𑁧-𑁬. 𑀧𑀝𑀺𑀘𑁆𑀘𑀯𑀸𑀭𑀸𑀤𑀺

𑀧𑀘𑁆𑀘𑀬𑀘𑀢𑀼𑀓𑁆𑀓𑀁

𑀳𑁂𑀢𑀼-𑀆𑀭𑀫𑁆𑀫𑀡𑀧𑀘𑁆𑀘𑀬𑀸

𑁧𑁦𑁭. 𑀧𑀻𑀢𑀺𑀲𑀳𑀕𑀢𑀁 𑀦𑀳𑁂𑀢𑀼𑀁 𑀥𑀫𑁆𑀫𑀁 𑀧𑀝𑀺𑀘𑁆𑀘 𑀧𑀻𑀢𑀺𑀲𑀳𑀕𑀢𑁄 𑀦𑀳𑁂𑀢𑀼 𑀥𑀫𑁆𑀫𑁄 𑀉𑀧𑁆𑀧𑀚𑁆𑀚𑀢𑀺 𑀳𑁂𑀢𑀼𑀧𑀘𑁆𑀘𑀬𑀸. 𑀧𑀻𑀢𑀺𑀲𑀳𑀕𑀢𑀁 𑀦𑀳𑁂𑀢𑀼𑀁 𑀥𑀫𑁆𑀫𑀁 𑀧𑀝𑀺𑀘𑁆𑀘 𑀲𑀼𑀔𑀲𑀳𑀕𑀢𑁄 𑀦𑀳𑁂𑀢𑀼 𑀥𑀫𑁆𑀫𑁄 𑀉𑀧𑁆𑀧𑀚𑁆𑀚𑀢𑀺 𑀳𑁂𑀢𑀼𑀧𑀘𑁆𑀘𑀬𑀸. 𑀧𑀻𑀢𑀺𑀲𑀳𑀕𑀢𑀁 𑀦𑀳𑁂𑀢𑀼𑀁 𑀥𑀫𑁆𑀫𑀁 𑀧𑀝𑀺𑀘𑁆𑀘 𑀧𑀻𑀢𑀺𑀲𑀳𑀕𑀢𑁄 𑀦𑀳𑁂𑀢𑀼 𑀘 𑀲𑀼𑀔𑀲𑀳𑀕𑀢𑁄 𑀦𑀳𑁂𑀢𑀼 𑀘 𑀥𑀫𑁆𑀫𑀸 𑀉𑀧𑁆𑀧𑀚𑁆𑀚𑀦𑁆𑀢𑀺 𑀳𑁂𑀢𑀼𑀧𑀘𑁆𑀘𑀬𑀸. (𑁩)

𑀲𑀼𑀔𑀲𑀳𑀕𑀢𑀁 𑀦𑀳𑁂𑀢𑀼𑀁 𑀥𑀫𑁆𑀫𑀁 𑀧𑀝𑀺𑀘𑁆𑀘 𑀲𑀼𑀔𑀲𑀳𑀕𑀢𑁄 𑀦𑀳𑁂𑀢𑀼 𑀥𑀫𑁆𑀫𑁄 𑀉𑀧𑁆𑀧𑀚𑁆𑀚𑀢𑀺 𑀳𑁂𑀢𑀼𑀧𑀘𑁆𑀘𑀬𑀸. 𑀲𑀼𑀔𑀲𑀳𑀕𑀢𑀁 𑀦𑀳𑁂𑀢𑀼𑀁 𑀥𑀫𑁆𑀫𑀁 𑀧𑀝𑀺𑀘𑁆𑀘 𑀧𑀻𑀢𑀺𑀲𑀳𑀕𑀢𑁄 𑀦𑀳𑁂𑀢𑀼 𑀥𑀫𑁆𑀫𑁄 𑀉𑀧𑁆𑀧𑀚𑁆𑀚𑀢𑀺 𑀳𑁂𑀢𑀼𑀧𑀘𑁆𑀘𑀬𑀸. 𑀲𑀼𑀔𑀲𑀳𑀕𑀢𑀁 𑀦𑀳𑁂𑀢𑀼𑀁 𑀥𑀫𑁆𑀫𑀁 𑀧𑀝𑀺𑀘𑁆𑀘 𑀧𑀻𑀢𑀺𑀲𑀳𑀕𑀢𑁄 𑀦𑀳𑁂𑀢𑀼 𑀘 𑀲𑀼𑀔𑀲𑀳𑀕𑀢𑁄 𑀦𑀳𑁂𑀢𑀼 𑀘 𑀥𑀫𑁆𑀫𑀸 𑀉𑀧𑁆𑀧𑀚𑁆𑀚𑀦𑁆𑀢𑀺 𑀳𑁂𑀢𑀼𑀧𑀘𑁆𑀘𑀬𑀸. (𑁩)

𑀉𑀧𑁂𑀓𑁆𑀔𑀸𑀲𑀳𑀕𑀢𑀁 𑀦𑀳𑁂𑀢𑀼𑀁 𑀥𑀫𑁆𑀫𑀁 𑀧𑀝𑀺𑀘𑁆𑀘 𑀉𑀧𑁂𑀓𑁆𑀔𑀸𑀲𑀳𑀕𑀢𑁄 𑀦𑀳𑁂𑀢𑀼𑀥𑀫𑁆𑀫𑁄 𑀉𑀧𑁆𑀧𑀚𑁆𑀚𑀢𑀺 𑀳𑁂𑀢𑀼𑀧𑀘𑁆𑀘𑀬𑀸. (𑁧)

𑀧𑀻𑀢𑀺𑀲𑀳𑀕𑀢𑀁 𑀦𑀳𑁂𑀢𑀼𑀜𑁆𑀘 𑀲𑀼𑀔𑀲𑀳𑀕𑀢𑀁 𑀦𑀳𑁂𑀢𑀼𑀜𑁆𑀘 𑀥𑀫𑁆𑀫𑀁 𑀧𑀝𑀺𑀘𑁆𑀘 𑀧𑀻𑀢𑀺𑀲𑀳𑀕𑀢𑁄 𑀦𑀳𑁂𑀢𑀼 𑀥𑀫𑁆𑀫𑁄 𑀉𑀧𑁆𑀧𑀚𑁆𑀚𑀢𑀺 𑀳𑁂𑀢𑀼𑀧𑀘𑁆𑀘𑀬𑀸. 𑀧𑀻𑀢𑀺𑀲𑀳𑀕𑀢𑀁 𑀦𑀳𑁂𑀢𑀼𑀜𑁆𑀘 𑀲𑀼𑀔𑀲𑀳𑀕𑀢𑀁 𑀦𑀳𑁂𑀢𑀼𑀜𑁆𑀘 𑀥𑀫𑁆𑀫𑀁 𑀧𑀝𑀺𑀘𑁆𑀘 𑀲𑀼𑀔𑀲𑀳𑀕𑀢𑁄 𑀦𑀳𑁂𑀢𑀼 𑀥𑀫𑁆𑀫𑁄 𑀉𑀧𑁆𑀧𑀚𑁆𑀚𑀢𑀺 𑀳𑁂𑀢𑀼𑀧𑀘𑁆𑀘𑀬𑀸. 𑀧𑀻𑀢𑀺𑀲𑀳𑀕𑀢𑀁 𑀦𑀳𑁂𑀢𑀼𑀜𑁆𑀘 𑀲𑀼𑀔𑀲𑀳𑀕𑀢𑀁 𑀦𑀳𑁂𑀢𑀼𑀜𑁆𑀘 𑀥𑀫𑁆𑀫𑀁 𑀧𑀝𑀺𑀘𑁆𑀘 𑀧𑀻𑀢𑀺𑀲𑀳𑀕𑀢𑁄 𑀦𑀳𑁂𑀢𑀼 𑀘 𑀲𑀼𑀔𑀲𑀳𑀕𑀢𑁄 𑀦𑀳𑁂𑀢𑀼 𑀘 𑀥𑀫𑁆𑀫𑀸 𑀉𑀧𑁆𑀧𑀚𑁆𑀚𑀦𑁆𑀢𑀺 𑀳𑁂𑀢𑀼𑀧𑀘𑁆𑀘𑀬𑀸. (𑁩)

𑁧𑁦𑁮. 𑀧𑀻𑀢𑀺𑀲𑀳𑀕𑀢𑀁 𑀦𑀳𑁂𑀢𑀼𑀁 𑀥𑀫𑁆𑀫𑀁 𑀧𑀝𑀺𑀘𑁆𑀘 𑀧𑀻𑀢𑀺𑀲𑀳𑀕𑀢𑁄 𑀦𑀳𑁂𑀢𑀼 𑀥𑀫𑁆𑀫𑁄 𑀉𑀧𑁆𑀧𑀚𑁆𑀚𑀢𑀺 𑀆𑀭𑀫𑁆𑀫𑀡𑀧𑀘𑁆𑀘𑀬𑀸… 𑀢𑀻𑀡𑀺.

𑀲𑀼𑀔𑀲𑀳𑀕𑀢𑀁 𑀦𑀳𑁂𑀢𑀼𑀁 𑀥𑀫𑁆𑀫𑀁 𑀧𑀝𑀺𑀘𑁆𑀘 𑀲𑀼𑀔𑀲𑀳𑀕𑀢𑁄 𑀦𑀳𑁂𑀢𑀼 𑀥𑀫𑁆𑀫𑁄 𑀉𑀧𑁆𑀧𑀚𑁆𑀚𑀢𑀺 𑀆𑀭𑀫𑁆𑀫𑀡𑀧𑀘𑁆𑀘𑀬𑀸… 𑀢𑀻𑀡𑀺.

𑀉𑀧𑁂𑀓𑁆𑀔𑀸𑀲𑀳𑀕𑀢𑀁 𑀦𑀳𑁂𑀢𑀼𑀁 𑀥𑀫𑁆𑀫𑀁 𑀧𑀝𑀺𑀘𑁆𑀘 𑀉𑀧𑁂𑀓𑁆𑀔𑀸𑀲𑀳𑀕𑀢𑁄 𑀦𑀳𑁂𑀢𑀼 𑀥𑀫𑁆𑀫𑁄 𑀉𑀧𑁆𑀧𑀚𑁆𑀚𑀢𑀺 𑀆𑀭𑀫𑁆𑀫𑀡𑀧𑀘𑁆𑀘𑀬𑀸… 𑀏𑀓𑀁.

𑀧𑀻𑀢𑀺𑀲𑀳𑀕𑀢𑀁 𑀦𑀳𑁂𑀢𑀼𑀜𑁆𑀘 𑀲𑀼𑀔𑀲𑀳𑀕𑀢𑀁 𑀦𑀳𑁂𑀢𑀼𑀜𑁆𑀘 𑀥𑀫𑁆𑀫𑀁 𑀧𑀝𑀺𑀘𑁆𑀘 𑀧𑀻𑀢𑀺𑀲𑀳𑀕𑀢𑁄 𑀦𑀳𑁂𑀢𑀼 𑀥𑀫𑁆𑀫𑁄 𑀉𑀧𑁆𑀧𑀚𑁆𑀚𑀢𑀺 𑀆𑀭𑀫𑁆𑀫𑀡𑀧𑀘𑁆𑀘𑀬𑀸… 𑀢𑀻𑀡𑀺 (𑀲𑀁𑀔𑀺𑀢𑁆𑀢𑀁).

𑁧𑁦𑁯. 𑀳𑁂𑀢𑀼𑀬𑀸 𑀤𑀲, 𑀆𑀭𑀫𑁆𑀫𑀡𑁂 𑀤𑀲, 𑀅𑀥𑀺𑀧𑀢𑀺𑀬𑀸 𑀤𑀲, 𑀅𑀦𑀦𑁆𑀢𑀭𑁂 𑀤𑀲…𑀧𑁂… 𑀅𑀯𑀺𑀕𑀢𑁂 𑀤𑀲 (𑀲𑀁𑀔𑀺𑀢𑁆𑀢𑀁).

𑀦𑀳𑁂𑀢𑀼𑀬𑀸 𑀤𑀲, 𑀦𑀅𑀥𑀺𑀧𑀢𑀺𑀬𑀸 𑀤𑀲 (𑀲𑀁𑀔𑀺𑀢𑁆𑀢𑀁. 𑀲𑀳𑀚𑀸𑀢𑀯𑀸𑀭𑀫𑁆𑀧𑀺…𑀧𑁂… 𑀲𑀫𑁆𑀧𑀬𑀼𑀢𑁆𑀢𑀯𑀸𑀭𑀫𑁆𑀧𑀺 𑀯𑀺𑀢𑁆𑀣𑀸𑀭𑁂𑀢𑀩𑁆𑀩𑀁.)

𑀦𑀳𑁂𑀢𑀼𑀧𑀤𑀁