𑁧. 𑀧𑀝𑀺𑀘𑁆𑀘𑀯𑀸𑀭𑁄

𑀳𑁂𑀢𑀼𑀧𑀘𑁆𑀘𑀬𑁄

𑁪𑁭. 𑀲𑀸𑀲𑀯𑀁 𑀥𑀫𑁆𑀫𑀁 𑀧𑀝𑀺𑀘𑁆𑀘 𑀲𑀸𑀲𑀯𑁄 𑀥𑀫𑁆𑀫𑁄 𑀉𑀧𑁆𑀧𑀚𑁆𑀚𑀢𑀺 𑀳𑁂𑀢𑀼𑀧𑀘𑁆𑀘𑀬𑀸 𑁋 𑀲𑀸𑀲𑀯𑀁 𑀏𑀓𑀁 𑀔𑀦𑁆𑀥𑀁 𑀧𑀝𑀺𑀘𑁆𑀘 𑀢𑀬𑁄 𑀔𑀦𑁆𑀥𑀸 𑀘𑀺𑀢𑁆𑀢𑀲𑀫𑀼𑀝𑁆𑀞𑀸𑀦𑀜𑁆𑀘 𑀭𑀽𑀧𑀁…𑀧𑁂… 𑀤𑁆𑀯𑁂 𑀔𑀦𑁆𑀥𑁂…𑀧𑁂… 𑀧𑀝𑀺𑀲𑀦𑁆𑀥𑀺𑀓𑁆𑀔𑀡𑁂…𑀧𑁂… 𑀔𑀦𑁆𑀥𑁂 𑀧𑀝𑀺𑀘𑁆𑀘 𑀯𑀢𑁆𑀣𑀼, 𑀯𑀢𑁆𑀣𑀼𑀁 𑀧𑀝𑀺𑀘𑁆𑀘 𑀔𑀦𑁆𑀥𑀸, 𑀏𑀓𑀁 𑀫𑀳𑀸𑀪𑀽𑀢𑀁…𑀧𑁂… 𑀫𑀳𑀸𑀪𑀽𑀢𑁂 𑀧𑀝𑀺𑀘𑁆𑀘 𑀘𑀺𑀢𑁆𑀢𑀲𑀫𑀼𑀝𑁆𑀞𑀸𑀦𑀁 𑀭𑀽𑀧𑀁 𑀓𑀝𑀢𑁆𑀢𑀸𑀭𑀽𑀧𑀁 𑀉𑀧𑀸𑀤𑀸𑀭𑀽𑀧𑀁. (𑁧)

𑀅𑀦𑀸𑀲𑀯𑀁 𑀥𑀫𑁆𑀫𑀁 𑀧𑀝𑀺𑀘𑁆𑀘 𑀅𑀦𑀸𑀲𑀯𑁄 𑀥𑀫𑁆𑀫𑁄 𑀉𑀧𑁆𑀧𑀚𑁆𑀚𑀢𑀺 𑀳𑁂𑀢𑀼𑀧𑀘𑁆𑀘𑀬𑀸 𑁋 𑀅𑀦𑀸𑀲𑀯𑀁 𑀏𑀓𑀁 𑀔𑀦𑁆𑀥𑀁 𑀧𑀝𑀺𑀘𑁆𑀘 𑀢𑀬𑁄 𑀔𑀦𑁆𑀥𑀸…𑀧𑁂… 𑀤𑁆𑀯𑁂 𑀔𑀦𑁆𑀥𑁂…𑀧𑁂…. (𑁧)

𑀅𑀦𑀸𑀲𑀯𑀁 𑀥𑀫𑁆𑀫𑀁 𑀧𑀝𑀺𑀘𑁆𑀘 𑀲𑀸𑀲𑀯𑁄 𑀥𑀫𑁆𑀫𑁄 𑀉𑀧𑁆𑀧𑀚𑁆𑀚𑀢𑀺 𑀳𑁂𑀢𑀼𑀧𑀘𑁆𑀘𑀬𑀸 𑁋 𑀅𑀦𑀸𑀲𑀯𑁂 𑀔𑀦𑁆𑀥𑁂 𑀧𑀝𑀺𑀘𑁆𑀘 𑀘𑀺𑀢𑁆𑀢𑀲𑀫𑀼𑀝𑁆𑀞𑀸𑀦𑀁 𑀭𑀽𑀧𑀁. (𑁨)

𑀅𑀦𑀸𑀲𑀯𑀁 𑀥𑀫𑁆𑀫𑀁 𑀧𑀝𑀺𑀘𑁆𑀘 𑀲𑀸𑀲𑀯𑁄 𑀘 𑀅𑀦𑀸𑀲𑀯𑁄 𑀘 𑀥𑀫𑁆𑀫𑀸 𑀉𑀧𑁆𑀧𑀚𑁆𑀚𑀦𑁆𑀢𑀺 𑀳𑁂𑀢𑀼𑀧𑀘𑁆𑀘𑀬𑀸 𑁋 𑀅𑀦𑀸𑀲𑀯𑀁 𑀏𑀓𑀁 𑀔𑀦𑁆𑀥𑀁 𑀧𑀝𑀺𑀘𑁆𑀘 𑀢𑀬𑁄 𑀔𑀦𑁆𑀥𑀸 𑀘𑀺𑀢𑁆𑀢𑀲𑀫𑀼𑀝𑁆𑀞𑀸𑀦𑀜𑁆𑀘 𑀭𑀽𑀧𑀁…𑀧𑁂… 𑀤𑁆𑀯𑁂 𑀔𑀦𑁆𑀥𑁂…𑀧𑁂…. (𑁩)

𑀲𑀸𑀲𑀯𑀜𑁆𑀘 𑀅𑀦𑀸𑀲𑀯𑀜𑁆𑀘 𑀥𑀫𑁆𑀫𑀁 𑀧𑀝𑀺𑀘𑁆𑀘 𑀲𑀸𑀲𑀯𑁄 𑀥𑀫𑁆𑀫𑁄 𑀉𑀧𑁆𑀧𑀚𑁆𑀚𑀢𑀺 𑀳𑁂𑀢𑀼𑀧𑀘𑁆𑀘𑀬𑀸 𑁋 𑀅𑀦𑀸𑀲𑀯𑁂 𑀔𑀦𑁆𑀥𑁂 𑀘 𑀫𑀳𑀸𑀪𑀽𑀢𑁂 𑀘 𑀧𑀝𑀺𑀘𑁆𑀘 𑀘𑀺𑀢𑁆𑀢𑀲𑀫𑀼𑀝𑁆𑀞𑀸𑀦𑀁 𑀭𑀽𑀧𑀁. (𑁧)

(𑀬𑀣𑀸 𑀘𑀽𑀴𑀦𑁆𑀢𑀭𑀤𑀼𑀓𑁂 𑀮𑁄𑀓𑀺𑀬𑀤𑀼𑀓𑀁 𑀏𑀯𑀁 𑀓𑀸𑀢𑀩𑁆𑀩𑀁 𑀦𑀺𑀦𑁆𑀦𑀸𑀦𑀸𑀓𑀭𑀡𑀁.)

𑀲𑀸𑀲𑀯𑀤𑀼𑀓𑀁 𑀦𑀺𑀝𑁆𑀞𑀺𑀢𑀁.