𑁧. 𑀯𑀺𑀪𑀗𑁆𑀕𑀯𑀸𑀭𑁄

𑀦𑀳𑁂𑀢𑀼𑀧𑀘𑁆𑀘𑀬𑁄

𑁧𑁦𑁪. 𑀭𑀽𑀧𑀺𑀁 𑀥𑀫𑁆𑀫𑀁 𑀧𑀘𑁆𑀘𑀬𑀸 𑀭𑀽𑀧𑀻 𑀥𑀫𑁆𑀫𑁄 𑀉𑀧𑁆𑀧𑀚𑁆𑀚𑀢𑀺 𑀦𑀳𑁂𑀢𑀼𑀧𑀘𑁆𑀘𑀬𑀸 𑁋 𑀏𑀓𑀁 𑀫𑀳𑀸𑀪𑀽𑀢𑀁…𑀧𑁂… 𑀅𑀲𑀜𑁆𑀜𑀲𑀢𑁆𑀢𑀸𑀦𑀁 𑀏𑀓𑀁 𑀫𑀳𑀸𑀪𑀽𑀢𑀁…𑀧𑁂…. (𑁧)

𑀭𑀽𑀧𑀺𑀁 𑀥𑀫𑁆𑀫𑀁 𑀧𑀘𑁆𑀘𑀬𑀸 𑀅𑀭𑀽𑀧𑀻 𑀥𑀫𑁆𑀫𑁄 𑀉𑀧𑁆𑀧𑀚𑁆𑀚𑀢𑀺 𑀦𑀳𑁂𑀢𑀼𑀧𑀘𑁆𑀘𑀬𑀸 𑁋 𑀘𑀓𑁆𑀔𑀸𑀬𑀢𑀦𑀁 𑀧𑀘𑁆𑀘𑀬𑀸 𑀘𑀓𑁆𑀔𑀼𑀯𑀺𑀜𑁆𑀜𑀸𑀡𑀁…𑀧𑁂… 𑀓𑀸𑀬𑀸𑀬𑀢𑀦𑀁 𑀧𑀘𑁆𑀘𑀬𑀸 𑀓𑀸𑀬𑀯𑀺𑀜𑁆𑀜𑀸𑀡𑀁, 𑀯𑀢𑁆𑀣𑀼𑀁 𑀧𑀘𑁆𑀘𑀬𑀸 𑀅𑀳𑁂𑀢𑀼𑀓𑀸 𑀅𑀭𑀽𑀧𑀺𑀦𑁄 𑀔𑀦𑁆𑀥𑀸; 𑀅𑀳𑁂𑀢𑀼𑀓𑀧𑀝𑀺𑀲𑀦𑁆𑀥𑀺𑀓𑁆𑀔𑀡𑁂…𑀧𑁂… 𑀯𑀢𑁆𑀣𑀼𑀁 𑀧𑀘𑁆𑀘𑀬𑀸 𑀯𑀺𑀘𑀺𑀓𑀺𑀘𑁆𑀙𑀸𑀲𑀳𑀕𑀢𑁄 𑀉𑀤𑁆𑀥𑀘𑁆𑀘𑀲𑀳𑀕𑀢𑁄 𑀫𑁄𑀳𑁄. (𑁨)

𑀭𑀽𑀧𑀺𑀁 𑀥𑀫𑁆𑀫𑀁 𑀧𑀘𑁆𑀘𑀬𑀸 𑀭𑀽𑀧𑀻 𑀘 𑀅𑀭𑀽𑀧𑀻 𑀘 𑀥𑀫𑁆𑀫𑀸 𑀉𑀧𑁆𑀧𑀚𑁆𑀚𑀦𑁆𑀢𑀺 𑀦𑀳𑁂𑀢𑀼𑀧𑀘𑁆𑀘𑀬𑀸 (𑀧𑀯𑀢𑁆𑀢𑀺𑀧𑀝𑀺𑀲𑀦𑁆𑀥𑀺 𑀓𑀸𑀢𑀩𑁆𑀩𑀸). (𑁩)

