𑁧-𑁭. 𑀧𑀝𑀺𑀘𑁆𑀘𑀯𑀸𑀭𑀸𑀤𑀺

𑀧𑀘𑁆𑀘𑀬𑀘𑀢𑀼𑀓𑁆𑀓𑀁

𑀳𑁂𑀢𑀼𑀧𑀘𑁆𑀘𑀬𑁄

𑁯𑁨. 𑀦𑁄𑀉𑀧𑀸𑀤𑀸 𑀓𑀼𑀲𑀮𑀁 𑀥𑀫𑁆𑀫𑀁 𑀧𑀝𑀺𑀘𑁆𑀘 𑀦𑁄𑀉𑀧𑀸𑀤𑀸 𑀓𑀼𑀲𑀮𑁄 𑀥𑀫𑁆𑀫𑁄 𑀉𑀧𑁆𑀧𑀚𑁆𑀚𑀢𑀺 𑀳𑁂𑀢𑀼𑀧𑀘𑁆𑀘𑀬𑀸 (𑀲𑀁𑀔𑀺𑀢𑁆𑀢𑀁).

𑀳𑁂𑀢𑀼𑀬𑀸 𑀏𑀓𑀁, 𑀆𑀭𑀫𑁆𑀫𑀡𑁂 𑀏𑀓𑀁…𑀧𑁂… 𑀅𑀯𑀺𑀕𑀢𑁂 𑀏𑀓𑀁 (𑀲𑀁𑀔𑀺𑀢𑁆𑀢𑀁).

(𑀲𑀳𑀚𑀸𑀢𑀯𑀸𑀭𑁂𑀧𑀺…𑀧𑁂… 𑀧𑀜𑁆𑀳𑀸𑀯𑀸𑀭𑁂𑀧𑀺 𑀲𑀩𑁆𑀩𑀢𑁆𑀣 𑀏𑀓𑀁.)

𑁯𑁩. 𑀦𑁄𑀉𑀧𑀸𑀤𑀸 𑀅𑀓𑀼𑀲𑀮𑀁 𑀥𑀫𑁆𑀫𑀁 𑀧𑀝𑀺𑀘𑁆𑀘 𑀦𑁄𑀉𑀧𑀸𑀤𑀸 𑀅𑀓𑀼𑀲𑀮𑁄 𑀥𑀫𑁆𑀫𑁄 𑀉𑀧𑁆𑀧𑀚𑁆𑀚𑀢𑀺 𑀳𑁂𑀢𑀼𑀧𑀘𑁆𑀘𑀬𑀸 (𑀲𑀁𑀔𑀺𑀢𑁆𑀢𑀁).

𑀳𑁂𑀢𑀼𑀬𑀸 𑀏𑀓𑀁, 𑀆𑀭𑀫𑁆𑀫𑀡𑁂 𑀏𑀓𑀁…𑀧𑁂… 𑀅𑀯𑀺𑀕𑀢𑁂 𑀏𑀓𑀁 (𑀲𑀁𑀔𑀺𑀢𑁆𑀢𑀁).

(𑀲𑀳𑀚𑀸𑀢𑀯𑀸𑀭𑁂𑀧𑀺 …𑀧𑁂… 𑀧𑀜𑁆𑀳𑀸𑀯𑀸𑀭𑁂𑀧𑀺 𑀲𑀩𑁆𑀩𑀢𑁆𑀣 𑀏𑀓𑀁.)

𑁯𑁪. 𑀉𑀧𑀸𑀤𑀸 𑀅𑀩𑁆𑀬𑀸𑀓𑀢𑀁 𑀥𑀫𑁆𑀫𑀁 𑀧𑀝𑀺𑀘𑁆𑀘 𑀦𑁄𑀉𑀧𑀸𑀤𑀸 𑀅𑀩𑁆𑀬𑀸𑀓𑀢𑁄 𑀥𑀫𑁆𑀫𑁄 𑀉𑀧𑁆𑀧𑀚𑁆𑀚𑀢𑀺 𑀳𑁂𑀢𑀼𑀧𑀘𑁆𑀘𑀬𑀸. (𑁧)

𑀦𑁄𑀉𑀧𑀸𑀤𑀸 𑀅𑀩𑁆𑀬𑀸𑀓𑀢𑀁 𑀥𑀫𑁆𑀫𑀁 𑀧𑀝𑀺𑀘𑁆𑀘 𑀦𑁄𑀉𑀧𑀸𑀤𑀸 𑀅𑀩𑁆𑀬𑀸𑀓𑀢𑁄 𑀥𑀫𑁆𑀫𑁄 𑀉𑀧𑁆𑀧𑀚𑁆𑀚𑀢𑀺 𑀳𑁂𑀢𑀼𑀧𑀘𑁆𑀘𑀬𑀸. 𑀦𑁄𑀉𑀧𑀸𑀤𑀸 𑀅𑀩𑁆𑀬𑀸𑀓𑀢𑀁 𑀥𑀫𑁆𑀫𑀁 𑀧𑀝𑀺𑀘𑁆𑀘 𑀉𑀧𑀸𑀤𑀸 𑀅𑀩𑁆𑀬𑀸𑀓𑀢𑁄 𑀥𑀫𑁆𑀫𑁄 𑀉𑀧𑁆𑀧𑀚𑁆𑀚𑀢𑀺 𑀳𑁂𑀢𑀼𑀧𑀘𑁆𑀘𑀬𑀸. 𑀦𑁄𑀉𑀧𑀸𑀤𑀸 𑀅𑀩𑁆𑀬𑀸𑀓𑀢𑀁 𑀥𑀫𑁆𑀫𑀁 𑀧𑀝𑀺𑀘𑁆𑀘 𑀉𑀧𑀸𑀤𑀸 𑀅𑀩𑁆𑀬𑀸𑀓𑀢𑁄 𑀘 𑀦𑁄𑀉𑀧𑀸𑀤𑀸 𑀅𑀩𑁆𑀬𑀸𑀓𑀢𑁄 𑀘 𑀥𑀫𑁆𑀫𑀸 𑀉𑀧𑁆𑀧𑀚𑁆𑀚𑀦𑁆𑀢𑀺 𑀳𑁂𑀢𑀼𑀧𑀘𑁆𑀘𑀬𑀸. (𑁩)

𑀉𑀧𑀸𑀤𑀸 𑀅𑀩𑁆𑀬𑀸𑀓𑀢𑀜𑁆𑀘 𑀦𑁄𑀉𑀧𑀸𑀤𑀸 𑀅𑀩𑁆𑀬𑀸𑀓𑀢𑀜𑁆𑀘 𑀥𑀫𑁆𑀫𑀁 𑀧𑀝𑀺𑀘𑁆𑀘 𑀦𑁄𑀉𑀧𑀸𑀤𑀸 𑀅𑀩𑁆𑀬𑀸𑀓𑀢𑁄 𑀥𑀫𑁆𑀫𑁄 𑀉𑀧𑁆𑀧𑀚𑁆𑀚𑀢𑀺 𑀳𑁂𑀢𑀼𑀧𑀘𑁆𑀘𑀬𑀸. (𑁧) (𑀲𑀁𑀔𑀺𑀢𑁆𑀢𑀁.)

𑁯𑁫. 𑀳𑁂𑀢𑀼𑀬𑀸 𑀧𑀜𑁆𑀘, 𑀆𑀭𑀫𑁆𑀫𑀡𑁂 𑀢𑀻𑀡𑀺…𑀧𑁂… 𑀅𑀜𑁆𑀜𑀫𑀜𑁆𑀜𑁂 𑀧𑀜𑁆𑀘…𑀧𑁂… 𑀧𑀼𑀭𑁂𑀚𑀸𑀢𑁂 𑀏𑀓𑀁, 𑀆𑀲𑁂𑀯𑀦𑁂 𑀏𑀓𑀁, 𑀓𑀫𑁆𑀫𑁂 𑀧𑀜𑁆𑀘, 𑀯𑀺𑀧𑀸𑀓𑁂 𑀧𑀜𑁆𑀘…𑀧𑁂… 𑀅𑀯𑀺𑀕𑀢𑁂 𑀧𑀜𑁆𑀘 (𑀲𑀁𑀔𑀺𑀢𑁆𑀢𑀁).

𑀦𑀳𑁂𑀢𑀼𑀬𑀸 𑀧𑀜𑁆𑀘, 𑀦𑀆𑀭𑀫𑁆𑀫𑀡𑁂 𑀢𑀻𑀡𑀺, 𑀦𑀅𑀥𑀺𑀧𑀢𑀺𑀬𑀸 𑀧𑀜𑁆𑀘…𑀧𑁂… 𑀦𑀧𑀼𑀭𑁂𑀚𑀸𑀢𑁂 𑀧𑀜𑁆𑀘…𑀧𑁂… 𑀦𑀓𑀫𑁆𑀫𑁂 𑀢𑀻𑀡𑀺, 𑀦𑀯𑀺𑀧𑀸𑀓𑁂 𑀢𑀻𑀡𑀺, 𑀦𑀆𑀳𑀸𑀭𑁂 𑀢𑀻𑀡𑀺, 𑀦𑀇𑀦𑁆𑀤𑁆𑀭𑀺𑀬𑁂 𑀢𑀻𑀡𑀺, 𑀦𑀛𑀸𑀦𑁂 𑀢𑀻𑀡𑀺, 𑀦𑀫𑀕𑁆𑀕𑁂 𑀧𑀜𑁆𑀘, 𑀦𑀲𑀫𑁆𑀧𑀬𑀼𑀢𑁆𑀢𑁂 𑀢𑀻𑀡𑀺, 𑀦𑀯𑀺𑀧𑁆𑀧𑀬𑀼𑀢𑁆𑀢𑁂 𑀢𑀻𑀡𑀺, 𑀦𑁄𑀦𑀢𑁆𑀣𑀺𑀬𑀸 𑀢𑀻𑀡𑀺, 𑀦𑁄𑀯𑀺𑀕𑀢𑁂 𑀢𑀻𑀡𑀺 (𑀲𑀁𑀔𑀺𑀢𑁆𑀢𑀁. 𑀲𑀳𑀚𑀸𑀢𑀯𑀸𑀭𑀫𑁆𑀧𑀺…𑀧𑁂… 𑀲𑀫𑁆𑀧𑀬𑀼𑀢𑁆𑀢𑀯𑀸𑀭𑀫𑁆𑀧𑀺 𑀯𑀺𑀢𑁆𑀣𑀸𑀭𑁂𑀢𑀩𑁆𑀩𑀁.)

𑀳𑁂𑀢𑀼𑀆𑀭𑀫𑁆𑀫𑀡𑀧𑀘𑁆𑀘𑀬𑀸𑀤𑀺

𑁯𑁬. 𑀦𑁄𑀉𑀧𑀸𑀤𑀸 𑀅𑀩𑁆𑀬𑀸𑀓𑀢𑁄 𑀥𑀫𑁆𑀫𑁄 𑀦𑁄𑀉𑀧𑀸𑀤𑀸 𑀅𑀩𑁆𑀬𑀸𑀓𑀢𑀲𑁆𑀲 𑀥𑀫𑁆𑀫𑀲𑁆𑀲 𑀳𑁂𑀢𑀼𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄… 𑀢𑀻𑀡𑀺.

𑀉𑀧𑀸𑀤𑀸 𑀅𑀩𑁆𑀬𑀸𑀓𑀢𑁄 𑀥𑀫𑁆𑀫𑁄 𑀦𑁄𑀉𑀧𑀸𑀤𑀸 𑀅𑀩𑁆𑀬𑀸𑀓𑀢𑀲𑁆𑀲 𑀥𑀫𑁆𑀫𑀲𑁆𑀲 𑀆𑀭𑀫𑁆𑀫𑀡𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄. (𑁧)

𑀦𑁄𑀉𑀧𑀸𑀤𑀸 𑀅𑀩𑁆𑀬𑀸𑀓𑀢𑁄 𑀥𑀫𑁆𑀫𑁄 𑀦𑁄𑀉𑀧𑀸𑀤𑀸 𑀅𑀩𑁆𑀬𑀸𑀓𑀢𑀲𑁆𑀲 𑀥𑀫𑁆𑀫𑀲𑁆𑀲 𑀆𑀭𑀫𑁆𑀫𑀡𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄. (𑁧)

𑀦𑁄𑀉𑀧𑀸𑀤𑀸 𑀅𑀩𑁆𑀬𑀸𑀓𑀢𑁄 𑀥𑀫𑁆𑀫𑁄 𑀦𑁄𑀉𑀧𑀸𑀤𑀸 𑀅𑀩𑁆𑀬𑀸𑀓𑀢𑀲𑁆𑀲 𑀥𑀫𑁆𑀫𑀲𑁆𑀲 𑀅𑀥𑀺𑀧𑀢𑀺𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄… 𑀢𑀻𑀡𑀺 (𑀧𑀞𑀫𑁂 𑀤𑁆𑀯𑁂𑀧𑀺 𑀅𑀥𑀺𑀧𑀢𑀻, 𑀤𑁆𑀯𑀻𑀲𑀼 𑀲𑀳𑀚𑀸𑀢𑀸𑀥𑀺𑀧𑀢𑀺).

𑀉𑀧𑀸𑀤𑀸 𑀅𑀩𑁆𑀬𑀸𑀓𑀢𑁄 𑀥𑀫𑁆𑀫𑁄 𑀦𑁄𑀉𑀧𑀸𑀤𑀸 𑀅𑀩𑁆𑀬𑀸𑀓𑀢𑀲𑁆𑀲 𑀥𑀫𑁆𑀫𑀲𑁆𑀲 𑀉𑀧𑀦𑀺𑀲𑁆𑀲𑀬𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄. (𑁧)

𑀦𑁄𑀉𑀧𑀸𑀤𑀸 𑀅𑀩𑁆𑀬𑀸𑀓𑀢𑁄 𑀥𑀫𑁆𑀫𑁄 𑀦𑁄𑀉𑀧𑀸𑀤𑀸 𑀅𑀩𑁆𑀬𑀸𑀓𑀢𑀲𑁆𑀲 𑀥𑀫𑁆𑀫𑀲𑁆𑀲 𑀉𑀧𑀦𑀺𑀲𑁆𑀲𑀬𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄. (𑁧) (𑀲𑀁𑀔𑀺𑀢𑁆𑀢𑀁.)

𑁯𑁭. 𑀉𑀧𑀦𑀺𑀲𑁆𑀲𑀬𑁂 𑀤𑁆𑀯𑁂, 𑀧𑀼𑀭𑁂𑀚𑀸𑀢𑁂 𑀢𑀻𑀡𑀺, 𑀧𑀘𑁆𑀙𑀸𑀚𑀸𑀢𑁂 𑀢𑀻𑀡𑀺, 𑀆𑀲𑁂𑀯𑀦𑁂 𑀏𑀓𑀁, 𑀓𑀫𑁆𑀫𑁂 𑀢𑀻𑀡𑀺, 𑀯𑀺𑀧𑀸𑀓𑁂 𑀢𑀻𑀡𑀺, 𑀆𑀳𑀸𑀭𑁂 𑀙, 𑀇𑀦𑁆𑀤𑁆𑀭𑀺𑀬𑁂 𑀲𑀢𑁆𑀢, 𑀛𑀸𑀦𑁂 𑀢𑀻𑀡𑀺, 𑀫𑀕𑁆𑀕𑁂 𑀢𑀻𑀡𑀺, 𑀲𑀫𑁆𑀧𑀬𑀼𑀢𑁆𑀢𑁂 𑀏𑀓𑀁, 𑀯𑀺𑀧𑁆𑀧𑀬𑀼𑀢𑁆𑀢𑁂 𑀘𑀢𑁆𑀢𑀸𑀭𑀺, 𑀅𑀢𑁆𑀣𑀺𑀬𑀸 𑀦𑀯…𑀧𑁂… 𑀅𑀯𑀺𑀕𑀢𑁂 𑀦𑀯 (𑀲𑀁𑀔𑀺𑀢𑁆𑀢𑀁).