𑁧. 𑀯𑀺𑀪𑀗𑁆𑀕𑀯𑀸𑀭𑁄

𑀳𑁂𑀢𑀼𑀧𑀘𑁆𑀘𑀬𑁄

𑁯𑁮. 𑀉𑀧𑀸𑀤𑀸𑀦𑁄 𑀘𑁂𑀯 𑀉𑀧𑀸𑀤𑀸𑀦𑀺𑀬𑁄 𑀘 𑀥𑀫𑁆𑀫𑁄 𑀉𑀧𑀸𑀤𑀸𑀦𑀲𑁆𑀲 𑀘𑁂𑀯 𑀉𑀧𑀸𑀤𑀸𑀦𑀺𑀬𑀲𑁆𑀲 𑀘 𑀥𑀫𑁆𑀫𑀲𑁆𑀲 𑀳𑁂𑀢𑀼𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄 𑁋 𑀉𑀧𑀸𑀤𑀸𑀦𑀸 𑀘𑁂𑀯 𑀉𑀧𑀸𑀤𑀸𑀦𑀺𑀬𑀸 𑀘 𑀳𑁂𑀢𑀽 𑀲𑀫𑁆𑀧𑀬𑀼𑀢𑁆𑀢𑀓𑀸𑀦𑀁 𑀉𑀧𑀸𑀤𑀸𑀦𑀸𑀦𑀁 𑀳𑁂𑀢𑀼𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄. (𑁧)

𑀉𑀧𑀸𑀤𑀸𑀦𑁄 𑀘𑁂𑀯 𑀉𑀧𑀸𑀤𑀸𑀦𑀺𑀬𑁄 𑀘 𑀥𑀫𑁆𑀫𑁄 𑀉𑀧𑀸𑀤𑀸𑀦𑀺𑀬𑀲𑁆𑀲 𑀘𑁂𑀯 𑀦𑁄 𑀘 𑀉𑀧𑀸𑀤𑀸𑀦𑀲𑁆𑀲 𑀥𑀫𑁆𑀫𑀲𑁆𑀲 𑀳𑁂𑀢𑀼𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄 𑁋 𑀉𑀧𑀸𑀤𑀸𑀦𑀸 𑀘𑁂𑀯 𑀉𑀧𑀸𑀤𑀸𑀦𑀺𑀬𑀸 𑀘 𑀳𑁂𑀢𑀽 𑀲𑀫𑁆𑀧𑀬𑀼𑀢𑁆𑀢𑀓𑀸𑀦𑀁 𑀔𑀦𑁆𑀥𑀸𑀦𑀁 𑀘𑀺𑀢𑁆𑀢𑀲𑀫𑀼𑀝𑁆𑀞𑀸𑀦𑀸𑀦𑀜𑁆𑀘 𑀭𑀽𑀧𑀸𑀦𑀁 𑀳𑁂𑀢𑀼𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄 (𑀉𑀧𑀸𑀤𑀸𑀦𑀤𑀼𑀓𑀲𑀤𑀺𑀲𑀸 𑀦𑀺𑀦𑁆𑀦𑀸𑀦𑀸, 𑀦𑀯 𑀧𑀜𑁆𑀳𑀸).

𑀆𑀭𑀫𑁆𑀫𑀡𑀧𑀘𑁆𑀘𑀬𑁄

𑁯𑁯. 𑀉𑀧𑀸𑀤𑀸𑀦𑁄 𑀘𑁂𑀯 𑀉𑀧𑀸𑀤𑀸𑀦𑀺𑀬𑁄 𑀘 𑀥𑀫𑁆𑀫𑁄 𑀉𑀧𑀸𑀤𑀸𑀦𑀲𑁆𑀲 𑀘𑁂𑀯 𑀉𑀧𑀸𑀤𑀸𑀦𑀺𑀬𑀲𑁆𑀲 𑀘 𑀥𑀫𑁆𑀫𑀲𑁆𑀲 𑀆𑀭𑀫𑁆𑀫𑀡𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄 𑁋 𑀉𑀧𑀸𑀤𑀸𑀦𑁂 𑀆𑀭𑀩𑁆𑀪 𑀉𑀧𑀸𑀤𑀸𑀦𑀸 𑀉𑀧𑁆𑀧𑀚𑁆𑀚𑀦𑁆𑀢𑀺… 𑀢𑀻𑀡𑀺.

𑀉𑀧𑀸𑀤𑀸𑀦𑀺𑀬𑁄 𑀘𑁂𑀯 𑀦𑁄 𑀘 𑀉𑀧𑀸𑀤𑀸𑀦𑁄 𑀥𑀫𑁆𑀫𑁄 𑀉𑀧𑀸𑀤𑀸𑀦𑀺𑀬𑀲𑁆𑀲 𑀘𑁂𑀯 𑀦𑁄 𑀘 𑀉𑀧𑀸𑀤𑀸𑀦𑀲𑁆𑀲 𑀥𑀫𑁆𑀫𑀲𑁆𑀲 𑀆𑀭𑀫𑁆𑀫𑀡𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄 𑁋 𑀤𑀸𑀦𑀁…𑀧𑁂… 𑀛𑀸𑀦𑀸 𑀯𑀼𑀝𑁆𑀞𑀳𑀺𑀢𑁆𑀯𑀸 𑀛𑀸𑀦𑀁 𑀧𑀘𑁆𑀘𑀯𑁂𑀓𑁆𑀔𑀢𑀺, 𑀅𑀲𑁆𑀲𑀸𑀤𑁂𑀢𑀺 𑀅𑀪𑀺𑀦𑀦𑁆𑀤𑀢𑀺, 𑀢𑀁 𑀆𑀭𑀩𑁆𑀪 𑀭𑀸𑀕𑁄 𑀉𑀧𑁆𑀧𑀚𑁆𑀚𑀢𑀺, 𑀤𑀺𑀝𑁆𑀞𑀺 𑀉𑀧𑁆𑀧𑀚𑁆𑀚𑀢𑀺, 𑀯𑀺𑀘𑀺𑀓𑀺𑀘𑁆𑀙𑀸 𑀉𑀤𑁆𑀥𑀘𑁆𑀘𑀁 𑀤𑁄𑀫𑀦𑀲𑁆𑀲𑀁 𑀉𑀧𑁆𑀧𑀚𑁆𑀚𑀢𑀺; 𑀅𑀭𑀺𑀬𑀸 𑀕𑁄𑀢𑁆𑀭𑀪𑀼𑀁 𑀧𑀘𑁆𑀘𑀯𑁂𑀓𑁆𑀔𑀦𑁆𑀢𑀺, 𑀯𑁄𑀤𑀸𑀦𑀁 𑀧𑀘𑁆𑀘𑀯𑁂𑀓𑁆𑀔𑀦𑁆𑀢𑀺, 𑀧𑀳𑀻𑀦𑁂 𑀓𑀺𑀮𑁂𑀲𑁂…𑀧𑁂… 𑀯𑀺𑀓𑁆𑀔𑀫𑁆𑀪𑀺𑀢𑁂 𑀓𑀺𑀮𑁂𑀲𑁂…𑀧𑁂… 𑀧𑀼𑀩𑁆𑀩𑁂 𑀲𑀫𑀼𑀤𑀸𑀘𑀺𑀡𑁆𑀡𑁂…𑀧𑁂… 𑀘𑀓𑁆𑀔𑀼𑀁…𑀧𑁂… 𑀯𑀢𑁆𑀣𑀼𑀁…𑀧𑁂… (𑀲𑀁𑀔𑀺𑀢𑁆𑀢𑀁) 𑀅𑀦𑀸𑀕𑀢𑀁𑀲𑀜𑀸𑀡𑀲𑁆𑀲 𑀆𑀯𑀚𑁆𑀚𑀦𑀸𑀬 𑀆𑀭𑀫𑁆𑀫𑀡𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄. (𑁧)

𑀉𑀧𑀸𑀤𑀸𑀦𑀺𑀬𑁄 𑀘𑁂𑀯 𑀦𑁄 𑀘 𑀉𑀧𑀸𑀤𑀸𑀦𑁄 𑀥𑀫𑁆𑀫𑁄 𑀉𑀧𑀸𑀤𑀸𑀦𑀲𑁆𑀲 𑀘𑁂𑀯 𑀉𑀧𑀸𑀤𑀸𑀦𑀺𑀬𑀲𑁆𑀲 𑀘 𑀥𑀫𑁆𑀫𑀲𑁆𑀲 𑀆𑀭𑀫𑁆𑀫𑀡𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄 (𑀲𑀁𑀔𑀺𑀢𑁆𑀢𑀁, 𑀇𑀢𑀭𑁂 𑀤𑁆𑀯𑁂 𑀉𑀧𑀸𑀤𑀸𑀦𑀤𑀼𑀓𑀲𑀤𑀺𑀲𑀸). (𑁩)

𑀉𑀧𑀸𑀤𑀸𑀦𑁄 𑀘𑁂𑀯 𑀉𑀧𑀸𑀤𑀸𑀦𑀺𑀬𑁄 𑀘 𑀉𑀧𑀸𑀤𑀸𑀦𑀺𑀬𑁄 𑀘𑁂𑀯 𑀦𑁄 𑀘 𑀉𑀧𑀸𑀤𑀸𑀦𑁄 𑀘 𑀥𑀫𑁆𑀫𑀸 𑀉𑀧𑀸𑀤𑀸𑀦𑀲𑁆𑀲 𑀘𑁂𑀯 𑀉𑀧𑀸𑀤𑀸𑀦𑀺𑀬𑀲𑁆𑀲 𑀘 𑀥𑀫𑁆𑀫𑀲𑁆𑀲 𑀆𑀭𑀫𑁆𑀫𑀡𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄… 𑀢𑀻𑀡𑀺 (𑀳𑁂𑀝𑁆𑀞𑀸 𑀅𑀥𑀺𑀧𑀢𑀺 𑀢𑀻𑀡𑀺, 𑀉𑀧𑀸𑀤𑀸𑀦𑀤𑀼𑀓𑀲𑀤𑀺𑀲𑀸).

𑀅𑀥𑀺𑀧𑀢𑀺𑀧𑀘𑁆𑀘𑀬𑁄

𑁧𑁦𑁦. 𑀉𑀧𑀸𑀤𑀸𑀦𑀺𑀬𑁄 𑀘𑁂𑀯 𑀦𑁄 𑀘 𑀉𑀧𑀸𑀤𑀸𑀦𑁄 𑀥𑀫𑁆𑀫𑁄 𑀉𑀧𑀸𑀤𑀸𑀦𑀺𑀬𑀲𑁆𑀲 𑀘𑁂𑀯 𑀦𑁄 𑀘 𑀉𑀧𑀸𑀤𑀸𑀦𑀲𑁆𑀲 𑀘 𑀥𑀫𑁆𑀫𑀲𑁆𑀲 𑀅𑀥𑀺𑀧𑀢𑀺𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄 𑁋 𑀆𑀭𑀫𑁆𑀫𑀡𑀸𑀥𑀺𑀧𑀢𑀺, 𑀲𑀳𑀚𑀸𑀢𑀸𑀥𑀺𑀧𑀢𑀺. 𑀆𑀭𑀫𑁆𑀫𑀡𑀸𑀥𑀺𑀧𑀢𑀺 𑁋 𑀤𑀸𑀦𑀁…𑀧𑁂… 𑀛𑀸𑀦𑀸 𑀯𑀼𑀝𑁆𑀞𑀳𑀺𑀢𑁆𑀯𑀸 𑀛𑀸𑀦𑀁 𑀕𑀭𑀼𑀁 𑀓𑀢𑁆𑀯𑀸 𑀧𑀘𑁆𑀘𑀯𑁂𑀓𑁆𑀔𑀢𑀺, 𑀅𑀲𑁆𑀲𑀸𑀤𑁂𑀢𑀺 𑀅𑀪𑀺𑀦𑀦𑁆𑀤𑀢𑀺, 𑀢𑀁 𑀕𑀭𑀼𑀁 𑀓𑀢𑁆𑀯𑀸 𑀭𑀸𑀕𑁄 𑀉𑀧𑁆𑀧𑀚𑁆𑀚𑀢𑀺, 𑀤𑀺𑀝𑁆𑀞𑀺 𑀉𑀧𑁆𑀧𑀚𑁆𑀚𑀢𑀺; 𑀲𑁂𑀓𑁆𑀔𑀸 𑀕𑁄𑀢𑁆𑀭𑀪𑀼𑀁 𑀕𑀭𑀼𑀁 𑀓𑀢𑁆𑀯𑀸…𑀧𑁂… 𑀯𑁄𑀤𑀸𑀦𑀁…𑀧𑁂… 𑀘𑀓𑁆𑀔𑀼𑀁…𑀧𑁂… 𑀯𑀢𑁆𑀣𑀼𑀁 𑀉𑀧𑀸𑀤𑀸𑀦𑀺𑀬𑁂 𑀘𑁂𑀯 𑀦𑁄 𑀘 𑀉𑀧𑀸𑀤𑀸𑀦𑁂 𑀔𑀦𑁆𑀥𑁂 𑀕𑀭𑀼𑀁 𑀓𑀢𑁆𑀯𑀸 𑀉𑀧𑀸𑀤𑀸𑀦𑀺𑀬𑀸 𑀘𑁂𑀯 𑀦𑁄 𑀘 𑀉𑀧𑀸𑀤𑀸𑀦𑀸 𑀔𑀦𑁆𑀥𑀸 𑀉𑀧𑁆𑀧𑀚𑁆𑀚𑀦𑁆𑀢𑀺. 𑀲𑀳𑀚𑀸𑀢𑀸𑀥𑀺𑀧𑀢𑀺 𑁋 𑀉𑀧𑀸𑀤𑀸𑀦𑀺𑀬𑀸 𑀘𑁂𑀯 𑀦𑁄 𑀘 𑀉𑀧𑀸𑀤𑀸𑀦𑀸𑀥𑀺𑀧𑀢𑀺 𑀲𑀫𑁆𑀧𑀬𑀼𑀢𑁆𑀢𑀓𑀸𑀦𑀁 𑀔𑀦𑁆𑀥𑀸𑀦𑀁 𑀘𑀺𑀢𑁆𑀢𑀲𑀫𑀼𑀝𑁆𑀞𑀸𑀦𑀸𑀦𑀜𑁆𑀘 𑀭𑀽𑀧𑀸𑀦𑀁 𑀅𑀥𑀺𑀧𑀢𑀺𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄 (𑀅𑀯𑀲𑁂𑀲𑀸 𑀤𑁆𑀯𑁂𑀧𑀺 𑀆𑀭𑀫𑁆𑀫𑀡𑀸𑀥𑀺𑀧𑀢𑀺 𑀲𑀳𑀚𑀸𑀢𑀸𑀥𑀺𑀧𑀢𑀺𑀧𑀺 𑀉𑀧𑀸𑀤𑀸𑀦𑀤𑀼𑀓𑀲𑀤𑀺𑀲𑀸). (𑁩)

(𑀖𑀝𑀦𑀸 𑀅𑀥𑀺𑀧𑀢𑀺 𑀢𑀻𑀡𑀺, 𑀉𑀧𑀸𑀤𑀸𑀦𑀤𑀼𑀓𑀲𑀤𑀺𑀲𑀸. 𑀲𑀩𑁆𑀩𑁂 𑀧𑀘𑁆𑀘𑀬𑀸 𑀉𑀧𑀸𑀤𑀸𑀦𑀤𑀼𑀓𑀲𑀤𑀺𑀲𑀸. 𑀉𑀧𑀸𑀤𑀸𑀦𑀺𑀬𑁂 𑀮𑁄𑀓𑀼𑀢𑁆𑀢𑀭𑀁 𑀦𑀢𑁆𑀣𑀺, 𑀧𑀘𑁆𑀘𑀦𑀻𑀬𑀫𑁆𑀧𑀺 𑀇𑀢𑀭𑁂 𑀤𑁆𑀯𑁂 𑀕𑀡𑀦𑀸𑀧𑀺 𑀉𑀧𑀸𑀤𑀸𑀦𑀤𑀼𑀓𑀲𑀤𑀺𑀲𑀁.)

𑀉𑀧𑀸𑀤𑀸𑀦𑀉𑀧𑀸𑀤𑀸𑀦𑀺𑀬𑀤𑀼𑀓𑀁 𑀦𑀺𑀝𑁆𑀞𑀺𑀢𑀁.