𑁧𑁦𑁫. 𑀅𑀭𑀽𑀧𑀺𑀁 𑀥𑀫𑁆𑀫𑀁 𑀧𑀘𑁆𑀘𑀬𑀸 𑀅𑀭𑀽𑀧𑀻 𑀥𑀫𑁆𑀫𑁄 𑀉𑀧𑁆𑀧𑀚𑁆𑀚𑀢𑀺 𑀦𑀳𑁂𑀢𑀼𑀧𑀘𑁆𑀘𑀬𑀸 𑁋 𑀅𑀳𑁂𑀢𑀼𑀓𑀁 𑀅𑀭𑀽𑀧𑀺𑀁 𑀏𑀓𑀁 𑀔𑀦𑁆𑀥𑀁…𑀧𑁂… 𑀧𑀝𑀺𑀲𑀦𑁆𑀥𑀺𑀓𑁆𑀔𑀡𑁂…𑀧𑁂… 𑀯𑀺𑀘𑀺𑀓𑀺𑀘𑁆𑀙𑀸𑀲𑀳𑀕𑀢𑁂 𑀉𑀤𑁆𑀥𑀘𑁆𑀘𑀲𑀳𑀕𑀢𑁂 𑀔𑀦𑁆𑀥𑁂 𑀧𑀘𑁆𑀘𑀬𑀸 𑀯𑀺𑀘𑀺𑀓𑀺𑀘𑁆𑀙𑀸𑀲𑀳𑀕𑀢𑁄 𑀉𑀤𑁆𑀥𑀘𑁆𑀘𑀲𑀳𑀕𑀢𑁄 𑀫𑁄𑀳𑁄. (𑁧)

𑀅𑀭𑀽𑀧𑀺𑀁 𑀥𑀫𑁆𑀫𑀁 𑀧𑀘𑁆𑀘𑀬𑀸 𑀭𑀽𑀧𑀻 𑀥𑀫𑁆𑀫𑁄 𑀉𑀧𑁆𑀧𑀚𑁆𑀚𑀢𑀺 𑀦𑀳𑁂𑀢𑀼𑀧𑀘𑁆𑀘𑀬𑀸 𑁋 𑀅𑀳𑁂𑀢𑀼𑀓𑁂 𑀅𑀭𑀽𑀧𑀺𑀦𑁄 𑀔𑀦𑁆𑀥𑁂 𑀧𑀘𑁆𑀘𑀬𑀸 𑀘𑀺𑀢𑁆𑀢𑀲𑀫𑀼𑀝𑁆𑀞𑀸𑀦𑀁 𑀭𑀽𑀧𑀁; 𑀧𑀝𑀺𑀲𑀦𑁆𑀥𑀺𑀓𑁆𑀔𑀡𑁂…𑀧𑁂…. (𑁨)

𑀅𑀭𑀽𑀧𑀺𑀁 𑀥𑀫𑁆𑀫𑀁 𑀧𑀘𑁆𑀘𑀬𑀸 𑀭𑀽𑀧𑀻 𑀘 𑀅𑀭𑀽𑀧𑀻 𑀘 𑀥𑀫𑁆𑀫𑀸 𑀉𑀧𑁆𑀧𑀚𑁆𑀚𑀦𑁆𑀢𑀺 𑀦𑀳𑁂𑀢𑀼𑀧𑀘𑁆𑀘𑀬𑀸 𑁋 𑀅𑀳𑁂𑀢𑀼𑀓𑀁 𑀅𑀭𑀽𑀧𑀺𑀁 𑀏𑀓𑀁 𑀔𑀦𑁆𑀥𑀁 𑀧𑀘𑁆𑀘𑀬𑀸 𑀢𑀬𑁄 𑀔𑀦𑁆𑀥𑀸 𑀘𑀺𑀢𑁆𑀢𑀲𑀫𑀼𑀝𑁆𑀞𑀸𑀦𑀜𑁆𑀘 𑀭𑀽𑀧𑀁…𑀧𑁂… 𑀤𑁆𑀯𑁂 𑀔𑀦𑁆𑀥𑁂…𑀧𑁂… 𑀧𑀝𑀺𑀲𑀦𑁆𑀥𑀺𑀓𑁆𑀔𑀡𑁂…𑀧𑁂…. (𑁩)

𑁧𑁦𑁬. 𑀭𑀽𑀧𑀺𑀜𑁆𑀘 𑀅𑀭𑀽𑀧𑀺𑀜𑁆𑀘 𑀥𑀫𑁆𑀫𑀁 𑀧𑀘𑁆𑀘𑀬𑀸 𑀭𑀽𑀧𑀻 𑀥𑀫𑁆𑀫𑁄 𑀉𑀧𑁆𑀧𑀚𑁆𑀚𑀢𑀺 𑀦𑀳𑁂𑀢𑀼𑀧𑀘𑁆𑀘𑀬𑀸 𑁋 𑀅𑀳𑁂𑀢𑀼𑀓𑁂 𑀅𑀭𑀽𑀧𑀺𑀦𑁄 𑀔𑀦𑁆𑀥𑁂 𑀘 𑀫𑀳𑀸𑀪𑀽𑀢𑁂 𑀘 𑀧𑀘𑁆𑀘𑀬𑀸 𑀘𑀺𑀢𑁆𑀢𑀲𑀫𑀼𑀝𑁆𑀞𑀸𑀦𑀁 𑀭𑀽𑀧𑀁; 𑀧𑀝𑀺𑀲𑀦𑁆𑀥𑀺𑀓𑁆𑀔𑀡𑁂…𑀧𑁂…. (𑁧)

𑀭𑀽𑀧𑀺𑀜𑁆𑀘 𑀅𑀭𑀽𑀧𑀺𑀜𑁆𑀘 𑀥𑀫𑁆𑀫𑀁 𑀧𑀘𑁆𑀘𑀬𑀸 𑀅𑀭𑀽𑀧𑀻 𑀥𑀫𑁆𑀫𑁄 𑀉𑀧𑁆𑀧𑀚𑁆𑀚𑀢𑀺 𑀦𑀳𑁂𑀢𑀼𑀧𑀘𑁆𑀘𑀬𑀸 𑁋 𑀘𑀓𑁆𑀔𑀼𑀯𑀺𑀜𑁆𑀜𑀸𑀡𑀲𑀳𑀕𑀢𑀁 𑀏𑀓𑀁 𑀔𑀦𑁆𑀥𑀜𑁆𑀘 𑀘𑀓𑁆𑀔𑀸𑀬𑀢𑀦𑀜𑁆𑀘 𑀧𑀘𑁆𑀘𑀬𑀸 𑀢𑀬𑁄 𑀔𑀦𑁆𑀥𑀸…𑀧𑁂… 𑀤𑁆𑀯𑁂 𑀔𑀦𑁆𑀥𑁂…𑀧𑁂… 𑀓𑀸𑀬𑀯𑀺𑀜𑁆𑀜𑀸𑀡𑀲𑀳𑀕𑀢𑀁…𑀧𑁂… 𑀅𑀭𑀽𑀧𑀺𑀁 𑀏𑀓𑀁 𑀔𑀦𑁆𑀥𑀜𑁆𑀘 𑀯𑀢𑁆𑀣𑀼𑀜𑁆𑀘 𑀧𑀘𑁆𑀘𑀬𑀸 𑀢𑀬𑁄 𑀔𑀦𑁆𑀥𑀸…𑀧𑁂… 𑀤𑁆𑀯𑁂 𑀔𑀦𑁆𑀥𑁂…𑀧𑁂… 𑀧𑀝𑀺𑀲𑀦𑁆𑀥𑀺𑀓𑁆𑀔𑀡𑁂…𑀧𑁂… 𑀯𑀺𑀘𑀺𑀓𑀺𑀘𑁆𑀙𑀸𑀲𑀳𑀕𑀢𑁂 𑀉𑀤𑁆𑀥𑀘𑁆𑀘𑀲𑀳𑀕𑀢𑁂 𑀔𑀦𑁆𑀥𑁂 𑀘 𑀯𑀢𑁆𑀣𑀼𑀜𑁆𑀘 𑀧𑀘𑁆𑀘𑀬𑀸 𑀯𑀺𑀘𑀺𑀓𑀺𑀘𑁆𑀙𑀸𑀲𑀳𑀕𑀢𑁄 𑀉𑀤𑁆𑀥𑀘𑁆𑀘𑀲𑀳𑀕𑀢𑁄 𑀫𑁄𑀳𑁄. (𑁨)

𑀭𑀽𑀧𑀺𑀜𑁆𑀘 𑀅𑀭𑀽𑀧𑀺𑀜𑁆𑀘 𑀥𑀫𑁆𑀫𑀁 𑀧𑀘𑁆𑀘𑀬𑀸 𑀭𑀽𑀧𑀻 𑀘 𑀅𑀭𑀽𑀧𑀻 𑀘 𑀥𑀫𑁆𑀫𑀸 𑀉𑀧𑁆𑀧𑀚𑁆𑀚𑀦𑁆𑀢𑀺 𑀦𑀳𑁂𑀢𑀼𑀧𑀘𑁆𑀘𑀬𑀸 𑁋 𑀅𑀳𑁂𑀢𑀼𑀓𑀁 𑀅𑀭𑀽𑀧𑀺𑀁 𑀏𑀓𑀁 𑀔𑀦𑁆𑀥𑀜𑁆𑀘 𑀯𑀢𑁆𑀣𑀼𑀜𑁆𑀘 𑀧𑀘𑁆𑀘𑀬𑀸 𑀢𑀬𑁄 𑀔𑀦𑁆𑀥𑀸…𑀧𑁂… 𑀤𑁆𑀯𑁂 𑀔𑀦𑁆𑀥𑁂…𑀧𑁂… 𑀅𑀭𑀽𑀧𑀺𑀦𑁄 𑀔𑀦𑁆𑀥𑁂 𑀘 𑀫𑀳𑀸𑀪𑀽𑀢𑁂 𑀘 𑀧𑀘𑁆𑀘𑀬𑀸 𑀘𑀺𑀢𑁆𑀢𑀲𑀫𑀼𑀝𑁆𑀞𑀸𑀦𑀁 𑀭𑀽𑀧𑀁; 𑀧𑀝𑀺𑀲𑀦𑁆𑀥𑀺𑀓𑁆𑀔𑀡𑁂…𑀧𑁂…. (𑁩)