𑁧. 𑀯𑀺𑀪𑀗𑁆𑀕𑀯𑀸𑀭𑁄

𑀳𑁂𑀢𑀼𑀧𑀘𑁆𑀘𑀬𑁄

𑁪𑁦. 𑀲𑀜𑁆𑀜𑁄𑀚𑀦𑀲𑀫𑁆𑀧𑀬𑀼𑀢𑁆𑀢𑀁 𑀥𑀫𑁆𑀫𑀁 𑀧𑀝𑀺𑀘𑁆𑀘 𑀲𑀜𑁆𑀜𑁄𑀚𑀦𑀲𑀫𑁆𑀧𑀬𑀼𑀢𑁆𑀢𑁄 𑀥𑀫𑁆𑀫𑁄 𑀉𑀧𑁆𑀧𑀚𑁆𑀚𑀢𑀺 𑀳𑁂𑀢𑀼𑀧𑀘𑁆𑀘𑀬𑀸 𑁋 𑀲𑀜𑁆𑀜𑁄𑀚𑀦𑀲𑀫𑁆𑀧𑀬𑀼𑀢𑁆𑀢𑀁 𑀏𑀓𑀁 𑀔𑀦𑁆𑀥𑀁 𑀧𑀝𑀺𑀘𑁆𑀘 𑀢𑀬𑁄 𑀔𑀦𑁆𑀥𑀸…𑀧𑁂… 𑀤𑁆𑀯𑁂 𑀔𑀦𑁆𑀥𑁂…𑀧𑁂…. (𑁧)

𑀲𑀜𑁆𑀜𑁄𑀚𑀦𑀲𑀫𑁆𑀧𑀬𑀼𑀢𑁆𑀢𑀁 𑀥𑀫𑁆𑀫𑀁 𑀧𑀝𑀺𑀘𑁆𑀘 𑀲𑀜𑁆𑀜𑁄𑀚𑀦𑀯𑀺𑀧𑁆𑀧𑀬𑀼𑀢𑁆𑀢𑁄 𑀥𑀫𑁆𑀫𑁄 𑀉𑀧𑁆𑀧𑀚𑁆𑀚𑀢𑀺 𑀳𑁂𑀢𑀼𑀧𑀘𑁆𑀘𑀬𑀸 𑁋 𑀲𑀜𑁆𑀜𑁄𑀚𑀦𑀲𑀫𑁆𑀧𑀬𑀼𑀢𑁆𑀢𑁂 𑀔𑀦𑁆𑀥𑁂 𑀧𑀝𑀺𑀘𑁆𑀘 𑀘𑀺𑀢𑁆𑀢𑀲𑀫𑀼𑀝𑁆𑀞𑀸𑀦𑀁 𑀭𑀽𑀧𑀁. (𑁨)

𑀲𑀜𑁆𑀜𑁄𑀚𑀦𑀲𑀫𑁆𑀧𑀬𑀼𑀢𑁆𑀢𑀁 𑀥𑀫𑁆𑀫𑀁 𑀧𑀝𑀺𑀘𑁆𑀘 𑀲𑀜𑁆𑀜𑁄𑀚𑀦𑀲𑀫𑁆𑀧𑀬𑀼𑀢𑁆𑀢𑁄 𑀘 𑀲𑀜𑁆𑀜𑁄𑀚𑀦𑀯𑀺𑀧𑁆𑀧𑀬𑀼𑀢𑁆𑀢𑁄 𑀘 𑀥𑀫𑁆𑀫𑀸 𑀉𑀧𑁆𑀧𑀚𑁆𑀚𑀦𑁆𑀢𑀺 𑀳𑁂𑀢𑀼𑀧𑀘𑁆𑀘𑀬𑀸 𑁋 𑀲𑀜𑁆𑀜𑁄𑀚𑀦𑀲𑀫𑁆𑀧𑀬𑀼𑀢𑁆𑀢𑀁 𑀏𑀓𑀁 𑀔𑀦𑁆𑀥𑀁 𑀧𑀝𑀺𑀘𑁆𑀘 𑀢𑀬𑁄 𑀔𑀦𑁆𑀥𑀸 𑀘𑀺𑀢𑁆𑀢𑀲𑀫𑀼𑀝𑁆𑀞𑀸𑀦𑀜𑁆𑀘 𑀭𑀽𑀧𑀁…𑀧𑁂… 𑀤𑁆𑀯𑁂 𑀔𑀦𑁆𑀥𑁂…𑀧𑁂…. (𑁩)

𑁪𑁧. 𑀲𑀜𑁆𑀜𑁄𑀚𑀦𑀯𑀺𑀧𑁆𑀧𑀬𑀼𑀢𑁆𑀢𑀁 𑀥𑀫𑁆𑀫𑀁 𑀧𑀝𑀺𑀘𑁆𑀘 𑀲𑀜𑁆𑀜𑁄𑀚𑀦𑀯𑀺𑀧𑁆𑀧𑀬𑀼𑀢𑁆𑀢𑁄 𑀥𑀫𑁆𑀫𑁄 𑀉𑀧𑁆𑀧𑀚𑁆𑀚𑀢𑀺 𑀳𑁂𑀢𑀼𑀧𑀘𑁆𑀘𑀬𑀸 𑁋 𑀲𑀜𑁆𑀜𑁄𑀚𑀦𑀯𑀺𑀧𑁆𑀧𑀬𑀼𑀢𑁆𑀢𑀁 𑀏𑀓𑀁 𑀔𑀦𑁆𑀥𑀁 𑀧𑀝𑀺𑀘𑁆𑀘 𑀢𑀬𑁄 𑀔𑀦𑁆𑀥𑀸 𑀘𑀺𑀢𑁆𑀢𑀲𑀫𑀼𑀝𑁆𑀞𑀸𑀦𑀜𑁆𑀘 𑀭𑀽𑀧𑀁 …𑀧𑁂… 𑀤𑁆𑀯𑁂 𑀔𑀦𑁆𑀥𑁂…𑀧𑁂… 𑀉𑀤𑁆𑀥𑀘𑁆𑀘𑀲𑀳𑀕𑀢𑀁 𑀫𑁄𑀳𑀁 𑀧𑀝𑀺𑀘𑁆𑀘 𑀘𑀺𑀢𑁆𑀢𑀲𑀫𑀼𑀝𑁆𑀞𑀸𑀦𑀁 𑀭𑀽𑀧𑀁; 𑀧𑀝𑀺𑀲𑀦𑁆𑀥𑀺𑀓𑁆𑀔𑀡𑁂…𑀧𑁂… 𑀏𑀓𑀁 𑀫𑀳𑀸𑀪𑀽𑀢𑀁…𑀧𑁂…. (𑁧)

𑀲𑀜𑁆𑀜𑁄𑀚𑀦𑀯𑀺𑀧𑁆𑀧𑀬𑀼𑀢𑁆𑀢𑀁 𑀥𑀫𑁆𑀫𑀁 𑀧𑀝𑀺𑀘𑁆𑀘 𑀲𑀜𑁆𑀜𑁄𑀚𑀦𑀲𑀫𑁆𑀧𑀬𑀼𑀢𑁆𑀢𑁄 𑀥𑀫𑁆𑀫𑁄 𑀉𑀧𑁆𑀧𑀚𑁆𑀚𑀢𑀺 𑀳𑁂𑀢𑀼𑀧𑀘𑁆𑀘𑀬𑀸 𑁋 𑀉𑀤𑁆𑀥𑀘𑁆𑀘𑀲𑀳𑀕𑀢𑀁 𑀫𑁄𑀳𑀁 𑀧𑀝𑀺𑀘𑁆𑀘 𑀲𑀫𑁆𑀧𑀬𑀼𑀢𑁆𑀢𑀓𑀸 𑀔𑀦𑁆𑀥𑀸. (𑁨)

𑀲𑀜𑁆𑀜𑁄𑀚𑀦𑀯𑀺𑀧𑁆𑀧𑀬𑀼𑀢𑁆𑀢𑀁 𑀥𑀫𑁆𑀫𑀁 𑀧𑀝𑀺𑀘𑁆𑀘 𑀲𑀜𑁆𑀜𑁄𑀚𑀦𑀲𑀫𑁆𑀧𑀬𑀼𑀢𑁆𑀢𑁄 𑀘 𑀲𑀜𑁆𑀜𑁄𑀚𑀦𑀯𑀺𑀧𑁆𑀧𑀬𑀼𑀢𑁆𑀢𑁄 𑀘 𑀥𑀫𑁆𑀫𑀸 𑀉𑀧𑁆𑀧𑀚𑁆𑀚𑀦𑁆𑀢𑀺 𑀳𑁂𑀢𑀼𑀧𑀘𑁆𑀘𑀬𑀸 𑁋 𑀉𑀤𑁆𑀥𑀘𑁆𑀘𑀲𑀳𑀕𑀢𑀁 𑀫𑁄𑀳𑀁 𑀧𑀝𑀺𑀘𑁆𑀘 𑀲𑀫𑁆𑀧𑀬𑀼𑀢𑁆𑀢𑀓𑀸 𑀔𑀦𑁆𑀥𑀸 𑀘𑀺𑀢𑁆𑀢𑀲𑀫𑀼𑀝𑁆𑀞𑀸𑀦𑀜𑁆𑀘 𑀭𑀽𑀧𑀁. (𑁩)

