𑁧𑁫. 𑀫𑀺𑀘𑁆𑀙𑀢𑁆𑀢𑀦𑀺𑀬𑀢𑀢𑁆𑀢𑀺𑀓𑀁

𑁧. 𑀧𑀝𑀺𑀘𑁆𑀘𑀯𑀸𑀭𑁄

𑁧. 𑀧𑀘𑁆𑀘𑀬𑀸𑀦𑀼𑀮𑁄𑀫𑀁

𑁧. 𑀯𑀺𑀪𑀗𑁆𑀕𑀯𑀸𑀭𑁄

𑀳𑁂𑀢𑀼𑀧𑀘𑁆𑀘𑀬𑁄

𑁧. 𑀫𑀺𑀘𑁆𑀙𑀢𑁆𑀢𑀦𑀺𑀬𑀢𑀁 𑀥𑀫𑁆𑀫𑀁 𑀧𑀝𑀺𑀘𑁆𑀘 𑀫𑀺𑀘𑁆𑀙𑀢𑁆𑀢𑀦𑀺𑀬𑀢𑁄 𑀥𑀫𑁆𑀫𑁄 𑀉𑀧𑁆𑀧𑀚𑁆𑀚𑀢𑀺 𑀳𑁂𑀢𑀼𑀧𑀘𑁆𑀘𑀬𑀸 𑁋 𑀫𑀺𑀘𑁆𑀙𑀢𑁆𑀢𑀦𑀺𑀬𑀢𑀁 𑀏𑀓𑀁 𑀔𑀦𑁆𑀥𑀁 𑀧𑀝𑀺𑀘𑁆𑀘 𑀢𑀬𑁄 𑀔𑀦𑁆𑀥𑀸…𑀧𑁂… 𑀤𑁆𑀯𑁂 𑀔𑀦𑁆𑀥𑀸. (𑁧)

𑀫𑀺𑀘𑁆𑀙𑀢𑁆𑀢𑀦𑀺𑀬𑀢𑀁 𑀥𑀫𑁆𑀫𑀁 𑀧𑀝𑀺𑀘𑁆𑀘 𑀅𑀦𑀺𑀬𑀢𑁄 𑀥𑀫𑁆𑀫𑁄 𑀉𑀧𑁆𑀧𑀚𑁆𑀚𑀢𑀺 𑀳𑁂𑀢𑀼𑀧𑀘𑁆𑀘𑀬𑀸 𑁋 𑀫𑀺𑀘𑁆𑀙𑀢𑁆𑀢𑀦𑀺𑀬𑀢𑁂 𑀔𑀦𑁆𑀥𑁂 𑀧𑀝𑀺𑀘𑁆𑀘 𑀘𑀺𑀢𑁆𑀢𑀲𑀫𑀼𑀝𑁆𑀞𑀸𑀦𑀁 𑀭𑀽𑀧𑀁. (𑁨)

𑀫𑀺𑀘𑁆𑀙𑀢𑁆𑀢𑀦𑀺𑀬𑀢𑀁 𑀥𑀫𑁆𑀫𑀁 𑀧𑀝𑀺𑀘𑁆𑀘 𑀫𑀺𑀘𑁆𑀙𑀢𑁆𑀢𑀦𑀺𑀬𑀢𑁄 𑀘 𑀅𑀦𑀺𑀬𑀢𑁄 𑀘 𑀥𑀫𑁆𑀫𑀸 𑀉𑀧𑁆𑀧𑀚𑁆𑀚𑀦𑁆𑀢𑀺 𑀳𑁂𑀢𑀼𑀧𑀘𑁆𑀘𑀬𑀸 𑁋 𑀫𑀺𑀘𑁆𑀙𑀢𑁆𑀢𑀦𑀺𑀬𑀢𑀁 𑀏𑀓𑀁 𑀔𑀦𑁆𑀥𑀁 𑀧𑀝𑀺𑀘𑁆𑀘 𑀢𑀬𑁄 𑀔𑀦𑁆𑀥𑀸 𑀘𑀺𑀢𑁆𑀢𑀲𑀫𑀼𑀝𑁆𑀞𑀸𑀦𑀜𑁆𑀘 𑀭𑀽𑀧𑀁…𑀧𑁂… 𑀤𑁆𑀯𑁂 𑀔𑀦𑁆𑀥𑁂…𑀧𑁂…. (𑁩)

𑁨. 𑀲𑀫𑁆𑀫𑀢𑁆𑀢𑀦𑀺𑀬𑀢𑀁 𑀥𑀫𑁆𑀫𑀁 𑀧𑀝𑀺𑀘𑁆𑀘 𑀲𑀫𑁆𑀫𑀢𑁆𑀢𑀦𑀺𑀬𑀢𑁄 𑀥𑀫𑁆𑀫𑁄 𑀉𑀧𑁆𑀧𑀚𑁆𑀚𑀢𑀺 𑀳𑁂𑀢𑀼𑀧𑀘𑁆𑀘𑀬𑀸… 𑀢𑀻𑀡𑀺.

𑁩. 𑀅𑀦𑀺𑀬𑀢𑀁 𑀥𑀫𑁆𑀫𑀁 𑀧𑀝𑀺𑀘𑁆𑀘 𑀅𑀦𑀺𑀬𑀢𑁄 𑀥𑀫𑁆𑀫𑁄 𑀉𑀧𑁆𑀧𑀚𑁆𑀚𑀢𑀺 𑀳𑁂𑀢𑀼𑀧𑀘𑁆𑀘𑀬𑀸 𑁋 𑀅𑀦𑀺𑀬𑀢𑀁 𑀏𑀓𑀁 𑀔𑀦𑁆𑀥𑀁 𑀧𑀝𑀺𑀘𑁆𑀘 𑀢𑀬𑁄 𑀔𑀦𑁆𑀥𑀸 𑀘𑀺𑀢𑁆𑀢𑀲𑀫𑀼𑀝𑁆𑀞𑀸𑀦𑀜𑁆𑀘 𑀭𑀽𑀧𑀁…𑀧𑁂… 𑀤𑁆𑀯𑁂 𑀔𑀦𑁆𑀥𑁂…𑀧𑁂… 𑀧𑀝𑀺𑀲𑀦𑁆𑀥𑀺𑀓𑁆𑀔𑀡𑁂 𑀅𑀦𑀺𑀬𑀢𑀁 𑀏𑀓𑀁 𑀔𑀦𑁆𑀥𑀁 𑀧𑀝𑀺𑀘𑁆𑀘 𑀢𑀬𑁄 𑀔𑀦𑁆𑀥𑀸 𑀓𑀝𑀢𑁆𑀢𑀸 𑀘 𑀭𑀽𑀧𑀁, 𑀤𑁆𑀯𑁂 𑀔𑀦𑁆𑀥𑁂…𑀧𑁂… 𑀔𑀦𑁆𑀥𑁂 𑀧𑀝𑀺𑀘𑁆𑀘 𑀯𑀢𑁆𑀣𑀼, 𑀯𑀢𑁆𑀣𑀼𑀁 𑀧𑀝𑀺𑀘𑁆𑀘 𑀔𑀦𑁆𑀥𑀸; 𑀏𑀓𑀁 𑀫𑀳𑀸𑀪𑀽𑀢𑀁 𑀧𑀝𑀺𑀘𑁆𑀘 𑀢𑀬𑁄 𑀫𑀳𑀸𑀪𑀽𑀢𑀸…𑀧𑁂… 𑀤𑁆𑀯𑁂 𑀫𑀳𑀸𑀪𑀽𑀢𑀸,. 𑀫𑀳𑀸𑀪𑀽𑀢𑁂 𑀧𑀝𑀺𑀘𑁆𑀘 𑀘𑀺𑀢𑁆𑀢𑀲𑀫𑀼𑀝𑁆𑀞𑀸𑀦𑀁 𑀭𑀽𑀧𑀁 𑀓𑀝𑀢𑁆𑀢𑀸𑀭𑀽𑀧𑀁 𑀉𑀧𑀸𑀤𑀸𑀭𑀽𑀧𑀁. (𑁧)

𑁪. 𑀫𑀺𑀘𑁆𑀙𑀢𑁆𑀢𑀦𑀺𑀬𑀢𑀜𑁆𑀘 𑀅𑀦𑀺𑀬𑀢𑀜𑁆𑀘 𑀥𑀫𑁆𑀫𑀁 𑀧𑀝𑀺𑀘𑁆𑀘 𑀅𑀦𑀺𑀬𑀢𑁄 𑀥𑀫𑁆𑀫𑁄 𑀉𑀧𑁆𑀧𑀚𑁆𑀚𑀢𑀺 𑀳𑁂𑀢𑀼𑀧𑀘𑁆𑀘𑀬𑀸 𑁋 𑀫𑀺𑀘𑁆𑀙𑀢𑁆𑀢𑀦𑀺𑀬𑀢𑁂 𑀔𑀦𑁆𑀥𑁂 𑀘 𑀫𑀳𑀸𑀪𑀽𑀢𑁂 𑀘 𑀧𑀝𑀺𑀘𑁆𑀘 𑀘𑀺𑀢𑁆𑀢𑀲𑀫𑀼𑀝𑁆𑀞𑀸𑀦𑀁 𑀭𑀽𑀧𑀁. (𑁧)

𑀲𑀫𑁆𑀫𑀢𑁆𑀢𑀦𑀺𑀬𑀢𑀜𑁆𑀘 𑀅𑀦𑀺𑀬𑀢𑀜𑁆𑀘 𑀥𑀫𑁆𑀫𑀁 𑀧𑀝𑀺𑀘𑁆𑀘 𑀅𑀦𑀺𑀬𑀢𑁄 𑀥𑀫𑁆𑀫𑁄 𑀉𑀧𑁆𑀧𑀚𑁆𑀚𑀢𑀺 𑀳𑁂𑀢𑀼𑀧𑀘𑁆𑀘𑀬𑀸 𑁋 𑀲𑀫𑁆𑀫𑀢𑁆𑀢𑀦𑀺𑀬𑀢𑁂 𑀔𑀦𑁆𑀥𑁂 𑀘 𑀫𑀳𑀸𑀪𑀽𑀢𑁂 𑀘 𑀧𑀝𑀺𑀘𑁆𑀘 𑀘𑀺𑀢𑁆𑀢𑀲𑀫𑀼𑀝𑁆𑀞𑀸𑀦𑀁 𑀭𑀽𑀧𑀁. (𑁧)

𑀆𑀭𑀫𑁆𑀫𑀡𑀧𑀘𑁆𑀘𑀬𑁄

𑁫. 𑀫𑀺𑀘𑁆𑀙𑀢𑁆𑀢𑀦𑀺𑀬𑀢𑀁 𑀥𑀫𑁆𑀫𑀁 𑀧𑀝𑀺𑀘𑁆𑀘 𑀫𑀺𑀘𑁆𑀙𑀢𑁆𑀢𑀦𑀺𑀬𑀢𑁄 𑀥𑀫𑁆𑀫𑁄 𑀉𑀧𑁆𑀧𑀚𑁆𑀚𑀢𑀺 𑀆𑀭𑀫𑁆𑀫𑀡𑀧𑀘𑁆𑀘𑀬𑀸 𑁋 𑀫𑀺𑀘𑁆𑀙𑀢𑁆𑀢𑀦𑀺𑀬𑀢𑀁 𑀏𑀓𑀁 𑀔𑀦𑁆𑀥𑀁 𑀧𑀝𑀺𑀘𑁆𑀘 𑀢𑀬𑁄 𑀔𑀦𑁆𑀥𑀸…𑀧𑁂… 𑀤𑁆𑀯𑁂 𑀔𑀦𑁆𑀥𑁂…𑀧𑁂…. (𑁧)

𑀲𑀫𑁆𑀫𑀢𑁆𑀢𑀦𑀺𑀬𑀢𑀁 𑀥𑀫𑁆𑀫𑀁 𑀧𑀝𑀺𑀘𑁆𑀘 𑀲𑀫𑁆𑀫𑀢𑁆𑀢𑀦𑀺𑀬𑀢𑁄 𑀥𑀫𑁆𑀫𑁄 𑀉𑀧𑁆𑀧𑀚𑁆𑀚𑀢𑀺 𑀆𑀭𑀫𑁆𑀫𑀡𑀧𑀘𑁆𑀘𑀬𑀸 𑁋 𑀲𑀫𑁆𑀫𑀢𑁆𑀢𑀦𑀺𑀬𑀢𑀁 𑀏𑀓𑀁 𑀔𑀦𑁆𑀥𑀁 𑀧𑀝𑀺𑀘𑁆𑀘 𑀢𑀬𑁄 𑀔𑀦𑁆𑀥𑀸…𑀧𑁂… 𑀤𑁆𑀯𑁂 𑀔𑀦𑁆𑀥𑁂…𑀧𑁂…. (𑁧)

𑀅𑀦𑀺𑀬𑀢𑀁 𑀥𑀫𑁆𑀫𑀁 𑀧𑀝𑀺𑀘𑁆𑀘 𑀅𑀦𑀺𑀬𑀢𑁄 𑀥𑀫𑁆𑀫𑁄 𑀉𑀧𑁆𑀧𑀚𑁆𑀚𑀢𑀺 𑀆𑀭𑀫𑁆𑀫𑀡𑀧𑀘𑁆𑀘𑀬𑀸 𑁋 𑀅𑀦𑀺𑀬𑀢𑀁 𑀏𑀓𑀁 𑀔𑀦𑁆𑀥𑀁 𑀧𑀝𑀺𑀘𑁆𑀘 𑀢𑀬𑁄 𑀔𑀦𑁆𑀥𑀸…𑀧𑁂… 𑀤𑁆𑀯𑁂 𑀔𑀦𑁆𑀥𑁂…𑀧𑁂… 𑀧𑀝𑀺𑀲𑀦𑁆𑀥𑀺𑀓𑁆𑀔𑀡𑁂 𑀅𑀦𑀺𑀬𑀢𑀁 𑀏𑀓𑀁 𑀔𑀦𑁆𑀥𑀁 𑀧𑀝𑀺𑀘𑁆𑀘 𑀢𑀬𑁄 𑀔𑀦𑁆𑀥𑀸…𑀧𑁂… 𑀤𑁆𑀯𑁂 𑀔𑀦𑁆𑀥𑁂…𑀧𑁂… 𑀯𑀢𑁆𑀣𑀼𑀁 𑀧𑀝𑀺𑀘𑁆𑀘 𑀔𑀦𑁆𑀥𑀸 (𑀲𑀩𑁆𑀩𑁂 𑀧𑀘𑁆𑀘𑀬𑀸 𑀇𑀫𑀺𑀦𑀸 𑀓𑀸𑀭𑀡𑁂𑀦 𑀯𑀺𑀢𑁆𑀣𑀸𑀭𑁂𑀢𑀩𑁆𑀩𑀸. 𑀲𑀁𑀔𑀺𑀢𑁆𑀢𑀁).

𑁧. 𑀧𑀘𑁆𑀘𑀬𑀸𑀦𑀼𑀮𑁄𑀫𑀁

𑁨. 𑀲𑀗𑁆𑀔𑁆𑀬𑀸𑀯𑀸𑀭𑁄

𑁬. 𑀳𑁂𑀢𑀼𑀬𑀸 𑀦𑀯, 𑀆𑀭𑀫𑁆𑀫𑀡𑁂 𑀢𑀻𑀡𑀺, 𑀅𑀥𑀺𑀧𑀢𑀺𑀬𑀸 𑀦𑀯, 𑀅𑀦𑀦𑁆𑀢𑀭𑁂 𑀢𑀻𑀡𑀺, 𑀲𑀫𑀦𑀦𑁆𑀢𑀭𑁂 𑀢𑀻𑀡𑀺, 𑀲𑀳𑀚𑀸𑀢𑁂 𑀦𑀯, 𑀅𑀜𑁆𑀜𑀫𑀜𑁆𑀜𑁂 𑀢𑀻𑀡𑀺, 𑀦𑀺𑀲𑁆𑀲𑀬𑁂 𑀦𑀯, 𑀉𑀧𑀦𑀺𑀲𑁆𑀲𑀬𑁂 𑀢𑀻𑀡𑀺, 𑀧𑀼𑀭𑁂𑀚𑀸𑀢𑁂 𑀢𑀻𑀡𑀺, 𑀆𑀲𑁂𑀯𑀦𑁂 𑀢𑀻𑀡𑀺, 𑀓𑀫𑁆𑀫𑁂 𑀦𑀯, 𑀯𑀺𑀧𑀸𑀓𑁂 𑀏𑀓𑀁, 𑀆𑀳𑀸𑀭𑁂 𑀦𑀯, 𑀇𑀦𑁆𑀤𑁆𑀭𑀺𑀬𑁂 𑀦𑀯, 𑀛𑀸𑀦𑁂 𑀦𑀯, 𑀫𑀕𑁆𑀕𑁂 𑀦𑀯, 𑀲𑀫𑁆𑀧𑀬𑀼𑀢𑁆𑀢𑁂 𑀢𑀻𑀡𑀺, 𑀯𑀺𑀧𑁆𑀧𑀬𑀼𑀢𑁆𑀢𑁂 𑀦𑀯, 𑀅𑀢𑁆𑀣𑀺𑀬𑀸 𑀦𑀯, 𑀦𑀢𑁆𑀣𑀺𑀬𑀸 𑀢𑀻𑀡𑀺, 𑀯𑀺𑀕𑀢𑁂 𑀢𑀻𑀡𑀺, 𑀅𑀯𑀺𑀕𑀢𑁂 𑀦𑀯 (𑀏𑀯𑀁 𑀕𑀡𑁂𑀢𑀩𑁆𑀩𑀁).

𑀅𑀦𑀼𑀮𑁄𑀫𑀁.

𑁨. 𑀧𑀘𑁆𑀘𑀬𑀧𑀘𑁆𑀘𑀦𑀻𑀬𑀁

𑁧. 𑀯𑀺𑀪𑀗𑁆𑀕𑀯𑀸𑀭𑁄

𑀦𑀳𑁂𑀢𑀼𑀧𑀘𑁆𑀘𑀬𑁄

𑁭. 𑀅𑀦𑀺𑀬𑀢𑀁 𑀥𑀫𑁆𑀫𑀁 𑀧𑀝𑀺𑀘𑁆𑀘 𑀅𑀦𑀺𑀬𑀢𑁄 𑀥𑀫𑁆𑀫𑁄 𑀉𑀧𑁆𑀧𑀚𑁆𑀚𑀢𑀺 𑀦𑀳𑁂𑀢𑀼𑀧𑀘𑁆𑀘𑀬𑀸 𑁋 𑀅𑀳𑁂𑀢𑀼𑀓𑀁 𑀅𑀦𑀺𑀬𑀢𑀁 𑀏𑀓𑀁 𑀔𑀦𑁆𑀥𑀁 𑀧𑀝𑀺𑀘𑁆𑀘 𑀢𑀬𑁄 𑀔𑀦𑁆𑀥𑀸 𑀘𑀺𑀢𑁆𑀢𑀲𑀫𑀼𑀝𑁆𑀞𑀸𑀦𑀜𑁆𑀘 𑀭𑀽𑀧𑀁…𑀧𑁂… 𑀤𑁆𑀯𑁂 𑀔𑀦𑁆𑀥𑁂…𑀧𑁂… 𑀅𑀳𑁂𑀢𑀼𑀓𑀧𑀝𑀺𑀲𑀦𑁆𑀥𑀺𑀓𑁆𑀔𑀡𑁂…𑀧𑁂… 𑀏𑀓𑀁 𑀫𑀳𑀸𑀪𑀽𑀢𑀁 𑀧𑀝𑀺𑀘𑁆𑀘…𑀧𑁂… 𑀩𑀸𑀳𑀺𑀭𑀁… 𑀆𑀳𑀸𑀭𑀲𑀫𑀼𑀝𑁆𑀞𑀸𑀦𑀁… 𑀉𑀢𑀼𑀲𑀫𑀼𑀝𑁆𑀞𑀸𑀦𑀁… 𑀅𑀲𑀜𑁆𑀜𑀲𑀢𑁆𑀢𑀸𑀦𑀁…𑀧𑁂… 𑀯𑀺𑀘𑀺𑀓𑀺𑀘𑁆𑀙𑀸𑀲𑀳𑀕𑀢𑁂 𑀉𑀤𑁆𑀥𑀘𑁆𑀘𑀲𑀳𑀕𑀢𑁂 𑀔𑀦𑁆𑀥𑁂 𑀧𑀝𑀺𑀘𑁆𑀘 𑀯𑀺𑀘𑀺𑀓𑀺𑀘𑁆𑀙𑀸𑀲𑀳𑀕𑀢𑁄 𑀉𑀤𑁆𑀥𑀘𑁆𑀘𑀲𑀳𑀕𑀢𑁄 𑀫𑁄𑀳𑁄. (𑁧)

𑀦𑀆𑀭𑀫𑁆𑀫𑀡𑀧𑀘𑁆𑀘𑀬𑁄

𑁮. 𑀫𑀺𑀘𑁆𑀙𑀢𑁆𑀢𑀦𑀺𑀬𑀢𑀁 𑀥𑀫𑁆𑀫𑀁 𑀧𑀝𑀺𑀘𑁆𑀘 𑀅𑀦𑀺𑀬𑀢𑁄 𑀥𑀫𑁆𑀫𑁄 𑀉𑀧𑁆𑀧𑀚𑁆𑀚𑀢𑀺 𑀦𑀆𑀭𑀫𑁆𑀫𑀡𑀧𑀘𑁆𑀘𑀬𑀸 𑁋 𑀫𑀺𑀘𑁆𑀙𑀢𑁆𑀢𑀦𑀺𑀬𑀢𑁂 𑀔𑀦𑁆𑀥𑁂 𑀧𑀝𑀺𑀘𑁆𑀘 𑀘𑀺𑀢𑁆𑀢𑀲𑀫𑀼𑀝𑁆𑀞𑀸𑀦𑀁 𑀭𑀽𑀧𑀁 (𑀲𑀁𑀔𑀺𑀢𑁆𑀢𑀁).

𑀦𑀅𑀥𑀺𑀧𑀢𑀺𑀧𑀘𑁆𑀘𑀬𑁄

𑁯. 𑀫𑀺𑀘𑁆𑀙𑀢𑁆𑀢𑀦𑀺𑀬𑀢𑀁 𑀥𑀫𑁆𑀫𑀁 𑀧𑀝𑀺𑀘𑁆𑀘 𑀫𑀺𑀘𑁆𑀙𑀢𑁆𑀢𑀦𑀺𑀬𑀢𑁄 𑀥𑀫𑁆𑀫𑁄 𑀉𑀧𑁆𑀧𑀚𑁆𑀚𑀢𑀺 𑀦𑀅𑀥𑀺𑀧𑀢𑀺𑀧𑀘𑁆𑀘𑀬𑀸 𑁋 𑀫𑀺𑀘𑁆𑀙𑀢𑁆𑀢𑀦𑀺𑀬𑀢𑁂 𑀔𑀦𑁆𑀥𑁂 𑀧𑀝𑀺𑀘𑁆𑀘 𑀫𑀺𑀘𑁆𑀙𑀢𑁆𑀢𑀦𑀺𑀬𑀢𑀸𑀥𑀺𑀧𑀢𑀺. (𑁧)

𑀲𑀫𑁆𑀫𑀢𑁆𑀢𑀦𑀺𑀬𑀢𑀁 𑀥𑀫𑁆𑀫𑀁 𑀧𑀝𑀺𑀘𑁆𑀘 𑀲𑀫𑁆𑀫𑀢𑁆𑀢𑀦𑀺𑀬𑀢𑁄 𑀥𑀫𑁆𑀫𑁄 𑀉𑀧𑁆𑀧𑀚𑁆𑀚𑀢𑀺 𑀦𑀅𑀥𑀺𑀧𑀢𑀺𑀧𑀘𑁆𑀘𑀬𑀸 𑁋 𑀲𑀫𑁆𑀫𑀢𑁆𑀢𑀦𑀺𑀬𑀢𑁂 𑀔𑀦𑁆𑀥𑁂 𑀧𑀝𑀺𑀘𑁆𑀘 𑀲𑀫𑁆𑀫𑀢𑁆𑀢𑀦𑀺𑀬𑀢𑀸𑀥𑀺𑀧𑀢𑀺. (𑁧)

𑀅𑀦𑀺𑀬𑀢𑀁 𑀥𑀫𑁆𑀫𑀁 𑀧𑀝𑀺𑀘𑁆𑀘 𑀅𑀦𑀺𑀬𑀢𑁄 𑀥𑀫𑁆𑀫𑁄 𑀉𑀧𑁆𑀧𑀚𑁆𑀚𑀢𑀺 𑀦𑀅𑀥𑀺𑀧𑀢𑀺𑀧𑀘𑁆𑀘𑀬𑀸 𑁋 𑀅𑀦𑀺𑀬𑀢𑀁 𑀏𑀓𑀁 𑀔𑀦𑁆𑀥𑀁 𑀧𑀝𑀺𑀘𑁆𑀘 𑀢𑀬𑁄 𑀔𑀦𑁆𑀥𑀸 𑀘𑀺𑀢𑁆𑀢𑀲𑀫𑀼𑀝𑁆𑀞𑀸𑀦𑀜𑁆𑀘 𑀭𑀽𑀧𑀁…𑀧𑁂… 𑀤𑁆𑀯𑁂 𑀔𑀦𑁆𑀥𑁂…𑀧𑁂… 𑀧𑀝𑀺𑀲𑀦𑁆𑀥𑀺𑀓𑁆𑀔𑀡𑁂…𑀧𑁂… 𑀔𑀦𑁆𑀥𑁂 𑀧𑀝𑀺𑀘𑁆𑀘 𑀯𑀢𑁆𑀣𑀼, 𑀯𑀢𑁆𑀣𑀼𑀁 𑀧𑀝𑀺𑀘𑁆𑀘 𑀔𑀦𑁆𑀥𑀸; 𑀏𑀓𑀁 𑀫𑀳𑀸𑀪𑀽𑀢𑀁…𑀧𑁂… 𑀅𑀲𑀜𑁆𑀜𑀲𑀢𑁆𑀢𑀸𑀦𑀁…𑀧𑁂…. (𑁧)

𑀦𑀅𑀦𑀦𑁆𑀢𑀭𑀧𑀘𑁆𑀘𑀬𑁄

𑁧𑁦. 𑀫𑀺𑀘𑁆𑀙𑀢𑁆𑀢𑀦𑀺𑀬𑀢𑀁 𑀥𑀫𑁆𑀫𑀁 𑀧𑀝𑀺𑀘𑁆𑀘 𑀅𑀦𑀺𑀬𑀢𑁄 𑀥𑀫𑁆𑀫𑁄 𑀉𑀧𑁆𑀧𑀚𑁆𑀚𑀢𑀺 𑀦𑀅𑀦𑀦𑁆𑀢𑀭𑀧𑀘𑁆𑀘𑀬𑀸 (𑀲𑀁𑀔𑀺𑀢𑁆𑀢𑀁, 𑀲𑀩𑁆𑀩𑀸𑀦𑀺 𑀧𑀘𑁆𑀘𑀬𑀸𑀦𑀺 𑀯𑀺𑀢𑁆𑀣𑀸𑀭𑁂𑀢𑀩𑁆𑀩𑀸𑀦𑀺).

𑁨. 𑀧𑀘𑁆𑀘𑀬𑀧𑀘𑁆𑀘𑀦𑀻𑀬𑀁

𑁨. 𑀲𑀗𑁆𑀔𑁆𑀬𑀸𑀯𑀸𑀭𑁄

𑁧𑁧. 𑀦𑀳𑁂𑀢𑀼𑀬𑀸 𑀏𑀓𑀁, 𑀦𑀆𑀭𑀫𑁆𑀫𑀡𑁂 𑀧𑀜𑁆𑀘, 𑀦𑀅𑀥𑀺𑀧𑀢𑀺𑀬𑀸 𑀢𑀻𑀡𑀺, 𑀦𑀅𑀦𑀦𑁆𑀢𑀭𑁂 𑀧𑀜𑁆𑀘, 𑀦𑀲𑀫𑀦𑀦𑁆𑀢𑀭𑁂 𑀧𑀜𑁆𑀘, 𑀦𑀅𑀜𑁆𑀜𑀫𑀜𑁆𑀜𑁂 𑀧𑀜𑁆𑀘, 𑀦𑀉𑀧𑀦𑀺𑀲𑁆𑀲𑀬𑁂 𑀧𑀜𑁆𑀘, 𑀦𑀧𑀼𑀭𑁂𑀚𑀸𑀢𑁂 𑀙, 𑀦𑀧𑀘𑁆𑀙𑀸𑀚𑀸𑀢𑁂 𑀦𑀯, 𑀦𑀆𑀲𑁂𑀯𑀦𑁂 𑀧𑀜𑁆𑀘, 𑀦𑀓𑀫𑁆𑀫𑁂 𑀢𑀻𑀡𑀺, 𑀦𑀯𑀺𑀧𑀸𑀓𑁂 𑀦𑀯, 𑀦𑀆𑀳𑀸𑀭𑁂 𑀏𑀓𑀁, 𑀦𑀇𑀦𑁆𑀤𑁆𑀭𑀺𑀬𑁂 𑀏𑀓𑀁, 𑀦𑀛𑀸𑀦𑁂 𑀏𑀓𑀁, 𑀦𑀫𑀕𑁆𑀕𑁂 𑀏𑀓𑀁, 𑀦𑀲𑀫𑁆𑀧𑀬𑀼𑀢𑁆𑀢𑁂 𑀧𑀜𑁆𑀘, 𑀦𑀯𑀺𑀧𑁆𑀧𑀬𑀼𑀢𑁆𑀢𑁂 𑀤𑁆𑀯𑁂, 𑀦𑁄𑀦𑀢𑁆𑀣𑀺𑀬𑀸 𑀧𑀜𑁆𑀘, 𑀦𑁄𑀯𑀺𑀕𑀢𑁂 𑀧𑀜𑁆𑀘 (𑀏𑀯𑀁 𑀕𑀡𑁂𑀢𑀩𑁆𑀩𑀁).

𑀧𑀘𑁆𑀘𑀦𑀻𑀬𑀁.

𑁩. 𑀧𑀘𑁆𑀘𑀬𑀸𑀦𑀼𑀮𑁄𑀫𑀧𑀘𑁆𑀘𑀦𑀻𑀬𑀁

𑀳𑁂𑀢𑀼𑀤𑀼𑀓𑀁

𑁧𑁨. 𑀳𑁂𑀢𑀼𑀧𑀘𑁆𑀘𑀬𑀸 𑀦𑀆𑀭𑀫𑁆𑀫𑀡𑁂 𑀧𑀜𑁆𑀘, 𑀦𑀅𑀥𑀺𑀧𑀢𑀺𑀬𑀸 𑀢𑀻𑀡𑀺, 𑀦𑀅𑀦𑀦𑁆𑀢𑀭𑁂 𑀦𑀲𑀫𑀦𑀦𑁆𑀢𑀭𑁂 𑀦𑀅𑀜𑁆𑀜𑀫𑀜𑁆𑀜𑁂 𑀦𑀉𑀧𑀦𑀺𑀲𑁆𑀲𑀬𑁂 𑀧𑀜𑁆𑀘, 𑀦𑀧𑀼𑀭𑁂𑀚𑀸𑀢𑁂 𑀙, 𑀦𑀧𑀘𑁆𑀙𑀸𑀚𑀸𑀢𑁂 𑀦𑀯, 𑀦𑀆𑀲𑁂𑀯𑀦𑁂 𑀧𑀜𑁆𑀘, 𑀦𑀓𑀫𑁆𑀫𑁂 𑀢𑀻𑀡𑀺, 𑀦𑀯𑀺𑀧𑀸𑀓𑁂 𑀦𑀯, 𑀦𑀲𑀫𑁆𑀧𑀬𑀼𑀢𑁆𑀢𑁂 𑀧𑀜𑁆𑀘, 𑀦𑀯𑀺𑀧𑁆𑀧𑀬𑀼𑀢𑁆𑀢𑁂 𑀤𑁆𑀯𑁂, 𑀦𑁄𑀦𑀢𑁆𑀣𑀺𑀬𑀸 𑀧𑀜𑁆𑀘, 𑀦𑁄𑀯𑀺𑀕𑀢𑁂 𑀧𑀜𑁆𑀘 (𑀏𑀯𑀁 𑀕𑀡𑁂𑀢𑀩𑁆𑀩𑀁).

𑀅𑀦𑀼𑀮𑁄𑀫𑀧𑀘𑁆𑀘𑀦𑀻𑀬𑀁.

𑁪. 𑀧𑀘𑁆𑀘𑀬𑀧𑀘𑁆𑀘𑀦𑀻𑀬𑀸𑀦𑀼𑀮𑁄𑀫𑀁

𑀦𑀳𑁂𑀢𑀼𑀤𑀼𑀓𑀁

𑁧𑁩. 𑀦𑀳𑁂𑀢𑀼𑀧𑀘𑁆𑀘𑀬𑀸 𑀆𑀭𑀫𑁆𑀫𑀡𑁂 𑀏𑀓𑀁, 𑀅𑀦𑀦𑁆𑀢𑀭𑁂 𑀏𑀓𑀁, 𑀲𑀫𑀦𑀦𑁆𑀢𑀭𑁂 𑀏𑀓𑀁, 𑀲𑀳𑀚𑀸𑀢𑁂 𑀏𑀓𑀁…𑀧𑁂… 𑀯𑀺𑀕𑀢𑁂 𑀏𑀓𑀁 (𑀏𑀯𑀁 𑀕𑀡𑁂𑀢𑀩𑁆𑀩𑀁).

𑀧𑀘𑁆𑀘𑀦𑀻𑀬𑀸𑀦𑀼𑀮𑁄𑀫𑀁.

𑀧𑀝𑀺𑀘𑁆𑀘𑀯𑀸𑀭𑁄.

𑁨. 𑀲𑀳𑀚𑀸𑀢𑀯𑀸𑀭𑁄

(𑀲𑀳𑀚𑀸𑀢𑀯𑀸𑀭𑁄 𑀧𑀝𑀺𑀘𑁆𑀘𑀯𑀸𑀭𑀲𑀤𑀺𑀲𑁄.)

𑁩. 𑀧𑀘𑁆𑀘𑀬𑀯𑀸𑀭𑁄

𑁧. 𑀧𑀘𑁆𑀘𑀬𑀸𑀦𑀼𑀮𑁄𑀫𑀁

𑁧. 𑀯𑀺𑀪𑀗𑁆𑀕𑀯𑀸𑀭𑁄

𑀳𑁂𑀢𑀼𑀧𑀘𑁆𑀘𑀬𑁄

𑁧𑁪. 𑀫𑀺𑀘𑁆𑀙𑀢𑁆𑀢𑀦𑀺𑀬𑀢𑀁 𑀥𑀫𑁆𑀫𑀁 𑀧𑀘𑁆𑀘𑀬𑀸 𑀫𑀺𑀘𑁆𑀙𑀢𑁆𑀢𑀦𑀺𑀬𑀢𑁄 𑀥𑀫𑁆𑀫𑁄 𑀉𑀧𑁆𑀧𑀚𑁆𑀚𑀢𑀺 𑀳𑁂𑀢𑀼𑀧𑀘𑁆𑀘𑀬𑀸… 𑀢𑀻𑀡𑀺.

𑀲𑀫𑁆𑀫𑀢𑁆𑀢𑀦𑀺𑀬𑀢𑀁 𑀥𑀫𑁆𑀫𑀁 𑀧𑀘𑁆𑀘𑀬𑀸 𑀲𑀫𑁆𑀫𑀢𑁆𑀢𑀦𑀺𑀬𑀢𑁄 𑀥𑀫𑁆𑀫𑁄 𑀉𑀧𑁆𑀧𑀚𑁆𑀚𑀢𑀺 𑀳𑁂𑀢𑀼𑀧𑀘𑁆𑀘𑀬𑀸… 𑀢𑀻𑀡𑀺.

𑁧𑁫. 𑀅𑀦𑀺𑀬𑀢𑀁 𑀥𑀫𑁆𑀫𑀁 𑀧𑀘𑁆𑀘𑀬𑀸 𑀅𑀦𑀺𑀬𑀢𑁄 𑀥𑀫𑁆𑀫𑁄 𑀉𑀧𑁆𑀧𑀚𑁆𑀚𑀢𑀺 𑀳𑁂𑀢𑀼𑀧𑀘𑁆𑀘𑀬𑀸 𑁋 𑀅𑀦𑀺𑀬𑀢𑀁 𑀏𑀓𑀁 𑀔𑀦𑁆𑀥𑀁 𑀧𑀘𑁆𑀘𑀬𑀸 𑀢𑀬𑁄 𑀔𑀦𑁆𑀥𑀸 𑀘𑀺𑀢𑁆𑀢𑀲𑀫𑀼𑀝𑁆𑀞𑀸𑀦𑀜𑁆𑀘 𑀭𑀽𑀧𑀁…𑀧𑁂… 𑀤𑁆𑀯𑁂 𑀔𑀦𑁆𑀥𑁂…𑀧𑁂… 𑀧𑀝𑀺𑀲𑀦𑁆𑀥𑀺𑀓𑁆𑀔𑀡𑁂…𑀧𑁂… 𑀔𑀦𑁆𑀥𑁂 𑀧𑀘𑁆𑀘𑀬𑀸 𑀯𑀢𑁆𑀣𑀼, 𑀯𑀢𑁆𑀣𑀼𑀁 𑀧𑀘𑁆𑀘𑀬𑀸 𑀔𑀦𑁆𑀥𑀸; 𑀏𑀓𑀁 𑀫𑀳𑀸𑀪𑀽𑀢𑀁 𑀧𑀘𑁆𑀘𑀬𑀸…𑀧𑁂… 𑀯𑀢𑁆𑀣𑀼𑀁 𑀧𑀘𑁆𑀘𑀬𑀸 𑀅𑀦𑀺𑀬𑀢𑀸 𑀔𑀦𑁆𑀥𑀸. (𑁧)

𑀅𑀦𑀺𑀬𑀢𑀁 𑀥𑀫𑁆𑀫𑀁 𑀧𑀘𑁆𑀘𑀬𑀸 𑀫𑀺𑀘𑁆𑀙𑀢𑁆𑀢𑀦𑀺𑀬𑀢𑁄 𑀥𑀫𑁆𑀫𑁄 𑀉𑀧𑁆𑀧𑀚𑁆𑀚𑀢𑀺 𑀳𑁂𑀢𑀼𑀧𑀘𑁆𑀘𑀬𑀸 𑁋 𑀯𑀢𑁆𑀣𑀼𑀁 𑀧𑀘𑁆𑀘𑀬𑀸 𑀫𑀺𑀘𑁆𑀙𑀢𑁆𑀢𑀦𑀺𑀬𑀢𑀸 𑀔𑀦𑁆𑀥𑀸. (𑁨)

𑀅𑀦𑀺𑀬𑀢𑀁 𑀥𑀫𑁆𑀫𑀁 𑀧𑀘𑁆𑀘𑀬𑀸 𑀲𑀫𑁆𑀫𑀢𑁆𑀢𑀦𑀺𑀬𑀢𑁄 𑀥𑀫𑁆𑀫𑁄 𑀉𑀧𑁆𑀧𑀚𑁆𑀚𑀢𑀺 𑀳𑁂𑀢𑀼𑀧𑀘𑁆𑀘𑀬𑀸 𑁋 𑀯𑀢𑁆𑀣𑀼𑀁 𑀧𑀘𑁆𑀘𑀬𑀸 𑀲𑀫𑁆𑀫𑀢𑁆𑀢𑀦𑀺𑀬𑀢𑀸 𑀔𑀦𑁆𑀥𑀸. (𑁩)

𑀅𑀦𑀺𑀬𑀢𑀁 𑀥𑀫𑁆𑀫𑀁 𑀧𑀘𑁆𑀘𑀬𑀸 𑀫𑀺𑀘𑁆𑀙𑀢𑁆𑀢𑀦𑀺𑀬𑀢𑁄 𑀘 𑀅𑀦𑀺𑀬𑀢𑁄 𑀘 𑀥𑀫𑁆𑀫𑀸 𑀉𑀧𑁆𑀧𑀚𑁆𑀚𑀦𑁆𑀢𑀺 𑀳𑁂𑀢𑀼𑀧𑀘𑁆𑀘𑀬𑀸 𑁋 𑀯𑀢𑁆𑀣𑀼𑀁 𑀧𑀘𑁆𑀘𑀬𑀸 𑀫𑀺𑀘𑁆𑀙𑀢𑁆𑀢𑀦𑀺𑀬𑀢𑀸 𑀔𑀦𑁆𑀥𑀸, 𑀫𑀳𑀸𑀪𑀽𑀢𑁂 𑀧𑀘𑁆𑀘𑀬𑀸 𑀘𑀺𑀢𑁆𑀢𑀲𑀫𑀼𑀝𑁆𑀞𑀸𑀦𑀁 𑀭𑀽𑀧𑀁. (𑁪)

𑀅𑀦𑀺𑀬𑀢𑀁 𑀥𑀫𑁆𑀫𑀁 𑀧𑀘𑁆𑀘𑀬𑀸 𑀲𑀫𑁆𑀫𑀢𑁆𑀢𑀦𑀺𑀬𑀢𑁄 𑀘 𑀅𑀦𑀺𑀬𑀢𑁄 𑀘 𑀥𑀫𑁆𑀫𑀸 𑀉𑀧𑁆𑀧𑀚𑁆𑀚𑀦𑁆𑀢𑀺 𑀳𑁂𑀢𑀼𑀧𑀘𑁆𑀘𑀬𑀸 𑁋 𑀯𑀢𑁆𑀣𑀼𑀁 𑀧𑀘𑁆𑀘𑀬𑀸 𑀲𑀫𑁆𑀫𑀢𑁆𑀢𑀦𑀺𑀬𑀢𑀸 𑀔𑀦𑁆𑀥𑀸, 𑀫𑀳𑀸𑀪𑀽𑀢𑁂 𑀧𑀘𑁆𑀘𑀬𑀸 𑀘𑀺𑀢𑁆𑀢𑀲𑀫𑀼𑀝𑁆𑀞𑀸𑀦𑀁 𑀭𑀽𑀧𑀁. (𑁫)

𑁧𑁬. 𑀫𑀺𑀘𑁆𑀙𑀢𑁆𑀢𑀦𑀺𑀬𑀢𑀜𑁆𑀘 𑀅𑀦𑀺𑀬𑀢𑀜𑁆𑀘 𑀥𑀫𑁆𑀫𑀁 𑀧𑀘𑁆𑀘𑀬𑀸 𑀫𑀺𑀘𑁆𑀙𑀢𑁆𑀢𑀦𑀺𑀬𑀢𑁄 𑀥𑀫𑁆𑀫𑁄 𑀉𑀧𑁆𑀧𑀚𑁆𑀚𑀢𑀺 𑀳𑁂𑀢𑀼𑀧𑀘𑁆𑀘𑀬𑀸 𑁋 𑀫𑀺𑀘𑁆𑀙𑀢𑁆𑀢𑀦𑀺𑀬𑀢𑀁 𑀏𑀓𑀁 𑀔𑀦𑁆𑀥𑀜𑁆𑀘 𑀯𑀢𑁆𑀣𑀼𑀜𑁆𑀘 𑀧𑀘𑁆𑀘𑀬𑀸 𑀢𑀬𑁄 𑀔𑀦𑁆𑀥𑀸…𑀧𑁂… 𑀤𑁆𑀯𑁂 𑀔𑀦𑁆𑀥𑁂…𑀧𑁂…. (𑁧)

𑀫𑀺𑀘𑁆𑀙𑀢𑁆𑀢𑀦𑀺𑀬𑀢𑀜𑁆𑀘 𑀅𑀦𑀺𑀬𑀢𑀜𑁆𑀘 𑀥𑀫𑁆𑀫𑀁 𑀧𑀘𑁆𑀘𑀬𑀸 𑀅𑀦𑀺𑀬𑀢𑁄 𑀥𑀫𑁆𑀫𑁄 𑀉𑀧𑁆𑀧𑀚𑁆𑀚𑀢𑀺 𑀳𑁂𑀢𑀼𑀧𑀘𑁆𑀘𑀬𑀸 𑁋 𑀫𑀺𑀘𑁆𑀙𑀢𑁆𑀢𑀦𑀺𑀬𑀢𑁂 𑀔𑀦𑁆𑀥𑁂 𑀘 𑀫𑀳𑀸𑀪𑀽𑀢𑁂 𑀘 𑀧𑀘𑁆𑀘𑀬𑀸 𑀘𑀺𑀢𑁆𑀢𑀲𑀫𑀼𑀝𑁆𑀞𑀸𑀦𑀁 𑀭𑀽𑀧𑀁. (𑁨)

𑀫𑀺𑀘𑁆𑀙𑀢𑁆𑀢𑀦𑀺𑀬𑀢𑀜𑁆𑀘 𑀅𑀦𑀺𑀬𑀢𑀜𑁆𑀘 𑀥𑀫𑁆𑀫𑀁 𑀧𑀘𑁆𑀘𑀬𑀸 𑀫𑀺𑀘𑁆𑀙𑀢𑁆𑀢𑀦𑀺𑀬𑀢𑁄 𑀘 𑀅𑀦𑀺𑀬𑀢𑁄 𑀘 𑀥𑀫𑁆𑀫𑀸 𑀉𑀧𑁆𑀧𑀚𑁆𑀚𑀦𑁆𑀢𑀺 𑀳𑁂𑀢𑀼𑀧𑀘𑁆𑀘𑀬𑀸 𑁋 𑀫𑀺𑀘𑁆𑀙𑀢𑁆𑀢𑀦𑀺𑀬𑀢𑀁 𑀏𑀓𑀁 𑀔𑀦𑁆𑀥𑀜𑁆𑀘 𑀯𑀢𑁆𑀣𑀼𑀜𑁆𑀘 𑀧𑀘𑁆𑀘𑀬𑀸 𑀢𑀬𑁄 𑀔𑀦𑁆𑀥𑀸…𑀧𑁂… 𑀤𑁆𑀯𑁂 𑀔𑀦𑁆𑀥𑁂…𑀧𑁂… 𑀫𑀺𑀘𑁆𑀙𑀢𑁆𑀢𑀦𑀺𑀬𑀢𑁂 𑀔𑀦𑁆𑀥𑁂 𑀘 𑀫𑀳𑀸𑀪𑀽𑀢𑁂 𑀘 𑀧𑀘𑁆𑀘𑀬𑀸 𑀘𑀺𑀢𑁆𑀢𑀲𑀫𑀼𑀝𑁆𑀞𑀸𑀦𑀁 𑀭𑀽𑀧𑀁. (𑁩)

𑀲𑀫𑁆𑀫𑀢𑁆𑀢𑀦𑀺𑀬𑀢𑀜𑁆𑀘 𑀅𑀦𑀺𑀬𑀢𑀜𑁆𑀘 𑀥𑀫𑁆𑀫𑀁 𑀧𑀘𑁆𑀘𑀬𑀸 𑀲𑀫𑁆𑀫𑀢𑁆𑀢𑀦𑀺𑀬𑀢𑁄 𑀥𑀫𑁆𑀫𑁄 𑀉𑀧𑁆𑀧𑀚𑁆𑀚𑀢𑀺 𑀳𑁂𑀢𑀼𑀧𑀘𑁆𑀘𑀬𑀸 (𑀢𑀻𑀡𑀺 𑀧𑀜𑁆𑀳𑀸, 𑀫𑀺𑀘𑁆𑀙𑀢𑁆𑀢𑀲𑀤𑀺𑀲𑀁).

𑀆𑀭𑀫𑁆𑀫𑀡𑀧𑀘𑁆𑀘𑀬𑀸𑀤𑀺

𑁧𑁭. 𑀫𑀺𑀘𑁆𑀙𑀢𑁆𑀢𑀦𑀺𑀬𑀢𑀁 𑀥𑀫𑁆𑀫𑀁 𑀧𑀘𑁆𑀘𑀬𑀸 𑀫𑀺𑀘𑁆𑀙𑀢𑁆𑀢𑀦𑀺𑀬𑀢𑁄 𑀥𑀫𑁆𑀫𑁄 𑀉𑀧𑁆𑀧𑀚𑁆𑀚𑀢𑀺 𑀆𑀭𑀫𑁆𑀫𑀡𑀧𑀘𑁆𑀘𑀬𑀸… (𑀲𑀁𑀔𑀺𑀢𑁆𑀢𑀁, 𑀓𑀼𑀲𑀮𑀢𑁆𑀢𑀺𑀓𑁂 𑀧𑀘𑁆𑀘𑀬𑀯𑀸𑀭𑀲𑀤𑀺𑀲𑀁 𑀯𑀺𑀪𑀚𑀺𑀢𑀩𑁆𑀩𑀁)… 𑀅𑀯𑀺𑀕𑀢𑀧𑀘𑁆𑀘𑀬𑀸.

𑁧. 𑀧𑀘𑁆𑀘𑀬𑀸𑀦𑀼𑀮𑁄𑀫𑀁

𑁨. 𑀲𑀗𑁆𑀔𑁆𑀬𑀸𑀯𑀸𑀭𑁄

𑁧𑁮. 𑀳𑁂𑀢𑀼𑀬𑀸 𑀲𑀢𑁆𑀢𑀭𑀲, 𑀆𑀭𑀫𑁆𑀫𑀡𑁂 𑀲𑀢𑁆𑀢, 𑀅𑀥𑀺𑀧𑀢𑀺𑀬𑀸 𑀲𑀢𑁆𑀢𑀭𑀲, 𑀅𑀦𑀦𑁆𑀢𑀭𑁂 𑀲𑀢𑁆𑀢, 𑀲𑀫𑀦𑀦𑁆𑀢𑀭𑁂 𑀲𑀢𑁆𑀢, 𑀲𑀳𑀚𑀸𑀢𑁂 𑀲𑀢𑁆𑀢𑀭𑀲, 𑀅𑀜𑁆𑀜𑀫𑀜𑁆𑀜𑁂 𑀲𑀢𑁆𑀢, 𑀦𑀺𑀲𑁆𑀲𑀬𑁂 𑀲𑀢𑁆𑀢𑀭𑀲, 𑀉𑀧𑀦𑀺𑀲𑁆𑀲𑀬𑁂 𑀲𑀢𑁆𑀢, 𑀧𑀼𑀭𑁂𑀚𑀸𑀢𑁂 𑀲𑀢𑁆𑀢, 𑀆𑀲𑁂𑀯𑀦𑁂 𑀲𑀢𑁆𑀢, 𑀓𑀫𑁆𑀫𑁂 𑀲𑀢𑁆𑀢𑀭𑀲, 𑀯𑀺𑀧𑀸𑀓𑁂 𑀏𑀓𑀁, 𑀆𑀳𑀸𑀭𑁂 𑀲𑀢𑁆𑀢𑀭𑀲, 𑀇𑀦𑁆𑀤𑁆𑀭𑀺𑀬𑁂 𑀲𑀢𑁆𑀢𑀭𑀲, 𑀛𑀸𑀦𑁂 𑀲𑀢𑁆𑀢𑀭𑀲, 𑀫𑀕𑁆𑀕𑁂 𑀲𑀢𑁆𑀢𑀭𑀲, 𑀲𑀫𑁆𑀧𑀬𑀼𑀢𑁆𑀢𑁂 𑀲𑀢𑁆𑀢, 𑀯𑀺𑀧𑁆𑀧𑀬𑀼𑀢𑁆𑀢𑁂 𑀲𑀢𑁆𑀢𑀭𑀲, 𑀅𑀢𑁆𑀣𑀺𑀬𑀸 𑀲𑀢𑁆𑀢𑀭𑀲, 𑀦𑀢𑁆𑀣𑀺𑀬𑀸 𑀲𑀢𑁆𑀢, 𑀯𑀺𑀕𑀢𑁂 𑀲𑀢𑁆𑀢, 𑀅𑀯𑀺𑀕𑀢𑁂 𑀲𑀢𑁆𑀢𑀭𑀲 (𑀏𑀯𑀁 𑀕𑀡𑁂𑀢𑀩𑁆𑀩𑀁).

