀺. 𑀲𑀭𑀡𑁄 𑀥𑀫𑁆𑀫𑁄 𑀅𑀭𑀡𑀲𑁆𑀲 𑀥𑀫𑁆𑀫𑀲𑁆𑀲 𑀆𑀭𑀫𑁆𑀫𑀡𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄 𑁋 𑀅𑀭𑀺𑀬𑀸 𑀧𑀳𑀻𑀦𑁂 𑀓𑀺𑀮𑁂𑀲𑁂…𑀧𑁂… 𑀯𑀺𑀓𑁆𑀔𑀫𑁆𑀪𑀺𑀢𑁂 𑀓𑀺𑀮𑁂𑀲𑁂…𑀧𑁂… 𑀧𑀼𑀩𑁆𑀩𑁂 𑀲𑀫𑀼𑀤𑀸𑀘𑀺𑀡𑁆𑀡𑁂…𑀧𑁂… 𑀲𑀭𑀡𑁂 𑀔𑀦𑁆𑀥𑁂 𑀅𑀦𑀺𑀘𑁆𑀘𑀢𑁄…𑀧𑁂… 𑀯𑀺𑀧𑀲𑁆𑀲𑀢𑀺, 𑀘𑁂𑀢𑁄𑀧𑀭𑀺𑀬𑀜𑀸𑀡𑁂𑀦 𑀲𑀭𑀡𑀘𑀺𑀢𑁆𑀢𑀲𑀫𑀗𑁆𑀕𑀺𑀲𑁆𑀲 𑀘𑀺𑀢𑁆𑀢𑀁 𑀚𑀸𑀦𑀸𑀢𑀺. 𑀲𑀭𑀡𑀸 𑀔𑀦𑁆𑀥𑀸 𑀘𑁂𑀢𑁄𑀧𑀭𑀺𑀬𑀜𑀸𑀡𑀲𑁆𑀲, 𑀧𑀼𑀩𑁆𑀩𑁂𑀦𑀺𑀯𑀸𑀲𑀸𑀦𑀼𑀲𑁆𑀲𑀢𑀺𑀜𑀸𑀡𑀲𑁆𑀲, 𑀬𑀣𑀸𑀓𑀫𑁆𑀫𑀽𑀧𑀕𑀜𑀸𑀡𑀲𑁆𑀲, 𑀅𑀦𑀸𑀕𑀢𑀁𑀲𑀜𑀸𑀡𑀲𑁆𑀲, 𑀆𑀯𑀚𑁆𑀚𑀦𑀸𑀬 𑀆𑀭𑀫𑁆𑀫𑀡𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄. (𑁨)

𑁩𑁫𑁧. 𑀅𑀭𑀡𑁄 𑀥𑀫𑁆𑀫𑁄 𑀅𑀭𑀡𑀲𑁆𑀲 𑀥𑀫𑁆𑀫𑀲𑁆𑀲 𑀆𑀭𑀫𑁆𑀫𑀡𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄; 𑀤𑀸𑀦𑀁…𑀧𑁂… 𑀲𑀻𑀮𑀁…𑀧𑁂… 𑀉𑀧𑁄𑀲𑀣𑀓𑀫𑁆𑀫𑀁 𑀓𑀢𑁆𑀯𑀸 𑀢𑀁 𑀧𑀘𑁆𑀘𑀯𑁂𑀓𑁆𑀔𑀢𑀺, 𑀧𑀼𑀩𑁆𑀩𑁂…𑀧𑁂… 𑀛𑀸𑀦𑀸…𑀧𑁂… 𑀅𑀭𑀺𑀬𑀸 𑀫𑀕𑁆𑀕𑀸 𑀯𑀼𑀝𑁆𑀞𑀳𑀺𑀢𑁆𑀯𑀸 𑀫𑀕𑁆𑀕𑀁 𑀧𑀘𑁆𑀘𑀯𑁂𑀓𑁆𑀔𑀦𑁆𑀢𑀺, 𑀨𑀮𑀁…𑀧𑁂… 𑀦𑀺𑀩𑁆𑀩𑀸𑀦𑀁 𑀧𑀘𑁆𑀘𑀯𑁂𑀓𑁆𑀔𑀦𑁆𑀢𑀺; 𑀦𑀺𑀩𑁆𑀩𑀸𑀦𑀁 𑀕𑁄𑀢𑁆𑀭𑀪𑀼𑀲𑁆𑀲, 𑀯𑁄𑀤𑀸𑀦𑀲𑁆𑀲, 𑀫𑀕𑁆𑀕𑀲𑁆𑀲, 𑀨𑀮𑀲𑁆𑀲, 𑀆𑀯𑀚𑁆𑀚𑀦𑀸𑀬 𑀆𑀭𑀫𑁆𑀫𑀡𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄. 𑀘𑀓𑁆𑀔𑀼𑀁…𑀧𑁂… 𑀯𑀢𑁆𑀣𑀼𑀁 𑀅𑀭𑀡𑁂 𑀔𑀦𑁆𑀥𑁂 𑀅𑀦𑀺𑀘𑁆𑀘𑀢𑁄…𑀧𑁂… 𑀯𑀺𑀧𑀲𑁆𑀲𑀢𑀺, 𑀤𑀺𑀩𑁆𑀩𑁂𑀦 𑀘𑀓𑁆𑀔𑀼𑀦𑀸 𑀭𑀽𑀧𑀁 𑀧𑀲𑁆𑀲𑀢𑀺 …𑀧𑁂… 𑀅𑀦𑀸𑀕𑀢𑀁𑀲𑀜𑀸𑀡𑀲𑁆𑀲, 𑀆𑀯𑀚𑁆𑀚𑀦𑀸𑀬 𑀆𑀭𑀫𑁆𑀫𑀡𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄. 𑀅𑀭𑀡𑁄 𑀥𑀫𑁆𑀫𑁄 𑀲𑀭𑀡𑀲𑁆𑀲 𑀥𑀫𑁆𑀫𑀲𑁆𑀲 𑀆𑀭𑀫𑁆𑀫𑀡𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄 𑁋 𑀤𑀸𑀦𑀁…𑀧𑁂… 𑀲𑀻𑀮𑀁…𑀧𑁂… 𑀉𑀧𑁄𑀲𑀣𑀓𑀫𑁆𑀫𑀁 𑀓𑀢𑁆𑀯𑀸 𑀢𑀁 𑀅𑀲𑁆𑀲𑀸𑀤𑁂𑀢𑀺 𑀅𑀪𑀺𑀦𑀦𑁆𑀤𑀢𑀺, 𑀢𑀁 𑀆𑀭𑀩𑁆𑀪 𑀭𑀸𑀕𑁄 𑀉𑀧𑁆𑀧𑀚𑁆𑀚𑀢𑀺…𑀧𑁂… 𑀧𑀼𑀩𑁆𑀩𑁂…𑀧𑁂… 𑀛𑀸𑀦𑀸…𑀧𑁂… 𑀘𑀓𑁆𑀔𑀼𑀁…𑀧𑁂… 𑀯𑀢𑁆𑀣𑀼𑀁, 𑀅𑀭𑀡𑁂 𑀔𑀦𑁆𑀥𑁂 𑀅𑀲𑁆𑀲𑀸𑀤𑁂𑀢𑀺 𑀅𑀪𑀺𑀦𑀦𑁆𑀤𑀢𑀺, 𑀢𑀁 𑀆𑀭𑀩𑁆𑀪 𑀭𑀸𑀕𑁄 𑀉𑀧𑁆𑀧𑀚𑁆𑀚𑀢𑀺…𑀧𑁂… 𑀤𑁄𑀫𑀦𑀲𑁆𑀲𑀁 𑀉𑀧𑁆𑀧𑀚𑁆𑀚𑀢𑀺. (𑁨)

𑀅𑀥𑀺𑀧𑀢𑀺𑀧𑀘𑁆𑀘𑀬𑁄

𑁩𑁫𑁨. 𑀲𑀭𑀡𑁄 𑀥𑀫𑁆𑀫𑁄 𑀲𑀭𑀡𑀲𑁆𑀲 𑀥𑀫𑁆𑀫𑀲𑁆𑀲 𑀅𑀥𑀺𑀧𑀢𑀺𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄 𑁋 𑀆𑀭𑀫𑁆𑀫𑀡𑀸𑀥𑀺𑀧𑀢𑀺, 𑀲𑀳𑀚𑀸𑀢𑀸𑀥𑀺𑀧𑀢𑀺. 𑀆𑀭𑀫𑁆𑀫𑀡𑀸𑀥𑀺𑀧𑀢𑀺 𑁋 𑀭𑀸𑀕𑀁 𑀕𑀭𑀼𑀁 𑀓𑀢𑁆𑀯𑀸 𑀅𑀲𑁆𑀲𑀸𑀤𑁂𑀢𑀺 𑀅𑀪𑀺𑀦𑀦𑁆𑀤𑀢𑀺, 𑀢𑀁 𑀕𑀭𑀼𑀁 𑀓𑀢𑁆𑀯𑀸 𑀭𑀸𑀕𑁄 𑀉𑀧𑁆𑀧𑀚𑁆𑀚𑀢𑀺… 𑀤𑀺𑀝𑁆𑀞𑀺 𑀉𑀧𑁆𑀧𑀚𑁆𑀚𑀢𑀺; 𑀤𑀺𑀝𑁆𑀞𑀺𑀁 𑀕𑀭𑀼𑀁 𑀓𑀢𑁆𑀯𑀸 𑀅𑀲𑁆𑀲𑀸𑀤𑁂𑀢𑀺 𑀅𑀪𑀺𑀦𑀦𑁆𑀤𑀢𑀺. 𑀲𑀳𑀚𑀸𑀢𑀸𑀥𑀺𑀧𑀢𑀺 𑁋 𑀲𑀭𑀡𑀸𑀥𑀺𑀧𑀢𑀺 𑀲𑀫𑁆𑀧𑀬𑀼𑀢𑁆𑀢𑀓𑀸𑀦𑀁 𑀔𑀦𑁆𑀥𑀸𑀦𑀁 𑀅𑀥𑀺𑀧𑀢𑀺𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄. 𑀲𑀭𑀡𑁄 𑀥𑀫𑁆𑀫𑁄 𑀅𑀭𑀡𑀲𑁆𑀲 𑀥𑀫𑁆𑀫𑀲𑁆𑀲 𑀅𑀥𑀺𑀧𑀢𑀺𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄. 𑀲𑀳𑀚𑀸𑀢𑀸𑀥𑀺𑀧𑀢𑀺 𑁋 𑀲𑀭𑀡𑀸𑀥𑀺𑀧𑀢𑀺 𑀘𑀺𑀢𑁆𑀢𑀲𑀫𑀼𑀝𑁆𑀞𑀸𑀦𑀸𑀦𑀁 𑀭𑀽𑀧𑀸𑀦𑀁 𑀅𑀥𑀺𑀧𑀢𑀺𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄. 𑀲𑀭𑀡𑁄 𑀥𑀫𑁆𑀫𑁄 𑀲𑀭𑀡𑀲𑁆𑀲 𑀘 𑀅𑀭𑀡𑀲𑁆𑀲 𑀘 𑀥𑀫𑁆𑀫𑀲𑁆𑀲 𑀅𑀥𑀺𑀧𑀢𑀺𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄. 𑀲𑀳𑀚𑀸𑀢𑀸𑀥𑀺𑀧𑀢𑀺 𑁋 𑀲𑀭𑀡𑀸𑀥𑀺𑀧𑀢𑀺 𑀲𑀫𑁆𑀧𑀬𑀼𑀢𑁆𑀢𑀓𑀸𑀦𑀁 𑀔𑀦𑁆𑀥𑀸𑀦𑀁 𑀘𑀺𑀢𑁆𑀢𑀲𑀫𑀼𑀝𑁆𑀞𑀸𑀦𑀸𑀦𑀜𑁆𑀘 𑀭𑀽𑀧𑀸𑀦𑀁 𑀅𑀥𑀺𑀧𑀢𑀺𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄. (𑁩)

𑁩𑁫𑁩. 𑀅𑀭𑀡𑁄 𑀥𑀫𑁆𑀫𑁄 𑀅𑀭𑀡𑀲𑁆𑀲 𑀥𑀫𑁆𑀫𑀲𑁆𑀲 𑀅𑀥𑀺𑀧𑀢𑀺𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄 𑁋 𑀆𑀭𑀫𑁆𑀫𑀡𑀸𑀥𑀺𑀧𑀢𑀺, 𑀲𑀳𑀚𑀸𑀢𑀸𑀥𑀺𑀧𑀢𑀺. 𑀆𑀭𑀫𑁆𑀫𑀡𑀸𑀥𑀺𑀧𑀢𑀺 𑁋 𑀤𑀸𑀦𑀁…𑀧𑁂… 𑀲𑀻𑀮𑀁 …𑀧𑁂… 𑀉𑀧𑁄𑀲𑀣𑀓𑀫𑁆𑀫𑀁 𑀓𑀢𑁆𑀯𑀸 𑀢𑀁 𑀕𑀭𑀼𑀁 𑀓𑀢𑁆𑀯𑀸 𑀧𑀘𑁆𑀘𑀯𑁂𑀓𑁆𑀔𑀢𑀺, 𑀧𑀼𑀩𑁆𑀩𑁂…𑀧𑁂… 𑀛𑀸𑀦𑀸…𑀧𑁂… 𑀅𑀭𑀺𑀬𑀸 𑀫𑀕𑁆𑀕𑀸 𑀯𑀼𑀝𑁆𑀞𑀳𑀺𑀢𑁆𑀯𑀸 𑀫𑀕𑁆𑀕𑀁 𑀕𑀭𑀼𑀁 𑀓𑀢𑁆𑀯𑀸 𑀧𑀘𑁆𑀘𑀯𑁂𑀓𑁆𑀔𑀦𑁆𑀢𑀺, 𑀨𑀮𑀁…𑀧𑁂… 𑀦𑀺𑀩𑁆𑀩𑀸𑀦𑀁 𑀕𑀭𑀼𑀁 𑀓𑀢𑁆𑀯𑀸 𑀧𑀘𑁆𑀘𑀯𑁂𑀓𑁆𑀔𑀦𑁆𑀢𑀺, 𑀦𑀺𑀩𑁆𑀩𑀸𑀦𑀁 𑀕𑁄𑀢𑁆𑀭𑀪𑀼𑀲𑁆𑀲, 𑀯𑁄𑀤𑀸𑀦𑀲𑁆𑀲, 𑀫𑀕𑁆𑀕𑀲𑁆𑀲, 𑀨𑀮𑀲𑁆𑀲, 𑀅𑀥𑀺𑀧𑀢𑀺𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄. 𑀲𑀳𑀚𑀸𑀢𑀸𑀥𑀺𑀧𑀢𑀺 𑁋 𑀅𑀭𑀡𑀸𑀥𑀺𑀧𑀢𑀺 𑀲𑀫𑁆𑀧𑀬𑀼𑀢𑁆𑀢𑀓𑀸𑀦𑀁 𑀔𑀦𑁆𑀥𑀸𑀦𑀁 𑀘𑀺𑀢𑁆𑀢𑀲𑀫𑀼𑀝𑁆𑀞𑀸𑀦𑀸𑀦𑀜𑁆𑀘 𑀭𑀽𑀧𑀸𑀦𑀁 𑀅𑀥𑀺𑀧𑀢𑀺𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄. 𑀅𑀭𑀡𑁄 𑀥𑀫𑁆𑀫𑁄 𑀲𑀭𑀡𑀲𑁆𑀲 𑀥𑀫𑁆𑀫𑀲𑁆𑀲 𑀅𑀥𑀺𑀧𑀢𑀺𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄. 𑀆𑀭𑀫𑁆𑀫𑀡𑀸𑀥𑀺𑀧𑀢𑀺 𑁋 𑀤𑀸𑀦𑀁…𑀧𑁂… 𑀲𑀻𑀮𑀁…𑀧𑁂… 𑀉𑀧𑁄𑀲𑀣𑀓𑀫𑁆𑀫𑀁 𑀓𑀢𑁆𑀯𑀸 𑀢𑀁 𑀕𑀭𑀼𑀁 𑀓𑀢𑁆𑀯𑀸 𑀅𑀲𑁆𑀲𑀸𑀤𑁂𑀢𑀺 𑀅𑀪𑀺𑀦𑀦𑁆𑀤𑀢𑀺, 𑀢𑀁 𑀕𑀭𑀼𑀁 𑀓𑀢𑁆𑀯𑀸 𑀭𑀸𑀕𑁄 𑀉𑀧𑁆𑀧𑀚𑁆𑀚𑀢𑀺… 𑀤𑀺𑀝𑁆𑀞𑀺 𑀉𑀧𑁆𑀧𑀚𑁆𑀚𑀢𑀺; 𑀧𑀼𑀩𑁆𑀩𑁂 𑀲𑀼𑀘𑀺𑀡𑁆𑀡𑀸𑀦𑀺…𑀧𑁂… 𑀛𑀸𑀦𑀸…𑀧𑁂… 𑀘𑀓𑁆𑀔𑀼𑀁…𑀧𑁂… 𑀯𑀢𑁆𑀣𑀼𑀁, 𑀅𑀭𑀡𑁂 𑀔𑀦𑁆𑀥𑁂 𑀕𑀭𑀼𑀁 𑀓𑀢𑁆𑀯𑀸 𑀅𑀲𑁆𑀲𑀸𑀤𑁂𑀢𑀺 𑀅𑀪𑀺𑀦𑀦𑁆𑀤𑀢𑀺, 𑀢𑀁 𑀕𑀭𑀼𑀁 𑀓𑀢𑁆𑀯𑀸 𑀭𑀸𑀕𑁄 𑀉𑀧𑁆𑀧𑀚𑁆𑀚𑀢𑀺… 𑀤𑀺𑀝𑁆𑀞𑀺 𑀉𑀧𑁆𑀧𑀚𑁆𑀚𑀢𑀺. (𑁨)

