𑁧. 𑀯𑀺𑀪𑀗𑁆𑀕𑀯𑀸𑀭𑁄

𑀳𑁂𑀢𑀼𑀧𑀘𑁆𑀘𑀬𑁄

𑁧𑁧𑁦. 𑀲𑀯𑀺𑀢𑀓𑁆𑀓𑀁 𑀥𑀫𑁆𑀫𑀁 𑀧𑀘𑁆𑀘𑀬𑀸 𑀲𑀯𑀺𑀢𑀓𑁆𑀓𑁄 𑀥𑀫𑁆𑀫𑁄 𑀉𑀧𑁆𑀧𑀚𑁆𑀚𑀢𑀺 𑀳𑁂𑀢𑀼𑀧𑀘𑁆𑀘𑀬𑀸… 𑀢𑀻𑀡𑀺 (𑀧𑀝𑀺𑀘𑁆𑀘𑀯𑀸𑀭𑀲𑀤𑀺𑀲𑀸).

𑀅𑀯𑀺𑀢𑀓𑁆𑀓𑀁 𑀥𑀫𑁆𑀫𑀁 𑀧𑀘𑁆𑀘𑀬𑀸 𑀅𑀯𑀺𑀢𑀓𑁆𑀓𑁄 𑀥𑀫𑁆𑀫𑁄 𑀉𑀧𑁆𑀧𑀚𑁆𑀚𑀢𑀺 𑀳𑁂𑀢𑀼𑀧𑀘𑁆𑀘𑀬𑀸 𑁋 𑀅𑀯𑀺𑀢𑀓𑁆𑀓𑀁 𑀏𑀓𑀁 𑀔𑀦𑁆𑀥𑀁 𑀧𑀘𑁆𑀘𑀬𑀸 𑀢𑀬𑁄 𑀔𑀦𑁆𑀥𑀸 𑀘𑀺𑀢𑁆𑀢𑀲𑀫𑀼𑀝𑁆𑀞𑀸𑀦𑀜𑁆𑀘 𑀭𑀽𑀧𑀁…𑀧𑁂… 𑀤𑁆𑀯𑁂 𑀔𑀦𑁆𑀥𑁂…𑀧𑁂… 𑀯𑀺𑀢𑀓𑁆𑀓𑀁 𑀧𑀘𑁆𑀘𑀬𑀸 𑀘𑀺𑀢𑁆𑀢𑀲𑀫𑀼𑀝𑁆𑀞𑀸𑀦𑀁 𑀭𑀽𑀧𑀁; 𑀧𑀝𑀺𑀲𑀦𑁆𑀥𑀺𑀓𑁆𑀔𑀡𑁂 𑀅𑀯𑀺𑀢𑀓𑁆𑀓𑀁 𑀏𑀓𑀁 𑀔𑀦𑁆𑀥𑀁 𑀧𑀘𑁆𑀘𑀬𑀸 𑀢𑀬𑁄 𑀔𑀦𑁆𑀥𑀸 𑀓𑀝𑀢𑁆𑀢𑀸 𑀘 𑀭𑀽𑀧𑀁…𑀧𑁂… 𑀤𑁆𑀯𑁂 𑀔𑀦𑁆𑀥𑁂…𑀧𑁂… 𑀧𑀝𑀺𑀲𑀦𑁆𑀥𑀺𑀓𑁆𑀔𑀡𑁂 𑀯𑀺𑀢𑀓𑁆𑀓𑀁 𑀧𑀘𑁆𑀘𑀬𑀸 𑀓𑀝𑀢𑁆𑀢𑀸𑀭𑀽𑀧𑀁, 𑀔𑀦𑁆𑀥𑁂 𑀧𑀘𑁆𑀘𑀬𑀸 𑀯𑀢𑁆𑀣𑀼, 𑀯𑀢𑁆𑀣𑀼𑀁 𑀧𑀘𑁆𑀘𑀬𑀸 𑀔𑀦𑁆𑀥𑀸, 𑀯𑀺𑀢𑀓𑁆𑀓𑀁 𑀧𑀘𑁆𑀘𑀬𑀸 𑀯𑀢𑁆𑀣𑀼, 𑀯𑀢𑁆𑀣𑀼𑀁 𑀧𑀘𑁆𑀘𑀬𑀸 𑀯𑀺𑀢𑀓𑁆𑀓𑁄, 𑀏𑀓𑀁 𑀫𑀳𑀸𑀪𑀽𑀢𑀁 𑀧𑀘𑁆𑀘𑀬𑀸 𑀢𑀬𑁄 𑀫𑀳𑀸𑀪𑀽𑀢𑀸…𑀧𑁂… 𑀯𑀢𑁆𑀣𑀼𑀁 𑀧𑀘𑁆𑀘𑀬𑀸 𑀅𑀯𑀺𑀢𑀓𑁆𑀓𑀸 𑀔𑀦𑁆𑀥𑀸, 𑀯𑀢𑁆𑀣𑀼𑀁 𑀧𑀘𑁆𑀘𑀬𑀸 𑀯𑀺𑀢𑀓𑁆𑀓𑁄.

𑀅𑀯𑀺𑀢𑀓𑁆𑀓𑀁 𑀥𑀫𑁆𑀫𑀁 𑀧𑀘𑁆𑀘𑀬𑀸 𑀲𑀯𑀺𑀢𑀓𑁆𑀓𑁄 𑀥𑀫𑁆𑀫𑁄 𑀉𑀧𑁆𑀧𑀚𑁆𑀚𑀢𑀺 𑀳𑁂𑀢𑀼𑀧𑀘𑁆𑀘𑀬𑀸 𑁋 𑀯𑀺𑀢𑀓𑁆𑀓𑀁 𑀧𑀘𑁆𑀘𑀬𑀸 𑀲𑀫𑁆𑀧𑀬𑀼𑀢𑁆𑀢𑀓𑀸 𑀔𑀦𑁆𑀥𑀸, 𑀯𑀢𑁆𑀣𑀼𑀁 𑀧𑀘𑁆𑀘𑀬𑀸 𑀲𑀯𑀺𑀢𑀓𑁆𑀓𑀸 𑀔𑀦𑁆𑀥𑀸 (𑀧𑀝𑀺𑀲𑀦𑁆𑀥𑀺𑀬𑀸𑀧𑀺 𑀤𑁆𑀯𑁂).

𑀅𑀯𑀺𑀢𑀓𑁆𑀓𑀁 𑀥𑀫𑁆𑀫𑀁 𑀧𑀘𑁆𑀘𑀬𑀸 𑀲𑀯𑀺𑀢𑀓𑁆𑀓𑁄 𑀘 𑀅𑀯𑀺𑀢𑀓𑁆𑀓𑁄 𑀘 𑀥𑀫𑁆𑀫𑀸 𑀉𑀧𑁆𑀧𑀚𑁆𑀚𑀦𑁆𑀢𑀺 𑀳𑁂𑀢𑀼𑀧𑀘𑁆𑀘𑀬𑀸 𑁋 𑀯𑀺𑀢𑀓𑁆𑀓𑀁 𑀧𑀘𑁆𑀘𑀬𑀸 𑀲𑀫𑁆𑀧𑀬𑀼𑀢𑁆𑀢𑀓𑀸 𑀔𑀦𑁆𑀥𑀸 𑀘𑀺𑀢𑁆𑀢𑀲𑀫𑀼𑀝𑁆𑀞𑀸𑀦𑀜𑁆𑀘 𑀭𑀽𑀧𑀁, 𑀯𑀺𑀢𑀓𑁆𑀓𑀁 𑀧𑀘𑁆𑀘𑀬𑀸 𑀲𑀫𑁆𑀧𑀬𑀼𑀢𑁆𑀢𑀓𑀸 𑀔𑀦𑁆𑀥𑀸, 𑀫𑀳𑀸𑀪𑀽𑀢𑁂 𑀧𑀘𑁆𑀘𑀬𑀸 𑀘𑀺𑀢𑁆𑀢𑀲𑀫𑀼𑀝𑁆𑀞𑀸𑀦𑀁 𑀭𑀽𑀧𑀁, 𑀯𑀢𑁆𑀣𑀼𑀁 𑀧𑀘𑁆𑀘𑀬𑀸 𑀲𑀯𑀺𑀢𑀓𑁆𑀓𑀸 𑀔𑀦𑁆𑀥𑀸, 𑀫𑀳𑀸𑀪𑀽𑀢𑁂 𑀧𑀘𑁆𑀘𑀬𑀸 𑀘𑀺𑀢𑁆𑀢𑀲𑀫𑀼𑀝𑁆𑀞𑀸𑀦𑀁 𑀭𑀽𑀧𑀁, 𑀯𑀢𑁆𑀣𑀼𑀁 𑀧𑀘𑁆𑀘𑀬𑀸 𑀯𑀺𑀢𑀓𑁆𑀓𑁄 𑀲𑀫𑁆𑀧𑀬𑀼𑀢𑁆𑀢𑀓𑀸 𑀘 𑀔𑀦𑁆𑀥𑀸; 𑀧𑀝𑀺𑀲𑀦𑁆𑀥𑀺𑀓𑁆𑀔𑀡𑁂…𑀧𑁂… (𑀧𑀝𑀺𑀲𑀦𑁆𑀥𑀺𑀬𑀸𑀧𑀺 𑀧𑀯𑀢𑁆𑀢𑀺𑀲𑀤𑀺𑀲𑀸𑀬𑁂𑀯). (𑁩)

𑁧𑁧𑁧. 𑀲𑀯𑀺𑀢𑀓𑁆𑀓𑀜𑁆𑀘 𑀅𑀯𑀺𑀢𑀓𑁆𑀓𑀜𑁆𑀘 𑀥𑀫𑁆𑀫𑀁 𑀧𑀘𑁆𑀘𑀬𑀸 𑀲𑀯𑀺𑀢𑀓𑁆𑀓𑁄 𑀥𑀫𑁆𑀫𑁄 𑀉𑀧𑁆𑀧𑀚𑁆𑀚𑀢𑀺 𑀳𑁂𑀢𑀼𑀧𑀘𑁆𑀘𑀬𑀸 𑁋 𑀲𑀯𑀺𑀢𑀓𑁆𑀓𑀁 𑀏𑀓𑀁 𑀔𑀦𑁆𑀥𑀜𑁆𑀘 𑀯𑀺𑀢𑀓𑁆𑀓𑀜𑁆𑀘 𑀧𑀘𑁆𑀘𑀬𑀸 𑀢𑀬𑁄 𑀔𑀦𑁆𑀥𑀸…𑀧𑁂… 𑀤𑁆𑀯𑁂 𑀔𑀦𑁆𑀥𑁂…𑀧𑁂… 𑀲𑀯𑀺𑀢𑀓𑁆𑀓𑀁 𑀏𑀓𑀁 𑀔𑀦𑁆𑀥𑀜𑁆𑀘 𑀯𑀢𑁆𑀣𑀼𑀜𑁆𑀘 𑀧𑀘𑁆𑀘𑀬𑀸 𑀢𑀬𑁄 𑀔𑀦𑁆𑀥𑀸…𑀧𑁂… 𑀤𑁆𑀯𑁂 𑀔𑀦𑁆𑀥𑁂…𑀧𑁂… (𑀧𑀝𑀺𑀲𑀦𑁆𑀥𑀺𑀓𑁆𑀔𑀡𑁂 𑀤𑁆𑀯𑁂 𑀓𑀸𑀢𑀩𑁆𑀩𑀸). (𑁧)

𑀲𑀯𑀺𑀢𑀓𑁆𑀓𑀜𑁆𑀘 𑀅𑀯𑀺𑀢𑀓𑁆𑀓𑀜𑁆𑀘 𑀥𑀫𑁆𑀫𑀁 𑀧𑀘𑁆𑀘𑀬𑀸 𑀅𑀯𑀺𑀢𑀓𑁆𑀓𑁄 𑀥𑀫𑁆𑀫𑁄 𑀉𑀧𑁆𑀧𑀚𑁆𑀚𑀢𑀺 𑀳𑁂𑀢𑀼𑀧𑀘𑁆𑀘𑀬𑀸 𑁋 𑀲𑀯𑀺𑀢𑀓𑁆𑀓𑁂 𑀔𑀦𑁆𑀥𑁂 𑀘 𑀯𑀺𑀢𑀓𑁆𑀓𑀜𑁆𑀘 𑀧𑀘𑁆𑀘𑀬𑀸 𑀘𑀺𑀢𑁆𑀢𑀲𑀫𑀼𑀝𑁆𑀞𑀸𑀦𑀁 𑀭𑀽𑀧𑀁, 𑀲𑀯𑀺𑀢𑀓𑁆𑀓𑁂 𑀔𑀦𑁆𑀥𑁂 𑀘 𑀯𑀺𑀢𑀓𑁆𑀓𑀜𑁆𑀘 𑀫𑀳𑀸𑀪𑀽𑀢𑁂 𑀘 𑀧𑀘𑁆𑀘𑀬𑀸 𑀘𑀺𑀢𑁆𑀢𑀲𑀫𑀼𑀝𑁆𑀞𑀸𑀦𑀁 𑀭𑀽𑀧𑀁, 𑀲𑀯𑀺𑀢𑀓𑁆𑀓𑁂 𑀔𑀦𑁆𑀥𑁂 𑀘 𑀯𑀢𑁆𑀣𑀼𑀜𑁆𑀘 𑀧𑀘𑁆𑀘𑀬𑀸 𑀯𑀺𑀢𑀓𑁆𑀓𑁄; 𑀧𑀝𑀺𑀲𑀦𑁆𑀥𑀺𑀓𑁆𑀔𑀡𑁂…𑀧𑁂… (𑀢𑀻𑀡𑀺, 𑀧𑀝𑀺𑀲𑀦𑁆𑀥𑀺𑀬𑀸𑀧𑀺). (𑁨)

𑀲𑀯𑀺𑀢𑀓𑁆𑀓𑀜𑁆𑀘 𑀅𑀯𑀺𑀢𑀓𑁆𑀓𑀜𑁆𑀘 𑀥𑀫𑁆𑀫𑀁 𑀧𑀘𑁆𑀘𑀬𑀸 𑀲𑀯𑀺𑀢𑀓𑁆𑀓𑁄 𑀘 𑀅𑀯𑀺𑀢𑀓𑁆𑀓𑁄 𑀘 𑀥𑀫𑁆𑀫𑀸 𑀉𑀧𑁆𑀧𑀚𑁆𑀚𑀦𑁆𑀢𑀺 𑀳𑁂𑀢𑀼𑀧𑀘𑁆𑀘𑀬𑀸 𑁋 𑀲𑀯𑀺𑀢𑀓𑁆𑀓𑀁 𑀏𑀓𑀁 𑀔𑀦𑁆𑀥𑀜𑁆𑀘 𑀯𑀺𑀢𑀓𑁆𑀓𑀜𑁆𑀘 𑀧𑀘𑁆𑀘𑀬𑀸 𑀢𑀬𑁄 𑀔𑀦𑁆𑀥𑀸 𑀘𑀺𑀢𑁆𑀢𑀲𑀫𑀼𑀝𑁆𑀞𑀸𑀦𑀜𑁆𑀘 𑀭𑀽𑀧𑀁…𑀧𑁂… 𑀤𑁆𑀯𑁂 𑀔𑀦𑁆𑀥𑁂…𑀧𑁂… 𑀲𑀯𑀺𑀢𑀓𑁆𑀓𑀁 𑀏𑀓𑀁 𑀔𑀦𑁆𑀥𑀜𑁆𑀘 𑀯𑀺𑀢𑀓𑁆𑀓𑀜𑁆𑀘 𑀯𑀢𑁆𑀣𑀼𑀜𑁆𑀘 𑀧𑀘𑁆𑀘𑀬𑀸 𑀢𑀬𑁄 𑀔𑀦𑁆𑀥𑀸…𑀧𑁂… 𑀤𑁆𑀯𑁂 𑀔𑀦𑁆𑀥𑁂…𑀧𑁂… 𑀲𑀯𑀺𑀢𑀓𑁆𑀓𑁂 𑀔𑀦𑁆𑀥𑁂 𑀘 𑀯𑀺𑀢𑀓𑁆𑀓𑀜𑁆𑀘 𑀫𑀳𑀸𑀪𑀽𑀢𑁂 𑀘 𑀧𑀘𑁆𑀘𑀬𑀸 𑀘𑀺𑀢𑁆𑀢𑀲𑀫𑀼𑀝𑁆𑀞𑀸𑀦𑀁 𑀭𑀽𑀧𑀁, 𑀲𑀯𑀺𑀢𑀓𑁆𑀓𑀁 𑀏𑀓𑀁 𑀔𑀦𑁆𑀥𑀜𑁆𑀘 𑀯𑀢𑁆𑀣𑀼𑀜𑁆𑀘 𑀧𑀘𑁆𑀘𑀬𑀸 𑀢𑀬𑁄 𑀔𑀦𑁆𑀥𑀸 𑀯𑀺𑀢𑀓𑁆𑀓𑁄 𑀘…𑀧𑁂… 𑀤𑁆𑀯𑁂 𑀔𑀦𑁆𑀥𑁂…𑀧𑁂… 𑀧𑀝𑀺𑀲𑀦𑁆𑀥𑀺𑀓𑁆𑀔𑀡𑁂…𑀧𑁂…. (𑁩)