𑁧. 𑀯𑀺𑀪𑀗𑁆𑀕𑀯𑀸𑀭𑁄

𑀳𑁂𑀢𑀼𑀧𑀘𑁆𑀘𑀬𑁄

𑁧𑁨𑁭. 𑀳𑁂𑀢𑀼𑀜𑁆𑀘𑁂𑀯 𑀲𑀳𑁂𑀢𑀼𑀓𑀜𑁆𑀘 𑀥𑀫𑁆𑀫𑀁 𑀧𑀝𑀺𑀘𑁆𑀘 𑀳𑁂𑀢𑀼 𑀘𑁂𑀯 𑀲𑀳𑁂𑀢𑀼𑀓𑁄 𑀘 𑀥𑀫𑁆𑀫𑁄 𑀉𑀧𑁆𑀧𑀚𑁆𑀚𑀢𑀺 𑀳𑁂𑀢𑀼𑀧𑀘𑁆𑀘𑀬𑀸 𑁋 𑀅𑀮𑁄𑀪𑀁 𑀧𑀝𑀺𑀘𑁆𑀘 𑀅𑀤𑁄𑀲𑁄 𑀅𑀫𑁄𑀳𑁄 (𑀘𑀓𑁆𑀓𑀁). 𑀮𑁄𑀪𑀁 𑀧𑀝𑀺𑀘𑁆𑀘 𑀫𑁄𑀳𑁄 (𑀘𑀓𑁆𑀓𑀁); 𑀧𑀝𑀺𑀲𑀦𑁆𑀥𑀺𑀓𑁆𑀔𑀡𑁂 𑀅𑀮𑁄𑀪𑀁 𑀧𑀝𑀺𑀘𑁆𑀘 𑀅𑀤𑁄𑀲𑁄 𑀅𑀫𑁄𑀳𑁄 (𑀘𑀓𑁆𑀓𑀁). (𑁧)

𑀳𑁂𑀢𑀼𑀜𑁆𑀘𑁂𑀯 𑀲𑀳𑁂𑀢𑀼𑀓𑀜𑁆𑀘 𑀥𑀫𑁆𑀫𑀁 𑀧𑀝𑀺𑀘𑁆𑀘 𑀲𑀳𑁂𑀢𑀼𑀓𑁄 𑀘𑁂𑀯 𑀦 𑀘 𑀳𑁂𑀢𑀼 𑀥𑀫𑁆𑀫𑁄 𑀉𑀧𑁆𑀧𑀚𑁆𑀚𑀢𑀺 𑀳𑁂𑀢𑀼𑀧𑀘𑁆𑀘𑀬𑀸 𑁋 𑀳𑁂𑀢𑀼𑀁 𑀧𑀝𑀺𑀘𑁆𑀘 𑀲𑀫𑁆𑀧𑀬𑀼𑀢𑁆𑀢𑀓𑀸 𑀔𑀦𑁆𑀥𑀸; 𑀧𑀝𑀺𑀲𑀦𑁆𑀥𑀺𑀓𑁆𑀔𑀡𑁂…𑀧𑁂…. (𑁨)

𑀳𑁂𑀢𑀼𑀜𑁆𑀘𑁂𑀯 𑀲𑀳𑁂𑀢𑀼𑀓𑀜𑁆𑀘 𑀥𑀫𑁆𑀫𑀁 𑀧𑀝𑀺𑀘𑁆𑀘 𑀳𑁂𑀢𑀼 𑀘𑁂𑀯 𑀲𑀳𑁂𑀢𑀼𑀓𑁄 𑀘 𑀲𑀳𑁂𑀢𑀼𑀓𑁄 𑀘𑁂𑀯 𑀦 𑀘 𑀳𑁂𑀢𑀼 𑀘 𑀥𑀫𑁆𑀫𑀸 𑀉𑀧𑁆𑀧𑀚𑁆𑀚𑀦𑁆𑀢𑀺 𑀳𑁂𑀢𑀼𑀧𑀘𑁆𑀘𑀬𑀸 𑁋 𑀅𑀮𑁄𑀪𑀁 𑀧𑀝𑀺𑀘𑁆𑀘 𑀅𑀤𑁄𑀲𑁄 𑀅𑀫𑁄𑀳𑁄 𑀲𑀫𑁆𑀧𑀬𑀼𑀢𑁆𑀢𑀓𑀸 𑀘 𑀔𑀦𑁆𑀥𑀸 (𑀘𑀓𑁆𑀓𑀁). 𑀮𑁄𑀪𑀁 𑀧𑀝𑀺𑀘𑁆𑀘 𑀫𑁄𑀳𑁄 𑀲𑀫𑁆𑀧𑀬𑀼𑀢𑁆𑀢𑀓𑀸 𑀘 𑀔𑀦𑁆𑀥𑀸 (𑀘𑀓𑁆𑀓𑀁); 𑀧𑀝𑀺𑀲𑀦𑁆𑀥𑀺𑀓𑁆𑀔𑀡𑁂…𑀧𑁂…. (𑁩)

𑁧𑁨𑁮. 𑀲𑀳𑁂𑀢𑀼𑀓𑀜𑁆𑀘𑁂𑀯 𑀦 𑀘 𑀳𑁂𑀢𑀼𑀁 𑀥𑀫𑁆𑀫𑀁 𑀧𑀝𑀺𑀘𑁆𑀘 𑀲𑀳𑁂𑀢𑀼𑀓𑁄 𑀘𑁂𑀯 𑀦 𑀘 𑀳𑁂𑀢𑀼 𑀥𑀫𑁆𑀫𑁄 𑀉𑀧𑁆𑀧𑀚𑁆𑀚𑀢𑀺 𑀳𑁂𑀢𑀼𑀧𑀘𑁆𑀘𑀬𑀸 𑁋 𑀲𑀳𑁂𑀢𑀼𑀓𑀜𑁆𑀘𑁂𑀯 𑀦 𑀘 𑀳𑁂𑀢𑀼𑀁 𑀏𑀓𑀁 𑀔𑀦𑁆𑀥𑀁 𑀧𑀝𑀺𑀘𑁆𑀘 𑀢𑀬𑁄 𑀔𑀦𑁆𑀥𑀸…𑀧𑁂… 𑀤𑁆𑀯𑁂 𑀔𑀦𑁆𑀥𑁂…𑀧𑁂… 𑀧𑀝𑀺𑀲𑀦𑁆𑀥𑀺𑀓𑁆𑀔𑀡𑁂…𑀧𑁂….(𑁧)

𑀲𑀳𑁂𑀢𑀼𑀓𑀜𑁆𑀘𑁂𑀯 𑀦 𑀘 𑀳𑁂𑀢𑀼𑀁 𑀥𑀫𑁆𑀫𑀁 𑀧𑀝𑀺𑀘𑁆𑀘 𑀳𑁂𑀢𑀼 𑀘𑁂𑀯 𑀲𑀳𑁂𑀢𑀼𑀓𑁄 𑀘 𑀥𑀫𑁆𑀫𑁄 𑀉𑀧𑁆𑀧𑀚𑁆𑀚𑀢𑀺 𑀳𑁂𑀢𑀼𑀧𑀘𑁆𑀘𑀬𑀸 𑁋 𑀲𑀳𑁂𑀢𑀼𑀓𑁂 𑀘𑁂𑀯 𑀦 𑀘 𑀳𑁂𑀢𑀽 𑀔𑀦𑁆𑀥𑁂 𑀧𑀝𑀺𑀘𑁆𑀘 𑀳𑁂𑀢𑀽; 𑀧𑀝𑀺𑀲𑀦𑁆𑀥𑀺𑀓𑁆𑀔𑀡𑁂…𑀧𑁂…. (𑁨)

𑀲𑀳𑁂𑀢𑀼𑀓𑀜𑁆𑀘𑁂𑀯 𑀦 𑀘 𑀳𑁂𑀢𑀼𑀁 𑀥𑀫𑁆𑀫𑀁 𑀧𑀝𑀺𑀘𑁆𑀘 𑀳𑁂𑀢𑀼 𑀘𑁂𑀯 𑀲𑀳𑁂𑀢𑀼𑀓𑁄 𑀘 𑀲𑀳𑁂𑀢𑀼𑀓𑁄 𑀘𑁂𑀯 𑀦 𑀘 𑀳𑁂𑀢𑀼 𑀘 𑀥𑀫𑁆𑀫𑀸 𑀉𑀧𑁆𑀧𑀚𑁆𑀚𑀦𑁆𑀢𑀺 𑀳𑁂𑀢𑀼𑀧𑀘𑁆𑀘𑀬𑀸 𑁋 𑀲𑀳𑁂𑀢𑀼𑀓𑀜𑁆𑀘𑁂𑀯 𑀦 𑀘 𑀳𑁂𑀢𑀼𑀁 𑀏𑀓𑀁 𑀔𑀦𑁆𑀥𑀁 𑀧𑀝𑀺𑀘𑁆𑀘 𑀢𑀬𑁄 𑀔𑀦𑁆𑀥𑀸 𑀳𑁂𑀢𑀼 𑀘…𑀧𑁂… 𑀤𑁆𑀯𑁂 𑀔𑀦𑁆𑀥𑁂…𑀧𑁂… 𑀧𑀝𑀺𑀲𑀦𑁆𑀥𑀺𑀓𑁆𑀔𑀡𑁂…𑀧𑁂…. (𑁩)

𑁧𑁨𑁯. 𑀳𑁂𑀢𑀼𑀜𑁆𑀘𑁂𑀯 𑀲𑀳𑁂𑀢𑀼𑀓𑀜𑁆𑀘 𑀲𑀳𑁂𑀢𑀼𑀓𑀜𑁆𑀘𑁂𑀯 𑀦 𑀘 𑀳𑁂𑀢𑀼𑀜𑁆𑀘 𑀥𑀫𑁆𑀫𑀁 𑀧𑀝𑀺𑀘𑁆𑀘 𑀳𑁂𑀢𑀼 𑀘𑁂𑀯 𑀲𑀳𑁂𑀢𑀼𑀓𑁄 𑀘 𑀥𑀫𑁆𑀫𑁄 𑀉𑀧𑁆𑀧𑀚𑁆𑀚𑀢𑀺 𑀳𑁂𑀢𑀼𑀧𑀘𑁆𑀘𑀬𑀸 𑁋 𑀅𑀮𑁄𑀪𑀜𑁆𑀘 𑀲𑀫𑁆𑀧𑀬𑀼𑀢𑁆𑀢𑀓𑁂 𑀘 𑀔𑀦𑁆𑀥𑁂 𑀧𑀝𑀺𑀘𑁆𑀘 𑀅𑀤𑁄𑀲𑁄 𑀅𑀫𑁄𑀳𑁄 (𑀘𑀓𑁆𑀓𑀁). 𑀮𑁄𑀪𑀜𑁆𑀘 𑀲𑀫𑁆𑀧𑀬𑀼𑀢𑁆𑀢𑀓𑁂 𑀘 𑀔𑀦𑁆𑀥𑁂 𑀧𑀝𑀺𑀘𑁆𑀘 𑀫𑁄𑀳𑁄 (𑀘𑀓𑁆𑀓𑀁); 𑀧𑀝𑀺𑀲𑀦𑁆𑀥𑀺𑀓𑁆𑀔𑀡𑁂…𑀧𑁂…. (𑁧)

𑀳𑁂𑀢𑀼𑀜𑁆𑀘𑁂𑀯 𑀲𑀳𑁂𑀢𑀼𑀓𑀜𑁆𑀘 𑀲𑀳𑁂𑀢𑀼𑀓𑀜𑁆𑀘𑁂𑀯 𑀦 𑀘 𑀳𑁂𑀢𑀼𑀜𑁆𑀘 𑀥𑀫𑁆𑀫𑀁 𑀧𑀝𑀺𑀘𑁆𑀘 𑀲𑀳𑁂𑀢𑀼𑀓𑁄 𑀘𑁂𑀯 𑀦 𑀘 𑀳𑁂𑀢𑀼 𑀥𑀫𑁆𑀫𑁄 𑀉𑀧𑁆𑀧𑀚𑁆𑀚𑀢𑀺 𑀳𑁂𑀢𑀼𑀧𑀘𑁆𑀘𑀬𑀸 𑁋 𑀲𑀳𑁂𑀢𑀼𑀓𑀜𑁆𑀘𑁂𑀯 𑀦 𑀘 𑀳𑁂𑀢𑀼𑀁 𑀏𑀓𑀁 𑀔𑀦𑁆𑀥𑀜𑁆𑀘 𑀳𑁂𑀢𑀼𑀜𑁆𑀘 𑀧𑀝𑀺𑀘𑁆𑀘 𑀢𑀬𑁄 𑀔𑀦𑁆𑀥𑀸…𑀧𑁂… 𑀤𑁆𑀯𑁂 𑀔𑀦𑁆𑀥𑁂…𑀧𑁂… 𑀧𑀝𑀺𑀲𑀦𑁆𑀥𑀺𑀓𑁆𑀔𑀡𑁂…𑀧𑁂…. (𑁨)

𑀳𑁂𑀢𑀼𑀜𑁆𑀘𑁂𑀯 𑀲𑀳𑁂𑀢𑀼𑀓𑀜𑁆𑀘 𑀲𑀳𑁂𑀢𑀼𑀓𑀜𑁆𑀘𑁂𑀯 𑀦 𑀘 𑀳𑁂𑀢𑀼𑀜𑁆𑀘 𑀥𑀫𑁆𑀫𑀁 𑀧𑀝𑀺𑀘𑁆𑀘 𑀳𑁂𑀢𑀼 𑀘𑁂𑀯 𑀲𑀳𑁂𑀢𑀼𑀓𑁄 𑀘 𑀲𑀳𑁂𑀢𑀼𑀓𑁄 𑀘𑁂𑀯 𑀦 𑀘 𑀳𑁂𑀢𑀼 𑀘 𑀥𑀫𑁆𑀫𑀸 𑀉𑀧𑁆𑀧𑀚𑁆𑀚𑀦𑁆𑀢𑀺 𑀳𑁂𑀢𑀼𑀧𑀘𑁆𑀘𑀬𑀸 𑁋 𑀲𑀳𑁂𑀢𑀼𑀓𑀜𑁆𑀘𑁂𑀯 𑀦 𑀘 𑀳𑁂𑀢𑀼𑀁 𑀏𑀓𑀁 𑀔𑀦𑁆𑀥𑀜𑁆𑀘 𑀅𑀮𑁄𑀪𑀜𑁆𑀘 𑀧𑀝𑀺𑀘𑁆𑀘 𑀢𑀬𑁄 𑀔𑀦𑁆𑀥𑀸 𑀅𑀤𑁄𑀲𑁄 𑀅𑀫𑁄𑀳𑁄 𑀘…𑀧𑁂… 𑀤𑁆𑀯𑁂 𑀔𑀦𑁆𑀥𑁂…𑀧𑁂… 𑀧𑀝𑀺𑀲𑀦𑁆𑀥𑀺𑀓𑁆𑀔𑀡𑁂…𑀧𑁂…. (𑁩)

(𑀲𑀁𑀔𑀺𑀢𑁆𑀢𑀁. 𑀏𑀯𑀁 𑀯𑀺𑀢𑁆𑀣𑀸𑀭𑁂𑀢𑀩𑁆𑀩𑀁.)