𑁧. 𑀯𑀺𑀪𑀗𑁆𑀕𑀯𑀸𑀭𑁄

𑀳𑁂𑀢𑀼𑀧𑀘𑁆𑀘𑀬𑁄

𑁧𑁧. 𑀅𑀚𑁆𑀛𑀢𑁆𑀢𑀸𑀭𑀫𑁆𑀫𑀡𑁄 𑀥𑀫𑁆𑀫𑁄 𑀅𑀚𑁆𑀛𑀢𑁆𑀢𑀸𑀭𑀫𑁆𑀫𑀡𑀲𑁆𑀲 𑀥𑀫𑁆𑀫𑀲𑁆𑀲 𑀳𑁂𑀢𑀼𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄 𑁋 𑀅𑀚𑁆𑀛𑀢𑁆𑀢𑀸𑀭𑀫𑁆𑀫𑀡𑀸 𑀳𑁂𑀢𑀽 𑀲𑀫𑁆𑀧𑀬𑀼𑀢𑁆𑀢𑀓𑀸𑀦𑀁 𑀔𑀦𑁆𑀥𑀸𑀦𑀁 𑀳𑁂𑀢𑀼𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄. 𑀧𑀝𑀺𑀲𑀦𑁆𑀥𑀺𑀓𑁆𑀔𑀡𑁂 𑀅𑀚𑁆𑀛𑀢𑁆𑀢𑀸𑀭𑀫𑁆𑀫𑀡𑀸 𑀳𑁂𑀢𑀽 𑀲𑀫𑁆𑀧𑀬𑀼𑀢𑁆𑀢𑀓𑀸𑀦𑀁 𑀔𑀦𑁆𑀥𑀸𑀦𑀁 𑀳𑁂𑀢𑀼𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄. (𑁧)

𑀩𑀳𑀺𑀤𑁆𑀥𑀸𑀭𑀫𑁆𑀫𑀡𑁄 𑀥𑀫𑁆𑀫𑁄 𑀩𑀳𑀺𑀤𑁆𑀥𑀸𑀭𑀫𑁆𑀫𑀡𑀲𑁆𑀲 𑀥𑀫𑁆𑀫𑀲𑁆𑀲 𑀳𑁂𑀢𑀼𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄 𑁋 𑀩𑀳𑀺𑀤𑁆𑀥𑀸𑀭𑀫𑁆𑀫𑀡𑀸 𑀳𑁂𑀢𑀽 𑀲𑀫𑁆𑀧𑀬𑀼𑀢𑁆𑀢𑀓𑀸𑀦𑀁 𑀔𑀦𑁆𑀥𑀸𑀦𑀁…𑀧𑁂… 𑀧𑀝𑀺𑀲𑀦𑁆𑀥𑀺𑀓𑁆𑀔𑀡𑁂…𑀧𑁂…. (𑁧)

𑀆𑀭𑀫𑁆𑀫𑀡𑀧𑀘𑁆𑀘𑀬𑁄

𑁧𑁨. 𑀅𑀚𑁆𑀛𑀢𑁆𑀢𑀸𑀭𑀫𑁆𑀫𑀡𑁄 𑀥𑀫𑁆𑀫𑁄 𑀅𑀚𑁆𑀛𑀢𑁆𑀢𑀸𑀭𑀫𑁆𑀫𑀡𑀲𑁆𑀲 𑀥𑀫𑁆𑀫𑀲𑁆𑀲 𑀆𑀭𑀫𑁆𑀫𑀡𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄 𑁋 𑀅𑀚𑁆𑀛𑀢𑁆𑀢𑀁 𑀯𑀺𑀜𑁆𑀜𑀸𑀡𑀜𑁆𑀘𑀸𑀬𑀢𑀦𑀁 𑀧𑀘𑁆𑀘𑀯𑁂𑀓𑁆𑀔𑀢𑀺, 𑀦𑁂𑀯𑀲𑀜𑁆𑀜𑀸𑀦𑀸𑀲𑀜𑁆𑀜𑀸𑀬𑀢𑀦𑀁 𑀧𑀘𑁆𑀘𑀯𑁂𑀓𑁆𑀔𑀢𑀺, 𑀅𑀚𑁆𑀛𑀢𑁆𑀢𑀸𑀭𑀫𑁆𑀫𑀡𑀁 𑀅𑀚𑁆𑀛𑀢𑁆𑀢𑀁 𑀤𑀺𑀩𑁆𑀩𑀁 𑀘𑀓𑁆𑀔𑀼𑀁 𑀧𑀘𑁆𑀘𑀯𑁂𑀓𑁆𑀔𑀢𑀺, 𑀤𑀺𑀩𑁆𑀩𑀁 𑀲𑁄𑀢𑀥𑀸𑀢𑀼𑀁…𑀧𑁂… 𑀇𑀤𑁆𑀥𑀺𑀯𑀺𑀥𑀜𑀸𑀡𑀁…𑀧𑁂… 𑀧𑀼𑀩𑁆𑀩𑁂𑀦𑀺𑀯𑀸𑀲𑀸𑀦𑀼𑀲𑁆𑀲𑀢𑀺𑀜𑀸𑀡𑀁…𑀧𑁂… 𑀬𑀣𑀸𑀓𑀫𑁆𑀫𑀽𑀧𑀕𑀜𑀸𑀡𑀁…𑀧𑁂… 𑀅𑀦𑀸𑀕𑀢𑀁𑀲𑀜𑀸𑀡𑀁 𑀧𑀘𑁆𑀘𑀯𑁂𑀓𑁆𑀔𑀢𑀺. 𑀅𑀭𑀺𑀬𑀸 𑀅𑀚𑁆𑀛𑀢𑁆𑀢𑀸𑀭𑀫𑁆𑀫𑀡𑁂 𑀧𑀳𑀻𑀦𑁂 𑀓𑀺𑀮𑁂𑀲𑁂 𑀧𑀘𑁆𑀘𑀯𑁂𑀓𑁆𑀔𑀦𑁆𑀢𑀺, 𑀯𑀺𑀓𑁆𑀔𑀫𑁆𑀪𑀺𑀢𑁂 𑀓𑀺𑀮𑁂𑀲𑁂 𑀧𑀘𑁆𑀘𑀯𑁂𑀓𑁆𑀔𑀦𑁆𑀢𑀺, 𑀧𑀼𑀩𑁆𑀩𑁂 𑀲𑀫𑀼𑀤𑀸𑀘𑀺𑀡𑁆𑀡𑁂 𑀓𑀺𑀮𑁂𑀲𑁂 𑀚𑀸𑀦𑀦𑁆𑀢𑀺. 𑀅𑀚𑁆𑀛𑀢𑁆𑀢𑀸𑀭𑀫𑁆𑀫𑀡𑁂 𑀅𑀚𑁆𑀛𑀢𑁆𑀢𑁂 𑀔𑀦𑁆𑀥𑁂 𑀅𑀦𑀺𑀘𑁆𑀘𑀢𑁄…𑀧𑁂… 𑀯𑀺𑀧𑀲𑁆𑀲𑀢𑀺, 𑀅𑀲𑁆𑀲𑀸𑀤𑁂𑀢𑀺 𑀅𑀪𑀺𑀦𑀦𑁆𑀤𑀢𑀺, 𑀢𑀁 𑀆𑀭𑀩𑁆𑀪 𑀅𑀚𑁆𑀛𑀢𑁆𑀢𑀸𑀭𑀫𑁆𑀫𑀡𑁄 𑀭𑀸𑀕𑁄 𑀉𑀧𑁆𑀧𑀚𑁆𑀚𑀢𑀺…𑀧𑁂… 𑀤𑁄𑀫𑀦𑀲𑁆𑀲𑀁 𑀉𑀧𑁆𑀧𑀚𑁆𑀚𑀢𑀺. 𑀅𑀚𑁆𑀛𑀢𑁆𑀢𑀸𑀭𑀫𑁆𑀫𑀡𑀸 𑀅𑀚𑁆𑀛𑀢𑁆𑀢𑀸 𑀔𑀦𑁆𑀥𑀸 𑀧𑀼𑀩𑁆𑀩𑁂𑀦𑀺𑀯𑀸𑀲𑀸𑀦𑀼𑀲𑁆𑀲𑀢𑀺𑀜𑀸𑀡𑀲𑁆𑀲, 𑀬𑀣𑀸𑀓𑀫𑁆𑀫𑀽𑀧𑀕𑀜𑀸𑀡𑀲𑁆𑀲, 𑀅𑀦𑀸𑀕𑀢𑀁𑀲𑀜𑀸𑀡𑀲𑁆𑀲, 𑀆𑀯𑀚𑁆𑀚𑀦𑀸𑀬 𑀆𑀭𑀫𑁆𑀫𑀡𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄. (𑁧)

𑀅𑀚𑁆𑀛𑀢𑁆𑀢𑀸𑀭𑀫𑁆𑀫𑀡𑁄 𑀥𑀫𑁆𑀫𑁄 𑀩𑀳𑀺𑀤𑁆𑀥𑀸𑀭𑀫𑁆𑀫𑀡𑀲𑁆𑀲 𑀥𑀫𑁆𑀫𑀲𑁆𑀲 𑀆𑀭𑀫𑁆𑀫𑀡𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄 𑁋 𑀩𑀳𑀺𑀤𑁆𑀥𑀸 𑀯𑀺𑀜𑁆𑀜𑀸𑀡𑀜𑁆𑀘𑀸𑀬𑀢𑀦𑀁 𑀧𑀘𑁆𑀘𑀯𑁂𑀓𑁆𑀔𑀢𑀺, 𑀦𑁂𑀯𑀲𑀜𑁆𑀜𑀸𑀦𑀸𑀲𑀜𑁆𑀜𑀸𑀬𑀢𑀦𑀁 𑀧𑀘𑁆𑀘𑀯𑁂𑀓𑁆𑀔𑀢𑀺. 𑀅𑀚𑁆𑀛𑀢𑁆𑀢𑀸𑀭𑀫𑁆𑀫𑀡𑀁 𑀩𑀳𑀺𑀤𑁆𑀥𑀸 𑀤𑀺𑀩𑁆𑀩𑀁 𑀘𑀓𑁆𑀔𑀼𑀁 𑀧𑀘𑁆𑀘𑀯𑁂𑀓𑁆𑀔𑀢𑀺, 𑀤𑀺𑀩𑁆𑀩𑀁 𑀲𑁄𑀢𑀥𑀸𑀢𑀼𑀁…𑀧𑁂… 𑀇𑀤𑁆𑀥𑀺𑀯𑀺𑀥𑀜𑀸𑀡𑀁…𑀧𑁂… 𑀧𑀼𑀩𑁆𑀩𑁂𑀦𑀺𑀯𑀸𑀲𑀸𑀦𑀼𑀲𑁆𑀲𑀢𑀺𑀜𑀸𑀡𑀁…𑀧𑁂… 𑀬𑀣𑀸𑀓𑀫𑁆𑀫𑀽𑀧𑀕𑀜𑀸𑀡𑀁…𑀧𑁂… 𑀅𑀦𑀸𑀕𑀢𑀁𑀲𑀜𑀸𑀡𑀁 𑀧𑀘𑁆𑀘𑀯𑁂𑀓𑁆𑀔𑀢𑀺, 𑀅𑀚𑁆𑀛𑀢𑁆𑀢𑀸𑀭𑀫𑁆𑀫𑀡𑁂 𑀩𑀳𑀺𑀤𑁆𑀥𑀸 𑀔𑀦𑁆𑀥𑁂 𑀅𑀦𑀺𑀘𑁆𑀘𑀢𑁄 𑀤𑀼𑀓𑁆𑀔𑀢𑁄 𑀅𑀦𑀢𑁆𑀢𑀢𑁄 𑀯𑀺𑀧𑀲𑁆𑀲𑀢𑀺…𑀧𑁂… 𑀘𑁂𑀢𑁄𑀧𑀭𑀺𑀬𑀜𑀸𑀡𑁂𑀦 𑀅𑀚𑁆𑀛𑀢𑁆𑀢𑀸𑀭𑀫𑁆𑀫𑀡𑀩𑀳𑀺𑀤𑁆𑀥𑀸𑀘𑀺𑀢𑁆𑀢𑀲𑀫𑀗𑁆𑀕𑀺𑀲𑁆𑀲 𑀘𑀺𑀢𑁆𑀢𑀁 𑀚𑀸𑀦𑀸𑀢𑀺, 𑀅𑀚𑁆𑀛𑀢𑁆𑀢𑀸𑀭𑀫𑁆𑀫𑀡𑀸 𑀩𑀳𑀺𑀤𑁆𑀥𑀸 𑀔𑀦𑁆𑀥𑀸 𑀘𑁂𑀢𑁄𑀧𑀭𑀺𑀬𑀜𑀸𑀡𑀲𑁆𑀲, 𑀧𑀼𑀩𑁆𑀩𑁂𑀦𑀺𑀯𑀸𑀲𑀸𑀦𑀼𑀲𑁆𑀲𑀢𑀺𑀜𑀸𑀡𑀲𑁆𑀲, 𑀬𑀣𑀸𑀓𑀫𑁆𑀫𑀽𑀧𑀕𑀜𑀸𑀡𑀲𑁆𑀲, 𑀅𑀦𑀸𑀕𑀢𑀁𑀲𑀜𑀸𑀡𑀲𑁆𑀲, 𑀆𑀯𑀚𑁆𑀚𑀦𑀸𑀬 𑀆𑀭𑀫𑁆𑀫𑀡𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄. (𑁨)

𑁧𑁩. 𑀩𑀳𑀺𑀤𑁆𑀥𑀸𑀭𑀫𑁆𑀫𑀡𑁄 𑀥𑀫𑁆𑀫𑁄 𑀩𑀳𑀺𑀤𑁆𑀥𑀸𑀭𑀫𑁆𑀫𑀡𑀲𑁆𑀲 𑀥𑀫𑁆𑀫𑀲𑁆𑀲 𑀆𑀭𑀫𑁆𑀫𑀡𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄 𑁋 𑀩𑀳𑀺𑀤𑁆𑀥𑀸𑀭𑀫𑁆𑀫𑀡𑀁 𑀩𑀳𑀺𑀤𑁆𑀥𑀸 𑀤𑀺𑀩𑁆𑀩𑀁 𑀘𑀓𑁆𑀔𑀼𑀁 𑀧𑀘𑁆𑀘𑀯𑁂𑀓𑁆𑀔𑀢𑀺, 𑀤𑀺𑀩𑁆𑀩𑀁 𑀲𑁄𑀢𑀥𑀸𑀢𑀼𑀁 𑀧𑀘𑁆𑀘𑀯𑁂𑀓𑁆𑀔𑀢𑀺. 𑀇𑀤𑁆𑀥𑀺𑀯𑀺𑀥𑀜𑀸𑀡𑀁…𑀧𑁂… 𑀘𑁂𑀢𑁄𑀧𑀭𑀺𑀬𑀜𑀸𑀡𑀁…𑀧𑁂… 𑀧𑀼𑀩𑁆𑀩𑁂𑀦𑀺𑀯𑀸𑀲𑀸𑀦𑀼𑀲𑁆𑀲𑀢𑀺𑀜𑀸𑀡𑀁…𑀧𑁂… 𑀬𑀣𑀸𑀓𑀫𑁆𑀫𑀽𑀧𑀕𑀜𑀸𑀡𑀁…𑀧𑁂… 𑀅𑀦𑀸𑀕𑀢𑀁𑀲𑀜𑀸𑀡𑀁 𑀧𑀘𑁆𑀘𑀯𑁂𑀓𑁆𑀔𑀢𑀺. 𑀩𑀳𑀺𑀤𑁆𑀥𑀸𑀭𑀫𑁆𑀫𑀡𑁂 𑀩𑀳𑀺𑀤𑁆𑀥𑀸 𑀔𑀦𑁆𑀥𑁂 𑀅𑀦𑀺𑀘𑁆𑀘𑀢𑁄 𑀤𑀼𑀓𑁆𑀔𑀢𑁄 𑀅𑀦𑀢𑁆𑀢𑀢𑁄 𑀯𑀺𑀧𑀲𑁆𑀲𑀢𑀺…𑀧𑁂… 𑀘𑁂𑀢𑁄𑀧𑀭𑀺𑀬𑀜𑀸𑀡𑁂𑀦 𑀩𑀳𑀺𑀤𑁆𑀥𑀸𑀭𑀫𑁆𑀫𑀡𑀩𑀳𑀺𑀤𑁆𑀥𑀸𑀘𑀺𑀢𑁆𑀢𑀲𑀫𑀗𑁆𑀕𑀺𑀲𑁆𑀲 𑀘𑀺𑀢𑁆𑀢𑀁 𑀚𑀸𑀦𑀸𑀢𑀺. 𑀩𑀳𑀺𑀤𑁆𑀥𑀸𑀭𑀫𑁆𑀫𑀡𑀸 𑀩𑀳𑀺𑀤𑁆𑀥𑀸 𑀔𑀦𑁆𑀥𑀸 𑀘𑁂𑀢𑁄𑀧𑀭𑀺𑀬𑀜𑀸𑀡𑀲𑁆𑀲, 𑀧𑀼𑀩𑁆𑀩𑁂𑀦𑀺𑀯𑀸𑀲𑀸𑀦𑀼𑀲𑁆𑀲𑀢𑀺𑀜𑀸𑀡𑀲𑁆𑀲, 𑀬𑀣𑀸𑀓𑀫𑁆𑀫𑀽𑀧𑀕𑀜𑀸𑀡𑀲𑁆𑀲, 𑀅𑀦𑀸𑀕𑀢𑀁𑀲𑀜𑀸𑀡𑀲𑁆𑀲, 𑀆𑀯𑀚𑁆𑀚𑀦𑀸𑀬 𑀆𑀭𑀫𑁆𑀫𑀡𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄. (𑁧)

𑀩𑀳𑀺𑀤𑁆𑀥𑀸𑀭𑀫𑁆𑀫𑀡𑁄 𑀥𑀫𑁆𑀫𑁄 𑀅𑀚𑁆𑀛𑀢𑁆𑀢𑀸𑀭𑀫𑁆𑀫𑀡𑀲𑁆𑀲 𑀥𑀫𑁆𑀫𑀲𑁆𑀲 𑀆𑀭𑀫𑁆𑀫𑀡𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄 𑁋 𑀤𑀸𑀦𑀁 𑀤𑀢𑁆𑀯𑀸 𑀲𑀻𑀮𑀁 𑀲𑀫𑀸𑀤𑀺𑀬𑀺𑀢𑁆𑀯𑀸 𑀉𑀧𑁄𑀲𑀣𑀓𑀫𑁆𑀫𑀁 𑀓𑀢𑁆𑀯𑀸 𑀢𑀁 𑀧𑀘𑁆𑀘𑀯𑁂𑀓𑁆𑀔𑀢𑀺, 𑀧𑀼𑀩𑁆𑀩𑁂 𑀲𑀼𑀘𑀺𑀡𑁆𑀡𑀸𑀦𑀺 𑀧𑀘𑁆𑀘𑀯𑁂𑀓𑁆𑀔𑀢𑀺, 𑀛𑀸𑀦𑀸 𑀯𑀼𑀝𑁆𑀞𑀳𑀺𑀢𑁆𑀯𑀸 𑀛𑀸𑀦𑀁 𑀧𑀘𑁆𑀘𑀯𑁂𑀓𑁆𑀔𑀢𑀺. 𑀅𑀭𑀺𑀬𑀸 𑀫𑀕𑁆𑀕𑀸 𑀯𑀼𑀝𑁆𑀞𑀳𑀺𑀢𑁆𑀯𑀸 𑀫𑀕𑁆𑀕𑀁 𑀧𑀘𑁆𑀘𑀯𑁂𑀓𑁆𑀔𑀦𑁆𑀢𑀺, 𑀨𑀮𑀁 𑀧𑀘𑁆𑀘𑀯𑁂𑀓𑁆𑀔𑀦𑁆𑀢𑀺, 𑀩𑀳𑀺𑀤𑁆𑀥𑀸𑀭𑀫𑁆𑀫𑀡𑁂 𑀧𑀳𑀻𑀦𑁂 𑀓𑀺𑀮𑁂𑀲𑁂 𑀧𑀘𑁆𑀘𑀯𑁂𑀓𑁆𑀔𑀦𑁆𑀢𑀺, 𑀯𑀺𑀓𑁆𑀔𑀫𑁆𑀪𑀺𑀢𑁂 𑀓𑀺𑀮𑁂𑀲𑁂 𑀧𑀘𑁆𑀘𑀯𑁂𑀓𑁆𑀔𑀦𑁆𑀢𑀺, 𑀧𑀼𑀩𑁆𑀩𑁂 𑀲𑀫𑀼𑀤𑀸𑀘𑀺𑀡𑁆𑀡𑁂 𑀓𑀺𑀮𑁂𑀲𑁂 𑀚𑀸𑀦𑀦𑁆𑀢𑀺. 𑀩𑀳𑀺𑀤𑁆𑀥𑀸𑀭𑀫𑁆𑀫𑀡𑀁 𑀅𑀚𑁆𑀛𑀢𑁆𑀢𑀁 𑀤𑀺𑀩𑁆𑀩𑀁 𑀘𑀓𑁆𑀔𑀼𑀁 𑀧𑀘𑁆𑀘𑀯𑁂𑀓𑁆𑀔𑀢𑀺, 𑀤𑀺𑀩𑁆𑀩𑀁 𑀲𑁄𑀢𑀥𑀸𑀢𑀼𑀁… 𑀇𑀤𑁆𑀥𑀺𑀯𑀺𑀥𑀜𑀸𑀡𑀁… 𑀘𑁂𑀢𑁄𑀧𑀭𑀺𑀬𑀜𑀸𑀡𑀁… 𑀧𑀼𑀩𑁆𑀩𑁂𑀦𑀺𑀯𑀸𑀲𑀸𑀦𑀼𑀲𑁆𑀲𑀢𑀺𑀜𑀸𑀡𑀁… 𑀬𑀣𑀸𑀓𑀫𑁆𑀫𑀽𑀧𑀕𑀜𑀸𑀡𑀁… 𑀅𑀦𑀸𑀕𑀢𑀁𑀲𑀜𑀸𑀡𑀁… 𑀩𑀳𑀺𑀤𑁆𑀥𑀸𑀭𑀫𑁆𑀫𑀡𑁂 𑀅𑀚𑁆𑀛𑀢𑁆𑀢𑁂 𑀔𑀦𑁆𑀥𑁂 𑀅𑀦𑀺𑀘𑁆𑀘𑀢𑁄…𑀧𑁂… 𑀯𑀺𑀧𑀲𑁆𑀲𑀢𑀺, 𑀅𑀲𑁆𑀲𑀸𑀤𑁂𑀢𑀺 𑀅𑀪𑀺𑀦𑀦𑁆𑀤𑀢𑀺, 𑀢𑀁 𑀆𑀭𑀩𑁆𑀪 𑀅𑀚𑁆𑀛𑀢𑁆𑀢𑀸𑀭𑀫𑁆𑀫𑀡𑁄 𑀭𑀸𑀕𑁄 𑀉𑀧𑁆𑀧𑀚𑁆𑀚𑀢𑀺…𑀧𑁂… 𑀤𑁄𑀫𑀦𑀲𑁆𑀲𑀁 𑀉𑀧𑁆𑀧𑀚𑁆𑀚𑀢𑀺. 𑀩𑀳𑀺𑀤𑁆𑀥𑀸𑀭𑀫𑁆𑀫𑀡𑀸 𑀅𑀚𑁆𑀛𑀢𑁆𑀢𑀸 𑀔𑀦𑁆𑀥𑀸 𑀇𑀤𑁆𑀥𑀺𑀯𑀺𑀥𑀜𑀸𑀡𑀲𑁆𑀲, 𑀧𑀼𑀩𑁆𑀩𑁂𑀦𑀺𑀯𑀸𑀲𑀸𑀦𑀼𑀲𑁆𑀲𑀢𑀺𑀜𑀸𑀡𑀲𑁆𑀲, 𑀬𑀣𑀸𑀓𑀫𑁆𑀫𑀽𑀧𑀕𑀜𑀸𑀡𑀲𑁆𑀲, 𑀅𑀦𑀸𑀕𑀢𑀁𑀲𑀜𑀸𑀡𑀲𑁆𑀲, 𑀆𑀯𑀚𑁆𑀚𑀦𑀸𑀬 𑀆𑀭𑀫𑁆𑀫𑀡𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄. (𑁨)

𑀅𑀥𑀺𑀧𑀢𑀺𑀧𑀘𑁆𑀘𑀬𑁄

𑁧𑁪. 𑀅𑀚𑁆𑀛𑀢𑁆𑀢𑀸𑀭𑀫𑁆𑀫𑀡𑁄 𑀥𑀫𑁆𑀫𑁄 𑀅𑀚𑁆𑀛𑀢𑁆𑀢𑀸𑀭𑀫𑁆𑀫𑀡𑀲𑁆𑀲 𑀥𑀫𑁆𑀫𑀲𑁆𑀲 𑀅𑀥𑀺𑀧𑀢𑀺𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄 𑁋 𑀆𑀭𑀫𑁆𑀫𑀡𑀸𑀥𑀺𑀧𑀢𑀺, 𑀲𑀳𑀚𑀸𑀢𑀸𑀥𑀺𑀧𑀢𑀺. 𑀆𑀭𑀫𑁆𑀫𑀡𑀸𑀥𑀺𑀧𑀢𑀺 𑁋 𑀅𑀚𑁆𑀛𑀢𑁆𑀢𑀁 𑀯𑀺𑀜𑁆𑀜𑀸𑀡𑀜𑁆𑀘𑀸𑀬𑀢𑀦𑀁 𑀕𑀭𑀼𑀁 𑀓𑀢𑁆𑀯𑀸 𑀧𑀘𑁆𑀘𑀯𑁂𑀓𑁆𑀔𑀢𑀺, 𑀦𑁂𑀯𑀲𑀜𑁆𑀜𑀸𑀦𑀸𑀲𑀜𑁆𑀜𑀸𑀬𑀢𑀦𑀁 𑀕𑀭𑀼𑀁 𑀓𑀢𑁆𑀯𑀸 𑀧𑀘𑁆𑀘𑀯𑁂𑀓𑁆𑀔𑀢𑀺. 𑀅𑀚𑁆𑀛𑀢𑁆𑀢𑀸𑀭𑀫𑁆𑀫𑀡𑀁 𑀅𑀚𑁆𑀛𑀢𑁆𑀢𑀁 𑀤𑀺𑀩𑁆𑀩𑀁 𑀘𑀓𑁆𑀔𑀼𑀁 𑀕𑀭𑀼𑀁 𑀓𑀢𑁆𑀯𑀸…𑀧𑁂… 𑀤𑀺𑀩𑁆𑀩𑀁 𑀲𑁄𑀢𑀥𑀸𑀢𑀼𑀁…𑀧𑁂… 𑀇𑀤𑁆𑀥𑀺𑀯𑀺𑀥𑀜𑀸𑀡𑀁… 𑀧𑀼𑀩𑁆𑀩𑁂𑀦𑀺𑀯𑀸𑀲𑀸𑀦𑀼𑀲𑁆𑀲𑀢𑀺𑀜𑀸𑀡𑀁… 𑀬𑀣𑀸𑀓𑀫𑁆𑀫𑀽𑀧𑀕𑀜𑀸𑀡𑀁… 𑀅𑀦𑀸𑀕𑀢𑀁𑀲𑀜𑀸𑀡𑀁 𑀕𑀭𑀼𑀁 𑀓𑀢𑁆𑀯𑀸…𑀧𑁂… 𑀅𑀚𑁆𑀛𑀢𑁆𑀢𑀸𑀭𑀫𑁆𑀫𑀡𑁂 𑀅𑀚𑁆𑀛𑀢𑁆𑀢𑁂 𑀔𑀦𑁆𑀥𑁂 𑀕𑀭𑀼𑀁 𑀓𑀢𑁆𑀯𑀸 𑀅𑀲𑁆𑀲𑀸𑀤𑁂𑀢𑀺 𑀅𑀪𑀺𑀦𑀦𑁆𑀤𑀢𑀺, 𑀢𑀁 𑀕𑀭𑀼𑀁 𑀓𑀢𑁆𑀯𑀸 𑀅𑀚𑁆𑀛𑀢𑁆𑀢𑀸𑀭𑀫𑁆𑀫𑀡𑁄 𑀭𑀸𑀕𑁄 𑀉𑀧𑁆𑀧𑀚𑁆𑀚𑀢𑀺, 𑀤𑀺𑀝𑁆𑀞𑀺 𑀉𑀧𑁆𑀧𑀚𑁆𑀚𑀢𑀺. 𑀲𑀳𑀚𑀸𑀢𑀸𑀥𑀺𑀧𑀢𑀺 𑁋 𑀅𑀚𑁆𑀛𑀢𑁆𑀢𑀸𑀭𑀫𑁆𑀫𑀡𑀸𑀥𑀺𑀧𑀢𑀺 𑀲𑀫𑁆𑀧𑀬𑀼𑀢𑁆𑀢𑀓𑀸𑀦𑀁 𑀔𑀦𑁆𑀥𑀸𑀦𑀁 𑀅𑀥𑀺𑀧𑀢𑀺𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄. (𑁧)

𑁧𑁫. 𑀩𑀳𑀺𑀤𑁆𑀥𑀸𑀭𑀫𑁆𑀫𑀡𑁄 𑀥𑀫𑁆𑀫𑁄 𑀩𑀳𑀺𑀤𑁆𑀥𑀸𑀭𑀫𑁆𑀫𑀡𑀲𑁆𑀲 𑀥𑀫𑁆𑀫𑀲𑁆𑀲 𑀅𑀥𑀺𑀧𑀢𑀺𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄. 𑀲𑀳𑀚𑀸𑀢𑀸𑀥𑀺𑀧𑀢𑀺 𑁋 𑀩𑀳𑀺𑀤𑁆𑀥𑀸𑀭𑀫𑁆𑀫𑀡𑀸𑀥𑀺𑀧𑀢𑀺 𑀲𑀫𑁆𑀧𑀬𑀼𑀢𑁆𑀢𑀓𑀸𑀦𑀁 𑀔𑀦𑁆𑀥𑀸𑀦𑀁 𑀅𑀥𑀺𑀧𑀢𑀺𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄. (𑁧)

𑀩𑀳𑀺𑀤𑁆𑀥𑀸𑀭𑀫𑁆𑀫𑀡𑁄 𑀥𑀫𑁆𑀫𑁄 𑀅𑀚𑁆𑀛𑀢𑁆𑀢𑀸𑀭𑀫𑁆𑀫𑀡𑀲𑁆𑀲 𑀥𑀫𑁆𑀫𑀲𑁆𑀲 𑀅𑀥𑀺𑀧𑀢𑀺𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄. 𑀆𑀭𑀫𑁆𑀫𑀡𑀸𑀥𑀺𑀧𑀢𑀺 𑁋 𑀤𑀸𑀦𑀁 𑀤𑀢𑁆𑀯𑀸 𑀲𑀻𑀮𑀁 𑀲𑀫𑀸𑀤𑀺𑀬𑀺𑀢𑁆𑀯𑀸 𑀉𑀧𑁄𑀲𑀣𑀓𑀫𑁆𑀫𑀁 𑀓𑀢𑁆𑀯𑀸 𑀢𑀁 𑀕𑀭𑀼𑀁 𑀓𑀢𑁆𑀯𑀸 𑀧𑀘𑁆𑀘𑀯𑁂𑀓𑁆𑀔𑀢𑀺, 𑀧𑀼𑀩𑁆𑀩𑁂 𑀲𑀼𑀘𑀺𑀡𑁆𑀡𑀸𑀦𑀺…𑀧𑁂… 𑀛𑀸𑀦𑀸 𑀯𑀼𑀝𑁆𑀞𑀳𑀺𑀢𑁆𑀯𑀸…𑀧𑁂… 𑀅𑀭𑀺𑀬𑀸 𑀫𑀕𑁆𑀕𑀸 𑀯𑀼𑀝𑁆𑀞𑀳𑀺𑀢𑁆𑀯𑀸 𑀫𑀕𑁆𑀕𑀁… 𑀨𑀮𑀁 𑀕𑀭𑀼𑀁 𑀓𑀢𑁆𑀯𑀸 𑀧𑀘𑁆𑀘𑀯𑁂𑀓𑁆𑀔𑀦𑁆𑀢𑀺. 𑀩𑀳𑀺𑀤𑁆𑀥𑀸𑀭𑀫𑁆𑀫𑀡𑀁 𑀅𑀚𑁆𑀛𑀢𑁆𑀢𑀁 𑀤𑀺𑀩𑁆𑀩𑀁 𑀘𑀓𑁆𑀔𑀼𑀁 𑀕𑀭𑀼𑀁 𑀓𑀢𑁆𑀯𑀸…𑀧𑁂… 𑀤𑀺𑀩𑁆𑀩𑀁 𑀲𑁄𑀢𑀥𑀸𑀢𑀼𑀁… 𑀇𑀤𑁆𑀥𑀺𑀯𑀺𑀥𑀜𑀸𑀡𑀁… 𑀘𑁂𑀢𑁄𑀧𑀭𑀺𑀬𑀜𑀸𑀡𑀁… 𑀧𑀼𑀩𑁆𑀩𑁂𑀦𑀺𑀯𑀸𑀲𑀸𑀦𑀼𑀲𑁆𑀲𑀢𑀺𑀜𑀸𑀡𑀁… 𑀬𑀣𑀸𑀓𑀫𑁆𑀫𑀽𑀧𑀕𑀜𑀸𑀡𑀁… 𑀅𑀦𑀸𑀕𑀢𑀁𑀲𑀜𑀸𑀡𑀁 𑀕𑀭𑀼𑀁 𑀓𑀢𑁆𑀯𑀸 𑀧𑀘𑁆𑀘𑀯𑁂𑀓𑁆𑀔𑀢𑀺, 𑀩𑀳𑀺𑀤𑁆𑀥𑀸𑀭𑀫𑁆𑀫𑀡𑁂 𑀅𑀚𑁆𑀛𑀢𑁆𑀢𑁂 𑀔𑀦𑁆𑀥𑁂 𑀕𑀭𑀼𑀁 𑀓𑀢𑁆𑀯𑀸 𑀅𑀲𑁆𑀲𑀸𑀤𑁂𑀢𑀺 𑀅𑀪𑀺𑀦𑀦𑁆𑀤𑀢𑀺, 𑀢𑀁 𑀕𑀭𑀼𑀁 𑀓𑀢𑁆𑀯𑀸 𑀅𑀚𑁆𑀛𑀢𑁆𑀢𑀸𑀭𑀫𑁆𑀫𑀡𑁄 𑀭𑀸𑀕𑁄 𑀉𑀧𑁆𑀧𑀚𑁆𑀚𑀢𑀺, 𑀤𑀺𑀝𑁆𑀞𑀺 𑀉𑀧𑁆𑀧𑀚𑁆𑀚𑀢𑀺. (𑁨)

𑀅𑀦𑀦𑁆𑀢𑀭𑀧𑀘𑁆𑀘𑀬𑁄

𑁧𑁬. 𑀅𑀚𑁆𑀛𑀢𑁆𑀢𑀸𑀭𑀫𑁆𑀫𑀡𑁄 𑀥𑀫𑁆𑀫𑁄 𑀅𑀚𑁆𑀛𑀢𑁆𑀢𑀸𑀭𑀫𑁆𑀫𑀡𑀲𑁆𑀲 𑀥𑀫𑁆𑀫𑀲𑁆𑀲 𑀅𑀦𑀦𑁆𑀢𑀭𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄 𑁋 𑀧𑀼𑀭𑀺𑀫𑀸 𑀧𑀼𑀭𑀺𑀫𑀸 𑀅𑀚𑁆𑀛𑀢𑁆𑀢𑀸𑀭𑀫𑁆𑀫𑀡𑀸 𑀔𑀦𑁆𑀥𑀸 𑀧𑀘𑁆𑀙𑀺𑀫𑀸𑀦𑀁 𑀧𑀘𑁆𑀙𑀺𑀫𑀸𑀦𑀁 𑀅𑀚𑁆𑀛𑀢𑁆𑀢𑀸𑀭𑀫𑁆𑀫𑀡𑀸𑀦𑀁 𑀔𑀦𑁆𑀥𑀸𑀦𑀁 𑀅𑀦𑀦𑁆𑀢𑀭𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄. (𑁧)

𑀅𑀚𑁆𑀛𑀢𑁆𑀢𑀸𑀭𑀫𑁆𑀫𑀡𑁄 𑀥𑀫𑁆𑀫𑁄 𑀩𑀳𑀺𑀤𑁆𑀥𑀸𑀭𑀫𑁆𑀫𑀡𑀲𑁆𑀲 𑀥𑀫𑁆𑀫𑀲𑁆𑀲 𑀅𑀦𑀦𑁆𑀢𑀭𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄 𑁋 𑀅𑀚𑁆𑀛𑀢𑁆𑀢𑀸𑀭𑀫𑁆𑀫𑀡𑀁 𑀘𑀼𑀢𑀺𑀘𑀺𑀢𑁆𑀢𑀁 𑀩𑀳𑀺𑀤𑁆𑀥𑀸𑀭𑀫𑁆𑀫𑀡𑀲𑁆𑀲 𑀉𑀧𑀧𑀢𑁆𑀢𑀺𑀘𑀺𑀢𑁆𑀢𑀲𑁆𑀲 𑀅𑀦𑀦𑁆𑀢𑀭𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄. 𑀅𑀚𑁆𑀛𑀢𑁆𑀢𑀸𑀭𑀫𑁆𑀫𑀡𑀁 𑀪𑀯𑀗𑁆𑀕𑀁 𑀩𑀳𑀺𑀤𑁆𑀥𑀸𑀭𑀫𑁆𑀫𑀡𑀸𑀬 𑀆𑀯𑀚𑁆𑀚𑀦𑀸𑀬 𑀅𑀦𑀦𑁆𑀢𑀭𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄. 𑀅𑀚𑁆𑀛𑀢𑁆𑀢𑀸𑀭𑀫𑁆𑀫𑀡𑀸 𑀔𑀦𑁆𑀥𑀸 𑀩𑀳𑀺𑀤𑁆𑀥𑀸𑀭𑀫𑁆𑀫𑀡𑀲𑁆𑀲 𑀯𑀼𑀝𑁆𑀞𑀸𑀦𑀲𑁆𑀲 𑀅𑀦𑀦𑁆𑀢𑀭𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄. 𑀅𑀚𑁆𑀛𑀢𑁆𑀢𑀸𑀭𑀫𑁆𑀫𑀡𑀁 𑀅𑀦𑀼𑀮𑁄𑀫𑀁 𑀕𑁄𑀢𑁆𑀭𑀪𑀼𑀲𑁆𑀲… 𑀅𑀦𑀼𑀮𑁄𑀫𑀁 𑀯𑁄𑀤𑀸𑀦𑀲𑁆𑀲… 𑀅𑀦𑀼𑀮𑁄𑀫𑀁 𑀨𑀮𑀲𑀫𑀸𑀧𑀢𑁆𑀢𑀺𑀬𑀸… 𑀦𑀺𑀭𑁄𑀥𑀸 𑀯𑀼𑀝𑁆𑀞𑀳𑀦𑁆𑀢𑀲𑁆𑀲… 𑀦𑁂𑀯𑀲𑀜𑁆𑀜𑀸𑀦𑀸𑀲𑀜𑁆𑀜𑀸𑀬𑀢𑀦𑀁 𑀨𑀮𑀲𑀫𑀸𑀧𑀢𑁆𑀢𑀺𑀬𑀸 𑀅𑀦𑀦𑁆𑀢𑀭𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄. (𑁨)

𑁧𑁭. 𑀩𑀳𑀺𑀤𑁆𑀥𑀸𑀭𑀫𑁆𑀫𑀡𑁄 𑀥𑀫𑁆𑀫𑁄 𑀩𑀳𑀺𑀤𑁆𑀥𑀸𑀭𑀫𑁆𑀫𑀡𑀲𑁆𑀲 𑀥𑀫𑁆𑀫𑀲𑁆𑀲 𑀅𑀦𑀦𑁆𑀢𑀭𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄 𑁋 𑀧𑀼𑀭𑀺𑀫𑀸 𑀧𑀼𑀭𑀺𑀫𑀸 𑀩𑀳𑀺𑀤𑁆𑀥𑀸𑀭𑀫𑁆𑀫𑀡𑀸 𑀔𑀦𑁆𑀥𑀸 𑀧𑀘𑁆𑀙𑀺𑀫𑀸𑀦𑀁 𑀧𑀘𑁆𑀙𑀺𑀫𑀸𑀦𑀁 𑀩𑀳𑀺𑀤𑁆𑀥𑀸𑀭𑀫𑁆𑀫𑀡𑀸𑀦𑀁 𑀔𑀦𑁆𑀥𑀸𑀦𑀁 𑀅𑀦𑀦𑁆𑀢𑀭𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄. 𑀩𑀳𑀺𑀤𑁆𑀥𑀸𑀭𑀫𑁆𑀫𑀡𑀁 𑀅𑀦𑀼𑀮𑁄𑀫𑀁 𑀕𑁄𑀢𑁆𑀭𑀪𑀼𑀲𑁆𑀲… 𑀅𑀦𑀼𑀮𑁄𑀫𑀁 𑀯𑁄𑀤𑀸𑀦𑀲𑁆𑀲… 𑀕𑁄𑀢𑁆𑀭𑀪𑀼 𑀫𑀕𑁆𑀕𑀲𑁆𑀲… 𑀯𑁄𑀤𑀸𑀦𑀁 𑀫𑀕𑁆𑀕𑀲𑁆𑀲… 𑀫𑀕𑁆𑀕𑁄 𑀨𑀮𑀲𑁆𑀲… 𑀨𑀮𑀁 𑀨𑀮𑀲𑁆𑀲… 𑀅𑀦𑀼𑀮𑁄𑀫𑀁 𑀨𑀮𑀲𑀫𑀸𑀧𑀢𑁆𑀢𑀺𑀬𑀸 𑀅𑀦𑀦𑁆𑀢𑀭𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄. (𑁧)

𑀩𑀳𑀺𑀤𑁆𑀥𑀸𑀭𑀫𑁆𑀫𑀡𑁄 𑀥𑀫𑁆𑀫𑁄 𑀅𑀚𑁆𑀛𑀢𑁆𑀢𑀸𑀭𑀫𑁆𑀫𑀡𑀲𑁆𑀲 𑀥𑀫𑁆𑀫𑀲𑁆𑀲 𑀅𑀦𑀦𑁆𑀢𑀭𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄 𑁋 𑀩𑀳𑀺𑀤𑁆𑀥𑀸𑀭𑀫𑁆𑀫𑀡𑀁 𑀘𑀼𑀢𑀺𑀘𑀺𑀢𑁆𑀢𑀁 𑀅𑀚𑁆𑀛𑀢𑁆𑀢𑀸𑀭𑀫𑁆𑀫𑀡𑀲𑁆𑀲 𑀉𑀧𑀧𑀢𑁆𑀢𑀺𑀘𑀺𑀢𑁆𑀢𑀲𑁆𑀲 𑀅𑀦𑀦𑁆𑀢𑀭𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄. 𑀩𑀳𑀺𑀤𑁆𑀥𑀸𑀭𑀫𑁆𑀫𑀡𑀁 𑀪𑀯𑀗𑁆𑀕𑀁 𑀅𑀚𑁆𑀛𑀢𑁆𑀢𑀸𑀭𑀫𑁆𑀫𑀡𑀸𑀬 𑀆𑀯𑀚𑁆𑀚𑀦𑀸𑀬 𑀅𑀦𑀦𑁆𑀢𑀭𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄. 𑀩𑀳𑀺𑀤𑁆𑀥𑀸𑀭𑀫𑁆𑀫𑀡𑀸 𑀔𑀦𑁆𑀥𑀸 𑀅𑀚𑁆𑀛𑀢𑁆𑀢𑀸𑀭𑀫𑁆𑀫𑀡𑀲𑁆𑀲 𑀯𑀼𑀝𑁆𑀞𑀸𑀦𑀲𑁆𑀲 𑀅𑀦𑀦𑁆𑀢𑀭𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄. (𑁨)

𑀲𑀫𑀦𑀦𑁆𑀢𑀭𑀧𑀘𑁆𑀘𑀬𑀸𑀤𑀺

𑁧𑁮. 𑀅𑀚𑁆𑀛𑀢𑁆𑀢𑀸𑀭𑀫𑁆𑀫𑀡𑁄 𑀥𑀫𑁆𑀫𑁄 𑀅𑀚𑁆𑀛𑀢𑁆𑀢𑀸𑀭𑀫𑁆𑀫𑀡𑀲𑁆𑀲 𑀥𑀫𑁆𑀫𑀲𑁆𑀲 𑀲𑀫𑀦𑀦𑁆𑀢𑀭𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄…𑀧𑁂… 𑀲𑀳𑀚𑀸𑀢𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄… 𑀅𑀜𑁆𑀜𑀫𑀜𑁆𑀜𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄… 𑀦𑀺𑀲𑁆𑀲𑀬𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄.

𑀉𑀧𑀦𑀺𑀲𑁆𑀲𑀬𑀧𑀘𑁆𑀘𑀬𑁄

𑁧𑁯. 𑀅𑀚𑁆𑀛𑀢𑁆𑀢𑀸𑀭𑀫𑁆𑀫𑀡𑁄 𑀥𑀫𑁆𑀫𑁄 𑀅𑀚𑁆𑀛𑀢𑁆𑀢𑀸𑀭𑀫𑁆𑀫𑀡𑀲𑁆𑀲 𑀥𑀫𑁆𑀫𑀲𑁆𑀲 𑀉𑀧𑀦𑀺𑀲𑁆𑀲𑀬𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄 𑁋 𑀆𑀭𑀫𑁆𑀫𑀡𑀽𑀧𑀦𑀺𑀲𑁆𑀲𑀬𑁄, 𑀅𑀦𑀦𑁆𑀢𑀭𑀽𑀧𑀦𑀺𑀲𑁆𑀲𑀬𑁄, 𑀧𑀓𑀢𑀽𑀧𑀦𑀺𑀲𑁆𑀲𑀬𑁄…𑀧𑁂…. 𑀧𑀓𑀢𑀽𑀧𑀦𑀺𑀲𑁆𑀲𑀬𑁄 𑁋 𑀅𑀚𑁆𑀛𑀢𑁆𑀢𑀸𑀭𑀫𑁆𑀫𑀡𑀸 𑀅𑀦𑀺𑀘𑁆𑀘𑀸𑀦𑀼𑀧𑀲𑁆𑀲𑀦𑀸, 𑀤𑀼𑀓𑁆𑀔𑀸𑀦𑀼𑀧𑀲𑁆𑀲𑀦𑀸, 𑀅𑀦𑀢𑁆𑀢𑀸𑀦𑀼𑀧𑀲𑁆𑀲𑀦𑀸, 𑀅𑀚𑁆𑀛𑀢𑁆𑀢𑀸𑀭𑀫𑁆𑀫𑀡𑀸𑀬 𑀅𑀦𑀺𑀘𑁆𑀘𑀸𑀦𑀼𑀧𑀲𑁆𑀲𑀦𑀸𑀬, 𑀤𑀼𑀓𑁆𑀔𑀸𑀦𑀼𑀧𑀲𑁆𑀲𑀦𑀸𑀬, 𑀅𑀦𑀢𑁆𑀢𑀸𑀦𑀼𑀧𑀲𑁆𑀲𑀦𑀸𑀬 𑀉𑀧𑀦𑀺𑀲𑁆𑀲𑀬𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄. (𑁧)

𑀅𑀚𑁆𑀛𑀢𑁆𑀢𑀸𑀭𑀫𑁆𑀫𑀡𑁄 𑀥𑀫𑁆𑀫𑁄 𑀩𑀳𑀺𑀤𑁆𑀥𑀸𑀭𑀫𑁆𑀫𑀡𑀲𑁆𑀲 𑀥𑀫𑁆𑀫𑀲𑁆𑀲 𑀉𑀧𑀦𑀺𑀲𑁆𑀲𑀬𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄 𑁋 𑀅𑀦𑀦𑁆𑀢𑀭𑀽𑀧𑀦𑀺𑀲𑁆𑀲𑀬𑁄, 𑀧𑀓𑀢𑀽𑀧𑀦𑀺𑀲𑁆𑀲𑀬𑁄…𑀧𑁂…. 𑀧𑀓𑀢𑀽𑀧𑀦𑀺𑀲𑁆𑀲𑀬𑁄 𑁋 𑀅𑀚𑁆𑀛𑀢𑁆𑀢𑀸𑀭𑀫𑁆𑀫𑀡𑀸 𑀅𑀦𑀺𑀘𑁆𑀘𑀸𑀦𑀼𑀧𑀲𑁆𑀲𑀦𑀸, 𑀤𑀼𑀓𑁆𑀔𑀸𑀦𑀼𑀧𑀲𑁆𑀲𑀦𑀸, 𑀅𑀦𑀢𑁆𑀢𑀸𑀦𑀼𑀧𑀲𑁆𑀲𑀦𑀸 𑀩𑀳𑀺𑀤𑁆𑀥𑀸𑀭𑀫𑁆𑀫𑀡𑀸𑀬 𑀅𑀦𑀺𑀘𑁆𑀘𑀸𑀦𑀼𑀧𑀲𑁆𑀲𑀦𑀸𑀬, 𑀤𑀼𑀓𑁆𑀔𑀸𑀦𑀼𑀧𑀲𑁆𑀲𑀦𑀸𑀬, 𑀅𑀦𑀢𑁆𑀢𑀸𑀦𑀼𑀧𑀲𑁆𑀲𑀦𑀸𑀬 𑀉𑀧𑀦𑀺𑀲𑁆𑀲𑀬𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄. (𑁨)

𑁨𑁦. 𑀩𑀳𑀺𑀤𑁆𑀥𑀸𑀭𑀫𑁆𑀫𑀡𑁄 𑀥𑀫𑁆𑀫𑁄 𑀩𑀳𑀺𑀤𑁆𑀥𑀸𑀭𑀫𑁆𑀫𑀡𑀲𑁆𑀲 𑀥𑀫𑁆𑀫𑀲𑁆𑀲 𑀉𑀧𑀦𑀺𑀲𑁆𑀲𑀬𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄 𑁋 𑀅𑀦𑀦𑁆𑀢𑀭𑀽𑀧𑀦𑀺𑀲𑁆𑀲𑀬𑁄, 𑀧𑀓𑀢𑀽𑀧𑀦𑀺𑀲𑁆𑀲𑀬𑁄…𑀧𑁂…. 𑀧𑀓𑀢𑀽𑀧𑀦𑀺𑀲𑁆𑀲𑀬𑁄 𑁋 𑀩𑀳𑀺𑀤𑁆𑀥𑀸𑀭𑀫𑁆𑀫𑀡𑀸 𑀅𑀦𑀺𑀘𑁆𑀘𑀸𑀦𑀼𑀧𑀲𑁆𑀲𑀦𑀸, 𑀤𑀼𑀓𑁆𑀔𑀸𑀦𑀼𑀧𑀲𑁆𑀲𑀦𑀸, 𑀅𑀦𑀢𑁆𑀢𑀸𑀦𑀼𑀧𑀲𑁆𑀲𑀦𑀸 𑀩𑀳𑀺𑀤𑁆𑀥𑀸𑀭𑀫𑁆𑀫𑀡𑀸𑀬 𑀅𑀦𑀺𑀘𑁆𑀘𑀸𑀦𑀼𑀧𑀲𑁆𑀲𑀦𑀸𑀬, 𑀤𑀼𑀓𑁆𑀔𑀸𑀦𑀼𑀧𑀲𑁆𑀲𑀦𑀸𑀬, 𑀅𑀦𑀢𑁆𑀢𑀸𑀦𑀼𑀧𑀲𑁆𑀲𑀦𑀸𑀬 𑀉𑀧𑀦𑀺𑀲𑁆𑀲𑀬𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄. (𑁧)

𑀩𑀳𑀺𑀤𑁆𑀥𑀸𑀭𑀫𑁆𑀫𑀡𑁄 𑀥𑀫𑁆𑀫𑁄 𑀅𑀚𑁆𑀛𑀢𑁆𑀢𑀸𑀭𑀫𑁆𑀫𑀡𑀲𑁆𑀲 𑀥𑀫𑁆𑀫𑀲𑁆𑀲 𑀉𑀧𑀦𑀺𑀲𑁆𑀲𑀬𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄 𑁋 𑀆𑀭𑀫𑁆𑀫𑀡𑀽𑀧𑀦𑀺𑀲𑁆𑀲𑀬𑁄, 𑀅𑀦𑀦𑁆𑀢𑀭𑀽𑀧𑀦𑀺𑀲𑁆𑀲𑀬𑁄, 𑀧𑀓𑀢𑀽𑀧𑀦𑀺𑀲𑁆𑀲𑀬𑁄…𑀧𑁂…. 𑀧𑀓𑀢𑀽𑀧𑀦𑀺𑀲𑁆𑀲𑀬𑁄 𑁋 𑀩𑀳𑀺𑀤𑁆𑀥𑀸𑀭𑀫𑁆𑀫𑀡𑀸 𑀅𑀦𑀺𑀘𑁆𑀘𑀸𑀦𑀼𑀧𑀲𑁆𑀲𑀦𑀸, 𑀤𑀼𑀓𑁆𑀔𑀸𑀦𑀼𑀧𑀲𑁆𑀲𑀦𑀸, 𑀅𑀦𑀢𑁆𑀢𑀸𑀦𑀼𑀧𑀲𑁆𑀲𑀦𑀸 𑀅𑀚𑁆𑀛𑀢𑁆𑀢𑀸𑀭𑀫𑁆𑀫𑀡𑀸𑀬 𑀅𑀦𑀺𑀘𑁆𑀘𑀸𑀦𑀼𑀧𑀲𑁆𑀲𑀦𑀸𑀬, 𑀤𑀼𑀓𑁆𑀔𑀸𑀦𑀼𑀧𑀲𑁆𑀲𑀦𑀸𑀬, 𑀅𑀦𑀢𑁆𑀢𑀸𑀦𑀼𑀧𑀲𑁆𑀲𑀦𑀸𑀬 𑀉𑀧𑀦𑀺𑀲𑁆𑀲𑀬𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄. (𑁨)

𑀆𑀲𑁂𑀯𑀦𑀧𑀘𑁆𑀘𑀬𑁄

𑁨𑁧. 𑀅𑀚𑁆𑀛𑀢𑁆𑀢𑀸𑀭𑀫𑁆𑀫𑀡𑁄 𑀥𑀫𑁆𑀫𑁄 𑀅𑀚𑁆𑀛𑀢𑁆𑀢𑀸𑀭𑀫𑁆𑀫𑀡𑀲𑁆𑀲 𑀥𑀫𑁆𑀫𑀲𑁆𑀲 𑀆𑀲𑁂𑀯𑀦𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄 𑁋 𑀧𑀼𑀭𑀺𑀫𑀸 𑀧𑀼𑀭𑀺𑀫𑀸 𑀅𑀚𑁆𑀛𑀢𑁆𑀢𑀸𑀭𑀫𑁆𑀫𑀡𑀸 𑀔𑀦𑁆𑀥𑀸 𑀧𑀘𑁆𑀙𑀺𑀫𑀸𑀦𑀁 𑀧𑀘𑁆𑀙𑀺𑀫𑀸𑀦𑀁 𑀅𑀚𑁆𑀛𑀢𑁆𑀢𑀸𑀭𑀫𑁆𑀫𑀡𑀸𑀦𑀁 𑀔𑀦𑁆𑀥𑀸𑀦𑀁 𑀆𑀲𑁂𑀯𑀦𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄. (𑁧)

𑀅𑀚𑁆𑀛𑀢𑁆𑀢𑀸𑀭𑀫𑁆𑀫𑀡𑁄 𑀥𑀫𑁆𑀫𑁄 𑀩𑀳𑀺𑀤𑁆𑀥𑀸𑀭𑀫𑁆𑀫𑀡𑀲𑁆𑀲 𑀥𑀫𑁆𑀫𑀲𑁆𑀲 𑀆𑀲𑁂𑀯𑀦𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄 𑁋 𑀅𑀚𑁆𑀛𑀢𑁆𑀢𑀸𑀭𑀫𑁆𑀫𑀡𑀁 𑀅𑀦𑀼𑀮𑁄𑀫𑀁 𑀕𑁄𑀢𑁆𑀭𑀪𑀼𑀲𑁆𑀲, 𑀅𑀦𑀼𑀮𑁄𑀫𑀁 𑀯𑁄𑀤𑀸𑀦𑀲𑁆𑀲 𑀆𑀲𑁂𑀯𑀦𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄. (𑁨)

𑀩𑀳𑀺𑀤𑁆𑀥𑀸𑀭𑀫𑁆𑀫𑀡𑁄 𑀥𑀫𑁆𑀫𑁄 𑀩𑀳𑀺𑀤𑁆𑀥𑀸𑀭𑀫𑁆𑀫𑀡𑀲𑁆𑀲 𑀥𑀫𑁆𑀫𑀲𑁆𑀲 𑀆𑀲𑁂𑀯𑀦𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄 𑁋 𑀧𑀼𑀭𑀺𑀫𑀸 𑀧𑀼𑀭𑀺𑀫𑀸 𑀩𑀳𑀺𑀤𑁆𑀥𑀸𑀭𑀫𑁆𑀫𑀡𑀸 𑀔𑀦𑁆𑀥𑀸 𑀧𑀘𑁆𑀙𑀺𑀫𑀸𑀦𑀁 𑀧𑀘𑁆𑀙𑀺𑀫𑀸𑀦𑀁 𑀩𑀳𑀺𑀤𑁆𑀥𑀸𑀭𑀫𑁆𑀫𑀡𑀸𑀦𑀁 𑀔𑀦𑁆𑀥𑀸𑀦𑀁 𑀆𑀲𑁂𑀯𑀦𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄. 𑀩𑀳𑀺𑀤𑁆𑀥𑀸𑀭𑀫𑁆𑀫𑀡𑀁 𑀅𑀦𑀼𑀮𑁄𑀫𑀁 𑀕𑁄𑀢𑁆𑀭𑀪𑀼𑀲𑁆𑀲… 𑀅𑀦𑀼𑀮𑁄𑀫𑀁 𑀯𑁄𑀤𑀸𑀦𑀲𑁆𑀲… 𑀕𑁄𑀢𑁆𑀭𑀪𑀼 𑀫𑀕𑁆𑀕𑀲𑁆𑀲… 𑀯𑁄𑀤𑀸𑀦𑀁 𑀫𑀕𑁆𑀕𑀲𑁆𑀲 𑀆𑀲𑁂𑀯𑀦𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄. (𑁧)

𑀓𑀫𑁆𑀫𑀧𑀘𑁆𑀘𑀬𑁄

𑁨𑁨. 𑀅𑀚𑁆𑀛𑀢𑁆𑀢𑀸𑀭𑀫𑁆𑀫𑀡𑁄 𑀥𑀫𑁆𑀫𑁄 𑀅𑀚𑁆𑀛𑀢𑁆𑀢𑀸𑀭𑀫𑁆𑀫𑀡𑀲𑁆𑀲 𑀥𑀫𑁆𑀫𑀲𑁆𑀲 𑀓𑀫𑁆𑀫𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄 𑁋 𑀲𑀳𑀚𑀸𑀢𑀸, 𑀦𑀸𑀦𑀸𑀓𑁆𑀔𑀡𑀺𑀓𑀸. 𑀲𑀳𑀚𑀸𑀢𑀸 𑁋 𑀅𑀚𑁆𑀛𑀢𑁆𑀢𑀸𑀭𑀫𑁆𑀫𑀡𑀸 𑀘𑁂𑀢𑀦𑀸 𑀲𑀫𑁆𑀧𑀬𑀼𑀢𑁆𑀢𑀓𑀸𑀦𑀁 𑀔𑀦𑁆𑀥𑀸𑀦𑀁 𑀓𑀫𑁆𑀫𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄. 𑀧𑀝𑀺𑀲𑀦𑁆𑀥𑀺𑀓𑁆𑀔𑀡𑁂…𑀧𑁂…. 𑀦𑀸𑀦𑀸𑀓𑁆𑀔𑀡𑀺𑀓𑀸 𑁋 𑀅𑀚𑁆𑀛𑀢𑁆𑀢𑀸𑀭𑀫𑁆𑀫𑀡𑀸 𑀘𑁂𑀢𑀦𑀸 𑀯𑀺𑀧𑀸𑀓𑀸𑀦𑀁 𑀅𑀚𑁆𑀛𑀢𑁆𑀢𑀸𑀭𑀫𑁆𑀫𑀡𑀸𑀦𑀁 𑀔𑀦𑁆𑀥𑀸𑀦𑀁 𑀓𑀫𑁆𑀫𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄. (𑁧)

𑀅𑀚𑁆𑀛𑀢𑁆𑀢𑀸𑀭𑀫𑁆𑀫𑀡𑁄 𑀥𑀫𑁆𑀫𑁄 𑀩𑀳𑀺𑀤𑁆𑀥𑀸𑀭𑀫𑁆𑀫𑀡𑀲𑁆𑀲 𑀥𑀫𑁆𑀫𑀲𑁆𑀲 𑀓𑀫𑁆𑀫𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄. 𑀦𑀸𑀦𑀸𑀓𑁆𑀔𑀡𑀺𑀓𑀸 𑁋 𑀅𑀚𑁆𑀛𑀢𑁆𑀢𑀸𑀭𑀫𑁆𑀫𑀡𑀸 𑀘𑁂𑀢𑀦𑀸 𑀯𑀺𑀧𑀸𑀓𑀸𑀦𑀁 𑀩𑀳𑀺𑀤𑁆𑀥𑀸𑀭𑀫𑁆𑀫𑀡𑀸𑀦𑀁 𑀔𑀦𑁆𑀥𑀸𑀦𑀁 𑀓𑀫𑁆𑀫𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄. (𑁨)

𑀩𑀳𑀺𑀤𑁆𑀥𑀸𑀭𑀫𑁆𑀫𑀡𑁄 𑀥𑀫𑁆𑀫𑁄 𑀩𑀳𑀺𑀤𑁆𑀥𑀸𑀭𑀫𑁆𑀫𑀡𑀲𑁆𑀲 𑀥𑀫𑁆𑀫𑀲𑁆𑀲 𑀓𑀫𑁆𑀫𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄 𑁋 𑀲𑀳𑀚𑀸𑀢𑀸, 𑀦𑀸𑀦𑀸𑀓𑁆𑀔𑀡𑀺𑀓𑀸. 𑀲𑀳𑀚𑀸𑀢𑀸 𑁋 𑀩𑀳𑀺𑀤𑁆𑀥𑀸𑀭𑀫𑁆𑀫𑀡𑀸 𑀘𑁂𑀢𑀦𑀸 𑀲𑀫𑁆𑀧𑀬𑀼𑀢𑁆𑀢𑀓𑀸𑀦𑀁 𑀔𑀦𑁆𑀥𑀸𑀦𑀁 𑀓𑀫𑁆𑀫𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄. 𑀧𑀝𑀺𑀲𑀦𑁆𑀥𑀺𑀓𑁆𑀔𑀡𑁂…𑀧𑁂…. 𑀦𑀸𑀦𑀸𑀓𑁆𑀔𑀡𑀺𑀓𑀸 𑁋 𑀩𑀳𑀺𑀤𑁆𑀥𑀸𑀭𑀫𑁆𑀫𑀡𑀸 𑀘𑁂𑀢𑀦𑀸 𑀯𑀺𑀧𑀸𑀓𑀸𑀦𑀁 𑀩𑀳𑀺𑀤𑁆𑀥𑀸𑀭𑀫𑁆𑀫𑀡𑀸𑀦𑀁 𑀔𑀦𑁆𑀥𑀸𑀦𑀁 𑀓𑀫𑁆𑀫𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄. (𑁧)

𑀩𑀳𑀺𑀤𑁆𑀥𑀸𑀭𑀫𑁆𑀫𑀡𑁄 𑀥𑀫𑁆𑀫𑁄 𑀅𑀚𑁆𑀛𑀢𑁆𑀢𑀸𑀭𑀫𑁆𑀫𑀡𑀲𑁆𑀲 𑀥𑀫𑁆𑀫𑀲𑁆𑀲 𑀓𑀫𑁆𑀫𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄. 𑀦𑀸𑀦𑀸𑀓𑁆𑀔𑀡𑀺𑀓𑀸 𑁋 𑀩𑀳𑀺𑀤𑁆𑀥𑀸𑀭𑀫𑁆𑀫𑀡𑀸 𑀘𑁂𑀢𑀦𑀸 𑀯𑀺𑀧𑀸𑀓𑀸𑀦𑀁 𑀅𑀚𑁆𑀛𑀢𑁆𑀢𑀸𑀭𑀫𑁆𑀫𑀡𑀸𑀦𑀁 𑀔𑀦𑁆𑀥𑀸𑀦𑀁 𑀓𑀫𑁆𑀫𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄. (𑁨)

𑀯𑀺𑀧𑀸𑀓𑀧𑀘𑁆𑀘𑀬𑀸𑀤𑀺

𑁨𑁩. 𑀅𑀚𑁆𑀛𑀢𑁆𑀢𑀸𑀭𑀫𑁆𑀫𑀡𑁄 𑀥𑀫𑁆𑀫𑁄 𑀅𑀚𑁆𑀛𑀢𑁆𑀢𑀸𑀭𑀫𑁆𑀫𑀡𑀲𑁆𑀲 𑀥𑀫𑁆𑀫𑀲𑁆𑀲 𑀯𑀺𑀧𑀸𑀓𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄…𑀧𑁂… 𑀆𑀳𑀸𑀭𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄… 𑀇𑀦𑁆𑀤𑁆𑀭𑀺𑀬𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄… 𑀛𑀸𑀦𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄 … 𑀫𑀕𑁆𑀕𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄… 𑀲𑀫𑁆𑀧𑀬𑀼𑀢𑁆𑀢𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄… 𑀅𑀢𑁆𑀣𑀺𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄… 𑀦𑀢𑁆𑀣𑀺𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄…𑀯𑀺𑀕𑀢𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄… 𑀅𑀯𑀺𑀕𑀢𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄.