𑁧𑁧. 𑀏𑀓𑀸𑀤𑀲𑀫𑀯𑀕𑁆𑀕𑁄

(𑁧𑁦𑁯) 𑁪. 𑀜𑀸𑀡𑀓𑀣𑀸

𑁬𑁧𑁪. 𑀅𑀜𑁆𑀜𑀸𑀡𑁂 𑀯𑀺𑀕𑀢𑁂 𑀜𑀸𑀡𑀯𑀺𑀧𑁆𑀧𑀬𑀼𑀢𑁆𑀢𑁂 𑀘𑀺𑀢𑁆𑀢𑁂 𑀯𑀢𑁆𑀢𑀫𑀸𑀦𑁂 𑀦 𑀯𑀢𑁆𑀢𑀩𑁆𑀩𑀁 𑁋 ‘‘𑀜𑀸𑀡𑀻’’𑀢𑀺? 𑀆𑀫𑀦𑁆𑀢𑀸. 𑀭𑀸𑀕𑁂 𑀯𑀺𑀕𑀢𑁂 𑀦 𑀯𑀢𑁆𑀢𑀩𑁆𑀩𑀁 𑁋 ‘‘𑀯𑀻𑀢𑀭𑀸𑀕𑁄’’𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂… 𑀅𑀜𑁆𑀜𑀸𑀡𑁂 𑀯𑀺𑀕𑀢𑁂 𑀜𑀸𑀡𑀯𑀺𑀧𑁆𑀧𑀬𑀼𑀢𑁆𑀢𑁂 𑀘𑀺𑀢𑁆𑀢𑁂 𑀯𑀢𑁆𑀢𑀫𑀸𑀦𑁂 𑀦 𑀯𑀢𑁆𑀢𑀩𑁆𑀩𑀁 𑁋 ‘‘𑀜𑀸𑀡𑀻’’𑀢𑀺? 𑀆𑀫𑀦𑁆𑀢𑀸. 𑀤𑁄𑀲𑁂 𑀯𑀺𑀕𑀢𑁂… 𑀫𑁄𑀳𑁂 𑀯𑀺𑀕𑀢𑁂… 𑀓𑀺𑀮𑁂𑀲𑁂 𑀯𑀺𑀕𑀢𑁂 𑀦 𑀯𑀢𑁆𑀢𑀩𑁆𑀩𑀁 𑁋 ‘‘𑀦𑀺𑀓𑁆𑀓𑀺𑀮𑁂𑀲𑁄’’𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑀭𑀸𑀕𑁂 𑀯𑀺𑀕𑀢𑁂 𑀯𑀢𑁆𑀢𑀩𑁆𑀩𑀁 𑁋 ‘‘𑀯𑀻𑀢𑀭𑀸𑀕𑁄’’𑀢𑀺? 𑀆𑀫𑀦𑁆𑀢𑀸. 𑀅𑀜𑁆𑀜𑀸𑀡𑁂 𑀯𑀺𑀕𑀢𑁂 𑀜𑀸𑀡𑀯𑀺𑀧𑁆𑀧𑀬𑀼𑀢𑁆𑀢𑁂 𑀘𑀺𑀢𑁆𑀢𑁂 𑀯𑀢𑁆𑀢𑀫𑀸𑀦𑁂 𑀯𑀢𑁆𑀢𑀩𑁆𑀩𑀁 𑁋 ‘‘𑀜𑀸𑀡𑀻’’𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂… 𑀤𑁄𑀲𑁂 𑀯𑀺𑀕𑀢𑁂… 𑀫𑁄𑀳𑁂 𑀯𑀺𑀕𑀢𑁂… 𑀓𑀺𑀮𑁂𑀲𑁂 𑀯𑀺𑀕𑀢𑁂 𑀯𑀢𑁆𑀢𑀩𑁆𑀩𑀁 𑁋 ‘‘𑀦𑀺𑀓𑁆𑀓𑀺𑀮𑁂𑀲𑁄’’𑀢𑀺? 𑀆𑀫𑀦𑁆𑀢𑀸. 𑀅𑀜𑁆𑀜𑀸𑀡𑁂 𑀯𑀺𑀕𑀢𑁂 𑀜𑀸𑀡𑀯𑀺𑀧𑁆𑀧𑀬𑀼𑀢𑁆𑀢𑁂 𑀘𑀺𑀢𑁆𑀢𑁂 𑀯𑀢𑁆𑀢𑀫𑀸𑀦𑁂 𑀯𑀢𑁆𑀢𑀩𑁆𑀩𑀁 𑁋 ‘‘𑀜𑀸𑀡𑀻’’𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑁬𑁧𑁫. 𑀅𑀜𑁆𑀜𑀸𑀡𑁂 𑀯𑀺𑀕𑀢𑁂 𑀜𑀸𑀡𑀯𑀺𑀧𑁆𑀧𑀬𑀼𑀢𑁆𑀢𑁂 𑀘𑀺𑀢𑁆𑀢𑁂 𑀯𑀢𑁆𑀢𑀫𑀸𑀦𑁂 𑀯𑀢𑁆𑀢𑀩𑁆𑀩𑀁 𑁋 ‘‘𑀜𑀸𑀡𑀻’’𑀢𑀺? 𑀆𑀫𑀦𑁆𑀢𑀸. 𑀅𑀢𑀻𑀢𑁂𑀦 𑀜𑀸𑀡𑁂𑀦 𑀜𑀸𑀡𑀻 𑀦𑀺𑀭𑀼𑀤𑁆𑀥𑁂𑀦 𑀯𑀺𑀕𑀢𑁂𑀦 𑀧𑀝𑀺𑀧𑀲𑁆𑀲𑀤𑁆𑀥𑁂𑀦 𑀜𑀸𑀡𑁂𑀦 𑀜𑀸𑀡𑀻𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑀜𑀸𑀡𑀓𑀣𑀸 𑀦𑀺𑀝𑁆𑀞𑀺𑀢𑀸.