𑁧. 𑀯𑀺𑀪𑀗𑁆𑀕𑀯𑀸𑀭𑁄

𑀳𑁂𑀢𑀼𑀧𑀘𑁆𑀘𑀬𑁄

𑁫𑁨. 𑀦𑀻𑀯𑀭𑀡𑀲𑀫𑁆𑀧𑀬𑀼𑀢𑁆𑀢𑀁 𑀥𑀫𑁆𑀫𑀁 𑀧𑀝𑀺𑀘𑁆𑀘 𑀦𑀻𑀯𑀭𑀡𑀲𑀫𑁆𑀧𑀬𑀼𑀢𑁆𑀢𑁄 𑀥𑀫𑁆𑀫𑁄 𑀉𑀧𑁆𑀧𑀚𑁆𑀚𑀢𑀺 𑀳𑁂𑀢𑀼𑀧𑀘𑁆𑀘𑀬𑀸 𑁋 𑀦𑀻𑀯𑀭𑀡𑀲𑀫𑁆𑀧𑀬𑀼𑀢𑁆𑀢𑀁 𑀏𑀓𑀁 𑀔𑀦𑁆𑀥𑀁 𑀧𑀝𑀺𑀘𑁆𑀘 𑀢𑀬𑁄 𑀔𑀦𑁆𑀥𑀸…𑀧𑁂… 𑀤𑁆𑀯𑁂 𑀔𑀦𑁆𑀥𑁂…𑀧𑁂…. (𑁧)

𑀦𑀻𑀯𑀭𑀡𑀲𑀫𑁆𑀧𑀬𑀼𑀢𑁆𑀢𑀁 𑀥𑀫𑁆𑀫𑀁 𑀧𑀝𑀺𑀘𑁆𑀘 𑀦𑀻𑀯𑀭𑀡𑀯𑀺𑀧𑁆𑀧𑀬𑀼𑀢𑁆𑀢𑁄 𑀥𑀫𑁆𑀫𑁄 𑀉𑀧𑁆𑀧𑀚𑁆𑀚𑀢𑀺 𑀳𑁂𑀢𑀼𑀧𑀘𑁆𑀘𑀬𑀸 𑁋 𑀦𑀻𑀯𑀭𑀡𑀲𑀫𑁆𑀧𑀬𑀼𑀢𑁆𑀢𑁂 𑀔𑀦𑁆𑀥𑁂 𑀧𑀝𑀺𑀘𑁆𑀘 𑀘𑀺𑀢𑁆𑀢𑀲𑀫𑀼𑀝𑁆𑀞𑀸𑀦𑀁 𑀭𑀽𑀧𑀁. (𑁨)

𑀦𑀻𑀯𑀭𑀡𑀲𑀫𑁆𑀧𑀬𑀼𑀢𑁆𑀢𑀁 𑀥𑀫𑁆𑀫𑀁 𑀧𑀝𑀺𑀘𑁆𑀘 𑀦𑀻𑀯𑀭𑀡𑀲𑀫𑁆𑀧𑀬𑀼𑀢𑁆𑀢𑁄 𑀘 𑀦𑀻𑀯𑀭𑀡𑀯𑀺𑀧𑁆𑀧𑀬𑀼𑀢𑁆𑀢𑁄 𑀘 𑀥𑀫𑁆𑀫𑀸 𑀉𑀧𑁆𑀧𑀚𑁆𑀚𑀦𑁆𑀢𑀺 𑀳𑁂𑀢𑀼𑀧𑀘𑁆𑀘𑀬𑀸 𑁋 𑀦𑀻𑀯𑀭𑀡𑀲𑀫𑁆𑀧𑀬𑀼𑀢𑁆𑀢𑀁 𑀏𑀓𑀁 𑀔𑀦𑁆𑀥𑀁 𑀧𑀝𑀺𑀘𑁆𑀘 𑀢𑀬𑁄 𑀔𑀦𑁆𑀥𑀸 𑀘𑀺𑀢𑁆𑀢𑀲𑀫𑀼𑀝𑁆𑀞𑀸𑀦𑀜𑁆𑀘 𑀭𑀽𑀧𑀁…𑀧𑁂… 𑀤𑁆𑀯𑁂 𑀔𑀦𑁆𑀥𑁂…𑀧𑁂…. (𑁩)

𑁫𑁩. 𑀦𑀻𑀯𑀭𑀡𑀯𑀺𑀧𑁆𑀧𑀬𑀼𑀢𑁆𑀢𑀁 𑀥𑀫𑁆𑀫𑀁 𑀧𑀝𑀺𑀘𑁆𑀘 𑀦𑀻𑀯𑀭𑀡𑀯𑀺𑀧𑁆𑀧𑀬𑀼𑀢𑁆𑀢𑁄 𑀥𑀫𑁆𑀫𑁄 𑀉𑀧𑁆𑀧𑀚𑁆𑀚𑀢𑀺 𑀳𑁂𑀢𑀼𑀧𑀘𑁆𑀘𑀬𑀸 𑁋 𑀦𑀻𑀯𑀭𑀡𑀯𑀺𑀧𑁆𑀧𑀬𑀼𑀢𑁆𑀢𑀁 𑀏𑀓𑀁 𑀔𑀦𑁆𑀥𑀁 𑀧𑀝𑀺𑀘𑁆𑀘 𑀢𑀬𑁄 𑀔𑀦𑁆𑀥𑀸 𑀘𑀺𑀢𑁆𑀢𑀲𑀫𑀼𑀝𑁆𑀞𑀸𑀦𑀜𑁆𑀘 𑀭𑀽𑀧𑀁…𑀧𑁂… 𑀤𑁆𑀯𑁂 𑀔𑀦𑁆𑀥𑁂…𑀧𑁂… 𑀧𑀝𑀺𑀲𑀦𑁆𑀥𑀺𑀓𑁆𑀔𑀡𑁂…𑀧𑁂… (𑀬𑀸𑀯 𑀅𑀚𑁆𑀛𑀢𑁆𑀢𑀺𑀓𑀸 𑀫𑀳𑀸𑀪𑀽𑀢𑀸). (𑁧)

𑀦𑀻𑀯𑀭𑀡𑀲𑀫𑁆𑀧𑀬𑀼𑀢𑁆𑀢𑀜𑁆𑀘 𑀦𑀻𑀯𑀭𑀡𑀯𑀺𑀧𑁆𑀧𑀬𑀼𑀢𑁆𑀢𑀜𑁆𑀘 𑀥𑀫𑁆𑀫𑀁 𑀧𑀝𑀺𑀘𑁆𑀘 𑀦𑀻𑀯𑀭𑀡𑀯𑀺𑀧𑁆𑀧𑀬𑀼𑀢𑁆𑀢𑁄 𑀥𑀫𑁆𑀫𑁄 𑀉𑀧𑁆𑀧𑀚𑁆𑀚𑀢𑀺 𑀳𑁂𑀢𑀼𑀧𑀘𑁆𑀘𑀬𑀸 𑁋 𑀦𑀻𑀯𑀭𑀡𑀲𑀫𑁆𑀧𑀬𑀼𑀢𑁆𑀢𑁂 𑀔𑀦𑁆𑀥𑁂 𑀘 𑀫𑀳𑀸𑀪𑀽𑀢𑁂 𑀘 𑀧𑀝𑀺𑀘𑁆𑀘 𑀘𑀺𑀢𑁆𑀢𑀲𑀫𑀼𑀝𑁆𑀞𑀸𑀦𑀁 𑀭𑀽𑀧𑀁 (𑀲𑀁𑀔𑀺𑀢𑁆𑀢𑀁).