𑁧. 𑀯𑀺𑀪𑀗𑁆𑀕𑀯𑀸𑀭𑁄

𑀳𑁂𑀢𑀼𑀧𑀘𑁆𑀘𑀬𑀸𑀤𑀺

𑁧𑁮𑁬. 𑀉𑀧𑁂𑀓𑁆𑀔𑀸𑀲𑀳𑀕𑀢𑁄 𑀥𑀫𑁆𑀫𑁄 𑀉𑀧𑁂𑀓𑁆𑀔𑀸𑀲𑀳𑀕𑀢𑀲𑁆𑀲 𑀥𑀫𑁆𑀫𑀲𑁆𑀲 𑀳𑁂𑀢𑀼𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄 𑁋 𑀉𑀧𑁂𑀓𑁆𑀔𑀸𑀲𑀳𑀕𑀢𑀸 𑀳𑁂𑀢𑀽 𑀲𑀫𑁆𑀧𑀬𑀼𑀢𑁆𑀢𑀓𑀸𑀦𑀁 𑀔𑀦𑁆𑀥𑀸𑀦𑀁 𑀳𑁂𑀢𑀼𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄; 𑀧𑀝𑀺𑀲𑀦𑁆𑀥𑀺𑀓𑁆𑀔𑀡𑁂…𑀧𑁂…. (𑀏𑀯𑀁 𑀘𑀢𑁆𑀢𑀸𑀭𑀺 𑀧𑀜𑁆𑀳𑀸 𑀬𑀣𑀸 𑀲𑀯𑀺𑀢𑀓𑁆𑀓𑀤𑀼𑀓𑀲𑁆𑀲.)

𑀉𑀧𑁂𑀓𑁆𑀔𑀸𑀲𑀳𑀕𑀢𑁄 𑀥𑀫𑁆𑀫𑁄 𑀉𑀧𑁂𑀓𑁆𑀔𑀸𑀲𑀳𑀕𑀢𑀲𑁆𑀲 𑀥𑀫𑁆𑀫𑀲𑁆𑀲 𑀆𑀭𑀫𑁆𑀫𑀡𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄… 𑀅𑀥𑀺𑀧𑀢𑀺𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄. (𑀬𑀣𑀸 𑀲𑀧𑁆𑀧𑀻𑀢𑀺𑀓𑀤𑀼𑀓𑀁 𑀏𑀯𑀁 𑀆𑀭𑀫𑁆𑀫𑀡𑀫𑁆𑀧𑀺 𑀅𑀥𑀺𑀧𑀢𑀺𑀧𑀺 𑀯𑀺𑀢𑁆𑀣𑀸𑀭𑁂𑀢𑀩𑁆𑀩𑀸, ‘‘𑀉𑀧𑁂𑀓𑁆𑀔𑀸’’𑀢𑀺 𑀦𑀸𑀦𑀁.)

𑀅𑀦𑀦𑁆𑀢𑀭𑀧𑀘𑁆𑀘𑀬𑀸𑀤𑀺

𑁧𑁮𑁭. 𑀉𑀧𑁂𑀓𑁆𑀔𑀸𑀲𑀳𑀕𑀢𑁄 𑀥𑀫𑁆𑀫𑁄 𑀉𑀧𑁂𑀓𑁆𑀔𑀸𑀲𑀳𑀕𑀢𑀲𑁆𑀲 𑀥𑀫𑁆𑀫𑀲𑁆𑀲 𑀅𑀦𑀦𑁆𑀢𑀭𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄 𑁋 𑀧𑀼𑀭𑀺𑀫𑀸 𑀧𑀼𑀭𑀺𑀫𑀸 𑀉𑀧𑁂𑀓𑁆𑀔𑀸𑀲𑀳𑀕𑀢𑀸 𑀔𑀦𑁆𑀥𑀸 𑀧𑀘𑁆𑀙𑀺𑀫𑀸𑀦𑀁 𑀧𑀘𑁆𑀙𑀺𑀫𑀸𑀦𑀁 𑀉𑀧𑁂𑀓𑁆𑀔𑀸𑀲𑀳𑀕𑀢𑀸𑀦𑀁 𑀔𑀦𑁆𑀥𑀸𑀦𑀁 𑀅𑀦𑀦𑁆𑀢𑀭𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄. (𑁧)

𑀉𑀧𑁂𑀓𑁆𑀔𑀸𑀲𑀳𑀕𑀢𑁄 𑀥𑀫𑁆𑀫𑁄 𑀦𑀉𑀧𑁂𑀓𑁆𑀔𑀸𑀲𑀳𑀕𑀢𑀲𑁆𑀲 𑀥𑀫𑁆𑀫𑀲𑁆𑀲 𑀅𑀦𑀦𑁆𑀢𑀭𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄 𑁋 𑀧𑀼𑀭𑀺𑀫𑀸 𑀧𑀼𑀭𑀺𑀫𑀸 𑀉𑀧𑁂𑀓𑁆𑀔𑀸𑀲𑀳𑀕𑀢𑀸 𑀔𑀦𑁆𑀥𑀸 𑀧𑀘𑁆𑀙𑀺𑀫𑀸𑀬 𑀧𑀘𑁆𑀙𑀺𑀫𑀸𑀬 𑀉𑀧𑁂𑀓𑁆𑀔𑀸𑀬 𑀅𑀦𑀦𑁆𑀢𑀭𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄; 𑀉𑀧𑁂𑀓𑁆𑀔𑀸𑀲𑀳𑀕𑀢𑀁 𑀘𑀼𑀢𑀺𑀘𑀺𑀢𑁆𑀢𑀁 𑀦𑀉𑀧𑁂𑀓𑁆𑀔𑀸𑀲𑀳𑀕𑀢𑀲𑁆𑀲 𑀉𑀧𑀧𑀢𑁆𑀢𑀺𑀘𑀺𑀢𑁆𑀢𑀲𑁆𑀲… 𑀆𑀯𑀚𑁆𑀚𑀦𑀸 𑀦𑀉𑀧𑁂𑀓𑁆𑀔𑀸𑀲𑀳𑀕𑀢𑀸𑀦𑀁 𑀔𑀦𑁆𑀥𑀸𑀦𑀁… 𑀯𑀺𑀧𑀸𑀓𑀫𑀦𑁄𑀥𑀸𑀢𑀼 𑀦𑀉𑀧𑁂𑀓𑁆𑀔𑀸𑀲𑀳𑀕𑀢𑀸𑀬 𑀯𑀺𑀧𑀸𑀓𑀫𑀦𑁄𑀯𑀺𑀜𑁆𑀜𑀸𑀡𑀥𑀸𑀢𑀼𑀬𑀸… 𑀉𑀧𑁂𑀓𑁆𑀔𑀸𑀲𑀳𑀕𑀢𑀁 𑀪𑀯𑀗𑁆𑀕𑀁 𑀦𑀉𑀧𑁂𑀓𑁆𑀔𑀸𑀲𑀳𑀕𑀢𑀲𑁆𑀲 𑀪𑀯𑀗𑁆𑀕𑀲𑁆𑀲… 𑀉𑀧𑁂𑀓𑁆𑀔𑀸𑀲𑀳𑀕𑀢𑀁 𑀓𑀼𑀲𑀮𑀸𑀓𑀼𑀲𑀮𑀁 𑀦𑀉𑀧𑁂𑀓𑁆𑀔𑀸𑀲𑀳𑀕𑀢𑀲𑁆𑀲 𑀯𑀼𑀝𑁆𑀞𑀸𑀦𑀲𑁆𑀲… 𑀓𑀺𑀭𑀺𑀬𑀁 𑀯𑀼𑀝𑁆𑀞𑀸𑀦𑀲𑁆𑀲… 𑀨𑀮𑀁 𑀯𑀼𑀝𑁆𑀞𑀸𑀦𑀲𑁆𑀲… 𑀦𑀺𑀭𑁄𑀥𑀸 𑀯𑀼𑀝𑁆𑀞𑀳𑀦𑁆𑀢𑀲𑁆𑀲 𑀦𑁂𑀯𑀲𑀜𑁆𑀜𑀸𑀦𑀸𑀲𑀜𑁆𑀜𑀸𑀬𑀢𑀦𑀁 𑀦𑀉𑀧𑁂𑀓𑁆𑀔𑀸𑀲𑀳𑀕𑀢𑀸𑀬 𑀨𑀮𑀲𑀫𑀸𑀧𑀢𑁆𑀢𑀺𑀬𑀸 𑀅𑀦𑀦𑁆𑀢𑀭𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄. (𑁨)

𑀉𑀧𑁂𑀓𑁆𑀔𑀸𑀲𑀳𑀕𑀢𑁄 𑀥𑀫𑁆𑀫𑁄 𑀉𑀧𑁂𑀓𑁆𑀔𑀸𑀲𑀳𑀕𑀢𑀲𑁆𑀲 𑀘 𑀦𑀉𑀧𑁂𑀓𑁆𑀔𑀸𑀲𑀳𑀕𑀢𑀲𑁆𑀲 𑀘 𑀥𑀫𑁆𑀫𑀲𑁆𑀲 𑀅𑀦𑀦𑁆𑀢𑀭𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄 𑁋 𑀧𑀼𑀭𑀺𑀫𑀸 𑀧𑀼𑀭𑀺𑀫𑀸 𑀉𑀧𑁂𑀓𑁆𑀔𑀸𑀲𑀳𑀕𑀢𑀸 𑀔𑀦𑁆𑀥𑀸 𑀧𑀘𑁆𑀙𑀺𑀫𑀸𑀦𑀁 𑀧𑀘𑁆𑀙𑀺𑀫𑀸𑀦𑀁 𑀉𑀧𑁂𑀓𑁆𑀔𑀸𑀲𑀳𑀕𑀢𑀸𑀦𑀁 𑀔𑀦𑁆𑀥𑀸𑀦𑀁 𑀉𑀧𑁂𑀓𑁆𑀔𑀸𑀬 𑀘 𑀅𑀦𑀦𑁆𑀢𑀭𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄. (𑁩)

𑁧𑁮𑁮. 𑀦𑀉𑀧𑁂𑀓𑁆𑀔𑀸𑀲𑀳𑀕𑀢𑁄 𑀥𑀫𑁆𑀫𑁄 𑀦𑀉𑀧𑁂𑀓𑁆𑀔𑀸𑀲𑀳𑀕𑀢𑀲𑁆𑀲 𑀥𑀫𑁆𑀫𑀲𑁆𑀲 𑀅𑀦𑀦𑁆𑀢𑀭𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄 𑁋 𑀧𑀼𑀭𑀺𑀫𑀸 𑀧𑀼𑀭𑀺𑀫𑀸 𑀉𑀧𑁂𑀓𑁆𑀔𑀸 𑀧𑀘𑁆𑀙𑀺𑀫𑀸𑀬 𑀧𑀘𑁆𑀙𑀺𑀫𑀸𑀬 𑀉𑀧𑁂𑀓𑁆𑀔𑀸𑀬 𑀅𑀦𑀦𑁆𑀢𑀭𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄; 𑀧𑀼𑀭𑀺𑀫𑀸 𑀧𑀼𑀭𑀺𑀫𑀸 𑀦𑀉𑀧𑁂𑀓𑁆𑀔𑀸𑀲𑀳𑀕𑀢𑀸 𑀔𑀦𑁆𑀥𑀸 𑀧𑀘𑁆𑀙𑀺𑀫𑀸𑀦𑀁 𑀧𑀘𑁆𑀙𑀺𑀫𑀸𑀦𑀁 𑀦𑀉𑀧𑁂𑀓𑁆𑀔𑀸𑀲𑀳𑀕𑀢𑀸𑀦𑀁 𑀔𑀦𑁆𑀥𑀸𑀦𑀁 𑀅𑀦𑀦𑁆𑀢𑀭𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄; 𑀅𑀦𑀼𑀮𑁄𑀫𑀁 𑀕𑁄𑀢𑁆𑀭𑀪𑀼𑀲𑁆𑀲…𑀧𑁂… 𑀅𑀦𑀼𑀮𑁄𑀫𑀁 𑀨𑀮𑀲𑀫𑀸𑀧𑀢𑁆𑀢𑀺𑀬𑀸 𑀅𑀦𑀦𑁆𑀢𑀭𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄. (𑀫𑀽𑀮𑀁 𑀓𑀸𑀢𑀩𑁆𑀩𑀁.) 𑀧𑀼𑀭𑀺𑀫𑀸 𑀧𑀼𑀭𑀺𑀫𑀸 𑀉𑀧𑁂𑀓𑁆𑀔𑀸 𑀧𑀘𑁆𑀙𑀺𑀫𑀸𑀦𑀁 𑀧𑀘𑁆𑀙𑀺𑀫𑀸𑀦𑀁 𑀉𑀧𑁂𑀓𑁆𑀔𑀸𑀲𑀳𑀕𑀢𑀸𑀦𑀁 𑀔𑀦𑁆𑀥𑀸𑀦𑀁 𑀅𑀦𑀦𑁆𑀢𑀭𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄; 𑀦𑀉𑀧𑁂𑀓𑁆𑀔𑀸𑀲𑀳𑀕𑀢𑀁 𑀘𑀼𑀢𑀺𑀘𑀺𑀢𑁆𑀢𑀁 𑀉𑀧𑁂𑀓𑁆𑀔𑀸𑀲𑀳𑀕𑀢𑀲𑁆𑀲 𑀉𑀧𑀧𑀢𑁆𑀢𑀺𑀘𑀺𑀢𑁆𑀢𑀲𑁆𑀲… 𑀦𑀉𑀧𑁂𑀓𑁆𑀔𑀸𑀲𑀳𑀕𑀢𑀁 𑀪𑀯𑀗𑁆𑀕𑀁 𑀆𑀯𑀚𑁆𑀚𑀦𑀸𑀬… 𑀓𑀸𑀬𑀯𑀺𑀜𑁆𑀜𑀸𑀡𑀥𑀸𑀢𑀼 𑀯𑀺𑀧𑀸𑀓𑀫𑀦𑁄𑀥𑀸𑀢𑀼𑀬𑀸… 𑀦𑀉𑀧𑁂𑀓𑁆𑀔𑀸𑀲𑀳𑀕𑀢𑀸 𑀯𑀺𑀧𑀸𑀓𑀫𑀦𑁄𑀯𑀺𑀜𑁆𑀜𑀸𑀡𑀥𑀸𑀢𑀼 𑀓𑀺𑀭𑀺𑀬𑀫𑀦𑁄𑀯𑀺𑀜𑁆𑀜𑀸𑀡𑀥𑀸𑀢𑀼𑀬𑀸… 𑀦𑀉𑀧𑁂𑀓𑁆𑀔𑀸𑀲𑀳𑀕𑀢𑀁 𑀪𑀯𑀗𑁆𑀕𑀁 𑀉𑀧𑁂𑀓𑁆𑀔𑀸𑀲𑀳𑀕𑀢𑀲𑁆𑀲 𑀪𑀯𑀗𑁆𑀕𑀲𑁆𑀲… 𑀦𑀉𑀧𑁂𑀓𑁆𑀔𑀸𑀲𑀳𑀕𑀢𑀁 𑀓𑀼𑀲𑀮𑀸𑀓𑀼𑀲𑀮𑀁 𑀉𑀧𑁂𑀓𑁆𑀔𑀸𑀲𑀳𑀕𑀢𑀲𑁆𑀲 𑀯𑀼𑀝𑁆𑀞𑀸𑀦𑀲𑁆𑀲… 𑀓𑀺𑀭𑀺𑀬𑀁 𑀯𑀼𑀝𑁆𑀞𑀸𑀦𑀲𑁆𑀲… 𑀨𑀮𑀁 𑀯𑀼𑀝𑁆𑀞𑀸𑀦𑀲𑁆𑀲 𑀅𑀦𑀦𑁆𑀢𑀭𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄. (𑁨)

𑀦𑀉𑀧𑁂𑀓𑁆𑀔𑀸𑀲𑀳𑀕𑀢𑁄 𑀥𑀫𑁆𑀫𑁄 𑀉𑀧𑁂𑀓𑁆𑀔𑀸𑀲𑀳𑀕𑀢𑀲𑁆𑀲 𑀘 𑀦𑀉𑀧𑁂𑀓𑁆𑀔𑀸𑀲𑀳𑀕𑀢𑀲𑁆𑀲 𑀘 𑀥𑀫𑁆𑀫𑀲𑁆𑀲 𑀅𑀦𑀦𑁆𑀢𑀭𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄 𑁋 𑀧𑀼𑀭𑀺𑀫𑀸 𑀧𑀼𑀭𑀺𑀫𑀸 𑀉𑀧𑁂𑀓𑁆𑀔𑀸 𑀧𑀘𑁆𑀙𑀺𑀫𑀸𑀦𑀁 𑀧𑀘𑁆𑀙𑀺𑀫𑀸𑀦𑀁 𑀉𑀧𑁂𑀓𑁆𑀔𑀸𑀲𑀳𑀕𑀢𑀸𑀦𑀁 𑀔𑀦𑁆𑀥𑀸𑀦𑀁 𑀉𑀧𑁂𑀓𑁆𑀔𑀸𑀬 𑀘 𑀅𑀦𑀦𑁆𑀢𑀭𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄. (𑁩)

𑁧𑁮𑁯. 𑀉𑀧𑁂𑀓𑁆𑀔𑀸𑀲𑀳𑀕𑀢𑁄 𑀘 𑀦𑀉𑀧𑁂𑀓𑁆𑀔𑀸𑀲𑀳𑀕𑀢𑁄 𑀘 𑀥𑀫𑁆𑀫𑀸 𑀉𑀧𑁂𑀓𑁆𑀔𑀸𑀲𑀳𑀕𑀢𑀲𑁆𑀲 𑀥𑀫𑁆𑀫𑀲𑁆𑀲 𑀅𑀦𑀦𑁆𑀢𑀭𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄 𑁋 𑀧𑀼𑀭𑀺𑀫𑀸 𑀧𑀼𑀭𑀺𑀫𑀸 𑀉𑀧𑁂𑀓𑁆𑀔𑀸𑀲𑀳𑀕𑀢𑀸 𑀔𑀦𑁆𑀥𑀸 𑀘 𑀉𑀧𑁂𑀓𑁆𑀔𑀸 𑀘 𑀧𑀘𑁆𑀙𑀺𑀫𑀸𑀦𑀁 𑀧𑀘𑁆𑀙𑀺𑀫𑀸𑀦𑀁 𑀉𑀧𑁂𑀓𑁆𑀔𑀸𑀲𑀳𑀕𑀢𑀸𑀦𑀁 𑀔𑀦𑁆𑀥𑀸𑀦𑀁 𑀅𑀦𑀦𑁆𑀢𑀭𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄. (𑀫𑀽𑀮𑀁 𑀓𑀸𑀢𑀩𑁆𑀩𑀁.) 𑀧𑀼𑀭𑀺𑀫𑀸 𑀧𑀼𑀭𑀺𑀫𑀸 𑀉𑀧𑁂𑀓𑁆𑀔𑀸𑀲𑀳𑀕𑀢𑀸 𑀔𑀦𑁆𑀥𑀸 𑀘 𑀉𑀧𑁂𑀓𑁆𑀔𑀸 𑀘 𑀧𑀘𑁆𑀙𑀺𑀫𑀸𑀬 𑀧𑀘𑁆𑀙𑀺𑀫𑀸𑀬 𑀉𑀧𑁂𑀓𑁆𑀔𑀸𑀬 𑀅𑀦𑀦𑁆𑀢𑀭𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄; 𑀉𑀧𑁂𑀓𑁆𑀔𑀸𑀲𑀳𑀕𑀢𑀁 𑀘𑀼𑀢𑀺𑀘𑀺𑀢𑁆𑀢𑀜𑁆𑀘 𑀉𑀧𑁂𑀓𑁆𑀔𑀸 𑀘 𑀦𑀉𑀧𑁂𑀓𑁆𑀔𑀸𑀲𑀳𑀕𑀢𑀲𑁆𑀲 𑀉𑀧𑀧𑀢𑁆𑀢𑀺𑀘𑀺𑀢𑁆𑀢𑀲𑁆𑀲… 𑀆𑀯𑀚𑁆𑀚𑀦𑀸 𑀘 𑀉𑀧𑁂𑀓𑁆𑀔𑀸 𑀘 𑀦𑀉𑀧𑁂𑀓𑁆𑀔𑀸𑀲𑀳𑀕𑀢𑀸𑀦𑀁 𑀔𑀦𑁆𑀥𑀸𑀦𑀁… 𑀯𑀺𑀧𑀸𑀓𑀫𑀦𑁄𑀥𑀸𑀢𑀼 𑀘 𑀉𑀧𑁂𑀓𑁆𑀔𑀸 𑀘 𑀦𑀉𑀧𑁂𑀓𑁆𑀔𑀸𑀲𑀳𑀕𑀢𑀸𑀬 𑀯𑀺𑀧𑀸𑀓𑀫𑀦𑁄𑀯𑀺𑀜𑁆𑀜𑀸𑀡𑀥𑀸𑀢𑀼𑀬𑀸… 𑀉𑀧𑁂𑀓𑁆𑀔𑀸𑀲𑀳𑀕𑀢𑀁 𑀪𑀯𑀗𑁆𑀕𑀜𑁆𑀘 𑀉𑀧𑁂𑀓𑁆𑀔𑀸 𑀘 𑀦𑀉𑀧𑁂𑀓𑁆𑀔𑀸𑀲𑀳𑀕𑀢𑀲𑁆𑀲 𑀪𑀯𑀗𑁆𑀕𑀲𑁆𑀲… 𑀉𑀧𑁂𑀓𑁆𑀔𑀸𑀲𑀳𑀕𑀢𑀁 𑀓𑀼𑀲𑀮𑀸𑀓𑀼𑀲𑀮𑀜𑁆𑀘 𑀉𑀧𑁂𑀓𑁆𑀔𑀸 𑀘 𑀦𑀉𑀧𑁂𑀓𑁆𑀔𑀸𑀲𑀳𑀕𑀢𑀲𑁆𑀲 𑀯𑀼𑀝𑁆𑀞𑀸𑀦𑀲𑁆𑀲… 𑀓𑀺𑀭𑀺𑀬𑀜𑁆𑀘 𑀉𑀧𑁂𑀓𑁆𑀔𑀸 𑀘 𑀯𑀼𑀝𑁆𑀞𑀸𑀦𑀲𑁆𑀲… 𑀨𑀮𑀜𑁆𑀘 𑀉𑀧𑁂𑀓𑁆𑀔𑀸 𑀘 𑀯𑀼𑀝𑁆𑀞𑀸𑀦𑀲𑁆𑀲… 𑀦𑀺𑀭𑁄𑀥𑀸 𑀯𑀼𑀝𑁆𑀞𑀳𑀦𑁆𑀢𑀲𑁆𑀲 𑀦𑁂𑀯𑀲𑀜𑁆𑀜𑀸𑀦𑀸𑀲𑀜𑁆𑀜𑀸𑀬𑀢𑀦𑀜𑁆𑀘 𑀉𑀧𑁂𑀓𑁆𑀔𑀸 𑀘 𑀦𑀉𑀧𑁂𑀓𑁆𑀔𑀸𑀲𑀳𑀕𑀢𑀸𑀬 𑀨𑀮𑀲𑀫𑀸𑀧𑀢𑁆𑀢𑀺𑀬𑀸 𑀅𑀦𑀦𑁆𑀢𑀭𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄. (𑀫𑀽𑀮𑀁 𑀓𑀸𑀢𑀩𑁆𑀩𑀁.) 𑀧𑀼𑀭𑀺𑀫𑀸 𑀧𑀼𑀭𑀺𑀫𑀸 𑀉𑀧𑁂𑀓𑁆𑀔𑀸𑀲𑀳𑀕𑀢𑀸 𑀔𑀦𑁆𑀥𑀸 𑀘 𑀉𑀧𑁂𑀓𑁆𑀔𑀸 𑀘 𑀧𑀘𑁆𑀙𑀺𑀫𑀸𑀦𑀁 𑀧𑀘𑁆𑀙𑀺𑀫𑀸𑀦𑀁 𑀉𑀧𑁂𑀓𑁆𑀔𑀸𑀲𑀳𑀕𑀢𑀸𑀦𑀁 𑀔𑀦𑁆𑀥𑀸𑀦𑀁 𑀉𑀧𑁂𑀓𑁆𑀔𑀸𑀬 𑀘 𑀅𑀦𑀦𑁆𑀢𑀭𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄. (𑁩)

𑀲𑀫𑀦𑀦𑁆𑀢𑀭𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄… 𑀲𑀳𑀚𑀸𑀢𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄… 𑀦𑀯… 𑀅𑀜𑁆𑀜𑀫𑀜𑁆𑀜𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄… 𑀦𑀯… 𑀦𑀺𑀲𑁆𑀲𑀬𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄… 𑀦𑀯.

𑀉𑀧𑀦𑀺𑀲𑁆𑀲𑀬𑀧𑀘𑁆𑀘𑀬𑁄

𑁧𑁯𑁦. 𑀉𑀧𑁂𑀓𑁆𑀔𑀸𑀲𑀳𑀕𑀢𑁄 𑀥𑀫𑁆𑀫𑁄 𑀉𑀧𑁂𑀓𑁆𑀔𑀸𑀲𑀳𑀕𑀢𑀲𑁆𑀲 𑀥𑀫𑁆𑀫𑀲𑁆𑀲 𑀉𑀧𑀦𑀺𑀲𑁆𑀲𑀬𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄… 𑀢𑀻𑀡𑀺.

𑀦𑀉𑀧𑁂𑀓𑁆𑀔𑀸𑀲𑀳𑀕𑀢𑁄 𑀥𑀫𑁆𑀫𑁄 𑀦𑀉𑀧𑁂𑀓𑁆𑀔𑀸𑀲𑀳𑀕𑀢𑀲𑁆𑀲 𑀥𑀫𑁆𑀫𑀲𑁆𑀲 𑀉𑀧𑀦𑀺𑀲𑁆𑀲𑀬𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄 𑁋 𑀆𑀭𑀫𑁆𑀫𑀡𑀽𑀧𑀦𑀺𑀲𑁆𑀲𑀬𑁄, 𑀅𑀦𑀦𑁆𑀢𑀭𑀽𑀧𑀦𑀺𑀲𑁆𑀲𑀬𑁄, 𑀧𑀓𑀢𑀽𑀧𑀦𑀺𑀲𑁆𑀲𑀬𑁄…𑀧𑁂…. 𑀧𑀓𑀢𑀽𑀧𑀦𑀺𑀲𑁆𑀲𑀬𑁄 𑁋 𑀦𑀉𑀧𑁂𑀓𑁆𑀔𑀸𑀲𑀳𑀕𑀢𑀁 𑀲𑀤𑁆𑀥𑀁 𑀉𑀧𑀦𑀺𑀲𑁆𑀲𑀸𑀬 𑀦𑀉𑀧𑁂𑀓𑁆𑀔𑀸𑀲𑀳𑀕𑀢𑁂𑀦 𑀘𑀺𑀢𑁆𑀢𑁂𑀦 𑀤𑀸𑀦𑀁 𑀤𑁂𑀢𑀺, 𑀲𑀻𑀮𑀁…𑀧𑁂… 𑀉𑀧𑁄𑀲𑀣𑀓𑀫𑁆𑀫𑀁…𑀧𑁂… 𑀦𑀉𑀧𑁂𑀓𑁆𑀔𑀸𑀲𑀳𑀕𑀢𑀁 𑀛𑀸𑀦𑀁…𑀧𑁂… 𑀯𑀺𑀧𑀲𑁆𑀲𑀦𑀁…𑀧𑁂… 𑀫𑀕𑁆𑀕𑀁…𑀧𑁂… 𑀲𑀫𑀸𑀧𑀢𑁆𑀢𑀺𑀁 𑀉𑀧𑁆𑀧𑀸𑀤𑁂𑀢𑀺, 𑀫𑀸𑀦𑀁 𑀚𑀧𑁆𑀧𑁂𑀢𑀺, 𑀤𑀺𑀝𑁆𑀞𑀺𑀁 𑀕𑀡𑁆𑀳𑀸𑀢𑀺; 𑀦𑀉𑀧𑁂𑀓𑁆𑀔𑀸𑀲𑀳𑀕𑀢𑀁 𑀲𑀻𑀮𑀁…𑀧𑁂… 𑀧𑀜𑁆𑀜𑀁… 𑀭𑀸𑀕𑀁… 𑀤𑁄𑀲𑀁… 𑀫𑁄𑀳𑀁… 𑀫𑀸𑀦𑀁… 𑀤𑀺𑀝𑁆𑀞𑀺𑀁… 𑀧𑀢𑁆𑀣𑀦𑀁… 𑀓𑀸𑀬𑀺𑀓𑀁 𑀲𑀼𑀔𑀁… 𑀓𑀸𑀬𑀺𑀓𑀁 𑀤𑀼𑀓𑁆𑀔𑀁… 𑀉𑀢𑀼𑀁… 𑀪𑁄𑀚𑀦𑀁… 𑀲𑁂𑀦𑀸𑀲𑀦𑀁 𑀉𑀧𑁂𑀓𑁆𑀔𑀁 𑀉𑀧𑀦𑀺𑀲𑁆𑀲𑀸𑀬 𑀦𑀉𑀧𑁂𑀓𑁆𑀔𑀸𑀲𑀳𑀕𑀢𑁂𑀦 𑀘𑀺𑀢𑁆𑀢𑁂𑀦 𑀤𑀸𑀦𑀁 𑀤𑁂𑀢𑀺…𑀧𑁂… 𑀲𑀫𑀸𑀧𑀢𑁆𑀢𑀺𑀁 𑀉𑀧𑁆𑀧𑀸𑀤𑁂𑀢𑀺, 𑀧𑀸𑀡𑀁 𑀳𑀦𑀢𑀺…𑀧𑁂… 𑀲𑀗𑁆𑀖𑀁 𑀪𑀺𑀦𑁆𑀤𑀢𑀺; 𑀦𑀉𑀧𑁂𑀓𑁆𑀔𑀸𑀲𑀳𑀕𑀢𑀸 𑀲𑀤𑁆𑀥𑀸…𑀧𑁂… 𑀲𑁂𑀦𑀸𑀲𑀦𑀁 𑀉𑀧𑁂𑀓𑁆𑀔𑀸 𑀘 𑀦𑀉𑀧𑁂𑀓𑁆𑀔𑀸𑀲𑀳𑀕𑀢𑀸𑀬 𑀲𑀤𑁆𑀥𑀸𑀬…𑀧𑁂… 𑀧𑀜𑁆𑀜𑀸𑀬… 𑀭𑀸𑀕𑀲𑁆𑀲…𑀧𑁂… 𑀧𑀢𑁆𑀣𑀦𑀸𑀬… 𑀓𑀸𑀬𑀺𑀓𑀲𑁆𑀲 𑀲𑀼𑀔𑀲𑁆𑀲… 𑀓𑀸𑀬𑀺𑀓𑀲𑁆𑀲 𑀤𑀼𑀓𑁆𑀔𑀲𑁆𑀲 … 𑀫𑀕𑁆𑀕𑀲𑁆𑀲, 𑀨𑀮𑀲𑀫𑀸𑀧𑀢𑁆𑀢𑀺𑀬𑀸 𑀉𑀧𑁂𑀓𑁆𑀔𑀸𑀬 𑀘 𑀉𑀧𑀦𑀺𑀲𑁆𑀲𑀬𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄. (𑁧)

𑀦𑀉𑀧𑁂𑀓𑁆𑀔𑀸𑀲𑀳𑀕𑀢𑁄 𑀥𑀫𑁆𑀫𑁄 𑀉𑀧𑁂𑀓𑁆𑀔𑀸𑀲𑀳𑀕𑀢𑀲𑁆𑀲 𑀥𑀫𑁆𑀫𑀲𑁆𑀲 𑀉𑀧𑀦𑀺𑀲𑁆𑀲𑀬𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄 (𑀢𑀻𑀡𑀺𑀧𑀺 𑀉𑀧𑀦𑀺𑀲𑁆𑀲𑀬𑀸). 𑀦𑀉𑀧𑁂𑀓𑁆𑀔𑀸𑀲𑀳𑀕𑀢𑀁 𑀲𑀤𑁆𑀥𑀁 𑀉𑀧𑀦𑀺𑀲𑁆𑀲𑀸𑀬 𑀉𑀧𑁂𑀓𑁆𑀔𑀸𑀲𑀳𑀕𑀢𑁂𑀦 𑀘𑀺𑀢𑁆𑀢𑁂𑀦 𑀤𑀸𑀦𑀁 𑀤𑁂𑀢𑀺…𑀧𑁂… 𑀲𑀫𑀸𑀧𑀢𑁆𑀢𑀺𑀁 𑀉𑀧𑁆𑀧𑀸𑀤𑁂𑀢𑀺, 𑀫𑀸𑀦𑀁 𑀚𑀧𑁆𑀧𑁂𑀢𑀺, 𑀤𑀺𑀝𑁆𑀞𑀺𑀁 𑀕𑀡𑁆𑀳𑀸𑀢𑀺; 𑀦𑀉𑀧𑁂𑀓𑁆𑀔𑀸𑀲𑀳𑀕𑀢𑀁 𑀲𑀻𑀮𑀁…𑀧𑁂… 𑀲𑁂𑀦𑀸𑀲𑀦𑀁 𑀉𑀧𑁂𑀓𑁆𑀔𑀁 𑀉𑀧𑀦𑀺𑀲𑁆𑀲𑀸𑀬 𑀉𑀧𑁂𑀓𑁆𑀔𑀸𑀲𑀳𑀕𑀢𑁂𑀦 𑀘𑀺𑀢𑁆𑀢𑁂𑀦 𑀤𑀸𑀦𑀁 𑀤𑁂𑀢𑀺…𑀧𑁂… 𑀲𑀫𑀸𑀧𑀢𑁆𑀢𑀺𑀁 𑀉𑀧𑁆𑀧𑀸𑀤𑁂𑀢𑀺, 𑀉𑀧𑁂𑀓𑁆𑀔𑀸𑀲𑀳𑀕𑀢𑁂𑀦 𑀘𑀺𑀢𑁆𑀢𑁂𑀦 𑀅𑀤𑀺𑀦𑁆𑀦𑀁 𑀆𑀤𑀺𑀬𑀢𑀺, 𑀫𑀼𑀲𑀸 𑀪𑀡𑀢𑀺, 𑀧𑀺𑀲𑀼𑀡𑀁…𑀧𑁂… 𑀲𑀫𑁆𑀨𑀁…𑀧𑁂… 𑀲𑀦𑁆𑀥𑀺𑀁…𑀧𑁂… 𑀦𑀺𑀮𑁆𑀮𑁄𑀧𑀁…𑀧𑁂… 𑀏𑀓𑀸𑀕𑀸𑀭𑀺𑀓𑀁…𑀧𑁂… 𑀧𑀭𑀺𑀧𑀦𑁆𑀣𑁂…𑀧𑁂… 𑀧𑀭𑀤𑀸𑀭𑀁…𑀧𑁂… 𑀕𑀸𑀫𑀖𑀸𑀢𑀁…𑀧𑁂… 𑀦𑀺𑀕𑀫𑀖𑀸𑀢𑀁 𑀓𑀭𑁄𑀢𑀺; 𑀦𑀉𑀧𑁂𑀓𑁆𑀔𑀸𑀲𑀳𑀕𑀢𑀸 𑀲𑀤𑁆𑀥𑀸…𑀧𑁂… 𑀲𑁂𑀦𑀸𑀲𑀦𑀁 𑀉𑀧𑁂𑀓𑁆𑀔𑀸 𑀘 𑀉𑀧𑁂𑀓𑁆𑀔𑀸𑀲𑀳𑀕𑀢𑀸𑀬 𑀲𑀤𑁆𑀥𑀸𑀬…𑀧𑁂… 𑀧𑀢𑁆𑀣𑀦𑀸𑀬… 𑀫𑀕𑁆𑀕𑀲𑁆𑀲, 𑀨𑀮𑀲𑀫𑀸𑀧𑀢𑁆𑀢𑀺𑀬𑀸 𑀉𑀧𑀦𑀺𑀲𑁆𑀲𑀬𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄.

𑀦𑀉𑀧𑁂𑀓𑁆𑀔𑀸𑀲𑀳𑀕𑀢𑁄 𑀥𑀫𑁆𑀫𑁄 𑀉𑀧𑁂𑀓𑁆𑀔𑀸𑀲𑀳𑀕𑀢𑀲𑁆𑀲 𑀘 𑀦𑀉𑀧𑁂𑀓𑁆𑀔𑀸𑀲𑀳𑀕𑀢𑀲𑁆𑀲 𑀘 𑀥𑀫𑁆𑀫𑀲𑁆𑀲 𑀉𑀧𑀦𑀺𑀲𑁆𑀲𑀬𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄 (𑀢𑀻𑀡𑀺 𑀉𑀧𑀦𑀺𑀲𑁆𑀲𑀬𑀸 𑀤𑀼𑀢𑀺𑀬𑀕𑀫𑀦𑀲𑀤𑀺𑀲𑀸). (𑁩)

𑀉𑀧𑁂𑀓𑁆𑀔𑀸𑀲𑀳𑀕𑀢𑁄 𑀘 𑀦𑀉𑀧𑁂𑀓𑁆𑀔𑀸𑀲𑀳𑀕𑀢𑁄 𑀘 𑀥𑀫𑁆𑀫𑀸 𑀉𑀧𑁂𑀓𑁆𑀔𑀸𑀲𑀳𑀕𑀢𑀲𑁆𑀲 𑀥𑀫𑁆𑀫𑀲𑁆𑀲 𑀉𑀧𑀦𑀺𑀲𑁆𑀲𑀬𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄… 𑀢𑀻𑀡𑀺.

𑀧𑀼𑀭𑁂𑀚𑀸𑀢𑀧𑀘𑁆𑀘𑀬𑁄

𑁧𑁯𑁧. 𑀦𑀉𑀧𑁂𑀓𑁆𑀔𑀸𑀲𑀳𑀕𑀢𑁄 𑀥𑀫𑁆𑀫𑁄 𑀦𑀉𑀧𑁂𑀓𑁆𑀔𑀸𑀲𑀳𑀕𑀢𑀲𑁆𑀲 𑀥𑀫𑁆𑀫𑀲𑁆𑀲 𑀧𑀼𑀭𑁂𑀚𑀸𑀢𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄… 𑀢𑀻𑀡𑀺 (𑀲𑀧𑁆𑀧𑀻𑀢𑀺𑀓𑀤𑀼𑀓𑀲𑀤𑀺𑀲𑀸).

𑀧𑀘𑁆𑀙𑀸𑀚𑀸𑀢𑀧𑀘𑁆𑀘𑀬𑀸𑀤𑀺

𑁧𑁯𑁨. 𑀉𑀧𑁂𑀓𑁆𑀔𑀸𑀲𑀳𑀕𑀢𑁄 𑀥𑀫𑁆𑀫𑁄 𑀦𑀉𑀧𑁂𑀓𑁆𑀔𑀸𑀲𑀳𑀕𑀢𑀲𑁆𑀲 𑀥𑀫𑁆𑀫𑀲𑁆𑀲 𑀧𑀘𑁆𑀙𑀸𑀚𑀸𑀢𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄… 𑀢𑀻𑀡𑀺… 𑀆𑀲𑁂𑀯𑀦𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄… 𑀦𑀯… 𑀓𑀫𑁆𑀫𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄… 𑀙. (𑀘𑀢𑁆𑀢𑀸𑀭𑀺 𑀲𑀳𑀚𑀸𑀢𑀸 𑀦𑀸𑀦𑀸𑀓𑁆𑀔𑀡𑀺𑀓𑀸 𑀓𑀸𑀢𑀩𑁆𑀩𑀸, 𑀤𑁆𑀯𑁂 𑀦𑀸𑀦𑀸𑀓𑁆𑀔𑀡𑀺𑀓𑀸 𑀘.)… 𑀯𑀺𑀧𑀸𑀓𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄… 𑀦𑀯… 𑀆𑀳𑀸𑀭𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄… 𑀘𑀢𑁆𑀢𑀸𑀭𑀺… 𑀇𑀦𑁆𑀤𑁆𑀭𑀺𑀬𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄… 𑀦𑀯… 𑀛𑀸𑀦𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄… 𑀦𑀯… 𑀫𑀕𑁆𑀕𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄… 𑀘𑀢𑁆𑀢𑀸𑀭𑀺… 𑀲𑀫𑁆𑀧𑀬𑀼𑀢𑁆𑀢𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄… 𑀙… 𑀯𑀺𑀧𑁆𑀧𑀬𑀼𑀢𑁆𑀢𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄… 𑀧𑀜𑁆𑀘… 𑀅𑀢𑁆𑀣𑀺𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄… 𑀦𑀯… 𑀦𑀢𑁆𑀣𑀺𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄… 𑀯𑀺𑀕𑀢𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄… 𑀅𑀯𑀺𑀕𑀢𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄. (𑀇𑀫𑀸𑀦𑀺 𑀧𑀘𑁆𑀘𑀬𑀸𑀦𑀺 𑀲𑀧𑁆𑀧𑀻𑀢𑀺𑀓𑀓𑀭𑀡𑁂𑀦 𑀯𑀺𑀪𑀚𑀺𑀢𑀩𑁆𑀩𑀸𑀦𑀺.)