𑁧𑁨. 𑀤𑁆𑀯𑀸𑀤𑀲𑀫𑀯𑀕𑁆𑀕𑁄

(𑁧𑁧𑁯) 𑁪. 𑀲𑀴𑀸𑀬𑀢𑀦𑀓𑀣𑀸

𑁬𑁩𑁮. 𑀘𑀓𑁆𑀔𑀸𑀬𑀢𑀦𑀁 𑀯𑀺𑀧𑀸𑀓𑁄𑀢𑀺? 𑀆𑀫𑀦𑁆𑀢𑀸. 𑀲𑀼𑀔𑀯𑁂𑀤𑀦𑀺𑀬𑀁 𑀤𑀼𑀓𑁆𑀔𑀯𑁂𑀤𑀦𑀺𑀬𑀁…𑀧𑁂… 𑀲𑀸𑀭𑀫𑁆𑀫𑀡𑀁, 𑀅𑀢𑁆𑀣𑀺 𑀢𑀲𑁆𑀲 𑀆𑀯𑀝𑁆𑀝𑀦𑀸…𑀧𑁂… 𑀧𑀡𑀺𑀥𑀻𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂… 𑀦𑀦𑀼 𑀦 𑀲𑀼𑀔𑀯𑁂𑀤𑀦𑀺𑀬𑀁…𑀧𑁂… 𑀅𑀦𑀸𑀭𑀫𑁆𑀫𑀡𑀁, 𑀦𑀢𑁆𑀣𑀺 𑀢𑀲𑁆𑀲 𑀆𑀯𑀝𑁆𑀝𑀦𑀸…𑀧𑁂… 𑀧𑀡𑀺𑀥𑀻𑀢𑀺? 𑀆𑀫𑀦𑁆𑀢𑀸. 𑀳𑀜𑁆𑀘𑀺 𑀦 𑀲𑀼𑀔𑀯𑁂𑀤𑀦𑀺𑀬𑀁…𑀧𑁂… 𑀅𑀦𑀸𑀭𑀫𑁆𑀫𑀡𑀁, 𑀦𑀢𑁆𑀣𑀺 𑀢𑀲𑁆𑀲 𑀆𑀯𑀝𑁆𑀝𑀦𑀸…𑀧𑁂… 𑀧𑀡𑀺𑀥𑀺, 𑀦𑁄 𑀘 𑀯𑀢 𑀭𑁂 𑀯𑀢𑁆𑀢𑀩𑁆𑀩𑁂 𑁋 ‘‘𑀘𑀓𑁆𑀔𑀸𑀬𑀢𑀦𑀁 𑀯𑀺𑀧𑀸𑀓𑁄’’𑀢𑀺…𑀧𑁂….

𑀨𑀲𑁆𑀲𑁄 𑀯𑀺𑀧𑀸𑀓𑁄, 𑀨𑀲𑁆𑀲𑁄 𑀲𑀼𑀔𑀯𑁂𑀤𑀦𑀺𑀬𑁄…𑀧𑁂… 𑀲𑀸𑀭𑀫𑁆𑀫𑀡𑁄, 𑀅𑀢𑁆𑀣𑀺 𑀢𑀲𑁆𑀲 𑀆𑀯𑀝𑁆𑀝𑀦𑀸…𑀧𑁂… 𑀧𑀡𑀺𑀥𑀻𑀢𑀺? 𑀆𑀫𑀦𑁆𑀢𑀸. 𑀘𑀓𑁆𑀔𑀸𑀬𑀢𑀦𑀁 𑀯𑀺𑀧𑀸𑀓𑁄, 𑀘𑀓𑁆𑀔𑀸𑀬𑀢𑀦𑀁 𑀲𑀼𑀔𑀯𑁂𑀤𑀦𑀺𑀬𑀁…𑀧𑁂… 𑀲𑀸𑀭𑀫𑁆𑀫𑀡𑀁, 𑀅𑀢𑁆𑀣𑀺 𑀢𑀲𑁆𑀲 𑀆𑀯𑀝𑁆𑀝𑀦𑀸…𑀧𑁂… 𑀧𑀡𑀺𑀥𑀻𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑀘𑀓𑁆𑀔𑀸𑀬𑀢𑀦𑀁 𑀯𑀺𑀧𑀸𑀓𑁄, 𑀘𑀓𑁆𑀔𑀸𑀬𑀢𑀦𑀁 𑀦 𑀲𑀼𑀔𑀯𑁂𑀤𑀦𑀺𑀬𑀁…𑀧𑁂… 𑀅𑀦𑀸𑀭𑀫𑁆𑀫𑀡𑀁, 𑀦𑀢𑁆𑀣𑀺 𑀢𑀲𑁆𑀲 𑀆𑀯𑀝𑁆𑀝𑀦𑀸…𑀧𑁂… 𑀧𑀡𑀺𑀥𑀻𑀢𑀺? 𑀆𑀫𑀦𑁆𑀢𑀸. 𑀨𑀲𑁆𑀲𑁄 𑀯𑀺𑀧𑀸𑀓𑁄, 𑀨𑀲𑁆𑀲𑁄 𑀦 𑀲𑀼𑀔𑀯𑁂𑀤𑀦𑀺𑀬𑁄…𑀧𑁂… 𑀅𑀦𑀸𑀭𑀫𑁆𑀫𑀡𑁄, 𑀦𑀢𑁆𑀣𑀺 𑀢𑀲𑁆𑀲 𑀆𑀯𑀝𑁆𑀝𑀦𑀸…𑀧𑁂… 𑀧𑀡𑀺𑀥𑀻𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑁬𑁩𑁯. 𑀲𑁄𑀢𑀸𑀬𑀢𑀦𑀁…𑀧𑁂… 𑀖𑀸𑀦𑀸𑀬𑀢𑀦𑀁…𑀧𑁂… 𑀚𑀺𑀯𑁆𑀳𑀸𑀬𑀢𑀦𑀁…𑀧𑁂… 𑀓𑀸𑀬𑀸𑀬𑀢𑀦𑀁 𑀯𑀺𑀧𑀸𑀓𑁄𑀢𑀺? 𑀆𑀫𑀦𑁆𑀢𑀸. 𑀲𑀼𑀔𑀯𑁂𑀤𑀦𑀺𑀬𑀁…𑀧𑁂… 𑀲𑀸𑀭𑀫𑁆𑀫𑀡𑀁, 𑀅𑀢𑁆𑀣𑀺 𑀢𑀲𑁆𑀲 𑀆𑀯𑀝𑁆𑀝𑀦𑀸…𑀧𑁂… 𑀧𑀡𑀺𑀥𑀻𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂 …𑀧𑁂… 𑀦𑀦𑀼 𑀦 𑀲𑀼𑀔𑀯𑁂𑀤𑀦𑀺𑀬𑀁…𑀧𑁂… 𑀅𑀦𑀸𑀭𑀫𑁆𑀫𑀡𑀁, 𑀦𑀢𑁆𑀣𑀺 𑀢𑀲𑁆𑀲 𑀆𑀯𑀝𑁆𑀝𑀦𑀸…𑀧𑁂… 𑀧𑀡𑀺𑀥𑀻𑀢𑀺? 𑀆𑀫𑀦𑁆𑀢𑀸. 𑀳𑀜𑁆𑀘𑀺 𑀦 𑀲𑀼𑀔𑀯𑁂𑀤𑀦𑀺𑀬𑀁…𑀧𑁂… 𑀅𑀦𑀸𑀭𑀫𑁆𑀫𑀡𑀁, 𑀦𑀢𑁆𑀣𑀺 𑀢𑀲𑁆𑀲 𑀆𑀯𑀝𑁆𑀝𑀦𑀸…𑀧𑁂… 𑀧𑀡𑀺𑀥𑀺, 𑀦𑁄 𑀘 𑀯𑀢 𑀭𑁂 𑀯𑀢𑁆𑀢𑀩𑁆𑀩𑁂 𑁋 ‘‘𑀓𑀸𑀬𑀸𑀬𑀢𑀦𑀁 𑀯𑀺𑀧𑀸𑀓𑁄’’𑀢𑀺.

𑀨𑀲𑁆𑀲𑁄 𑀯𑀺𑀧𑀸𑀓𑁄, 𑀨𑀲𑁆𑀲𑁄 𑀲𑀼𑀔𑀯𑁂𑀤𑀦𑀺𑀬𑁄…𑀧𑁂… 𑀲𑀸𑀭𑀫𑁆𑀫𑀡𑁄, 𑀅𑀢𑁆𑀣𑀺 𑀢𑀲𑁆𑀲 𑀆𑀯𑀝𑁆𑀝𑀦𑀸…𑀧𑁂… 𑀧𑀡𑀺𑀥𑀻𑀢𑀺? 𑀆𑀫𑀦𑁆𑀢𑀸. 𑀓𑀸𑀬𑀸𑀬𑀢𑀦𑀁 𑀯𑀺𑀧𑀸𑀓𑁄, 𑀓𑀸𑀬𑀸𑀬𑀢𑀦𑀁 𑀲𑀼𑀔𑀯𑁂𑀤𑀦𑀺𑀬𑀁…𑀧𑁂… 𑀲𑀸𑀭𑀫𑁆𑀫𑀡𑀁, 𑀅𑀢𑁆𑀣𑀺 𑀢𑀲𑁆𑀲 𑀆𑀯𑀝𑁆𑀝𑀦𑀸…𑀧𑁂… 𑀧𑀡𑀺𑀥𑀻𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂 …𑀧𑁂… 𑀓𑀸𑀬𑀸𑀬𑀢𑀦𑀁 𑀯𑀺𑀧𑀸𑀓𑁄, 𑀓𑀸𑀬𑀸𑀬𑀢𑀦𑀁 𑀦 𑀲𑀼𑀔𑀯𑁂𑀤𑀦𑀺𑀬𑀁…𑀧𑁂… 𑀅𑀦𑀸𑀭𑀫𑁆𑀫𑀡𑀁, 𑀦𑀢𑁆𑀣𑀺 𑀢𑀲𑁆𑀲 𑀆𑀯𑀝𑁆𑀝𑀦𑀸…𑀧𑁂… 𑀧𑀡𑀺𑀥𑀻𑀢𑀺? 𑀆𑀫𑀦𑁆𑀢𑀸. 𑀨𑀲𑁆𑀲𑁄 𑀯𑀺𑀧𑀸𑀓𑁄, 𑀨𑀲𑁆𑀲𑁄 𑀦 𑀲𑀼𑀔𑀯𑁂𑀤𑀦𑀺𑀬𑁄…𑀧𑁂… 𑀅𑀦𑀸𑀭𑀫𑁆𑀫𑀡𑁄, 𑀦𑀢𑁆𑀣𑀺 𑀢𑀲𑁆𑀲 𑀆𑀯𑀝𑁆𑀝𑀦𑀸…𑀧𑁂… 𑀧𑀡𑀺𑀥𑀻𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑁬𑁪𑁦. 𑀦 𑀯𑀢𑁆𑀢𑀩𑁆𑀩𑀁 𑁋 ‘‘𑀲𑀴𑀸𑀬𑀢𑀦𑀁 𑀯𑀺𑀧𑀸𑀓𑁄’’𑀢𑀺? 𑀆𑀫𑀦𑁆𑀢𑀸. 𑀦𑀦𑀼 𑀲𑀴𑀸𑀬𑀢𑀦𑀁 𑀓𑀫𑁆𑀫𑀲𑁆𑀲 𑀓𑀢𑀢𑁆𑀢𑀸 𑀉𑀧𑁆𑀧𑀦𑁆𑀦𑀦𑁆𑀢𑀺? 𑀆𑀫𑀦𑁆𑀢𑀸. 𑀳𑀜𑁆𑀘𑀺 𑀲𑀴𑀸𑀬𑀢𑀦𑀁 𑀓𑀫𑁆𑀫𑀲𑁆𑀲 𑀓𑀢𑀢𑁆𑀢𑀸 𑀉𑀧𑁆𑀧𑀦𑁆𑀦𑀁, 𑀢𑁂𑀦 𑀯𑀢 𑀭𑁂 𑀯𑀢𑁆𑀢𑀩𑁆𑀩𑁂 𑁋 ‘‘𑀲𑀴𑀸𑀬𑀢𑀦𑀁 𑀯𑀺𑀧𑀸𑀓𑁄’’𑀢𑀺.

𑀲𑀴𑀸𑀬𑀢𑀦𑀓𑀣𑀸 𑀦𑀺𑀝𑁆𑀞𑀺𑀢𑀸.