𑁧. 𑀯𑀺𑀪𑀗𑁆𑀕𑀯𑀸𑀭𑁄

𑀳𑁂𑀢𑀼𑀧𑀘𑁆𑀘𑀬𑁄

𑁯𑁭. 𑀲𑀜𑁆𑀜𑁄𑀚𑀦𑀜𑁆𑀘𑁂𑀯 𑀲𑀜𑁆𑀜𑁄𑀚𑀦𑀺𑀬𑀜𑁆𑀘 𑀥𑀫𑁆𑀫𑀁 𑀧𑀝𑀺𑀘𑁆𑀘 𑀲𑀜𑁆𑀜𑁄𑀚𑀦𑁄 𑀘𑁂𑀯 𑀲𑀜𑁆𑀜𑁄𑀚𑀦𑀺𑀬𑁄 𑀘 𑀥𑀫𑁆𑀫𑀸 𑀉𑀧𑁆𑀧𑀚𑁆𑀚𑀦𑁆𑀢𑀺 𑀳𑁂𑀢𑀼𑀧𑀘𑁆𑀘𑀬𑀸 𑁋 𑀓𑀸𑀫𑀭𑀸𑀕𑀲𑀜𑁆𑀜𑁄𑀚𑀦𑀁 𑀧𑀝𑀺𑀘𑁆𑀘 𑀤𑀺𑀝𑁆𑀞𑀺𑀲𑀜𑁆𑀜𑁄𑀚𑀦𑀁 𑀅𑀯𑀺𑀚𑁆𑀚𑀸𑀲𑀜𑁆𑀜𑁄𑀚𑀦𑀁 (𑀘𑀓𑁆𑀓𑀁). (𑁧)

𑀲𑀜𑁆𑀜𑁄𑀚𑀦𑀜𑁆𑀘𑁂𑀯 𑀲𑀜𑁆𑀜𑁄𑀚𑀦𑀺𑀬𑀜𑁆𑀘 𑀥𑀫𑁆𑀫𑀁 𑀧𑀝𑀺𑀘𑁆𑀘 𑀲𑀜𑁆𑀜𑁄𑀚𑀦𑀺𑀬𑁄 𑀘𑁂𑀯 𑀦𑁄 𑀘 𑀲𑀜𑁆𑀜𑁄𑀚𑀦𑁄 𑀥𑀫𑁆𑀫𑁄 𑀉𑀧𑁆𑀧𑀚𑁆𑀚𑀢𑀺 𑀳𑁂𑀢𑀼𑀧𑀘𑁆𑀘𑀬𑀸 𑁋 𑀲𑀜𑁆𑀜𑁄𑀚𑀦𑁂 𑀧𑀝𑀺𑀘𑁆𑀘 𑀲𑀫𑁆𑀧𑀬𑀼𑀢𑁆𑀢𑀓𑀸 𑀔𑀦𑁆𑀥𑀸 𑀘𑀺𑀢𑁆𑀢𑀲𑀫𑀼𑀝𑁆𑀞𑀸𑀦𑀜𑁆𑀘 𑀭𑀽𑀧𑀁. (𑁨)

𑀲𑀜𑁆𑀜𑁄𑀚𑀦𑀜𑁆𑀘𑁂𑀯 𑀲𑀜𑁆𑀜𑁄𑀚𑀦𑀺𑀬𑀜𑁆𑀘 𑀥𑀫𑁆𑀫𑀁 𑀧𑀝𑀺𑀘𑁆𑀘 𑀲𑀜𑁆𑀜𑁄𑀚𑀦𑁄 𑀘𑁂𑀯 𑀲𑀜𑁆𑀜𑁄𑀚𑀦𑀺𑀬𑁄 𑀘 𑀲𑀜𑁆𑀜𑁄𑀚𑀦𑀺𑀬𑁄 𑀘𑁂𑀯 𑀦𑁄 𑀘 𑀲𑀜𑁆𑀜𑁄𑀚𑀦𑁄 𑀘 𑀥𑀫𑁆𑀫𑀸 𑀉𑀧𑁆𑀧𑀚𑁆𑀚𑀦𑁆𑀢𑀺 𑀳𑁂𑀢𑀼𑀧𑀘𑁆𑀘𑀬𑀸 𑁋 𑀓𑀸𑀫𑀭𑀸𑀕𑀲𑀜𑁆𑀜𑁄𑀚𑀦𑀁 𑀧𑀝𑀺𑀘𑁆𑀘 𑀤𑀺𑀝𑁆𑀞𑀺𑀲𑀜𑁆𑀜𑁄𑀚𑀦𑀁 𑀅𑀯𑀺𑀚𑁆𑀚𑀸𑀲𑀜𑁆𑀜𑁄𑀚𑀦𑀁 𑀲𑀫𑁆𑀧𑀬𑀼𑀢𑁆𑀢𑀓𑀸 𑀔𑀦𑁆𑀥𑀸 𑀘𑀺𑀢𑁆𑀢𑀲𑀫𑀼𑀝𑁆𑀞𑀸𑀦𑀜𑁆𑀘 𑀭𑀽𑀧𑀁 (𑀘𑀓𑁆𑀓𑀁). (𑁩)

𑁯𑁮. 𑀲𑀜𑁆𑀜𑁄𑀚𑀦𑀺𑀬𑀜𑁆𑀘𑁂𑀯 𑀦𑁄 𑀘 𑀲𑀜𑁆𑀜𑁄𑀚𑀦𑀁 𑀥𑀫𑁆𑀫𑀁 𑀧𑀝𑀺𑀘𑁆𑀘 𑀲𑀜𑁆𑀜𑁄𑀚𑀦𑀺𑀬𑁄 𑀘𑁂𑀯 𑀦𑁄 𑀘 𑀲𑀜𑁆𑀜𑁄𑀚𑀦𑁄 𑀥𑀫𑁆𑀫𑁄 𑀉𑀧𑁆𑀧𑀚𑁆𑀚𑀢𑀺 𑀳𑁂𑀢𑀼𑀧𑀘𑁆𑀘𑀬𑀸 𑁋 𑀲𑀜𑁆𑀜𑁄𑀚𑀦𑀺𑀬𑀜𑁆𑀘𑁂𑀯 𑀦𑁄 𑀘 𑀲𑀜𑁆𑀜𑁄𑀚𑀦𑀁 𑀏𑀓𑀁 𑀔𑀦𑁆𑀥𑀁 𑀧𑀝𑀺𑀘𑁆𑀘 𑀢𑀬𑁄 𑀔𑀦𑁆𑀥𑀸 𑀘𑀺𑀢𑁆𑀢𑀲𑀫𑀼𑀝𑁆𑀞𑀸𑀦𑀜𑁆𑀘 𑀭𑀽𑀧𑀁…𑀧𑁂… 𑀤𑁆𑀯𑁂 𑀔𑀦𑁆𑀥𑁂…𑀧𑁂… 𑀧𑀝𑀺𑀲𑀦𑁆𑀥𑀺𑀓𑁆𑀔𑀡𑁂…𑀧𑁂… (𑀬𑀸𑀯 𑀫𑀳𑀸𑀪𑀽𑀢𑀸). (𑁧)

𑀲𑀜𑁆𑀜𑁄𑀚𑀦𑀺𑀬𑀜𑁆𑀘𑁂𑀯 𑀦𑁄 𑀘 𑀲𑀜𑁆𑀜𑁄𑀚𑀦𑀁 𑀥𑀫𑁆𑀫𑀁 𑀧𑀝𑀺𑀘𑁆𑀘 𑀲𑀜𑁆𑀜𑁄𑀚𑀦𑁄 𑀘𑁂𑀯 𑀲𑀜𑁆𑀜𑁄𑀚𑀦𑀺𑀬𑁄 𑀘 𑀥𑀫𑁆𑀫𑁄 𑀉𑀧𑁆𑀧𑀚𑁆𑀚𑀢𑀺 𑀳𑁂𑀢𑀼𑀧𑀘𑁆𑀘𑀬𑀸 𑁋 𑀲𑀜𑁆𑀜𑁄𑀚𑀦𑀺𑀬𑁂 𑀘𑁂𑀯 𑀦𑁄 𑀘 𑀲𑀜𑁆𑀜𑁄𑀚𑀦𑁂 𑀔𑀦𑁆𑀥𑁂 𑀧𑀝𑀺𑀘𑁆𑀘 𑀲𑀜𑁆𑀜𑁄𑀚𑀦𑀸. (𑁨)

𑀲𑀜𑁆𑀜𑁄𑀚𑀦𑀺𑀬𑀜𑁆𑀘𑁂𑀯 𑀦𑁄 𑀘 𑀲𑀜𑁆𑀜𑁄𑀚𑀦𑀁 𑀥𑀫𑁆𑀫𑀁 𑀧𑀝𑀺𑀘𑁆𑀘 𑀲𑀜𑁆𑀜𑁄𑀚𑀦𑁄 𑀘𑁂𑀯 𑀲𑀜𑁆𑀜𑁄𑀚𑀦𑀺𑀬𑁄 𑀘 𑀲𑀜𑁆𑀜𑁄𑀚𑀦𑀺𑀬𑁄 𑀘𑁂𑀯 𑀦𑁄 𑀘 𑀲𑀜𑁆𑀜𑁄𑀚𑀦𑁄 𑀘 𑀥𑀫𑁆𑀫𑀸 𑀉𑀧𑁆𑀧𑀚𑁆𑀚𑀦𑁆𑀢𑀺 𑀳𑁂𑀢𑀼𑀧𑀘𑁆𑀘𑀬𑀸 𑁋 𑀲𑀜𑁆𑀜𑁄𑀚𑀦𑀺𑀬𑀜𑁆𑀘𑁂𑀯 𑀦𑁄 𑀘 𑀲𑀜𑁆𑀜𑁄𑀚𑀦𑀁 𑀏𑀓𑀁 𑀔𑀦𑁆𑀥𑀁 𑀧𑀝𑀺𑀘𑁆𑀘 𑀢𑀬𑁄 𑀔𑀦𑁆𑀥𑀸 𑀲𑀜𑁆𑀜𑁄𑀚𑀦𑀸 𑀘 𑀘𑀺𑀢𑁆𑀢𑀲𑀫𑀼𑀝𑁆𑀞𑀸𑀦𑀜𑁆𑀘 𑀭𑀽𑀧𑀁…𑀧𑁂… 𑀤𑁆𑀯𑁂 𑀔𑀦𑁆𑀥𑁂…𑀧𑁂…. (𑁩)

𑁯𑁯. 𑀲𑀜𑁆𑀜𑁄𑀚𑀦𑀜𑁆𑀘𑁂𑀯 𑀲𑀜𑁆𑀜𑁄𑀚𑀦𑀺𑀬𑀜𑁆𑀘 𑀲𑀜𑁆𑀜𑁄𑀚𑀦𑀺𑀬𑀜𑁆𑀘𑁂𑀯 𑀦𑁄 𑀘 𑀲𑀜𑁆𑀜𑁄𑀚𑀦𑀁 𑀥𑀫𑁆𑀫𑀁 𑀧𑀝𑀺𑀘𑁆𑀘 𑀲𑀜𑁆𑀜𑁄𑀚𑀦𑁄 𑀘𑁂𑀯 𑀲𑀜𑁆𑀜𑁄𑀚𑀦𑀺𑀬𑁄 𑀘 𑀥𑀫𑁆𑀫𑁄 𑀉𑀧𑁆𑀧𑀚𑁆𑀚𑀢𑀺 𑀳𑁂𑀢𑀼𑀧𑀘𑁆𑀘𑀬𑀸 𑁋 𑀓𑀸𑀫𑀭𑀸𑀕𑀲𑀜𑁆𑀜𑁄𑀚𑀦𑀜𑁆𑀘 𑀲𑀫𑁆𑀧𑀬𑀼𑀢𑁆𑀢𑀓𑁂 𑀘 𑀔𑀦𑁆𑀥𑁂 𑀧𑀝𑀺𑀘𑁆𑀘 𑀤𑀺𑀝𑁆𑀞𑀺𑀲𑀜𑁆𑀜𑁄𑀚𑀦𑀁 𑀅𑀯𑀺𑀚𑁆𑀚𑀸𑀲𑀜𑁆𑀜𑁄𑀚𑀦𑀁 (𑀘𑀓𑁆𑀓𑀁). (𑁧)

𑀲𑀜𑁆𑀜𑁄𑀚𑀦𑀜𑁆𑀘𑁂𑀯 𑀲𑀜𑁆𑀜𑁄𑀚𑀦𑀺𑀬𑀜𑁆𑀘 𑀲𑀜𑁆𑀜𑁄𑀚𑀦𑀺𑀬𑀜𑁆𑀘𑁂𑀯 𑀦𑁄 𑀘 𑀲𑀜𑁆𑀜𑁄𑀚𑀦𑀜𑁆𑀘 𑀥𑀫𑁆𑀫𑀁 𑀧𑀝𑀺𑀘𑁆𑀘 𑀲𑀜𑁆𑀜𑁄𑀚𑀦𑀺𑀬𑁄 𑀘𑁂𑀯 𑀦𑁄 𑀘 𑀲𑀜𑁆𑀜𑁄𑀚𑀦𑁄 𑀥𑀫𑁆𑀫𑁄 𑀉𑀧𑁆𑀧𑀚𑁆𑀚𑀢𑀺 𑀳𑁂𑀢𑀼𑀧𑀘𑁆𑀘𑀬𑀸 𑁋 𑀲𑀜𑁆𑀜𑁄𑀚𑀦𑀺𑀬𑀜𑁆𑀘𑁂𑀯 𑀦𑁄 𑀘 𑀲𑀜𑁆𑀜𑁄𑀚𑀦𑀁 𑀏𑀓𑀁 𑀔𑀦𑁆𑀥𑀜𑁆𑀘 𑀲𑀜𑁆𑀜𑁄𑀚𑀦𑁂 𑀘 𑀧𑀝𑀺𑀘𑁆𑀘 𑀢𑀬𑁄 𑀔𑀦𑁆𑀥𑀸 𑀘𑀺𑀢𑁆𑀢𑀲𑀫𑀼𑀝𑁆𑀞𑀸𑀦𑀜𑁆𑀘 𑀭𑀽𑀧𑀁…𑀧𑁂… 𑀤𑁆𑀯𑁂 𑀔𑀦𑁆𑀥𑁂…𑀧𑁂…. (𑁨)

𑀲𑀜𑁆𑀜𑁄𑀚𑀦𑀜𑁆𑀘𑁂𑀯 𑀲𑀜𑁆𑀜𑁄𑀚𑀦𑀺𑀬𑀜𑁆𑀘 𑀲𑀜𑁆𑀜𑁄𑀚𑀦𑀺𑀬𑀜𑁆𑀘𑁂𑀯 𑀦𑁄 𑀘 𑀲𑀜𑁆𑀜𑁄𑀚𑀦𑀜𑁆𑀘 𑀥𑀫𑁆𑀫𑀁 𑀧𑀝𑀺𑀘𑁆𑀘 𑀲𑀜𑁆𑀜𑁄𑀚𑀦𑁄 𑀘𑁂𑀯 𑀲𑀜𑁆𑀜𑁄𑀚𑀦𑀺𑀬𑁄 𑀘 𑀲𑀜𑁆𑀜𑁄𑀚𑀦𑀺𑀬𑁄 𑀘𑁂𑀯 𑀦𑁄 𑀘 𑀲𑀜𑁆𑀜𑁄𑀚𑀦𑁄 𑀘 𑀥𑀫𑁆𑀫𑀸 𑀉𑀧𑁆𑀧𑀚𑁆𑀚𑀦𑁆𑀢𑀺 𑀳𑁂𑀢𑀼𑀧𑀘𑁆𑀘𑀬𑀸 𑁋 𑀲𑀜𑁆𑀜𑁄𑀚𑀦𑀺𑀬𑀜𑁆𑀘𑁂𑀯 𑀦𑁄 𑀘 𑀲𑀜𑁆𑀜𑁄𑀚𑀦𑀁 𑀏𑀓𑀁 𑀔𑀦𑁆𑀥𑀜𑁆𑀘 𑀓𑀸𑀫𑀭𑀸𑀕𑀲𑀜𑁆𑀜𑁄𑀚𑀦𑀜𑁆𑀘 𑀧𑀝𑀺𑀘𑁆𑀘 𑀢𑀬𑁄 𑀔𑀦𑁆𑀥𑀸 𑀤𑀺𑀝𑁆𑀞𑀺𑀲𑀜𑁆𑀜𑁄𑀚𑀦𑀁 𑀅𑀯𑀺𑀚𑁆𑀚𑀸𑀲𑀜𑁆𑀜𑁄𑀚𑀦𑀁 𑀘𑀺𑀢𑁆𑀢𑀲𑀫𑀼𑀝𑁆𑀞𑀸𑀦𑀜𑁆𑀘 𑀭𑀽𑀧𑀁…𑀧𑁂… 𑀤𑁆𑀯𑁂 𑀔𑀦𑁆𑀥𑁂 𑀘…𑀧𑁂… (𑀘𑀓𑁆𑀓𑀁 𑀩𑀦𑁆𑀥𑀺𑀢𑀩𑁆𑀩𑀁). (𑁩)

(𑀲𑀜𑁆𑀜𑁄𑀚𑀦𑀕𑁄𑀘𑁆𑀙𑀓𑁂 𑀧𑀞𑀫𑀤𑀼𑀓𑀲𑀤𑀺𑀲𑀁.)

(𑀏𑀯𑀁 𑀇𑀫𑀫𑁆𑀧𑀺 𑀤𑀼𑀓𑀁 𑀯𑀺𑀢𑁆𑀣𑀸𑀭𑁂𑀢𑀩𑁆𑀩𑀁, 𑀦𑀺𑀦𑁆𑀦𑀸𑀦𑀸𑀓𑀭𑀡𑀁 𑀞𑀧𑁂𑀢𑁆𑀯𑀸 𑀮𑁄𑀓𑀼𑀢𑁆𑀢𑀭𑀁).

𑀲𑀜𑁆𑀜𑁄𑀚𑀦𑀲𑀜𑁆𑀜𑁄𑀚𑀦𑀺𑀬𑀤𑀼𑀓𑀁 𑀦𑀺𑀝𑁆𑀞𑀺𑀢𑀁.