𑁧. 𑀯𑀺𑀪𑀗𑁆𑀕𑀯𑀸𑀭𑁄

𑀦𑀳𑁂𑀢𑀼𑀧𑀘𑁆𑀘𑀬𑁄

𑁩𑁫𑁧. 𑀅𑀓𑀼𑀲𑀮𑀁 𑀥𑀫𑁆𑀫𑀁 𑀲𑀁𑀲𑀝𑁆𑀞𑁄 𑀅𑀓𑀼𑀲𑀮𑁄 𑀥𑀫𑁆𑀫𑁄 𑀉𑀧𑁆𑀧𑀚𑁆𑀚𑀢𑀺 𑀦𑀳𑁂𑀢𑀼𑀧𑀘𑁆𑀘𑀬𑀸 𑁋 𑀯𑀺𑀘𑀺𑀓𑀺𑀘𑁆𑀙𑀸𑀲𑀳𑀕𑀢𑁂 𑀉𑀤𑁆𑀥𑀘𑁆𑀘𑀲𑀳𑀕𑀢𑁂 𑀔𑀦𑁆𑀥𑁂 𑀲𑀁𑀲𑀝𑁆𑀞𑁄 𑀯𑀺𑀘𑀺𑀓𑀺𑀘𑁆𑀙𑀸𑀲𑀳𑀕𑀢𑁄 𑀉𑀤𑁆𑀥𑀘𑁆𑀘𑀲𑀳𑀕𑀢𑁄 𑀫𑁄𑀳𑁄. (𑁧)

𑀅𑀩𑁆𑀬𑀸𑀓𑀢𑀁 𑀥𑀫𑁆𑀫𑀁 𑀲𑀁𑀲𑀝𑁆𑀞𑁄 𑀅𑀩𑁆𑀬𑀸𑀓𑀢𑁄 𑀥𑀫𑁆𑀫𑁄 𑀉𑀧𑁆𑀧𑀚𑁆𑀚𑀢𑀺 𑀦𑀳𑁂𑀢𑀼𑀧𑀘𑁆𑀘𑀬𑀸 𑁋 𑀅𑀳𑁂𑀢𑀼𑀓𑀁 𑀯𑀺𑀧𑀸𑀓𑀸𑀩𑁆𑀬𑀸𑀓𑀢𑀁 𑀓𑀺𑀭𑀺𑀬𑀸𑀩𑁆𑀬𑀸𑀓𑀢𑀁 𑀏𑀓𑀁 𑀔𑀦𑁆𑀥𑀁 𑀲𑀁𑀲𑀝𑁆𑀞𑀸 𑀢𑀬𑁄 𑀔𑀦𑁆𑀥𑀸, 𑀢𑀬𑁄 𑀔𑀦𑁆𑀥𑁂 𑀲𑀁𑀲𑀝𑁆𑀞𑁄 𑀏𑀓𑁄 𑀔𑀦𑁆𑀥𑁄, 𑀤𑁆𑀯𑁂 𑀔𑀦𑁆𑀥𑁂 𑀲𑀁𑀲𑀝𑁆𑀞𑀸 𑀤𑁆𑀯𑁂 𑀔𑀦𑁆𑀥𑀸; 𑀅𑀳𑁂𑀢𑀼𑀓𑀧𑀝𑀺𑀲𑀦𑁆𑀥𑀺𑀓𑁆𑀔𑀡𑁂 𑀯𑀺𑀧𑀸𑀓𑀸𑀩𑁆𑀬𑀸𑀓𑀢𑀁 𑀏𑀓𑀁 𑀔𑀦𑁆𑀥𑀁 𑀲𑀁𑀲𑀝𑁆𑀞𑀸 𑀢𑀬𑁄 𑀔𑀦𑁆𑀥𑀸, 𑀢𑀬𑁄 𑀔𑀦𑁆𑀥𑁂 𑀲𑀁𑀲𑀝𑁆𑀞𑁄 𑀏𑀓𑁄 𑀔𑀦𑁆𑀥𑁄, 𑀤𑁆𑀯𑁂 𑀔𑀦𑁆𑀥𑁂 𑀲𑀁𑀲𑀝𑁆𑀞𑀸 𑀤𑁆𑀯𑁂 𑀔𑀦𑁆𑀥𑀸. (𑁧)

𑀦𑀅𑀥𑀺𑀧𑀢𑀺𑀆𑀤𑀺𑀧𑀘𑁆𑀘𑀬𑀸

𑁩𑁫𑁨. 𑀓𑀼𑀲𑀮𑀁 𑀥𑀫𑁆𑀫𑀁 𑀲𑀁𑀲𑀝𑁆𑀞𑁄 𑀓𑀼𑀲𑀮𑁄 𑀥𑀫𑁆𑀫𑁄 𑀉𑀧𑁆𑀧𑀚𑁆𑀚𑀢𑀺 𑀦𑀅𑀥𑀺𑀧𑀢𑀺𑀧𑀘𑁆𑀘𑀬𑀸… 𑀦𑀧𑀼𑀭𑁂𑀚𑀸𑀢𑀧𑀘𑁆𑀘𑀬𑀸 𑁋 𑀅𑀭𑀽𑀧𑁂 [𑀆𑀭𑀼𑀧𑁆𑀧𑁂 (𑀲𑀩𑁆𑀩𑀢𑁆𑀣)] 𑀓𑀼𑀲𑀮𑀁 𑀏𑀓𑀁 𑀔𑀦𑁆𑀥𑀁 𑀲𑀁𑀲𑀝𑁆𑀞𑀸 𑀢𑀬𑁄 𑀔𑀦𑁆𑀥𑀸…𑀧𑁂… 𑀤𑁆𑀯𑁂 𑀔𑀦𑁆𑀥𑁂 𑀲𑀁𑀲𑀝𑁆𑀞𑀸 𑀤𑁆𑀯𑁂 𑀔𑀦𑁆𑀥𑀸. 𑀅𑀓𑀼𑀲𑀮𑀁 𑀥𑀫𑁆𑀫𑀁…𑀧𑁂… 𑀅𑀩𑁆𑀬𑀸𑀓𑀢𑀁 𑀥𑀫𑁆𑀫𑀁…𑀧𑁂….

𑀦𑀧𑀘𑁆𑀙𑀸𑀚𑀸𑀢-𑀦𑀆𑀲𑁂𑀯𑀦𑀧𑀘𑁆𑀘𑀬𑀸

𑁩𑁫𑁩. 𑀓𑀼𑀲𑀮𑀁 𑀥𑀫𑁆𑀫𑀁 𑀲𑀁𑀲𑀝𑁆𑀞𑁄 𑀓𑀼𑀲𑀮𑁄 𑀥𑀫𑁆𑀫𑁄 𑀉𑀧𑁆𑀧𑀚𑁆𑀚𑀢𑀺 𑀦𑀧𑀘𑁆𑀙𑀸𑀚𑀸𑀢𑀧𑀘𑁆𑀘𑀬𑀸… 𑀢𑀻𑀡𑀺. 𑀦𑀆𑀲𑁂𑀯𑀦𑀧𑀘𑁆𑀘𑀬𑀸… 𑀢𑀻𑀡𑀺.

𑀦𑀓𑀫𑁆𑀫𑀧𑀘𑁆𑀘𑀬𑁄

𑁩𑁫𑁪. 𑀓𑀼𑀲𑀮𑀁 𑀥𑀫𑁆𑀫𑀁 𑀲𑀁𑀲𑀝𑁆𑀞𑁄 𑀓𑀼𑀲𑀮𑁄 𑀥𑀫𑁆𑀫𑁄 𑀉𑀧𑁆𑀧𑀚𑁆𑀚𑀢𑀺 𑀦𑀓𑀫𑁆𑀫𑀧𑀘𑁆𑀘𑀬𑀸. 𑀓𑀼𑀲𑀮𑁂 𑀔𑀦𑁆𑀥𑁂 𑀲𑀁𑀲𑀝𑁆𑀞𑀸 𑀓𑀼𑀲𑀮𑀸 𑀘𑁂𑀢𑀦𑀸. (𑁧)

𑀅𑀓𑀼𑀲𑀮𑀁 𑀥𑀫𑁆𑀫𑀁 𑀲𑀁𑀲𑀝𑁆𑀞𑁄 𑀅𑀓𑀼𑀲𑀮𑁄 𑀥𑀫𑁆𑀫𑁄 𑀉𑀧𑁆𑀧𑀚𑁆𑀚𑀢𑀺 𑀦𑀓𑀫𑁆𑀫𑀧𑀘𑁆𑀘𑀬𑀸. 𑀅𑀓𑀼𑀲𑀮𑁂 𑀔𑀦𑁆𑀥𑁂 𑀲𑀁𑀲𑀝𑁆𑀞𑀸 𑀅𑀓𑀼𑀲𑀮𑀸 𑀘𑁂𑀢𑀦𑀸. (𑁧)

𑀅𑀩𑁆𑀬𑀸𑀓𑀢𑀁 𑀥𑀫𑁆𑀫𑀁 𑀲𑀁𑀲𑀝𑁆𑀞𑁄 𑀅𑀩𑁆𑀬𑀸𑀓𑀢𑁄 𑀥𑀫𑁆𑀫𑁄 𑀉𑀧𑁆𑀧𑀚𑁆𑀚𑀢𑀺 𑀦𑀓𑀫𑁆𑀫𑀧𑀘𑁆𑀘𑀬𑀸. 𑀓𑀺𑀭𑀺𑀬𑀸𑀩𑁆𑀬𑀸𑀓𑀢𑁂 𑀔𑀦𑁆𑀥𑁂 𑀲𑀁𑀲𑀝𑁆𑀞𑀸 𑀓𑀺𑀭𑀺𑀬𑀸𑀩𑁆𑀬𑀸𑀓𑀢𑀸 𑀘𑁂𑀢𑀦𑀸. (𑁧)

𑀦𑀯𑀺𑀧𑀸𑀓𑀧𑀘𑁆𑀘𑀬𑁄

𑁩𑁫𑁫. 𑀓𑀼𑀲𑀮𑀁 𑀥𑀫𑁆𑀫𑀁 𑀲𑀁𑀲𑀝𑁆𑀞𑁄…𑀧𑁂… 𑀅𑀓𑀼𑀲𑀮𑀁 𑀥𑀫𑁆𑀫𑀁…𑀧𑁂… 𑀅𑀩𑁆𑀬𑀸𑀓𑀢𑀁 𑀥𑀫𑁆𑀫𑀁 𑀲𑀁𑀲𑀝𑁆𑀞𑁄 𑀅𑀩𑁆𑀬𑀸𑀓𑀢𑁄 𑀥𑀫𑁆𑀫𑁄 𑀉𑀧𑁆𑀧𑀚𑁆𑀚𑀢𑀺 𑀦𑀯𑀺𑀧𑀸𑀓𑀧𑀘𑁆𑀘𑀬𑀸 𑁋 𑀓𑀺𑀭𑀺𑀬𑀸𑀩𑁆𑀬𑀸𑀓𑀢𑀁 𑀏𑀓𑀁 𑀔𑀦𑁆𑀥𑀁.

(𑀲𑀁𑀲𑀝𑁆𑀞𑀯𑀸𑀭𑁂 𑀧𑀘𑁆𑀘𑀦𑀻𑀬𑀯𑀺𑀪𑀗𑁆𑀕𑁂 𑀦𑀓𑀫𑁆𑀫𑁂 𑀘 𑀦𑀯𑀺𑀧𑀸𑀓𑁂 𑀘 𑀧𑀝𑀺𑀲𑀦𑁆𑀥𑀺 𑀦𑀢𑁆𑀣𑀺; 𑀅𑀯𑀲𑁂𑀲𑁂𑀲𑀼 𑀲𑀩𑁆𑀩𑀢𑁆𑀣 𑀅𑀢𑁆𑀣𑀺.)

𑀦𑀛𑀸𑀦𑀧𑀘𑁆𑀘𑀬𑁄

𑁩𑁫𑁬. 𑀅𑀩𑁆𑀬𑀸𑀓𑀢𑀁 𑀥𑀫𑁆𑀫𑀁 𑀲𑀁𑀲𑀝𑁆𑀞𑁄 𑀅𑀩𑁆𑀬𑀸𑀓𑀢𑁄 𑀥𑀫𑁆𑀫𑁄 𑀉𑀧𑁆𑀧𑀚𑁆𑀚𑀢𑀺 𑀦𑀛𑀸𑀦𑀧𑀘𑁆𑀘𑀬𑀸 𑁋 𑀧𑀜𑁆𑀘𑀯𑀺𑀜𑁆𑀜𑀸𑀡𑀲𑀳𑀕𑀢𑀁 𑀏𑀓𑀁 𑀔𑀦𑁆𑀥𑀁 𑀲𑀁𑀲𑀝𑁆𑀞𑀸 𑀢𑀬𑁄 𑀔𑀦𑁆𑀥𑀸…𑀧𑁂… 𑀤𑁆𑀯𑁂 𑀔𑀦𑁆𑀥𑁂 𑀲𑀁𑀲𑀝𑁆𑀞𑀸 𑀤𑁆𑀯𑁂 𑀔𑀦𑁆𑀥𑀸. (𑁧)

𑀦𑀫𑀕𑁆𑀕𑀧𑀘𑁆𑀘𑀬𑁄

𑁩𑁫𑁭. 𑀅𑀩𑁆𑀬𑀸𑀓𑀢𑀁 𑀥𑀫𑁆𑀫𑀁 𑀲𑀁𑀲𑀝𑁆𑀞𑁄 𑀅𑀩𑁆𑀬𑀸𑀓𑀢𑁄 𑀥𑀫𑁆𑀫𑁄 𑀉𑀧𑁆𑀧𑀚𑁆𑀚𑀢𑀺 𑀦𑀫𑀕𑁆𑀕𑀧𑀘𑁆𑀘𑀬𑀸 𑁋 𑀅𑀳𑁂𑀢𑀼𑀓𑀁 𑀯𑀺𑀧𑀸𑀓𑀸𑀩𑁆𑀬𑀸𑀓𑀢𑀁 𑀓𑀺𑀭𑀺𑀬𑀸𑀩𑁆𑀬𑀸𑀓𑀢𑀁 𑀏𑀓𑀁 𑀔𑀦𑁆𑀥𑀁 𑀲𑀁𑀲𑀝𑁆𑀞𑀸 𑀢𑀬𑁄 𑀔𑀦𑁆𑀥𑀸…𑀧𑁂… 𑀤𑁆𑀯𑁂 𑀔𑀦𑁆𑀥𑁂 𑀲𑀁𑀲𑀝𑁆𑀞𑀸 𑀤𑁆𑀯𑁂 𑀔𑀦𑁆𑀥𑀸; 𑀅𑀳𑁂𑀢𑀼𑀓𑀧𑀝𑀺𑀲𑀦𑁆𑀥𑀺𑀓𑁆𑀔𑀡𑁂…𑀧𑁂…. (𑁧)

𑀦𑀯𑀺𑀧𑁆𑀧𑀬𑀼𑀢𑁆𑀢𑀧𑀘𑁆𑀘𑀬𑁄

𑁩𑁫𑁮. 𑀓𑀼𑀲𑀮𑀁 𑀥𑀫𑁆𑀫𑀁 𑀲𑀁𑀲𑀝𑁆𑀞𑁄 𑀓𑀼𑀲𑀮𑁄 𑀥𑀫𑁆𑀫𑁄 𑀉𑀧𑁆𑀧𑀚𑁆𑀚𑀢𑀺 𑀦𑀯𑀺𑀧𑁆𑀧𑀬𑀼𑀢𑁆𑀢𑀧𑀘𑁆𑀘𑀬𑀸 𑁋 𑀅𑀭𑀽𑀧𑁂 𑀓𑀼𑀲𑀮𑀁 𑀏𑀓𑀁 𑀔𑀦𑁆𑀥𑀁 𑀲𑀁𑀲𑀝𑁆𑀞𑀸 𑀢𑀬𑁄 𑀔𑀦𑁆𑀥𑀸…𑀧𑁂… 𑀤𑁆𑀯𑁂 𑀔𑀦𑁆𑀥𑁂 𑀲𑀁𑀲𑀝𑁆𑀞𑀸 𑀤𑁆𑀯𑁂 𑀔𑀦𑁆𑀥𑀸. (𑁧)

𑀅𑀓𑀼𑀲𑀮𑀁 𑀥𑀫𑁆𑀫𑀁 𑀲𑀁𑀲𑀝𑁆𑀞𑁄 𑀅𑀓𑀼𑀲𑀮𑁄 𑀥𑀫𑁆𑀫𑁄 𑀉𑀧𑁆𑀧𑀚𑁆𑀚𑀢𑀺 𑀦𑀯𑀺𑀧𑁆𑀧𑀬𑀼𑀢𑁆𑀢𑀧𑀘𑁆𑀘𑀬𑀸 𑁋 𑀅𑀭𑀽𑀧𑁂 𑀅𑀓𑀼𑀲𑀮𑀁 𑀏𑀓𑀁 𑀔𑀦𑁆𑀥𑀁 𑀲𑀁𑀲𑀝𑁆𑀞𑀸 𑀢𑀬𑁄 𑀔𑀦𑁆𑀥𑀸…𑀧𑁂… 𑀤𑁆𑀯𑁂 𑀔𑀦𑁆𑀥𑁂 𑀲𑀁𑀲𑀝𑁆𑀞𑀸 𑀤𑁆𑀯𑁂 𑀔𑀦𑁆𑀥𑀸. (𑁧)

𑀅𑀩𑁆𑀬𑀸𑀓𑀢𑀁 𑀥𑀫𑁆𑀫𑀁 𑀲𑀁𑀲𑀝𑁆𑀞𑁄 𑀅𑀩𑁆𑀬𑀸𑀓𑀢𑁄 𑀥𑀫𑁆𑀫𑁄 𑀉𑀧𑁆𑀧𑀚𑁆𑀚𑀢𑀺 𑀦𑀯𑀺𑀧𑁆𑀧𑀬𑀼𑀢𑁆𑀢𑀧𑀘𑁆𑀘𑀬𑀸 𑁋 𑀅𑀭𑀽𑀧𑁂 𑀯𑀺𑀧𑀸𑀓𑀸𑀩𑁆𑀬𑀸𑀓𑀢𑀁 𑀓𑀺𑀭𑀺𑀬𑀸𑀩𑁆𑀬𑀸𑀓𑀢𑀁 𑀏𑀓𑀁 𑀔𑀦𑁆𑀥𑀁 𑀲𑀁𑀲𑀝𑁆𑀞𑀸 𑀢𑀬𑁄 𑀔𑀦𑁆𑀥𑀸…𑀧𑁂… 𑀤𑁆𑀯𑁂 𑀔𑀦𑁆𑀥𑁂 𑀲𑀁𑀲𑀝𑁆𑀞𑀸 𑀤𑁆𑀯𑁂 𑀔𑀦𑁆𑀥𑀸. (𑀦𑀯𑀺𑀧𑁆𑀧𑀬𑀼𑀢𑁆𑀢𑁂 𑀧𑀝𑀺𑀲𑀦𑁆𑀥𑀺 𑀦𑀢𑁆𑀣𑀺.) (𑁧)