𑁧. 𑀯𑀺𑀪𑀗𑁆𑀕𑀯𑀸𑀭𑁄

𑀳𑁂𑀢𑀼𑀧𑀘𑁆𑀘𑀬𑁄

𑁧𑁩𑁬. 𑀳𑁂𑀢𑀼 𑀘𑁂𑀯 𑀲𑀳𑁂𑀢𑀼𑀓𑁄 𑀘 𑀥𑀫𑁆𑀫𑁄 𑀳𑁂𑀢𑀼𑀲𑁆𑀲 𑀘𑁂𑀯 𑀲𑀳𑁂𑀢𑀼𑀓𑀲𑁆𑀲 𑀘 𑀥𑀫𑁆𑀫𑀲𑁆𑀲 𑀳𑁂𑀢𑀼𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄 𑁋 𑀅𑀮𑁄𑀪𑁄 𑀅𑀤𑁄𑀲𑀲𑁆𑀲 𑀅𑀫𑁄𑀳𑀲𑁆𑀲 𑀳𑁂𑀢𑀼𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄 (𑀬𑀣𑀸 𑀧𑀝𑀺𑀘𑁆𑀘𑀯𑀸𑀭𑀲𑀤𑀺𑀲𑀁). (𑁧)

𑀳𑁂𑀢𑀼 𑀘𑁂𑀯 𑀲𑀳𑁂𑀢𑀼𑀓𑁄 𑀘 𑀥𑀫𑁆𑀫𑁄 𑀲𑀳𑁂𑀢𑀼𑀓𑀲𑁆𑀲 𑀘𑁂𑀯 𑀦 𑀘 𑀳𑁂𑀢𑀼𑀲𑁆𑀲 𑀥𑀫𑁆𑀫𑀲𑁆𑀲 𑀳𑁂𑀢𑀼𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄 𑁋 𑀳𑁂𑀢𑀽 𑀲𑀫𑁆𑀧𑀬𑀼𑀢𑁆𑀢𑀓𑀸𑀦𑀁 𑀔𑀦𑁆𑀥𑀸𑀦𑀁 𑀳𑁂𑀢𑀼𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄; 𑀧𑀝𑀺𑀲𑀦𑁆𑀥𑀺𑀓𑁆𑀔𑀡𑁂…𑀧𑁂…. (𑁨)

𑀳𑁂𑀢𑀼 𑀘𑁂𑀯 𑀲𑀳𑁂𑀢𑀼𑀓𑁄 𑀘 𑀥𑀫𑁆𑀫𑁄 𑀳𑁂𑀢𑀼𑀲𑁆𑀲 𑀘𑁂𑀯 𑀲𑀳𑁂𑀢𑀼𑀓𑀲𑁆𑀲 𑀘 𑀲𑀳𑁂𑀢𑀼𑀓𑀲𑁆𑀲 𑀘𑁂𑀯 𑀦 𑀘 𑀳𑁂𑀢𑀼𑀲𑁆𑀲 𑀘 𑀥𑀫𑁆𑀫𑀲𑁆𑀲 𑀳𑁂𑀢𑀼𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄 𑁋 𑀅𑀮𑁄𑀪𑁄 𑀅𑀤𑁄𑀲𑀲𑁆𑀲 𑀅𑀫𑁄𑀳𑀲𑁆𑀲 𑀲𑀫𑁆𑀧𑀬𑀼𑀢𑁆𑀢𑀓𑀸𑀦𑀜𑁆𑀘 𑀔𑀦𑁆𑀥𑀸𑀦𑀁 𑀳𑁂𑀢𑀼𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄 (𑀯𑀺𑀢𑁆𑀣𑀸𑀭𑁂𑀢𑀩𑁆𑀩𑀁). (𑁩)

𑀆𑀭𑀫𑁆𑀫𑀡𑀧𑀘𑁆𑀘𑀬𑁄

𑁧𑁩𑁭. 𑀳𑁂𑀢𑀼 𑀘𑁂𑀯 𑀲𑀳𑁂𑀢𑀼𑀓𑁄 𑀘 𑀥𑀫𑁆𑀫𑁄 𑀳𑁂𑀢𑀼𑀲𑁆𑀲 𑀘𑁂𑀯 𑀲𑀳𑁂𑀢𑀼𑀓𑀲𑁆𑀲 𑀘 𑀥𑀫𑁆𑀫𑀲𑁆𑀲 𑀆𑀭𑀫𑁆𑀫𑀡𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄 𑁋 𑀳𑁂𑀢𑀼𑀁 𑀆𑀭𑀩𑁆𑀪 𑀳𑁂𑀢𑀽 𑀉𑀧𑁆𑀧𑀚𑁆𑀚𑀦𑁆𑀢𑀺. (𑁧)

𑀳𑁂𑀢𑀼 𑀘𑁂𑀯 𑀲𑀳𑁂𑀢𑀼𑀓𑁄 𑀘 𑀥𑀫𑁆𑀫𑁄 𑀲𑀳𑁂𑀢𑀼𑀓𑀲𑁆𑀲 𑀘𑁂𑀯 𑀦 𑀘 𑀳𑁂𑀢𑀼𑀲𑁆𑀲 𑀥𑀫𑁆𑀫𑀲𑁆𑀲 𑀆𑀭𑀫𑁆𑀫𑀡𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄 𑁋 𑀳𑁂𑀢𑀼𑀁 𑀆𑀭𑀩𑁆𑀪 𑀲𑀳𑁂𑀢𑀼𑀓𑀸 𑀘𑁂𑀯 𑀦 𑀘 𑀳𑁂𑀢𑀽 𑀔𑀦𑁆𑀥𑀸 𑀉𑀧𑁆𑀧𑀚𑁆𑀚𑀦𑁆𑀢𑀺. (𑁨)

𑀳𑁂𑀢𑀼 𑀘𑁂𑀯 𑀲𑀳𑁂𑀢𑀼𑀓𑁄 𑀘 𑀥𑀫𑁆𑀫𑁄 𑀳𑁂𑀢𑀼𑀲𑁆𑀲 𑀘𑁂𑀯 𑀲𑀳𑁂𑀢𑀼𑀓𑀲𑁆𑀲 𑀘 𑀲𑀳𑁂𑀢𑀼𑀓𑀲𑁆𑀲 𑀘𑁂𑀯 𑀦 𑀘 𑀳𑁂𑀢𑀼𑀲𑁆𑀲 𑀘 𑀥𑀫𑁆𑀫𑀲𑁆𑀲 𑀆𑀭𑀫𑁆𑀫𑀡𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄 𑁋 𑀳𑁂𑀢𑀼𑀁 𑀆𑀭𑀩𑁆𑀪 𑀳𑁂𑀢𑀽 𑀘 𑀲𑀫𑁆𑀧𑀬𑀼𑀢𑁆𑀢𑀓𑀸 𑀘 𑀔𑀦𑁆𑀥𑀸 𑀉𑀧𑁆𑀧𑀚𑁆𑀚𑀦𑁆𑀢𑀺. (𑁩)

