𑁧. 𑀯𑀺𑀪𑀗𑁆𑀕𑀯𑀸𑀭𑁄

𑀳𑁂𑀢𑀼𑀧𑀘𑁆𑀘𑀬𑁄

𑁪𑁫. 𑀆𑀘𑀬𑀕𑀸𑀫𑀻 [𑀆𑀘𑀬𑀕𑀸𑀫𑀺 (𑀲𑀻. 𑀲𑁆𑀬𑀸.) 𑀏𑀯𑀫𑀼𑀧𑀭𑀺𑀧𑀺] 𑀥𑀫𑁆𑀫𑁄 𑀆𑀘𑀬𑀕𑀸𑀫𑀺𑀲𑁆𑀲 𑀥𑀫𑁆𑀫𑀲𑁆𑀲 𑀳𑁂𑀢𑀼𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄 𑁋 𑀆𑀘𑀬𑀕𑀸𑀫𑀻 𑀳𑁂𑀢𑀽 𑀲𑀫𑁆𑀧𑀬𑀼𑀢𑁆𑀢𑀓𑀸𑀦𑀁 𑀔𑀦𑁆𑀥𑀸𑀦𑀁 𑀳𑁂𑀢𑀼𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄. (𑁧)

𑀆𑀘𑀬𑀕𑀸𑀫𑀻 𑀥𑀫𑁆𑀫𑁄 𑀦𑁂𑀯𑀸𑀘𑀬𑀕𑀸𑀫𑀺𑀦𑀸𑀧𑀘𑀬𑀕𑀸𑀫𑀺𑀲𑁆𑀲 𑀥𑀫𑁆𑀫𑀲𑁆𑀲 𑀳𑁂𑀢𑀼𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄 𑁋 𑀆𑀘𑀬𑀕𑀸𑀫𑀻 𑀳𑁂𑀢𑀽 𑀘𑀺𑀢𑁆𑀢𑀲𑀫𑀼𑀝𑁆𑀞𑀸𑀦𑀸𑀦𑀁 𑀭𑀽𑀧𑀸𑀦𑀁 𑀳𑁂𑀢𑀼𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄. (𑁨)

𑀆𑀘𑀬𑀕𑀸𑀫𑀻 𑀥𑀫𑁆𑀫𑁄 𑀆𑀘𑀬𑀕𑀸𑀫𑀺𑀲𑁆𑀲 𑀘 𑀦𑁂𑀯𑀸𑀘𑀬𑀕𑀸𑀫𑀺𑀦𑀸𑀧𑀘𑀬𑀕𑀸𑀫𑀺𑀲𑁆𑀲 𑀘 𑀥𑀫𑁆𑀫𑀲𑁆𑀲 𑀳𑁂𑀢𑀼𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄 𑁋 𑀆𑀘𑀬𑀕𑀸𑀫𑀻 𑀳𑁂𑀢𑀽 𑀲𑀫𑁆𑀧𑀬𑀼𑀢𑁆𑀢𑀓𑀸𑀦𑀁 𑀔𑀦𑁆𑀥𑀸𑀦𑀁 𑀘𑀺𑀢𑁆𑀢𑀲𑀫𑀼𑀝𑁆𑀞𑀸𑀦𑀸𑀦𑀜𑁆𑀘 𑀭𑀽𑀧𑀸𑀦𑀁 𑀳𑁂𑀢𑀼𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄. (𑁩)

𑀅𑀧𑀘𑀬𑀕𑀸𑀫𑀻 𑀥𑀫𑁆𑀫𑁄 𑀅𑀧𑀘𑀬𑀕𑀸𑀫𑀺𑀲𑁆𑀲 𑀥𑀫𑁆𑀫𑀲𑁆𑀲 𑀳𑁂𑀢𑀼𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄… 𑀢𑀻𑀡𑀺.

𑀦𑁂𑀯𑀸𑀘𑀬𑀕𑀸𑀫𑀺𑀦𑀸𑀧𑀘𑀬𑀕𑀸𑀫𑀻 𑀥𑀫𑁆𑀫𑁄 𑀦𑁂𑀯𑀸𑀘𑀬𑀕𑀸𑀫𑀺𑀦𑀸𑀧𑀘𑀬𑀕𑀸𑀫𑀺𑀲𑁆𑀲 𑀥𑀫𑁆𑀫𑀲𑁆𑀲 𑀳𑁂𑀢𑀼𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄 𑁋 𑀦𑁂𑀯𑀸𑀘𑀬𑀕𑀸𑀫𑀺𑀦𑀸𑀧𑀘𑀬𑀕𑀸𑀫𑀻 𑀳𑁂𑀢𑀽 𑀲𑀫𑁆𑀧𑀬𑀼𑀢𑁆𑀢𑀓𑀸𑀦𑀁 𑀔𑀦𑁆𑀥𑀸𑀦𑀁 𑀘𑀺𑀢𑁆𑀢𑀲𑀫𑀼𑀝𑁆𑀞𑀸𑀦𑀸𑀦𑀜𑁆𑀘 𑀭𑀽𑀧𑀸𑀦𑀁 𑀳𑁂𑀢𑀼𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄. 𑀧𑀝𑀺𑀲𑀦𑁆𑀥𑀺𑀓𑁆𑀔𑀡𑁂 𑀦𑁂𑀯𑀸𑀘𑀬𑀕𑀸𑀫𑀺𑀦𑀸𑀧𑀘𑀬𑀕𑀸𑀫𑀻 𑀳𑁂𑀢𑀽 𑀲𑀫𑁆𑀧𑀬𑀼𑀢𑁆𑀢𑀓𑀸𑀦𑀁 𑀔𑀦𑁆𑀥𑀸𑀦𑀁 𑀓𑀝𑀢𑁆𑀢𑀸 𑀘 𑀭𑀽𑀧𑀸𑀦𑀁 𑀳𑁂𑀢𑀼𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄. (𑁧)

𑀆𑀭𑀫𑁆𑀫𑀡𑀧𑀘𑁆𑀘𑀬𑁄

𑁪𑁬. 𑀆𑀘𑀬𑀕𑀸𑀫𑀻 𑀥𑀫𑁆𑀫𑁄 𑀆𑀘𑀬𑀕𑀸𑀫𑀺𑀲𑁆𑀲 𑀥𑀫𑁆𑀫𑀲𑁆𑀲 𑀆𑀭𑀫𑁆𑀫𑀡𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄 𑁋 𑀤𑀸𑀦𑀁 𑀤𑀢𑁆𑀯𑀸 𑀲𑀻𑀮𑀁 𑀲𑀫𑀸𑀤𑀺𑀬𑀺𑀢𑁆𑀯𑀸 𑀉𑀧𑁄𑀲𑀣𑀓𑀫𑁆𑀫𑀁 𑀓𑀢𑁆𑀯𑀸 𑀢𑀁 𑀧𑀘𑁆𑀘𑀯𑁂𑀓𑁆𑀔𑀢𑀺, 𑀧𑀼𑀩𑁆𑀩𑁂 𑀲𑀼𑀘𑀺𑀡𑁆𑀡𑀸𑀦𑀺 𑀧𑀘𑁆𑀘𑀯𑁂𑀓𑁆𑀔𑀢𑀺, 𑀛𑀸𑀦𑀸 𑀯𑀼𑀝𑁆𑀞𑀳𑀺𑀢𑁆𑀯𑀸 𑀛𑀸𑀦𑀁 𑀧𑀘𑁆𑀘𑀯𑁂𑀓𑁆𑀔𑀢𑀺. 𑀲𑁂𑀓𑁆𑀔𑀸 𑀧𑀳𑀻𑀦𑁂 𑀓𑀺𑀮𑁂𑀲𑁂 𑀧𑀘𑁆𑀘𑀯𑁂𑀓𑁆𑀔𑀦𑁆𑀢𑀺, 𑀯𑀺𑀓𑁆𑀔𑀫𑁆𑀪𑀺𑀢𑁂 𑀓𑀺𑀮𑁂𑀲𑁂 𑀧𑀘𑁆𑀘𑀯𑁂𑀓𑁆𑀔𑀦𑁆𑀢𑀺, 𑀧𑀼𑀩𑁆𑀩𑁂 𑀲𑀫𑀼𑀤𑀸𑀘𑀺𑀡𑁆𑀡𑁂 𑀓𑀺𑀮𑁂𑀲𑁂 𑀚𑀸𑀦𑀦𑁆𑀢𑀺. 𑀲𑁂𑀓𑁆𑀔𑀸 𑀯𑀸 𑀧𑀼𑀣𑀼𑀚𑁆𑀚𑀦𑀸 𑀯𑀸 𑀆𑀘𑀬𑀕𑀸𑀫𑀻 𑀔𑀦𑁆𑀥𑁂 𑀅𑀦𑀺𑀘𑁆𑀘𑀢𑁄 𑀤𑀼𑀓𑁆𑀔𑀢𑁄 𑀅𑀦𑀢𑁆𑀢𑀢𑁄 𑀯𑀺𑀧𑀲𑁆𑀲𑀦𑁆𑀢𑀺, 𑀅𑀲𑁆𑀲𑀸𑀤𑁂𑀦𑁆𑀢𑀺 𑀅𑀪𑀺𑀦𑀦𑁆𑀤𑀦𑁆𑀢𑀺, 𑀢𑀁 𑀆𑀭𑀩𑁆𑀪 𑀭𑀸𑀕𑁄 𑀉𑀧𑁆𑀧𑀚𑁆𑀚𑀢𑀺, 𑀤𑀺𑀝𑁆𑀞𑀺…𑀧𑁂… 𑀯𑀺𑀘𑀺𑀓𑀺𑀘𑁆𑀙𑀸…𑀧𑁂… 𑀉𑀤𑁆𑀥𑀘𑁆𑀘𑀁…𑀧𑁂… 𑀤𑁄𑀫𑀦𑀲𑁆𑀲𑀁 𑀉𑀧𑁆𑀧𑀚𑁆𑀚𑀢𑀺, 𑀘𑁂𑀢𑁄𑀧𑀭𑀺𑀬𑀜𑀸𑀡𑁂𑀦 𑀆𑀘𑀬𑀕𑀸𑀫𑀺𑀘𑀺𑀢𑁆𑀢𑀲𑀫𑀗𑁆𑀕𑀺𑀲𑁆𑀲 𑀘𑀺𑀢𑁆𑀢𑀁 𑀚𑀸𑀦𑀦𑁆𑀢𑀺, 𑀆𑀓𑀸𑀲𑀸𑀦𑀜𑁆𑀘𑀸𑀬𑀢𑀦𑀓𑀼𑀲𑀮𑀁 𑀯𑀺𑀜𑁆𑀜𑀸𑀡𑀜𑁆𑀘𑀸𑀬𑀢𑀦𑀓𑀼𑀲𑀮𑀲𑁆𑀲 𑀆𑀭𑀫𑁆𑀫𑀡𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄. 𑀆𑀓𑀺𑀜𑁆𑀘𑀜𑁆𑀜𑀸𑀬𑀢𑀦𑀓𑀼𑀲𑀮𑀁 𑀦𑁂𑀯𑀲𑀜𑁆𑀜𑀸𑀦𑀸𑀲𑀜𑁆𑀜𑀸𑀬𑀢𑀦𑀓𑀼𑀲𑀮𑀲𑁆𑀲…𑀧𑁂… 𑀆𑀘𑀬𑀕𑀸𑀫𑀻 𑀔𑀦𑁆𑀥𑀸 𑀇𑀤𑁆𑀥𑀺𑀯𑀺𑀥𑀜𑀸𑀡𑀲𑁆𑀲, 𑀘𑁂𑀢𑁄𑀧𑀭𑀺𑀬𑀜𑀸𑀡𑀲𑁆𑀲, 𑀧𑀼𑀩𑁆𑀩𑁂𑀦𑀺𑀯𑀸𑀲𑀸𑀦𑀼𑀲𑁆𑀲𑀢𑀺𑀜𑀸𑀡𑀲𑁆𑀲, 𑀬𑀣𑀸𑀓𑀫𑁆𑀫𑀽𑀧𑀕𑀜𑀸𑀡𑀲𑁆𑀲, 𑀅𑀦𑀸𑀕𑀢𑀁𑀲𑀜𑀸𑀡𑀲𑁆𑀲 𑀆𑀭𑀫𑁆𑀫𑀡𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄. (𑁧)

𑀆𑀘𑀬𑀕𑀸𑀫𑀻 𑀥𑀫𑁆𑀫𑁄 𑀦𑁂𑀯𑀸𑀘𑀬𑀕𑀸𑀫𑀺𑀦𑀸𑀧𑀘𑀬𑀕𑀸𑀫𑀺𑀲𑁆𑀲 𑀥𑀫𑁆𑀫𑀲𑁆𑀲 𑀆𑀭𑀫𑁆𑀫𑀡𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄 𑁋 𑀅𑀭𑀳𑀸 𑀧𑀳𑀻𑀦𑁂 𑀓𑀺𑀮𑁂𑀲𑁂 𑀧𑀘𑁆𑀘𑀯𑁂𑀓𑁆𑀔𑀢𑀺, 𑀧𑀼𑀩𑁆𑀩𑁂 𑀲𑀫𑀼𑀤𑀸𑀘𑀺𑀡𑁆𑀡𑁂 𑀓𑀺𑀮𑁂𑀲𑁂 𑀚𑀸𑀦𑀸𑀢𑀺, 𑀆𑀘𑀬𑀕𑀸𑀫𑀻 𑀔𑀦𑁆𑀥𑁂 𑀅𑀦𑀺𑀘𑁆𑀘𑀢𑁄 𑀤𑀼𑀓𑁆𑀔𑀢𑁄 𑀅𑀦𑀢𑁆𑀢𑀢𑁄 𑀯𑀺𑀧𑀲𑁆𑀲𑀢𑀺; 𑀘𑁂𑀢𑁄𑀧𑀭𑀺𑀬𑀜𑀸𑀡𑁂𑀦 𑀆𑀘𑀬𑀕𑀸𑀫𑀺𑀘𑀺𑀢𑁆𑀢𑀲𑀫𑀗𑁆𑀕𑀺𑀲𑁆𑀲 𑀘𑀺𑀢𑁆𑀢𑀁 𑀚𑀸𑀦𑀸𑀢𑀺. 𑀲𑁂𑀓𑁆𑀔𑀸 𑀯𑀸 𑀧𑀼𑀣𑀼𑀚𑁆𑀚𑀦𑀸 𑀯𑀸 𑀆𑀘𑀬𑀕𑀸𑀫𑀻 𑀔𑀦𑁆𑀥𑁂 𑀅𑀦𑀺𑀘𑁆𑀘𑀢𑁄 𑀤𑀼𑀓𑁆𑀔𑀢𑁄 𑀅𑀦𑀢𑁆𑀢𑀢𑁄 𑀯𑀺𑀧𑀲𑁆𑀲𑀦𑁆𑀢𑀺, 𑀓𑀼𑀲𑀮𑁂 𑀦𑀺𑀭𑀼𑀤𑁆𑀥𑁂 𑀯𑀺𑀧𑀸𑀓𑁄 𑀢𑀤𑀸𑀭𑀫𑁆𑀫𑀡𑀢𑀸 𑀉𑀧𑁆𑀧𑀚𑁆𑀚𑀢𑀺, 𑀆𑀘𑀬𑀕𑀸𑀫𑀻 𑀔𑀦𑁆𑀥𑁂 𑀅𑀲𑁆𑀲𑀸𑀤𑁂𑀢𑀺 𑀅𑀪𑀺𑀦𑀦𑁆𑀤𑀢𑀺, 𑀢𑀁 𑀆𑀭𑀩𑁆𑀪 𑀭𑀸𑀕𑁄 𑀉𑀧𑁆𑀧𑀚𑁆𑀚𑀢𑀺…𑀧𑁂… 𑀤𑁄𑀫𑀦𑀲𑁆𑀲𑀁 𑀉𑀧𑁆𑀧𑀚𑁆𑀚𑀢𑀺, 𑀅𑀓𑀼𑀲𑀮𑁂 𑀦𑀺𑀭𑀼𑀤𑁆𑀥𑁂 𑀯𑀺𑀧𑀸𑀓𑁄 𑀢𑀤𑀸𑀭𑀫𑁆𑀫𑀡𑀢𑀸 𑀉𑀧𑁆𑀧𑀚𑁆𑀚𑀢𑀺, 𑀆𑀓𑀸𑀲𑀸𑀦𑀜𑁆𑀘𑀸𑀬𑀢𑀦𑀓𑀼𑀲𑀮𑀁 𑀯𑀺𑀜𑁆𑀜𑀸𑀡𑀜𑁆𑀘𑀸𑀬𑀢𑀦𑀯𑀺𑀧𑀸𑀓𑀲𑁆𑀲 𑀘 𑀓𑀺𑀭𑀺𑀬𑀲𑁆𑀲 𑀘 𑀆𑀭𑀫𑁆𑀫𑀡𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄. 𑀆𑀓𑀺𑀜𑁆𑀘𑀜𑁆𑀜𑀸𑀬𑀢𑀦𑀓𑀼𑀲𑀮𑀁 𑀦𑁂𑀯𑀲𑀜𑁆𑀜𑀸𑀦𑀸𑀲𑀜𑁆𑀜𑀸𑀬𑀢𑀦𑀯𑀺𑀧𑀸𑀓𑀲𑁆𑀲 𑀘 𑀓𑀺𑀭𑀺𑀬𑀲𑁆𑀲 𑀘 𑀆𑀭𑀫𑁆𑀫𑀡𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄. 𑀆𑀘𑀬𑀕𑀸𑀫𑀻 𑀔𑀦𑁆𑀥𑀸 𑀘𑁂𑀢𑁄𑀧𑀭𑀺𑀬𑀜𑀸𑀡𑀲𑁆𑀲, 𑀧𑀼𑀩𑁆𑀩𑁂𑀦𑀺𑀯𑀸𑀲𑀸𑀦𑀼𑀲𑁆𑀲𑀢𑀺𑀜𑀸𑀡𑀲𑁆𑀲, 𑀬𑀣𑀸𑀓𑀫𑁆𑀫𑀽𑀧𑀕𑀜𑀸𑀡𑀲𑁆𑀲, 𑀅𑀦𑀸𑀕𑀢𑀁𑀲𑀜𑀸𑀡𑀲𑁆𑀲, 𑀆𑀯𑀚𑁆𑀚𑀦𑀸𑀬 𑀆𑀭𑀫𑁆𑀫𑀡𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄. (𑁨)

𑁪𑁭. 𑀅𑀧𑀘𑀬𑀕𑀸𑀫𑀻 𑀥𑀫𑁆𑀫𑁄 𑀆𑀘𑀬𑀕𑀸𑀫𑀺𑀲𑁆𑀲 𑀥𑀫𑁆𑀫𑀲𑁆𑀲 𑀆𑀭𑀫𑁆𑀫𑀡𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄 𑁋 𑀲𑁂𑀓𑁆𑀔𑀸 𑀫𑀕𑁆𑀕𑀸 𑀯𑀼𑀝𑁆𑀞𑀳𑀺𑀢𑁆𑀯𑀸 𑀫𑀕𑁆𑀕𑀁 𑀧𑀘𑁆𑀘𑀯𑁂𑀓𑁆𑀔𑀦𑁆𑀢𑀺, 𑀘𑁂𑀢𑁄𑀧𑀭𑀺𑀬𑀜𑀸𑀡𑁂𑀦 𑀅𑀧𑀘𑀬𑀕𑀸𑀫𑀺𑀘𑀺𑀢𑁆𑀢𑀲𑀫𑀗𑁆𑀕𑀺𑀲𑁆𑀲 𑀘𑀺𑀢𑁆𑀢𑀁 𑀚𑀸𑀦𑀦𑁆𑀢𑀺, 𑀅𑀧𑀘𑀬𑀕𑀸𑀫𑀻 𑀔𑀦𑁆𑀥𑀸 𑀘𑁂𑀢𑁄𑀧𑀭𑀺𑀬𑀜𑀸𑀡𑀲𑁆𑀲, 𑀧𑀼𑀩𑁆𑀩𑁂𑀦𑀺𑀯𑀸𑀲𑀸𑀦𑀼𑀲𑁆𑀲𑀢𑀺𑀜𑀸𑀡𑀲𑁆𑀲, 𑀅𑀦𑀸𑀕𑀢𑀁𑀲𑀜𑀸𑀡𑀲𑁆𑀲, 𑀆𑀭𑀫𑁆𑀫𑀡𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄. (𑁧)

𑀅𑀧𑀘𑀬𑀕𑀸𑀫𑀻 𑀥𑀫𑁆𑀫𑁄 𑀦𑁂𑀯𑀸𑀘𑀬𑀕𑀸𑀫𑀺𑀦𑀸𑀧𑀘𑀬𑀕𑀸𑀫𑀺𑀲𑁆𑀲 𑀥𑀫𑁆𑀫𑀲𑁆𑀲 𑀆𑀭𑀫𑁆𑀫𑀡𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄 𑁋 𑀅𑀭𑀳𑀸 𑀫𑀕𑁆𑀕𑀸 𑀯𑀼𑀝𑁆𑀞𑀳𑀺𑀢𑁆𑀯𑀸 𑀫𑀕𑁆𑀕𑀁 𑀧𑀘𑁆𑀘𑀯𑁂𑀓𑁆𑀔𑀢𑀺, 𑀘𑁂𑀢𑁄𑀧𑀭𑀺𑀬𑀜𑀸𑀡𑁂𑀦 𑀅𑀧𑀘𑀬𑀕𑀸𑀫𑀺𑀘𑀺𑀢𑁆𑀢𑀲𑀫𑀗𑁆𑀕𑀺𑀲𑁆𑀲 𑀘𑀺𑀢𑁆𑀢𑀁 𑀚𑀸𑀦𑀸𑀢𑀺, 𑀅𑀧𑀘𑀬𑀕𑀸𑀫𑀻 𑀔𑀦𑁆𑀥𑀸 𑀘𑁂𑀢𑁄𑀧𑀭𑀺𑀬𑀜𑀸𑀡𑀲𑁆𑀲, 𑀧𑀼𑀩𑁆𑀩𑁂𑀦𑀺𑀯𑀸𑀲𑀸𑀦𑀼𑀲𑁆𑀲𑀢𑀺𑀜𑀸𑀡𑀲𑁆𑀲, 𑀅𑀦𑀸𑀕𑀢𑀁𑀲𑀜𑀸𑀡𑀲𑁆𑀲, 𑀆𑀯𑀚𑁆𑀚𑀦𑀸𑀬 𑀆𑀭𑀫𑁆𑀫𑀡𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄. (𑁨)

𑁪𑁮. 𑀦𑁂𑀯𑀸𑀘𑀬𑀕𑀸𑀫𑀺𑀦𑀸𑀧𑀘𑀬𑀕𑀸𑀫𑀻 𑀥𑀫𑁆𑀫𑁄 𑀦𑁂𑀯𑀸𑀘𑀬𑀕𑀸𑀫𑀺𑀦𑀸𑀧𑀘𑀬𑀕𑀸𑀫𑀺𑀲𑁆𑀲 𑀥𑀫𑁆𑀫𑀲𑁆𑀲 𑀆𑀭𑀫𑁆𑀫𑀡𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄 𑁋 𑀅𑀭𑀳𑀸 𑀨𑀮𑀁 𑀧𑀘𑁆𑀘𑀯𑁂𑀓𑁆𑀔𑀢𑀺, 𑀦𑀺𑀩𑁆𑀩𑀸𑀦𑀁 𑀧𑀘𑁆𑀘𑀯𑁂𑀓𑁆𑀔𑀢𑀺, 𑀦𑀺𑀩𑁆𑀩𑀸𑀦𑀁 𑀨𑀮𑀲𑁆𑀲 𑀆𑀯𑀚𑁆𑀚𑀦𑀸𑀬 𑀆𑀭𑀫𑁆𑀫𑀡𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄. 𑀅𑀭𑀳𑀸 𑀘𑀓𑁆𑀔𑀼𑀁 𑀅𑀦𑀺𑀘𑁆𑀘𑀢𑁄 𑀤𑀼𑀓𑁆𑀔𑀢𑁄 𑀅𑀦𑀢𑁆𑀢𑀢𑁄 𑀯𑀺𑀧𑀲𑁆𑀲𑀢𑀺, 𑀲𑁄𑀢𑀁…𑀧𑁂… 𑀯𑀢𑁆𑀣𑀼𑀁… 𑀦𑁂𑀯𑀸𑀘𑀬𑀕𑀸𑀫𑀺𑀦𑀸𑀧𑀘𑀬𑀕𑀸𑀫𑀻 𑀔𑀦𑁆𑀥𑁂 𑀅𑀦𑀺𑀘𑁆𑀘𑀢𑁄 𑀤𑀼𑀓𑁆𑀔𑀢𑁄 𑀅𑀦𑀢𑁆𑀢𑀢𑁄 𑀯𑀺𑀧𑀲𑁆𑀲𑀢𑀺, 𑀤𑀺𑀩𑁆𑀩𑁂𑀦 𑀘𑀓𑁆𑀔𑀼𑀦𑀸 𑀭𑀽𑀧𑀁 𑀧𑀲𑁆𑀲𑀢𑀺, 𑀤𑀺𑀩𑁆𑀩𑀸𑀬 𑀲𑁄𑀢𑀥𑀸𑀢𑀼𑀬𑀸 𑀲𑀤𑁆𑀤𑀁 𑀲𑀼𑀡𑀸𑀢𑀺, 𑀘𑁂𑀢𑁄𑀧𑀭𑀺𑀬𑀜𑀸𑀡𑁂𑀦 𑀦𑁂𑀯𑀸𑀘𑀬𑀕𑀸𑀫𑀺𑀦𑀸𑀧𑀘𑀬𑀕𑀸𑀫𑀺𑀘𑀺𑀢𑁆𑀢𑀲𑀫𑀗𑁆𑀕𑀺𑀲𑁆𑀲 𑀘𑀺𑀢𑁆𑀢𑀁 𑀚𑀸𑀦𑀸𑀢𑀺, 𑀆𑀓𑀸𑀲𑀸𑀦𑀜𑁆𑀘𑀸𑀬𑀢𑀦𑀓𑀺𑀭𑀺𑀬𑀁 𑀯𑀺𑀜𑁆𑀜𑀸𑀡𑀜𑁆𑀘𑀸𑀬𑀢𑀦𑀓𑀺𑀭𑀺𑀬𑀲𑁆𑀲 𑀆𑀭𑀫𑁆𑀫𑀡𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄. 𑀆𑀓𑀺𑀜𑁆𑀘𑀜𑁆𑀜𑀸𑀬𑀢𑀦𑀓𑀺𑀭𑀺𑀬𑀁 𑀦𑁂𑀯𑀲𑀜𑁆𑀜𑀸𑀦𑀸𑀲𑀜𑁆𑀜𑀸𑀬𑀢𑀦𑀓𑀺𑀭𑀺𑀬𑀲𑁆𑀲…𑀧𑁂… 𑀭𑀽𑀧𑀸𑀬𑀢𑀦𑀁 𑀘𑀓𑁆𑀔𑀼𑀯𑀺𑀜𑁆𑀜𑀸𑀡𑀲𑁆𑀲…𑀧𑁂… 𑀨𑁄𑀝𑁆𑀞𑀩𑁆𑀩𑀸𑀬𑀢𑀦𑀁 𑀓𑀸𑀬𑀯𑀺𑀜𑁆𑀜𑀸𑀡𑀲𑁆𑀲…𑀧𑁂… 𑀦𑁂𑀯𑀸𑀘𑀬𑀕𑀸𑀫𑀺𑀦𑀸𑀧𑀘𑀬𑀕𑀸𑀫𑀻 𑀔𑀦𑁆𑀥𑀸 𑀇𑀤𑁆𑀥𑀺𑀯𑀺𑀥𑀜𑀸𑀡𑀲𑁆𑀲, 𑀘𑁂𑀢𑁄𑀧𑀭𑀺𑀬𑀜𑀸𑀡𑀲𑁆𑀲, 𑀧𑀼𑀩𑁆𑀩𑁂𑀦𑀺𑀯𑀸𑀲𑀸𑀦𑀼𑀲𑁆𑀲𑀢𑀺𑀜𑀸𑀡𑀲𑁆𑀲, 𑀅𑀦𑀸𑀕𑀢𑀁𑀲𑀜𑀸𑀡𑀲𑁆𑀲 𑀆𑀯𑀚𑁆𑀚𑀦𑀸𑀬 𑀆𑀭𑀫𑁆𑀫𑀡𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄. (𑁧)

𑀦𑁂𑀯𑀸𑀘𑀬𑀕𑀸𑀫𑀺𑀦𑀸𑀧𑀘𑀬𑀕𑀸𑀫𑀻 𑀥𑀫𑁆𑀫𑁄 𑀆𑀘𑀬𑀕𑀸𑀫𑀺𑀲𑁆𑀲 𑀥𑀫𑁆𑀫𑀲𑁆𑀲 𑀆𑀭𑀫𑁆𑀫𑀡𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄 𑁋 𑀲𑁂𑀓𑁆𑀔𑀸 𑀨𑀮𑀁 𑀧𑀘𑁆𑀘𑀯𑁂𑀓𑁆𑀔𑀦𑁆𑀢𑀺, 𑀦𑀺𑀩𑁆𑀩𑀸𑀦𑀁 𑀧𑀘𑁆𑀘𑀯𑁂𑀓𑁆𑀔𑀦𑁆𑀢𑀺, 𑀦𑀺𑀩𑁆𑀩𑀸𑀦𑀁 𑀕𑁄𑀢𑁆𑀭𑀪𑀼𑀲𑁆𑀲, 𑀯𑁄𑀤𑀸𑀦𑀲𑁆𑀲 𑀆𑀭𑀫𑁆𑀫𑀡𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄. 𑀲𑁂𑀓𑁆𑀔𑀸 𑀯𑀸 𑀧𑀼𑀣𑀼𑀚𑁆𑀚𑀦𑀸 𑀯𑀸 𑀘𑀓𑁆𑀔𑀼𑀁 𑀅𑀦𑀺𑀘𑁆𑀘𑀢𑁄 𑀤𑀼𑀓𑁆𑀔𑀢𑁄 𑀅𑀦𑀢𑁆𑀢𑀢𑁄 𑀯𑀺𑀧𑀲𑁆𑀲𑀦𑁆𑀢𑀺, 𑀅𑀲𑁆𑀲𑀸𑀤𑁂𑀦𑁆𑀢𑀺 𑀅𑀪𑀺𑀦𑀦𑁆𑀤𑀦𑁆𑀢𑀺; 𑀢𑀁 𑀆𑀭𑀩𑁆𑀪 𑀭𑀸𑀕𑁄 𑀉𑀧𑁆𑀧𑀚𑁆𑀚𑀢𑀺…𑀧𑁂… 𑀤𑁄𑀫𑀦𑀲𑁆𑀲𑀁 𑀉𑀧𑁆𑀧𑀚𑁆𑀚𑀢𑀺. 𑀲𑁄𑀢𑀁…𑀧𑁂… 𑀯𑀢𑁆𑀣𑀼𑀁… 𑀦𑁂𑀯𑀸𑀘𑀬𑀕𑀸𑀫𑀺𑀦𑀸𑀧𑀘𑀬𑀕𑀸𑀫𑀻 𑀔𑀦𑁆𑀥𑁂 𑀅𑀦𑀺𑀘𑁆𑀘𑀢𑁄 𑀤𑀼𑀓𑁆𑀔𑀢𑁄 𑀅𑀦𑀢𑁆𑀢𑀢𑁄 𑀯𑀺𑀧𑀲𑁆𑀲𑀦𑁆𑀢𑀺, 𑀅𑀲𑁆𑀲𑀸𑀤𑁂𑀦𑁆𑀢𑀺 𑀅𑀪𑀺𑀦𑀦𑁆𑀤𑀦𑁆𑀢𑀺; 𑀢𑀁 𑀆𑀭𑀩𑁆𑀪 𑀭𑀸𑀕𑁄 𑀉𑀧𑁆𑀧𑀚𑁆𑀚𑀢𑀺, 𑀤𑀺𑀝𑁆𑀞𑀺 𑀉𑀧𑁆𑀧𑀚𑁆𑀚𑀢𑀺, 𑀯𑀺𑀘𑀺𑀓𑀺𑀘𑁆𑀙𑀸…𑀧𑁂… 𑀉𑀤𑁆𑀥𑀘𑁆𑀘𑀁…𑀧𑁂… 𑀤𑁄𑀫𑀦𑀲𑁆𑀲𑀁…𑀧𑁂… 𑀤𑀺𑀩𑁆𑀩𑁂𑀦 𑀘𑀓𑁆𑀔𑀼𑀦𑀸 𑀭𑀽𑀧𑀁 𑀧𑀲𑁆𑀲𑀦𑁆𑀢𑀺, 𑀤𑀺𑀩𑁆𑀩𑀸𑀬 𑀲𑁄𑀢𑀥𑀸𑀢𑀼𑀬𑀸 𑀲𑀤𑁆𑀤𑀁 𑀲𑀼𑀡𑀦𑁆𑀢𑀺, 𑀘𑁂𑀢𑁄𑀧𑀭𑀺𑀬𑀜𑀸𑀡𑁂𑀦 𑀦𑁂𑀯𑀸𑀘𑀬𑀕𑀸𑀫𑀺𑀦𑀸𑀧𑀘𑀬𑀕𑀸𑀫𑀺𑀘𑀺𑀢𑁆𑀢𑀲𑀫𑀗𑁆𑀕𑀺𑀲𑁆𑀲 𑀘𑀺𑀢𑁆𑀢𑀁 𑀚𑀸𑀦𑀦𑁆𑀢𑀺, 𑀦𑁂𑀯𑀸𑀘𑀬𑀕𑀸𑀫𑀺𑀦𑀸𑀧𑀘𑀬𑀕𑀸𑀫𑀻 𑀔𑀦𑁆𑀥𑀸 𑀇𑀤𑁆𑀥𑀺𑀯𑀺𑀥𑀜𑀸𑀡𑀲𑁆𑀲, 𑀘𑁂𑀢𑁄𑀧𑀭𑀺𑀬𑀜𑀸𑀡𑀲𑁆𑀲, 𑀧𑀼𑀩𑁆𑀩𑁂𑀦𑀺𑀯𑀸𑀲𑀸𑀦𑀼𑀲𑁆𑀲𑀢𑀺𑀜𑀸𑀡𑀲𑁆𑀲, 𑀅𑀦𑀸𑀕𑀢𑀁𑀲𑀜𑀸𑀡𑀲𑁆𑀲 𑀆𑀭𑀫𑁆𑀫𑀡𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄. (𑁨)

𑀦𑁂𑀯𑀸𑀘𑀬𑀕𑀸𑀫𑀺𑀦𑀸𑀧𑀘𑀬𑀕𑀸𑀫𑀻 𑀥𑀫𑁆𑀫𑁄 𑀅𑀧𑀘𑀬𑀕𑀸𑀫𑀺𑀲𑁆𑀲 𑀥𑀫𑁆𑀫𑀲𑁆𑀲 𑀆𑀭𑀫𑁆𑀫𑀡𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄 𑁋 𑀦𑀺𑀩𑁆𑀩𑀸𑀦𑀁 𑀫𑀕𑁆𑀕𑀲𑁆𑀲 𑀆𑀭𑀫𑁆𑀫𑀡𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄. (𑁩)

𑀅𑀥𑀺𑀧𑀢𑀺𑀧𑀘𑁆𑀘𑀬𑁄

𑁪𑁯. 𑀆𑀘𑀬𑀕𑀸𑀫𑀻 𑀥𑀫𑁆𑀫𑁄 𑀆𑀘𑀬𑀕𑀸𑀫𑀺𑀲𑁆𑀲 𑀥𑀫𑁆𑀫𑀲𑁆𑀲 𑀅𑀥𑀺𑀧𑀢𑀺𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄 𑁋 𑀆𑀭𑀫𑁆𑀫𑀡𑀸𑀥𑀺𑀧𑀢𑀺, 𑀲𑀳𑀚𑀸𑀢𑀸𑀥𑀺𑀧𑀢𑀺. 𑀆𑀭𑀫𑁆𑀫𑀡𑀸𑀥𑀺𑀧𑀢𑀺 𑁋 𑀤𑀸𑀦𑀁 𑀤𑀢𑁆𑀯𑀸 𑀲𑀻𑀮𑀁 𑀲𑀫𑀸𑀤𑀺𑀬𑀺𑀢𑁆𑀯𑀸 𑀉𑀧𑁄𑀲𑀣𑀓𑀫𑁆𑀫𑀁 𑀓𑀢𑁆𑀯𑀸 𑀢𑀁 𑀕𑀭𑀼𑀁 𑀓𑀢𑁆𑀯𑀸 𑀧𑀘𑁆𑀘𑀯𑁂𑀓𑁆𑀔𑀢𑀺, 𑀧𑀼𑀩𑁆𑀩𑁂 𑀲𑀼𑀘𑀺𑀡𑁆𑀡𑀸𑀦𑀺 𑀕𑀭𑀼𑀁 𑀓𑀢𑁆𑀯𑀸 𑀧𑀘𑁆𑀘𑀯𑁂𑀓𑁆𑀔𑀢𑀺, 𑀛𑀸𑀦𑀸 𑀯𑀼𑀝𑁆𑀞𑀳𑀺𑀢𑁆𑀯𑀸 𑀛𑀸𑀦𑀁 𑀕𑀭𑀼𑀁 𑀓𑀢𑁆𑀯𑀸 𑀧𑀘𑁆𑀘𑀯𑁂𑀓𑁆𑀔𑀢𑀺, 𑀆𑀘𑀬𑀕𑀸𑀫𑀻 𑀔𑀦𑁆𑀥𑁂 𑀕𑀭𑀼𑀁 𑀓𑀢𑁆𑀯𑀸 𑀅𑀲𑁆𑀲𑀸𑀤𑁂𑀢𑀺 𑀅𑀪𑀺𑀦𑀦𑁆𑀤𑀢𑀺; 𑀢𑀁 𑀕𑀭𑀼𑀁 𑀓𑀢𑁆𑀯𑀸 𑀭𑀸𑀕𑁄 𑀉𑀧𑁆𑀧𑀚𑁆𑀚𑀢𑀺, 𑀤𑀺𑀝𑁆𑀞𑀺 𑀉𑀧𑁆𑀧𑀚𑁆𑀚𑀢𑀺. 𑀲𑀳𑀚𑀸𑀢𑀸𑀥𑀺𑀧𑀢𑀺 𑁋 𑀆𑀘𑀬𑀕𑀸𑀫𑀻 𑀅𑀥𑀺𑀧𑀢𑀺 𑀲𑀫𑁆𑀧𑀬𑀼𑀢𑁆𑀢𑀓𑀸𑀦𑀁 𑀔𑀦𑁆𑀥𑀸𑀦𑀁 𑀅𑀥𑀺𑀧𑀢𑀺𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄. (𑁧)

𑀆𑀘𑀬𑀕𑀸𑀫𑀻 𑀥𑀫𑁆𑀫𑁄 𑀦𑁂𑀯𑀸𑀘𑀬𑀕𑀸𑀫𑀺𑀦𑀸𑀧𑀘𑀬𑀕𑀸𑀫𑀺𑀲𑁆𑀲 𑀥𑀫𑁆𑀫𑀲𑁆𑀲 𑀅𑀥𑀺𑀧𑀢𑀺𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄. 𑀲𑀳𑀚𑀸𑀢𑀸𑀥𑀺𑀧𑀢𑀺 𑁋 𑀆𑀘𑀬𑀕𑀸𑀫𑀻 𑀅𑀥𑀺𑀧𑀢𑀺 𑀘𑀺𑀢𑁆𑀢𑀲𑀫𑀼𑀝𑁆𑀞𑀸𑀦𑀸𑀦𑀁 𑀭𑀽𑀧𑀸𑀦𑀁 𑀅𑀥𑀺𑀧𑀢𑀺𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄. (𑁨)

𑀆𑀘𑀬𑀕𑀸𑀫𑀻 𑀥𑀫𑁆𑀫𑁄 𑀆𑀘𑀬𑀕𑀸𑀫𑀺𑀲𑁆𑀲 𑀘 𑀦𑁂𑀯𑀸𑀘𑀬𑀕𑀸𑀫𑀺𑀦𑀸𑀧𑀘𑀬𑀕𑀸𑀫𑀺𑀲𑁆𑀲 𑀘 𑀥𑀫𑁆𑀫𑀲𑁆𑀲 𑀅𑀥𑀺𑀧𑀢𑀺𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄. 𑀲𑀳𑀚𑀸𑀢𑀸𑀥𑀺𑀧𑀢𑀺 𑁋 𑀆𑀘𑀬𑀕𑀸𑀫𑀻 𑀅𑀥𑀺𑀧𑀢𑀺 𑀲𑀫𑁆𑀧𑀬𑀼𑀢𑁆𑀢𑀓𑀸𑀦𑀁 𑀔𑀦𑁆𑀥𑀸𑀦𑀁 𑀘𑀺𑀢𑁆𑀢𑀲𑀫𑀼𑀝𑁆𑀞𑀸𑀦𑀸𑀦𑀜𑁆𑀘 𑀭𑀽𑀧𑀸𑀦𑀁 𑀅𑀥𑀺𑀧𑀢𑀺𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄. (𑁩)

𑁫𑁦. 𑀅𑀧𑀘𑀬𑀕𑀸𑀫𑀻 𑀥𑀫𑁆𑀫𑁄 𑀅𑀧𑀘𑀬𑀕𑀸𑀫𑀺𑀲𑁆𑀲 𑀥𑀫𑁆𑀫𑀲𑁆𑀲 𑀅𑀥𑀺𑀧𑀢𑀺𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄. 𑀲𑀳𑀚𑀸𑀢𑀸𑀥𑀺𑀧𑀢𑀺 𑁋 𑀅𑀧𑀘𑀬𑀕𑀸𑀫𑀻 𑀅𑀥𑀺𑀧𑀢𑀺 𑀲𑀫𑁆𑀧𑀬𑀼𑀢𑁆𑀢𑀓𑀸𑀦𑀁 𑀔𑀦𑁆𑀥𑀸𑀦𑀁 𑀅𑀥𑀺𑀧𑀢𑀺𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄. (𑁧)

𑀅𑀧𑀘𑀬𑀕𑀸𑀫𑀻 𑀥𑀫𑁆𑀫𑁄 𑀆𑀘𑀬𑀕𑀸𑀫𑀺𑀲𑁆𑀲 𑀥𑀫𑁆𑀫𑀲𑁆𑀲 𑀅𑀥𑀺𑀧𑀢𑀺𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄. 𑀆𑀭𑀫𑁆𑀫𑀡𑀸𑀥𑀺𑀧𑀢𑀺 𑁋 𑀲𑁂𑀓𑁆𑀔𑀸 𑀫𑀕𑁆𑀕𑀸 𑀯𑀼𑀝𑁆𑀞𑀳𑀺𑀢𑁆𑀯𑀸 𑀫𑀕𑁆𑀕𑀁 𑀕𑀭𑀼𑀁 𑀓𑀢𑁆𑀯𑀸 𑀧𑀘𑁆𑀘𑀯𑁂𑀓𑁆𑀔𑀦𑁆𑀢𑀺. (𑁨)

𑀅𑀧𑀘𑀬𑀕𑀸𑀫𑀻 𑀥𑀫𑁆𑀫𑁄 𑀦𑁂𑀯𑀸𑀘𑀬𑀕𑀸𑀫𑀺𑀦𑀸𑀧𑀘𑀬𑀕𑀸𑀫𑀺𑀲𑁆𑀲 𑀥𑀫𑁆𑀫𑀲𑁆𑀲 𑀅𑀥𑀺𑀧𑀢𑀺𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄 𑁋 𑀆𑀭𑀫𑁆𑀫𑀡𑀸𑀥𑀺𑀧𑀢𑀺, 𑀲𑀳𑀚𑀸𑀢𑀸𑀥𑀺𑀧𑀢𑀺. 𑀆𑀭𑀫𑁆𑀫𑀡𑀸𑀥𑀺𑀧𑀢𑀺 𑁋 𑀅𑀭𑀳𑀸 𑀫𑀕𑁆𑀕𑀸 𑀯𑀼𑀝𑁆𑀞𑀳𑀺𑀢𑁆𑀯𑀸 𑀫𑀕𑁆𑀕𑀁 𑀕𑀭𑀼𑀁 𑀓𑀢𑁆𑀯𑀸 𑀧𑀘𑁆𑀘𑀯𑁂𑀓𑁆𑀔𑀢𑀺. 𑀲𑀳𑀚𑀸𑀢𑀸𑀥𑀺𑀧𑀢𑀺 𑁋 𑀅𑀧𑀘𑀬𑀕𑀸𑀫𑀻 𑀅𑀥𑀺𑀧𑀢𑀺 𑀘𑀺𑀢𑁆𑀢𑀲𑀫𑀼𑀝𑁆𑀞𑀸𑀦𑀸𑀦𑀁 𑀭𑀽𑀧𑀸𑀦𑀁 𑀅𑀥𑀺𑀧𑀢𑀺𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄. (𑁩)

𑀅𑀧𑀘𑀬𑀕𑀸𑀫𑀻 𑀥𑀫𑁆𑀫𑁄 𑀅𑀧𑀘𑀬𑀕𑀸𑀫𑀺𑀲𑁆𑀲 𑀘 𑀦𑁂𑀯𑀸𑀘𑀬𑀕𑀸𑀫𑀺𑀦𑀸𑀧𑀘𑀬𑀕𑀸𑀫𑀺𑀲𑁆𑀲 𑀘 𑀥𑀫𑁆𑀫𑀲𑁆𑀲 𑀅𑀥𑀺𑀧𑀢𑀺𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄. 𑀲𑀳𑀚𑀸𑀢𑀸𑀥𑀺𑀧𑀢𑀺 𑁋 𑀅𑀧𑀘𑀬𑀕𑀸𑀫𑀻 𑀅𑀥𑀺𑀧𑀢𑀺 𑀲𑀫𑁆𑀧𑀬𑀼𑀢𑁆𑀢𑀓𑀸𑀦𑀁 𑀔𑀦𑁆𑀥𑀸𑀦𑀁 𑀘𑀺𑀢𑁆𑀢𑀲𑀫𑀼𑀝𑁆𑀞𑀸𑀦𑀸𑀦𑀜𑁆𑀘 𑀭𑀽𑀧𑀸𑀦𑀁 𑀅𑀥𑀺𑀧𑀢𑀺𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄. (𑁪)

𑁫𑁧. 𑀦𑁂𑀯𑀸𑀘𑀬𑀕𑀸𑀫𑀺𑀦𑀸𑀧𑀘𑀬𑀕𑀸𑀫𑀻 𑀥𑀫𑁆𑀫𑁄 𑀦𑁂𑀯𑀸𑀘𑀬𑀕𑀸𑀫𑀺𑀦𑀸𑀧𑀘𑀬𑀕𑀸𑀫𑀺𑀲𑁆𑀲 𑀥𑀫𑁆𑀫𑀲𑁆𑀲 𑀅𑀥𑀺𑀧𑀢𑀺𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄 𑁋 𑀆𑀭𑀫𑁆𑀫𑀡𑀸𑀥𑀺𑀧𑀢𑀺, 𑀲𑀳𑀚𑀸𑀢𑀸𑀥𑀺𑀧𑀢𑀺. 𑀆𑀭𑀫𑁆𑀫𑀡𑀸𑀥𑀺𑀧𑀢𑀺 𑁋 𑀅𑀭𑀳𑀸 𑀨𑀮𑀁 𑀕𑀭𑀼𑀁 𑀓𑀢𑁆𑀯𑀸 𑀧𑀘𑁆𑀘𑀯𑁂𑀓𑁆𑀔𑀢𑀺, 𑀦𑀺𑀩𑁆𑀩𑀸𑀦𑀁 𑀕𑀭𑀼𑀁 𑀓𑀢𑁆𑀯𑀸 𑀧𑀘𑁆𑀘𑀯𑁂𑀓𑁆𑀔𑀢𑀺, 𑀦𑀺𑀩𑁆𑀩𑀸𑀦𑀁 𑀨𑀮𑀲𑁆𑀲 𑀅𑀥𑀺𑀧𑀢𑀺𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄. 𑀲𑀳𑀚𑀸𑀢𑀸𑀥𑀺𑀧𑀢𑀺 𑁋 𑀦𑁂𑀯𑀸𑀘𑀬𑀕𑀸𑀫𑀺𑀦𑀸𑀧𑀘𑀬𑀕𑀸𑀫𑀻 𑀅𑀥𑀺𑀧𑀢𑀺 𑀲𑀫𑁆𑀧𑀬𑀼𑀢𑁆𑀢𑀓𑀸𑀦𑀁 𑀔𑀦𑁆𑀥𑀸𑀦𑀁 𑀘𑀺𑀢𑁆𑀢𑀲𑀫𑀼𑀝𑁆𑀞𑀸𑀦𑀸𑀦𑀜𑁆𑀘 𑀭𑀽𑀧𑀸𑀦𑀁 𑀅𑀥𑀺𑀧𑀢𑀺𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄. (𑁧)

𑀦𑁂𑀯𑀸𑀘𑀬𑀕𑀸𑀫𑀺𑀦𑀸𑀧𑀘𑀬𑀕𑀸𑀫𑀻 𑀥𑀫𑁆𑀫𑁄 𑀆𑀘𑀬𑀕𑀸𑀫𑀺𑀲𑁆𑀲 𑀥𑀫𑁆𑀫𑀲𑁆𑀲 𑀅𑀥𑀺𑀧𑀢𑀺𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄. 𑀆𑀭𑀫𑁆𑀫𑀡𑀸𑀥𑀺𑀧𑀢𑀺 𑁋 𑀲𑁂𑀓𑁆𑀔𑀸 𑀨𑀮𑀁 𑀕𑀭𑀼𑀁 𑀓𑀢𑁆𑀯𑀸 𑀧𑀘𑁆𑀘𑀯𑁂𑀓𑁆𑀔𑀦𑁆𑀢𑀺, 𑀦𑀺𑀩𑁆𑀩𑀸𑀦𑀁 𑀕𑀭𑀼𑀁 𑀓𑀢𑁆𑀯𑀸 𑀧𑀘𑁆𑀘𑀯𑁂𑀓𑁆𑀔𑀦𑁆𑀢𑀺, 𑀦𑀺𑀩𑁆𑀩𑀸𑀦𑀁 𑀕𑁄𑀢𑁆𑀭𑀪𑀼𑀲𑁆𑀲, 𑀯𑁄𑀤𑀸𑀦𑀲𑁆𑀲 𑀅𑀥𑀺𑀧𑀢𑀺𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄. 𑀘𑀓𑁆𑀔𑀼𑀁 𑀕𑀭𑀼𑀁 𑀓𑀢𑁆𑀯𑀸 𑀅𑀲𑁆𑀲𑀸𑀤𑁂𑀢𑀺…𑀧𑁂… 𑀯𑀢𑁆𑀣𑀼𑀁… 𑀦𑁂𑀯𑀸𑀘𑀬𑀕𑀸𑀫𑀺𑀦𑀸𑀧𑀘𑀬𑀕𑀸𑀫𑀻 𑀔𑀦𑁆𑀥𑁂 𑀕𑀭𑀼𑀁 𑀓𑀢𑁆𑀯𑀸 𑀅𑀲𑁆𑀲𑀸𑀤𑁂𑀢𑀺 𑀅𑀪𑀺𑀦𑀦𑁆𑀤𑀢𑀺; 𑀢𑀁 𑀕𑀭𑀼𑀁 𑀓𑀢𑁆𑀯𑀸 𑀭𑀸𑀕𑁄 𑀉𑀧𑁆𑀧𑀚𑁆𑀚𑀢𑀺, 𑀤𑀺𑀝𑁆𑀞𑀺 𑀉𑀧𑁆𑀧𑀚𑁆𑀚𑀢𑀺. (𑁨)

𑀦𑁂𑀯𑀸𑀘𑀬𑀕𑀸𑀫𑀺𑀦𑀸𑀧𑀘𑀬𑀕𑀸𑀫𑀻 𑀥𑀫𑁆𑀫𑁄 𑀅𑀧𑀘𑀬𑀕𑀸𑀫𑀺𑀲𑁆𑀲 𑀥𑀫𑁆𑀫𑀲𑁆𑀲 𑀅𑀥𑀺𑀧𑀢𑀺𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄. 𑀆𑀭𑀫𑁆𑀫𑀡𑀸𑀥𑀺𑀧𑀢𑀺 𑁋 𑀦𑀺𑀩𑁆𑀩𑀸𑀦𑀁 𑀫𑀕𑁆𑀕𑀲𑁆𑀲 𑀅𑀥𑀺𑀧𑀢𑀺𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄. (𑁩)

𑀅𑀦𑀦𑁆𑀢𑀭𑀧𑀘𑁆𑀘𑀬𑁄

𑁫𑁨. 𑀆𑀘𑀬𑀕𑀸𑀫𑀻 𑀥𑀫𑁆𑀫𑁄 𑀆𑀘𑀬𑀕𑀸𑀫𑀺𑀲𑁆𑀲 𑀥𑀫𑁆𑀫𑀲𑁆𑀲 𑀅𑀦𑀦𑁆𑀢𑀭𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄 𑁋 𑀧𑀼𑀭𑀺𑀫𑀸 𑀧𑀼𑀭𑀺𑀫𑀸 𑀆𑀘𑀬𑀕𑀸𑀫𑀻 𑀔𑀦𑁆𑀥𑀸 𑀧𑀘𑁆𑀙𑀺𑀫𑀸𑀦𑀁 𑀧𑀘𑁆𑀙𑀺𑀫𑀸𑀦𑀁 𑀆𑀘𑀬𑀕𑀸𑀫𑀻𑀦𑀁 𑀔𑀦𑁆𑀥𑀸𑀦𑀁 𑀅𑀦𑀦𑁆𑀢𑀭𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄. 𑀅𑀦𑀼𑀮𑁄𑀫𑀁 𑀕𑁄𑀢𑁆𑀭𑀪𑀼𑀲𑁆𑀲… 𑀅𑀦𑀼𑀮𑁄𑀫𑀁 𑀯𑁄𑀤𑀸𑀦𑀲𑁆𑀲 𑀅𑀦𑀦𑁆𑀢𑀭𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄. (𑁧)

𑀆𑀘𑀬𑀕𑀸𑀫𑀻 𑀥𑀫𑁆𑀫𑁄 𑀅𑀧𑀘𑀬𑀕𑀸𑀫𑀺𑀲𑁆𑀲 𑀥𑀫𑁆𑀫𑀲𑁆𑀲 𑀅𑀦𑀦𑁆𑀢𑀭𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄 𑁋 𑀕𑁄𑀢𑁆𑀭𑀪𑀼 𑀫𑀕𑁆𑀕𑀲𑁆𑀲… 𑀯𑁄𑀤𑀸𑀦𑀁 𑀫𑀕𑁆𑀕𑀲𑁆𑀲 𑀅𑀦𑀦𑁆𑀢𑀭𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄. (𑁨)

𑀆𑀘𑀬𑀕𑀸𑀫𑀻 𑀥𑀫𑁆𑀫𑁄 𑀦𑁂𑀯𑀸𑀘𑀬𑀕𑀸𑀫𑀺𑀦𑀸𑀧𑀘𑀬𑀕𑀸𑀫𑀺𑀲𑁆𑀲 𑀥𑀫𑁆𑀫𑀲𑁆𑀲 𑀅𑀦𑀦𑁆𑀢𑀭𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄 𑁋 𑀆𑀘𑀬𑀕𑀸𑀫𑀻 𑀔𑀦𑁆𑀥𑀸 𑀯𑀼𑀝𑁆𑀞𑀸𑀦𑀲𑁆𑀲 𑀅𑀦𑀦𑁆𑀢𑀭𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄. 𑀲𑁂𑀓𑁆𑀔𑀸𑀦𑀁 𑀅𑀦𑀼𑀮𑁄𑀫𑀁 𑀨𑀮𑀲𑀫𑀸𑀧𑀢𑁆𑀢𑀺𑀬𑀸, 𑀦𑀺𑀭𑁄𑀥𑀸 𑀯𑀼𑀝𑁆𑀞𑀳𑀦𑁆𑀢𑀲𑁆𑀲 𑀦𑁂𑀯𑀲𑀜𑁆𑀜𑀸𑀦𑀸𑀲𑀜𑁆𑀜𑀸𑀬𑀢𑀦𑀓𑀼𑀲𑀮𑀁 𑀨𑀮𑀲𑀫𑀸𑀧𑀢𑁆𑀢𑀺𑀬𑀸 𑀅𑀦𑀦𑁆𑀢𑀭𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄. (𑁩)

𑀅𑀧𑀘𑀬𑀕𑀸𑀫𑀻 𑀥𑀫𑁆𑀫𑁄 𑀦𑁂𑀯𑀸𑀘𑀬𑀕𑀸𑀫𑀺𑀦𑀸𑀧𑀘𑀬𑀕𑀸𑀫𑀺𑀲𑁆𑀲 𑀥𑀫𑁆𑀫𑀲𑁆𑀲 𑀅𑀦𑀦𑁆𑀢𑀭𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄 𑁋 𑀫𑀕𑁆𑀕𑁄 𑀨𑀮𑀲𑁆𑀲 𑀅𑀦𑀦𑁆𑀢𑀭𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄. (𑁧)

𑀦𑁂𑀯𑀸𑀘𑀬𑀕𑀸𑀫𑀺𑀦𑀸𑀧𑀘𑀬𑀕𑀸𑀫𑀻 𑀥𑀫𑁆𑀫𑁄 𑀦𑁂𑀯𑀸𑀘𑀬𑀕𑀸𑀫𑀺𑀦𑀸𑀧𑀘𑀬𑀕𑀸𑀫𑀺𑀲𑁆𑀲 𑀥𑀫𑁆𑀫𑀲𑁆𑀲 𑀅𑀦𑀦𑁆𑀢𑀭𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄 𑁋 𑀧𑀼𑀭𑀺𑀫𑀸 𑀧𑀼𑀭𑀺𑀫𑀸 𑀦𑁂𑀯𑀸𑀘𑀬𑀕𑀸𑀫𑀺𑀦𑀸𑀧𑀘𑀬𑀕𑀸𑀫𑀻 𑀔𑀦𑁆𑀥𑀸 𑀧𑀘𑁆𑀙𑀺𑀫𑀸𑀦𑀁 𑀧𑀘𑁆𑀙𑀺𑀫𑀸𑀦𑀁 𑀦𑁂𑀯𑀸𑀘𑀬𑀕𑀸𑀫𑀺𑀦𑀸𑀧𑀘𑀬𑀕𑀸𑀫𑀻𑀦𑀁 𑀔𑀦𑁆𑀥𑀸𑀦𑀁 𑀅𑀦𑀦𑁆𑀢𑀭𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄. 𑀪𑀯𑀗𑁆𑀕𑀁 𑀆𑀯𑀚𑁆𑀚𑀦𑀸𑀬… 𑀓𑀺𑀭𑀺𑀬𑀁 𑀯𑀼𑀝𑁆𑀞𑀸𑀦𑀲𑁆𑀲… 𑀅𑀭𑀳𑀢𑁄 𑀅𑀦𑀼𑀮𑁄𑀫𑀁 𑀨𑀮𑀲𑀫𑀸𑀧𑀢𑁆𑀢𑀺𑀬𑀸… 𑀦𑀺𑀭𑁄𑀥𑀸 𑀯𑀼𑀝𑁆𑀞𑀳𑀦𑁆𑀢𑀲𑁆𑀲 𑀦𑁂𑀯𑀲𑀜𑁆𑀜𑀸𑀦𑀸𑀲𑀜𑁆𑀜𑀸𑀬𑀢𑀦𑀓𑀺𑀭𑀺𑀬𑀁 𑀨𑀮𑀲𑀫𑀸𑀧𑀢𑁆𑀢𑀺𑀬𑀸 𑀅𑀦𑀦𑁆𑀢𑀭𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄. (𑁧)

𑀦𑁂𑀯𑀸𑀘𑀬𑀕𑀸𑀫𑀺𑀦𑀸𑀧𑀘𑀬𑀕𑀸𑀫𑀻 𑀥𑀫𑁆𑀫𑁄 𑀆𑀘𑀬𑀕𑀸𑀫𑀺𑀲𑁆𑀲 𑀥𑀫𑁆𑀫𑀲𑁆𑀲 𑀅𑀦𑀦𑁆𑀢𑀭𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄 𑁋 𑀆𑀯𑀚𑁆𑀚𑀦𑀸 𑀆𑀘𑀬𑀕𑀸𑀫𑀻𑀦𑀁 𑀔𑀦𑁆𑀥𑀸𑀦𑀁 𑀅𑀦𑀦𑁆𑀢𑀭𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄. (𑁨)

𑀲𑀫𑀦𑀦𑁆𑀢𑀭𑀧𑀘𑁆𑀘𑀬𑀸𑀤𑀺

𑁫𑁩. 𑀆𑀘𑀬𑀕𑀸𑀫𑀻 𑀥𑀫𑁆𑀫𑁄 𑀆𑀘𑀬𑀕𑀸𑀫𑀺𑀲𑁆𑀲 𑀥𑀫𑁆𑀫𑀲𑁆𑀲 𑀲𑀫𑀦𑀦𑁆𑀢𑀭𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄…𑀧𑁂… (𑀅𑀦𑀦𑁆𑀢𑀭𑀲𑀤𑀺𑀲𑀁). (𑀲𑀳𑀚𑀸𑀢𑀧𑀘𑁆𑀘𑀬𑁂 𑀧𑀝𑀺𑀘𑁆𑀘𑀯𑀸𑀭𑁂 𑀲𑀳𑀚𑀸𑀢𑀯𑀸𑀭𑀲𑀤𑀺𑀲𑀸 𑀦𑀯 𑀧𑀜𑁆𑀳𑀸. 𑀅𑀜𑁆𑀜𑀫𑀜𑁆𑀜𑀧𑀘𑁆𑀘𑀬𑁂 𑀧𑀝𑀺𑀘𑁆𑀘𑀯𑀸𑀭𑁂 𑀅𑀜𑁆𑀜𑀫𑀜𑁆𑀜𑀲𑀤𑀺𑀲𑀁 𑀢𑀻𑀡𑀺. 𑀦𑀺𑀲𑁆𑀲𑀬𑀧𑀘𑁆𑀘𑀬𑁂 𑀧𑀘𑁆𑀘𑀬𑀯𑀸𑀭𑁂 𑀦𑀺𑀲𑁆𑀲𑀬𑀯𑀸𑀭𑀲𑀤𑀺𑀲𑀁. 𑀘𑀢𑁆𑀢𑀸𑀭𑀺𑀧𑀺 𑀳𑀺 𑀯𑀺𑀲𑀼𑀁 𑀖𑀝𑀦𑀸 𑀦𑀢𑁆𑀣𑀺. 𑀢𑁂𑀭𑀲 𑀧𑀜𑁆𑀳𑀸.)

𑀉𑀧𑀦𑀺𑀲𑁆𑀲𑀬𑀧𑀘𑁆𑀘𑀬𑁄

𑁫𑁪. 𑀆𑀘𑀬𑀕𑀸𑀫𑀻 𑀥𑀫𑁆𑀫𑁄 𑀆𑀘𑀬𑀕𑀸𑀫𑀺𑀲𑁆𑀲 𑀥𑀫𑁆𑀫𑀲𑁆𑀲 𑀉𑀧𑀦𑀺𑀲𑁆𑀲𑀬𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄 𑁋 𑀆𑀭𑀫𑁆𑀫𑀡𑀽𑀧𑀦𑀺𑀲𑁆𑀲𑀬𑁄, 𑀅𑀦𑀦𑁆𑀢𑀭𑀽𑀧𑀦𑀺𑀲𑁆𑀲𑀬𑁄, 𑀧𑀓𑀢𑀽𑀧𑀦𑀺𑀲𑁆𑀲𑀬𑁄…𑀧𑁂…. 𑀧𑀓𑀢𑀽𑀧𑀦𑀺𑀲𑁆𑀲𑀬𑁄 𑁋 𑀆𑀘𑀬𑀕𑀸𑀫𑀺𑀁 𑀲𑀤𑁆𑀥𑀁 𑀉𑀧𑀦𑀺𑀲𑁆𑀲𑀸𑀬 𑀤𑀸𑀦𑀁 𑀤𑁂𑀢𑀺, 𑀲𑀻𑀮𑀁…𑀧𑁂… 𑀉𑀧𑁄𑀲𑀣𑀓𑀫𑁆𑀫𑀁…𑀧𑁂… 𑀛𑀸𑀦𑀁…𑀧𑁂… 𑀯𑀺𑀧𑀲𑁆𑀲𑀦𑀁…𑀧𑁂… 𑀅𑀪𑀺𑀜𑁆𑀜𑀁…𑀧𑁂… 𑀲𑀫𑀸𑀧𑀢𑁆𑀢𑀺𑀁 𑀉𑀧𑁆𑀧𑀸𑀤𑁂𑀢𑀺, 𑀫𑀸𑀦𑀁 𑀚𑀧𑁆𑀧𑁂𑀢𑀺, 𑀤𑀺𑀝𑁆𑀞𑀺𑀁 𑀕𑀡𑁆𑀳𑀸𑀢𑀺, 𑀆𑀘𑀬𑀕𑀸𑀫𑀺𑀁 𑀲𑀻𑀮𑀁… 𑀲𑀼𑀢𑀁… 𑀘𑀸𑀕𑀁… 𑀧𑀜𑁆𑀜𑀁… 𑀭𑀸𑀕𑀁… 𑀤𑁄𑀲𑀁… 𑀫𑁄𑀳𑀁… 𑀫𑀸𑀦𑀁… 𑀤𑀺𑀝𑁆𑀞𑀺𑀁… 𑀧𑀢𑁆𑀣𑀦𑀁 𑀉𑀧𑀦𑀺𑀲𑁆𑀲𑀸𑀬 𑀤𑀸𑀦𑀁 𑀤𑁂𑀢𑀺. 𑀲𑀻𑀮𑀁…𑀧𑁂… 𑀉𑀧𑁄𑀲𑀣𑀓𑀫𑁆𑀫𑀁…𑀧𑁂… 𑀛𑀸𑀦𑀁…𑀧𑁂… 𑀯𑀺𑀧𑀲𑁆𑀲𑀦𑀁…𑀧𑁂… 𑀅𑀪𑀺𑀜𑁆𑀜𑀁…𑀧𑁂… 𑀲𑀫𑀸𑀧𑀢𑁆𑀢𑀺𑀁…𑀧𑁂… 𑀧𑀸𑀡𑀁 𑀳𑀦𑀢𑀺…𑀧𑁂… 𑀲𑀗𑁆𑀖𑀁 𑀪𑀺𑀦𑁆𑀤𑀢𑀺. 𑀆𑀘𑀬𑀕𑀸𑀫𑀻 𑀲𑀤𑁆𑀥𑀸…𑀧𑁂… 𑀧𑀜𑁆𑀜𑀸, 𑀭𑀸𑀕𑁄…𑀧𑁂… 𑀧𑀢𑁆𑀣𑀦𑀸 𑀆𑀘𑀬𑀕𑀸𑀫𑀺𑀬𑀸 𑀲𑀤𑁆𑀥𑀸𑀬…𑀧𑁂… 𑀧𑀜𑁆𑀜𑀸𑀬, 𑀭𑀸𑀕𑀲𑁆𑀲…𑀧𑁂… 𑀧𑀢𑁆𑀣𑀦𑀸𑀬 𑀉𑀧𑀦𑀺𑀲𑁆𑀲𑀬𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄. 𑀧𑀞𑀫𑀲𑁆𑀲 𑀛𑀸𑀦𑀲𑁆𑀲 𑀧𑀭𑀺𑀓𑀫𑁆𑀫𑀁 𑀧𑀞𑀫𑀲𑁆𑀲 𑀛𑀸𑀦𑀲𑁆𑀲 𑀉𑀧𑀦𑀺𑀲𑁆𑀲𑀬𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄…𑀧𑁂…. 𑀦𑁂𑀯𑀲𑀜𑁆𑀜𑀸𑀦𑀸𑀲𑀜𑁆𑀜𑀸𑀬𑀢𑀦𑀲𑁆𑀲 𑀧𑀭𑀺𑀓𑀫𑁆𑀫𑀁 𑀦𑁂𑀯𑀲𑀜𑁆𑀜𑀸𑀦𑀸𑀲𑀜𑁆𑀜𑀸𑀬𑀢𑀦𑀲𑁆𑀲 𑀉𑀧𑀦𑀺𑀲𑁆𑀲𑀬𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄. 𑀧𑀞𑀫𑀁 𑀛𑀸𑀦𑀁 𑀤𑀼𑀢𑀺𑀬𑀲𑁆𑀲 𑀛𑀸𑀦𑀲𑁆𑀲…𑀧𑁂… 𑀆𑀓𑀺𑀜𑁆𑀘𑀜𑁆𑀜𑀸𑀬𑀢𑀦𑀁 𑀦𑁂𑀯𑀲𑀜𑁆𑀜𑀸𑀦𑀸𑀲𑀜𑁆𑀜𑀸𑀬𑀢𑀦𑀲𑁆𑀲 𑀉𑀧𑀦𑀺𑀲𑁆𑀲𑀬𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄. (𑁧)

𑀆𑀘𑀬𑀕𑀸𑀫𑀻 𑀥𑀫𑁆𑀫𑁄 𑀅𑀧𑀘𑀬𑀕𑀸𑀫𑀺𑀲𑁆𑀲 𑀥𑀫𑁆𑀫𑀲𑁆𑀲 𑀉𑀧𑀦𑀺𑀲𑁆𑀲𑀬𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄 𑁋 𑀅𑀦𑀦𑁆𑀢𑀭𑀽𑀧𑀦𑀺𑀲𑁆𑀲𑀬𑁄, 𑀧𑀓𑀢𑀽𑀧𑀦𑀺𑀲𑁆𑀲𑀬𑁄…𑀧𑁂…. 𑀧𑀓𑀢𑀽𑀧𑀦𑀺𑀲𑁆𑀲𑀬𑁄 𑁋 𑀧𑀞𑀫𑀲𑁆𑀲 𑀫𑀕𑁆𑀕𑀲𑁆𑀲 𑀧𑀭𑀺𑀓𑀫𑁆𑀫𑀁 𑀧𑀞𑀫𑀲𑁆𑀲 𑀫𑀕𑁆𑀕𑀲𑁆𑀲…𑀧𑁂… 𑀘𑀢𑀼𑀢𑁆𑀣𑀲𑁆𑀲 𑀫𑀕𑁆𑀕𑀲𑁆𑀲 𑀧𑀭𑀺𑀓𑀫𑁆𑀫𑀁 𑀘𑀢𑀼𑀢𑁆𑀣𑀲𑁆𑀲 𑀫𑀕𑁆𑀕𑀲𑁆𑀲 𑀉𑀧𑀦𑀺𑀲𑁆𑀲𑀬𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄. (𑁨)

𑀆𑀘𑀬𑀕𑀸𑀫𑀻 𑀥𑀫𑁆𑀫𑁄 𑀦𑁂𑀯𑀸𑀘𑀬𑀕𑀸𑀫𑀺𑀦𑀸𑀧𑀘𑀬𑀕𑀸𑀫𑀺𑀲𑁆𑀲 𑀥𑀫𑁆𑀫𑀲𑁆𑀲 𑀉𑀧𑀦𑀺𑀲𑁆𑀲𑀬𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄 𑁋 𑀅𑀦𑀦𑁆𑀢𑀭𑀽𑀧𑀦𑀺𑀲𑁆𑀲𑀬𑁄, 𑀧𑀓𑀢𑀽𑀧𑀦𑀺𑀲𑁆𑀲𑀬𑁄…𑀧𑁂…. 𑀧𑀓𑀢𑀽𑀧𑀦𑀺𑀲𑁆𑀲𑀬𑁄 𑁋 𑀆𑀘𑀬𑀕𑀸𑀫𑀺𑀁 𑀲𑀤𑁆𑀥𑀁 𑀉𑀧𑀦𑀺𑀲𑁆𑀲𑀸𑀬 𑀅𑀢𑁆𑀢𑀸𑀦𑀁 𑀆𑀢𑀸𑀧𑁂𑀢𑀺 𑀧𑀭𑀺𑀢𑀸𑀧𑁂𑀢𑀺 𑀧𑀭𑀺𑀬𑀺𑀝𑁆𑀞𑀺𑀫𑀽𑀮𑀓𑀁 𑀤𑀼𑀓𑁆𑀔𑀁 𑀧𑀘𑁆𑀘𑀦𑀼𑀪𑁄𑀢𑀺. 𑀆𑀘𑀬𑀕𑀸𑀫𑀺𑀁 𑀲𑀻𑀮𑀁…𑀧𑁂… 𑀧𑀜𑁆𑀜𑀁. 𑀭𑀸𑀕𑀁…𑀧𑁂… 𑀧𑀢𑁆𑀣𑀦𑀁 𑀉𑀧𑀦𑀺𑀲𑁆𑀲𑀸𑀬 𑀅𑀢𑁆𑀢𑀸𑀦𑀁 𑀆𑀢𑀸𑀧𑁂𑀢𑀺 𑀧𑀭𑀺𑀢𑀸𑀧𑁂𑀢𑀺 𑀧𑀭𑀺𑀬𑀺𑀝𑁆𑀞𑀺𑀫𑀽𑀮𑀓𑀁 𑀤𑀼𑀓𑁆𑀔𑀁 𑀧𑀘𑁆𑀘𑀦𑀼𑀪𑁄𑀢𑀺. 𑀆𑀘𑀬𑀕𑀸𑀫𑀻 𑀲𑀤𑁆𑀥𑀸…𑀧𑁂… 𑀧𑀜𑁆𑀜𑀸. 𑀭𑀸𑀕𑁄…𑀧𑁂… 𑀧𑀢𑁆𑀣𑀦𑀸, 𑀓𑀸𑀬𑀺𑀓𑀲𑁆𑀲 𑀲𑀼𑀔𑀲𑁆𑀲, 𑀓𑀸𑀬𑀺𑀓𑀲𑁆𑀲 𑀤𑀼𑀓𑁆𑀔𑀲𑁆𑀲 𑀨𑀮𑀲𑀫𑀸𑀧𑀢𑁆𑀢𑀺𑀬𑀸 𑀉𑀧𑀦𑀺𑀲𑁆𑀲𑀬𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄. 𑀓𑀼𑀲𑀮𑀸𑀓𑀼𑀲𑀮𑀁 𑀓𑀫𑁆𑀫𑀁 𑀯𑀺𑀧𑀸𑀓𑀲𑁆𑀲 𑀉𑀧𑀦𑀺𑀲𑁆𑀲𑀬𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄. (𑁩)

𑁫𑁫. 𑀅𑀧𑀘𑀬𑀕𑀸𑀫𑀻 𑀥𑀫𑁆𑀫𑁄 𑀅𑀧𑀘𑀬𑀕𑀸𑀫𑀺𑀲𑁆𑀲 𑀥𑀫𑁆𑀫𑀲𑁆𑀲 𑀉𑀧𑀦𑀺𑀲𑁆𑀲𑀬𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄. 𑀧𑀓𑀢𑀽𑀧𑀦𑀺𑀲𑁆𑀲𑀬𑁄 𑁋 𑀧𑀞𑀫𑁄 𑀫𑀕𑁆𑀕𑁄 𑀤𑀼𑀢𑀺𑀬𑀲𑁆𑀲 𑀫𑀕𑁆𑀕𑀲𑁆𑀲…𑀧𑁂… 𑀢𑀢𑀺𑀬𑁄 𑀫𑀕𑁆𑀕𑁄 𑀘𑀢𑀼𑀢𑁆𑀣𑀲𑁆𑀲 𑀫𑀕𑁆𑀕𑀲𑁆𑀲 𑀉𑀧𑀦𑀺𑀲𑁆𑀲𑀬𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄. (𑁧)

𑀅𑀧𑀘𑀬𑀕𑀸𑀫𑀻 𑀥𑀫𑁆𑀫𑁄 𑀆𑀘𑀬𑀕𑀸𑀫𑀺𑀲𑁆𑀲 𑀥𑀫𑁆𑀫𑀲𑁆𑀲 𑀉𑀧𑀦𑀺𑀲𑁆𑀲𑀬𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄 𑁋 𑀆𑀭𑀫𑁆𑀫𑀡𑀽𑀧𑀦𑀺𑀲𑁆𑀲𑀬𑁄, 𑀧𑀓𑀢𑀽𑀧𑀦𑀺𑀲𑁆𑀲𑀬𑁄…𑀧𑁂…. 𑀧𑀓𑀢𑀽𑀧𑀦𑀺𑀲𑁆𑀲𑀬𑁄 𑁋 𑀲𑁂𑀓𑁆𑀔𑀸 𑀫𑀕𑁆𑀕𑀁 𑀉𑀧𑀦𑀺𑀲𑁆𑀲𑀸𑀬 𑀅𑀦𑀼𑀧𑁆𑀧𑀦𑁆𑀦𑀁 𑀓𑀼𑀲𑀮𑀲𑀫𑀸𑀧𑀢𑁆𑀢𑀺𑀁 𑀉𑀧𑁆𑀧𑀸𑀤𑁂𑀦𑁆𑀢𑀺, 𑀉𑀧𑁆𑀧𑀦𑁆𑀦𑀁 𑀲𑀫𑀸𑀧𑀚𑁆𑀚𑀦𑁆𑀢𑀺, 𑀲𑀗𑁆𑀔𑀸𑀭𑁂 𑀅𑀦𑀺𑀘𑁆𑀘𑀢𑁄 𑀤𑀼𑀓𑁆𑀔𑀢𑁄 𑀅𑀦𑀢𑁆𑀢𑀢𑁄 𑀯𑀺𑀧𑀲𑁆𑀲𑀦𑁆𑀢𑀺, 𑀫𑀕𑁆𑀕𑁄 𑀲𑁂𑀓𑁆𑀔𑀸𑀦𑀁 𑀅𑀢𑁆𑀣𑀧𑁆𑀧𑀝𑀺𑀲𑀫𑁆𑀪𑀺𑀤𑀸𑀬…𑀧𑁂… 𑀧𑀝𑀺𑀪𑀸𑀦𑀧𑀝𑀺𑀲𑀫𑁆𑀪𑀺𑀤𑀸𑀬 𑀞𑀸𑀦𑀸𑀞𑀸𑀦𑀓𑁄𑀲𑀮𑁆𑀮𑀲𑁆𑀲 𑀉𑀧𑀦𑀺𑀲𑁆𑀲𑀬𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄. (𑁨)

𑀅𑀧𑀘𑀬𑀕𑀸𑀫𑀻 𑀥𑀫𑁆𑀫𑁄 𑀦𑁂𑀯𑀸𑀘𑀬𑀕𑀸𑀫𑀺𑀦𑀸𑀧𑀘𑀬𑀕𑀸𑀫𑀺𑀲𑁆𑀲 𑀥𑀫𑁆𑀫𑀲𑁆𑀲 𑀉𑀧𑀦𑀺𑀲𑁆𑀲𑀬𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄 𑁋 𑀆𑀭𑀫𑁆𑀫𑀡𑀽𑀧𑀦𑀺𑀲𑁆𑀲𑀬𑁄, 𑀅𑀦𑀦𑁆𑀢𑀭𑀽𑀧𑀦𑀺𑀲𑁆𑀲𑀬𑁄, 𑀧𑀓𑀢𑀽𑀧𑀦𑀺𑀲𑁆𑀲𑀬𑁄…𑀧𑁂…. 𑀧𑀓𑀢𑀽𑀧𑀦𑀺𑀲𑁆𑀲𑀬𑁄 𑁋 𑀅𑀭𑀳𑀸 𑀫𑀕𑁆𑀕𑀁 𑀉𑀧𑀦𑀺𑀲𑁆𑀲𑀸𑀬 𑀅𑀦𑀼𑀧𑁆𑀧𑀦𑁆𑀦𑀁 𑀓𑀺𑀭𑀺𑀬𑀲𑀫𑀸𑀧𑀢𑁆𑀢𑀺𑀁 𑀉𑀧𑁆𑀧𑀸𑀤𑁂𑀢𑀺, 𑀉𑀧𑁆𑀧𑀦𑁆𑀦𑀁 𑀲𑀫𑀸𑀧𑀚𑁆𑀚𑀢𑀺…𑀧𑁂… 𑀞𑀸𑀦𑀸𑀞𑀸𑀦𑀓𑁄𑀲𑀮𑁆𑀮𑀲𑁆𑀲 𑀉𑀧𑀦𑀺𑀲𑁆𑀲𑀬𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄. 𑀫𑀕𑁆𑀕𑁄 𑀨𑀮𑀲𑀫𑀸𑀧𑀢𑁆𑀢𑀺𑀬𑀸 𑀉𑀧𑀦𑀺𑀲𑁆𑀲𑀬𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄. (𑁩)

𑁫𑁬. 𑀦𑁂𑀯𑀸𑀘𑀬𑀕𑀸𑀫𑀺𑀦𑀸𑀧𑀘𑀬𑀕𑀸𑀫𑀻 𑀥𑀫𑁆𑀫𑁄 𑀦𑁂𑀯𑀸𑀘𑀬𑀕𑀸𑀫𑀺𑀦𑀸𑀧𑀘𑀬𑀕𑀸𑀫𑀺𑀲𑁆𑀲 𑀥𑀫𑁆𑀫𑀲𑁆𑀲 𑀉𑀧𑀦𑀺𑀲𑁆𑀲𑀬𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄 𑁋 𑀆𑀭𑀫𑁆𑀫𑀡𑀽𑀧𑀦𑀺𑀲𑁆𑀲𑀬𑁄, 𑀅𑀦𑀦𑁆𑀢𑀭𑀽𑀧𑀦𑀺𑀲𑁆𑀲𑀬𑁄, 𑀧𑀓𑀢𑀽𑀧𑀦𑀺𑀲𑁆𑀲𑀬𑁄…𑀧𑁂…. 𑀧𑀓𑀢𑀽𑀧𑀦𑀺𑀲𑁆𑀲𑀬𑁄 𑁋 𑀓𑀸𑀬𑀺𑀓𑀁 𑀲𑀼𑀔𑀁 𑀉𑀧𑀦𑀺𑀲𑁆𑀲𑀸𑀬 𑀅𑀢𑁆𑀢𑀸𑀦𑀁 𑀆𑀢𑀸𑀧𑁂𑀢𑀺 𑀧𑀭𑀺𑀢𑀸𑀧𑁂𑀢𑀺 𑀧𑀭𑀺𑀬𑀺𑀝𑁆𑀞𑀺𑀫𑀽𑀮𑀓𑀁 𑀤𑀼𑀓𑁆𑀔𑀁 𑀧𑀘𑁆𑀘𑀦𑀼𑀪𑁄𑀢𑀺. 𑀓𑀸𑀬𑀺𑀓𑀁 𑀤𑀼𑀓𑁆𑀔𑀁… 𑀉𑀢𑀼𑀁… 𑀪𑁄𑀚𑀦𑀁… 𑀲𑁂𑀦𑀸𑀲𑀦𑀁 𑀉𑀧𑀦𑀺𑀲𑁆𑀲𑀸𑀬 𑀅𑀢𑁆𑀢𑀸𑀦𑀁 𑀆𑀢𑀸𑀧𑁂𑀢𑀺 𑀧𑀭𑀺𑀢𑀸𑀧𑁂𑀢𑀺…𑀧𑁂… 𑀓𑀸𑀬𑀺𑀓𑀁 𑀲𑀼𑀔𑀁… 𑀓𑀸𑀬𑀺𑀓𑀁 𑀤𑀼𑀓𑁆𑀔𑀁… 𑀉𑀢𑀼… 𑀪𑁄𑀚𑀦𑀁… 𑀲𑁂𑀦𑀸𑀲𑀦𑀁 𑀓𑀸𑀬𑀺𑀓𑀲𑁆𑀲 𑀲𑀼𑀔𑀲𑁆𑀲, 𑀓𑀸𑀬𑀺𑀓𑀲𑁆𑀲 𑀤𑀼𑀓𑁆𑀔𑀲𑁆𑀲 𑀨𑀮𑀲𑀫𑀸𑀧𑀢𑁆𑀢𑀺𑀬𑀸 𑀉𑀧𑀦𑀺𑀲𑁆𑀲𑀬𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄. 𑀅𑀭𑀳𑀸 𑀓𑀸𑀬𑀺𑀓𑀁 𑀲𑀼𑀔𑀁 𑀉𑀧𑀦𑀺𑀲𑁆𑀲𑀸𑀬 𑀅𑀦𑀼𑀧𑁆𑀧𑀦𑁆𑀦𑀁 𑀓𑀺𑀭𑀺𑀬𑀲𑀫𑀸𑀧𑀢𑁆𑀢𑀺𑀁 𑀉𑀧𑁆𑀧𑀸𑀤𑁂𑀢𑀺…𑀧𑁂… 𑀯𑀺𑀧𑀲𑁆𑀲𑀢𑀺. 𑀓𑀸𑀬𑀺𑀓𑀁 𑀤𑀼𑀓𑁆𑀔𑀁… 𑀉𑀢𑀼𑀁… 𑀪𑁄𑀚𑀦𑀁… 𑀲𑁂𑀦𑀸𑀲𑀦𑀁 𑀉𑀧𑀦𑀺𑀲𑁆𑀲𑀸𑀬…𑀧𑁂… 𑀯𑀺𑀧𑀲𑁆𑀲𑀢𑀺. (𑁧)

𑀦𑁂𑀯𑀸𑀘𑀬𑀕𑀸𑀫𑀻𑀦𑀸𑀧𑀘𑀬𑀕𑀸𑀫𑀻 𑀥𑀫𑁆𑀫𑁄 𑀆𑀘𑀬𑀕𑀸𑀫𑀺𑀲𑁆𑀲 𑀥𑀫𑁆𑀫𑀲𑁆𑀲 𑀉𑀧𑀦𑀺𑀲𑁆𑀲𑀬𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄 𑁋 𑀆𑀭𑀫𑁆𑀫𑀡𑀽𑀧𑀦𑀺𑀲𑁆𑀲𑀬𑁄, 𑀅𑀦𑀦𑁆𑀢𑀭𑀽𑀧𑀦𑀺𑀲𑁆𑀲𑀬𑁄, 𑀧𑀓𑀢𑀽𑀧𑀦𑀺𑀲𑁆𑀲𑀬𑁄…𑀧𑁂…. 𑀧𑀓𑀢𑀽𑀧𑀦𑀺𑀲𑁆𑀲𑀬𑁄 𑁋 𑀓𑀸𑀬𑀺𑀓𑀁 𑀲𑀼𑀔𑀁 𑀉𑀧𑀦𑀺𑀲𑁆𑀲𑀸𑀬 𑀤𑀸𑀦𑀁 𑀤𑁂𑀢𑀺…𑀧𑁂… 𑀲𑀫𑀸𑀧𑀢𑁆𑀢𑀺𑀁 𑀉𑀧𑁆𑀧𑀸𑀤𑁂𑀢𑀺, 𑀧𑀸𑀡𑀁 𑀳𑀦𑀢𑀺…𑀧𑁂… 𑀲𑀗𑁆𑀖𑀁 𑀪𑀺𑀦𑁆𑀤𑀢𑀺. 𑀓𑀸𑀬𑀺𑀓𑀁 𑀤𑀼𑀓𑁆𑀔𑀁… 𑀉𑀢𑀼𑀁… 𑀪𑁄𑀚𑀦𑀁… 𑀲𑁂𑀦𑀸𑀲𑀦𑀁 𑀉𑀧𑀦𑀺𑀲𑁆𑀲𑀸𑀬 𑀤𑀸𑀦𑀁 𑀤𑁂𑀢𑀺…𑀧𑁂… 𑀲𑀗𑁆𑀖𑀁 𑀪𑀺𑀦𑁆𑀤𑀢𑀺, 𑀓𑀸𑀬𑀺𑀓𑀁 𑀲𑀼𑀔𑀁…𑀧𑁂… 𑀲𑁂𑀦𑀸𑀲𑀦𑀁 𑀆𑀘𑀬𑀕𑀸𑀫𑀺𑀬𑀸 𑀲𑀤𑁆𑀥𑀸𑀬…𑀧𑁂… 𑀧𑀜𑁆𑀜𑀸𑀬, 𑀭𑀸𑀕𑀲𑁆𑀲…𑀧𑁂… 𑀧𑀢𑁆𑀣𑀦𑀸𑀬 𑀉𑀧𑀦𑀺𑀲𑁆𑀲𑀬𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄. (𑁨)

𑀦𑁂𑀯𑀸𑀘𑀬𑀕𑀸𑀫𑀺𑀦𑀸𑀧𑀘𑀬𑀕𑀸𑀫𑀻 𑀥𑀫𑁆𑀫𑁄 𑀅𑀧𑀘𑀬𑀕𑀸𑀫𑀺𑀲𑁆𑀲 𑀥𑀫𑁆𑀫𑀲𑁆𑀲 𑀉𑀧𑀦𑀺𑀲𑁆𑀲𑀬𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄 𑁋 𑀆𑀭𑀫𑁆𑀫𑀡𑀽𑀧𑀦𑀺𑀲𑁆𑀲𑀬𑁄, 𑀧𑀓𑀢𑀽𑀧𑀦𑀺𑀲𑁆𑀲𑀬𑁄…𑀧𑁂…. 𑀧𑀓𑀢𑀽𑀧𑀦𑀺𑀲𑁆𑀲𑀬𑁄 𑁋 𑀓𑀸𑀬𑀺𑀓𑀁 𑀲𑀼𑀔𑀁 𑀉𑀧𑀦𑀺𑀲𑁆𑀲𑀸𑀬 𑀫𑀕𑁆𑀕𑀁 𑀉𑀧𑁆𑀧𑀸𑀤𑁂𑀢𑀺. 𑀓𑀸𑀬𑀺𑀓𑀁 𑀤𑀼𑀓𑁆𑀔𑀁 …𑀧𑁂… 𑀲𑁂𑀦𑀸𑀲𑀦𑀁 𑀉𑀧𑀦𑀺𑀲𑁆𑀲𑀸𑀬 𑀫𑀕𑁆𑀕𑀁 𑀉𑀧𑁆𑀧𑀸𑀤𑁂𑀢𑀺, 𑀓𑀸𑀬𑀺𑀓𑀁 𑀲𑀼𑀔𑀁, 𑀓𑀸𑀬𑀺𑀓𑀁 𑀤𑀼𑀓𑁆𑀔𑀁…𑀧𑁂… 𑀲𑁂𑀦𑀸𑀲𑀦𑀁 𑀫𑀕𑁆𑀕𑀲𑁆𑀲 𑀉𑀧𑀦𑀺𑀲𑁆𑀲𑀬𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄. (𑁩)

𑀧𑀼𑀭𑁂𑀚𑀸𑀢𑀧𑀘𑁆𑀘𑀬𑁄

𑁫𑁭. 𑀦𑁂𑀯𑀸𑀘𑀬𑀕𑀸𑀫𑀺𑀦𑀸𑀧𑀘𑀬𑀕𑀸𑀫𑀻 𑀥𑀫𑁆𑀫𑁄 𑀦𑁂𑀯𑀸𑀘𑀬𑀕𑀸𑀫𑀺𑀦𑀸𑀧𑀘𑀬𑀕𑀸𑀫𑀺𑀲𑁆𑀲 𑀥𑀫𑁆𑀫𑀲𑁆𑀲 𑀧𑀼𑀭𑁂𑀚𑀸𑀢𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄 𑁋 𑀆𑀭𑀫𑁆𑀫𑀡𑀧𑀼𑀭𑁂𑀚𑀸𑀢𑀁, 𑀯𑀢𑁆𑀣𑀼𑀧𑀼𑀭𑁂𑀚𑀸𑀢𑀁. 𑀆𑀭𑀫𑁆𑀫𑀡𑀧𑀼𑀭𑁂𑀚𑀸𑀢𑀁 𑁋 𑀅𑀭𑀳𑀸 𑀘𑀓𑁆𑀔𑀼𑀁…𑀧𑁂… 𑀯𑀢𑁆𑀣𑀼𑀁 𑀅𑀦𑀺𑀘𑁆𑀘𑀢𑁄 𑀤𑀼𑀓𑁆𑀔𑀢𑁄 𑀅𑀦𑀢𑁆𑀢𑀢𑁄 𑀯𑀺𑀧𑀲𑁆𑀲𑀢𑀺, 𑀤𑀺𑀩𑁆𑀩𑁂𑀦 𑀘𑀓𑁆𑀔𑀼𑀦𑀸 𑀭𑀽𑀧𑀁 𑀧𑀲𑁆𑀲𑀢𑀺, 𑀤𑀺𑀩𑁆𑀩𑀸𑀬 𑀲𑁄𑀢𑀥𑀸𑀢𑀼𑀬𑀸 𑀲𑀤𑁆𑀤𑀁 𑀲𑀼𑀡𑀸𑀢𑀺, 𑀭𑀽𑀧𑀸𑀬𑀢𑀦𑀁 𑀘𑀓𑁆𑀔𑀼𑀯𑀺𑀜𑁆𑀜𑀸𑀡𑀲𑁆𑀲…𑀧𑁂… 𑀨𑁄𑀝𑁆𑀞𑀩𑁆𑀩𑀸𑀬𑀢𑀦𑀁 𑀓𑀸𑀬𑀯𑀺𑀜𑁆𑀜𑀸𑀡𑀲𑁆𑀲 𑀧𑀼𑀭𑁂𑀚𑀸𑀢𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄. 𑀯𑀢𑁆𑀣𑀼𑀧𑀼𑀭𑁂𑀚𑀸𑀢𑀁 𑁋 𑀘𑀓𑁆𑀔𑀸𑀬𑀢𑀦𑀁 𑀘𑀓𑁆𑀔𑀼𑀯𑀺𑀜𑁆𑀜𑀸𑀡𑀲𑁆𑀲…𑀧𑁂… 𑀓𑀸𑀬𑀸𑀬𑀢𑀦𑀁 𑀓𑀸𑀬𑀯𑀺𑀜𑁆𑀜𑀸𑀡𑀲𑁆𑀲…𑀧𑁂… 𑀯𑀢𑁆𑀣𑀼 𑀦𑁂𑀯𑀸𑀘𑀬𑀕𑀸𑀫𑀺𑀦𑀸𑀧𑀘𑀬𑀕𑀸𑀫𑀻𑀦𑀁 𑀔𑀦𑁆𑀥𑀸𑀦𑀁 𑀧𑀼𑀭𑁂𑀚𑀸𑀢𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄. (𑁧)

𑀦𑁂𑀯𑀸𑀘𑀬𑀕𑀸𑀫𑀺𑀦𑀸𑀧𑀘𑀬𑀕𑀸𑀫𑀻 𑀥𑀫𑁆𑀫𑁄 𑀆𑀘𑀬𑀕𑀸𑀫𑀺𑀲𑁆𑀲 𑀥𑀫𑁆𑀫𑀲𑁆𑀲 𑀧𑀼𑀭𑁂𑀚𑀸𑀢𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄 𑁋 𑀆𑀭𑀫𑁆𑀫𑀡𑀧𑀼𑀭𑁂𑀚𑀸𑀢𑀁, 𑀯𑀢𑁆𑀣𑀼𑀧𑀼𑀭𑁂𑀚𑀸𑀢𑀁. 𑀆𑀭𑀫𑁆𑀫𑀡𑀧𑀼𑀭𑁂𑀚𑀸𑀢𑀁 𑁋 𑀲𑁂𑀓𑁆𑀔𑀸 𑀯𑀸 𑀧𑀼𑀣𑀼𑀚𑁆𑀚𑀦𑀸 𑀯𑀸 𑀘𑀓𑁆𑀔𑀼𑀁…𑀧𑁂… 𑀯𑀢𑁆𑀣𑀼𑀁 𑀅𑀦𑀺𑀘𑁆𑀘𑀢𑁄 𑀤𑀼𑀓𑁆𑀔𑀢𑁄 𑀅𑀦𑀢𑁆𑀢𑀢𑁄 𑀯𑀺𑀧𑀲𑁆𑀲𑀦𑁆𑀢𑀺, 𑀅𑀲𑁆𑀲𑀸𑀤𑁂𑀦𑁆𑀢𑀺 𑀅𑀪𑀺𑀦𑀦𑁆𑀤𑀦𑁆𑀢𑀺; 𑀢𑀁 𑀆𑀭𑀩𑁆𑀪 𑀭𑀸𑀕𑁄 𑀉𑀧𑁆𑀧𑀚𑁆𑀚𑀢𑀺…𑀧𑁂… 𑀤𑁄𑀫𑀦𑀲𑁆𑀲𑀁 𑀉𑀧𑁆𑀧𑀚𑁆𑀚𑀢𑀺, 𑀤𑀺𑀩𑁆𑀩𑁂𑀦 𑀘𑀓𑁆𑀔𑀼𑀦𑀸 𑀭𑀽𑀧𑀁 𑀧𑀲𑁆𑀲𑀢𑀺, 𑀤𑀺𑀩𑁆𑀩𑀸𑀬 𑀲𑁄𑀢𑀥𑀸𑀢𑀼𑀬𑀸 𑀲𑀤𑁆𑀤𑀁 𑀲𑀼𑀡𑀸𑀢𑀺. 𑀯𑀢𑁆𑀣𑀼𑀧𑀼𑀭𑁂𑀚𑀸𑀢𑀁 𑁋 𑀯𑀢𑁆𑀣𑀼 𑀆𑀘𑀬𑀕𑀸𑀫𑀻𑀦𑀁 𑀔𑀦𑁆𑀥𑀸𑀦𑀁 𑀧𑀼𑀭𑁂𑀚𑀸𑀢𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄. (𑁨)

𑀦𑁂𑀯𑀸𑀘𑀬𑀕𑀸𑀫𑀺𑀦𑀸𑀧𑀘𑀬𑀕𑀸𑀫𑀻 𑀥𑀫𑁆𑀫𑁄 𑀅𑀧𑀘𑀬𑀕𑀸𑀫𑀺𑀲𑁆𑀲 𑀥𑀫𑁆𑀫𑀲𑁆𑀲 𑀧𑀼𑀭𑁂𑀚𑀸𑀢𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄. 𑀯𑀢𑁆𑀣𑀼𑀧𑀼𑀭𑁂𑀚𑀸𑀢𑀁 𑁋 𑀯𑀢𑁆𑀣𑀼 𑀅𑀧𑀘𑀬𑀕𑀸𑀫𑀻𑀦𑀁 𑀔𑀦𑁆𑀥𑀸𑀦𑀁 𑀧𑀼𑀭𑁂𑀚𑀸𑀢𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄. (𑁩)

𑀧𑀘𑁆𑀙𑀸𑀚𑀸𑀢𑀧𑀘𑁆𑀘𑀬𑁄

𑁫𑁮. 𑀆𑀘𑀬𑀕𑀸𑀫𑀻 𑀥𑀫𑁆𑀫𑁄 𑀦𑁂𑀯𑀸𑀘𑀬𑀕𑀸𑀫𑀺𑀦𑀸𑀧𑀘𑀬𑀕𑀸𑀫𑀺𑀲𑁆𑀲 𑀥𑀫𑁆𑀫𑀲𑁆𑀲 𑀧𑀘𑁆𑀙𑀸𑀚𑀸𑀢𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄 𑁋 𑀧𑀘𑁆𑀙𑀸𑀚𑀸𑀢𑀸 𑀆𑀘𑀬𑀕𑀸𑀫𑀻 𑀔𑀦𑁆𑀥𑀸 𑀧𑀼𑀭𑁂𑀚𑀸𑀢𑀲𑁆𑀲 𑀇𑀫𑀲𑁆𑀲 𑀓𑀸𑀬𑀲𑁆𑀲 𑀧𑀘𑁆𑀙𑀸𑀚𑀸𑀢𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄. (𑁧)

𑀅𑀧𑀘𑀬𑀕𑀸𑀫𑀻 𑀥𑀫𑁆𑀫𑁄 𑀦𑁂𑀯𑀸𑀘𑀬𑀕𑀸𑀫𑀺𑀦𑀸𑀧𑀘𑀬𑀕𑀸𑀫𑀺𑀲𑁆𑀲 𑀥𑀫𑁆𑀫𑀲𑁆𑀲 𑀧𑀘𑁆𑀙𑀸𑀚𑀸𑀢𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄 𑁋 𑀧𑀘𑁆𑀙𑀸𑀚𑀸𑀢𑀸 𑀅𑀧𑀘𑀬𑀕𑀸𑀫𑀻 𑀔𑀦𑁆𑀥𑀸 𑀧𑀼𑀭𑁂𑀚𑀸𑀢𑀲𑁆𑀲 𑀇𑀫𑀲𑁆𑀲 𑀓𑀸𑀬𑀲𑁆𑀲 𑀧𑀘𑁆𑀙𑀸𑀚𑀸𑀢𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄. (𑁧)

𑀦𑁂𑀯𑀸𑀘𑀬𑀕𑀸𑀫𑀺𑀦𑀸𑀧𑀘𑀬𑀕𑀸𑀫𑀻 𑀥𑀫𑁆𑀫𑁄 𑀦𑁂𑀯𑀸𑀘𑀬𑀕𑀸𑀫𑀺𑀦𑀸𑀧𑀘𑀬𑀕𑀸𑀫𑀺𑀲𑁆𑀲 𑀥𑀫𑁆𑀫𑀲𑁆𑀲 𑀧𑀘𑁆𑀙𑀸𑀚𑀸𑀢𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄 𑁋 𑀧𑀘𑁆𑀙𑀸𑀚𑀸𑀢𑀸 𑀦𑁂𑀯𑀸𑀘𑀬𑀕𑀸𑀫𑀺𑀦𑀸𑀧𑀘𑀬𑀕𑀸𑀫𑀻 𑀔𑀦𑁆𑀥𑀸 𑀧𑀼𑀭𑁂𑀚𑀸𑀢𑀲𑁆𑀲 𑀇𑀫𑀲𑁆𑀲 𑀓𑀸𑀬𑀲𑁆𑀲 𑀧𑀘𑁆𑀙𑀸𑀚𑀸𑀢𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄.

𑀆𑀲𑁂𑀯𑀦𑀧𑀘𑁆𑀘𑀬𑁄

𑁫𑁯. 𑀆𑀘𑀬𑀕𑀸𑀫𑀻 𑀥𑀫𑁆𑀫𑁄 𑀆𑀘𑀬𑀕𑀸𑀫𑀺𑀲𑁆𑀲 𑀥𑀫𑁆𑀫𑀲𑁆𑀲 𑀆𑀲𑁂𑀯𑀦𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄 𑁋 𑀧𑀼𑀭𑀺𑀫𑀸 𑀧𑀼𑀭𑀺𑀫𑀸 𑀆𑀘𑀬𑀕𑀸𑀫𑀻 𑀔𑀦𑁆𑀥𑀸 𑀧𑀘𑁆𑀙𑀺𑀫𑀸𑀦𑀁 𑀧𑀘𑁆𑀙𑀺𑀫𑀸𑀦𑀁 𑀆𑀘𑀬𑀕𑀸𑀫𑀻𑀦𑀁 𑀔𑀦𑁆𑀥𑀸𑀦𑀁 𑀆𑀲𑁂𑀯𑀦𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄. 𑀅𑀦𑀼𑀮𑁄𑀫𑀁 𑀕𑁄𑀢𑁆𑀭𑀪𑀼𑀲𑁆𑀲… 𑀅𑀦𑀼𑀮𑁄𑀫𑀁 𑀯𑁄𑀤𑀸𑀦𑀲𑁆𑀲 𑀆𑀲𑁂𑀯𑀦𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄. (𑁧)

𑀆𑀘𑀬𑀕𑀸𑀫𑀻 𑀥𑀫𑁆𑀫𑁄 𑀅𑀧𑀘𑀬𑀕𑀸𑀫𑀺𑀲𑁆𑀲 𑀥𑀫𑁆𑀫𑀲𑁆𑀲 𑀆𑀲𑁂𑀯𑀦𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄 𑁋 𑀕𑁄𑀢𑁆𑀭𑀪𑀼 𑀫𑀕𑁆𑀕𑀲𑁆𑀲… 𑀯𑁄𑀤𑀸𑀦𑀁 𑀫𑀕𑁆𑀕𑀲𑁆𑀲 𑀆𑀲𑁂𑀯𑀦𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄. (𑁨)

𑀦𑁂𑀯𑀸𑀘𑀬𑀕𑀸𑀫𑀺𑀦𑀸𑀧𑀘𑀬𑀕𑀸𑀫𑀻 𑀥𑀫𑁆𑀫𑁄 𑀦𑁂𑀯𑀸𑀘𑀬𑀕𑀸𑀫𑀺𑀦𑀸𑀧𑀘𑀬𑀕𑀸𑀫𑀺𑀲𑁆𑀲 𑀥𑀫𑁆𑀫𑀲𑁆𑀲 𑀆𑀲𑁂𑀯𑀦𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄 𑁋 𑀧𑀼𑀭𑀺𑀫𑀸 𑀧𑀼𑀭𑀺𑀫𑀸 𑀦𑁂𑀯𑀸𑀘𑀬𑀕𑀸𑀫𑀺𑀦𑀸𑀧𑀘𑀬𑀕𑀸𑀫𑀻 𑀔𑀦𑁆𑀥𑀸 𑀧𑀘𑁆𑀙𑀺𑀫𑀸𑀦𑀁 𑀧𑀘𑁆𑀙𑀺𑀫𑀸𑀦𑀁 𑀦𑁂𑀯𑀸𑀘𑀬𑀕𑀸𑀫𑀺𑀦𑀸𑀧𑀘𑀬𑀕𑀸𑀫𑀻𑀦𑀁 𑀔𑀦𑁆𑀥𑀸𑀦𑀁 𑀆𑀲𑁂𑀯𑀦𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄. (𑁧)

𑀓𑀫𑁆𑀫𑀧𑀘𑁆𑀘𑀬𑁄

𑁬𑁦. 𑀆𑀘𑀬𑀕𑀸𑀫𑀻 𑀥𑀫𑁆𑀫𑁄 𑀆𑀘𑀬𑀕𑀸𑀫𑀺𑀲𑁆𑀲 𑀥𑀫𑁆𑀫𑀲𑁆𑀲 𑀓𑀫𑁆𑀫𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄 𑁋 𑀆𑀘𑀬𑀕𑀸𑀫𑀻 𑀘𑁂𑀢𑀦𑀸 𑀲𑀫𑁆𑀧𑀬𑀼𑀢𑁆𑀢𑀓𑀸𑀦𑀁 𑀔𑀦𑁆𑀥𑀸𑀦𑀁 𑀓𑀫𑁆𑀫𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄. (𑁧)

𑀆𑀘𑀬𑀕𑀸𑀫𑀻 𑀥𑀫𑁆𑀫𑁄 𑀦𑁂𑀯𑀸𑀘𑀬𑀕𑀸𑀫𑀺𑀦𑀸𑀧𑀘𑀬𑀕𑀸𑀫𑀺𑀲𑁆𑀲 𑀥𑀫𑁆𑀫𑀲𑁆𑀲 𑀓𑀫𑁆𑀫𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄 𑁋 𑀲𑀳𑀚𑀸𑀢𑀸, 𑀦𑀸𑀦𑀸𑀓𑁆𑀔𑀡𑀺𑀓𑀸. 𑀲𑀳𑀚𑀸𑀢𑀸 𑁋 𑀆𑀘𑀬𑀕𑀸𑀫𑀻 𑀘𑁂𑀢𑀦𑀸 𑀘𑀺𑀢𑁆𑀢𑀲𑀫𑀼𑀝𑁆𑀞𑀸𑀦𑀸𑀦𑀁 𑀭𑀽𑀧𑀸𑀦𑀁 𑀓𑀫𑁆𑀫𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄. 𑀦𑀸𑀦𑀸𑀓𑁆𑀔𑀡𑀺𑀓𑀸 𑁋 𑀆𑀘𑀬𑀕𑀸𑀫𑀻 𑀘𑁂𑀢𑀦𑀸 𑀯𑀺𑀧𑀸𑀓𑀸𑀦𑀁 𑀔𑀦𑁆𑀥𑀸𑀦𑀁 𑀓𑀝𑀢𑁆𑀢𑀸 𑀘 𑀭𑀽𑀧𑀸𑀦𑀁 𑀓𑀫𑁆𑀫𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄. (𑁨)

𑀆𑀘𑀬𑀕𑀸𑀫𑀻 𑀥𑀫𑁆𑀫𑁄 𑀆𑀘𑀬𑀕𑀸𑀫𑀺𑀲𑁆𑀲 𑀘 𑀦𑁂𑀯𑀸𑀘𑀬𑀕𑀸𑀫𑀺𑀦𑀸𑀧𑀘𑀬𑀕𑀸𑀫𑀺𑀲𑁆𑀲 𑀘 𑀥𑀫𑁆𑀫𑀲𑁆𑀲 𑀓𑀫𑁆𑀫𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄 𑁋 𑀆𑀘𑀬𑀕𑀸𑀫𑀻 𑀘𑁂𑀢𑀦𑀸 𑀲𑀫𑁆𑀧𑀬𑀼𑀢𑁆𑀢𑀓𑀸𑀦𑀁 𑀔𑀦𑁆𑀥𑀸𑀦𑀁 𑀘𑀺𑀢𑁆𑀢𑀲𑀫𑀼𑀝𑁆𑀞𑀸𑀦𑀸𑀦𑀜𑁆𑀘 𑀭𑀽𑀧𑀸𑀦𑀁 𑀓𑀫𑁆𑀫𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄. (𑁩)

𑁬𑁧. 𑀅𑀧𑀘𑀬𑀕𑀸𑀫𑀻 𑀥𑀫𑁆𑀫𑁄 𑀅𑀧𑀘𑀬𑀕𑀸𑀫𑀺𑀲𑁆𑀲 𑀥𑀫𑁆𑀫𑀲𑁆𑀲 𑀓𑀫𑁆𑀫𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄 𑁋 𑀅𑀧𑀘𑀬𑀕𑀸𑀫𑀻 𑀘𑁂𑀢𑀦𑀸 𑀲𑀫𑁆𑀧𑀬𑀼𑀢𑁆𑀢𑀓𑀸𑀦𑀁 𑀔𑀦𑁆𑀥𑀸𑀦𑀁 𑀓𑀫𑁆𑀫𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄. (𑁧)

𑀅𑀧𑀘𑀬𑀕𑀸𑀫𑀻 𑀥𑀫𑁆𑀫𑁄 𑀦𑁂𑀯𑀸𑀘𑀬𑀕𑀸𑀫𑀺𑀦𑀸𑀧𑀘𑀬𑀕𑀸𑀫𑀺𑀲𑁆𑀲 𑀥𑀫𑁆𑀫𑀲𑁆𑀲 𑀓𑀫𑁆𑀫𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄 𑁋 𑀲𑀳𑀚𑀸𑀢𑀸, 𑀦𑀸𑀦𑀸𑀓𑁆𑀔𑀡𑀺𑀓𑀸. 𑀲𑀳𑀚𑀸𑀢𑀸 𑁋 𑀅𑀧𑀘𑀬𑀕𑀸𑀫𑀻 𑀘𑁂𑀢𑀦𑀸 𑀘𑀺𑀢𑁆𑀢𑀲𑀫𑀼𑀝𑁆𑀞𑀸𑀦𑀸𑀦𑀁 𑀭𑀽𑀧𑀸𑀦𑀁 𑀓𑀫𑁆𑀫𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄. 𑀦𑀸𑀦𑀸𑀓𑁆𑀔𑀡𑀺𑀓𑀸 𑁋 𑀅𑀧𑀘𑀬𑀕𑀸𑀫𑀻 𑀘𑁂𑀢𑀦𑀸 𑀯𑀺𑀧𑀸𑀓𑀸𑀦𑀁 𑀔𑀦𑁆𑀥𑀸𑀦𑀁 𑀓𑀫𑁆𑀫𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄. (𑁨)

𑀅𑀧𑀘𑀬𑀕𑀸𑀫𑀻 𑀥𑀫𑁆𑀫𑁄 𑀅𑀧𑀘𑀬𑀕𑀸𑀫𑀺𑀲𑁆𑀲 𑀘 𑀦𑁂𑀯𑀸𑀘𑀬𑀕𑀸𑀫𑀺𑀦𑀸𑀧𑀘𑀬𑀕𑀸𑀫𑀺𑀲𑁆𑀲 𑀘 𑀥𑀫𑁆𑀫𑀲𑁆𑀲 𑀓𑀫𑁆𑀫𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄 𑁋 𑀅𑀧𑀘𑀬𑀕𑀸𑀫𑀻 𑀘𑁂𑀢𑀦𑀸 𑀲𑀫𑁆𑀧𑀬𑀼𑀢𑁆𑀢𑀓𑀸𑀦𑀁 𑀔𑀦𑁆𑀥𑀸𑀦𑀁 𑀘𑀺𑀢𑁆𑀢𑀲𑀫𑀼𑀝𑁆𑀞𑀸𑀦𑀸𑀦𑀜𑁆𑀘 𑀭𑀽𑀧𑀸𑀦𑀁 𑀓𑀫𑁆𑀫𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄. (𑁩)

𑀦𑁂𑀯𑀸𑀘𑀬𑀕𑀸𑀫𑀺𑀦𑀸𑀧𑀘𑀬𑀕𑀸𑀫𑀻 𑀥𑀫𑁆𑀫𑁄 𑀦𑁂𑀯𑀸𑀘𑀬𑀕𑀸𑀫𑀺𑀦𑀸𑀧𑀘𑀬𑀕𑀸𑀫𑀺𑀲𑁆𑀲 𑀥𑀫𑁆𑀫𑀲𑁆𑀲 𑀓𑀫𑁆𑀫𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄 𑁋 𑀦𑁂𑀯𑀸𑀘𑀬𑀕𑀸𑀫𑀺𑀦𑀸𑀧𑀘𑀬𑀕𑀸𑀫𑀻 𑀘𑁂𑀢𑀦𑀸 𑀲𑀫𑁆𑀧𑀬𑀼𑀢𑁆𑀢𑀓𑀸𑀦𑀁 𑀔𑀦𑁆𑀥𑀸𑀦𑀁 𑀘𑀺𑀢𑁆𑀢𑀲𑀫𑀼𑀝𑁆𑀞𑀸𑀦𑀸𑀦𑀜𑁆𑀘 𑀭𑀽𑀧𑀸𑀦𑀁 𑀓𑀫𑁆𑀫𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄. 𑀧𑀝𑀺𑀲𑀦𑁆𑀥𑀺𑀓𑁆𑀔𑀡𑁂 𑀦𑁂𑀯𑀸𑀘𑀬𑀕𑀸𑀫𑀺𑀦𑀸𑀧𑀘𑀬𑀕𑀸𑀫𑀻 𑀘𑁂𑀢𑀦𑀸 𑀲𑀫𑁆𑀧𑀬𑀼𑀢𑁆𑀢𑀓𑀸𑀦𑀁 𑀔𑀦𑁆𑀥𑀸𑀦𑀁 𑀓𑀝𑀢𑁆𑀢𑀸 𑀘 𑀭𑀽𑀧𑀸𑀦𑀁 𑀓𑀫𑁆𑀫𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄. (𑁧)

𑀯𑀺𑀧𑀸𑀓𑀧𑀘𑁆𑀘𑀬𑁄

𑁬𑁨. 𑀦𑁂𑀯𑀸𑀘𑀬𑀕𑀸𑀫𑀺𑀦𑀸𑀧𑀘𑀬𑀕𑀸𑀫𑀻 𑀥𑀫𑁆𑀫𑁄 𑀦𑁂𑀯𑀸𑀘𑀬𑀕𑀸𑀫𑀺𑀦𑀸𑀧𑀘𑀬𑀕𑀸𑀫𑀺𑀲𑁆𑀲 𑀥𑀫𑁆𑀫𑀲𑁆𑀲 𑀯𑀺𑀧𑀸𑀓𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄 𑁋 𑀯𑀺𑀧𑀸𑀓𑁄 𑀦𑁂𑀯𑀸𑀘𑀬𑀕𑀸𑀫𑀺𑀦𑀸𑀧𑀘𑀬𑀕𑀸𑀫𑀻 𑀏𑀓𑁄 𑀔𑀦𑁆𑀥𑁄 𑀢𑀺𑀡𑁆𑀡𑀦𑁆𑀦𑀁 𑀔𑀦𑁆𑀥𑀸𑀦𑀁…𑀧𑁂… 𑀧𑀝𑀺𑀲𑀦𑁆𑀥𑀺𑀓𑁆𑀔𑀡𑁂…𑀧𑁂… 𑀔𑀦𑁆𑀥𑀸 𑀯𑀢𑁆𑀣𑀼𑀲𑁆𑀲 𑀯𑀺𑀧𑀸𑀓𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄. (𑁧)

𑀆𑀳𑀸𑀭𑀧𑀘𑁆𑀘𑀬𑀸𑀤𑀺

𑁬𑁩. 𑀆𑀘𑀬𑀕𑀸𑀫𑀻 𑀥𑀫𑁆𑀫𑁄 𑀆𑀘𑀬𑀕𑀸𑀫𑀺𑀲𑁆𑀲 𑀥𑀫𑁆𑀫𑀲𑁆𑀲 𑀆𑀳𑀸𑀭𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄… 𑀇𑀦𑁆𑀤𑁆𑀭𑀺𑀬𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄… 𑀛𑀸𑀦𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄… 𑀫𑀕𑁆𑀕𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄… 𑀲𑀫𑁆𑀧𑀬𑀼𑀢𑁆𑀢𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄.

𑀯𑀺𑀧𑁆𑀧𑀬𑀼𑀢𑁆𑀢𑀧𑀘𑁆𑀘𑀬𑁄

𑁬𑁪. 𑀆𑀘𑀬𑀕𑀸𑀫𑀻 𑀥𑀫𑁆𑀫𑁄 𑀦𑁂𑀯𑀸𑀘𑀬𑀕𑀸𑀫𑀺𑀦𑀸𑀧𑀘𑀬𑀕𑀸𑀫𑀺𑀲𑁆𑀲 𑀥𑀫𑁆𑀫𑀲𑁆𑀲 𑀯𑀺𑀧𑁆𑀧𑀬𑀼𑀢𑁆𑀢𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄 𑁋 𑀲𑀳𑀚𑀸𑀢𑀁, 𑀧𑀘𑁆𑀙𑀸𑀚𑀸𑀢𑀁. 𑀲𑀳𑀚𑀸𑀢𑀸 𑁋 𑀆𑀘𑀬𑀕𑀸𑀫𑀻 𑀔𑀦𑁆𑀥𑀸 𑀘𑀺𑀢𑁆𑀢𑀲𑀫𑀼𑀝𑁆𑀞𑀸𑀦𑀸𑀦𑀁 𑀭𑀽𑀧𑀸𑀦𑀁 𑀯𑀺𑀧𑁆𑀧𑀬𑀼𑀢𑁆𑀢𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄. 𑀧𑀘𑁆𑀙𑀸𑀚𑀸𑀢𑀸 𑁋 𑀆𑀘𑀬𑀕𑀸𑀫𑀻 𑀔𑀦𑁆𑀥𑀸 𑀧𑀼𑀭𑁂𑀚𑀸𑀢𑀲𑁆𑀲 𑀇𑀫𑀲𑁆𑀲 𑀓𑀸𑀬𑀲𑁆𑀲 𑀯𑀺𑀧𑁆𑀧𑀬𑀼𑀢𑁆𑀢𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄. (𑁧)

𑀅𑀧𑀘𑀬𑀕𑀸𑀫𑀻 𑀥𑀫𑁆𑀫𑁄 𑀦𑁂𑀯𑀸𑀘𑀬𑀕𑀸𑀫𑀺𑀦𑀸𑀧𑀘𑀬𑀕𑀸𑀫𑀺𑀲𑁆𑀲 𑀥𑀫𑁆𑀫𑀲𑁆𑀲 𑀯𑀺𑀧𑁆𑀧𑀬𑀼𑀢𑁆𑀢𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄 𑁋 𑀲𑀳𑀚𑀸𑀢𑀁, 𑀧𑀘𑁆𑀙𑀸𑀚𑀸𑀢𑀁. 𑀲𑀳𑀚𑀸𑀢𑀸 𑁋 𑀅𑀧𑀘𑀬𑀕𑀸𑀫𑀻 𑀔𑀦𑁆𑀥𑀸 𑀘𑀺𑀢𑁆𑀢𑀲𑀫𑀼𑀝𑁆𑀞𑀸𑀦𑀸𑀦𑀁 𑀭𑀽𑀧𑀸𑀦𑀁 𑀯𑀺𑀧𑁆𑀧𑀬𑀼𑀢𑁆𑀢𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄. 𑀧𑀘𑁆𑀙𑀸𑀚𑀸𑀢𑀸 𑁋 𑀅𑀧𑀘𑀬𑀕𑀸𑀫𑀻 𑀔𑀦𑁆𑀥𑀸 𑀧𑀼𑀭𑁂𑀚𑀸𑀢𑀲𑁆𑀲 𑀇𑀫𑀲𑁆𑀲 𑀓𑀸𑀬𑀲𑁆𑀲 𑀯𑀺𑀧𑁆𑀧𑀬𑀼𑀢𑁆𑀢𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄. (𑁧)

𑀦𑁂𑀯𑀸𑀘𑀬𑀕𑀸𑀫𑀺𑀦𑀸𑀧𑀘𑀬𑀕𑀸𑀫𑀻 𑀥𑀫𑁆𑀫𑁄 𑀦𑁂𑀯𑀸𑀘𑀬𑀕𑀸𑀫𑀺𑀦𑀸𑀧𑀘𑀬𑀕𑀸𑀫𑀺𑀲𑁆𑀲 𑀥𑀫𑁆𑀫𑀲𑁆𑀲 𑀯𑀺𑀧𑁆𑀧𑀬𑀼𑀢𑁆𑀢𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄 𑁋 𑀲𑀳𑀚𑀸𑀢𑀁, 𑀧𑀼𑀭𑁂𑀚𑀸𑀢𑀁, 𑀧𑀘𑁆𑀙𑀸𑀚𑀸𑀢𑀁. 𑀲𑀳𑀚𑀸𑀢𑀸 𑁋 𑀦𑁂𑀯𑀸𑀘𑀬𑀕𑀸𑀫𑀺𑀦𑀸𑀧𑀘𑀬𑀕𑀸𑀫𑀻 𑀔𑀦𑁆𑀥𑀸 𑀘𑀺𑀢𑁆𑀢𑀲𑀫𑀼𑀝𑁆𑀞𑀸𑀦𑀸𑀦𑀁 𑀭𑀽𑀧𑀸𑀦𑀁 𑀯𑀺𑀧𑁆𑀧𑀬𑀼𑀢𑁆𑀢𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄. 𑀧𑀝𑀺𑀲𑀦𑁆𑀥𑀺𑀓𑁆𑀔𑀡𑁂 𑀦𑁂𑀯𑀸𑀘𑀬𑀕𑀸𑀫𑀺𑀦𑀸𑀧𑀘𑀬𑀕𑀸𑀫𑀻 𑀔𑀦𑁆𑀥𑀸 𑀓𑀝𑀢𑁆𑀢𑀸𑀭𑀽𑀧𑀸𑀦𑀁 𑀯𑀺𑀧𑁆𑀧𑀬𑀼𑀢𑁆𑀢𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄. 𑀔𑀦𑁆𑀥𑀸 𑀯𑀢𑁆𑀣𑀼𑀲𑁆𑀲 𑀯𑀺𑀧𑁆𑀧𑀬𑀼𑀢𑁆𑀢𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄. 𑀯𑀢𑁆𑀣𑀼 𑀔𑀦𑁆𑀥𑀸𑀦𑀁 𑀯𑀺𑀧𑁆𑀧𑀬𑀼𑀢𑁆𑀢𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄. 𑀧𑀼𑀭𑁂𑀚𑀸𑀢𑀁 𑁋 𑀘𑀓𑁆𑀔𑀸𑀬𑀢𑀦𑀁 𑀘𑀓𑁆𑀔𑀼𑀯𑀺𑀜𑁆𑀜𑀸𑀡𑀲𑁆𑀲…𑀧𑁂… 𑀓𑀸𑀬𑀸𑀬𑀢𑀦𑀁 𑀓𑀸𑀬𑀯𑀺𑀜𑁆𑀜𑀸𑀡𑀲𑁆𑀲…𑀧𑁂… 𑀯𑀢𑁆𑀣𑀼 𑀦𑁂𑀯𑀸𑀘𑀬𑀕𑀸𑀫𑀺𑀦𑀸𑀧𑀘𑀬𑀕𑀸𑀫𑀻𑀦𑀁 𑀔𑀦𑁆𑀥𑀸𑀦𑀁 𑀯𑀺𑀧𑁆𑀧𑀬𑀼𑀢𑁆𑀢𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄. 𑀧𑀘𑁆𑀙𑀸𑀚𑀸𑀢𑀸 𑁋 𑀦𑁂𑀯𑀸𑀘𑀬𑀕𑀸𑀫𑀺𑀦𑀸𑀧𑀘𑀬𑀕𑀸𑀫𑀻 𑀔𑀦𑁆𑀥𑀸 𑀧𑀼𑀭𑁂𑀚𑀸𑀢𑀲𑁆𑀲 𑀇𑀫𑀲𑁆𑀲 𑀓𑀸𑀬𑀲𑁆𑀲…𑀧𑁂…. (𑁧)

𑀦𑁂𑀯𑀸𑀘𑀬𑀕𑀸𑀫𑀺𑀦𑀸𑀧𑀘𑀬𑀕𑀸𑀫𑀻 𑀥𑀫𑁆𑀫𑁄 𑀆𑀘𑀬𑀕𑀸𑀫𑀺𑀲𑁆𑀲 𑀥𑀫𑁆𑀫𑀲𑁆𑀲 𑀯𑀺𑀧𑁆𑀧𑀬𑀼𑀢𑁆𑀢𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄. 𑀧𑀼𑀭𑁂𑀚𑀸𑀢𑀁 𑁋 𑀯𑀢𑁆𑀣𑀼 𑀆𑀘𑀬𑀕𑀸𑀫𑀻𑀦𑀁 𑀔𑀦𑁆𑀥𑀸𑀦𑀁 𑀯𑀺𑀧𑁆𑀧𑀬𑀼𑀢𑁆𑀢𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄. (𑁨)

𑀦𑁂𑀯𑀸𑀘𑀬𑀕𑀸𑀫𑀺𑀦𑀸𑀧𑀘𑀬𑀕𑀸𑀫𑀻 𑀥𑀫𑁆𑀫𑁄 𑀅𑀧𑀘𑀬𑀕𑀸𑀫𑀺𑀲𑁆𑀲 𑀥𑀫𑁆𑀫𑀲𑁆𑀲 𑀯𑀺𑀧𑁆𑀧𑀬𑀼𑀢𑁆𑀢𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄. 𑀧𑀼𑀭𑁂𑀚𑀸𑀢𑀁 𑁋 𑀯𑀢𑁆𑀣𑀼 𑀅𑀧𑀘𑀬𑀕𑀸𑀫𑀻𑀦𑀁 𑀔𑀦𑁆𑀥𑀸𑀦𑀁 𑀯𑀺𑀧𑁆𑀧𑀬𑀼𑀢𑁆𑀢𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄. (𑁩)

𑀅𑀢𑁆𑀣𑀺𑀧𑀘𑁆𑀘𑀬𑀸𑀤𑀺

𑁬𑁫. 𑀆𑀘𑀬𑀕𑀸𑀫𑀻 𑀥𑀫𑁆𑀫𑁄 𑀆𑀘𑀬𑀕𑀸𑀫𑀺𑀲𑁆𑀲 𑀥𑀫𑁆𑀫𑀲𑁆𑀲 𑀅𑀢𑁆𑀣𑀺𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄 𑁋 𑀆𑀘𑀬𑀕𑀸𑀫𑀻 𑀏𑀓𑁄 𑀔𑀦𑁆𑀥𑁄 𑀢𑀺𑀡𑁆𑀡𑀦𑁆𑀦𑀁 𑀔𑀦𑁆𑀥𑀸𑀦𑀁…𑀧𑁂…. (𑁧)

𑀆𑀘𑀬𑀕𑀸𑀫𑀻 𑀥𑀫𑁆𑀫𑁄 𑀦𑁂𑀯𑀸𑀘𑀬𑀕𑀸𑀫𑀺𑀦𑀸𑀧𑀘𑀬𑀕𑀸𑀫𑀺𑀲𑁆𑀲 𑀥𑀫𑁆𑀫𑀲𑁆𑀲 𑀅𑀢𑁆𑀣𑀺𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄 𑁋 𑀲𑀳𑀚𑀸𑀢𑀁, 𑀧𑀘𑁆𑀙𑀸𑀚𑀸𑀢𑀁. 𑀲𑀳𑀚𑀸𑀢𑀸 𑁋 𑀆𑀘𑀬𑀕𑀸𑀫𑀻 𑀔𑀦𑁆𑀥𑀸 𑀘𑀺𑀢𑁆𑀢𑀲𑀫𑀼𑀝𑁆𑀞𑀸𑀦𑀸𑀦𑀁 𑀭𑀽𑀧𑀸𑀦𑀁 𑀅𑀢𑁆𑀣𑀺𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄. 𑀧𑀘𑁆𑀙𑀸𑀚𑀸𑀢𑀸 𑁋 𑀆𑀘𑀬𑀕𑀸𑀫𑀻 𑀔𑀦𑁆𑀥𑀸 𑀧𑀼𑀭𑁂𑀚𑀸𑀢𑀲𑁆𑀲 𑀇𑀫𑀲𑁆𑀲 𑀓𑀸𑀬𑀲𑁆𑀲 𑀅𑀢𑁆𑀣𑀺𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄. (𑁨)

𑀆𑀘𑀬𑀕𑀸𑀫𑀻 𑀥𑀫𑁆𑀫𑁄 𑀆𑀘𑀬𑀕𑀸𑀫𑀺𑀲𑁆𑀲 𑀘 𑀦𑁂𑀯𑀸𑀘𑀬𑀕𑀸𑀫𑀺𑀦𑀸𑀧𑀘𑀬𑀕𑀸𑀫𑀺𑀲𑁆𑀲 𑀘 𑀥𑀫𑁆𑀫𑀲𑁆𑀲 𑀅𑀢𑁆𑀣𑀺𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄 𑁋 𑀆𑀘𑀬𑀕𑀸𑀫𑀻 𑀏𑀓𑁄 𑀔𑀦𑁆𑀥𑁄 𑀢𑀺𑀡𑁆𑀡𑀦𑁆𑀦𑀁 𑀔𑀦𑁆𑀥𑀸𑀦𑀁 𑀘𑀺𑀢𑁆𑀢𑀲𑀫𑀼𑀝𑁆𑀞𑀸𑀦𑀸𑀦𑀜𑁆𑀘 𑀭𑀽𑀧𑀸𑀦𑀁 𑀅𑀢𑁆𑀣𑀺𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄…𑀧𑁂… 𑀤𑁆𑀯𑁂 𑀔𑀦𑁆𑀥𑀸…𑀧𑁂…. (𑁩)

𑀅𑀧𑀘𑀬𑀕𑀸𑀫𑀻 𑀥𑀫𑁆𑀫𑁄… 𑀢𑀻𑀡𑀺 (𑀆𑀘𑀬𑀕𑀸𑀫𑀺𑀦𑀬𑁂𑀦 𑀓𑀸𑀢𑀩𑁆𑀩𑀁).

𑁬𑁬. 𑀦𑁂𑀯𑀸𑀘𑀬𑀕𑀸𑀫𑀺𑀦𑀸𑀧𑀘𑀬𑀕𑀸𑀫𑀻 𑀥𑀫𑁆𑀫𑁄 𑀦𑁂𑀯𑀸𑀘𑀬𑀕𑀸𑀫𑀺𑀦𑀸𑀧𑀘𑀬𑀕𑀸𑀫𑀺𑀲𑁆𑀲 𑀥𑀫𑁆𑀫𑀲𑁆𑀲 𑀅𑀢𑁆𑀣𑀺𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄 𑁋 𑀲𑀳𑀚𑀸𑀢𑀁, 𑀧𑀼𑀭𑁂𑀚𑀸𑀢𑀁, 𑀧𑀘𑁆𑀙𑀸𑀚𑀸𑀢𑀁, 𑀆𑀳𑀸𑀭𑀁, 𑀇𑀦𑁆𑀤𑁆𑀭𑀺𑀬𑀁. 𑀲𑀳𑀚𑀸𑀢𑁄 𑁋 𑀦𑁂𑀯𑀸𑀘𑀬𑀕𑀸𑀫𑀺𑀦𑀸𑀧𑀘𑀬𑀕𑀸𑀫𑀻 𑀏𑀓𑁄 𑀔𑀦𑁆𑀥𑁄 𑀢𑀺𑀡𑁆𑀡𑀦𑁆𑀦𑀁 𑀔𑀦𑁆𑀥𑀸𑀦𑀁 𑀘𑀺𑀢𑁆𑀢𑀲𑀫𑀼𑀝𑁆𑀞𑀸𑀦𑀸𑀦𑀜𑁆𑀘 𑀭𑀽𑀧𑀸𑀦𑀁 𑀅𑀢𑁆𑀣𑀺𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄…𑀧𑁂… 𑀤𑁆𑀯𑁂 𑀔𑀦𑁆𑀥𑀸…𑀧𑁂… 𑀧𑀝𑀺𑀲𑀦𑁆𑀥𑀺𑀓𑁆𑀔𑀡𑁂…𑀧𑁂… 𑀔𑀦𑁆𑀥𑀸 𑀯𑀢𑁆𑀣𑀼𑀲𑁆𑀲 𑀅𑀢𑁆𑀣𑀺𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄. 𑀯𑀢𑁆𑀣𑀼 𑀔𑀦𑁆𑀥𑀸𑀦𑀁 𑀅𑀢𑁆𑀣𑀺𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄. 𑀏𑀓𑀁 𑀫𑀳𑀸𑀪𑀽𑀢𑀁…𑀧𑁂… 𑀩𑀸𑀳𑀺𑀭𑀁… 𑀆𑀳𑀸𑀭𑀲𑀫𑀼𑀝𑁆𑀞𑀸𑀦𑀁… 𑀉𑀢𑀼𑀲𑀫𑀼𑀝𑁆𑀞𑀸𑀦𑀁… 𑀅𑀲𑀜𑁆𑀜𑀲𑀢𑁆𑀢𑀸𑀦𑀁…𑀧𑁂…. 𑀧𑀼𑀭𑁂𑀚𑀸𑀢𑀁 𑁋 𑀅𑀭𑀳𑀸 𑀘𑀓𑁆𑀔𑀼𑀁…𑀧𑁂… 𑀯𑀢𑁆𑀣𑀼𑀁 𑀅𑀦𑀺𑀘𑁆𑀘𑀢𑁄 𑀤𑀼𑀓𑁆𑀔𑀢𑁄 𑀅𑀦𑀢𑁆𑀢𑀢𑁄 𑀯𑀺𑀧𑀲𑁆𑀲𑀢𑀺, 𑀤𑀺𑀩𑁆𑀩𑁂𑀦 𑀘𑀓𑁆𑀔𑀼𑀦𑀸 𑀭𑀽𑀧𑀁 𑀧𑀲𑁆𑀲𑀢𑀺, 𑀤𑀺𑀩𑁆𑀩𑀸𑀬 𑀲𑁄𑀢𑀥𑀸𑀢𑀼𑀬𑀸 𑀲𑀤𑁆𑀤𑀁 𑀲𑀼𑀡𑀸𑀢𑀺, 𑀭𑀽𑀧𑀸𑀬𑀢𑀦𑀁 𑀘𑀓𑁆𑀔𑀼𑀯𑀺𑀜𑁆𑀜𑀸𑀡𑀲𑁆𑀲…𑀧𑁂… 𑀨𑁄𑀝𑁆𑀞𑀩𑁆𑀩𑀸𑀬𑀢𑀦𑀁 𑀓𑀸𑀬𑀯𑀺𑀜𑁆𑀜𑀸𑀡𑀲𑁆𑀲…𑀧𑁂… 𑀘𑀓𑁆𑀔𑀸𑀬𑀢𑀦𑀁 𑀘𑀓𑁆𑀔𑀼𑀯𑀺𑀜𑁆𑀜𑀸𑀡𑀲𑁆𑀲…𑀧𑁂… 𑀓𑀸𑀬𑀸𑀬𑀢𑀦𑀁 𑀓𑀸𑀬𑀯𑀺𑀜𑁆𑀜𑀸𑀡𑀲𑁆𑀲…𑀧𑁂… 𑀯𑀢𑁆𑀣𑀼 𑀦𑁂𑀯𑀸𑀘𑀬𑀕𑀸𑀫𑀺𑀦𑀸𑀧𑀘𑀬𑀕𑀸𑀫𑀻𑀦𑀁 𑀔𑀦𑁆𑀥𑀸𑀦𑀁 𑀅𑀢𑁆𑀣𑀺𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄. 𑀧𑀘𑁆𑀙𑀸𑀚𑀸𑀢𑀸 𑁋 𑀦𑁂𑀯𑀸𑀘𑀬𑀕𑀸𑀫𑀺𑀦𑀸𑀧𑀘𑀬𑀕𑀸𑀫𑀻 𑀔𑀦𑁆𑀥𑀸 𑀧𑀼𑀭𑁂𑀚𑀸𑀢𑀲𑁆𑀲 𑀇𑀫𑀲𑁆𑀲 𑀓𑀸𑀬𑀲𑁆𑀲 𑀅𑀢𑁆𑀣𑀺𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄. 𑀓𑀩𑀴𑀻𑀓𑀸𑀭𑁄 𑀆𑀳𑀸𑀭𑁄 𑀇𑀫𑀲𑁆𑀲 𑀓𑀸𑀬𑀲𑁆𑀲…𑀧𑁂… 𑀭𑀽𑀧𑀚𑀻𑀯𑀺𑀢𑀺𑀦𑁆𑀤𑁆𑀭𑀺𑀬𑀁 𑀓𑀝𑀢𑁆𑀢𑀸𑀭𑀽𑀧𑀸𑀦𑀁…𑀧𑁂…. (𑁧)

𑀦𑁂𑀯𑀸𑀘𑀬𑀕𑀸𑀫𑀺𑀦𑀸𑀧𑀘𑀬𑀕𑀸𑀫𑀻 𑀥𑀫𑁆𑀫𑁄 𑀆𑀘𑀬𑀕𑀸𑀫𑀺𑀲𑁆𑀲 𑀥𑀫𑁆𑀫𑀲𑁆𑀲 𑀅𑀢𑁆𑀣𑀺𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄. 𑀧𑀼𑀭𑁂𑀚𑀸𑀢𑀁 𑁋 𑀲𑁂𑀓𑁆𑀔𑀸 𑀯𑀸 𑀧𑀼𑀣𑀼𑀚𑁆𑀚𑀦𑀸 𑀯𑀸 𑀘𑀓𑁆𑀔𑀼𑀁 𑀅𑀦𑀺𑀘𑁆𑀘𑀢𑁄 𑀤𑀼𑀓𑁆𑀔𑀢𑁄 𑀅𑀦𑀢𑁆𑀢𑀢𑁄 𑀯𑀺𑀧𑀲𑁆𑀲𑀦𑁆𑀢𑀺, 𑀅𑀲𑁆𑀲𑀸𑀤𑁂𑀦𑁆𑀢𑀺 𑀅𑀪𑀺𑀦𑀦𑁆𑀤𑀦𑁆𑀢𑀺; 𑀢𑀁 𑀆𑀭𑀩𑁆𑀪 𑀭𑀸𑀕𑁄…𑀧𑁂… 𑀤𑁄𑀫𑀦𑀲𑁆𑀲𑀁 𑀉𑀧𑁆𑀧𑀚𑁆𑀚𑀢𑀺, 𑀲𑁄𑀢𑀁…𑀧𑁂… 𑀯𑀢𑁆𑀣𑀼𑀁 𑀅𑀦𑀺𑀘𑁆𑀘𑀢𑁄…𑀧𑁂… 𑀯𑀺𑀧𑀲𑁆𑀲𑀦𑁆𑀢𑀺, 𑀅𑀲𑁆𑀲𑀸𑀤𑁂𑀦𑁆𑀢𑀺 𑀅𑀪𑀺𑀦𑀦𑁆𑀤𑀦𑁆𑀢𑀺; 𑀢𑀁 𑀆𑀭𑀩𑁆𑀪 𑀭𑀸𑀕𑁄…𑀧𑁂… 𑀤𑁄𑀫𑀦𑀲𑁆𑀲𑀁 𑀉𑀧𑁆𑀧𑀚𑁆𑀚𑀢𑀺, 𑀤𑀺𑀩𑁆𑀩𑁂𑀦 𑀘𑀓𑁆𑀔𑀼𑀦𑀸 𑀭𑀽𑀧𑀁 𑀧𑀲𑁆𑀲𑀢𑀺, 𑀤𑀺𑀩𑁆𑀩𑀸𑀬 𑀲𑁄𑀢𑀥𑀸𑀢𑀼𑀬𑀸 𑀲𑀤𑁆𑀤𑀁 𑀲𑀼𑀡𑀸𑀢𑀺, 𑀯𑀢𑁆𑀣𑀼 𑀆𑀘𑀬𑀕𑀸𑀫𑀻𑀦𑀁 𑀔𑀦𑁆𑀥𑀸𑀦𑀁 𑀅𑀢𑁆𑀣𑀺𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄. (𑁨)

𑀦𑁂𑀯𑀸𑀘𑀬𑀕𑀸𑀫𑀺𑀦𑀸𑀧𑀘𑀬𑀕𑀸𑀫𑀻 𑀥𑀫𑁆𑀫𑁄 𑀅𑀧𑀘𑀬𑀕𑀸𑀫𑀺𑀲𑁆𑀲 𑀥𑀫𑁆𑀫𑀲𑁆𑀲 𑀅𑀢𑁆𑀣𑀺𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄. 𑀧𑀼𑀭𑁂𑀚𑀸𑀢𑀁 𑁋 𑀯𑀢𑁆𑀣𑀼 𑀅𑀧𑀘𑀬𑀕𑀸𑀫𑀻𑀦𑀁 𑀔𑀦𑁆𑀥𑀸𑀦𑀁 𑀅𑀢𑁆𑀣𑀺𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄. (𑁩)

𑁬𑁭. 𑀆𑀘𑀬𑀕𑀸𑀫𑀻 𑀘 𑀦𑁂𑀯𑀸𑀘𑀬𑀕𑀸𑀫𑀺𑀦𑀸𑀧𑀘𑀬𑀕𑀸𑀫𑀻 𑀘 𑀥𑀫𑁆𑀫𑀸 𑀆𑀘𑀬𑀕𑀸𑀫𑀺𑀲𑁆𑀲 𑀥𑀫𑁆𑀫𑀲𑁆𑀲 𑀅𑀢𑁆𑀣𑀺𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄 𑀲𑀳𑀚𑀸𑀢𑀁, 𑀧𑀼𑀭𑁂𑀚𑀸𑀢𑀁. 𑀲𑀳𑀚𑀸𑀢𑁄 𑁋 𑀆𑀘𑀬𑀕𑀸𑀫𑀻 𑀏𑀓𑁄 𑀔𑀦𑁆𑀥𑁄 𑀘 𑀯𑀢𑁆𑀣𑀼 𑀘 𑀢𑀺𑀡𑁆𑀡𑀦𑁆𑀦𑀁 𑀔𑀦𑁆𑀥𑀸𑀦𑀁 𑀅𑀢𑁆𑀣𑀺𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄…𑀧𑁂… 𑀤𑁆𑀯𑁂 𑀔𑀦𑁆𑀥𑀸…𑀧𑁂…. (𑁧)

𑀆𑀘𑀬𑀕𑀸𑀫𑀻 𑀘 𑀦𑁂𑀯𑀸𑀘𑀬𑀕𑀸𑀫𑀺𑀦𑀸𑀧𑀘𑀬𑀕𑀸𑀫𑀻 𑀘 𑀥𑀫𑁆𑀫𑀸 𑀦𑁂𑀯𑀸𑀘𑀬𑀕𑀸𑀫𑀺𑀦𑀸𑀧𑀘𑀬𑀕𑀸𑀫𑀺𑀲𑁆𑀲 𑀥𑀫𑁆𑀫𑀲𑁆𑀲 𑀅𑀢𑁆𑀣𑀺𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄 𑁋 𑀲𑀳𑀚𑀸𑀢𑀁, 𑀧𑀘𑁆𑀙𑀸𑀚𑀸𑀢𑀁, 𑀆𑀳𑀸𑀭𑀁, 𑀇𑀦𑁆𑀤𑁆𑀭𑀺𑀬𑀁. 𑀲𑀳𑀚𑀸𑀢𑀸 𑁋 𑀆𑀘𑀬𑀕𑀸𑀫𑀻 𑀔𑀦𑁆𑀥𑀸 𑀘 𑀫𑀳𑀸𑀪𑀽𑀢𑀸 𑀘 𑀘𑀺𑀢𑁆𑀢𑀲𑀫𑀼𑀝𑁆𑀞𑀸𑀦𑀸𑀦𑀁 𑀭𑀽𑀧𑀸𑀦𑀁 𑀅𑀢𑁆𑀣𑀺𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄. 𑀧𑀘𑁆𑀙𑀸𑀚𑀸𑀢𑀸 𑁋 𑀆𑀘𑀬𑀕𑀸𑀫𑀻 𑀔𑀦𑁆𑀥𑀸 𑀘 𑀓𑀩𑀴𑀻𑀓𑀸𑀭𑁄 𑀆𑀳𑀸𑀭𑁄 𑀘 𑀇𑀫𑀲𑁆𑀲 𑀓𑀸𑀬𑀲𑁆𑀲 𑀅𑀢𑁆𑀣𑀺𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄. 𑀧𑀘𑁆𑀙𑀸𑀚𑀸𑀢𑀸 𑁋 𑀆𑀘𑀬𑀕𑀸𑀫𑀻 𑀔𑀦𑁆𑀥𑀸 𑀘 𑀭𑀽𑀧𑀚𑀻𑀯𑀺𑀢𑀺𑀦𑁆𑀤𑁆𑀭𑀺𑀬𑀜𑁆𑀘 𑀓𑀝𑀢𑁆𑀢𑀸𑀭𑀽𑀧𑀸𑀦𑀁 𑀅𑀢𑁆𑀣𑀺𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄. (𑁨)

𑀅𑀧𑀘𑀬𑀕𑀸𑀫𑀻 𑀘 𑀦𑁂𑀯𑀸𑀘𑀬𑀕𑀸𑀫𑀺𑀦𑀸𑀧𑀘𑀬𑀕𑀸𑀫𑀻 𑀘 𑀥𑀫𑁆𑀫𑀸 𑀅𑀧𑀘𑀬𑀕𑀸𑀫𑀺𑀲𑁆𑀲 𑀥𑀫𑁆𑀫𑀲𑁆𑀲 𑀅𑀢𑁆𑀣𑀺𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄 (𑀤𑁆𑀯𑁂 𑀓𑀸𑀢𑀩𑁆𑀩𑀸 𑀤𑀲𑁆𑀲𑀺𑀢𑀦𑀬𑁂𑀦), 𑀦𑀢𑁆𑀣𑀺𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄, 𑀯𑀺𑀕𑀢𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄, 𑀅𑀯𑀺𑀕𑀢𑀧𑀘𑁆𑀘𑀬𑁂𑀦 𑀧𑀘𑁆𑀘𑀬𑁄.