𑁧. 𑀯𑀺𑀪𑀗𑁆𑀕𑀯𑀸𑀭𑁄

𑀳𑁂𑀢𑀼𑀧𑀘𑁆𑀘𑀬𑁄

𑁮𑁭. 𑀧𑀭𑀸𑀫𑀝𑁆𑀞𑁄 𑀘𑁂𑀯 𑀦𑁄 𑀘 𑀧𑀭𑀸𑀫𑀸𑀲𑁄 𑀥𑀫𑁆𑀫𑁄 𑀧𑀭𑀸𑀫𑀝𑁆𑀞𑀲𑁆𑀲 𑀘𑁂𑀯 𑀦𑁄 𑀘 𑀧𑀭𑀸𑀫𑀸𑀲𑀲𑁆𑀲 𑀥𑀫𑁆𑀫𑀲𑁆𑀲 𑀳𑁂𑀢𑀼𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄 𑁋 𑀧𑀭𑀸𑀫𑀝𑁆𑀞𑀸 𑀘𑁂𑀯 𑀦𑁄 𑀘 𑀧𑀭𑀸𑀫𑀸𑀲𑀸 𑀳𑁂𑀢𑀽 𑀲𑀫𑁆𑀧𑀬𑀼𑀢𑁆𑀢𑀓𑀸𑀦𑀁 𑀔𑀦𑁆𑀥𑀸𑀦𑀁 𑀘𑀺𑀢𑁆𑀢𑀲𑀫𑀼𑀝𑁆𑀞𑀸𑀦𑀸𑀦𑀜𑁆𑀘 𑀭𑀽𑀧𑀸𑀦𑀁 𑀳𑁂𑀢𑀼𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄; 𑀧𑀝𑀺𑀲𑀦𑁆𑀥𑀺𑀓𑁆𑀔𑀡𑁂…𑀧𑁂…. (𑁧)

𑀧𑀭𑀸𑀫𑀝𑁆𑀞𑁄 𑀘𑁂𑀯 𑀦𑁄 𑀘 𑀧𑀭𑀸𑀫𑀸𑀲𑁄 𑀥𑀫𑁆𑀫𑁄 𑀧𑀭𑀸𑀫𑀸𑀲𑀲𑁆𑀲 𑀘𑁂𑀯 𑀧𑀭𑀸𑀫𑀝𑁆𑀞𑀲𑁆𑀲 𑀘 𑀥𑀫𑁆𑀫𑀲𑁆𑀲 𑀳𑁂𑀢𑀼𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄 𑁋 𑀧𑀭𑀸𑀫𑀝𑁆𑀞𑀸 𑀘𑁂𑀯 𑀦𑁄 𑀘 𑀧𑀭𑀸𑀫𑀸𑀲𑀸 𑀳𑁂𑀢𑀽 𑀧𑀭𑀸𑀫𑀸𑀲𑀲𑁆𑀲 𑀳𑁂𑀢𑀼𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄. (𑁨)

𑀧𑀭𑀸𑀫𑀝𑁆𑀞𑁄 𑀘𑁂𑀯 𑀦𑁄 𑀘 𑀧𑀭𑀸𑀫𑀸𑀲𑁄 𑀥𑀫𑁆𑀫𑁄 𑀧𑀭𑀸𑀫𑀸𑀲𑀲𑁆𑀲 𑀘𑁂𑀯 𑀧𑀭𑀸𑀫𑀝𑁆𑀞𑀲𑁆𑀲 𑀘 𑀧𑀭𑀸𑀫𑀝𑁆𑀞𑀲𑁆𑀲 𑀘𑁂𑀯 𑀦𑁄 𑀘 𑀧𑀭𑀸𑀫𑀸𑀲𑀲𑁆𑀲 𑀘 𑀥𑀫𑁆𑀫𑀲𑁆𑀲 𑀳𑁂𑀢𑀼𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄 𑁋 𑀧𑀭𑀸𑀫𑀝𑁆𑀞𑀸 𑀘𑁂𑀯 𑀦𑁄 𑀘 𑀧𑀭𑀸𑀫𑀸𑀲𑀸 𑀳𑁂𑀢𑀽 𑀲𑀫𑁆𑀧𑀬𑀼𑀢𑁆𑀢𑀓𑀸𑀦𑀁 𑀔𑀦𑁆𑀥𑀸𑀦𑀁 𑀧𑀭𑀸𑀫𑀸𑀲𑀲𑁆𑀲 𑀘 𑀘𑀺𑀢𑁆𑀢𑀲𑀫𑀼𑀝𑁆𑀞𑀸𑀦𑀸𑀦𑀜𑁆𑀘 𑀭𑀽𑀧𑀸𑀦𑀁 𑀳𑁂𑀢𑀼𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄. (𑁩)

𑀆𑀭𑀫𑁆𑀫𑀡𑀧𑀘𑁆𑀘𑀬𑁄

𑁮𑁮. 𑀧𑀭𑀸𑀫𑀸𑀲𑁄 𑀘𑁂𑀯 𑀧𑀭𑀸𑀫𑀝𑁆𑀞𑁄 𑀘 𑀥𑀫𑁆𑀫𑁄 𑀧𑀭𑀸𑀫𑀸𑀲𑀲𑁆𑀲 𑀘𑁂𑀯 𑀧𑀭𑀸𑀫𑀝𑁆𑀞𑀲𑁆𑀲 𑀘 𑀥𑀫𑁆𑀫𑀲𑁆𑀲 𑀆𑀭𑀫𑁆𑀫𑀡𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄… 𑀢𑀻𑀡𑀺 (𑀆𑀭𑀩𑁆𑀪 𑀓𑀸𑀢𑀩𑁆𑀩𑀸𑀦𑀺 𑀧𑀭𑀸𑀫𑀸𑀲𑀤𑀼𑀓𑀲𑀤𑀺𑀲𑀁).

𑁮𑁯. 𑀧𑀭𑀸𑀫𑀝𑁆𑀞𑁄 𑀘𑁂𑀯 𑀦𑁄 𑀘 𑀧𑀭𑀸𑀫𑀸𑀲𑁄 𑀥𑀫𑁆𑀫𑁄 𑀧𑀭𑀸𑀫𑀝𑁆𑀞𑀲𑁆𑀲 𑀘𑁂𑀯 𑀦𑁄 𑀘 𑀧𑀭𑀸𑀫𑀸𑀲𑀲𑁆𑀲 𑀥𑀫𑁆𑀫𑀲𑁆𑀲 𑀆𑀭𑀫𑁆𑀫𑀡𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄 𑁋 𑀤𑀸𑀦𑀁…𑀧𑁂… 𑀲𑀻𑀮𑀁…𑀧𑁂… 𑀉𑀧𑁄𑀲𑀣𑀓𑀫𑁆𑀫𑀁 𑀓𑀢𑁆𑀯𑀸 𑀢𑀁 𑀧𑀘𑁆𑀘𑀯𑁂𑀓𑁆𑀔𑀢𑀺, 𑀅𑀲𑁆𑀲𑀸𑀤𑁂𑀢𑀺 𑀅𑀪𑀺𑀦𑀦𑁆𑀤𑀢𑀺, 𑀢𑀁 𑀆𑀭𑀩𑁆𑀪 𑀭𑀸𑀕𑁄…𑀧𑁂… 𑀯𑀺𑀘𑀺𑀓𑀺𑀘𑁆𑀙𑀸, 𑀉𑀤𑁆𑀥𑀘𑁆𑀘𑀁, 𑀤𑁄𑀫𑀦𑀲𑁆𑀲𑀁 𑀉𑀧𑁆𑀧𑀚𑁆𑀚𑀢𑀺, 𑀧𑀼𑀩𑁆𑀩𑁂…𑀧𑁂… 𑀛𑀸𑀦𑀸…𑀧𑁂… 𑀅𑀭𑀺𑀬𑀸 𑀕𑁄𑀢𑁆𑀭𑀪𑀼𑀁 𑀧𑀘𑁆𑀘𑀯𑁂𑀓𑁆𑀔𑀦𑁆𑀢𑀺, 𑀯𑁄𑀤𑀸𑀦𑀁 𑀧𑀘𑁆𑀘𑀯𑁂𑀓𑁆𑀔𑀦𑁆𑀢𑀺, 𑀧𑀳𑀻𑀦𑁂 𑀓𑀺𑀮𑁂𑀲𑁂…𑀧𑁂… 𑀯𑀺𑀓𑁆𑀔𑀫𑁆𑀪𑀺𑀢𑁂 𑀓𑀺𑀮𑁂𑀲𑁂…𑀧𑁂… 𑀧𑀼𑀩𑁆𑀩𑁂…𑀧𑁂… 𑀘𑀓𑁆𑀔𑀼𑀁…𑀧𑁂… 𑀯𑀢𑁆𑀣𑀼𑀁 𑀧𑀭𑀸𑀫𑀝𑁆𑀞𑁂 𑀘𑁂𑀯 𑀦𑁄 𑀘 𑀧𑀭𑀸𑀫𑀸𑀲𑁂 𑀔𑀦𑁆𑀥𑁂 𑀅𑀦𑀺𑀘𑁆𑀘𑀢𑁄…𑀧𑁂… 𑀤𑁄𑀫𑀦𑀲𑁆𑀲𑀁 𑀉𑀧𑁆𑀧𑀚𑁆𑀚𑀢𑀺. 𑀤𑀺𑀩𑁆𑀩𑁂𑀦 𑀘𑀓𑁆𑀔𑀼𑀦𑀸 𑀭𑀽𑀧𑀁 𑀧𑀲𑁆𑀲𑀢𑀺 (𑀬𑀸𑀯 𑀆𑀯𑀚𑁆𑀚𑀦𑀸 𑀲𑀩𑁆𑀩𑀁 𑀓𑀸𑀢𑀩𑁆𑀩𑀁). (𑁧)

𑀧𑀭𑀸𑀫𑀝𑁆𑀞𑁄 𑀘𑁂𑀯 𑀦𑁄 𑀘 𑀧𑀭𑀸𑀫𑀸𑀲𑁄 𑀥𑀫𑁆𑀫𑁄 𑀧𑀭𑀸𑀫𑀸𑀲𑀲𑁆𑀲 𑀘𑁂𑀯 𑀧𑀭𑀸𑀫𑀝𑁆𑀞𑀲𑁆𑀲 𑀘 𑀥𑀫𑁆𑀫𑀲𑁆𑀲 𑀆𑀭𑀫𑁆𑀫𑀡𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄 𑁋 𑀤𑀸𑀦𑀁…𑀧𑁂… 𑀲𑀻𑀮𑀁…𑀧𑁂… 𑀉𑀧𑁄𑀲𑀣𑀓𑀫𑁆𑀫𑀁…𑀧𑁂… 𑀧𑀼𑀩𑁆𑀩𑁂…𑀧𑁂… 𑀛𑀸𑀦𑀸…𑀧𑁂… 𑀘𑀓𑁆𑀔𑀼𑀁…𑀧𑁂… 𑀯𑀢𑁆𑀣𑀼𑀁 𑀧𑀭𑀸𑀫𑀝𑁆𑀞𑁂 𑀘𑁂𑀯 𑀦𑁄 𑀘 𑀧𑀭𑀸𑀫𑀸𑀲𑁂 𑀔𑀦𑁆𑀥𑁂 𑀅𑀲𑁆𑀲𑀸𑀤𑁂𑀢𑀺 𑀅𑀪𑀺𑀦𑀦𑁆𑀤𑀢𑀺, 𑀢𑀁 𑀆𑀭𑀩𑁆𑀪 𑀤𑀺𑀝𑁆𑀞𑀺 𑀉𑀧𑁆𑀧𑀚𑁆𑀚𑀢𑀺. (𑁨)

𑀧𑀭𑀸𑀫𑀝𑁆𑀞𑁄 𑀘𑁂𑀯 𑀦𑁄 𑀘 𑀧𑀭𑀸𑀫𑀸𑀲𑁄 𑀥𑀫𑁆𑀫𑁄 𑀧𑀭𑀸𑀫𑀸𑀲𑀲𑁆𑀲 𑀘𑁂𑀯 𑀧𑀭𑀸𑀫𑀝𑁆𑀞𑀲𑁆𑀲 𑀘 𑀧𑀭𑀸𑀫𑀝𑁆𑀞𑀲𑁆𑀲 𑀘𑁂𑀯 𑀦𑁄 𑀘 𑀧𑀭𑀸𑀫𑀸𑀲𑀲𑁆𑀲 𑀘 𑀥𑀫𑁆𑀫𑀲𑁆𑀲 𑀆𑀭𑀫𑁆𑀫𑀡𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄 𑁋 𑀤𑀸𑀦𑀁…𑀧𑁂… 𑀲𑀻𑀮𑀁…𑀧𑁂… 𑀉𑀧𑁄𑀲𑀣𑀓𑀫𑁆𑀫𑀁…𑀧𑁂… 𑀧𑀼𑀩𑁆𑀩𑁂…𑀧𑁂… 𑀛𑀸𑀦𑀸…𑀧𑁂… 𑀘𑀓𑁆𑀔𑀼𑀁…𑀧𑁂… 𑀯𑀢𑁆𑀣𑀼𑀁 𑀧𑀭𑀸𑀫𑀝𑁆𑀞𑁂 𑀘𑁂𑀯 𑀦𑁄 𑀘 𑀧𑀭𑀸𑀫𑀸𑀲𑁂 𑀔𑀦𑁆𑀥𑁂 𑀅𑀲𑁆𑀲𑀸𑀤𑁂𑀢𑀺 𑀅𑀪𑀺𑀦𑀦𑁆𑀤𑀢𑀺, 𑀢𑀁 𑀆𑀭𑀩𑁆𑀪 𑀧𑀭𑀸𑀫𑀸𑀲𑁄 𑀘 𑀲𑀫𑁆𑀧𑀬𑀼𑀢𑁆𑀢𑀓𑀸 𑀘 𑀔𑀦𑁆𑀥𑀸 𑀉𑀧𑁆𑀧𑀚𑁆𑀚𑀦𑁆𑀢𑀺. (𑁩)

(𑀏𑀯𑀁 𑀇𑀢𑀭𑁂𑀧𑀺 𑀢𑀻𑀡𑀺 𑀆𑀭𑀩𑁆𑀪 𑀓𑀸𑀢𑀩𑁆𑀩𑀸𑀦𑀺. 𑀇𑀫𑀁 𑀤𑀼𑀓𑀁 𑀧𑀭𑀸𑀫𑀸𑀲𑀤𑀼𑀓𑀲𑀤𑀺𑀲𑀁. 𑀮𑁄𑀓𑀼𑀢𑁆𑀢𑀭𑀁 𑀬𑀳𑀺𑀁 𑀦 𑀮𑀩𑁆𑀪𑀢𑀺 𑀢𑀳𑀺𑀁 𑀦 𑀓𑀸𑀢𑀩𑁆𑀩𑀁.)

𑀧𑀭𑀸𑀫𑀸𑀲𑀧𑀭𑀸𑀫𑀝𑁆𑀞𑀤𑀼𑀓𑀁 𑀦𑀺𑀝𑁆𑀞𑀺𑀢𑀁.