𑀲𑀳𑁂𑀢𑀼𑀓𑁄 𑀘𑁂𑀯 𑀦 𑀘 𑀳𑁂𑀢𑀼 𑀥𑀫𑁆𑀫𑁄 𑀲𑀳𑁂𑀢𑀼𑀓𑀲𑁆𑀲 𑀘𑁂𑀯 𑀦 𑀘 𑀳𑁂𑀢𑀼𑀲𑁆𑀲 𑀥𑀫𑁆𑀫𑀲𑁆𑀲 𑀆𑀭𑀫𑁆𑀫𑀡𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄 𑁋 𑀤𑀸𑀦𑀁 𑀤𑀢𑁆𑀯𑀸 𑀲𑀻𑀮𑀁…𑀧𑁂… 𑀉𑀧𑁄𑀲𑀣𑀓𑀫𑁆𑀫𑀁 𑀓𑀢𑁆𑀯𑀸 𑀢𑀁 𑀧𑀘𑁆𑀘𑀯𑁂𑀓𑁆𑀔𑀢𑀺, 𑀧𑀼𑀩𑁆𑀩𑁂 𑀲𑀼𑀘𑀺𑀡𑁆𑀡𑀸𑀦𑀺 𑀧𑀘𑁆𑀘𑀯𑁂𑀓𑁆𑀔𑀢𑀺. 𑀛𑀸𑀦𑀸 𑀯𑀼𑀝𑁆𑀞𑀳𑀺𑀢𑁆𑀯𑀸…𑀧𑁂… 𑀅𑀭𑀺𑀬𑀸 𑀫𑀕𑁆𑀕𑀸 𑀯𑀼𑀝𑁆𑀞𑀳𑀺𑀢𑁆𑀯𑀸 𑀫𑀕𑁆𑀕𑀁 𑀧𑀘𑁆𑀘𑀯𑁂𑀓𑁆𑀔𑀦𑁆𑀢𑀺, 𑀨𑀮𑀁 𑀧𑀘𑁆𑀘𑀯𑁂𑀓𑁆𑀔𑀦𑁆𑀢𑀺. 𑀧𑀳𑀻𑀦𑁂 𑀓𑀺𑀮𑁂𑀲𑁂…𑀧𑁂… 𑀯𑀺𑀓𑁆𑀔𑀫𑁆𑀪𑀺𑀢𑁂 𑀓𑀺𑀮𑁂𑀲𑁂 𑀧𑀘𑁆𑀘𑀯𑁂𑀓𑁆𑀔𑀦𑁆𑀢𑀺, 𑀧𑀼𑀩𑁆𑀩𑁂 𑀲𑀫𑀼𑀤𑀸𑀘𑀺𑀡𑁆𑀡𑁂 𑀓𑀺𑀮𑁂𑀲𑁂 𑀚𑀸𑀦𑀦𑁆𑀢𑀺. 𑀲𑀳𑁂𑀢𑀼𑀓𑁂 𑀘𑁂𑀯 𑀦 𑀘 𑀳𑁂𑀢𑀽 𑀔𑀦𑁆𑀥𑁂 𑀅𑀦𑀺𑀘𑁆𑀘𑀢𑁄…𑀧𑁂… 𑀤𑁄𑀫𑀦𑀲𑁆𑀲𑀁 𑀉𑀧𑁆𑀧𑀚𑁆𑀚𑀢𑀺. 𑀘𑁂𑀢𑁄𑀧𑀭𑀺𑀬𑀜𑀸𑀡𑁂𑀦 𑀲𑀳𑁂𑀢𑀼𑀓𑀸 𑀘𑁂𑀯 𑀦 𑀘 𑀳𑁂𑀢𑀼𑀘𑀺𑀢𑁆𑀢𑀲𑀫𑀗𑁆𑀕𑀺𑀲𑁆𑀲 𑀘𑀺𑀢𑁆𑀢𑀁 𑀚𑀸𑀦𑀸𑀢𑀺; 𑀆𑀓𑀸𑀲𑀸𑀦𑀜𑁆𑀘𑀸𑀬𑀢𑀦𑀁 𑀯𑀺𑀜𑁆𑀜𑀸𑀡𑀜𑁆𑀘𑀸𑀬𑀢𑀦𑀲𑁆𑀲…𑀧𑁂… 𑀆𑀓𑀺𑀜𑁆𑀘𑀜𑁆𑀜𑀸𑀬𑀢𑀦𑀁 𑀦𑁂𑀯𑀲𑀜𑁆𑀜𑀸𑀦𑀸𑀲𑀜𑁆𑀜𑀸𑀬𑀢𑀦𑀲𑁆𑀲…𑀧𑁂… 𑀲𑀳𑁂𑀢𑀼𑀓𑀸 𑀘𑁂𑀯 𑀦 𑀘 𑀳𑁂𑀢𑀽 𑀔𑀦𑁆𑀥𑀸 𑀇𑀤𑁆𑀥𑀺𑀯𑀺𑀥𑀜𑀸𑀡𑀲𑁆𑀲, 𑀘𑁂𑀢𑁄𑀧𑀭𑀺𑀬𑀜𑀸𑀡𑀲𑁆𑀲, 𑀧𑀼𑀩𑁆𑀩𑁂𑀦𑀺𑀯𑀸𑀲𑀸𑀦𑀼𑀲𑁆𑀲𑀢𑀺𑀜𑀸𑀡𑀲𑁆𑀲, 𑀬𑀣𑀸𑀓𑀫𑁆𑀫𑀽𑀧𑀕𑀜𑀸𑀡𑀲𑁆𑀲, 𑀅𑀦𑀸𑀕𑀢𑀁𑀲𑀜𑀸𑀡𑀲𑁆𑀲 𑀆𑀭𑀫𑁆𑀫𑀡𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄. (𑁧)

𑀲𑀳𑁂𑀢𑀼𑀓𑁄 𑀘𑁂𑀯 𑀦 𑀘 𑀳𑁂𑀢𑀼 𑀥𑀫𑁆𑀫𑁄 𑀳𑁂𑀢𑀼𑀲𑁆𑀲 𑀘𑁂𑀯 𑀲𑀳𑁂𑀢𑀼𑀓𑀲𑁆𑀲 𑀘 𑀥𑀫𑁆𑀫𑀲𑁆𑀲 𑀆𑀭𑀫𑁆𑀫𑀡𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄 𑁋 𑀤𑀸𑀦𑀁 𑀤𑀢𑁆𑀯𑀸… (𑀬𑀣𑀸 𑀧𑀞𑀫𑀕𑀫𑀦𑀁 𑀏𑀯𑀁 𑀦𑀺𑀦𑁆𑀦𑀸𑀦𑀁). (𑁨)

𑀲𑀳𑁂𑀢𑀼𑀓𑁄 𑀘𑁂𑀯 𑀦 𑀘 𑀳𑁂𑀢𑀼 𑀥𑀫𑁆𑀫𑁄 𑀳𑁂𑀢𑀼𑀲𑁆𑀲 𑀘𑁂𑀯 𑀲𑀳𑁂𑀢𑀼𑀓𑀲𑁆𑀲 𑀘 𑀲𑀳𑁂𑀢𑀼𑀓𑀲𑁆𑀲 𑀘𑁂𑀯 𑀦 𑀘 𑀳𑁂𑀢𑀼𑀲𑁆𑀲 𑀘 𑀥𑀫𑁆𑀫𑀲𑁆𑀲 𑀆𑀭𑀫𑁆𑀫𑀡𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄 𑁋 𑀤𑀸𑀦𑀁 𑀤𑀢𑁆𑀯𑀸… (𑀬𑀣𑀸 𑀧𑀞𑀫𑀕𑀫𑀦𑀁 𑀏𑀯𑀁 𑀦𑀺𑀦𑁆𑀦𑀸𑀦𑀁). (𑁩)

𑁧𑁩𑁮. 𑀳𑁂𑀢𑀼 𑀘𑁂𑀯 𑀲𑀳𑁂𑀢𑀼𑀓𑁄 𑀘 𑀲𑀳𑁂𑀢𑀼𑀓𑁄 𑀘𑁂𑀯 𑀦 𑀘 𑀳𑁂𑀢𑀼 𑀘 𑀥𑀫𑁆𑀫𑀸 𑀳𑁂𑀢𑀼𑀲𑁆𑀲 𑀘𑁂𑀯 𑀲𑀳𑁂𑀢𑀼𑀓𑀲𑁆𑀲 𑀘 𑀥𑀫𑁆𑀫𑀲𑁆𑀲 𑀆𑀭𑀫𑁆𑀫𑀡𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄 𑁋 𑀳𑁂𑀢𑀼𑀜𑁆𑀘 𑀲𑀫𑁆𑀧𑀬𑀼𑀢𑁆𑀢𑀓𑁂 𑀘 𑀔𑀦𑁆𑀥𑁂 𑀆𑀭𑀩𑁆𑀪 𑀳𑁂𑀢𑀽 𑀉𑀧𑁆𑀧𑀚𑁆𑀚𑀦𑁆𑀢𑀺. (𑁧)

𑀳𑁂𑀢𑀼 𑀘𑁂𑀯 𑀲𑀳𑁂𑀢𑀼𑀓𑁄 𑀘 𑀲𑀳𑁂𑀢𑀼𑀓𑁄 𑀘𑁂𑀯 𑀦 𑀘 𑀳𑁂𑀢𑀼 𑀘 𑀥𑀫𑁆𑀫𑀸 𑀲𑀳𑁂𑀢𑀼𑀓𑀲𑁆𑀲 𑀘𑁂𑀯 𑀦 𑀘 𑀳𑁂𑀢𑀼𑀲𑁆𑀲 𑀥𑀫𑁆𑀫𑀲𑁆𑀲 𑀆𑀭𑀫𑁆𑀫𑀡𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄 𑁋 𑀳𑁂𑀢𑀼𑀜𑁆𑀘 𑀲𑀫𑁆𑀧𑀬𑀼𑀢𑁆𑀢𑀓𑁂 𑀘 𑀔𑀦𑁆𑀥𑁂 𑀆𑀭𑀩𑁆𑀪 𑀲𑀳𑁂𑀢𑀼𑀓𑀸 𑀘𑁂𑀯 𑀦 𑀘 𑀳𑁂𑀢𑀽 𑀔𑀦𑁆𑀥𑀸 𑀉𑀧𑁆𑀧𑀚𑁆𑀚𑀦𑁆𑀢𑀺. (𑁨)

𑀳𑁂𑀢𑀼 𑀘𑁂𑀯 𑀲𑀳𑁂𑀢𑀼𑀓𑁄 𑀘 𑀲𑀳𑁂𑀢𑀼𑀓𑁄 𑀘𑁂𑀯 𑀦 𑀘 𑀳𑁂𑀢𑀼 𑀘 𑀥𑀫𑁆𑀫𑀸 𑀳𑁂𑀢𑀼𑀲𑁆𑀲 𑀘𑁂𑀯 𑀲𑀳𑁂𑀢𑀼𑀓𑀲𑁆𑀲 𑀘 𑀲𑀳𑁂𑀢𑀼𑀓𑀲𑁆𑀲 𑀘𑁂𑀯 𑀦 𑀘 𑀳𑁂𑀢𑀼𑀲𑁆𑀲 𑀘 𑀥𑀫𑁆𑀫𑀲𑁆𑀲 𑀆𑀭𑀫𑁆𑀫𑀡𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄 𑁋 𑀳𑁂𑀢𑀼𑀜𑁆𑀘 𑀲𑀫𑁆𑀧𑀬𑀼𑀢𑁆𑀢𑀓𑁂 𑀘 𑀔𑀦𑁆𑀥𑁂 𑀆𑀭𑀩𑁆𑀪 𑀳𑁂𑀢𑀽 𑀘 𑀲𑀫𑁆𑀧𑀬𑀼𑀢𑁆𑀢𑀓𑀸 𑀘 𑀔𑀦𑁆𑀥𑀸 𑀉𑀧𑁆𑀧𑀚𑁆𑀚𑀦𑁆𑀢𑀺. (𑁩)

𑀅𑀥𑀺𑀧𑀢𑀺𑀧𑀘𑁆𑀘𑀬𑁄

𑁧𑁩𑁯. 𑀳𑁂𑀢𑀼 𑀘𑁂𑀯 𑀲𑀳𑁂𑀢𑀼𑀓𑁄 𑀘 𑀥𑀫𑁆𑀫𑁄 𑀳𑁂𑀢𑀼𑀲𑁆𑀲 𑀘𑁂𑀯 𑀲𑀳𑁂𑀢𑀼𑀓𑀲𑁆𑀲 𑀘 𑀥𑀫𑁆𑀫𑀲𑁆𑀲 𑀅𑀥𑀺𑀧𑀢𑀺𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄 𑁋 𑀆𑀭𑀫𑁆𑀫𑀡𑀸𑀥𑀺𑀧𑀢𑀺, 𑀲𑀳𑀚𑀸𑀢𑀸𑀥𑀺𑀧𑀢𑀺. 𑀆𑀭𑀫𑁆𑀫𑀡𑀸𑀥𑀺𑀧𑀢𑀺 𑁋 𑀳𑁂𑀢𑀼𑀁 𑀕𑀭𑀼𑀁 𑀓𑀢𑁆𑀯𑀸 𑀳𑁂𑀢𑀽 𑀉𑀧𑁆𑀧𑀚𑁆𑀚𑀦𑁆𑀢𑀺. 𑀲𑀳𑀚𑀸𑀢𑀸𑀥𑀺𑀧𑀢𑀺 𑁋 𑀳𑁂𑀢𑀼 𑀘𑁂𑀯 𑀲𑀳𑁂𑀢𑀼𑀓𑀸𑀥𑀺𑀧𑀢𑀺 𑀲𑀫𑁆𑀧𑀬𑀼𑀢𑁆𑀢𑀓𑀸𑀦𑀁 𑀳𑁂𑀢𑀽𑀦𑀁 𑀅𑀥𑀺𑀧𑀢𑀺𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄. (𑁧)

𑀳𑁂𑀢𑀼 𑀘𑁂𑀯 𑀲𑀳𑁂𑀢𑀼𑀓𑁄 𑀘 𑀥𑀫𑁆𑀫𑁄 𑀲𑀳𑁂𑀢𑀼𑀓𑀲𑁆𑀲 𑀘𑁂𑀯 𑀦 𑀘 𑀳𑁂𑀢𑀼𑀲𑁆𑀲 𑀥𑀫𑁆𑀫𑀲𑁆𑀲 𑀅𑀥𑀺𑀧𑀢𑀺𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄 𑁋 𑀆𑀭𑀫𑁆𑀫𑀡𑀸𑀥𑀺𑀧𑀢𑀺, 𑀲𑀳𑀚𑀸𑀢𑀸𑀥𑀺𑀧𑀢𑀺. 𑀆𑀭𑀫𑁆𑀫𑀡𑀸𑀥𑀺𑀧𑀢𑀺 𑁋 𑀳𑁂𑀢𑀼𑀁 𑀕𑀭𑀼𑀁 𑀓𑀢𑁆𑀯𑀸 𑀲𑀳𑁂𑀢𑀼𑀓𑀸 𑀘𑁂𑀯 𑀦 𑀘 𑀳𑁂𑀢𑀽 𑀔𑀦𑁆𑀥𑀸 𑀉𑀧𑁆𑀧𑀚𑁆𑀚𑀦𑁆𑀢𑀺. 𑀲𑀳𑀚𑀸𑀢𑀸𑀥𑀺𑀧𑀢𑀺 𑁋 𑀳𑁂𑀢𑀼 𑀘𑁂𑀯 𑀲𑀳𑁂𑀢𑀼𑀓𑀸𑀥𑀺𑀧𑀢𑀺 𑀲𑀫𑁆𑀧𑀬𑀼𑀢𑁆𑀢𑀓𑀸𑀦𑀁 𑀔𑀦𑁆𑀥𑀸𑀦𑀁 𑀅𑀥𑀺𑀧𑀢𑀺𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄. (𑁨)

𑀳𑁂𑀢𑀼 𑀘𑁂𑀯 𑀲𑀳𑁂𑀢𑀼𑀓𑁄 𑀘 𑀥𑀫𑁆𑀫𑁄 𑀳𑁂𑀢𑀼𑀲𑁆𑀲 𑀘𑁂𑀯 𑀲𑀳𑁂𑀢𑀼𑀓𑀲𑁆𑀲 𑀘 𑀲𑀳𑁂𑀢𑀼𑀓𑀲𑁆𑀲 𑀘𑁂𑀯 𑀦 𑀘 𑀳𑁂𑀢𑀼𑀲𑁆𑀲 𑀘 𑀥𑀫𑁆𑀫𑀲𑁆𑀲 𑀅𑀥𑀺𑀧𑀢𑀺𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄 𑁋 𑀆𑀭𑀫𑁆𑀫𑀡𑀸𑀥𑀺𑀧𑀢𑀺, 𑀲𑀳𑀚𑀸𑀢𑀸𑀥𑀺𑀧𑀢𑀺. 𑀆𑀭𑀫𑁆𑀫𑀡𑀸𑀥𑀺𑀧𑀢𑀺 𑁋 𑀳𑁂𑀢𑀼𑀁 𑀕𑀭𑀼𑀁 𑀓𑀢𑁆𑀯𑀸 𑀳𑁂𑀢𑀽 𑀘 𑀲𑀫𑁆𑀧𑀬𑀼𑀢𑁆𑀢𑀓𑀸 𑀘 𑀔𑀦𑁆𑀥𑀸 𑀉𑀧𑁆𑀧𑀚𑁆𑀚𑀦𑁆𑀢𑀺. 𑀲𑀳𑀚𑀸𑀢𑀸𑀥𑀺𑀧𑀢𑀺 𑁋 𑀳𑁂𑀢𑀼 𑀘𑁂𑀯 𑀲𑀳𑁂𑀢𑀼𑀓𑀸𑀥𑀺𑀧𑀢𑀺 𑀲𑀫𑁆𑀧𑀬𑀼𑀢𑁆𑀢𑀓𑀸𑀦𑀁 𑀔𑀦𑁆𑀥𑀸𑀦𑀁 𑀳𑁂𑀢𑀽𑀦𑀜𑁆𑀘 𑀅𑀥𑀺𑀧𑀢𑀺𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄. (𑁩)

𑁧𑁪𑁦. 𑀲𑀳𑁂𑀢𑀼𑀓𑁄 𑀘𑁂𑀯 𑀦 𑀘 𑀳𑁂𑀢𑀼 𑀥𑀫𑁆𑀫𑁄 𑀲𑀳𑁂𑀢𑀼𑀓𑀲𑁆𑀲 𑀘𑁂𑀯 𑀦 𑀘 𑀳𑁂𑀢𑀼𑀲𑁆𑀲 𑀥𑀫𑁆𑀫𑀲𑁆𑀲 𑀅𑀥𑀺𑀧𑀢𑀺𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄 𑁋 𑀆𑀭𑀫𑁆𑀫𑀡𑀸𑀥𑀺𑀧𑀢𑀺, 𑀲𑀳𑀚𑀸𑀢𑀸𑀥𑀺𑀧𑀢𑀺. 𑀆𑀭𑀫𑁆𑀫𑀡𑀸𑀥𑀺𑀧𑀢𑀺 𑁋 𑀤𑀸𑀦𑀁 𑀤𑀢𑁆𑀯𑀸 𑀲𑀻𑀮𑀁…𑀧𑁂… 𑀉𑀧𑁄𑀲𑀣𑀓𑀫𑁆𑀫𑀁 𑀓𑀢𑁆𑀯𑀸 𑀢𑀁 𑀕𑀭𑀼𑀁 𑀓𑀢𑁆𑀯𑀸 𑀧𑀘𑁆𑀘𑀯𑁂𑀓𑁆𑀔𑀢𑀺, 𑀧𑀼𑀩𑁆𑀩𑁂 𑀲𑀼𑀘𑀺𑀡𑁆𑀡𑀸𑀦𑀺…𑀧𑁂… 𑀛𑀸𑀦𑀸 𑀯𑀼𑀝𑁆𑀞𑀳𑀺𑀢𑁆𑀯𑀸 𑀛𑀸𑀦𑀁 𑀕𑀭𑀼𑀁 𑀓𑀢𑁆𑀯𑀸 𑀧𑀘𑁆𑀘𑀯𑁂𑀓𑁆𑀔𑀢𑀺, 𑀅𑀭𑀺𑀬𑀸 𑀫𑀕𑁆𑀕𑀸 𑀯𑀼𑀝𑁆𑀞𑀳𑀺𑀢𑁆𑀯𑀸 𑀫𑀕𑁆𑀕𑀁 𑀕𑀭𑀼𑀁 𑀓𑀢𑁆𑀯𑀸 𑀧𑀘𑁆𑀘𑀯𑁂𑀓𑁆𑀔𑀦𑁆𑀢𑀺, 𑀨𑀮𑀁 𑀕𑀭𑀼𑀁 𑀓𑀢𑁆𑀯𑀸 𑀧𑀘𑁆𑀘𑀯𑁂𑀓𑁆𑀔𑀦𑁆𑀢𑀺, 𑀲𑀳𑁂𑀢𑀼𑀓𑁂 𑀘𑁂𑀯 𑀦 𑀘 𑀳𑁂𑀢𑀽 𑀔𑀦𑁆𑀥𑁂 𑀕𑀭𑀼𑀁 𑀓𑀢𑁆𑀯𑀸 𑀅𑀲𑁆𑀲𑀸𑀤𑁂𑀢𑀺 𑀅𑀪𑀺𑀦𑀦𑁆𑀤𑀢𑀺; 𑀢𑀁 𑀕𑀭𑀼𑀁 𑀓𑀢𑁆𑀯𑀸 𑀭𑀸𑀕𑁄 𑀉𑀧𑁆𑀧𑀚𑁆𑀚𑀢𑀺, 𑀤𑀺𑀝𑁆𑀞𑀺 𑀉𑀧𑁆𑀧𑀚𑁆𑀚𑀢𑀺. 𑀲𑀳𑀚𑀸𑀢𑀸𑀥𑀺𑀧𑀢𑀺 𑁋 𑀲𑀳𑁂𑀢𑀼𑀓𑁄 𑀘𑁂𑀯 𑀦 𑀘 𑀳𑁂𑀢𑀼 𑀅𑀥𑀺𑀧𑀢𑀺 𑀲𑀫𑁆𑀧𑀬𑀼𑀢𑁆𑀢𑀓𑀸𑀦𑀁 𑀔𑀦𑁆𑀥𑀸𑀦𑀁 𑀅𑀥𑀺𑀧𑀢𑀺𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄. (𑁧)

𑀲𑀳𑁂𑀢𑀼𑀓𑁄 𑀘𑁂𑀯 𑀦 𑀘 𑀳𑁂𑀢𑀼 𑀥𑀫𑁆𑀫𑁄 𑀳𑁂𑀢𑀼𑀲𑁆𑀲 𑀘𑁂𑀯 𑀲𑀳𑁂𑀢𑀼𑀓𑀲𑁆𑀲 𑀘 𑀥𑀫𑁆𑀫𑀲𑁆𑀲 𑀅𑀥𑀺𑀧𑀢𑀺𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄 𑁋 𑀆𑀭𑀫𑁆𑀫𑀡𑀸𑀥𑀺𑀧𑀢𑀺, 𑀲𑀳𑀚𑀸𑀢𑀸𑀥𑀺𑀧𑀢𑀺. 𑀆𑀭𑀫𑁆𑀫𑀡𑀸𑀥𑀺𑀧𑀢𑀺 𑁋 𑀤𑀸𑀦𑀁 𑀤𑀢𑁆𑀯𑀸… (𑀧𑀞𑀫𑀕𑀫𑀦𑀁𑀬𑁂𑀯). 𑀲𑀳𑀚𑀸𑀢𑀸𑀥𑀺𑀧𑀢𑀺 𑁋 𑀲𑀳𑁂𑀢𑀼𑀓𑁄 𑀘𑁂𑀯 𑀦 𑀘 𑀳𑁂𑀢𑀼 𑀅𑀥𑀺𑀧𑀢𑀺 𑀲𑀫𑁆𑀧𑀬𑀼𑀢𑁆𑀢𑀓𑀸𑀦𑀁 𑀳𑁂𑀢𑀽𑀦𑀁 𑀅𑀥𑀺𑀧𑀢𑀺𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄. (𑁨)

𑀲𑀳𑁂𑀢𑀼𑀓𑁄 𑀘𑁂𑀯 𑀦 𑀘 𑀳𑁂𑀢𑀼 𑀥𑀫𑁆𑀫𑁄 𑀳𑁂𑀢𑀼𑀲𑁆𑀲 𑀘𑁂𑀯 𑀲𑀳𑁂𑀢𑀼𑀓𑀲𑁆𑀲 𑀘 𑀲𑀳𑁂𑀢𑀼𑀓𑀲𑁆𑀲 𑀘𑁂𑀯 𑀦 𑀘 𑀳𑁂𑀢𑀼𑀲𑁆𑀲 𑀘 𑀥𑀫𑁆𑀫𑀲𑁆𑀲 𑀅𑀥𑀺𑀧𑀢𑀺𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄 𑁋 𑀆𑀭𑀫𑁆𑀫𑀡𑀸𑀥𑀺𑀧𑀢𑀺, 𑀲𑀳𑀚𑀸𑀢𑀸𑀥𑀺𑀧𑀢𑀺. 𑀆𑀭𑀫𑁆𑀫𑀡𑀸𑀥𑀺𑀧𑀢𑀺 𑁋 𑀤𑀸𑀦𑀁 𑀤𑀢𑁆𑀯𑀸… (𑀧𑀞𑀫𑀕𑀫𑀦𑀁𑀬𑁂𑀯). 𑀲𑀳𑀚𑀸𑀢𑀸𑀥𑀺𑀧𑀢𑀺 𑁋 𑀲𑀳𑁂𑀢𑀼𑀓𑁄 𑀘𑁂𑀯 𑀦 𑀘 𑀳𑁂𑀢𑀼 𑀅𑀥𑀺𑀧𑀢𑀺 𑀲𑀫𑁆𑀧𑀬𑀼𑀢𑁆𑀢𑀓𑀸𑀦𑀁 𑀔𑀦𑁆𑀥𑀸𑀦𑀁 𑀳𑁂𑀢𑀽𑀦𑀜𑁆𑀘 𑀅𑀥𑀺𑀧𑀢𑀺𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄. (𑁩)

𑁧𑁪𑁧. 𑀳𑁂𑀢𑀼 𑀘𑁂𑀯 𑀲𑀳𑁂𑀢𑀼𑀓𑁄 𑀘 𑀲𑀳𑁂𑀢𑀼𑀓𑁄 𑀘𑁂𑀯 𑀦 𑀘 𑀳𑁂𑀢𑀼 𑀘 𑀥𑀫𑁆𑀫𑀸 𑀳𑁂𑀢𑀼𑀲𑁆𑀲 𑀘𑁂𑀯 𑀲𑀳𑁂𑀢𑀼𑀓𑀲𑁆𑀲 𑀘 𑀥𑀫𑁆𑀫𑀲𑁆𑀲 𑀅𑀥𑀺𑀧𑀢𑀺𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄. 𑀆𑀭𑀫𑁆𑀫𑀡𑀸𑀥𑀺𑀧𑀢𑀺 𑁋 𑀳𑁂𑀢𑀽 𑀘 𑀲𑀫𑁆𑀧𑀬𑀼𑀢𑁆𑀢𑀓𑁂 𑀘 𑀔𑀦𑁆𑀥𑁂 𑀕𑀭𑀼𑀁 𑀓𑀢𑁆𑀯𑀸 𑀳𑁂𑀢𑀽 𑀉𑀧𑁆𑀧𑀚𑁆𑀚𑀦𑁆𑀢𑀺. (𑁧)

𑀳𑁂𑀢𑀼 𑀘𑁂𑀯 𑀲𑀳𑁂𑀢𑀼𑀓𑁄 𑀘 𑀲𑀳𑁂𑀢𑀼𑀓𑁄 𑀘𑁂𑀯 𑀦 𑀘 𑀳𑁂𑀢𑀼 𑀘 𑀥𑀫𑁆𑀫𑀸 𑀲𑀳𑁂𑀢𑀼𑀓𑀲𑁆𑀲 𑀘𑁂𑀯 𑀦 𑀘 𑀳𑁂𑀢𑀼𑀲𑁆𑀲 𑀥𑀫𑁆𑀫𑀲𑁆𑀲 𑀅𑀥𑀺𑀧𑀢𑀺𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄. 𑀆𑀭𑀫𑁆𑀫𑀡𑀸𑀥𑀺𑀧𑀢𑀺 𑁋 𑀳𑁂𑀢𑀼𑀜𑁆𑀘 𑀲𑀫𑁆𑀧𑀬𑀼𑀢𑁆𑀢𑀓𑁂 𑀘 𑀔𑀦𑁆𑀥𑁂 𑀕𑀭𑀼𑀁 𑀓𑀢𑁆𑀯𑀸 𑀲𑀳𑁂𑀢𑀼𑀓𑀸 𑀘𑁂𑀯 𑀦 𑀘 𑀳𑁂𑀢𑀽 𑀔𑀦𑁆𑀥𑀸 𑀉𑀧𑁆𑀧𑀚𑁆𑀚𑀦𑁆𑀢𑀺. (𑁨)

𑀳𑁂𑀢𑀼 𑀘𑁂𑀯 𑀲𑀳𑁂𑀢𑀼𑀓𑁄 𑀘 𑀲𑀳𑁂𑀢𑀼𑀓𑁄 𑀘𑁂𑀯 𑀦 𑀘 𑀳𑁂𑀢𑀼 𑀘 𑀥𑀫𑁆𑀫𑀸 𑀳𑁂𑀢𑀼𑀲𑁆𑀲 𑀘𑁂𑀯 𑀲𑀳𑁂𑀢𑀼𑀓𑀲𑁆𑀲 𑀘 𑀲𑀳𑁂𑀢𑀼𑀓𑀲𑁆𑀲 𑀘𑁂𑀯 𑀦 𑀘 𑀳𑁂𑀢𑀼𑀲𑁆𑀲 𑀘 𑀥𑀫𑁆𑀫𑀲𑁆𑀲 𑀅𑀥𑀺𑀧𑀢𑀺𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄. 𑀆𑀭𑀫𑁆𑀫𑀡𑀸𑀥𑀺𑀧𑀢𑀺 𑁋 𑀳𑁂𑀢𑀼𑀜𑁆𑀘 𑀲𑀫𑁆𑀧𑀬𑀼𑀢𑁆𑀢𑀓𑁂 𑀘 𑀔𑀦𑁆𑀥𑁂 𑀕𑀭𑀼𑀁 𑀓𑀢𑁆𑀯𑀸 𑀳𑁂𑀢𑀽 𑀘 𑀲𑀫𑁆𑀧𑀬𑀼𑀢𑁆𑀢𑀓𑀸 𑀘 𑀔𑀦𑁆𑀥𑀸 𑀉𑀧𑁆𑀧𑀚𑁆𑀚𑀦𑁆𑀢𑀺. (𑁩)

𑀅𑀦𑀦𑁆𑀢𑀭𑀧𑀘𑁆𑀘𑀬𑁄

𑁧𑁪𑁨. 𑀳𑁂𑀢𑀼 𑀘𑁂𑀯 𑀲𑀳𑁂𑀢𑀼𑀓𑁄 𑀘 𑀥𑀫𑁆𑀫𑁄 𑀳𑁂𑀢𑀼𑀲𑁆𑀲 𑀘𑁂𑀯 𑀲𑀳𑁂𑀢𑀼𑀓𑀲𑁆𑀲 𑀘 𑀥𑀫𑁆𑀫𑀲𑁆𑀲 𑀅𑀦𑀦𑁆𑀢𑀭𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄 𑁋 𑀧𑀼𑀭𑀺𑀫𑀸 𑀧𑀼𑀭𑀺𑀫𑀸 𑀳𑁂𑀢𑀽 𑀧𑀘𑁆𑀙𑀺𑀫𑀸𑀦𑀁 𑀧𑀘𑁆𑀙𑀺𑀫𑀸𑀦𑀁 𑀳𑁂𑀢𑀽𑀦𑀁 𑀅𑀦𑀦𑁆𑀢𑀭𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄. (𑁧)

𑀳𑁂𑀢𑀼 𑀘𑁂𑀯 𑀲𑀳𑁂𑀢𑀼𑀓𑁄 𑀘 𑀥𑀫𑁆𑀫𑁄 𑀲𑀳𑁂𑀢𑀼𑀓𑀲𑁆𑀲 𑀘𑁂𑀯 𑀦 𑀘 𑀳𑁂𑀢𑀼𑀲𑁆𑀲 𑀥𑀫𑁆𑀫𑀲𑁆𑀲 𑀅𑀦𑀦𑁆𑀢𑀭𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄 𑁋 𑀧𑀼𑀭𑀺𑀫𑀸 𑀧𑀼𑀭𑀺𑀫𑀸 𑀳𑁂𑀢𑀽 𑀧𑀘𑁆𑀙𑀺𑀫𑀸𑀦𑀁 𑀧𑀘𑁆𑀙𑀺𑀫𑀸𑀦𑀁 𑀲𑀳𑁂𑀢𑀼𑀓𑀸𑀦𑀜𑁆𑀘𑁂𑀯 𑀦 𑀘 𑀳𑁂𑀢𑀽𑀦𑀁 𑀔𑀦𑁆𑀥𑀸𑀦𑀁 𑀅𑀦𑀦𑁆𑀢𑀭𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄. (𑁨)

𑀳𑁂𑀢𑀼 𑀘𑁂𑀯 𑀲𑀳𑁂𑀢𑀼𑀓𑁄 𑀘 𑀥𑀫𑁆𑀫𑁄 𑀳𑁂𑀢𑀼𑀲𑁆𑀲 𑀘𑁂𑀯 𑀲𑀳𑁂𑀢𑀼𑀓𑀲𑁆𑀲 𑀘 𑀲𑀳𑁂𑀢𑀼𑀓𑀲𑁆𑀲 𑀘𑁂𑀯 𑀦 𑀘 𑀳𑁂𑀢𑀼𑀲𑁆𑀲 𑀘 𑀥𑀫𑁆𑀫𑀲𑁆𑀲 𑀅𑀦𑀦𑁆𑀢𑀭𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄 𑁋 𑀧𑀼𑀭𑀺𑀫𑀸 𑀧𑀼𑀭𑀺𑀫𑀸 𑀳𑁂𑀢𑀽 𑀧𑀘𑁆𑀙𑀺𑀫𑀸𑀦𑀁 𑀧𑀘𑁆𑀙𑀺𑀫𑀸𑀦𑀁 𑀳𑁂𑀢𑀽𑀦𑀁 𑀲𑀫𑁆𑀧𑀬𑀼𑀢𑁆𑀢𑀓𑀸𑀦𑀜𑁆𑀘 𑀔𑀦𑁆𑀥𑀸𑀦𑀁 𑀅𑀦𑀦𑁆𑀢𑀭𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄. (𑁩)

𑁧𑁪𑁩. 𑀲𑀳𑁂𑀢𑀼𑀓𑁄 𑀘𑁂𑀯 𑀦 𑀘 𑀳𑁂𑀢𑀼 𑀥𑀫𑁆𑀫𑁄 𑀲𑀳𑁂𑀢𑀼𑀓𑀲𑁆𑀲 𑀘𑁂𑀯 𑀦 𑀘 𑀳𑁂𑀢𑀼𑀲𑁆𑀲 𑀥𑀫𑁆𑀫𑀲𑁆𑀲 𑀅𑀦𑀦𑁆𑀢𑀭𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄 𑁋 𑀧𑀼𑀭𑀺𑀫𑀸 𑀧𑀼𑀭𑀺𑀫𑀸 𑀲𑀳𑁂𑀢𑀼𑀓𑀸 𑀘𑁂𑀯 𑀦 𑀘 𑀳𑁂𑀢𑀽 𑀔𑀦𑁆𑀥𑀸 𑀧𑀘𑁆𑀙𑀺𑀫𑀸𑀦𑀁 𑀧𑀘𑁆𑀙𑀺𑀫𑀸𑀦𑀁 𑀲𑀳𑁂𑀢𑀼𑀓𑀸𑀦𑀜𑁆𑀘𑁂𑀯 𑀦 𑀘 𑀳𑁂𑀢𑀽𑀦𑀁 𑀔𑀦𑁆𑀥𑀸𑀦𑀁 𑀅𑀦𑀦𑁆𑀢𑀭𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄; 𑀅𑀦𑀼𑀮𑁄𑀫𑀁 𑀕𑁄𑀢𑁆𑀭𑀪𑀼𑀲𑁆𑀲… 𑀅𑀦𑀼𑀮𑁄𑀫𑀁 𑀯𑁄𑀤𑀸𑀦𑀲𑁆𑀲…𑀧𑁂… 𑀦𑀺𑀭𑁄𑀥𑀸 𑀯𑀼𑀝𑁆𑀞𑀳𑀦𑁆𑀢𑀲𑁆𑀲, 𑀦𑁂𑀯𑀲𑀜𑁆𑀜𑀸𑀦𑀸𑀲𑀜𑁆𑀜𑀸𑀬𑀢𑀦𑀁 𑀨𑀮𑀲𑀫𑀸𑀧𑀢𑁆𑀢𑀺𑀬𑀸 𑀅𑀦𑀦𑁆𑀢𑀭𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄. (𑁧)

𑀲𑀳𑁂𑀢𑀼𑀓𑁄 𑀘𑁂𑀯 𑀦 𑀘 𑀳𑁂𑀢𑀼 𑀥𑀫𑁆𑀫𑁄 𑀳𑁂𑀢𑀼𑀲𑁆𑀲 𑀘𑁂𑀯 𑀲𑀳𑁂𑀢𑀼𑀓𑀲𑁆𑀲 𑀘 𑀥𑀫𑁆𑀫𑀲𑁆𑀲 𑀅𑀦𑀦𑁆𑀢𑀭𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄 𑁋 𑀧𑀼𑀭𑀺𑀫𑀸 𑀧𑀼𑀭𑀺𑀫𑀸 𑀲𑀳𑁂𑀢𑀼𑀓𑀸 𑀘𑁂𑀯 𑀦 𑀘 𑀳𑁂𑀢𑀽 𑀔𑀦𑁆𑀥𑀸 𑀧𑀘𑁆𑀙𑀺𑀫𑀸𑀦𑀁 𑀧𑀘𑁆𑀙𑀺𑀫𑀸𑀦𑀁 𑀳𑁂𑀢𑀽𑀦𑀁 𑀅𑀦𑀦𑁆𑀢𑀭𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄; 𑀅𑀦𑀼𑀮𑁄𑀫𑀁 𑀕𑁄𑀢𑁆𑀭𑀪𑀼𑀲𑁆𑀲… (𑀲𑀁𑀔𑀺𑀢𑁆𑀢𑀁). (𑁨)

𑀲𑀳𑁂𑀢𑀼𑀓𑁄 𑀘𑁂𑀯 𑀦 𑀘 𑀳𑁂𑀢𑀼 𑀥𑀫𑁆𑀫𑁄 𑀳𑁂𑀢𑀼𑀲𑁆𑀲 𑀘𑁂𑀯 𑀲𑀳𑁂𑀢𑀼𑀓𑀲𑁆𑀲 𑀘 𑀲𑀳𑁂𑀢𑀼𑀓𑀲𑁆𑀲 𑀘𑁂𑀯 𑀦 𑀘 𑀳𑁂𑀢𑀼𑀲𑁆𑀲 𑀘 𑀥𑀫𑁆𑀫𑀲𑁆𑀲 𑀅𑀦𑀦𑁆𑀢𑀭𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄 𑁋 𑀧𑀼𑀭𑀺𑀫𑀸 𑀧𑀼𑀭𑀺𑀫𑀸 𑀲𑀳𑁂𑀢𑀼𑀓𑀸 𑀘𑁂𑀯 𑀦 𑀘 𑀳𑁂𑀢𑀽 𑀔𑀦𑁆𑀥𑀸 𑀧𑀘𑁆𑀙𑀺𑀫𑀸𑀦𑀁 𑀧𑀘𑁆𑀙𑀺𑀫𑀸𑀦𑀁 𑀳𑁂𑀢𑀽𑀦𑀁 𑀲𑀫𑁆𑀧𑀬𑀼𑀢𑁆𑀢𑀓𑀸𑀦𑀜𑁆𑀘 𑀔𑀦𑁆𑀥𑀸𑀦𑀁 𑀅𑀦𑀦𑁆𑀢𑀭𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄; 𑀅𑀦𑀼𑀮𑁄𑀫𑀁 𑀕𑁄𑀢𑁆𑀭𑀪𑀼𑀲𑁆𑀲…𑀧𑁂…. (𑁩)

(𑀲𑀳𑁂𑀢𑀼𑀓𑁄 𑀘𑁂𑀯 𑀦 𑀘 𑀳𑁂𑀢𑀼𑀫𑀽𑀮𑀓𑀁 𑀢𑀻𑀡𑀺𑀧𑀺 𑀏𑀓𑀲𑀤𑀺𑀲𑀸.)