𑀅𑀦𑀼𑀮𑁄𑀫𑀁.

𑁨. 𑀧𑀘𑁆𑀘𑀬𑀧𑀘𑁆𑀘𑀦𑀻𑀬𑀁

𑁧. 𑀯𑀺𑀪𑀗𑁆𑀕𑀯𑀸𑀭𑁄

𑀦𑀳𑁂𑀢𑀼𑀧𑀘𑁆𑀘𑀬𑁄

𑁧𑁯. 𑀅𑀦𑀺𑀬𑀢𑀁 𑀥𑀫𑁆𑀫𑀁 𑀧𑀘𑁆𑀘𑀬𑀸 𑀅𑀦𑀺𑀬𑀢𑁄 𑀥𑀫𑁆𑀫𑁄 𑀉𑀧𑁆𑀧𑀚𑁆𑀚𑀢𑀺 𑀦𑀳𑁂𑀢𑀼𑀧𑀘𑁆𑀘𑀬𑀸 𑁋 𑀅𑀳𑁂𑀢𑀼𑀓𑀁 𑀅𑀦𑀺𑀬𑀢𑀁 𑀏𑀓𑀁 𑀔𑀦𑁆𑀥𑀁 𑀧𑀘𑁆𑀘𑀬𑀸 𑀢𑀬𑁄 𑀔𑀦𑁆𑀥𑀸 𑀘𑀺𑀢𑁆𑀢𑀲𑀫𑀼𑀝𑁆𑀞𑀸𑀦𑀜𑁆𑀘 𑀭𑀽𑀧𑀁…𑀧𑁂… 𑀤𑁆𑀯𑁂 𑀔𑀦𑁆𑀥𑁂…𑀧𑁂… 𑀅𑀳𑁂𑀢𑀼𑀓𑀧𑀝𑀺𑀲𑀦𑁆𑀥𑀺𑀓𑁆𑀔𑀡𑁂…𑀧𑁂… 𑀔𑀦𑁆𑀥𑁂 𑀧𑀘𑁆𑀘𑀬𑀸 𑀯𑀢𑁆𑀣𑀼, 𑀯𑀢𑁆𑀣𑀼𑀁 𑀧𑀘𑁆𑀘𑀬𑀸 𑀔𑀦𑁆𑀥𑀸. 𑀏𑀓𑀁 𑀫𑀳𑀸𑀪𑀽𑀢𑀁…𑀧𑁂… 𑀅𑀲𑀜𑁆𑀜𑀲𑀢𑁆𑀢𑀸𑀦𑀁…𑀧𑁂… 𑀘𑀓𑁆𑀔𑀸𑀬𑀢𑀦𑀁 𑀧𑀘𑁆𑀘𑀬𑀸 𑀘𑀓𑁆𑀔𑀼𑀯𑀺𑀜𑁆𑀜𑀸𑀡𑀁…𑀧𑁂… 𑀓𑀸𑀬𑀸𑀬𑀢𑀦𑀁 𑀧𑀘𑁆𑀘𑀬𑀸 𑀓𑀸𑀬𑀯𑀺𑀜𑁆𑀜𑀸𑀡𑀁. 𑀯𑀢𑁆𑀣𑀼𑀁 𑀧𑀘𑁆𑀘𑀬𑀸 𑀅𑀳𑁂𑀢𑀼𑀓𑀸 𑀅𑀦𑀺𑀬𑀢𑀸 𑀔𑀦𑁆𑀥𑀸. 𑀯𑀺𑀘𑀺𑀓𑀺𑀘𑁆𑀙𑀸𑀲𑀳𑀕𑀢𑁂 𑀉𑀤𑁆𑀥𑀘𑁆𑀘𑀲𑀳𑀕𑀢𑁂 𑀔𑀦𑁆𑀥𑁂 𑀘 𑀯𑀢𑁆𑀣𑀼𑀜𑁆𑀘 𑀧𑀘𑁆𑀘𑀬𑀸 𑀯𑀺𑀘𑀺𑀓𑀺𑀘𑁆𑀙𑀸𑀲𑀳𑀕𑀢𑁄 𑀉𑀤𑁆𑀥𑀘𑁆𑀘𑀲𑀳𑀕𑀢𑁄 𑀫𑁄𑀳𑁄. (𑁧)

𑀦𑀆𑀭𑀫𑁆𑀫𑀡𑀧𑀘𑁆𑀘𑀬𑁄

𑁨𑁦. 𑀫𑀺𑀘𑁆𑀙𑀢𑁆𑀢𑀦𑀺𑀬𑀢𑀁 𑀥𑀫𑁆𑀫𑀁 𑀧𑀘𑁆𑀘𑀬𑀸 𑀅𑀦𑀺𑀬𑀢𑁄 𑀥𑀫𑁆𑀫𑁄 𑀉𑀧𑁆𑀧𑀚𑁆𑀚𑀢𑀺 𑀦𑀆𑀭𑀫𑁆𑀫𑀡𑀧𑀘𑁆𑀘𑀬𑀸 𑁋 𑀫𑀺𑀘𑁆𑀙𑀢𑁆𑀢𑀦𑀺𑀬𑀢𑁂 𑀔𑀦𑁆𑀥𑁂 𑀧𑀘𑁆𑀘𑀬𑀸 𑀘𑀺𑀢𑁆𑀢𑀲𑀫𑀼𑀝𑁆𑀞𑀸𑀦𑀁 𑀭𑀽𑀧𑀁 (𑀓𑀼𑀲𑀮𑀢𑁆𑀢𑀺𑀓𑀲𑀤𑀺𑀲𑀁, 𑀧𑀜𑁆𑀘 𑀓𑀸𑀢𑀩𑁆𑀩𑀸).

𑀦𑀅𑀥𑀺𑀧𑀢𑀺𑀧𑀘𑁆𑀘𑀬𑁄

𑁨𑁧. 𑀫𑀺𑀘𑁆𑀙𑀢𑁆𑀢𑀦𑀺𑀬𑀢𑀁 𑀥𑀫𑁆𑀫𑀁 𑀧𑀘𑁆𑀘𑀬𑀸 𑀫𑀺𑀘𑁆𑀙𑀢𑁆𑀢𑀦𑀺𑀬𑀢𑁄 𑀥𑀫𑁆𑀫𑁄 𑀉𑀧𑁆𑀧𑀚𑁆𑀚𑀢𑀺 𑀦𑀅𑀥𑀺𑀧𑀢𑀺𑀧𑀘𑁆𑀘𑀬𑀸 𑁋 𑀫𑀺𑀘𑁆𑀙𑀢𑁆𑀢𑀦𑀺𑀬𑀢𑁂 𑀔𑀦𑁆𑀥𑁂 𑀧𑀘𑁆𑀘𑀬𑀸 𑀫𑀺𑀘𑁆𑀙𑀢𑁆𑀢𑀦𑀺𑀬𑀢𑀸𑀥𑀺𑀧𑀢𑀺. (𑁧)

𑀲𑀫𑁆𑀫𑀢𑁆𑀢𑀦𑀺𑀬𑀢𑀁 𑀥𑀫𑁆𑀫𑀁 𑀧𑀘𑁆𑀘𑀬𑀸 𑀲𑀫𑁆𑀫𑀢𑁆𑀢𑀦𑀺𑀬𑀢𑁄 𑀥𑀫𑁆𑀫𑁄 𑀉𑀧𑁆𑀧𑀚𑁆𑀚𑀢𑀺 𑀦𑀅𑀥𑀺𑀧𑀢𑀺𑀧𑀘𑁆𑀘𑀬𑀸 𑁋 𑀲𑀫𑁆𑀫𑀢𑁆𑀢𑀦𑀺𑀬𑀢𑁂 𑀔𑀦𑁆𑀥𑁂 𑀧𑀘𑁆𑀘𑀬𑀸 𑀲𑀫𑁆𑀫𑀢𑁆𑀢𑀦𑀺𑀬𑀢𑀸𑀥𑀺𑀧𑀢𑀺. (𑁧)

𑀅𑀦𑀺𑀬𑀢𑀁 𑀥𑀫𑁆𑀫𑀁 𑀧𑀘𑁆𑀘𑀬𑀸 𑀅𑀦𑀺𑀬𑀢𑁄 𑀥𑀫𑁆𑀫𑁄 𑀉𑀧𑁆𑀧𑀚𑁆𑀚𑀢𑀺 𑀦𑀅𑀥𑀺𑀧𑀢𑀺𑀧𑀘𑁆𑀘𑀬𑀸 𑁋 𑀅𑀦𑀺𑀬𑀢𑀁 𑀏𑀓𑀁 𑀔𑀦𑁆𑀥𑀁 𑀧𑀘𑁆𑀘𑀬𑀸 𑀢𑀬𑁄 𑀔𑀦𑁆𑀥𑀸 𑀘𑀺𑀢𑁆𑀢𑀲𑀫𑀼𑀝𑁆𑀞𑀸𑀦𑀜𑁆𑀘 𑀭𑀽𑀧𑀁…𑀧𑁂… 𑀤𑁆𑀯𑁂 𑀔𑀦𑁆𑀥𑁂…𑀧𑁂… 𑀧𑀝𑀺𑀲𑀦𑁆𑀥𑀺𑀓𑁆𑀔𑀡𑁂 …𑀧𑁂… 𑀅𑀲𑀜𑁆𑀜𑀲𑀢𑁆𑀢𑀸𑀦𑀁…𑀧𑁂… 𑀘𑀓𑁆𑀔𑀸𑀬𑀢𑀦𑀁 𑀧𑀘𑁆𑀘𑀬𑀸 𑀘𑀓𑁆𑀔𑀼𑀯𑀺𑀜𑁆𑀜𑀸𑀡𑀁…𑀧𑁂… 𑀓𑀸𑀬𑀸𑀬𑀢𑀦𑀁 𑀧𑀘𑁆𑀘𑀬𑀸 𑀓𑀸𑀬𑀯𑀺𑀜𑁆𑀜𑀸𑀡𑀁. 𑀯𑀢𑁆𑀣𑀼𑀁 𑀧𑀘𑁆𑀘𑀬𑀸 𑀅𑀦𑀺𑀬𑀢𑀸 𑀔𑀦𑁆𑀥𑀸. (𑁧)

𑀅𑀦𑀺𑀬𑀢𑀁 𑀥𑀫𑁆𑀫𑀁 𑀧𑀘𑁆𑀘𑀬𑀸 𑀫𑀺𑀘𑁆𑀙𑀢𑁆𑀢𑀦𑀺𑀬𑀢𑁄 𑀥𑀫𑁆𑀫𑁄 𑀉𑀧𑁆𑀧𑀚𑁆𑀚𑀢𑀺 𑀦𑀅𑀥𑀺𑀧𑀢𑀺𑀧𑀘𑁆𑀘𑀬𑀸 𑁋 𑀯𑀢𑁆𑀣𑀼𑀁 𑀧𑀘𑁆𑀘𑀬𑀸 𑀫𑀺𑀘𑁆𑀙𑀢𑁆𑀢𑀦𑀺𑀬𑀢𑀸𑀥𑀺𑀧𑀢𑀺. (𑁨)

𑀅𑀦𑀺𑀬𑀢𑀁 𑀥𑀫𑁆𑀫𑀁 𑀧𑀘𑁆𑀘𑀬𑀸 𑀲𑀫𑁆𑀫𑀢𑁆𑀢𑀦𑀺𑀬𑀢𑁄 𑀥𑀫𑁆𑀫𑁄 𑀉𑀧𑁆𑀧𑀚𑁆𑀚𑀢𑀺 𑀦𑀅𑀥𑀺𑀧𑀢𑀺𑀧𑀘𑁆𑀘𑀬𑀸 𑁋 𑀯𑀢𑁆𑀣𑀼𑀁 𑀧𑀘𑁆𑀘𑀬𑀸 𑀲𑀫𑁆𑀫𑀢𑁆𑀢𑀦𑀺𑀬𑀢𑀸𑀥𑀺𑀧𑀢𑀺. (𑁩)

𑀫𑀺𑀘𑁆𑀙𑀢𑁆𑀢𑀦𑀺𑀬𑀢𑀜𑁆𑀘 𑀅𑀦𑀺𑀬𑀢𑀜𑁆𑀘 𑀥𑀫𑁆𑀫𑀁 𑀧𑀘𑁆𑀘𑀬𑀸 𑀫𑀺𑀘𑁆𑀙𑀢𑁆𑀢𑀦𑀺𑀬𑀢𑁄 𑀥𑀫𑁆𑀫𑁄 𑀉𑀧𑁆𑀧𑀚𑁆𑀚𑀢𑀺 𑀦𑀅𑀥𑀺𑀧𑀢𑀺𑀧𑀘𑁆𑀘𑀬𑀸 𑁋 𑀫𑀺𑀘𑁆𑀙𑀢𑁆𑀢𑀦𑀺𑀬𑀢𑁂 𑀔𑀦𑁆𑀥𑁂 𑀘 𑀯𑀢𑁆𑀣𑀼𑀜𑁆𑀘 𑀧𑀘𑁆𑀘𑀬𑀸 𑀫𑀺𑀘𑁆𑀙𑀢𑁆𑀢𑀦𑀺𑀬𑀢𑀸𑀥𑀺𑀧𑀢𑀺. (𑁧)

𑀲𑀫𑁆𑀫𑀢𑁆𑀢𑀦𑀺𑀬𑀢𑀜𑁆𑀘 𑀅𑀦𑀺𑀬𑀢𑀜𑁆𑀘 𑀥𑀫𑁆𑀫𑀁 𑀧𑀘𑁆𑀘𑀬𑀸 𑀲𑀫𑁆𑀫𑀢𑁆𑀢𑀦𑀺𑀬𑀢𑁄 𑀥𑀫𑁆𑀫𑁄 𑀉𑀧𑁆𑀧𑀚𑁆𑀚𑀢𑀺 𑀦𑀅𑀥𑀺𑀧𑀢𑀺𑀧𑀘𑁆𑀘𑀬𑀸 𑁋 𑀲𑀫𑁆𑀫𑀢𑁆𑀢𑀦𑀺𑀬𑀢𑁂 𑀔𑀦𑁆𑀥𑁂 𑀘 𑀯𑀢𑁆𑀣𑀼𑀜𑁆𑀘 𑀧𑀘𑁆𑀘𑀬𑀸 𑀲𑀫𑁆𑀫𑀢𑁆𑀢𑀦𑀺𑀬𑀢𑀸𑀥𑀺𑀧𑀢𑀺. (𑁧)

𑀦𑀅𑀦𑀦𑁆𑀢𑀭𑀧𑀘𑁆𑀘𑀬𑀸𑀤𑀺

𑁨𑁨. 𑀫𑀺𑀘𑁆𑀙𑀢𑁆𑀢𑀦𑀺𑀬𑀢𑀁 𑀥𑀫𑁆𑀫𑀁 𑀧𑀘𑁆𑀘𑀬𑀸 𑀅𑀦𑀺𑀬𑀢𑁄 𑀥𑀫𑁆𑀫𑁄 𑀉𑀧𑁆𑀧𑀚𑁆𑀚𑀢𑀺 𑀦𑀅𑀦𑀦𑁆𑀢𑀭𑀧𑀘𑁆𑀘𑀬𑀸…𑀧𑁂… 𑀦𑁄𑀦𑀢𑁆𑀣𑀺𑀧𑀘𑁆𑀘𑀬𑀸… 𑀦𑁄𑀯𑀺𑀕𑀢𑀧𑀘𑁆𑀘𑀬𑀸.

𑁨. 𑀧𑀘𑁆𑀘𑀬𑀧𑀘𑁆𑀘𑀦𑀻𑀬𑀁

𑁨. 𑀲𑀗𑁆𑀔𑁆𑀬𑀸𑀯𑀸𑀭𑁄

𑁨𑁩. 𑀦𑀳𑁂𑀢𑀼𑀬𑀸 𑀏𑀓𑀁, 𑀦𑀆𑀭𑀫𑁆𑀫𑀡𑁂 𑀧𑀜𑁆𑀘, 𑀦𑀅𑀥𑀺𑀧𑀢𑀺𑀬𑀸 𑀲𑀢𑁆𑀢, 𑀦𑀅𑀦𑀦𑁆𑀢𑀭𑁂 𑀧𑀜𑁆𑀘, 𑀦𑀲𑀫𑀦𑀦𑁆𑀢𑀭𑁂 𑀧𑀜𑁆𑀘, 𑀦𑀅𑀜𑁆𑀜𑀫𑀜𑁆𑀜𑁂 𑀧𑀜𑁆𑀘, 𑀦𑀉𑀧𑀦𑀺𑀲𑁆𑀲𑀬𑁂 𑀧𑀜𑁆𑀘, 𑀦𑀧𑀼𑀭𑁂𑀚𑀸𑀢𑁂 𑀙, 𑀦𑀧𑀘𑁆𑀙𑀸𑀚𑀸𑀢𑁂 𑀲𑀢𑁆𑀢𑀭𑀲, 𑀦𑀆𑀲𑁂𑀯𑀦𑁂 𑀧𑀜𑁆𑀘, 𑀦𑀓𑀫𑁆𑀫𑁂 𑀲𑀢𑁆𑀢, 𑀦𑀯𑀺𑀧𑀸𑀓𑁂 𑀲𑀢𑁆𑀢𑀭𑀲, 𑀦𑀆𑀳𑀸𑀭𑁂 𑀏𑀓𑀁, 𑀦𑀇𑀦𑁆𑀤𑁆𑀭𑀺𑀬𑁂 𑀦𑀛𑀸𑀦𑁂 𑀦𑀫𑀕𑁆𑀕𑁂 𑀏𑀓𑀁, 𑀦𑀲𑀫𑁆𑀧𑀬𑀼𑀢𑁆𑀢𑁂 𑀧𑀜𑁆𑀘, 𑀦𑀯𑀺𑀧𑁆𑀧𑀬𑀼𑀢𑁆𑀢𑁂 𑀤𑁆𑀯𑁂, 𑀦𑁄𑀦𑀢𑁆𑀣𑀺𑀬𑀸 𑀧𑀜𑁆𑀘, 𑀦𑁄𑀯𑀺𑀕𑀢𑁂 𑀧𑀜𑁆𑀘 (𑀏𑀯𑀁 𑀕𑀡𑁂𑀢𑀩𑁆𑀩𑀁).

𑀧𑀘𑁆𑀘𑀦𑀻𑀬𑀁.

𑁩. 𑀧𑀘𑁆𑀘𑀬𑀸𑀦𑀼𑀮𑁄𑀫𑀧𑀘𑁆𑀘𑀦𑀻𑀬𑀁

𑀳𑁂𑀢𑀼𑀤𑀼𑀓𑀁

𑁨𑁪. 𑀳𑁂𑀢𑀼𑀧𑀘𑁆𑀘𑀬𑀸 𑀦𑀆𑀭𑀫𑁆𑀫𑀡𑁂 𑀧𑀜𑁆𑀘, 𑀦𑀅𑀥𑀺𑀧𑀢𑀺𑀬𑀸 𑀲𑀢𑁆𑀢, 𑀦𑀅𑀦𑀦𑁆𑀢𑀭𑁂 𑀧𑀜𑁆𑀘, 𑀦𑀲𑀫𑀦𑀦𑁆𑀢𑀭𑁂 𑀦𑀅𑀜𑁆𑀜𑀫𑀜𑁆𑀜𑁂 𑀦𑀉𑀧𑀦𑀺𑀲𑁆𑀲𑀬𑁂 𑀧𑀜𑁆𑀘, 𑀦𑀧𑀼𑀭𑁂𑀚𑀸𑀢𑁂 𑀙, 𑀦𑀧𑀘𑁆𑀙𑀸𑀚𑀸𑀢𑁂 𑀲𑀢𑁆𑀢𑀭𑀲, 𑀦𑀆𑀲𑁂𑀯𑀦𑁂 𑀧𑀜𑁆𑀘, 𑀦𑀓𑀫𑁆𑀫𑁂 𑀲𑀢𑁆𑀢, 𑀦𑀯𑀺𑀧𑀸𑀓𑁂 𑀲𑀢𑁆𑀢𑀭𑀲, 𑀦𑀲𑀫𑁆𑀧𑀬𑀼𑀢𑁆𑀢𑁂 𑀧𑀜𑁆𑀘, 𑀦𑀯𑀺𑀧𑁆𑀧𑀬𑀼𑀢𑁆𑀢𑁂 𑀤𑁆𑀯𑁂, 𑀦𑁄𑀦𑀢𑁆𑀣𑀺𑀬𑀸 𑀧𑀜𑁆𑀘, 𑀦𑁄𑀯𑀺𑀕𑀢𑁂 𑀧𑀜𑁆𑀘 (𑀏𑀯𑀁 𑀕𑀡𑁂𑀢𑀩𑁆𑀩𑀁).

𑀅𑀦𑀼𑀮𑁄𑀫𑀧𑀘𑁆𑀘𑀦𑀻𑀬𑀁.

𑁪. 𑀧𑀘𑁆𑀘𑀬𑀧𑀘𑁆𑀘𑀦𑀻𑀬𑀸𑀦𑀼𑀮𑁄𑀫𑀁

𑀦𑀳𑁂𑀢𑀼𑀤𑀼𑀓𑀁

𑁨𑁫. 𑀦𑀳𑁂𑀢𑀼𑀧𑀘𑁆𑀘𑀬𑀸 𑀆𑀭𑀫𑁆𑀫𑀡𑁂 𑀏𑀓𑀁, 𑀅𑀦𑀦𑁆𑀢𑀭𑁂 𑀏𑀓𑀁 (𑀲𑀁𑀔𑀺𑀢𑁆𑀢𑀁), 𑀅𑀯𑀺𑀕𑀢𑁂 𑀏𑀓𑀁 (𑀏𑀯𑀁 𑀕𑀡𑁂𑀢𑀩𑁆𑀩𑀁).

𑀧𑀘𑁆𑀘𑀦𑀻𑀬𑀸𑀦𑀼𑀮𑁄𑀫𑀁.

𑀧𑀘𑁆𑀘𑀬𑀯𑀸𑀭𑁄.

𑁪. 𑀦𑀺𑀲𑁆𑀲𑀬𑀯𑀸𑀭𑁄

(𑀦𑀺𑀲𑁆𑀲𑀬𑀯𑀸𑀭𑁄 𑀧𑀘𑁆𑀘𑀬𑀯𑀸𑀭𑀲𑀤𑀺𑀲𑁄).

𑁫. 𑀲𑀁𑀲𑀝𑁆𑀞𑀯𑀸𑀭𑁄

𑁧. 𑀧𑀘𑁆𑀘𑀬𑀸𑀦𑀼𑀮𑁄𑀫𑀁

𑁧. 𑀯𑀺𑀪𑀗𑁆𑀕𑀯𑀸𑀭𑁄

𑀳𑁂𑀢𑀼𑀧𑀘𑁆𑀘𑀬𑁄

𑁨𑁬. 𑀫𑀺𑀘𑁆𑀙𑀢𑁆𑀢𑀦𑀺𑀬𑀢𑀁 𑀥𑀫𑁆𑀫𑀁 𑀲𑀁𑀲𑀝𑁆𑀞𑁄 𑀫𑀺𑀘𑁆𑀙𑀢𑁆𑀢𑀦𑀺𑀬𑀢𑁄 𑀥𑀫𑁆𑀫𑁄 𑀉𑀧𑁆𑀧𑀚𑁆𑀚𑀢𑀺 𑀳𑁂𑀢𑀼𑀧𑀘𑁆𑀘𑀬𑀸 𑁋 𑀫𑀺𑀘𑁆𑀙𑀢𑁆𑀢𑀦𑀺𑀬𑀢𑀁 𑀏𑀓𑀁 𑀔𑀦𑁆𑀥𑀁 𑀲𑀁𑀲𑀝𑁆𑀞𑀸 𑀢𑀬𑁄 𑀔𑀦𑁆𑀥𑀸…𑀧𑁂… 𑀤𑁆𑀯𑁂 𑀔𑀦𑁆𑀥𑁂…𑀧𑁂…. (𑁧)

𑀲𑀫𑁆𑀫𑀢𑁆𑀢𑀦𑀺𑀬𑀢𑀁 𑀥𑀫𑁆𑀫𑀁 𑀲𑀁𑀲𑀝𑁆𑀞𑁄 𑀲𑀫𑁆𑀫𑀢𑁆𑀢𑀦𑀺𑀬𑀢𑁄 𑀥𑀫𑁆𑀫𑁄 𑀉𑀧𑁆𑀧𑀚𑁆𑀚𑀢𑀺 𑀳𑁂𑀢𑀼𑀧𑀘𑁆𑀘𑀬𑀸 𑁋 𑀲𑀫𑁆𑀫𑀢𑁆𑀢𑀦𑀺𑀬𑀢𑀁 𑀏𑀓𑀁 𑀔𑀦𑁆𑀥𑀁 𑀲𑀁𑀲𑀝𑁆𑀞𑀸 𑀢𑀬𑁄 𑀔𑀦𑁆𑀥𑀸…𑀧𑁂… 𑀤𑁆𑀯𑁂 𑀔𑀦𑁆𑀥𑁂…𑀧𑁂…. (𑁧)

𑀅𑀦𑀺𑀬𑀢𑀁 𑀥𑀫𑁆𑀫𑀁 𑀲𑀁𑀲𑀝𑁆𑀞𑁄 𑀅𑀦𑀺𑀬𑀢𑁄 𑀥𑀫𑁆𑀫𑁄 𑀉𑀧𑁆𑀧𑀚𑁆𑀚𑀢𑀺 𑀳𑁂𑀢𑀼𑀧𑀘𑁆𑀘𑀬𑀸 𑁋 𑀅𑀦𑀺𑀬𑀢𑀁 𑀏𑀓𑀁 𑀔𑀦𑁆𑀥𑀁 𑀲𑀁𑀲𑀝𑁆𑀞𑀸 𑀢𑀬𑁄 𑀔𑀦𑁆𑀥𑀸…𑀧𑁂… 𑀤𑁆𑀯𑁂 𑀔𑀦𑁆𑀥𑁂…𑀧𑁂… 𑀧𑀝𑀺𑀲𑀦𑁆𑀥𑀺𑀓𑁆𑀔𑀡𑁂…𑀧𑁂…. (𑁧)

𑀆𑀭𑀫𑁆𑀫𑀡𑀧𑀘𑁆𑀘𑀬𑀸𑀤𑀺

𑁨𑁭. 𑀫𑀺𑀘𑁆𑀙𑀢𑁆𑀢𑀦𑀺𑀬𑀢𑀁 𑀥𑀫𑁆𑀫𑀁 𑀲𑀁𑀲𑀝𑁆𑀞𑁄 𑀫𑀺𑀘𑁆𑀙𑀢𑁆𑀢𑀦𑀺𑀬𑀢𑁄 𑀥𑀫𑁆𑀫𑁄 𑀉𑀧𑁆𑀧𑀚𑁆𑀚𑀢𑀺 𑀆𑀭𑀫𑁆𑀫𑀡𑀧𑀘𑁆𑀘𑀬𑀸…𑀧𑁂… 𑀅𑀯𑀺𑀕𑀢𑀧𑀘𑁆𑀘𑀬𑀸.

𑁧. 𑀧𑀘𑁆𑀘𑀬𑀸𑀦𑀼𑀮𑁄𑀫𑀁

𑁨. 𑀲𑀗𑁆𑀔𑁆𑀬𑀸𑀯𑀸𑀭𑁄

𑁨𑁮. 𑀳𑁂𑀢𑀼𑀬𑀸 𑀢𑀻𑀡𑀺, 𑀆𑀭𑀫𑁆𑀫𑀡𑁂 𑀢𑀻𑀡𑀺…𑀧𑁂… 𑀓𑀫𑁆𑀫𑁂 𑀢𑀻𑀡𑀺, 𑀯𑀺𑀧𑀸𑀓𑁂 𑀏𑀓𑀁, 𑀆𑀳𑀸𑀭𑁂 𑀢𑀻𑀡𑀺…𑀧𑁂… 𑀅𑀯𑀺𑀕𑀢𑁂 𑀢𑀻𑀡𑀺 (𑀏𑀯𑀁 𑀕𑀡𑁂𑀢𑀩𑁆𑀩𑀁).

𑀅𑀦𑀼𑀮𑁄𑀫𑀁.

𑁨. 𑀧𑀘𑁆𑀘𑀬𑀧𑀘𑁆𑀘𑀦𑀻𑀬𑀁

𑁧. 𑀯𑀺𑀪𑀗𑁆𑀕𑀯𑀸𑀭𑁄

𑀦𑀳𑁂𑀢𑀼𑀧𑀘𑁆𑀘𑀬𑁄

𑁨𑁯. 𑀅𑀦𑀺𑀬𑀢𑀁 𑀥𑀫𑁆𑀫𑀁 𑀲𑀁𑀲𑀝𑁆𑀞𑁄 𑀅𑀦𑀺𑀬𑀢𑁄 𑀥𑀫𑁆𑀫𑁄 𑀉𑀧𑁆𑀧𑀚𑁆𑀚𑀢𑀺 𑀦𑀳𑁂𑀢𑀼𑀧𑀘𑁆𑀘𑀬𑀸 𑁋 𑀅𑀳𑁂𑀢𑀼𑀓𑀁 𑀅𑀦𑀺𑀬𑀢𑀁 𑀏𑀓𑀁 𑀔𑀦𑁆𑀥𑀁 𑀲𑀁𑀲𑀝𑁆𑀞𑀸 𑀢𑀬𑁄 𑀔𑀦𑁆𑀥𑀸…𑀧𑁂… 𑀤𑁆𑀯𑁂 𑀔𑀦𑁆𑀥𑁂…𑀧𑁂… 𑀅𑀳𑁂𑀢𑀼𑀓𑀧𑀝𑀺𑀲𑀦𑁆𑀥𑀺𑀓𑁆𑀔𑀡𑁂…𑀧𑁂…. (𑁧)

𑀦𑀅𑀥𑀺𑀧𑀢𑀺𑀧𑀘𑁆𑀘𑀬𑁄

𑁩𑁦. 𑀫𑀺𑀘𑁆𑀙𑀢𑁆𑀢𑀦𑀺𑀬𑀢𑀁 𑀥𑀫𑁆𑀫𑀁 𑀲𑀁𑀲𑀝𑁆𑀞𑁄 𑀫𑀺𑀘𑁆𑀙𑀢𑁆𑀢𑀦𑀺𑀬𑀢𑁄 𑀥𑀫𑁆𑀫𑁄 𑀉𑀧𑁆𑀧𑀚𑁆𑀚𑀢𑀺 𑀦𑀅𑀥𑀺𑀧𑀢𑀺𑀧𑀘𑁆𑀘𑀬𑀸 𑁋 𑀫𑀺𑀘𑁆𑀙𑀢𑁆𑀢𑀦𑀺𑀬𑀢𑁂 𑀔𑀦𑁆𑀥𑁂 𑀲𑀁𑀲𑀝𑁆𑀞𑁄 𑀫𑀺𑀘𑁆𑀙𑀢𑁆𑀢𑀦𑀺𑀬𑀢𑀸𑀥𑀺𑀧𑀢𑀺. (𑁧)

𑀲𑀫𑁆𑀫𑀢𑁆𑀢𑀦𑀺𑀬𑀢𑀁 𑀥𑀫𑁆𑀫𑀁 𑀲𑀁𑀲𑀝𑁆𑀞𑁄 𑀲𑀫𑁆𑀫𑀢𑁆𑀢𑀦𑀺𑀬𑀢𑁄 𑀥𑀫𑁆𑀫𑁄 𑀉𑀧𑁆𑀧𑀚𑁆𑀚𑀢𑀺 𑀦𑀅𑀥𑀺𑀧𑀢𑀺𑀧𑀘𑁆𑀘𑀬𑀸 𑁋 𑀲𑀫𑁆𑀫𑀢𑁆𑀢𑀦𑀺𑀬𑀢𑁂 𑀔𑀦𑁆𑀥𑁂 𑀲𑀁𑀲𑀝𑁆𑀞𑁄 𑀲𑀫𑁆𑀫𑀢𑁆𑀢𑀦𑀺𑀬𑀢𑀸𑀥𑀺𑀧𑀢𑀺. (𑁧)

𑀅𑀦𑀺𑀬𑀢𑀁 𑀥𑀫𑁆𑀫𑀁 𑀲𑀁𑀲𑀝𑁆𑀞𑁄 𑀅𑀦𑀺𑀬𑀢𑁄 𑀥𑀫𑁆𑀫𑁄 𑀉𑀧𑁆𑀧𑀚𑁆𑀚𑀢𑀺 𑀦𑀅𑀥𑀺𑀧𑀢𑀺𑀧𑀘𑁆𑀘𑀬𑀸 𑁋 𑀅𑀦𑀺𑀬𑀢𑀁 𑀏𑀓𑀁 𑀔𑀦𑁆𑀥𑀁 𑀲𑀁𑀲𑀝𑁆𑀞𑀸 𑀢𑀬𑁄 𑀔𑀦𑁆𑀥𑀸…𑀧𑁂… 𑀤𑁆𑀯𑁂 𑀔𑀦𑁆𑀥𑁂…𑀧𑁂… 𑀧𑀝𑀺𑀲𑀦𑁆𑀥𑀺𑀓𑁆𑀔𑀡𑁂…𑀧𑁂….(𑁧)

𑀦𑀧𑀼𑀭𑁂𑀚𑀸𑀢𑀧𑀘𑁆𑀘𑀬𑀸𑀤𑀺

𑁩𑁧. 𑀲𑀫𑁆𑀫𑀢𑁆𑀢𑀦𑀺𑀬𑀢𑀁 𑀥𑀫𑁆𑀫𑀁 𑀲𑀁𑀲𑀝𑁆𑀞𑁄 𑀲𑀫𑁆𑀫𑀢𑁆𑀢𑀦𑀺𑀬𑀢𑁄 𑀥𑀫𑁆𑀫𑁄 𑀉𑀧𑁆𑀧𑀚𑁆𑀚𑀢𑀺 𑀦𑀧𑀼𑀭𑁂𑀚𑀸𑀢𑀧𑀘𑁆𑀘𑀬𑀸 𑁋 𑀅𑀭𑀽𑀧𑁂 𑀲𑀫𑁆𑀫𑀢𑁆𑀢𑀦𑀺𑀬𑀢𑀁 𑀏𑀓𑀁 𑀔𑀦𑁆𑀥𑀁 𑀲𑀁𑀲𑀝𑁆𑀞𑀸 𑀢𑀬𑁄 𑀔𑀦𑁆𑀥𑀸…𑀧𑁂… 𑀤𑁆𑀯𑁂 𑀔𑀦𑁆𑀥𑁂…𑀧𑁂…. (𑁧)

𑀅𑀦𑀺𑀬𑀢𑀁 𑀥𑀫𑁆𑀫𑀁 𑀲𑀁𑀲𑀝𑁆𑀞𑁄 𑀅𑀦𑀺𑀬𑀢𑁄 𑀥𑀫𑁆𑀫𑁄 𑀉𑀧𑁆𑀧𑀚𑁆𑀚𑀢𑀺 𑀦𑀧𑀼𑀭𑁂𑀚𑀸𑀢𑀧𑀘𑁆𑀘𑀬𑀸 𑁋 𑀅𑀭𑀽𑀧𑁂 𑀅𑀦𑀺𑀬𑀢𑀁 𑀏𑀓𑀁 𑀔𑀦𑁆𑀥𑀁 𑀲𑀁𑀲𑀝𑁆𑀞𑀸 𑀢𑀬𑁄 𑀔𑀦𑁆𑀥𑀸…𑀧𑁂… 𑀤𑁆𑀯𑁂 𑀔𑀦𑁆𑀥𑁂…𑀧𑁂… 𑀧𑀝𑀺𑀲𑀦𑁆𑀥𑀺𑀓𑁆𑀔𑀡𑁂…𑀧𑁂…. (𑁧)

𑀫𑀺𑀘𑁆𑀙𑀢𑁆𑀢𑀦𑀺𑀬𑀢𑀁 𑀥𑀫𑁆𑀫𑀁 𑀲𑀁𑀲𑀝𑁆𑀞𑁄 𑀫𑀺𑀘𑁆𑀙𑀢𑁆𑀢𑀦𑀺𑀬𑀢𑁄 𑀥𑀫𑁆𑀫𑁄 𑀉𑀧𑁆𑀧𑀚𑁆𑀚𑀢𑀺 𑀦𑀧𑀘𑁆𑀙𑀸𑀚𑀸𑀢𑀧𑀘𑁆𑀘𑀬𑀸 (𑀧𑀭𑀺𑀧𑀼𑀡𑁆𑀡𑀁).

𑀦𑀆𑀲𑁂𑀯𑀦𑀧𑀘𑁆𑀘𑀬𑀸𑀤𑀺

𑁩𑁨. 𑀅𑀦𑀺𑀬𑀢𑀁 𑀥𑀫𑁆𑀫𑀁 𑀲𑀁𑀲𑀝𑁆𑀞𑁄 𑀅𑀦𑀺𑀬𑀢𑁄 𑀥𑀫𑁆𑀫𑁄 𑀉𑀧𑁆𑀧𑀚𑁆𑀚𑀢𑀺 𑀦𑀆𑀲𑁂𑀯𑀦𑀧𑀘𑁆𑀘𑀬𑀸 𑁋 𑀅𑀦𑀺𑀬𑀢𑀁 𑀏𑀓𑀁 𑀔𑀦𑁆𑀥𑀁 𑀲𑀁𑀲𑀝𑁆𑀞𑀸 𑀢𑀬𑁄 𑀔𑀦𑁆𑀥𑀸…𑀧𑁂… 𑀤𑁆𑀯𑁂 𑀔𑀦𑁆𑀥𑁂…𑀧𑁂… 𑀧𑀝𑀺𑀲𑀦𑁆𑀥𑀺𑀓𑁆𑀔𑀡𑁂…𑀧𑁂…. (𑁧)

𑀫𑀺𑀘𑁆𑀙𑀢𑁆𑀢𑀦𑀺𑀬𑀢𑀁 𑀥𑀫𑁆𑀫𑀁 𑀲𑀁𑀲𑀝𑁆𑀞𑁄 𑀫𑀺𑀘𑁆𑀙𑀢𑁆𑀢𑀦𑀺𑀬𑀢𑁄 𑀥𑀫𑁆𑀫𑁄 𑀉𑀧𑁆𑀧𑀚𑁆𑀚𑀢𑀺 𑀦𑀓𑀫𑁆𑀫𑀧𑀘𑁆𑀘𑀬𑀸, 𑀦𑀯𑀺𑀧𑀸𑀓𑀧𑀘𑁆𑀘𑀬𑀸 (𑀲𑀁𑀔𑀺𑀢𑁆𑀢𑀁).

𑀅𑀦𑀺𑀬𑀢𑀁 𑀥𑀫𑁆𑀫𑀁 𑀲𑀁𑀲𑀝𑁆𑀞𑁄 𑀅𑀦𑀺𑀬𑀢𑁄 𑀥𑀫𑁆𑀫𑁄 𑀉𑀧𑁆𑀧𑀚𑁆𑀚𑀢𑀺 𑀦𑀛𑀸𑀦𑀧𑀘𑁆𑀘𑀬𑀸 𑁋 𑀧𑀜𑁆𑀘𑀯𑀺𑀜𑁆𑀜𑀸𑀡𑀁…𑀧𑁂… 𑀦𑀫𑀕𑁆𑀕𑀧𑀘𑁆𑀘𑀬𑀸 𑁋 𑀅𑀳𑁂𑀢𑀼𑀓𑀁 𑀅𑀦𑀺𑀬𑀢𑀁…𑀧𑁂….

𑀲𑀫𑁆𑀫𑀢𑁆𑀢𑀦𑀺𑀬𑀢𑀁 𑀥𑀫𑁆𑀫𑀁 𑀲𑀁𑀲𑀝𑁆𑀞𑁄 𑀲𑀫𑁆𑀫𑀢𑁆𑀢𑀦𑀺𑀬𑀢𑁄 𑀥𑀫𑁆𑀫𑁄 𑀉𑀧𑁆𑀧𑀚𑁆𑀚𑀢𑀺 𑀦𑀯𑀺𑀧𑁆𑀧𑀬𑀼𑀢𑁆𑀢𑀧𑀘𑁆𑀘𑀬𑀸 𑁋 𑀅𑀭𑀽𑀧𑁂 𑀲𑀫𑁆𑀫𑀢𑁆𑀢𑀦𑀺𑀬𑀢𑀁 𑀏𑀓𑀁 𑀔𑀦𑁆𑀥𑀁 𑀲𑀁𑀲𑀝𑁆𑀞𑀸 𑀢𑀬𑁄 𑀔𑀦𑁆𑀥𑀸…𑀧𑁂… 𑀤𑁆𑀯𑁂 𑀔𑀦𑁆𑀥𑁂…𑀧𑁂…. (𑁧)

𑀅𑀦𑀺𑀬𑀢𑀁 𑀥𑀫𑁆𑀫𑀁 𑀲𑀁𑀲𑀝𑁆𑀞𑁄 𑀅𑀦𑀺𑀬𑀢𑁄 𑀥𑀫𑁆𑀫𑁄 𑀉𑀧𑁆𑀧𑀚𑁆𑀚𑀢𑀺 𑀦𑀯𑀺𑀧𑁆𑀧𑀬𑀼𑀢𑁆𑀢𑀧𑀘𑁆𑀘𑀬𑀸 𑁋 𑀅𑀭𑀽𑀧𑁂 𑀅𑀦𑀺𑀬𑀢𑀁 𑀏𑀓𑀁 𑀔𑀦𑁆𑀥𑀁 𑀲𑀁𑀲𑀝𑁆𑀞𑀸 𑀢𑀬𑁄 𑀔𑀦𑁆𑀥𑀸…𑀧𑁂… 𑀤𑁆𑀯𑁂 𑀔𑀦𑁆𑀥𑁂…𑀧𑁂…. (𑁧)

𑁨. 𑀧𑀘𑁆𑀘𑀬𑀧𑀘𑁆𑀘𑀦𑀻𑀬𑀁

𑁨. 𑀲𑀗𑁆𑀔𑁆𑀬𑀸𑀯𑀸𑀭𑁄

𑁩𑁩. 𑀦𑀳𑁂𑀢𑀼𑀬𑀸 𑀏𑀓𑀁, 𑀦𑀅𑀥𑀺𑀧𑀢𑀺𑀬𑀸 𑀢𑀻𑀡𑀺, 𑀦𑀧𑀼𑀭𑁂𑀚𑀸𑀢𑁂 𑀤𑁆𑀯𑁂, 𑀦𑀧𑀘𑁆𑀙𑀸𑀚𑀸𑀢𑁂 𑀢𑀻𑀡𑀺, 𑀦𑀆𑀲𑁂𑀯𑀦𑁂 𑀏𑀓𑀁, 𑀦𑀓𑀫𑁆𑀫𑁂 𑀢𑀻𑀡𑀺, 𑀦𑀯𑀺𑀧𑀸𑀓𑁂 𑀢𑀻𑀡𑀺, 𑀦𑀛𑀸𑀦𑁂 𑀏𑀓𑀁, 𑀦𑀫𑀕𑁆𑀕𑁂 𑀏𑀓𑀁, 𑀦𑀯𑀺𑀧𑁆𑀧𑀬𑀼𑀢𑁆𑀢𑁂 𑀤𑁆𑀯𑁂 (𑀏𑀯𑀁 𑀕𑀡𑁂𑀢𑀩𑁆𑀩𑀁).

𑀧𑀘𑁆𑀘𑀦𑀻𑀬𑀁.

𑁩. 𑀧𑀘𑁆𑀘𑀬𑀸𑀦𑀼𑀮𑁄𑀫𑀧𑀘𑁆𑀘𑀦𑀻𑀬𑀁

𑁩𑁪. 𑀳𑁂𑀢𑀼𑀧𑀘𑁆𑀘𑀬𑀸 𑀦𑀅𑀥𑀺𑀧𑀢𑀺𑀬𑀸 𑀢𑀻𑀡𑀺, 𑀦𑀧𑀼𑀭𑁂𑀚𑀸𑀢𑁂 𑀤𑁆𑀯𑁂, 𑀦𑀧𑀘𑁆𑀙𑀸𑀚𑀸𑀢𑁂 𑀢𑀻𑀡𑀺, 𑀦𑀆𑀲𑁂𑀯𑀦𑁂 𑀏𑀓𑀁, 𑀦𑀓𑀫𑁆𑀫𑁂 𑀢𑀻𑀡𑀺, 𑀦𑀯𑀺𑀧𑀸𑀓𑁂 𑀢𑀻𑀡𑀺, 𑀦𑀯𑀺𑀧𑁆𑀧𑀬𑀼𑀢𑁆𑀢𑁂 𑀤𑁆𑀯𑁂 (𑀏𑀯𑀁 𑀕𑀡𑁂𑀢𑀩𑁆𑀩𑀁).

𑀅𑀦𑀼𑀮𑁄𑀫𑀧𑀘𑁆𑀘𑀦𑀻𑀬𑀁.

𑁪. 𑀧𑀘𑁆𑀘𑀬𑀧𑀘𑁆𑀘𑀦𑀻𑀬𑀸𑀦𑀼𑀮𑁄𑀫𑀁

𑁩𑁫. 𑀦𑀳𑁂𑀢𑀼𑀧𑀘𑁆𑀘𑀬𑀸 𑀆𑀭𑀫𑁆𑀫𑀡𑁂 𑀏𑀓𑀁, 𑀅𑀦𑀦𑁆𑀢𑀭𑁂 𑀏𑀓𑀁 (𑀲𑀁𑀔𑀺𑀢𑁆𑀢𑀁), 𑀅𑀯𑀺𑀕𑀢𑁂 𑀏𑀓𑀁 (𑀏𑀯𑀁 𑀕𑀡𑁂𑀢𑀩𑁆𑀩𑀁).

𑀧𑀘𑁆𑀘𑀦𑀻𑀬𑀸𑀦𑀼𑀮𑁄𑀫𑀁.

𑀲𑀁𑀲𑀝𑁆𑀞𑀯𑀸𑀭𑁄.

𑁬. 𑀲𑀫𑁆𑀧𑀬𑀼𑀢𑁆𑀢𑀯𑀸𑀭𑁄

(𑀲𑀫𑁆𑀧𑀬𑀼𑀢𑁆𑀢𑀯𑀸𑀭𑁄 𑀲𑀁𑀲𑀝𑁆𑀞𑀯𑀸𑀭𑀲𑀤𑀺𑀲𑁄).

𑁭. 𑀧𑀜𑁆𑀳𑀸𑀯𑀸𑀭𑁄

𑁧. 𑀧𑀘𑁆𑀘𑀬𑀸𑀦𑀼𑀮𑁄𑀫𑀁

𑁧. 𑀯𑀺𑀪𑀗𑁆𑀕𑀯𑀸𑀭𑁄

𑀳𑁂𑀢𑀼𑀧𑀘𑁆𑀘𑀬𑁄

𑁩𑁬. 𑀫𑀺𑀘𑁆𑀙𑀢𑁆𑀢𑀦𑀺𑀬𑀢𑁄 𑀥𑀫𑁆𑀫𑁄 𑀫𑀺𑀘𑁆𑀙𑀢𑁆𑀢𑀦𑀺𑀬𑀢𑀲𑁆𑀲 𑀥𑀫𑁆𑀫𑀲𑁆𑀲 𑀳𑁂𑀢𑀼𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄 𑁋 𑀫𑀺𑀘𑁆𑀙𑀢𑁆𑀢𑀦𑀺𑀬𑀢𑀸 𑀳𑁂𑀢𑀽 𑀲𑀫𑁆𑀧𑀬𑀼𑀢𑁆𑀢𑀓𑀸𑀦𑀁 𑀔𑀦𑁆𑀥𑀸𑀦𑀁 𑀳𑁂𑀢𑀼𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄. (𑁧)

𑀫𑀺𑀘𑁆𑀙𑀢𑁆𑀢𑀦𑀺𑀬𑀢𑁄 𑀥𑀫𑁆𑀫𑁄 𑀅𑀦𑀺𑀬𑀢𑀲𑁆𑀲 𑀥𑀫𑁆𑀫𑀲𑁆𑀲 𑀳𑁂𑀢𑀼𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄 𑁋 𑀫𑀺𑀘𑁆𑀙𑀢𑁆𑀢𑀦𑀺𑀬𑀢𑀸 𑀳𑁂𑀢𑀽 𑀘𑀺𑀢𑁆𑀢𑀲𑀫𑀼𑀝𑁆𑀞𑀸𑀦𑀸𑀦𑀁 𑀭𑀽𑀧𑀸𑀦𑀁 𑀳𑁂𑀢𑀼𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄. (𑁨)

𑀫𑀺𑀘𑁆𑀙𑀢𑁆𑀢𑀦𑀺𑀬𑀢𑁄 𑀥𑀫𑁆𑀫𑁄 𑀫𑀺𑀘𑁆𑀙𑀢𑁆𑀢𑀦𑀺𑀬𑀢𑀲𑁆𑀲 𑀘 𑀅𑀦𑀺𑀬𑀢𑀲𑁆𑀲 𑀘 𑀥𑀫𑁆𑀫𑀲𑁆𑀲 𑀳𑁂𑀢𑀼𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄 𑁋 𑀫𑀺𑀘𑁆𑀙𑀢𑁆𑀢𑀦𑀺𑀬𑀢𑀸 𑀳𑁂𑀢𑀽 𑀲𑀫𑁆𑀧𑀬𑀼𑀢𑁆𑀢𑀓𑀸𑀦𑀁 𑀔𑀦𑁆𑀥𑀸𑀦𑀁 𑀘𑀺𑀢𑁆𑀢𑀲𑀫𑀼𑀝𑁆𑀞𑀸𑀦𑀸𑀦𑀜𑁆𑀘 𑀭𑀽𑀧𑀸𑀦𑀁 𑀳𑁂𑀢𑀼𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄. (𑁩)