𑁧-𑁪. 𑀧𑀘𑁆𑀘𑀬𑀸𑀦𑀼𑀮𑁄𑀫𑀸𑀤𑀺

𑀳𑁂𑀢𑀼𑀧𑀘𑁆𑀘𑀬𑁄

𑁧𑁮𑁩. 𑀉𑀧𑁂𑀓𑁆𑀔𑀸𑀲𑀳𑀕𑀢𑀁 𑀥𑀫𑁆𑀫𑀁 𑀧𑀘𑁆𑀘𑀬𑀸 𑀉𑀧𑁂𑀓𑁆𑀔𑀸𑀲𑀳𑀕𑀢𑁄 𑀥𑀫𑁆𑀫𑁄 𑀉𑀧𑁆𑀧𑀚𑁆𑀚𑀢𑀺 𑀳𑁂𑀢𑀼𑀧𑀘𑁆𑀘𑀬𑀸 𑁋 𑀉𑀧𑁂𑀓𑁆𑀔𑀸𑀲𑀳𑀕𑀢𑀁 𑀏𑀓𑀁 𑀔𑀦𑁆𑀥𑀁 𑀧𑀘𑁆𑀘𑀬𑀸 𑀤𑁆𑀯𑁂 𑀔𑀦𑁆𑀥𑀸, 𑀤𑁆𑀯𑁂 𑀔𑀦𑁆𑀥𑁂…𑀧𑁂… 𑀧𑀝𑀺𑀲𑀦𑁆𑀥𑀺𑀓𑁆𑀔𑀡𑁂…𑀧𑁂… (𑀬𑀣𑀸 𑀲𑀯𑀺𑀢𑀓𑁆𑀓𑀤𑀼𑀓𑀲𑀤𑀺𑀲𑀁 𑀧𑀘𑁆𑀘𑀬𑀯𑀸𑀭𑁂 𑀦𑀸𑀦𑀸𑀓𑀭𑀡𑀁. ‘‘𑀉𑀧𑁂𑀓𑁆𑀔’’𑀦𑁆𑀢𑀺 𑀦𑀯𑀧𑀺 𑀧𑀜𑁆𑀳𑀸 𑀓𑀸𑀢𑀩𑁆𑀩𑀸, 𑀧𑀝𑀺𑀲𑀦𑁆𑀥𑀺𑀧𑀯𑀢𑁆𑀢𑀺𑀧𑀺 𑀯𑀢𑁆𑀣𑀼𑀧𑀺.)

𑀳𑁂𑀢𑀼𑀬𑀸 𑀦𑀯, 𑀆𑀭𑀫𑁆𑀫𑀡𑁂 𑀦𑀯…𑀧𑁂… 𑀧𑀼𑀭𑁂𑀚𑀸𑀢𑁂 𑀦𑀯, 𑀆𑀲𑁂𑀯𑀦𑁂 𑀦𑀯 (𑀲𑀩𑁆𑀩𑀢𑁆𑀣 𑀦𑀯), 𑀅𑀯𑀺𑀕𑀢𑁂 𑀦𑀯.

𑀅𑀦𑀼𑀮𑁄𑀫𑀁.

𑁧𑁮𑁪. 𑀉𑀧𑁂𑀓𑁆𑀔𑀸𑀲𑀳𑀕𑀢𑀁 𑀥𑀫𑁆𑀫𑀁 𑀧𑀘𑁆𑀘𑀬𑀸 𑀉𑀧𑁂𑀓𑁆𑀔𑀸𑀲𑀳𑀕𑀢𑁄 𑀥𑀫𑁆𑀫𑁄 𑀉𑀧𑁆𑀧𑀚𑁆𑀚𑀢𑀺 𑀦𑀳𑁂𑀢𑀼𑀧𑀘𑁆𑀘𑀬𑀸 𑁋 𑀅𑀳𑁂𑀢𑀼𑀓𑀁 𑀉𑀧𑁂𑀓𑁆𑀔𑀸𑀲𑀳𑀕𑀢𑀁 𑀏𑀓𑀁 𑀔𑀦𑁆𑀥𑀁 𑀧𑀘𑁆𑀘𑀬𑀸 𑀤𑁆𑀯𑁂 𑀔𑀦𑁆𑀥𑀸, 𑀤𑁆𑀯𑁂 𑀔𑀦𑁆𑀥𑁂…𑀧𑁂… 𑀅𑀳𑁂𑀢𑀼𑀓𑀧𑀝𑀺𑀲𑀦𑁆𑀥𑀺𑀓𑁆𑀔𑀡𑁂…𑀧𑁂… 𑀯𑀺𑀘𑀺𑀓𑀺𑀘𑁆𑀙𑀸𑀲𑀳𑀕𑀢𑁂 𑀉𑀤𑁆𑀥𑀘𑁆𑀘𑀲𑀳𑀕𑀢𑁂 𑀔𑀦𑁆𑀥𑁂 𑀧𑀘𑁆𑀘𑀬𑀸 𑀯𑀺𑀘𑀺𑀓𑀺𑀘𑁆𑀙𑀸𑀲𑀳𑀕𑀢𑁄 𑀉𑀤𑁆𑀥𑀘𑁆𑀘𑀲𑀳𑀕𑀢𑁄 𑀫𑁄𑀳𑁄. (𑀏𑀯𑀁 𑀦𑀯𑀧𑀺 𑀧𑀜𑁆𑀳𑀸 𑀧𑀯𑀢𑁆𑀢𑀺𑀧𑀝𑀺𑀲𑀦𑁆𑀥𑀺𑀬𑁄 𑀬𑀣𑀸 𑀲𑀯𑀺𑀢𑀓𑁆𑀓𑀤𑀼𑀓𑀲𑁆𑀲 𑀏𑀯𑀁 𑀓𑀸𑀢𑀩𑁆𑀩𑀸. 𑀢𑀻𑀡𑀺𑀬𑁂𑀯 𑀫𑁄𑀳𑁄, 𑀧𑀯𑀢𑁆𑀢𑁂 𑀯𑀢𑁆𑀣𑀼𑀧𑀺 𑀓𑀸𑀢𑀩𑁆𑀩𑀸.)

𑀦𑀳𑁂𑀢𑀼𑀬𑀸 𑀦𑀯, 𑀦𑀆𑀭𑀫𑁆𑀫𑀡𑁂 𑀢𑀻𑀡𑀺, 𑀦𑀅𑀥𑀺𑀧𑀢𑀺𑀬𑀸 𑀦𑀯, 𑀦𑀅𑀦𑀦𑁆𑀢𑀭𑁂 𑀢𑀻𑀡𑀺, 𑀦𑀲𑀫𑀦𑀦𑁆𑀢𑀭𑁂 𑀢𑀻𑀡𑀺, 𑀦𑀉𑀧𑀦𑀺𑀲𑁆𑀲𑀬𑁂 𑀢𑀻𑀡𑀺, 𑀦𑀧𑀼𑀭𑁂𑀚𑀸𑀢𑁂 𑀦𑀯, 𑀦𑀧𑀘𑁆𑀙𑀸𑀚𑀸𑀢𑁂 𑀦𑀯, 𑀦𑀆𑀲𑁂𑀯𑀦𑁂 𑀦𑀯, 𑀦𑀓𑀫𑁆𑀫𑁂 𑀘𑀢𑁆𑀢𑀸𑀭𑀺, 𑀦𑀯𑀺𑀧𑀸𑀓𑁂 𑀦𑀯, 𑀦𑀆𑀳𑀸𑀭𑁂 𑀏𑀓𑀁, 𑀦𑀇𑀦𑁆𑀤𑁆𑀭𑀺𑀬𑁂 𑀏𑀓𑀁, 𑀦𑀛𑀸𑀦𑁂 𑀏𑀓𑀁, 𑀦𑀫𑀕𑁆𑀕𑁂 𑀦𑀯, 𑀦𑀲𑀫𑁆𑀧𑀬𑀼𑀢𑁆𑀢𑁂 𑀢𑀻𑀡𑀺, 𑀦𑀯𑀺𑀧𑁆𑀧𑀬𑀼𑀢𑁆𑀢𑁂 𑀙, 𑀦𑁄𑀦𑀢𑁆𑀣𑀺𑀬𑀸 𑀢𑀻𑀡𑀺, 𑀦𑁄𑀯𑀺𑀕𑀢𑁂 𑀢𑀻𑀡𑀺.

𑀧𑀘𑁆𑀘𑀦𑀻𑀬𑀁.