𑁧. 𑀯𑀺𑀪𑀗𑁆𑀕𑀯𑀸𑀭𑁄

𑀦𑀳𑁂𑀢𑀼𑀧𑀘𑁆𑀘𑀬𑁄

𑁧𑁩. 𑀓𑀺𑀮𑁂𑀲𑀁 𑀥𑀫𑁆𑀫𑀁 𑀧𑀘𑁆𑀘𑀬𑀸 𑀓𑀺𑀮𑁂𑀲𑁄 𑀥𑀫𑁆𑀫𑁄 𑀉𑀧𑁆𑀧𑀚𑁆𑀚𑀢𑀺 𑀦𑀳𑁂𑀢𑀼𑀧𑀘𑁆𑀘𑀬𑀸 𑁋 𑀯𑀺𑀘𑀺𑀓𑀺𑀘𑁆𑀙𑀁 𑀧𑀘𑁆𑀘𑀬𑀸 𑀯𑀺𑀘𑀺𑀓𑀺𑀘𑁆𑀙𑀸𑀲𑀳𑀕𑀢𑁄 𑀫𑁄𑀳𑁄, 𑀉𑀤𑁆𑀥𑀘𑁆𑀘𑀁 𑀧𑀘𑁆𑀘𑀬𑀸 𑀉𑀤𑁆𑀥𑀘𑁆𑀘𑀲𑀳𑀕𑀢𑁄 𑀫𑁄𑀳𑁄. (𑁧)

𑀦𑁄𑀓𑀺𑀮𑁂𑀲𑀁 𑀥𑀫𑁆𑀫𑀁 𑀧𑀘𑁆𑀘𑀬𑀸 𑀦𑁄𑀓𑀺𑀮𑁂𑀲𑁄 𑀥𑀫𑁆𑀫𑁄 𑀉𑀧𑁆𑀧𑀚𑁆𑀚𑀢𑀺 𑀦𑀳𑁂𑀢𑀼𑀧𑀘𑁆𑀘𑀬𑀸 (𑀬𑀸𑀯 𑀅𑀲𑀜𑁆𑀜𑀲𑀢𑁆𑀢𑀸) 𑁋 𑀘𑀓𑁆𑀔𑀸𑀬𑀢𑀦𑀁 𑀧𑀘𑁆𑀘𑀬𑀸 𑀘𑀓𑁆𑀔𑀼𑀯𑀺𑀜𑁆𑀜𑀸𑀡𑀁…𑀧𑁂… 𑀓𑀸𑀬𑀸𑀬𑀢𑀦𑀁…𑀧𑁂… 𑀯𑀢𑁆𑀣𑀼𑀁 𑀧𑀘𑁆𑀘𑀬𑀸 𑀅𑀳𑁂𑀢𑀼𑀓𑀸 𑀦𑁄𑀓𑀺𑀮𑁂𑀲𑀸 𑀔𑀦𑁆𑀥𑀸. (𑁧)

𑀦𑁄𑀓𑀺𑀮𑁂𑀲𑀁 𑀥𑀫𑁆𑀫𑀁 𑀧𑀘𑁆𑀘𑀬𑀸 𑀓𑀺𑀮𑁂𑀲𑁄 𑀥𑀫𑁆𑀫𑁄 𑀉𑀧𑁆𑀧𑀚𑁆𑀚𑀢𑀺 𑀦𑀳𑁂𑀢𑀼𑀧𑀘𑁆𑀘𑀬𑀸 𑁋 𑀯𑀺𑀘𑀺𑀓𑀺𑀘𑁆𑀙𑀸𑀲𑀳𑀕𑀢𑁂 𑀉𑀤𑁆𑀥𑀘𑁆𑀘𑀲𑀳𑀕𑀢𑁂 𑀔𑀦𑁆𑀥𑁂 𑀘 𑀯𑀢𑁆𑀣𑀼𑀜𑁆𑀘 𑀧𑀘𑁆𑀘𑀬𑀸 𑀯𑀺𑀘𑀺𑀓𑀺𑀘𑁆𑀙𑀸𑀲𑀳𑀕𑀢𑁄 𑀉𑀤𑁆𑀥𑀘𑁆𑀘𑀲𑀳𑀕𑀢𑁄 𑀫𑁄𑀳𑁄. (𑁨)

𑀓𑀺𑀮𑁂𑀲𑀜𑁆𑀘 𑀦𑁄𑀓𑀺𑀮𑁂𑀲𑀜𑁆𑀘 𑀥𑀫𑁆𑀫𑀁 𑀧𑀘𑁆𑀘𑀬𑀸 𑀓𑀺𑀮𑁂𑀲𑁄 𑀥𑀫𑁆𑀫𑁄 𑀉𑀧𑁆𑀧𑀚𑁆𑀚𑀢𑀺 𑀦𑀳𑁂𑀢𑀼𑀧𑀘𑁆𑀘𑀬𑀸 𑁋 𑀯𑀺𑀘𑀺𑀓𑀺𑀘𑁆𑀙𑀜𑁆𑀘 𑀲𑀫𑁆𑀧𑀬𑀼𑀢𑁆𑀢𑀓𑁂 𑀘 𑀔𑀦𑁆𑀥𑁂 𑀯𑀢𑁆𑀣𑀼𑀜𑁆𑀘 𑀧𑀘𑁆𑀘𑀬𑀸 𑀯𑀺𑀘𑀺𑀓𑀺𑀘𑁆𑀙𑀸𑀲𑀳𑀕𑀢𑁄 𑀫𑁄𑀳𑁄, 𑀉𑀤𑁆𑀥𑀘𑁆𑀘𑀜𑁆𑀘 𑀲𑀫𑁆𑀧𑀬𑀼𑀢𑁆𑀢𑀓𑁂 𑀘 𑀔𑀦𑁆𑀥𑁂 𑀯𑀢𑁆𑀣𑀼𑀜𑁆𑀘 𑀧𑀘𑁆𑀘𑀬𑀸 𑀉𑀤𑁆𑀥𑀘𑁆𑀘𑀲𑀳𑀕𑀢𑁄 𑀫𑁄𑀳𑁄 (𑀲𑀁𑀔𑀺𑀢𑁆𑀢𑀁). (𑁧)