𑁧𑁪𑁪. 𑀳𑁂𑀢𑀼 𑀘𑁂𑀯 𑀲𑀳𑁂𑀢𑀼𑀓𑁄 𑀘 𑀲𑀳𑁂𑀢𑀼𑀓𑁄 𑀘𑁂𑀯 𑀦 𑀘 𑀳𑁂𑀢𑀼 𑀘 𑀥𑀫𑁆𑀫𑀸 𑀳𑁂𑀢𑀼𑀲𑁆𑀲 𑀘𑁂𑀯 𑀲𑀳𑁂𑀢𑀼𑀓𑀲𑁆𑀲 𑀘 𑀥𑀫𑁆𑀫𑀲𑁆𑀲 𑀅𑀦𑀦𑁆𑀢𑀭𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄 𑁋 𑀧𑀼𑀭𑀺𑀫𑀸 𑀧𑀼𑀭𑀺𑀫𑀸 𑀳𑁂𑀢𑀽 𑀘 𑀲𑀫𑁆𑀧𑀬𑀼𑀢𑁆𑀢𑀓𑀸 𑀘 𑀔𑀦𑁆𑀥𑀸 𑀧𑀘𑁆𑀙𑀺𑀫𑀸𑀦𑀁 𑀧𑀘𑁆𑀙𑀺𑀫𑀸𑀦𑀁 𑀳𑁂𑀢𑀽𑀦𑀁 𑀅𑀦𑀦𑁆𑀢𑀭𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄. (𑁧)

𑀳𑁂𑀢𑀼 𑀘𑁂𑀯 𑀲𑀳𑁂𑀢𑀼𑀓𑁄 𑀘 𑀲𑀳𑁂𑀢𑀼𑀓𑁄 𑀘𑁂𑀯 𑀦 𑀘 𑀳𑁂𑀢𑀼 𑀘 𑀥𑀫𑁆𑀫𑀸 𑀲𑀳𑁂𑀢𑀼𑀓𑀲𑁆𑀲 𑀘𑁂𑀯 𑀦 𑀘 𑀳𑁂𑀢𑀼𑀲𑁆𑀲 𑀥𑀫𑁆𑀫𑀲𑁆𑀲 𑀅𑀦𑀦𑁆𑀢𑀭𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄 𑁋 𑀧𑀼𑀭𑀺𑀫𑀸 𑀧𑀼𑀭𑀺𑀫𑀸 𑀳𑁂𑀢𑀽 𑀘 𑀲𑀫𑁆𑀧𑀬𑀼𑀢𑁆𑀢𑀓𑀸 𑀘 𑀔𑀦𑁆𑀥𑀸 𑀧𑀘𑁆𑀙𑀺𑀫𑀸𑀦𑀁 𑀧𑀘𑁆𑀙𑀺𑀫𑀸𑀦𑀁 𑀲𑀳𑁂𑀢𑀼𑀓𑀸𑀦𑀜𑁆𑀘𑁂𑀯 𑀦 𑀘 𑀳𑁂𑀢𑀽𑀦𑀁 𑀔𑀦𑁆𑀥𑀸𑀦𑀁 𑀅𑀦𑀦𑁆𑀢𑀭𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄.(𑁨)

𑀳𑁂𑀢𑀼 𑀘𑁂𑀯 𑀲𑀳𑁂𑀢𑀼𑀓𑁄 𑀘 𑀲𑀳𑁂𑀢𑀼𑀓𑁄 𑀘𑁂𑀯 𑀦 𑀘 𑀳𑁂𑀢𑀼 𑀘 𑀥𑀫𑁆𑀫𑀸 𑀳𑁂𑀢𑀼𑀲𑁆𑀲 𑀘𑁂𑀯 𑀲𑀳𑁂𑀢𑀼𑀓𑀲𑁆𑀲 𑀘 𑀲𑀳𑁂𑀢𑀼𑀓𑀲𑁆𑀲 𑀘𑁂𑀯 𑀦 𑀘 𑀳𑁂𑀢𑀼𑀲𑁆𑀲 𑀘 𑀥𑀫𑁆𑀫𑀲𑁆𑀲 𑀅𑀦𑀦𑁆𑀢𑀭𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄 𑁋 𑀧𑀼𑀭𑀺𑀫𑀸 𑀧𑀼𑀭𑀺𑀫𑀸 𑀳𑁂𑀢𑀽 𑀘 𑀲𑀫𑁆𑀧𑀬𑀼𑀢𑁆𑀢𑀓𑀸 𑀘 𑀔𑀦𑁆𑀥𑀸 𑀧𑀘𑁆𑀙𑀺𑀫𑀸𑀦𑀁 𑀧𑀘𑁆𑀙𑀺𑀫𑀸𑀦𑀁 𑀳𑁂𑀢𑀽𑀦𑀁 𑀲𑀫𑁆𑀧𑀬𑀼𑀢𑁆𑀢𑀓𑀸𑀦𑀜𑁆𑀘 𑀔𑀦𑁆𑀥𑀸𑀦𑀁 𑀅𑀦𑀦𑁆𑀢𑀭𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄. (𑁩)

𑀲𑀳𑀚𑀸𑀢𑀧𑀘𑁆𑀘𑀬𑀸𑀤𑀺

𑁧𑁪𑁫. 𑀳𑁂𑀢𑀼 𑀘𑁂𑀯 𑀲𑀳𑁂𑀢𑀼𑀓𑁄 𑀘 𑀥𑀫𑁆𑀫𑁄 𑀳𑁂𑀢𑀼𑀲𑁆𑀲 𑀘𑁂𑀯 𑀲𑀳𑁂𑀢𑀼𑀓𑀲𑁆𑀲 𑀘 𑀥𑀫𑁆𑀫𑀲𑁆𑀲 𑀲𑀳𑀚𑀸𑀢𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄… 𑀅𑀜𑁆𑀜𑀫𑀜𑁆𑀜𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄… 𑀦𑀺𑀲𑁆𑀲𑀬𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄 (𑀢𑀻𑀡𑀺𑀧𑀺 𑀧𑀘𑁆𑀘𑀬𑀸 𑀧𑀝𑀺𑀘𑁆𑀘𑀯𑀸𑀭𑁂 𑀳𑁂𑀢𑀼𑀲𑀤𑀺𑀲𑀸).

𑀉𑀧𑀦𑀺𑀲𑁆𑀲𑀬𑀧𑀘𑁆𑀘𑀬𑁄

𑁧𑁪𑁬. 𑀳𑁂𑀢𑀼 𑀘𑁂𑀯 𑀲𑀳𑁂𑀢𑀼𑀓𑁄 𑀘 𑀥𑀫𑁆𑀫𑁄 𑀳𑁂𑀢𑀼𑀲𑁆𑀲 𑀘𑁂𑀯 𑀲𑀳𑁂𑀢𑀼𑀓𑀲𑁆𑀲 𑀘 𑀥𑀫𑁆𑀫𑀲𑁆𑀲 𑀉𑀧𑀦𑀺𑀲𑁆𑀲𑀬𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄 𑁋 𑀆𑀭𑀫𑁆𑀫𑀡𑀽𑀧𑀦𑀺𑀲𑁆𑀲𑀬𑁄, 𑀅𑀦𑀦𑁆𑀢𑀭𑀽𑀧𑀦𑀺𑀲𑁆𑀲𑀬𑁄, 𑀧𑀓𑀢𑀽𑀧𑀦𑀺𑀲𑁆𑀲𑀬𑁄…𑀧𑁂…. 𑀧𑀓𑀢𑀽𑀧𑀦𑀺𑀲𑁆𑀲𑀬𑁄 𑁋 𑀳𑁂𑀢𑀽 𑀳𑁂𑀢𑀽𑀦𑀁 𑀉𑀧𑀦𑀺𑀲𑁆𑀲𑀬𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄. (𑀫𑀽𑀮𑀁 𑀓𑀸𑀢𑀩𑁆𑀩𑀁) 𑀳𑁂𑀢𑀽 𑀲𑀳𑁂𑀢𑀼𑀓𑀸𑀦𑀜𑁆𑀘𑁂𑀯 𑀦 𑀘 𑀳𑁂𑀢𑀽𑀦𑀁 𑀔𑀦𑁆𑀥𑀸𑀦𑀁 𑀉𑀧𑀦𑀺𑀲𑁆𑀲𑀬𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄. (𑀫𑀽𑀮𑀁 𑀓𑀸𑀢𑀩𑁆𑀩𑀁) 𑀳𑁂𑀢𑀽 𑀳𑁂𑀢𑀽𑀦𑀁 𑀲𑀫𑁆𑀧𑀬𑀼𑀢𑁆𑀢𑀓𑀸𑀦𑀜𑁆𑀘 𑀔𑀦𑁆𑀥𑀸𑀦𑀁 𑀉𑀧𑀦𑀺𑀲𑁆𑀲𑀬𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄 (𑀇𑀫𑁂𑀲𑀁 𑀤𑁆𑀯𑀺𑀦𑁆𑀦𑀫𑁆𑀧𑀺 𑀧𑀜𑁆𑀳𑀸𑀦𑀁 𑀫𑀽𑀮𑀸𑀦𑀺 𑀧𑀼𑀘𑁆𑀙𑀺𑀢𑀩𑁆𑀩𑀸𑀦𑀺).

𑀲𑀳𑁂𑀢𑀼𑀓𑁄 𑀘𑁂𑀯 𑀦 𑀘 𑀳𑁂𑀢𑀼 𑀥𑀫𑁆𑀫𑁄 𑀲𑀳𑁂𑀢𑀼𑀓𑀲𑁆𑀲 𑀘𑁂𑀯 𑀦 𑀘 𑀳𑁂𑀢𑀼𑀲𑁆𑀲 𑀘 𑀥𑀫𑁆𑀫𑀲𑁆𑀲 𑀉𑀧𑀦𑀺𑀲𑁆𑀲𑀬𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄 𑁋 𑀆𑀭𑀫𑁆𑀫𑀡𑀽𑀧𑀦𑀺𑀲𑁆𑀲𑀬𑁄, 𑀅𑀦𑀦𑁆𑀢𑀭𑀽𑀧𑀦𑀺𑀲𑁆𑀲𑀬𑁄, 𑀧𑀓𑀢𑀽𑀧𑀦𑀺𑀲𑁆𑀲𑀬𑁄…𑀧𑁂…. 𑀧𑀓𑀢𑀽𑀧𑀦𑀺𑀲𑁆𑀲𑀬𑁄 𑁋 𑀲𑀤𑁆𑀥𑀁 𑀉𑀧𑀦𑀺𑀲𑁆𑀲𑀸𑀬 𑀤𑀸𑀦𑀁 𑀤𑁂𑀢𑀺…𑀧𑁂… 𑀲𑀫𑀸𑀧𑀢𑁆𑀢𑀺𑀁 𑀉𑀧𑁆𑀧𑀸𑀤𑁂𑀢𑀺, 𑀫𑀸𑀦𑀁 𑀚𑀧𑁆𑀧𑁂𑀢𑀺, 𑀤𑀺𑀝𑁆𑀞𑀺𑀁 𑀕𑀡𑁆𑀳𑀸𑀢𑀺, 𑀲𑀻𑀮𑀁…𑀧𑁂… 𑀧𑀢𑁆𑀣𑀦𑀁 𑀉𑀧𑀦𑀺𑀲𑁆𑀲𑀸𑀬 𑀤𑀸𑀦𑀁 𑀤𑁂𑀢𑀺…𑀧𑁂… 𑀲𑀗𑁆𑀖𑀁 𑀪𑀺𑀦𑁆𑀤𑀢𑀺; 𑀲𑀤𑁆𑀥𑀸…𑀧𑁂… 𑀧𑀢𑁆𑀣𑀦𑀸 𑀲𑀤𑁆𑀥𑀸𑀬…𑀧𑁂… 𑀧𑀢𑁆𑀣𑀦𑀸𑀬 𑀫𑀕𑁆𑀕𑀲𑁆𑀲 𑀨𑀮𑀲𑀫𑀸𑀧𑀢𑁆𑀢𑀺𑀬𑀸 𑀉𑀧𑀦𑀺𑀲𑁆𑀲𑀬𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄. (𑁧)

(𑀲𑀳𑁂𑀢𑀼𑀓𑁄 𑀘𑁂𑀯 𑀦 𑀘 𑀳𑁂𑀢𑀼𑀫𑀽𑀮𑀓𑁂 𑀇𑀫𑀺𑀦𑀸𑀓𑀸𑀭𑁂𑀦 𑀯𑀺𑀢𑁆𑀣𑀸𑀭𑁂𑀢𑀩𑁆𑀩𑀸 𑀅𑀯𑀲𑁂𑀲𑀸 𑀤𑁆𑀯𑁂 𑀧𑀜𑁆𑀳𑀸.)

𑀳𑁂𑀢𑀼 𑀘𑁂𑀯 𑀲𑀳𑁂𑀢𑀼𑀓𑁄 𑀘 𑀲𑀳𑁂𑀢𑀼𑀓𑁄 𑀘𑁂𑀯 𑀦 𑀘 𑀳𑁂𑀢𑀼 𑀘 𑀥𑀫𑁆𑀫𑀸 𑀳𑁂𑀢𑀼𑀲𑁆𑀲 𑀘𑁂𑀯 𑀲𑀳𑁂𑀢𑀼𑀓𑀲𑁆𑀲 𑀘 𑀥𑀫𑁆𑀫𑀲𑁆𑀲 𑀉𑀧𑀦𑀺𑀲𑁆𑀲𑀬𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄 𑁋 𑀆𑀭𑀫𑁆𑀫𑀡𑀽𑀧𑀦𑀺𑀲𑁆𑀲𑀬𑁄, 𑀅𑀦𑀦𑁆𑀢𑀭𑀽𑀧𑀦𑀺𑀲𑁆𑀲𑀬𑁄, 𑀧𑀓𑀢𑀽𑀧𑀦𑀺𑀲𑁆𑀲𑀬𑁄…𑀧𑁂…. 𑀧𑀓𑀢𑀽𑀧𑀦𑀺𑀲𑁆𑀲𑀬𑁄 𑁋 𑀳𑁂𑀢𑀽 𑀘 𑀲𑀫𑁆𑀧𑀬𑀼𑀢𑁆𑀢𑀓𑀸 𑀘 𑀔𑀦𑁆𑀥𑀸 𑀳𑁂𑀢𑀽𑀦𑀁 𑀉𑀧𑀦𑀺𑀲𑁆𑀲𑀬𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄. (𑀤𑁆𑀯𑁂 𑀫𑀽𑀮𑀸𑀦𑀺 𑀧𑀼𑀘𑁆𑀙𑀺𑀢𑀩𑁆𑀩𑀸𑀦𑀺) 𑀳𑁂𑀢𑀽 𑀘 𑀲𑀫𑁆𑀧𑀬𑀼𑀢𑁆𑀢𑀓𑀸 𑀘 𑀔𑀦𑁆𑀥𑀸 𑀲𑀳𑁂𑀢𑀼𑀓𑀸𑀦𑀜𑁆𑀘𑁂𑀯 𑀦 𑀘 𑀳𑁂𑀢𑀽𑀦𑀁 𑀔𑀦𑁆𑀥𑀸𑀦𑀁 𑀉𑀧𑀦𑀺𑀲𑁆𑀲𑀬𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄. (𑀫𑀽𑀮𑀁 𑀧𑀼𑀘𑁆𑀙𑀺𑀢𑀩𑁆𑀩𑀁) 𑀳𑁂𑀢𑀽 𑀘 𑀲𑀫𑁆𑀧𑀬𑀼𑀢𑁆𑀢𑀓𑀸 𑀘 𑀔𑀦𑁆𑀥𑀸 𑀳𑁂𑀢𑀽𑀦𑀁 𑀲𑀫𑁆𑀧𑀬𑀼𑀢𑁆𑀢𑀓𑀸𑀦𑀜𑁆𑀘 𑀔𑀦𑁆𑀥𑀸𑀦𑀁 𑀉𑀧𑀦𑀺𑀲𑁆𑀲𑀬𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄. (𑁧)

𑀆𑀲𑁂𑀯𑀦𑀧𑀘𑁆𑀘𑀬𑁄

𑁧𑁪𑁭. 𑀳𑁂𑀢𑀼 𑀘𑁂𑀯 𑀲𑀳𑁂𑀢𑀼𑀓𑁄 𑀘 𑀥𑀫𑁆𑀫𑁄 𑀳𑁂𑀢𑀼𑀲𑁆𑀲 𑀘𑁂𑀯 𑀲𑀳𑁂𑀢𑀼𑀓𑀲𑁆𑀲 𑀘 𑀥𑀫𑁆𑀫𑀲𑁆𑀲 𑀆𑀲𑁂𑀯𑀦𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄 (𑀅𑀦𑀦𑁆𑀢𑀭𑀲𑀤𑀺𑀲𑀁).

𑀓𑀫𑁆𑀫𑀧𑀘𑁆𑀘𑀬𑁄

𑁧𑁪𑁮. 𑀲𑀳𑁂𑀢𑀼𑀓𑁄 𑀘𑁂𑀯 𑀦 𑀘 𑀳𑁂𑀢𑀼 𑀥𑀫𑁆𑀫𑁄 𑀲𑀳𑁂𑀢𑀼𑀓𑀲𑁆𑀲 𑀘𑁂𑀯 𑀦 𑀘 𑀳𑁂𑀢𑀼𑀲𑁆𑀲 𑀥𑀫𑁆𑀫𑀲𑁆𑀲 𑀓𑀫𑁆𑀫𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄 𑁋 𑀲𑀳𑀚𑀸𑀢𑀸, 𑀦𑀸𑀦𑀸𑀓𑁆𑀔𑀡𑀺𑀓𑀸. 𑀲𑀳𑀚𑀸𑀢𑀸 𑁋 𑀲𑀳𑁂𑀢𑀼𑀓𑀸 𑀘𑁂𑀯 𑀦 𑀘 𑀳𑁂𑀢𑀽 𑀘𑁂𑀢𑀦𑀸 𑀲𑀫𑁆𑀧𑀬𑀼𑀢𑁆𑀢𑀓𑀸𑀦𑀁 𑀔𑀦𑁆𑀥𑀸𑀦𑀁 𑀓𑀫𑁆𑀫𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄; 𑀧𑀝𑀺𑀲𑀦𑁆𑀥𑀺𑀓𑁆𑀔𑀡𑁂…𑀧𑁂…. 𑀦𑀸𑀦𑀸𑀓𑁆𑀔𑀡𑀺𑀓𑀸 𑁋 𑀲𑀳𑁂𑀢𑀼𑀓𑀸 𑀘𑁂𑀯 𑀦 𑀘 𑀳𑁂𑀢𑀽 𑀘𑁂𑀢𑀦𑀸 𑀯𑀺𑀧𑀸𑀓𑀸𑀦𑀁 𑀲𑀳𑁂𑀢𑀼𑀓𑀸𑀦𑀜𑁆𑀘𑁂𑀯 𑀦 𑀘 𑀳𑁂𑀢𑀽𑀦𑀁 𑀔𑀦𑁆𑀥𑀸𑀦𑀁 𑀓𑀫𑁆𑀫𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄. (𑁧)

𑀲𑀳𑁂𑀢𑀼𑀓𑁄 𑀘𑁂𑀯 𑀦 𑀘 𑀳𑁂𑀢𑀼 𑀥𑀫𑁆𑀫𑁄 𑀳𑁂𑀢𑀼𑀲𑁆𑀲 𑀘𑁂𑀯 𑀲𑀳𑁂𑀢𑀼𑀓𑀲𑁆𑀲 𑀘 𑀥𑀫𑁆𑀫𑀲𑁆𑀲 𑀓𑀫𑁆𑀫𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄 𑁋 𑀲𑀳𑀚𑀸𑀢𑀸, 𑀦𑀸𑀦𑀸𑀓𑁆𑀔𑀡𑀺𑀓𑀸. 𑀲𑀳𑀚𑀸𑀢𑀸 𑁋 𑀲𑀳𑁂𑀢𑀼𑀓𑀸 𑀘𑁂𑀯 𑀦 𑀘 𑀳𑁂𑀢𑀽 𑀘𑁂𑀢𑀦𑀸 𑀲𑀫𑁆𑀧𑀬𑀼𑀢𑁆𑀢𑀓𑀸𑀦𑀁 𑀳𑁂𑀢𑀽𑀦𑀁 𑀓𑀫𑁆𑀫𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄; 𑀧𑀝𑀺𑀲𑀦𑁆𑀥𑀺𑀓𑁆𑀔𑀡𑁂…𑀧𑁂…. 𑀦𑀸𑀦𑀸𑀓𑁆𑀔𑀡𑀺𑀓𑀸 𑁋 𑀲𑀳𑁂𑀢𑀼𑀓𑀸 𑀘𑁂𑀯 𑀦 𑀘 𑀳𑁂𑀢𑀽 𑀘𑁂𑀢𑀦𑀸 𑀯𑀺𑀧𑀸𑀓𑀸𑀦𑀁 𑀳𑁂𑀢𑀽𑀦𑀁 𑀓𑀫𑁆𑀫𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄. (𑁨)

𑀲𑀳𑁂𑀢𑀼𑀓𑁄 𑀘𑁂𑀯 𑀦 𑀘 𑀳𑁂𑀢𑀼 𑀥𑀫𑁆𑀫𑁄 𑀳𑁂𑀢𑀼𑀲𑁆𑀲 𑀘𑁂𑀯 𑀲𑀳𑁂𑀢𑀼𑀓𑀲𑁆𑀲 𑀘 𑀲𑀳𑁂𑀢𑀼𑀓𑀲𑁆𑀲 𑀘𑁂𑀯 𑀦 𑀘 𑀳𑁂𑀢𑀼𑀲𑁆𑀲 𑀘 𑀥𑀫𑁆𑀫𑀲𑁆𑀲 𑀓𑀫𑁆𑀫𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄 𑁋 𑀲𑀳𑀚𑀸𑀢𑀸, 𑀦𑀸𑀦𑀸𑀓𑁆𑀔𑀡𑀺𑀓𑀸. 𑀲𑀳𑀚𑀸𑀢𑀸 𑁋 𑀲𑀳𑁂𑀢𑀼𑀓𑀸 𑀘𑁂𑀯 𑀦 𑀘 𑀳𑁂𑀢𑀽 𑀘𑁂𑀢𑀦𑀸 𑀲𑀫𑁆𑀧𑀬𑀼𑀢𑁆𑀢𑀓𑀸𑀦𑀁 𑀔𑀦𑁆𑀥𑀸𑀦𑀁 𑀳𑁂𑀢𑀽𑀦𑀜𑁆𑀘 𑀓𑀫𑁆𑀫𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄; 𑀧𑀝𑀺𑀲𑀦𑁆𑀥𑀺𑀓𑁆𑀔𑀡𑁂…𑀧𑁂…. 𑀦𑀸𑀦𑀸𑀓𑁆𑀔𑀡𑀺𑀓𑀸 𑁋 𑀲𑀳𑁂𑀢𑀼𑀓𑀸 𑀘𑁂𑀯 𑀦 𑀘 𑀳𑁂𑀢𑀽 𑀘𑁂𑀢𑀦𑀸 𑀯𑀺𑀧𑀸𑀓𑀸𑀦𑀁 𑀔𑀦𑁆𑀥𑀸𑀦𑀁 𑀳𑁂𑀢𑀽𑀦𑀜𑁆𑀘 𑀓𑀫𑁆𑀫𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄. (𑁩)

𑀯𑀺𑀧𑀸𑀓𑀧𑀘𑁆𑀘𑀬𑁄

𑁧𑁪𑁯. 𑀳𑁂𑀢𑀼 𑀘𑁂𑀯 𑀲𑀳𑁂𑀢𑀼𑀓𑁄 𑀘 𑀥𑀫𑁆𑀫𑁄 𑀳𑁂𑀢𑀼𑀲𑁆𑀲 𑀘𑁂𑀯 𑀲𑀳𑁂𑀢𑀼𑀓𑀲𑁆𑀲 𑀘 𑀥𑀫𑁆𑀫𑀲𑁆𑀲 𑀯𑀺𑀧𑀸𑀓𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄 𑁋 𑀯𑀺𑀧𑀸𑀓𑁄 𑀅𑀮𑁄𑀪𑁄 𑀅𑀤𑁄𑀲𑀲𑁆𑀲 𑀅𑀫𑁄𑀳𑀲𑁆𑀲 𑀘 𑀯𑀺𑀧𑀸𑀓𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄 (𑀘𑀓𑁆𑀓𑀁); 𑀧𑀝𑀺𑀲𑀦𑁆𑀥𑀺𑀓𑁆𑀔𑀡𑁂 𑀅𑀮𑁄𑀪𑁄 (𑀬𑀣𑀸 𑀳𑁂𑀢𑀼𑀧𑀘𑁆𑀘𑀬𑀸 𑀏𑀯𑀁 𑀯𑀺𑀢𑁆𑀣𑀸𑀭𑁂𑀢𑀩𑁆𑀩𑀁, 𑀦𑀯𑀧𑀺 𑀯𑀺𑀧𑀸𑀓𑀦𑁆𑀢𑀺 𑀦𑀺𑀬𑀸𑀫𑁂𑀢𑀩𑁆𑀩𑀁).

𑀆𑀳𑀸𑀭𑀧𑀘𑁆𑀘𑀬𑀸𑀤𑀺

𑁧𑁫𑁦. 𑀲𑀳𑁂𑀢𑀼𑀓𑁄 𑀘𑁂𑀯 𑀦 𑀘 𑀳𑁂𑀢𑀼 𑀥𑀫𑁆𑀫𑁄 𑀲𑀳𑁂𑀢𑀼𑀓𑀲𑁆𑀲 𑀘𑁂𑀯 𑀦 𑀘 𑀳𑁂𑀢𑀼𑀲𑁆𑀲 𑀥𑀫𑁆𑀫𑀲𑁆𑀲 𑀆𑀳𑀸𑀭𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄… 𑀢𑀻𑀡𑀺.

𑀳𑁂𑀢𑀼 𑀘𑁂𑀯 𑀲𑀳𑁂𑀢𑀼𑀓𑁄 𑀘 𑀥𑀫𑁆𑀫𑁄 𑀳𑁂𑀢𑀼𑀲𑁆𑀲 𑀘𑁂𑀯 𑀲𑀳𑁂𑀢𑀼𑀓𑀲𑁆𑀲 𑀘 𑀥𑀫𑁆𑀫𑀲𑁆𑀲 𑀇𑀦𑁆𑀤𑁆𑀭𑀺𑀬𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄 (𑀇𑀦𑁆𑀤𑁆𑀭𑀺𑀬𑀦𑁆𑀢𑀺 𑀦𑀺𑀬𑀸𑀫𑁂𑀢𑀩𑁆𑀩𑀁, 𑀦𑀯𑀧𑀺 𑀧𑀭𑀺𑀧𑀼𑀡𑁆𑀡𑀁).

𑀲𑀳𑁂𑀢𑀼𑀓𑁄 𑀘𑁂𑀯 𑀦 𑀘 𑀳𑁂𑀢𑀼 𑀥𑀫𑁆𑀫𑁄 𑀲𑀳𑁂𑀢𑀼𑀓𑀲𑁆𑀲 𑀘𑁂𑀯 𑀦 𑀘 𑀳𑁂𑀢𑀼𑀲𑁆𑀲 𑀥𑀫𑁆𑀫𑀲𑁆𑀲 𑀛𑀸𑀦𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄… 𑀢𑀻𑀡𑀺.

𑀳𑁂𑀢𑀼 𑀘𑁂𑀯 𑀲𑀳𑁂𑀢𑀼𑀓𑁄 𑀘 𑀥𑀫𑁆𑀫𑁄 𑀳𑁂𑀢𑀼𑀲𑁆𑀲 𑀘𑁂𑀯 𑀲𑀳𑁂𑀢𑀼𑀓𑀲𑁆𑀲 𑀘 𑀥𑀫𑁆𑀫𑀲𑁆𑀲 𑀫𑀕𑁆𑀕𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄 … 𑀲𑀫𑁆𑀧𑀬𑀼𑀢𑁆𑀢𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄… 𑀅𑀢𑁆𑀣𑀺𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄… 𑀦𑀢𑁆𑀣𑀺𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄… 𑀯𑀺𑀕𑀢𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄… 𑀅𑀯𑀺𑀕𑀢𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄.