𑁧. 𑀯𑀺𑀪𑀗𑁆𑀕𑀯𑀸𑀭𑁄

𑀦𑀳𑁂𑀢𑀼𑀧𑀘𑁆𑀘𑀬𑁄

𑁬𑁪. 𑀘𑀺𑀢𑁆𑀢𑀁 𑀥𑀫𑁆𑀫𑀁 𑀧𑀘𑁆𑀘𑀬𑀸 𑀦𑁄𑀘𑀺𑀢𑁆𑀢𑁄 𑀥𑀫𑁆𑀫𑁄 𑀉𑀧𑁆𑀧𑀚𑁆𑀚𑀢𑀺 𑀦𑀳𑁂𑀢𑀼𑀧𑀘𑁆𑀘𑀬𑀸 𑁋 𑀅𑀳𑁂𑀢𑀼𑀓𑀁 𑀘𑀺𑀢𑁆𑀢𑀁 𑀧𑀘𑁆𑀘𑀬𑀸 𑀲𑀫𑁆𑀧𑀬𑀼𑀢𑁆𑀢𑀓𑀸 𑀔𑀦𑁆𑀥𑀸 𑀘𑀺𑀢𑁆𑀢𑀲𑀫𑀼𑀝𑁆𑀞𑀸𑀦𑀜𑁆𑀘 𑀭𑀽𑀧𑀁; 𑀅𑀳𑁂𑀢𑀼𑀓𑀧𑀝𑀺𑀲𑀦𑁆𑀥𑀺𑀓𑁆𑀔𑀡𑁂…𑀧𑁂… 𑀯𑀺𑀘𑀺𑀓𑀺𑀘𑁆𑀙𑀸𑀲𑀳𑀕𑀢𑀁 𑀉𑀤𑁆𑀥𑀘𑁆𑀘𑀲𑀳𑀕𑀢𑀁 𑀘𑀺𑀢𑁆𑀢𑀁 𑀧𑀘𑁆𑀘𑀬𑀸 𑀯𑀺𑀘𑀺𑀓𑀺𑀘𑁆𑀙𑀸𑀲𑀳𑀕𑀢𑁄 𑀉𑀤𑁆𑀥𑀘𑁆𑀘𑀲𑀳𑀕𑀢𑁄 𑀫𑁄𑀳𑁄. (𑁧)

𑁬𑁫. 𑀦𑁄𑀘𑀺𑀢𑁆𑀢𑀁 𑀥𑀫𑁆𑀫𑀁 𑀧𑀘𑁆𑀘𑀬𑀸 𑀦𑁄𑀘𑀺𑀢𑁆𑀢𑁄 𑀥𑀫𑁆𑀫𑁄 𑀉𑀧𑁆𑀧𑀚𑁆𑀚𑀢𑀺 𑀦𑀳𑁂𑀢𑀼𑀧𑀘𑁆𑀘𑀬𑀸 𑁋 𑀅𑀳𑁂𑀢𑀼𑀓𑀁 𑀦𑁄𑀘𑀺𑀢𑁆𑀢𑀁 𑀏𑀓𑀁 𑀔𑀦𑁆𑀥𑀁 𑀧𑀘𑁆𑀘𑀬𑀸 𑀤𑁆𑀯𑁂 𑀔𑀦𑁆𑀥𑀸 𑀘𑀺𑀢𑁆𑀢𑀲𑀫𑀼𑀝𑁆𑀞𑀸𑀦𑀜𑁆𑀘 𑀭𑀽𑀧𑀁, 𑀤𑁆𑀯𑁂 𑀔𑀦𑁆𑀥𑁂…𑀧𑁂… 𑀅𑀳𑁂𑀢𑀼𑀓𑀧𑀝𑀺𑀲𑀦𑁆𑀥𑀺𑀓𑁆𑀔𑀡𑁂…𑀧𑁂… (𑀬𑀸𑀯 𑀅𑀲𑀜𑁆𑀜𑀲𑀢𑁆𑀢𑀸), 𑀘𑀓𑁆𑀔𑀸𑀬𑀢𑀦𑀁 𑀧𑀘𑁆𑀘𑀬𑀸 𑀘𑀓𑁆𑀔𑀼𑀯𑀺𑀜𑁆𑀜𑀸𑀡𑀲𑀳𑀕𑀢𑀸 𑀔𑀦𑁆𑀥𑀸…𑀧𑁂… 𑀓𑀸𑀬𑀸𑀬𑀢𑀦𑀁 𑀧𑀘𑁆𑀘𑀬𑀸 𑀓𑀸𑀬𑀯𑀺𑀜𑁆𑀜𑀸𑀡𑀲𑀳𑀕𑀢𑀸 𑀔𑀦𑁆𑀥𑀸, 𑀯𑀢𑁆𑀣𑀼𑀁 𑀧𑀘𑁆𑀘𑀬𑀸 𑀅𑀳𑁂𑀢𑀼𑀓𑀸 𑀦𑁄𑀘𑀺𑀢𑁆𑀢𑁂 𑀔𑀦𑁆𑀥𑀸 𑀯𑀺𑀘𑀺𑀓𑀺𑀘𑁆𑀙𑀸𑀲𑀳𑀕𑀢𑁂 𑀉𑀤𑁆𑀥𑀘𑁆𑀘𑀲𑀳𑀕𑀢𑁂 𑀔𑀦𑁆𑀥𑁂 𑀘 𑀯𑀢𑁆𑀣𑀼𑀜𑁆𑀘 𑀧𑀘𑁆𑀘𑀬𑀸 𑀯𑀺𑀘𑀺𑀓𑀺𑀘𑁆𑀙𑀸𑀲𑀳𑀕𑀢𑁄 𑀉𑀤𑁆𑀥𑀘𑁆𑀘𑀲𑀳𑀕𑀢𑁄 𑀫𑁄𑀳𑁄. (𑁧)

𑀦𑁄𑀘𑀺𑀢𑁆𑀢𑀁 𑀥𑀫𑁆𑀫𑀁 𑀧𑀘𑁆𑀘𑀬𑀸 𑀘𑀺𑀢𑁆𑀢𑁄 𑀥𑀫𑁆𑀫𑁄 𑀉𑀧𑁆𑀧𑀚𑁆𑀚𑀢𑀺 𑀦𑀳𑁂𑀢𑀼𑀧𑀘𑁆𑀘𑀬𑀸 𑁋 𑀅𑀳𑁂𑀢𑀼𑀓𑁂 𑀦𑁄𑀘𑀺𑀢𑁆𑀢𑁂 𑀔𑀦𑁆𑀥𑁂 𑀧𑀘𑁆𑀘𑀬𑀸 𑀘𑀺𑀢𑁆𑀢𑀁, 𑀯𑀢𑁆𑀣𑀼𑀁 𑀧𑀘𑁆𑀘𑀬𑀸 𑀘𑀺𑀢𑁆𑀢𑀁; 𑀅𑀳𑁂𑀢𑀼𑀓𑀧𑀝𑀺𑀲𑀦𑁆𑀥𑀺𑀓𑁆𑀔𑀡𑁂…𑀧𑁂… 𑀅𑀳𑁂𑀢𑀼𑀓𑀧𑀝𑀺𑀲𑀦𑁆𑀥𑀺𑀓𑁆𑀔𑀡𑁂 𑀯𑀢𑁆𑀣𑀼𑀁 𑀧𑀘𑁆𑀘𑀬𑀸 𑀘𑀺𑀢𑁆𑀢𑀁, 𑀘𑀓𑁆𑀔𑀸𑀬𑀢𑀦𑀁 𑀧𑀘𑁆𑀘𑀬𑀸 𑀘𑀓𑁆𑀔𑀼𑀯𑀺𑀜𑁆𑀜𑀸𑀡𑀁…𑀧𑁂… 𑀓𑀸𑀬𑀸𑀬𑀢𑀦𑀁 𑀧𑀘𑁆𑀘𑀬𑀸 𑀓𑀸𑀬𑀯𑀺𑀜𑁆𑀜𑀸𑀡𑀁. (𑁨)

𑀦𑁄𑀘𑀺𑀢𑁆𑀢𑀁 𑀥𑀫𑁆𑀫𑀁 𑀧𑀘𑁆𑀘𑀬𑀸 𑀘𑀺𑀢𑁆𑀢𑁄 𑀘 𑀦𑁄𑀘𑀺𑀢𑁆𑀢𑁄 𑀘 𑀥𑀫𑁆𑀫𑀸 𑀉𑀧𑁆𑀧𑀚𑁆𑀚𑀦𑁆𑀢𑀺 𑀦𑀳𑁂𑀢𑀼𑀧𑀘𑁆𑀘𑀬𑀸 𑁋 𑀅𑀳𑁂𑀢𑀼𑀓𑀁 𑀦𑁄𑀘𑀺𑀢𑁆𑀢𑀁 𑀏𑀓𑀁 𑀔𑀦𑁆𑀥𑀁 𑀧𑀘𑁆𑀘𑀬𑀸 𑀤𑁆𑀯𑁂 𑀔𑀦𑁆𑀥𑀸 𑀘𑀺𑀢𑁆𑀢𑀜𑁆𑀘 𑀘𑀺𑀢𑁆𑀢𑀲𑀫𑀼𑀝𑁆𑀞𑀸𑀦𑀜𑁆𑀘 𑀭𑀽𑀧𑀁, 𑀤𑁆𑀯𑁂 𑀔𑀦𑁆𑀥𑁂…𑀧𑁂… 𑀯𑀢𑁆𑀣𑀼𑀁 𑀧𑀘𑁆𑀘𑀬𑀸 𑀘𑀺𑀢𑁆𑀢𑀜𑁆𑀘 𑀲𑀫𑁆𑀧𑀬𑀼𑀢𑁆𑀢𑀓𑀸 𑀘 𑀔𑀦𑁆𑀥𑀸; 𑀅𑀳𑁂𑀢𑀼𑀓𑀧𑀝𑀺𑀲𑀦𑁆𑀥𑀺𑀓𑁆𑀔𑀡𑁂…𑀧𑁂… 𑀅𑀳𑁂𑀢𑀼𑀓𑀧𑀝𑀺𑀲𑀦𑁆𑀥𑀺𑀓𑁆𑀔𑀡𑁂 𑀯𑀢𑁆𑀣𑀼𑀁 𑀧𑀘𑁆𑀘𑀬𑀸 𑀘𑀺𑀢𑁆𑀢𑀜𑁆𑀘 𑀲𑀫𑁆𑀧𑀬𑀼𑀢𑁆𑀢𑀓𑀸 𑀘 𑀔𑀦𑁆𑀥𑀸, 𑀘𑀓𑁆𑀔𑀸𑀬𑀢𑀦𑀁 𑀧𑀘𑁆𑀘𑀬𑀸 𑀘𑀓𑁆𑀔𑀼𑀯𑀺𑀜𑁆𑀜𑀸𑀡𑀁…𑀧𑁂… 𑀓𑀸𑀬𑀸𑀬𑀢𑀦𑀁 𑀧𑀘𑁆𑀘𑀬𑀸 𑀓𑀸𑀬𑀯𑀺𑀜𑁆𑀜𑀸𑀡𑀁. (𑁩)

𑀘𑀺𑀢𑁆𑀢𑀜𑁆𑀘 𑀦𑁄𑀘𑀺𑀢𑁆𑀢𑀜𑁆𑀘 𑀥𑀫𑁆𑀫𑀁 𑀧𑀘𑁆𑀘𑀬𑀸 𑀦𑁄𑀘𑀺𑀢𑁆𑀢𑁄 𑀥𑀫𑁆𑀫𑁄 𑀉𑀧𑁆𑀧𑀚𑁆𑀚𑀢𑀺 𑀦𑀳𑁂𑀢𑀼𑀧𑀘𑁆𑀘𑀬𑀸 𑁋 𑀅𑀳𑁂𑀢𑀼𑀓𑀁 𑀦𑁄𑀘𑀺𑀢𑁆𑀢𑀁 𑀏𑀓𑀁 𑀔𑀦𑁆𑀥𑀜𑁆𑀘 𑀘𑀺𑀢𑁆𑀢𑀜𑁆𑀘 𑀧𑀘𑁆𑀘𑀬𑀸 𑀤𑁆𑀯𑁂 𑀔𑀦𑁆𑀥𑀸 𑀘𑀺𑀢𑁆𑀢𑀲𑀫𑀼𑀝𑁆𑀞𑀸𑀦𑀜𑁆𑀘 𑀭𑀽𑀧𑀁, 𑀤𑁆𑀯𑁂 𑀔𑀦𑁆𑀥𑁂 𑀘…𑀧𑁂… 𑀘𑀺𑀢𑁆𑀢𑀜𑁆𑀘 𑀯𑀢𑁆𑀣𑀼𑀜𑁆𑀘 𑀧𑀘𑁆𑀘𑀬𑀸 𑀦𑁄𑀘𑀺𑀢𑁆𑀢𑀸 𑀔𑀦𑁆𑀥𑀸; 𑀅𑀳𑁂𑀢𑀼𑀓𑀧𑀝𑀺𑀲𑀦𑁆𑀥𑀺𑀓𑁆𑀔𑀡𑁂…𑀧𑁂… 𑀅𑀳𑁂𑀢𑀼𑀓𑀧𑀝𑀺𑀲𑀦𑁆𑀥𑀺𑀓𑁆𑀔𑀡𑁂 𑀘𑀺𑀢𑁆𑀢𑀜𑁆𑀘 𑀯𑀢𑁆𑀣𑀼𑀜𑁆𑀘 𑀧𑀘𑁆𑀘𑀬𑀸 𑀦𑁄𑀘𑀺𑀢𑁆𑀢𑀸 𑀔𑀦𑁆𑀥𑀸, 𑀘𑀓𑁆𑀔𑀸𑀬𑀢𑀦𑀜𑁆𑀘 𑀘𑀓𑁆𑀔𑀼𑀯𑀺𑀜𑁆𑀜𑀸𑀡𑀜𑁆𑀘 𑀧𑀘𑁆𑀘𑀬𑀸 𑀘𑀓𑁆𑀔𑀼𑀯𑀺𑀜𑁆𑀜𑀸𑀡𑀲𑀳𑀕𑀢𑀸 𑀔𑀦𑁆𑀥𑀸…𑀧𑁂… 𑀓𑀸𑀬𑀸𑀬𑀢𑀦𑀁 𑀘…𑀧𑁂… 𑀯𑀺𑀘𑀺𑀓𑀺𑀘𑁆𑀙𑀸𑀲𑀳𑀕𑀢𑁂 𑀉𑀤𑁆𑀥𑀘𑁆𑀘𑀲𑀳𑀕𑀢𑁂 𑀔𑀦𑁆𑀥𑁂 𑀘 𑀘𑀺𑀢𑁆𑀢𑀜𑁆𑀘 𑀧𑀘𑁆𑀘𑀬𑀸 𑀯𑀺𑀘𑀺𑀓𑀺𑀘𑁆𑀙𑀸𑀲𑀳𑀕𑀢𑁄 𑀉𑀤𑁆𑀥𑀘𑁆𑀘𑀲𑀳𑀕𑀢𑁄 𑀫𑁄𑀳𑁄. (𑁧) (𑀲𑀁𑀔𑀺𑀢𑁆𑀢𑀁.)