𑀅𑀦𑀦𑁆𑀢𑀭𑀧𑀘𑁆𑀘𑀬𑀸𑀤𑀺

𑁩𑁫𑁪. 𑀲𑀭𑀡𑁄 𑀥𑀫𑁆𑀫𑁄 𑀲𑀭𑀡𑀲𑁆𑀲 𑀥𑀫𑁆𑀫𑀲𑁆𑀲 𑀅𑀦𑀦𑁆𑀢𑀭𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄 𑁋 𑀧𑀼𑀭𑀺𑀫𑀸 𑀧𑀼𑀭𑀺𑀫𑀸 𑀲𑀭𑀡𑀸 𑀔𑀦𑁆𑀥𑀸 𑀧𑀘𑁆𑀙𑀺𑀫𑀸𑀦𑀁 𑀧𑀘𑁆𑀙𑀺𑀫𑀸𑀦𑀁 𑀲𑀭𑀡𑀸𑀦𑀁 𑀔𑀦𑁆𑀥𑀸𑀦𑀁 𑀅𑀦𑀦𑁆𑀢𑀭𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄. 𑀲𑀭𑀡𑁄 𑀥𑀫𑁆𑀫𑁄 𑀅𑀭𑀡𑀲𑁆𑀲 𑀥𑀫𑁆𑀫𑀲𑁆𑀲 𑀅𑀦𑀦𑁆𑀢𑀭𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄 𑁋 𑀲𑀭𑀡𑀸 𑀔𑀦𑁆𑀥𑀸 𑀯𑀼𑀝𑁆𑀞𑀸𑀦𑀲𑁆𑀲 𑀅𑀦𑀦𑁆𑀢𑀭𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄. (𑁨)

𑁩𑁫𑁫. 𑀅𑀭𑀡𑁄 𑀥𑀫𑁆𑀫𑁄 𑀅𑀭𑀡𑀲𑁆𑀲 𑀥𑀫𑁆𑀫𑀲𑁆𑀲 𑀅𑀦𑀦𑁆𑀢𑀭𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄 𑁋 𑀧𑀼𑀭𑀺𑀫𑀸 𑀧𑀼𑀭𑀺𑀫𑀸 𑀅𑀭𑀡𑀸 𑀔𑀦𑁆𑀥𑀸 𑀧𑀘𑁆𑀙𑀺𑀫𑀸𑀦𑀁 𑀧𑀘𑁆𑀙𑀺𑀫𑀸𑀦𑀁 𑀅𑀭𑀡𑀸𑀦𑀁 𑀔𑀦𑁆𑀥𑀸𑀦𑀁 𑀅𑀦𑀦𑁆𑀢𑀭𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄; 𑀅𑀦𑀼𑀮𑁄𑀫𑀁 𑀕𑁄𑀢𑁆𑀭𑀪𑀼𑀲𑁆𑀲…𑀧𑁂… 𑀨𑀮𑀲𑀫𑀸𑀧𑀢𑁆𑀢𑀺𑀬𑀸 𑀅𑀦𑀦𑁆𑀢𑀭𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄. 𑀅𑀭𑀡𑁄 𑀥𑀫𑁆𑀫𑁄 𑀲𑀭𑀡𑀲𑁆𑀲 𑀥𑀫𑁆𑀫𑀲𑁆𑀲 𑀅𑀦𑀦𑁆𑀢𑀭𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄 𑁋 𑀆𑀯𑀚𑁆𑀚𑀦𑀸 𑀲𑀭𑀡𑀸𑀦𑀁 𑀔𑀦𑁆𑀥𑀸𑀦𑀁 𑀅𑀦𑀦𑁆𑀢𑀭𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄. (𑁨)

𑀲𑀫𑀦𑀦𑁆𑀢𑀭𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄… 𑀲𑀳𑀚𑀸𑀢𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄… 𑀧𑀜𑁆𑀘… 𑀅𑀜𑁆𑀜𑀫𑀜𑁆𑀜𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄… 𑀤𑁆𑀯𑁂… 𑀦𑀺𑀲𑁆𑀲𑀬𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄… 𑀲𑀢𑁆𑀢.

