𑁧-𑁭. 𑀧𑀝𑀺𑀘𑁆𑀘𑀯𑀸𑀭𑀸𑀤𑀺

𑀧𑀘𑁆𑀘𑀬𑀘𑀢𑀼𑀓𑁆𑀓𑀁

𑀳𑁂𑀢𑀼𑀧𑀘𑁆𑀘𑀬𑁄

𑁮𑁪. 𑀅𑀚𑁆𑀛𑀢𑁆𑀢𑀺𑀓𑀁 𑀓𑀼𑀲𑀮𑀁 𑀥𑀫𑁆𑀫𑀁 𑀧𑀝𑀺𑀘𑁆𑀘 𑀩𑀸𑀳𑀺𑀭𑁄 𑀓𑀼𑀲𑀮𑁄 𑀥𑀫𑁆𑀫𑁄 𑀉𑀧𑁆𑀧𑀚𑁆𑀚𑀢𑀺 𑀳𑁂𑀢𑀼𑀧𑀘𑁆𑀘𑀬𑀸. (𑁧)

𑀩𑀸𑀳𑀺𑀭𑀁 𑀓𑀼𑀲𑀮𑀁 𑀥𑀫𑁆𑀫𑀁 𑀧𑀝𑀺𑀘𑁆𑀘 𑀩𑀸𑀳𑀺𑀭𑁄 𑀓𑀼𑀲𑀮𑁄 𑀥𑀫𑁆𑀫𑁄 𑀉𑀧𑁆𑀧𑀚𑁆𑀚𑀢𑀺 𑀳𑁂𑀢𑀼𑀧𑀘𑁆𑀘𑀬𑀸. 𑀩𑀸𑀳𑀺𑀭𑀁 𑀓𑀼𑀲𑀮𑀁 𑀥𑀫𑁆𑀫𑀁 𑀧𑀝𑀺𑀘𑁆𑀘 𑀅𑀚𑁆𑀛𑀢𑁆𑀢𑀺𑀓𑁄 𑀓𑀼𑀲𑀮𑁄 𑀥𑀫𑁆𑀫𑁄 𑀉𑀧𑁆𑀧𑀚𑁆𑀚𑀢𑀺 𑀳𑁂𑀢𑀼𑀧𑀘𑁆𑀘𑀬𑀸. 𑀩𑀸𑀳𑀺𑀭𑀁 𑀓𑀼𑀲𑀮𑀁 𑀥𑀫𑁆𑀫𑀁 𑀧𑀝𑀺𑀘𑁆𑀘 𑀅𑀚𑁆𑀛𑀢𑁆𑀢𑀺𑀓𑁄 𑀓𑀼𑀲𑀮𑁄 𑀘 𑀩𑀸𑀳𑀺𑀭𑁄 𑀓𑀼𑀲𑀮𑁄 𑀘 𑀥𑀫𑁆𑀫𑀸 𑀉𑀧𑁆𑀧𑀚𑁆𑀚𑀦𑁆𑀢𑀺 𑀳𑁂𑀢𑀼𑀧𑀘𑁆𑀘𑀬𑀸. (𑁩)

𑀅𑀚𑁆𑀛𑀢𑁆𑀢𑀺𑀓𑀁 𑀓𑀼𑀲𑀮𑀜𑁆𑀘 𑀩𑀸𑀳𑀺𑀭𑀁 𑀓𑀼𑀲𑀮𑀜𑁆𑀘 𑀥𑀫𑁆𑀫𑀁 𑀧𑀝𑀺𑀘𑁆𑀘 𑀩𑀸𑀳𑀺𑀭𑁄 𑀓𑀼𑀲𑀮𑁄 𑀥𑀫𑁆𑀫𑁄 𑀉𑀧𑁆𑀧𑀚𑁆𑀚𑀢𑀺 𑀳𑁂𑀢𑀼𑀧𑀘𑁆𑀘𑀬𑀸. (𑁧) (𑀲𑀁𑀔𑀺𑀢𑁆𑀢𑀁.)

𑁮𑁫. 𑀳𑁂𑀢𑀼𑀬𑀸 𑀧𑀜𑁆𑀘, 𑀆𑀭𑀫𑁆𑀫𑀡𑁂 𑀧𑀜𑁆𑀘…𑀧𑁂… 𑀅𑀯𑀺𑀕𑀢𑁂 𑀧𑀜𑁆𑀘. (𑀲𑀁𑀔𑀺𑀢𑁆𑀢𑀁. 𑀘𑀺𑀢𑁆𑀢𑀤𑀼𑀓𑀲𑀤𑀺𑀲𑀁. 𑀲𑀳𑀚𑀸𑀢𑀯𑀸𑀭𑀫𑁆𑀧𑀺…𑀧𑁂… 𑀧𑀜𑁆𑀳𑀸𑀯𑀸𑀭𑀫𑁆𑀧𑀺 𑀯𑀺𑀢𑁆𑀣𑀸𑀭𑁂𑀢𑀩𑁆𑀩𑀁).

𑁮𑁬. 𑀅𑀚𑁆𑀛𑀢𑁆𑀢𑀺𑀓𑀁 𑀅𑀓𑀼𑀲𑀮𑀁 𑀥𑀫𑁆𑀫𑀁 𑀧𑀝𑀺𑀘𑁆𑀘 𑀩𑀸𑀳𑀺𑀭𑁄 𑀅𑀓𑀼𑀲𑀮𑁄 𑀥𑀫𑁆𑀫𑁄 𑀉𑀧𑁆𑀧𑀚𑁆𑀚𑀢𑀺 𑀳𑁂𑀢𑀼𑀧𑀘𑁆𑀘𑀬𑀸. (𑁧)

𑀩𑀸𑀳𑀺𑀭𑀁 𑀅𑀓𑀼𑀲𑀮𑀁 𑀥𑀫𑁆𑀫𑀁 𑀧𑀝𑀺𑀘𑁆𑀘 𑀩𑀸𑀳𑀺𑀭𑁄 𑀅𑀓𑀼𑀲𑀮𑁄 𑀥𑀫𑁆𑀫𑁄 𑀉𑀧𑁆𑀧𑀚𑁆𑀚𑀢𑀺 𑀳𑁂𑀢𑀼𑀧𑀘𑁆𑀘𑀬𑀸. 𑀩𑀸𑀳𑀺𑀭𑀁 𑀅𑀓𑀼𑀲𑀮𑀁 𑀥𑀫𑁆𑀫𑀁 𑀧𑀝𑀺𑀘𑁆𑀘 𑀅𑀚𑁆𑀛𑀢𑁆𑀢𑀺𑀓𑁄 𑀅𑀓𑀼𑀲𑀮𑁄 𑀥𑀫𑁆𑀫𑁄 𑀉𑀧𑁆𑀧𑀚𑁆𑀚𑀢𑀺 𑀳𑁂𑀢𑀼𑀧𑀘𑁆𑀘𑀬𑀸. 𑀩𑀸𑀳𑀺𑀭𑀁 𑀅𑀓𑀼𑀲𑀮𑀁 𑀥𑀫𑁆𑀫𑀁 𑀧𑀝𑀺𑀘𑁆𑀘 𑀅𑀚𑁆𑀛𑀢𑁆𑀢𑀺𑀓𑁄 𑀅𑀓𑀼𑀲𑀮𑁄 𑀘 𑀩𑀸𑀳𑀺𑀭𑁄 𑀅𑀓𑀼𑀲𑀮𑁄 𑀘 𑀥𑀫𑁆𑀫𑀸 𑀉𑀧𑁆𑀧𑀚𑁆𑀚𑀦𑁆𑀢𑀺 𑀳𑁂𑀢𑀼𑀧𑀘𑁆𑀘𑀬𑀸. (𑁩)

𑀅𑀚𑁆𑀛𑀢𑁆𑀢𑀺𑀓𑀁 𑀅𑀓𑀼𑀲𑀮𑀜𑁆𑀘 𑀩𑀸𑀳𑀺𑀭𑀁 𑀅𑀓𑀼𑀲𑀮𑀜𑁆𑀘 𑀥𑀫𑁆𑀫𑀁 𑀧𑀝𑀺𑀘𑁆𑀘 𑀩𑀸𑀳𑀺𑀭𑁄 𑀅𑀓𑀼𑀲𑀮𑁄 𑀥𑀫𑁆𑀫𑁄 𑀉𑀧𑁆𑀧𑀚𑁆𑀚𑀢𑀺 𑀳𑁂𑀢𑀼𑀧𑀘𑁆𑀘𑀬𑀸. (𑁧) (𑀲𑀁𑀔𑀺𑀢𑁆𑀢𑀁.)

𑁮𑁭. 𑀳𑁂𑀢𑀼𑀬𑀸 𑀧𑀜𑁆𑀘, 𑀆𑀭𑀫𑁆𑀫𑀡𑁂 𑀧𑀜𑁆𑀘…𑀧𑁂… 𑀅𑀯𑀺𑀕𑀢𑁂 𑀧𑀜𑁆𑀘. (𑀲𑀁𑀔𑀺𑀢𑁆𑀢𑀁. 𑀘𑀺𑀢𑁆𑀢𑀤𑀼𑀓𑀲𑀤𑀺𑀲𑀁. 𑀲𑀳𑀚𑀸𑀢𑀯𑀸𑀭𑀫𑁆𑀧𑀺…𑀧𑁂… 𑀧𑀜𑁆𑀳𑀸𑀯𑀸𑀭𑀫𑁆𑀧𑀺 𑀯𑀺𑀢𑁆𑀣𑀸𑀭𑁂𑀢𑀩𑁆𑀩𑀁.)

𑁮𑁮. 𑀅𑀚𑁆𑀛𑀢𑁆𑀢𑀺𑀓𑀁 𑀅𑀩𑁆𑀬𑀸𑀓𑀢𑀁 𑀥𑀫𑁆𑀫𑀁 𑀧𑀝𑀺𑀘𑁆𑀘 𑀅𑀚𑁆𑀛𑀢𑁆𑀢𑀺𑀓𑁄 𑀅𑀩𑁆𑀬𑀸𑀓𑀢𑁄 𑀥𑀫𑁆𑀫𑁄 𑀉𑀧𑁆𑀧𑀚𑁆𑀚𑀢𑀺 𑀳𑁂𑀢𑀼𑀧𑀘𑁆𑀘𑀬𑀸… 𑀢𑀻𑀡𑀺.

𑀩𑀸𑀳𑀺𑀭𑀁 𑀅𑀩𑁆𑀬𑀸𑀓𑀢𑀁 𑀥𑀫𑁆𑀫𑀁 𑀧𑀝𑀺𑀘𑁆𑀘 𑀩𑀸𑀳𑀺𑀭𑁄 𑀅𑀩𑁆𑀬𑀸𑀓𑀢𑁄 𑀥𑀫𑁆𑀫𑁄 𑀉𑀧𑁆𑀧𑀚𑁆𑀚𑀢𑀺 𑀳𑁂𑀢𑀼𑀧𑀘𑁆𑀘𑀬𑀸… 𑀢𑀻𑀡𑀺.

𑀅𑀚𑁆𑀛𑀢𑁆𑀢𑀺𑀓𑀁 𑀅𑀩𑁆𑀬𑀸𑀓𑀢𑀜𑁆𑀘 𑀩𑀸𑀳𑀺𑀭𑀁 𑀅𑀩𑁆𑀬𑀸𑀓𑀢𑀜𑁆𑀘 𑀥𑀫𑁆𑀫𑀁 𑀧𑀝𑀺𑀘𑁆𑀘 𑀅𑀚𑁆𑀛𑀢𑁆𑀢𑀺𑀓𑁄 𑀅𑀩𑁆𑀬𑀸𑀓𑀢𑁄 𑀥𑀫𑁆𑀫𑁄 𑀉𑀧𑁆𑀧𑀚𑁆𑀚𑀢𑀺 𑀳𑁂𑀢𑀼𑀧𑀘𑁆𑀘𑀬𑀸… 𑀢𑀻𑀡𑀺 (𑀲𑀁𑀔𑀺𑀢𑁆𑀢𑀁).

𑁮𑁯. 𑀳𑁂𑀢𑀼𑀬𑀸 𑀦𑀯, 𑀆𑀭𑀫𑁆𑀫𑀡𑁂 𑀧𑀜𑁆𑀘, 𑀅𑀥𑀺𑀧𑀢𑀺𑀬𑀸 𑀧𑀜𑁆𑀘…𑀧𑁂… 𑀅𑀜𑁆𑀜𑀫𑀜𑁆𑀜𑁂 𑀧𑀜𑁆𑀘, 𑀦𑀺𑀲𑁆𑀲𑀬𑁂 𑀦𑀯, 𑀉𑀧𑀦𑀺𑀲𑁆𑀲𑀬𑁂 𑀧𑀜𑁆𑀘, 𑀧𑀼𑀭𑁂𑀚𑀸𑀢𑁂 𑀧𑀜𑁆𑀘, 𑀆𑀲𑁂𑀯𑀦𑁂 𑀧𑀜𑁆𑀘, 𑀓𑀫𑁆𑀫𑁂…𑀧𑁂… 𑀫𑀕𑁆𑀕𑁂 𑀦𑀯, 𑀲𑀫𑁆𑀧𑀬𑀼𑀢𑁆𑀢𑁂 𑀧𑀜𑁆𑀘, 𑀯𑀺𑀧𑁆𑀧𑀬𑀼𑀢𑁆𑀢𑁂 𑀦𑀯…𑀧𑁂… 𑀅𑀯𑀺𑀕𑀢𑁂 𑀦𑀯 (𑀲𑀁𑀔𑀺𑀢𑁆𑀢𑀁).

𑀦𑀳𑁂𑀢𑀼𑀬𑀸 𑀦𑀯, 𑀦𑀆𑀭𑀫𑁆𑀫𑀡𑁂 𑀦𑀯, 𑀦𑀅𑀥𑀺𑀧𑀢𑀺𑀬𑀸 𑀦𑀯…𑀧𑁂… 𑀦𑀓𑀫𑁆𑀫𑁂 𑀢𑀻𑀡𑀺, 𑀦𑀯𑀺𑀧𑀸𑀓𑁂 𑀧𑀜𑁆𑀘, 𑀦𑀆𑀳𑀸𑀭𑁂 𑀏𑀓𑀁, 𑀦𑀇𑀦𑁆𑀤𑁆𑀭𑀺𑀬𑁂 𑀏𑀓𑀁, 𑀦𑀛𑀸𑀦𑁂 𑀧𑀜𑁆𑀘, 𑀦𑀫𑀕𑁆𑀕𑁂 𑀦𑀯, 𑀦𑀲𑀫𑁆𑀧𑀬𑀼𑀢𑁆𑀢𑁂 𑀦𑀯, 𑀦𑀯𑀺𑀧𑁆𑀧𑀬𑀼𑀢𑁆𑀢𑁂 𑀧𑀜𑁆𑀘, 𑀦𑁄𑀦𑀢𑁆𑀣𑀺𑀬𑀸 𑀦𑀯, 𑀦𑁄𑀯𑀺𑀕𑀢𑁂 𑀦𑀯 (𑀲𑀁𑀔𑀺𑀢𑁆𑀢𑀁. 𑀲𑀳𑀚𑀸𑀢𑀯𑀸𑀭𑀫𑁆𑀧𑀺…𑀧𑁂… 𑀲𑀫𑁆𑀧𑀬𑀼𑀢𑁆𑀢𑀯𑀸𑀭𑀫𑁆𑀧𑀺 𑀯𑀺𑀢𑁆𑀣𑀸𑀭𑁂𑀢𑀩𑁆𑀩𑀁.)

𑁯𑁦. 𑀩𑀸𑀳𑀺𑀭𑁄 𑀅𑀩𑁆𑀬𑀸𑀓𑀢𑁄 𑀥𑀫𑁆𑀫𑁄 𑀩𑀸𑀳𑀺𑀭𑀲𑁆𑀲 𑀅𑀩𑁆𑀬𑀸𑀓𑀢𑀲𑁆𑀲 𑀥𑀫𑁆𑀫𑀲𑁆𑀲 𑀳𑁂𑀢𑀼𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄 (𑀲𑀁𑀔𑀺𑀢𑁆𑀢𑀁).

𑀩𑀸𑀳𑀺𑀭𑁄 𑀅𑀩𑁆𑀬𑀸𑀓𑀢𑁄 𑀥𑀫𑁆𑀫𑁄 𑀩𑀸𑀳𑀺𑀭𑀲𑁆𑀲 𑀅𑀩𑁆𑀬𑀸𑀓𑀢𑀲𑁆𑀲 𑀥𑀫𑁆𑀫𑀲𑁆𑀲 𑀓𑀫𑁆𑀫𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄… 𑀢𑀻𑀡𑀺.

𑁯𑁧. 𑀳𑁂𑀢𑀼𑀬𑀸 𑀢𑀻𑀡𑀺, 𑀆𑀭𑀫𑁆𑀫𑀡𑁂 𑀦𑀯, 𑀅𑀥𑀺𑀧𑀢𑀺𑀬𑀸 𑀦𑀯 (𑀅𑀚𑁆𑀛𑀢𑁆𑀢𑀺𑀓𑁄 𑀩𑀸𑀳𑀺𑀭𑀲𑁆𑀲 𑀕𑀫𑀦𑀓𑀸𑀮𑁂 𑀲𑀳𑀚𑀸𑀢𑀸𑀥𑀺𑀧𑀢𑀺, 𑀫𑀚𑁆𑀛𑁂 𑀢𑀻𑀲𑀼𑀧𑀺 𑀲𑀳𑀚𑀸𑀢𑀸𑀥𑀺𑀧𑀢𑀺), 𑀅𑀦𑀦𑁆𑀢𑀭𑁂 𑀦𑀯, 𑀲𑀳𑀚𑀸𑀢𑁂 𑀦𑀯, 𑀅𑀜𑁆𑀜𑀫𑀜𑁆𑀜𑁂 𑀧𑀜𑁆𑀘, 𑀦𑀺𑀲𑁆𑀲𑀬𑁂 𑀦𑀯, 𑀉𑀧𑀦𑀺𑀲𑁆𑀲𑀬𑁂 𑀦𑀯, 𑀧𑀼𑀭𑁂𑀚𑀸𑀢𑁂 𑀦𑀯 (𑀆𑀭𑀫𑁆𑀫𑀡𑀧𑀼𑀭𑁂𑀚𑀸𑀢𑀫𑁆𑀧𑀺 𑀯𑀢𑁆𑀣𑀼𑀧𑀼𑀭𑁂𑀚𑀸𑀢𑀫𑁆𑀧𑀺), 𑀧𑀘𑁆𑀙𑀸𑀚𑀸𑀢𑁂 𑀦𑀯, 𑀆𑀲𑁂𑀯𑀦𑁂 𑀦𑀯, 𑀓𑀫𑁆𑀫𑁂 𑀢𑀻𑀡𑀺, 𑀯𑀺𑀧𑀸𑀓𑁂 𑀦𑀯, 𑀆𑀳𑀸𑀭𑁂 𑀦𑀯 (𑀢𑀺𑀡𑁆𑀡𑀦𑁆𑀦𑀁 𑀓𑀩𑀴𑀻𑀓𑀸𑀭𑁄 𑀆𑀳𑀸𑀭𑁄), 𑀇𑀦𑁆𑀤𑁆𑀭𑀺𑀬𑁂 𑀦𑀯 (𑀢𑀺𑀡𑁆𑀡𑀦𑁆𑀦𑀁 𑀭𑀽𑀧𑀚𑀻𑀯𑀺𑀢𑀺𑀦𑁆𑀤𑁆𑀭𑀺𑀬𑀁), 𑀛𑀸𑀦𑁂 𑀫𑀕𑁆𑀕𑁂 𑀢𑀻𑀡𑀺, 𑀲𑀫𑁆𑀧𑀬𑀼𑀢𑁆𑀢𑁂 𑀧𑀜𑁆𑀘, 𑀯𑀺𑀧𑁆𑀧𑀬𑀼𑀢𑁆𑀢𑁂 𑀦𑀯, 𑀅𑀢𑁆𑀣𑀺𑀬𑀸 𑀦𑀯…𑀧𑁂… 𑀅𑀯𑀺𑀕𑀢𑁂 𑀦𑀯 (𑀲𑀁𑀔𑀺𑀢𑁆𑀢𑀁).