𑁭. 𑀧𑀜𑁆𑀳𑀸𑀯𑀸𑀭𑁄

𑀧𑀘𑁆𑀘𑀬𑀘𑀢𑀼𑀓𑁆𑀓𑀁

𑁧𑁫𑁬. 𑀲𑁂𑀓𑁆𑀔𑁄 𑀦𑀳𑁂𑀢𑀼 𑀥𑀫𑁆𑀫𑁄 𑀦𑁂𑀯𑀲𑁂𑀓𑁆𑀔𑀦𑀸𑀲𑁂𑀓𑁆𑀔𑀲𑁆𑀲 𑀦𑀳𑁂𑀢𑀼𑀲𑁆𑀲 𑀥𑀫𑁆𑀫𑀲𑁆𑀲 𑀆𑀭𑀫𑁆𑀫𑀡𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄. (𑁧)

𑀅𑀲𑁂𑀓𑁆𑀔𑁄 𑀦𑀳𑁂𑀢𑀼 𑀥𑀫𑁆𑀫𑁄 𑀦𑁂𑀯𑀲𑁂𑀓𑁆𑀔𑀦𑀸𑀲𑁂𑀓𑁆𑀔𑀲𑁆𑀲 𑀦𑀳𑁂𑀢𑀼𑀲𑁆𑀲 𑀥𑀫𑁆𑀫𑀲𑁆𑀲 𑀆𑀭𑀫𑁆𑀫𑀡𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄. (𑁧)

𑀦𑁂𑀯𑀲𑁂𑀓𑁆𑀔𑀦𑀸𑀲𑁂𑀓𑁆𑀔𑁄 𑀦𑀳𑁂𑀢𑀼 𑀥𑀫𑁆𑀫𑁄 𑀦𑁂𑀯𑀲𑁂𑀓𑁆𑀔𑀦𑀸𑀲𑁂𑀓𑁆𑀔𑀲𑁆𑀲 𑀦𑀳𑁂𑀢𑀼𑀲𑁆𑀲 𑀥𑀫𑁆𑀫𑀲𑁆𑀲 𑀆𑀭𑀫𑁆𑀫𑀡𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄. 𑀦𑁂𑀯𑀲𑁂𑀓𑁆𑀔𑀦𑀸𑀲𑁂𑀓𑁆𑀔𑁄 𑀦𑀳𑁂𑀢𑀼 𑀥𑀫𑁆𑀫𑁄 𑀲𑁂𑀓𑁆𑀔𑀲𑁆𑀲 𑀦𑀳𑁂𑀢𑀼𑀲𑁆𑀲 𑀥𑀫𑁆𑀫𑀲𑁆𑀲 𑀆𑀭𑀫𑁆𑀫𑀡𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄. 𑀦𑁂𑀯𑀲𑁂𑀓𑁆𑀔𑀦𑀸𑀲𑁂𑀓𑁆𑀔𑁄 𑀦𑀳𑁂𑀢𑀼 𑀥𑀫𑁆𑀫𑁄 𑀅𑀲𑁂𑀓𑁆𑀔𑀲𑁆𑀲 𑀦𑀳𑁂𑀢𑀼𑀲𑁆𑀲 𑀥𑀫𑁆𑀫𑀲𑁆𑀲 𑀆𑀭𑀫𑁆𑀫𑀡𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄. (𑁩)

𑀲𑁂𑀓𑁆𑀔𑁄 𑀦𑀳𑁂𑀢𑀼 𑀥𑀫𑁆𑀫𑁄 𑀲𑁂𑀓𑁆𑀔𑀲𑁆𑀲 𑀦𑀳𑁂𑀢𑀼𑀲𑁆𑀲 𑀥𑀫𑁆𑀫𑀲𑁆𑀲 𑀅𑀥𑀺𑀧𑀢𑀺𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄… 𑀢𑀻𑀡𑀺.

𑀅𑀲𑁂𑀓𑁆𑀔𑁄 𑀦𑀳𑁂𑀢𑀼 𑀥𑀫𑁆𑀫𑁄 𑀅𑀲𑁂𑀓𑁆𑀔𑀲𑁆𑀲 𑀦𑀳𑁂𑀢𑀼𑀲𑁆𑀲 𑀥𑀫𑁆𑀫𑀲𑁆𑀲 𑀅𑀥𑀺𑀧𑀢𑀺𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄… 𑀢𑀻𑀡𑀺.

𑀦𑁂𑀯𑀲𑁂𑀓𑁆𑀔𑀦𑀸𑀲𑁂𑀓𑁆𑀔𑁄 𑀦𑀳𑁂𑀢𑀼 𑀥𑀫𑁆𑀫𑁄 𑀦𑁂𑀯𑀲𑁂𑀓𑁆𑀔𑀦𑀸𑀲𑁂𑀓𑁆𑀔𑀲𑁆𑀲 𑀦𑀳𑁂𑀢𑀼𑀲𑁆𑀲 𑀥𑀫𑁆𑀫𑀲𑁆𑀲 𑀅𑀥𑀺𑀧𑀢𑀺𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄… 𑀢𑀻𑀡𑀺 (𑀲𑀁𑀔𑀺𑀢𑁆𑀢𑀁).

𑁧𑁫𑁭. 𑀆𑀭𑀫𑁆𑀫𑀡𑁂 𑀧𑀜𑁆𑀘, 𑀅𑀥𑀺𑀧𑀢𑀺𑀬𑀸 𑀦𑀯, 𑀅𑀦𑀦𑁆𑀢𑀭𑁂 𑀅𑀝𑁆𑀞, 𑀲𑀫𑀦𑀦𑁆𑀢𑀭𑁂 𑀅𑀝𑁆𑀞, 𑀲𑀳𑀚𑀸𑀢𑁂 𑀦𑀯, 𑀅𑀜𑁆𑀜𑀫𑀜𑁆𑀜𑁂 𑀢𑀻𑀡𑀺, 𑀦𑀺𑀲𑁆𑀲𑀬𑁂 𑀢𑁂𑀭𑀲, 𑀉𑀧𑀦𑀺𑀲𑁆𑀲𑀬𑁂 𑀅𑀝𑁆𑀞…𑀧𑁂… 𑀅𑀯𑀺𑀕𑀢𑁂 𑀢𑁂𑀭𑀲 (𑀲𑀁𑀔𑀺𑀢𑁆𑀢𑀁).

𑀦𑀳𑁂𑀢𑀼𑀬𑀸 𑀘𑀼𑀤𑁆𑀤𑀲, 𑀦𑀆𑀭𑀫𑁆𑀫𑀡𑁂 𑀘𑀼𑀤𑁆𑀤𑀲 (𑀲𑀁𑀔𑀺𑀢𑁆𑀢𑀁).

𑀆𑀭𑀫𑁆𑀫𑀡𑀧𑀘𑁆𑀘𑀬𑀸 𑀦𑀳𑁂𑀢𑀼𑀬𑀸 𑀧𑀜𑁆𑀘 (𑀲𑀁𑀔𑀺𑀢𑁆𑀢𑀁).

𑀦𑀳𑁂𑀢𑀼𑀧𑀘𑁆𑀘𑀬𑀸 𑀆𑀭𑀫𑁆𑀫𑀡𑁂 𑀧𑀜𑁆𑀘 (𑀲𑀁𑀔𑀺𑀢𑁆𑀢𑀁).

(𑀬𑀣𑀸 𑀓𑀼𑀲𑀮𑀢𑁆𑀢𑀺𑀓𑁂 𑀧𑀜𑁆𑀳𑀸𑀯𑀸𑀭𑀁, 𑀏𑀯𑀁 𑀯𑀺𑀢𑁆𑀣𑀸𑀭𑁂𑀢𑀩𑁆𑀩𑀁.)