𑁧. 𑀯𑀺𑀪𑀗𑁆𑀕𑀯𑀸𑀭𑁄

𑀳𑁂𑀢𑀼𑀧𑀘𑁆𑀘𑀬𑁄

𑁯𑁦. 𑀦𑀻𑀯𑀭𑀡𑁄 𑀘𑁂𑀯 𑀦𑀻𑀯𑀭𑀡𑀺𑀬𑁄 𑀘 𑀥𑀫𑁆𑀫𑁄 𑀦𑀻𑀯𑀭𑀡𑀲𑁆𑀲 𑀘𑁂𑀯 𑀦𑀻𑀯𑀭𑀡𑀺𑀬𑀲𑁆𑀲 𑀘 𑀥𑀫𑁆𑀫𑀲𑁆𑀲 𑀳𑁂𑀢𑀼𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄 𑁋 𑀦𑀻𑀯𑀭𑀡𑀸 𑀘𑁂𑀯 𑀦𑀻𑀯𑀭𑀡𑀺𑀬𑀸 𑀘 𑀳𑁂𑀢𑀽 𑀲𑀫𑁆𑀧𑀬𑀼𑀢𑁆𑀢𑀓𑀸𑀦𑀁 𑀦𑀻𑀯𑀭𑀡𑀸𑀦𑀁 𑀳𑁂𑀢𑀼𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄. (𑁧)

𑀦𑀻𑀯𑀭𑀡𑁄 𑀘𑁂𑀯 𑀦𑀻𑀯𑀭𑀡𑀺𑀬𑁄 𑀘 𑀥𑀫𑁆𑀫𑁄 𑀦𑀻𑀯𑀭𑀡𑀺𑀬𑀲𑁆𑀲 𑀘𑁂𑀯 𑀦𑁄 𑀘 𑀦𑀻𑀯𑀭𑀡𑀲𑁆𑀲 𑀥𑀫𑁆𑀫𑀲𑁆𑀲 𑀳𑁂𑀢𑀼𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄 𑁋 𑀦𑀻𑀯𑀭𑀡𑀸 𑀘𑁂𑀯 𑀦𑀻𑀯𑀭𑀡𑀺𑀬𑀸 𑀘 𑀳𑁂𑀢𑀽 𑀲𑀫𑁆𑀧𑀬𑀼𑀢𑁆𑀢𑀓𑀸𑀦𑀁 𑀔𑀦𑁆𑀥𑀸𑀦𑀁 𑀘𑀺𑀢𑁆𑀢𑀲𑀫𑀼𑀝𑁆𑀞𑀸𑀦𑀸𑀦𑀜𑁆𑀘 𑀭𑀽𑀧𑀸𑀦𑀁 𑀳𑁂𑀢𑀼𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄. (𑁨)

𑀦𑀻𑀯𑀭𑀡𑁄 𑀘𑁂𑀯 𑀦𑀻𑀯𑀭𑀡𑀺𑀬𑁄 𑀘 𑀥𑀫𑁆𑀫𑁄 𑀦𑀻𑀯𑀭𑀡𑀲𑁆𑀲 𑀘𑁂𑀯 𑀦𑀻𑀯𑀭𑀡𑀺𑀬𑀲𑁆𑀲 𑀘 𑀦𑀻𑀯𑀭𑀡𑀺𑀬𑀲𑁆𑀲 𑀘𑁂𑀯 𑀦𑁄 𑀘 𑀦𑀻𑀯𑀭𑀡𑀲𑁆𑀲 𑀘 𑀥𑀫𑁆𑀫𑀲𑁆𑀲 𑀳𑁂𑀢𑀼𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄 𑁋 𑀦𑀻𑀯𑀭𑀡𑀸 𑀘𑁂𑀯 𑀦𑀻𑀯𑀭𑀡𑀺𑀬𑀸 𑀘 𑀳𑁂𑀢𑀽 𑀲𑀫𑁆𑀧𑀬𑀼𑀢𑁆𑀢𑀓𑀸𑀦𑀁 𑀔𑀦𑁆𑀥𑀸𑀦𑀁 𑀦𑀻𑀯𑀭𑀡𑀸𑀦𑀜𑁆𑀘 𑀘𑀺𑀢𑁆𑀢𑀲𑀫𑀼𑀝𑁆𑀞𑀸𑀦𑀸𑀦𑀜𑁆𑀘 𑀭𑀽𑀧𑀸𑀦𑀁 𑀳𑁂𑀢𑀼𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄. (𑁩)

𑀦𑀻𑀯𑀭𑀡𑀺𑀬𑁄 𑀘𑁂𑀯 𑀦𑁄 𑀘 𑀦𑀻𑀯𑀭𑀡𑁄 𑀥𑀫𑁆𑀫𑁄 𑀦𑀻𑀯𑀭𑀡𑀺𑀬𑀲𑁆𑀲 𑀘𑁂𑀯 𑀦𑁄 𑀘 𑀦𑀻𑀯𑀭𑀡𑀲𑁆𑀲 𑀥𑀫𑁆𑀫𑀲𑁆𑀲 𑀳𑁂𑀢𑀼𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄 𑁋 𑀦𑀻𑀯𑀭𑀡𑀺𑀬𑀸 𑀘𑁂𑀯 𑀦𑁄 𑀘 𑀦𑀻𑀯𑀭𑀡𑀸 𑀳𑁂𑀢𑀽 𑀲𑀫𑁆𑀧𑀬𑀼𑀢𑁆𑀢𑀓𑀸𑀦𑀁 𑀔𑀦𑁆𑀥𑀸𑀦𑀁 𑀘𑀺𑀢𑁆𑀢𑀲𑀫𑀼𑀝𑁆𑀞𑀸𑀦𑀸𑀦𑀜𑁆𑀘 𑀭𑀽𑀧𑀸𑀦𑀁 𑀳𑁂𑀢𑀼𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄; 𑀧𑀝𑀺𑀲𑀦𑁆𑀥𑀺𑀓𑁆𑀔𑀡𑁂…𑀧𑁂…. (𑁧)

𑀆𑀭𑀫𑁆𑀫𑀡𑀧𑀘𑁆𑀘𑀬𑁄

𑁯𑁧. 𑀦𑀻𑀯𑀭𑀡𑁄 𑀘𑁂𑀯 𑀦𑀻𑀯𑀭𑀡𑀺𑀬𑁄 𑀘 𑀥𑀫𑁆𑀫𑁄 𑀦𑀻𑀯𑀭𑀡𑀲𑁆𑀲 𑀘𑁂𑀯 𑀦𑀻𑀯𑀭𑀡𑀺𑀬𑀲𑁆𑀲 𑀘 𑀥𑀫𑁆𑀫𑀲𑁆𑀲 𑀆𑀭𑀫𑁆𑀫𑀡𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄 𑁋 𑀦𑀻𑀯𑀭𑀡𑁂 𑀆𑀭𑀩𑁆𑀪 𑀦𑀻𑀯𑀭𑀡𑀸 𑀉𑀧𑁆𑀧𑀚𑁆𑀚𑀦𑁆𑀢𑀺. (𑀫𑀽𑀮𑀁 𑀧𑀼𑀘𑁆𑀙𑀺𑀢𑀩𑁆𑀩𑀁) 𑀦𑀻𑀯𑀭𑀡𑁂 𑀆𑀭𑀩𑁆𑀪 𑀦𑀻𑀯𑀭𑀡𑀺𑀬𑀸 𑀘𑁂𑀯 𑀦𑁄 𑀘 𑀦𑀻𑀯𑀭𑀡𑀸 𑀔𑀦𑁆𑀥𑀸 𑀉𑀧𑁆𑀧𑀚𑁆𑀚𑀦𑁆𑀢𑀺. (𑀫𑀽𑀮𑀁 𑀧𑀼𑀘𑁆𑀙𑀺𑀢𑀩𑁆𑀩𑀁) 𑀦𑀻𑀯𑀭𑀡𑁂 𑀆𑀭𑀩𑁆𑀪 𑀦𑀻𑀯𑀭𑀡𑀸 𑀘 𑀲𑀫𑁆𑀧𑀬𑀼𑀢𑁆𑀢𑀓𑀸 𑀘 𑀔𑀦𑁆𑀥𑀸 𑀉𑀧𑁆𑀧𑀚𑁆𑀚𑀦𑁆𑀢𑀺. (𑁩)

𑀦𑀻𑀯𑀭𑀡𑀺𑀬𑁄 𑀘𑁂𑀯 𑀦𑁄 𑀘 𑀦𑀻𑀯𑀭𑀡𑁄 𑀥𑀫𑁆𑀫𑁄 𑀦𑀻𑀯𑀭𑀡𑀺𑀬𑀲𑁆𑀲 𑀘𑁂𑀯 𑀦𑁄 𑀘 𑀦𑀻𑀯𑀭𑀡𑀲𑁆𑀲 𑀥𑀫𑁆𑀫𑀲𑁆𑀲 𑀆𑀭𑀫𑁆𑀫𑀡𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄 𑁋 𑀤𑀸𑀦𑀁…𑀧𑁂… 𑀲𑀻𑀮𑀁…𑀧𑁂… 𑀉𑀧𑁄𑀲𑀣𑀓𑀫𑁆𑀫𑀁 𑀓𑀢𑁆𑀯𑀸 𑀢𑀁 𑀧𑀘𑁆𑀘𑀯𑁂𑀓𑁆𑀔𑀢𑀺, 𑀅𑀲𑁆𑀲𑀸𑀤𑁂𑀢𑀺 𑀅𑀪𑀺𑀦𑀦𑁆𑀤𑀢𑀺, 𑀢𑀁 𑀆𑀭𑀩𑁆𑀪 𑀭𑀸𑀕𑁄 𑀉𑀧𑁆𑀧𑀚𑁆𑀚𑀢𑀺, 𑀤𑀺𑀝𑁆𑀞𑀺… 𑀯𑀺𑀘𑀺𑀓𑀺𑀘𑁆𑀙𑀸… 𑀉𑀤𑁆𑀥𑀘𑁆𑀘𑀁… 𑀤𑁄𑀫𑀦𑀲𑁆𑀲𑀁 𑀉𑀧𑁆𑀧𑀚𑁆𑀚𑀢𑀺; 𑀧𑀼𑀩𑁆𑀩𑁂 𑀲𑀼𑀘𑀺𑀡𑁆𑀡𑀸𑀦𑀺…𑀧𑁂… 𑀛𑀸𑀦𑀸…𑀧𑁂… 𑀅𑀭𑀺𑀬𑀸 𑀕𑁄𑀢𑁆𑀭𑀪𑀼𑀁 𑀧𑀘𑁆𑀘𑀯𑁂𑀓𑁆𑀔𑀦𑁆𑀢𑀺, 𑀯𑁄𑀤𑀸𑀦𑀁…𑀧𑁂… 𑀧𑀳𑀻𑀦𑁂 𑀓𑀺𑀮𑁂𑀲𑁂 …𑀧𑁂… 𑀯𑀺𑀓𑁆𑀔𑀫𑁆𑀪𑀺𑀢𑁂 𑀓𑀺𑀮𑁂𑀲𑁂…𑀧𑁂… 𑀧𑀼𑀩𑁆𑀩𑁂 𑀲𑀫𑀼𑀤𑀸𑀘𑀺𑀡𑁆𑀡𑁂…𑀧𑁂… 𑀘𑀓𑁆𑀔𑀼𑀁…𑀧𑁂… 𑀯𑀢𑁆𑀣𑀼𑀁 𑀦𑀻𑀯𑀭𑀡𑀺𑀬𑁂 𑀘𑁂𑀯 𑀦𑁄 𑀘 𑀦𑀻𑀯𑀭𑀡𑁂 𑀔𑀦𑁆𑀥𑁂 𑀅𑀦𑀺𑀘𑁆𑀘𑀢𑁄…𑀧𑁂… 𑀯𑀺𑀧𑀲𑁆𑀲𑀢𑀺, 𑀅𑀲𑁆𑀲𑀸𑀤𑁂𑀢𑀺 𑀅𑀪𑀺𑀦𑀦𑁆𑀤𑀢𑀺…𑀧𑁂… 𑀤𑁄𑀫𑀦𑀲𑁆𑀲𑀁 𑀉𑀧𑁆𑀧𑀚𑁆𑀚𑀢𑀺; 𑀤𑀺𑀩𑁆𑀩𑁂𑀦 𑀘𑀓𑁆𑀔𑀼𑀦𑀸 𑀭𑀽𑀧𑀁 𑀧𑀲𑁆𑀲𑀢𑀺…𑀧𑁂… (𑀬𑀸𑀯 𑀆𑀯𑀚𑁆𑀚𑀦𑀸 𑀢𑀸𑀯 𑀓𑀸𑀢𑀩𑁆𑀩𑀸). (𑁧)

𑀦𑀻𑀯𑀭𑀡𑀺𑀬𑁄 𑀘𑁂𑀯 𑀦𑁄 𑀘 𑀦𑀻𑀯𑀭𑀡𑁄 𑀥𑀫𑁆𑀫𑁄 𑀦𑀻𑀯𑀭𑀡𑀲𑁆𑀲 𑀘𑁂𑀯 𑀦𑀻𑀯𑀭𑀡𑀺𑀬𑀲𑁆𑀲 𑀘 𑀥𑀫𑁆𑀫𑀲𑁆𑀲 𑀆𑀭𑀫𑁆𑀫𑀡𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄 𑁋 𑀤𑀸𑀦𑀁…𑀧𑁂… 𑀲𑀻𑀮𑀁…𑀧𑁂… 𑀉𑀧𑁄𑀲𑀣𑀓𑀫𑁆𑀫𑀁…𑀧𑁂… 𑀧𑀼𑀩𑁆𑀩𑁂 𑀲𑀼𑀘𑀺𑀡𑁆𑀡𑀸𑀦𑀺…𑀧𑁂… 𑀛𑀸𑀦𑀸…𑀧𑁂… 𑀘𑀓𑁆𑀔𑀼𑀁…𑀧𑁂… 𑀯𑀢𑁆𑀣𑀼𑀁 𑀦𑀻𑀯𑀭𑀡𑀺𑀬𑁂 𑀘𑁂𑀯 𑀦𑁄 𑀘 𑀦𑀻𑀯𑀭𑀡𑁂 𑀔𑀦𑁆𑀥𑁂 𑀅𑀲𑁆𑀲𑀸𑀤𑁂𑀢𑀺 𑀅𑀪𑀺𑀦𑀦𑁆𑀤𑀢𑀺, 𑀢𑀁 𑀆𑀭𑀩𑁆𑀪 𑀭𑀸𑀕𑁄…𑀧𑁂… 𑀤𑀺𑀝𑁆𑀞𑀺… 𑀯𑀺𑀘𑀺𑀓𑀺𑀘𑁆𑀙𑀸… 𑀉𑀤𑁆𑀥𑀘𑁆𑀘𑀁… 𑀤𑁄𑀫𑀦𑀲𑁆𑀲𑀁 𑀉𑀧𑁆𑀧𑀚𑁆𑀚𑀢𑀺. (𑁨)

𑀦𑀻𑀯𑀭𑀡𑀺𑀬𑁄 𑀘𑁂𑀯 𑀦𑁄 𑀘 𑀦𑀻𑀯𑀭𑀡𑁄 𑀥𑀫𑁆𑀫𑁄 𑀦𑀻𑀯𑀭𑀡𑀲𑁆𑀲 𑀘𑁂𑀯 𑀦𑀻𑀯𑀭𑀡𑀺𑀬𑀲𑁆𑀲 𑀘 𑀦𑀻𑀯𑀭𑀡𑀺𑀬𑀲𑁆𑀲 𑀘𑁂𑀯 𑀦𑁄 𑀘 𑀦𑀻𑀯𑀭𑀡𑀲𑁆𑀲 𑀘 𑀥𑀫𑁆𑀫𑀲𑁆𑀲 𑀆𑀭𑀫𑁆𑀫𑀡𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄 𑁋 𑀤𑀸𑀦𑀁…𑀧𑁂… 𑀲𑀻𑀮𑀁…𑀧𑁂… 𑀉𑀧𑁄𑀲𑀣𑀓𑀫𑁆𑀫𑀁…𑀧𑁂… 𑀧𑀼𑀩𑁆𑀩𑁂 𑀲𑀼𑀘𑀺𑀡𑁆𑀡𑀸𑀦𑀺…𑀧𑁂… 𑀛𑀸𑀦𑀸 …𑀧𑁂… 𑀘𑀓𑁆𑀔𑀼𑀁…𑀧𑁂… 𑀯𑀢𑁆𑀣𑀼𑀁 𑀦𑀻𑀯𑀭𑀡𑀺𑀬𑁂 𑀘𑁂𑀯 𑀦𑁄 𑀘 𑀦𑀻𑀯𑀭𑀡𑁂 𑀔𑀦𑁆𑀥𑁂 𑀅𑀲𑁆𑀲𑀸𑀤𑁂𑀢𑀺 𑀅𑀪𑀺𑀦𑀦𑁆𑀤𑀢𑀺, 𑀢𑀁 𑀆𑀭𑀩𑁆𑀪 𑀦𑀻𑀯𑀭𑀡𑀸 𑀘 𑀲𑀫𑁆𑀧𑀬𑀼𑀢𑁆𑀢𑀓𑀸 𑀘 𑀔𑀦𑁆𑀥𑀸 𑀉𑀧𑁆𑀧𑀚𑁆𑀚𑀦𑁆𑀢𑀺 (𑀏𑀯𑀁 𑀇𑀢𑀭𑁂𑀧𑀺 𑀢𑀻𑀡𑀺 𑀓𑀸𑀢𑀩𑁆𑀩𑀸). (𑁩)

(𑀆𑀭𑀫𑁆𑀫𑀡𑀲𑀤𑀺𑀲𑀸 𑀅𑀥𑀺𑀧𑀢𑀺𑀧𑀘𑁆𑀘𑀬𑀸, 𑀧𑀼𑀭𑁂𑀚𑀸𑀢𑀫𑁆𑀧𑀺 𑀆𑀭𑀫𑁆𑀫𑀡𑀲𑀤𑀺𑀲𑀁. 𑀉𑀧𑀦𑀺𑀲𑁆𑀲𑀬𑁂𑀧𑀺 𑀮𑁄𑀓𑀼𑀢𑁆𑀢𑀭𑀁 𑀦 𑀓𑀸𑀢𑀩𑁆𑀩𑀁. 𑀲𑀁𑀔𑀺𑀢𑁆𑀢𑀁, 𑀏𑀯𑀁 𑀯𑀺𑀢𑁆𑀣𑀸𑀭𑁂𑀢𑀩𑁆𑀩𑀁 𑀬𑀣𑀸 𑀦𑀻𑀯𑀭𑀡𑀤𑀼𑀓𑀁, 𑀏𑀯𑀁 𑀧𑀘𑁆𑀘𑀯𑁂𑀓𑁆𑀔𑀺𑀢𑁆𑀯𑀸 𑀓𑀸𑀢𑀩𑁆𑀩𑀁.)

𑀦𑀻𑀯𑀭𑀡𑀦𑀻𑀯𑀭𑀡𑀺𑀬𑀤𑀼𑀓𑀁 𑀦𑀺𑀝𑁆𑀞𑀺𑀢𑀁.