𑁪𑁨. 𑀲𑀜𑁆𑀜𑁄𑀚𑀦𑀲𑀫𑁆𑀧𑀬𑀼𑀢𑁆𑀢𑀜𑁆𑀘 𑀲𑀜𑁆𑀜𑁄𑀚𑀦𑀯𑀺𑀧𑁆𑀧𑀬𑀼𑀢𑁆𑀢𑀜𑁆𑀘 𑀥𑀫𑁆𑀫𑀁 𑀧𑀝𑀺𑀘𑁆𑀘 𑀲𑀜𑁆𑀜𑁄𑀚𑀦𑀲𑀫𑁆𑀧𑀬𑀼𑀢𑁆𑀢𑁄 𑀥𑀫𑁆𑀫𑁄 𑀉𑀧𑁆𑀧𑀚𑁆𑀚𑀢𑀺 𑀳𑁂𑀢𑀼𑀧𑀘𑁆𑀘𑀬𑀸 𑁋 𑀉𑀤𑁆𑀥𑀘𑁆𑀘𑀲𑀳𑀕𑀢𑀁 𑀏𑀓𑀁 𑀔𑀦𑁆𑀥𑀜𑁆𑀘 𑀫𑁄𑀳𑀜𑁆𑀘 𑀧𑀝𑀺𑀘𑁆𑀘 𑀢𑀬𑁄 𑀔𑀦𑁆𑀥𑀸…𑀧𑁂… 𑀤𑁆𑀯𑁂 𑀔𑀦𑁆𑀥𑁂…𑀧𑁂…. (𑁧)

𑀲𑀜𑁆𑀜𑁄𑀚𑀦𑀲𑀫𑁆𑀧𑀬𑀼𑀢𑁆𑀢𑀜𑁆𑀘 𑀲𑀜𑁆𑀜𑁄𑀚𑀦𑀯𑀺𑀧𑁆𑀧𑀬𑀼𑀢𑁆𑀢𑀜𑁆𑀘 𑀥𑀫𑁆𑀫𑀁 𑀧𑀝𑀺𑀘𑁆𑀘 𑀲𑀜𑁆𑀜𑁄𑀚𑀦𑀯𑀺𑀧𑁆𑀧𑀬𑀼𑀢𑁆𑀢𑁄 𑀥𑀫𑁆𑀫𑁄 𑀉𑀧𑁆𑀧𑀚𑁆𑀚𑀢𑀺 𑀳𑁂𑀢𑀼𑀧𑀘𑁆𑀘𑀬𑀸 𑁋 𑀲𑀜𑁆𑀜𑁄𑀚𑀦𑀲𑀫𑁆𑀧𑀬𑀼𑀢𑁆𑀢𑁂 𑀔𑀦𑁆𑀥𑁂 𑀘 𑀫𑀳𑀸𑀪𑀽𑀢𑁂 𑀘 𑀧𑀝𑀺𑀘𑁆𑀘 𑀘𑀺𑀢𑁆𑀢𑀲𑀫𑀼𑀝𑁆𑀞𑀸𑀦𑀁 𑀭𑀽𑀧𑀁, 𑀉𑀤𑁆𑀥𑀘𑁆𑀘𑀲𑀳𑀕𑀢𑁂 𑀔𑀦𑁆𑀥𑁂 𑀘 𑀫𑁄𑀳𑀜𑁆𑀘 𑀧𑀝𑀺𑀘𑁆𑀘 𑀘𑀺𑀢𑁆𑀢𑀲𑀫𑀼𑀝𑁆𑀞𑀸𑀦𑀁 𑀭𑀽𑀧𑀁. (𑁨)

𑀲𑀜𑁆𑀜𑁄𑀚𑀦𑀲𑀫𑁆𑀧𑀬𑀼𑀢𑁆𑀢𑀜𑁆𑀘 𑀲𑀜𑁆𑀜𑁄𑀚𑀦𑀯𑀺𑀧𑁆𑀧𑀬𑀼𑀢𑁆𑀢𑀜𑁆𑀘 𑀥𑀫𑁆𑀫𑀁 𑀧𑀝𑀺𑀘𑁆𑀘 𑀲𑀜𑁆𑀜𑁄𑀚𑀦𑀲𑀫𑁆𑀧𑀬𑀼𑀢𑁆𑀢𑁄 𑀘 𑀲𑀜𑁆𑀜𑁄𑀚𑀦𑀯𑀺𑀧𑁆𑀧𑀬𑀼𑀢𑁆𑀢𑁄 𑀘 𑀥𑀫𑁆𑀫𑀸 𑀉𑀧𑁆𑀧𑀚𑁆𑀚𑀦𑁆𑀢𑀺 𑀳𑁂𑀢𑀼𑀧𑀘𑁆𑀘𑀬𑀸 𑁋 𑀉𑀤𑁆𑀥𑀘𑁆𑀘𑀲𑀳𑀕𑀢𑀁 𑀏𑀓𑀁 𑀔𑀦𑁆𑀥𑀜𑁆𑀘 𑀫𑁄𑀳𑀜𑁆𑀘 𑀧𑀝𑀺𑀘𑁆𑀘 𑀢𑀬𑁄 𑀔𑀦𑁆𑀥𑀸 𑀘𑀺𑀢𑁆𑀢𑀲𑀫𑀼𑀝𑁆𑀞𑀸𑀦𑀜𑁆𑀘 𑀭𑀽𑀧𑀁…𑀧𑁂… 𑀤𑁆𑀯𑁂 𑀔𑀦𑁆𑀥𑁂…𑀧𑁂…. (𑁩)

𑀆𑀭𑀫𑁆𑀫𑀡𑀧𑀘𑁆𑀘𑀬𑁄

𑁪𑁩. 𑀲𑀜𑁆𑀜𑁄𑀚𑀦𑀲𑀫𑁆𑀧𑀬𑀼𑀢𑁆𑀢𑀁 𑀥𑀫𑁆𑀫𑀁 𑀧𑀝𑀺𑀘𑁆𑀘 𑀲𑀜𑁆𑀜𑁄𑀚𑀦𑀲𑀫𑁆𑀧𑀬𑀼𑀢𑁆𑀢𑁄 𑀥𑀫𑁆𑀫𑁄 𑀉𑀧𑁆𑀧𑀚𑁆𑀚𑀢𑀺 𑀆𑀭𑀫𑁆𑀫𑀡𑀧𑀘𑁆𑀘𑀬𑀸 𑁋 𑀲𑀜𑁆𑀜𑁄𑀚𑀦𑀲𑀫𑁆𑀧𑀬𑀼𑀢𑁆𑀢𑀁 𑀏𑀓𑀁 𑀔𑀦𑁆𑀥𑀁…𑀧𑁂… 𑀤𑁆𑀯𑁂 𑀔𑀦𑁆𑀥𑁂…𑀧𑁂…. (𑁧)

𑀲𑀜𑁆𑀜𑁄𑀚𑀦𑀲𑀫𑁆𑀧𑀬𑀼𑀢𑁆𑀢𑀁 𑀥𑀫𑁆𑀫𑀁 𑀧𑀝𑀺𑀘𑁆𑀘 𑀲𑀜𑁆𑀜𑁄𑀚𑀦𑀯𑀺𑀧𑁆𑀧𑀬𑀼𑀢𑁆𑀢𑁄 𑀥𑀫𑁆𑀫𑁄 𑀉𑀧𑁆𑀧𑀚𑁆𑀚𑀢𑀺 𑀆𑀭𑀫𑁆𑀫𑀡𑀧𑀘𑁆𑀘𑀬𑀸 𑁋 𑀉𑀤𑁆𑀥𑀘𑁆𑀘𑀲𑀳𑀕𑀢𑁂 𑀔𑀦𑁆𑀥𑁂 𑀧𑀝𑀺𑀘𑁆𑀘 𑀉𑀤𑁆𑀥𑀘𑁆𑀘𑀲𑀳𑀕𑀢𑁄 𑀫𑁄𑀳𑁄. (𑁨)

𑀲𑀜𑁆𑀜𑁄𑀚𑀦𑀲𑀫𑁆𑀧𑀬𑀼𑀢𑁆𑀢𑀁 𑀥𑀫𑁆𑀫𑀁 𑀧𑀝𑀺𑀘𑁆𑀘 𑀲𑀜𑁆𑀜𑁄𑀚𑀦𑀲𑀫𑁆𑀧𑀬𑀼𑀢𑁆𑀢𑁄 𑀘 𑀲𑀜𑁆𑀜𑁄𑀚𑀦𑀯𑀺𑀧𑁆𑀧𑀬𑀼𑀢𑁆𑀢𑁄 𑀘 𑀥𑀫𑁆𑀫𑀸 𑀉𑀧𑁆𑀧𑀚𑁆𑀚𑀦𑁆𑀢𑀺 𑀆𑀭𑀫𑁆𑀫𑀡𑀧𑀘𑁆𑀘𑀬𑀸 𑁋 𑀉𑀤𑁆𑀥𑀘𑁆𑀘𑀲𑀳𑀕𑀢𑀁 𑀏𑀓𑀁 𑀔𑀦𑁆𑀥𑀁 𑀧𑀝𑀺𑀘𑁆𑀘 𑀢𑀬𑁄 𑀔𑀦𑁆𑀥𑀸 𑀫𑁄𑀳𑁄 𑀘…𑀧𑁂… 𑀤𑁆𑀯𑁂 𑀔𑀦𑁆𑀥𑁂…𑀧𑁂…. (𑁩)

𑁪𑁪. 𑀲𑀜𑁆𑀜𑁄𑀚𑀦𑀯𑀺𑀧𑁆𑀧𑀬𑀼𑀢𑁆𑀢𑀁 𑀥𑀫𑁆𑀫𑀁 𑀧𑀝𑀺𑀘𑁆𑀘 𑀲𑀜𑁆𑀜𑁄𑀚𑀦𑀯𑀺𑀧𑁆𑀧𑀬𑀼𑀢𑁆𑀢𑁄 𑀥𑀫𑁆𑀫𑁄 𑀉𑀧𑁆𑀧𑀚𑁆𑀚𑀢𑀺 𑀆𑀭𑀫𑁆𑀫𑀡𑀧𑀘𑁆𑀘𑀬𑀸 𑁋 𑀲𑀜𑁆𑀜𑁄𑀚𑀦𑀯𑀺𑀧𑁆𑀧𑀬𑀼𑀢𑁆𑀢𑀁 𑀏𑀓𑀁 𑀔𑀦𑁆𑀥𑀁 𑀧𑀝𑀺𑀘𑁆𑀘 𑀢𑀬𑁄 𑀔𑀦𑁆𑀥𑀸…𑀧𑁂… 𑀤𑁆𑀯𑁂 𑀔𑀦𑁆𑀥𑁂…𑀧𑁂… 𑀧𑀝𑀺𑀲𑀦𑁆𑀥𑀺𑀓𑁆𑀔𑀡𑁂…𑀧𑁂… 𑀯𑀢𑁆𑀣𑀼𑀁 𑀧𑀝𑀺𑀘𑁆𑀘 𑀔𑀦𑁆𑀥𑀸. (𑁧)

𑀲𑀜𑁆𑀜𑁄𑀚𑀦𑀯𑀺𑀧𑁆𑀧𑀬𑀼𑀢𑁆𑀢𑀁 𑀥𑀫𑁆𑀫𑀁 𑀧𑀝𑀺𑀘𑁆𑀘 𑀲𑀜𑁆𑀜𑁄𑀚𑀦𑀲𑀫𑁆𑀧𑀬𑀼𑀢𑁆𑀢𑁄 𑀥𑀫𑁆𑀫𑁄 𑀉𑀧𑁆𑀧𑀚𑁆𑀚𑀢𑀺 𑀆𑀭𑀫𑁆𑀫𑀡𑀧𑀘𑁆𑀘𑀬𑀸 𑁋 𑀉𑀤𑁆𑀥𑀘𑁆𑀘𑀲𑀳𑀕𑀢𑀁 𑀫𑁄𑀳𑀁 𑀧𑀝𑀺𑀘𑁆𑀘 𑀲𑀫𑁆𑀧𑀬𑀼𑀢𑁆𑀢𑀓𑀸 𑀔𑀦𑁆𑀥𑀸. (𑁨)

𑀲𑀜𑁆𑀜𑁄𑀚𑀦𑀲𑀫𑁆𑀧𑀬𑀼𑀢𑁆𑀢𑀜𑁆𑀘 𑀲𑀜𑁆𑀜𑁄𑀚𑀦𑀯𑀺𑀧𑁆𑀧𑀬𑀼𑀢𑁆𑀢𑀜𑁆𑀘 𑀥𑀫𑁆𑀫𑀁 𑀧𑀝𑀺𑀘𑁆𑀘 𑀲𑀜𑁆𑀜𑁄𑀚𑀦𑀲𑀫𑁆𑀧𑀬𑀼𑀢𑁆𑀢𑁄 𑀥𑀫𑁆𑀫𑁄 𑀉𑀧𑁆𑀧𑀚𑁆𑀚𑀢𑀺 𑀆𑀭𑀫𑁆𑀫𑀡𑀧𑀘𑁆𑀘𑀬𑀸 𑁋 𑀉𑀤𑁆𑀥𑀘𑁆𑀘𑀲𑀳𑀕𑀢𑀁 𑀏𑀓𑀁 𑀔𑀦𑁆𑀥𑀜𑁆𑀘 𑀫𑁄𑀳𑀜𑁆𑀘 𑀧𑀝𑀺𑀘𑁆𑀘 𑀢𑀬𑁄 𑀔𑀦𑁆𑀥𑀸…𑀧𑁂… 𑀤𑁆𑀯𑁂 𑀔𑀦𑁆𑀥𑁂…𑀧𑁂…. (𑁧)

𑀅𑀥𑀺𑀧𑀢𑀺𑀧𑀘𑁆𑀘𑀬𑁄

𑁪𑁫. 𑀲𑀜𑁆𑀜𑁄𑀚𑀦𑀲𑀫𑁆𑀧𑀬𑀼𑀢𑁆𑀢𑀁 𑀥𑀫𑁆𑀫𑀁 𑀧𑀝𑀺𑀘𑁆𑀘 𑀲𑀜𑁆𑀜𑁄𑀚𑀦𑀲𑀫𑁆𑀧𑀬𑀼𑀢𑁆𑀢𑁄 𑀥𑀫𑁆𑀫𑁄 𑀉𑀧𑁆𑀧𑀚𑁆𑀚𑀢𑀺 𑀅𑀥𑀺𑀧𑀢𑀺𑀧𑀘𑁆𑀘𑀬𑀸… 𑀢𑀻𑀡𑀺.

𑀲𑀜𑁆𑀜𑁄𑀚𑀦𑀯𑀺𑀧𑁆𑀧𑀬𑀼𑀢𑁆𑀢𑀁 𑀥𑀫𑁆𑀫𑀁 𑀧𑀝𑀺𑀘𑁆𑀘 𑀲𑀜𑁆𑀜𑁄𑀚𑀦𑀯𑀺𑀧𑁆𑀧𑀬𑀼𑀢𑁆𑀢𑁄 𑀥𑀫𑁆𑀫𑁄 𑀉𑀧𑁆𑀧𑀚𑁆𑀚𑀢𑀺 𑀅𑀥𑀺𑀧𑀢𑀺𑀧𑀘𑁆𑀘𑀬𑀸… 𑀏𑀓𑀁.

𑀲𑀜𑁆𑀜𑁄𑀚𑀦𑀲𑀫𑁆𑀧𑀬𑀼𑀢𑁆𑀢𑀜𑁆𑀘 𑀲𑀜𑁆𑀜𑁄𑀚𑀦𑀯𑀺𑀧𑁆𑀧𑀬𑀼𑀢𑁆𑀢𑀜𑁆𑀘 𑀥𑀫𑁆𑀫𑀁 𑀧𑀝𑀺𑀘𑁆𑀘 𑀲𑀜𑁆𑀜𑁄𑀚𑀦𑀯𑀺𑀧𑁆𑀧𑀬𑀼𑀢𑁆𑀢𑁄 𑀥𑀫𑁆𑀫𑁄 𑀉𑀧𑁆𑀧𑀚𑁆𑀚𑀢𑀺 𑀅𑀥𑀺𑀧𑀢𑀺𑀧𑀘𑁆𑀘𑀬𑀸 𑁋 𑀲𑀜𑁆𑀜𑁄𑀚𑀦𑀲𑀫𑁆𑀧𑀬𑀼𑀢𑁆𑀢𑀓𑁂 𑀔𑀦𑁆𑀥𑁂 𑀘 𑀫𑀳𑀸𑀪𑀽𑀢𑁂 𑀘 𑀧𑀝𑀺𑀘𑁆𑀘 𑀘𑀺𑀢𑁆𑀢𑀲𑀫𑀼𑀝𑁆𑀞𑀸𑀦𑀁 𑀭𑀽𑀧𑀁. (𑁧) (𑀲𑀁𑀔𑀺𑀢𑁆𑀢𑀁.)