𑀉𑀧𑀦𑀺𑀲𑁆𑀲𑀬𑀧𑀘𑁆𑀘𑀬𑁄

𑁩𑁫𑁬. 𑀲𑀭𑀡𑁄 𑀥𑀫𑁆𑀫𑁄 𑀲𑀭𑀡𑀲𑁆𑀲 𑀥𑀫𑁆𑀫𑀲𑁆𑀲 𑀉𑀧𑀦𑀺𑀲𑁆𑀲𑀬𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄 𑁋 𑀆𑀭𑀫𑁆𑀫𑀡𑀽𑀧𑀦𑀺𑀲𑁆𑀲𑀬𑁄, 𑀅𑀦𑀦𑁆𑀢𑀭𑀽𑀧𑀦𑀺𑀲𑁆𑀲𑀬𑁄, 𑀧𑀓𑀢𑀽𑀧𑀦𑀺𑀲𑁆𑀲𑀬𑁄…𑀧𑁂…. 𑀧𑀓𑀢𑀽𑀧𑀦𑀺𑀲𑁆𑀲𑀬𑁄 𑁋 𑀭𑀸𑀕𑀁 𑀉𑀧𑀦𑀺𑀲𑁆𑀲𑀸𑀬 𑀧𑀸𑀡𑀁 𑀳𑀦𑀢𑀺…𑀧𑁂… 𑀲𑀗𑁆𑀖𑀁 𑀪𑀺𑀦𑁆𑀤𑀢𑀺; 𑀤𑁄𑀲𑀁…𑀧𑁂… 𑀧𑀢𑁆𑀣𑀦𑀁 𑀉𑀧𑀦𑀺𑀲𑁆𑀲𑀸𑀬 𑀧𑀸𑀡𑀁 𑀳𑀦𑀢𑀺…𑀧𑁂… 𑀲𑀗𑁆𑀖𑀁 𑀪𑀺𑀦𑁆𑀤𑀢𑀺, 𑀭𑀸𑀕𑁄…𑀧𑁂… 𑀧𑀢𑁆𑀣𑀦𑀸 𑀭𑀸𑀕𑀲𑁆𑀲…𑀧𑁂… 𑀧𑀢𑁆𑀣𑀦𑀸𑀬 𑀉𑀧𑀦𑀺𑀲𑁆𑀲𑀬𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄. 𑀲𑀭𑀡𑁄 𑀥𑀫𑁆𑀫𑁄 𑀅𑀭𑀡𑀲𑁆𑀲 𑀥𑀫𑁆𑀫𑀲𑁆𑀲 𑀉𑀧𑀦𑀺𑀲𑁆𑀲𑀬𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄 𑁋 𑀅𑀦𑀦𑁆𑀢𑀭𑀽𑀧𑀦𑀺𑀲𑁆𑀲𑀬𑁄, 𑀧𑀓𑀢𑀽𑀧𑀦𑀺𑀲𑁆𑀲𑀬𑁄…𑀧𑁂…. 𑀧𑀓𑀢𑀽𑀧𑀦𑀺𑀲𑁆𑀲𑀬𑁄 𑁋 𑀭𑀸𑀕𑀁 𑀉𑀧𑀦𑀺𑀲𑁆𑀲𑀸𑀬 𑀤𑀸𑀦𑀁 𑀤𑁂𑀢𑀺, 𑀲𑀻𑀮𑀁…𑀧𑁂… 𑀉𑀧𑁄𑀲𑀣𑀓𑀫𑁆𑀫𑀁 𑀓𑀭𑁄𑀢𑀺, 𑀛𑀸𑀦𑀁 𑀉𑀧𑁆𑀧𑀸𑀤𑁂𑀢𑀺, 𑀯𑀺𑀧𑀲𑁆𑀲𑀦𑀁…𑀧𑁂… 𑀫𑀕𑁆𑀕𑀁…𑀧𑁂… 𑀅𑀪𑀺𑀜𑁆𑀜𑀁…𑀧𑁂… 𑀲𑀫𑀸𑀧𑀢𑁆𑀢𑀺𑀁 𑀉𑀧𑁆𑀧𑀸𑀤𑁂𑀢𑀺; 𑀤𑁄𑀲𑀁…𑀧𑁂… 𑀧𑀢𑁆𑀣𑀦𑀁 𑀉𑀧𑀦𑀺𑀲𑁆𑀲𑀸𑀬 𑀤𑀸𑀦𑀁 𑀤𑁂𑀢𑀺…𑀧𑁂… 𑀲𑀫𑀸𑀧𑀢𑁆𑀢𑀺𑀁 𑀉𑀧𑁆𑀧𑀸𑀤𑁂𑀢𑀺, 𑀭𑀸𑀕𑁄…𑀧𑁂… 𑀧𑀢𑁆𑀣𑀦𑀸 𑀲𑀤𑁆𑀥𑀸𑀬…𑀧𑁂… 𑀧𑀜𑁆𑀜𑀸𑀬… 𑀓𑀸𑀬𑀺𑀓𑀲𑁆𑀲 𑀲𑀼𑀔𑀲𑁆𑀲… 𑀓𑀸𑀬𑀺𑀓𑀲𑁆𑀲 𑀤𑀼𑀓𑁆𑀔𑀲𑁆𑀲… 𑀫𑀕𑁆𑀕𑀲𑁆𑀲… 𑀨𑀮𑀲𑀫𑀸𑀧𑀢𑁆𑀢𑀺𑀬𑀸 𑀉𑀧𑀦𑀺𑀲𑁆𑀲𑀬𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄. (𑁨)

𑁩𑁫𑁭. 𑀅𑀭𑀡𑁄 𑀥𑀫𑁆𑀫𑁄 𑀅𑀭𑀡𑀲𑁆𑀲 𑀥𑀫𑁆𑀫𑀲𑁆𑀲 𑀉𑀧𑀦𑀺𑀲𑁆𑀲𑀬𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄 𑁋 𑀆𑀭𑀫𑁆𑀫𑀡𑀽𑀧𑀦𑀺𑀲𑁆𑀲𑀬𑁄, 𑀅𑀦𑀦𑁆𑀢𑀭𑀽𑀧𑀦𑀺𑀲𑁆𑀲𑀬𑁄, 𑀧𑀓𑀢𑀽𑀧𑀦𑀺𑀲𑁆𑀲𑀬𑁄…𑀧𑁂…. 𑀧𑀓𑀢𑀽𑀧𑀦𑀺𑀲𑁆𑀲𑀬𑁄 𑁋 𑀲𑀤𑁆𑀥𑀁 𑀉𑀧𑀦𑀺𑀲𑁆𑀲𑀸𑀬 𑀤𑀸𑀦𑀁 𑀤𑁂𑀢𑀺…𑀧𑁂… 𑀲𑀫𑀸𑀧𑀢𑁆𑀢𑀺𑀁 𑀉𑀧𑁆𑀧𑀸𑀤𑁂𑀢𑀺; 𑀲𑀻𑀮𑀁…𑀧𑁂… 𑀧𑀜𑁆𑀜𑀁… 𑀓𑀸𑀬𑀺𑀓𑀁 𑀲𑀼𑀔𑀁… 𑀓𑀸𑀬𑀺𑀓𑀁 𑀤𑀼𑀓𑁆𑀔𑀁… 𑀉𑀢𑀼𑀁… 𑀪𑁄𑀚𑀦𑀁… 𑀲𑁂𑀦𑀸𑀲𑀦𑀁 𑀉𑀧𑀦𑀺𑀲𑁆𑀲𑀸𑀬 𑀤𑀸𑀦𑀁 𑀤𑁂𑀢𑀺…𑀧𑁂… 𑀲𑀫𑀸𑀧𑀢𑁆𑀢𑀺𑀁 𑀉𑀧𑁆𑀧𑀸𑀤𑁂𑀢𑀺; 𑀲𑀤𑁆𑀥𑀸 …𑀧𑁂… 𑀲𑁂𑀦𑀸𑀲𑀦𑀁 𑀲𑀤𑁆𑀥𑀸𑀬…𑀧𑁂… 𑀧𑀜𑁆𑀜𑀸𑀬… 𑀓𑀸𑀬𑀺𑀓𑀲𑁆𑀲 𑀲𑀼𑀔𑀲𑁆𑀲… 𑀓𑀸𑀬𑀺𑀓𑀲𑁆𑀲 𑀤𑀼𑀓𑁆𑀔𑀲𑁆𑀲… 𑀫𑀕𑁆𑀕𑀲𑁆𑀲… 𑀨𑀮𑀲𑀫𑀸𑀧𑀢𑁆𑀢𑀺𑀬𑀸 𑀉𑀧𑀦𑀺𑀲𑁆𑀲𑀬𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄. (𑁧)

𑀅𑀭𑀡𑁄 𑀥𑀫𑁆𑀫𑁄 𑀲𑀭𑀡𑀲𑁆𑀲 𑀥𑀫𑁆𑀫𑀲𑁆𑀲 𑀉𑀧𑀦𑀺𑀲𑁆𑀲𑀬𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄 𑁋 𑀆𑀭𑀫𑁆𑀫𑀡𑀽𑀧𑀦𑀺𑀲𑁆𑀲𑀬𑁄, 𑀅𑀦𑀦𑁆𑀢𑀭𑀽𑀧𑀦𑀺𑀲𑁆𑀲𑀬𑁄, 𑀧𑀓𑀢𑀽𑀧𑀦𑀺𑀲𑁆𑀲𑀬𑁄…𑀧𑁂…. 𑀧𑀓𑀢𑀽𑀧𑀦𑀺𑀲𑁆𑀲𑀬𑁄 𑁋 𑀲𑀤𑁆𑀥𑀁 𑀉𑀧𑀦𑀺𑀲𑁆𑀲𑀸𑀬 𑀫𑀸𑀦𑀁 𑀚𑀧𑁆𑀧𑁂𑀢𑀺, 𑀤𑀺𑀝𑁆𑀞𑀺𑀁 𑀕𑀡𑁆𑀳𑀸𑀢𑀺; 𑀲𑀻𑀮𑀁…𑀧𑁂… 𑀲𑁂𑀦𑀸𑀲𑀦𑀁 𑀉𑀧𑀦𑀺𑀲𑁆𑀲𑀸𑀬 𑀧𑀸𑀡𑀁 𑀳𑀦𑀢𑀺…𑀧𑁂… 𑀲𑀗𑁆𑀖𑀁 𑀪𑀺𑀦𑁆𑀤𑀢𑀺; 𑀲𑀤𑁆𑀥𑀸…𑀧𑁂… 𑀲𑁂𑀦𑀸𑀲𑀦𑀁 𑀭𑀸𑀕𑀲𑁆𑀲…𑀧𑁂… 𑀧𑀢𑁆𑀣𑀦𑀸𑀬 𑀉𑀧𑀦𑀺𑀲𑁆𑀲𑀬𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄. (𑁨)

𑀧𑀼𑀭𑁂𑀚𑀸𑀢𑀧𑀘𑁆𑀘𑀬𑀸𑀤𑀺

𑁩𑁫𑁮. 𑀅𑀭𑀡𑁄 𑀥𑀫𑁆𑀫𑁄 𑀅𑀭𑀡𑀲𑁆𑀲 𑀥𑀫𑁆𑀫𑀲𑁆𑀲 𑀧𑀼𑀭𑁂𑀚𑀸𑀢𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄 𑁋 𑀆𑀭𑀫𑁆𑀫𑀡𑀧𑀼𑀭𑁂𑀚𑀸𑀢𑀁, 𑀯𑀢𑁆𑀣𑀼𑀧𑀼𑀭𑁂𑀚𑀸𑀢𑀁. 𑀆𑀭𑀫𑁆𑀫𑀡𑀧𑀼𑀭𑁂𑀚𑀸𑀢𑀁 𑁋 𑀘𑀓𑁆𑀔𑀼𑀁…𑀧𑁂… 𑀯𑀢𑁆𑀣𑀼𑀁 𑀅𑀦𑀺𑀘𑁆𑀘𑀢𑁄…𑀧𑁂… 𑀯𑀺𑀧𑀲𑁆𑀲𑀢𑀺…𑀧𑁂… 𑀤𑀺𑀩𑁆𑀩𑁂𑀦 𑀘𑀓𑁆𑀔𑀼𑀦𑀸 𑀭𑀽𑀧𑀁 𑀧𑀲𑁆𑀲𑀢𑀺, 𑀤𑀺𑀩𑁆𑀩𑀸𑀬 𑀲𑁄𑀢𑀥𑀸𑀢𑀼𑀬𑀸 𑀲𑀤𑁆𑀤𑀁 𑀲𑀼𑀡𑀸𑀢𑀺, 𑀭𑀽𑀧𑀸𑀬𑀢𑀦𑀁 𑀘𑀓𑁆𑀔𑀼𑀯𑀺𑀜𑁆𑀜𑀸𑀡𑀲𑁆𑀲…𑀧𑁂… 𑀨𑁄𑀝𑁆𑀞𑀩𑁆𑀩𑀸𑀬𑀢𑀦𑀁 𑀓𑀸𑀬𑀯𑀺𑀜𑁆𑀜𑀸𑀡𑀲𑁆𑀲…𑀧𑁂…. 𑀯𑀢𑁆𑀣𑀼𑀧𑀼𑀭𑁂𑀚𑀸𑀢𑀁 𑁋 𑀘𑀓𑁆𑀔𑀸𑀬𑀢𑀦𑀁 𑀘𑀓𑁆𑀔𑀼𑀯𑀺𑀜𑁆𑀜𑀸𑀡𑀲𑁆𑀲 …𑀧𑁂… 𑀓𑀸𑀬𑀸𑀬𑀢𑀦𑀁 𑀓𑀸𑀬𑀯𑀺𑀜𑁆𑀜𑀸𑀡𑀲𑁆𑀲…𑀧𑁂… 𑀯𑀢𑁆𑀣𑀼 𑀅𑀭𑀡𑀸𑀦𑀁 𑀔𑀦𑁆𑀥𑀸𑀦𑀁 𑀧𑀼𑀭𑁂𑀚𑀸𑀢𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄. 𑀅𑀭𑀡𑁄 𑀥𑀫𑁆𑀫𑁄 𑀲𑀭𑀡𑀲𑁆𑀲 𑀥𑀫𑁆𑀫𑀲𑁆𑀲 𑀧𑀼𑀭𑁂𑀚𑀸𑀢𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄 𑁋 𑀆𑀭𑀫𑁆𑀫𑀡𑀧𑀼𑀭𑁂𑀚𑀸𑀢𑀁, 𑀯𑀢𑁆𑀣𑀼𑀧𑀼𑀭𑁂𑀚𑀸𑀢𑀁. 𑀆𑀭𑀫𑁆𑀫𑀡𑀧𑀼𑀭𑁂𑀚𑀸𑀢𑀁 𑁋 𑀘𑀓𑁆𑀔𑀼𑀁…𑀧𑁂… 𑀯𑀢𑁆𑀣𑀼𑀁 𑀅𑀲𑁆𑀲𑀸𑀤𑁂𑀢𑀺 𑀅𑀪𑀺𑀦𑀦𑁆𑀤𑀢𑀺, 𑀢𑀁 𑀆𑀭𑀩𑁆𑀪 𑀭𑀸𑀕𑁄 𑀉𑀧𑁆𑀧𑀚𑁆𑀚𑀢𑀺…𑀧𑁂… 𑀤𑁄𑀫𑀦𑀲𑁆𑀲𑀁 𑀉𑀧𑁆𑀧𑀚𑁆𑀚𑀢𑀺. 𑀯𑀢𑁆𑀣𑀼𑀧𑀼𑀭𑁂𑀚𑀸𑀢𑀁 𑁋 𑀯𑀢𑁆𑀣𑀼 𑀲𑀭𑀡𑀸𑀦𑀁 𑀔𑀦𑁆𑀥𑀸𑀦𑀁 𑀧𑀼𑀭𑁂𑀚𑀸𑀢𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄. (𑁨)

𑀧𑀘𑁆𑀙𑀸𑀚𑀸𑀢𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄… 𑀤𑁆𑀯𑁂… 𑀆𑀲𑁂𑀯𑀦𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄… 𑀤𑁆𑀯𑁂.

𑀓𑀫𑁆𑀫𑀧𑀘𑁆𑀘𑀬𑁄

𑁩𑁫𑁯. 𑀲𑀭𑀡𑁄 𑀥𑀫𑁆𑀫𑁄 𑀲𑀭𑀡𑀲𑁆𑀲 𑀥𑀫𑁆𑀫𑀲𑁆𑀲 𑀓𑀫𑁆𑀫𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄 𑁋 𑀲𑀭𑀡𑀸 𑀘𑁂𑀢𑀦𑀸 𑀲𑀫𑁆𑀧𑀬𑀼𑀢𑁆𑀢𑀓𑀸𑀦𑀁 𑀔𑀦𑁆𑀥𑀸𑀦𑀁 𑀓𑀫𑁆𑀫𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄. (𑀫𑀽𑀮𑀁 𑀓𑀸𑀢𑀩𑁆𑀩𑀁.) 𑀲𑀳𑀚𑀸𑀢𑀸, 𑀦𑀸𑀦𑀸𑀓𑁆𑀔𑀡𑀺𑀓𑀸. 𑀲𑀳𑀚𑀸𑀢𑀸 𑁋 𑀲𑀭𑀡𑀸 𑀘𑁂𑀢𑀦𑀸 𑀘𑀺𑀢𑁆𑀢𑀲𑀫𑀼𑀝𑁆𑀞𑀸𑀦𑀸𑀦𑀁 𑀭𑀽𑀧𑀸𑀦𑀁 𑀓𑀫𑁆𑀫𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄. 𑀦𑀸𑀦𑀸𑀓𑁆𑀔𑀡𑀺𑀓𑀸 𑁋 𑀲𑀭𑀡𑀸 𑀘𑁂𑀢𑀦𑀸 𑀯𑀺𑀧𑀸𑀓𑀸𑀦𑀁 𑀔𑀦𑁆𑀥𑀸𑀦𑀁 𑀓𑀝𑀢𑁆𑀢𑀸 𑀘 𑀭𑀽𑀧𑀸𑀦𑀁 𑀓𑀫𑁆𑀫𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄. (𑀫𑀽𑀮𑀁 𑀓𑀸𑀢𑀩𑁆𑀩𑀁.) 𑀲𑀭𑀡𑀸 𑀘𑁂𑀢𑀦𑀸 𑀲𑀫𑁆𑀧𑀬𑀼𑀢𑁆𑀢𑀓𑀸𑀦𑀁 𑀔𑀦𑁆𑀥𑀸𑀦𑀁 𑀘𑀺𑀢𑁆𑀢𑀲𑀫𑀼𑀝𑁆𑀞𑀸𑀦𑀸𑀦𑀜𑁆𑀘 𑀭𑀽𑀧𑀸𑀦𑀁 𑀓𑀫𑁆𑀫𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄. (𑁩)

𑀅𑀭𑀡𑁄 𑀥𑀫𑁆𑀫𑁄 𑀅𑀭𑀡𑀲𑁆𑀲 𑀥𑀫𑁆𑀫𑀲𑁆𑀲 𑀓𑀫𑁆𑀫𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄 𑁋 𑀲𑀳𑀚𑀸𑀢𑀸, 𑀦𑀸𑀦𑀸𑀓𑁆𑀔𑀡𑀺𑀓𑀸. 𑀲𑀳𑀚𑀸𑀢𑀸 𑁋 (𑀲𑀁𑀔𑀺𑀢𑁆𑀢𑀁). (𑁧)

𑀯𑀺𑀧𑀸𑀓𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄… 𑀏𑀓𑀁… 𑀆𑀳𑀸𑀭𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄… 𑀘𑀢𑁆𑀢𑀸𑀭𑀺… 𑀇𑀦𑁆𑀤𑁆𑀭𑀺𑀬𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄… 𑀘𑀢𑁆𑀢𑀸𑀭𑀺… 𑀛𑀸𑀦𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄… 𑀘𑀢𑁆𑀢𑀸𑀭𑀺… 𑀫𑀕𑁆𑀕𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄… 𑀘𑀢𑁆𑀢𑀸𑀭𑀺… 𑀲𑀫𑁆𑀧𑀬𑀼𑀢𑁆𑀢𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄… 𑀤𑁆𑀯𑁂… 𑀯𑀺𑀧𑁆𑀧𑀬𑀼𑀢𑁆𑀢𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄… 𑀢𑀻𑀡𑀺 (𑀅𑀭𑀽𑀧𑀤𑀼𑀓𑀲𑀤𑀺𑀲𑀸).

𑀅𑀢𑁆𑀣𑀺𑀧𑀘𑁆𑀘𑀬𑁄

𑁩𑁬𑁦. 𑀲𑀭𑀡𑁄 𑀥𑀫𑁆𑀫𑁄 𑀲𑀭𑀡𑀲𑁆𑀲 𑀥𑀫𑁆𑀫𑀲𑁆𑀲 𑀅𑀢𑁆𑀣𑀺𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄 (𑀲𑀁𑀔𑀺𑀢𑁆𑀢𑀁). 𑀲𑀭𑀡𑁄 𑀥𑀫𑁆𑀫𑁄 𑀅𑀭𑀡𑀲𑁆𑀲 𑀥𑀫𑁆𑀫𑀲𑁆𑀲 𑀅𑀢𑁆𑀣𑀺𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄 𑁋 𑀲𑀳𑀚𑀸𑀢𑀁, 𑀧𑀘𑁆𑀙𑀸𑀚𑀸𑀢𑀁 (𑀲𑀁𑀔𑀺𑀢𑁆𑀢𑀁). 𑀲𑀭𑀡𑁄 𑀥𑀫𑁆𑀫𑁄 𑀲𑀭𑀡𑀲𑁆𑀲 𑀘 𑀅𑀭𑀡𑀲𑁆𑀲 𑀘 𑀥𑀫𑁆𑀫𑀲𑁆𑀲 𑀅𑀢𑁆𑀣𑀺𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄 (𑀲𑀁𑀔𑀺𑀢𑁆𑀢𑀁). (𑁩)

𑁩𑁬𑁧. 𑀅𑀭𑀡𑁄 𑀥𑀫𑁆𑀫𑁄 𑀅𑀭𑀡𑀲𑁆𑀲 𑀥𑀫𑁆𑀫𑀲𑁆𑀲 𑀅𑀢𑁆𑀣𑀺𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄 𑁋 𑀲𑀳𑀚𑀸𑀢𑀁, 𑀧𑀼𑀭𑁂𑀚𑀸𑀢𑀁, 𑀧𑀘𑁆𑀙𑀸𑀚𑀸𑀢𑀁, 𑀆𑀳𑀸𑀭𑀁, 𑀇𑀦𑁆𑀤𑁆𑀭𑀺𑀬𑀁 (𑀲𑀁𑀔𑀺𑀢𑁆𑀢𑀁). 𑀅𑀭𑀡𑁄 𑀥𑀫𑁆𑀫𑁄 𑀲𑀭𑀡𑀲𑁆𑀲 𑀥𑀫𑁆𑀫𑀲𑁆𑀲 𑀅𑀢𑁆𑀣𑀺𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄. 𑀧𑀼𑀭𑁂𑀚𑀸𑀢𑀁 𑁋 𑀘𑀓𑁆𑀔𑀼𑀁 …𑀧𑁂… 𑀯𑀢𑁆𑀣𑀼𑀁 𑀅𑀲𑁆𑀲𑀸𑀤𑁂𑀢𑀺 𑀅𑀪𑀺𑀦𑀦𑁆𑀤𑀢𑀺, 𑀢𑀁 𑀆𑀭𑀩𑁆𑀪 𑀭𑀸𑀕𑁄 𑀉𑀧𑁆𑀧𑀚𑁆𑀚𑀢𑀺…𑀧𑁂… 𑀤𑁄𑀫𑀦𑀲𑁆𑀲𑀁 𑀉𑀧𑁆𑀧𑀚𑁆𑀚𑀢𑀺, 𑀯𑀢𑁆𑀣𑀼 𑀲𑀭𑀡𑀸𑀦𑀁 𑀔𑀦𑁆𑀥𑀸𑀦𑀁 𑀅𑀢𑁆𑀣𑀺𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄. (𑁨)

𑀲𑀭𑀡𑁄 𑀘 𑀅𑀭𑀡𑁄 𑀘 𑀥𑀫𑁆𑀫𑀸 𑀲𑀭𑀡𑀲𑁆𑀲 𑀥𑀫𑁆𑀫𑀲𑁆𑀲 𑀅𑀢𑁆𑀣𑀺𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄 𑁋 𑀲𑀳𑀚𑀸𑀢𑀁, 𑀧𑀼𑀭𑁂𑀚𑀸𑀢𑀁 (𑀲𑀁𑀔𑀺𑀢𑁆𑀢𑀁). 𑀲𑀭𑀡𑁄 𑀘 𑀅𑀭𑀡𑁄 𑀘 𑀥𑀫𑁆𑀫𑀸 𑀅𑀭𑀡𑀲𑁆𑀲 𑀥𑀫𑁆𑀫𑀲𑁆𑀲 𑀅𑀢𑁆𑀣𑀺𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄 𑁋 𑀲𑀳𑀚𑀸𑀢𑀁, 𑀧𑀘𑁆𑀙𑀸𑀚𑀸𑀢𑀁, 𑀆𑀳𑀸𑀭𑀁, 𑀇𑀦𑁆𑀤𑁆𑀭𑀺𑀬𑀁. 𑀲𑀳𑀚𑀸𑀢𑀸 𑁋 𑀲𑀭𑀡𑀸 𑀔𑀦𑁆𑀥𑀸 𑀘 𑀫𑀳𑀸𑀪𑀽𑀢𑀸 𑀘 𑀘𑀺𑀢𑁆𑀢𑀲𑀫𑀼𑀝𑁆𑀞𑀸𑀦𑀸𑀦𑀁 𑀭𑀽𑀧𑀸𑀦𑀁 𑀅𑀢𑁆𑀣𑀺𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄. 𑀧𑀘𑁆𑀙𑀸𑀚𑀸𑀢𑀸 𑁋 𑀲𑀭𑀡𑀸 𑀔𑀦𑁆𑀥𑀸 𑀘 𑀓𑀩𑀴𑀻𑀓𑀸𑀭𑁄 𑀆𑀳𑀸𑀭𑁄 𑀘 𑀇𑀫𑀲𑁆𑀲 𑀓𑀸𑀬𑀲𑁆𑀲 𑀅𑀢𑁆𑀣𑀺𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄. 𑀧𑀘𑁆𑀙𑀸𑀚𑀸𑀢𑀸 𑁋 𑀲𑀭𑀡𑀸 𑀔𑀦𑁆𑀥𑀸 𑀘 𑀭𑀽𑀧𑀚𑀻𑀯𑀺𑀢𑀺𑀦𑁆𑀤𑁆𑀭𑀺𑀬𑀜𑁆𑀘 𑀓𑀝𑀢𑁆𑀢𑀸𑀭𑀽𑀧𑀸𑀦𑀁 𑀅𑀢𑁆𑀣𑀺𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄. (𑁨)