𑁮. 𑀅𑀝𑁆𑀞𑀫𑀯𑀕𑁆𑀕𑁄
(𑁭𑁩) 𑁧. 𑀙𑀕𑀢𑀺𑀓𑀣𑀸
𑁫𑁦𑁩. 𑀙 𑀕𑀢𑀺𑀬𑁄𑀢𑀺? 𑀆𑀫𑀦𑁆𑀢𑀸. 𑀦𑀦𑀼 𑀧𑀜𑁆𑀘 𑀕𑀢𑀺𑀬𑁄 𑀯𑀼𑀢𑁆𑀢𑀸 𑀪𑀕𑀯𑀢𑀸 𑁋 𑀦𑀺𑀭𑀬𑁄, 𑀢𑀺𑀭𑀘𑁆𑀙𑀸𑀦𑀬𑁄𑀦𑀺, 𑀧𑁂𑀢𑁆𑀢𑀺𑀯𑀺𑀲𑀬𑁄, 𑀫𑀦𑀼𑀲𑁆𑀲𑀸, 𑀤𑁂𑀯𑀸𑀢𑀺 [𑀫. 𑀦𑀺. 𑁧.𑁧𑁫𑁩]? 𑀆𑀫𑀦𑁆𑀢𑀸. 𑀳𑀜𑁆𑀘𑀺 𑀧𑀜𑁆𑀘 𑀕𑀢𑀺𑀬𑁄 𑀯𑀼𑀢𑁆𑀢𑀸 𑀪𑀕𑀯𑀢𑀸 𑁋 𑀦𑀺𑀭𑀬𑁄, 𑀢𑀺𑀭𑀘𑁆𑀙𑀸𑀦𑀬𑁄𑀦𑀺, 𑀧𑁂𑀢𑁆𑀢𑀺𑀯𑀺𑀲𑀬𑁄, 𑀫𑀦𑀼𑀲𑁆𑀲𑀸, 𑀤𑁂𑀯𑀸; 𑀦𑁄 𑀘 𑀯𑀢 𑀭𑁂 𑀯𑀢𑁆𑀢𑀩𑁆𑀩𑁂 𑁋 ‘‘𑀙 𑀕𑀢𑀺𑀬𑁄’’𑀢𑀺.
𑀙 𑀕𑀢𑀺𑀬𑁄𑀢𑀺? 𑀆𑀫𑀦𑁆𑀢𑀸. 𑀦𑀦𑀼 𑀓𑀸𑀮𑀓𑀜𑁆𑀘𑀺𑀓𑀸 [𑀓𑀸𑀮𑀓𑀜𑁆𑀚𑀺𑀓𑀸 (𑀲𑀻. 𑀲𑁆𑀬𑀸. 𑀓𑀁.), 𑀓𑀸𑀴𑀓𑀜𑁆𑀚𑀓𑀸 (𑀧𑀻.)] 𑀲𑀼𑀭𑀸 𑀧𑁂𑀢𑀸𑀦𑀁 𑀲𑀫𑀸𑀦𑀯𑀡𑁆𑀡𑀸 𑀲𑀫𑀸𑀦𑀪𑁄𑀕𑀸 𑀲𑀫𑀸𑀦𑀸𑀳𑀸𑀭𑀸 𑀲𑀫𑀸𑀦𑀸𑀬𑀼𑀓𑀸 𑀧𑁂𑀢𑁂𑀳𑀺 𑀲𑀳 𑀆𑀯𑀸𑀳𑀯𑀺𑀯𑀸𑀳𑀁 𑀕𑀘𑁆𑀙𑀦𑁆𑀢𑀻𑀢𑀺? 𑀆𑀫𑀦𑁆𑀢𑀸. 𑀳𑀜𑁆𑀘𑀺 𑀓𑀸𑀮𑀓𑀜𑁆𑀘𑀺𑀓𑀸 𑀅𑀲𑀼𑀭𑀸 𑀧𑁂𑀢𑀸𑀦𑀁 𑀲𑀫𑀸𑀦𑀯𑀡𑁆𑀡𑀸 𑀲𑀫𑀸𑀦𑀪𑁄𑀕𑀸 𑀲𑀫𑀸𑀦𑀸𑀳𑀸𑀭𑀸 𑀲𑀫𑀸𑀦𑀸𑀬𑀼𑀓𑀸 𑀧𑁂𑀢𑁂𑀳𑀺 𑀲𑀳 𑀆𑀯𑀸𑀳𑀯𑀺𑀯𑀸𑀳𑀁 𑀕𑀘𑁆𑀙𑀦𑁆𑀢𑀺, 𑀦𑁄 𑀘 𑀯𑀢 𑀭𑁂 𑀯𑀢𑁆𑀢𑀩𑁆𑀩𑁂 𑁋 ‘‘𑀙 𑀕𑀢𑀺𑀬𑁄’’𑀢𑀺.
𑀙 𑀕𑀢𑀺𑀬𑁄𑀢𑀺? 𑀆𑀫𑀦𑁆𑀢𑀸. 𑀦𑀦𑀼 𑀯𑁂𑀧𑀘𑀺𑀢𑁆𑀢𑀺𑀧𑀭𑀺𑀲𑀸 𑀤𑁂𑀯𑀸𑀦𑀁 𑀲𑀫𑀸𑀦𑀯𑀡𑁆𑀡𑀸 𑀲𑀫𑀸𑀦𑀪𑁄𑀕𑀸 𑀲𑀫𑀸𑀦𑀸𑀳𑀸𑀭𑀸 𑀲𑀫𑀸𑀦𑀸𑀬𑀼𑀓𑀸 𑀤𑁂𑀯𑁂𑀳𑀺 𑀲𑀳 𑀆𑀯𑀸𑀳𑀯𑀺𑀯𑀸𑀳𑀁 𑀕𑀘𑁆𑀙𑀦𑁆𑀢𑀻𑀢𑀺? 𑀆𑀫𑀦𑁆𑀢𑀸. 𑀳𑀜𑁆𑀘𑀺 𑀯𑁂𑀧𑀘𑀺𑀢𑁆𑀢𑀺𑀧𑀭𑀺𑀲𑀸 𑀤𑁂𑀯𑀸𑀦𑀁 𑀲𑀫𑀸𑀦𑀯𑀡𑁆𑀡𑀸 𑀲𑀫𑀸𑀦𑀪𑁄𑀕𑀸 𑀲𑀫𑀸𑀦𑀸𑀳𑀸𑀭𑀸 𑀲𑀫𑀸𑀦𑀸𑀬𑀼𑀓𑀸 𑀤𑁂𑀯𑁂𑀳𑀺 𑀲𑀳 𑀆𑀯𑀸𑀳𑀯𑀺𑀯𑀸𑀳𑀁 𑀕𑀘𑁆𑀙𑀦𑁆𑀢𑀺, 𑀦𑁄 𑀘 𑀯𑀢 𑀭𑁂 𑀯𑀢𑁆𑀢𑀩𑁆𑀩𑁂 𑁋 ‘‘𑀙 𑀕𑀢𑀺𑀬𑁄’’𑀢𑀺.
𑀙 𑀕𑀢𑀺𑀬𑁄𑀢𑀺? 𑀆𑀫𑀦𑁆𑀢𑀸. 𑀦𑀦𑀼 𑀯𑁂𑀧𑀘𑀺𑀢𑁆𑀢𑀺𑀧𑀭𑀺𑀲𑀸 𑀧𑀼𑀩𑁆𑀩𑀤𑁂𑀯𑀸𑀢𑀺? 𑀆𑀫𑀦𑁆𑀢𑀸. 𑀳𑀜𑁆𑀘𑀺 𑀯𑁂𑀧𑀘𑀺𑀢𑁆𑀢𑀺𑀧𑀭𑀺𑀲𑀸 𑀧𑀼𑀩𑁆𑀩𑀤𑁂𑀯𑀸, 𑀦𑁄 𑀘 𑀯𑀢 𑀭𑁂 𑀯𑀢𑁆𑀢𑀩𑁆𑀩𑁂 𑁋 ‘‘𑀙 𑀕𑀢𑀺𑀬𑁄’’𑀢𑀺.
𑁫𑁦𑁪. 𑀦 𑀯𑀢𑁆𑀢𑀩𑁆𑀩𑀁 𑁋 ‘‘𑀙 𑀕𑀢𑀺𑀬𑁄’’𑀢𑀺? 𑀆𑀫𑀦𑁆𑀢𑀸. 𑀦𑀦𑀼 𑀅𑀢𑁆𑀣𑀺 𑀅𑀲𑀼𑀭𑀓𑀸𑀬𑁄𑀢𑀺, 𑀆𑀫𑀦𑁆𑀢𑀸. 𑀳𑀜𑁆𑀘𑀺 𑀅𑀢𑁆𑀣𑀺 𑀅𑀲𑀼𑀭𑀓𑀸𑀬𑁄, 𑀢𑁂𑀦 𑀯𑀢 𑀭𑁂 𑀯𑀢𑁆𑀢𑀩𑁆𑀩𑁂 𑁋 ‘‘𑀙 𑀕𑀢𑀺𑀬𑁄’’𑀢𑀺.
𑀙𑀕𑀢𑀺𑀓𑀣𑀸 𑀦𑀺𑀝𑁆𑀞𑀺𑀢𑀸.
𑁮. 𑀅𑀝𑁆𑀞𑀫𑀯𑀕𑁆𑀕𑁄
(𑁭𑁪) 𑁨. 𑀅𑀦𑁆𑀢𑀭𑀸𑀪𑀯𑀓𑀣𑀸
𑁫𑁦𑁫. 𑀅𑀢𑁆𑀣𑀺 𑀅𑀦𑁆𑀢𑀭𑀸𑀪𑀯𑁄𑀢𑀺? 𑀆𑀫𑀦𑁆𑀢𑀸. 𑀓𑀸𑀫𑀪𑀯𑁄𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂… 𑀅𑀢𑁆𑀣𑀺 𑀅𑀦𑁆𑀢𑀭𑀸𑀪𑀯𑁄𑀢𑀺? 𑀆𑀫𑀦𑁆𑀢𑀸. 𑀭𑀽𑀧𑀪𑀯𑁄𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂… 𑀅𑀢𑁆𑀣𑀺 𑀅𑀦𑁆𑀢𑀭𑀸𑀪𑀯𑁄𑀢𑀺? 𑀆𑀫𑀦𑁆𑀢𑀸. 𑀅𑀭𑀽𑀧𑀪𑀯𑁄𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂… 𑀅𑀢𑁆𑀣𑀺 𑀅𑀦𑁆𑀢𑀭𑀸𑀪𑀯𑁄𑀢𑀺? 𑀆𑀫𑀦𑁆𑀢𑀸. 𑀓𑀸𑀫𑀪𑀯𑀲𑁆𑀲 𑀘 𑀭𑀽𑀧𑀪𑀯𑀲𑁆𑀲 𑀘 𑀅𑀦𑁆𑀢𑀭𑁂 𑀅𑀢𑁆𑀣𑀺 𑀅𑀦𑁆𑀢𑀭𑀸𑀪𑀯𑁄𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂… 𑀅𑀢𑁆𑀣𑀺 𑀅𑀦𑁆𑀢𑀭𑀸𑀪𑀯𑁄𑀢𑀺? 𑀆𑀫𑀦𑁆𑀢𑀸. 𑀭𑀽𑀧𑀪𑀯𑀲𑁆𑀲 𑀘 𑀅𑀭𑀽𑀧𑀪𑀯𑀲𑁆𑀲 𑀘 𑀅𑀦𑁆𑀢𑀭𑁂 𑀅𑀢𑁆𑀣𑀺 𑀅𑀦𑁆𑀢𑀭𑀸𑀪𑀯𑁄𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….
𑀓𑀸𑀫𑀪𑀯𑀲𑁆𑀲 𑀘 𑀭𑀽𑀧𑀪𑀯𑀲𑁆𑀲 𑀘 𑀅𑀦𑁆𑀢𑀭𑁂 𑀦𑀢𑁆𑀣𑀺 𑀅𑀦𑁆𑀢𑀭𑀸𑀪𑀯𑁄𑀢𑀺? 𑀆𑀫𑀦𑁆𑀢𑀸. 𑀳𑀜𑁆𑀘𑀺 𑀓𑀸𑀫𑀪𑀯𑀲𑁆𑀲 𑀘 𑀭𑀽𑀧𑀪𑀯𑀲𑁆𑀲 𑀘 𑀅𑀦𑁆𑀢𑀭𑁂 𑀦𑀢𑁆𑀣𑀺 𑀅𑀦𑁆𑀢𑀭𑀸𑀪𑀯𑁄, 𑀦𑁄 𑀘 𑀯𑀢 𑀭𑁂 𑀯𑀢𑁆𑀢𑀩𑁆𑀩𑁂 𑁋 ‘‘𑀅𑀢𑁆𑀣𑀺 𑀅𑀦𑁆𑀢𑀭𑀸𑀪𑀯𑁄’’𑀢𑀺. 𑀭𑀽𑀧𑀪𑀯𑀲𑁆𑀲 𑀘 𑀅𑀭𑀽𑀧𑀪𑀯𑀲𑁆𑀲 𑀘 𑀅𑀦𑁆𑀢𑀭𑁂 𑀦𑀢𑁆𑀣𑀺 𑀅𑀦𑁆𑀢𑀭𑀸𑀪𑀯𑁄𑀢𑀺? 𑀆𑀫𑀦𑁆𑀢𑀸. 𑀳𑀜𑁆𑀘𑀺 𑀭𑀽𑀧𑀪𑀯𑀲𑁆𑀲 𑀘 𑀅𑀭𑀽𑀧𑀪𑀯𑀲𑁆𑀲 𑀘 𑀅𑀦𑁆𑀢𑀭𑁂 𑀦𑀢𑁆𑀣𑀺 𑀅𑀦𑁆𑀢𑀭𑀸𑀪𑀯𑁄, 𑀦𑁄 𑀘 𑀯𑀢 𑀭𑁂 𑀯𑀢𑁆𑀢𑀩𑁆𑀩𑁂 𑁋 ‘‘𑀅𑀢𑁆𑀣𑀺 𑀅𑀦𑁆𑀢𑀭𑀸𑀪𑀯𑁄’’𑀢𑀺.
𑁫𑁦𑁬. 𑀅𑀢𑁆𑀣𑀺 𑀅𑀦𑁆𑀢𑀭𑀸𑀪𑀯𑁄𑀢𑀺? 𑀆𑀫𑀦𑁆𑀢𑀸. 𑀧𑀜𑁆𑀘𑀫𑀻 𑀲𑀸 𑀬𑁄𑀦𑀺, 𑀙𑀝𑁆𑀞𑀫𑀻 𑀲𑀸 𑀕𑀢𑀺, 𑀅𑀝𑁆𑀞𑀫𑀻 𑀲𑀸 𑀯𑀺𑀜𑁆𑀜𑀸𑀡𑀝𑁆𑀞𑀺𑀢𑀺, 𑀤𑀲𑀫𑁄 𑀲𑁄 𑀲𑀢𑁆𑀢𑀸𑀯𑀸𑀲𑁄𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂… 𑀅𑀢𑁆𑀣𑀺 𑀅𑀦𑁆𑀢𑀭𑀸𑀪𑀯𑁄𑀢𑀺? 𑀆𑀫𑀦𑁆𑀢𑀸. 𑀅𑀦𑁆𑀢𑀭𑀸𑀪𑀯𑁄 𑀪𑀯𑁄 𑀕𑀢𑀺 𑀲𑀢𑁆𑀢𑀸𑀯𑀸𑀲𑁄 𑀲𑀁𑀲𑀸𑀭𑁄 𑀬𑁄𑀦𑀺 𑀯𑀺𑀜𑁆𑀜𑀸𑀡𑀝𑁆𑀞𑀺𑀢𑀺 𑀅𑀢𑁆𑀢𑀪𑀸𑀯𑀧𑀝𑀺𑀮𑀸𑀪𑁄𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂… 𑀅𑀢𑁆𑀣𑀺 𑀅𑀦𑁆𑀢𑀭𑀸𑀪𑀯𑀽𑀧𑀕𑀁 𑀓𑀫𑁆𑀫𑀦𑁆𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂… 𑀅𑀢𑁆𑀣𑀺 𑀅𑀦𑁆𑀢𑀭𑀸𑀪𑀯𑀽𑀧𑀕𑀸 𑀲𑀢𑁆𑀢𑀸𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂… 𑀅𑀦𑁆𑀢𑀭𑀸𑀪𑀯𑁂 𑀲𑀢𑁆𑀢𑀸 𑀚𑀸𑀬𑀦𑁆𑀢𑀺 𑀚𑀻𑀬𑀦𑁆𑀢𑀺 𑀫𑀻𑀬𑀦𑁆𑀢𑀺 𑀘𑀯𑀦𑁆𑀢𑀺 𑀉𑀧𑀧𑀚𑁆𑀚𑀦𑁆𑀢𑀻𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂… 𑀅𑀦𑁆𑀢𑀭𑀸𑀪𑀯𑁂 𑀅𑀢𑁆𑀣𑀺 𑀭𑀽𑀧𑀁 𑀯𑁂𑀤𑀦𑀸 𑀲𑀜𑁆𑀜𑀸 𑀲𑀗𑁆𑀔𑀸𑀭𑀸 𑀯𑀺𑀜𑁆𑀜𑀸𑀡𑀦𑁆𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂… 𑀅𑀦𑁆𑀢𑀭𑀸𑀪𑀯𑁄 𑀧𑀜𑁆𑀘𑀯𑁄𑀓𑀸𑀭𑀪𑀯𑁄𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….
𑁫𑁦𑁭. 𑀅𑀢𑁆𑀣𑀺 𑀓𑀸𑀫𑀪𑀯𑁄, 𑀓𑀸𑀫𑀪𑀯𑁄 𑀪𑀯𑁄 𑀕𑀢𑀺 𑀲𑀢𑁆𑀢𑀸𑀯𑀸𑀲𑁄 𑀲𑀁𑀲𑀸𑀭𑁄 𑀬𑁄𑀦𑀺 𑀯𑀺𑀜𑁆𑀜𑀸𑀡𑀝𑁆𑀞𑀺𑀢𑀺 𑀅𑀢𑁆𑀢𑀪𑀸𑀯𑀧𑀝𑀺𑀮𑀸𑀪𑁄𑀢𑀺? 𑀆𑀫𑀦𑁆𑀢𑀸. 𑀅𑀢𑁆𑀣𑀺 𑀅𑀦𑁆𑀢𑀭𑀸𑀪𑀯𑁄, 𑀅𑀦𑁆𑀢𑀭𑀸𑀪𑀯𑁄 𑀪𑀯𑁄 𑀕𑀢𑀺 𑀲𑀢𑁆𑀢𑀸𑀯𑀸𑀲𑁄 𑀲𑀁𑀲𑀸𑀭𑁄 𑀬𑁄𑀦𑀺 𑀯𑀺𑀜𑁆𑀜𑀸𑀡𑀝𑁆𑀞𑀺𑀢𑀺 𑀅𑀢𑁆𑀢𑀪𑀸𑀯𑀧𑀝𑀺𑀮𑀸𑀪𑁄𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂… 𑀅𑀢𑁆𑀣𑀺 𑀓𑀸𑀫𑀪𑀯𑀽𑀧𑀕𑀁 𑀓𑀫𑁆𑀫𑀦𑁆𑀢𑀺? 𑀆𑀫𑀦𑁆𑀢𑀸. 𑀅𑀢𑁆𑀣𑀺 𑀅𑀦𑁆𑀢𑀭𑀸𑀪𑀯𑀽𑀧𑀕𑀁 𑀓𑀫𑁆𑀫𑀦𑁆𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂… 𑀅𑀢𑁆𑀣𑀺 𑀓𑀸𑀫𑀪𑀯𑀽𑀧𑀕𑀸 𑀲𑀢𑁆𑀢𑀸𑀢𑀺? 𑀆𑀫𑀦𑁆𑀢𑀸. 𑀅𑀢𑁆𑀣𑀺 𑀅𑀦𑁆𑀢𑀭𑀸𑀪𑀯𑀽𑀧𑀕𑀸 𑀲𑀢𑁆𑀢𑀸𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂… 𑀓𑀸𑀫𑀪𑀯𑁂 𑀲𑀢𑁆𑀢𑀸 𑀚𑀸𑀬𑀦𑁆𑀢𑀺 𑀚𑀻𑀬𑀦𑁆𑀢𑀺 𑀫𑀻𑀬𑀦𑁆𑀢𑀺 𑀘𑀯𑀦𑁆𑀢𑀺 𑀉𑀧𑀧𑀚𑁆𑀚𑀦𑁆𑀢𑀻𑀢𑀺? 𑀆𑀫𑀦𑁆𑀢𑀸. 𑀅𑀦𑁆𑀢𑀭𑀸𑀪𑀯𑁂 𑀲𑀢𑁆𑀢𑀸 𑀚𑀸𑀬𑀦𑁆𑀢𑀺 𑀚𑀻𑀬𑀦𑁆𑀢𑀺 𑀫𑀻𑀬𑀦𑁆𑀢𑀺 𑀘𑀯𑀦𑁆𑀢𑀺 𑀉𑀧𑀧𑀚𑁆𑀚𑀦𑁆𑀢𑀻𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂… 𑀓𑀸𑀫𑀪𑀯𑁂 𑀅𑀢𑁆𑀣𑀺 𑀭𑀽𑀧𑀁 𑀯𑁂𑀤𑀦𑀸 𑀲𑀜𑁆𑀜𑀸 𑀲𑀗𑁆𑀔𑀸𑀭𑀸 𑀯𑀺𑀜𑁆𑀜𑀸𑀡𑀦𑁆𑀢𑀺? 𑀆𑀫𑀦𑁆𑀢𑀸. 𑀅𑀦𑁆𑀢𑀭𑀸𑀪𑀯𑁂 𑀅𑀢𑁆𑀣𑀺 𑀭𑀽𑀧𑀁 𑀯𑁂𑀤𑀦𑀸 𑀲𑀜𑁆𑀜𑀸 𑀲𑀗𑁆𑀔𑀸𑀭𑀸 𑀯𑀺𑀜𑁆𑀜𑀸𑀡𑀦𑁆𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂… 𑀓𑀸𑀫𑀪𑀯𑁄 𑀧𑀜𑁆𑀘𑀯𑁄𑀓𑀸𑀭𑀪𑀯𑁄𑀢𑀺? 𑀆𑀫𑀦𑁆𑀢𑀸. 𑀅𑀦𑁆𑀢𑀭𑀸𑀪𑀯𑁄 𑀧𑀜𑁆𑀘𑀯𑁄𑀓𑀸𑀭𑀪𑀯𑁄𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….
𑀅𑀢𑁆𑀣𑀺 𑀭𑀽𑀧𑀪𑀯𑁄, 𑀭𑀽𑀧𑀪𑀯𑁄 𑀪𑀯𑁄 𑀕𑀢𑀺 𑀲𑀢𑁆𑀢𑀸𑀯𑀸𑀲𑁄 𑀲𑀁𑀲𑀸𑀭𑁄 𑀬𑁄𑀦𑀺 𑀯𑀺𑀜𑁆𑀜𑀸𑀡𑀝𑁆𑀞𑀺𑀢𑀺 𑀅𑀢𑁆𑀢𑀪𑀸𑀯𑀧𑀝𑀺𑀮𑀸𑀪𑁄𑀢𑀺? 𑀆𑀫𑀦𑁆𑀢𑀸. 𑀅𑀢𑁆𑀣𑀺 𑀅𑀦𑁆𑀢𑀭𑀸𑀪𑀯𑁄, 𑀅𑀦𑁆𑀢𑀭𑀸𑀪𑀯𑁄 𑀪𑀯𑁄 𑀕𑀢𑀺 𑀲𑀢𑁆𑀢𑀸𑀯𑀸𑀲𑁄 𑀲𑀁𑀲𑀸𑀭𑁄 𑀬𑁄𑀦𑀺 𑀯𑀺𑀜𑁆𑀜𑀸𑀡𑀝𑁆𑀞𑀺𑀢𑀺 𑀅𑀢𑁆𑀢𑀪𑀸𑀯𑀧𑀝𑀺𑀮𑀸𑀪𑁄𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂… 𑀅𑀢𑁆𑀣𑀺 𑀭𑀽𑀧𑀪𑀯𑀽𑀧𑀕𑀁 𑀓𑀫𑁆𑀫𑀦𑁆𑀢𑀺? 𑀆𑀫𑀦𑁆𑀢𑀸. 𑀅𑀢𑁆𑀣𑀺 𑀅𑀦𑁆𑀢𑀭𑀸𑀪𑀯𑀽𑀧𑀕𑀁 𑀓𑀫𑁆𑀫𑀦𑁆𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂… 𑀅𑀢𑁆𑀣𑀺 𑀭𑀽𑀧𑀪𑀯𑀽𑀧𑀕𑀸 𑀲𑀢𑁆𑀢𑀸𑀢𑀺? 𑀆𑀫𑀦𑁆𑀢𑀸. 𑀅𑀢𑁆𑀣𑀺 𑀅𑀦𑁆𑀢𑀭𑀸𑀪𑀯𑀽𑀧𑀕𑀸 𑀲𑀢𑁆𑀢𑀸𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂… 𑀭𑀽𑀧𑀪𑀯𑁂 𑀲𑀢𑁆𑀢𑀸 𑀚𑀸𑀬𑀦𑁆𑀢𑀺 𑀚𑀻𑀬𑀦𑁆𑀢𑀺 𑀫𑀻𑀬𑀦𑁆𑀢𑀺 𑀘𑀯𑀦𑁆𑀢𑀺 𑀉𑀧𑀧𑀚𑁆𑀚𑀦𑁆𑀢𑀻𑀢𑀺? 𑀆𑀫𑀦𑁆𑀢𑀸. 𑀅𑀦𑁆𑀢𑀭𑀸𑀪𑀯𑁂 𑀲𑀢𑁆𑀢𑀸 𑀚𑀸𑀬𑀦𑁆𑀢𑀺 𑀚𑀻𑀬𑀦𑁆𑀢𑀺 𑀫𑀻𑀬𑀦𑁆𑀢𑀺 𑀘𑀯𑀦𑁆𑀢𑀺 𑀉𑀧𑀧𑀚𑁆𑀚𑀦𑁆𑀢𑀻𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂… 𑀭𑀽𑀧𑀪𑀯𑁂 𑀅𑀢𑁆𑀣𑀺 𑀭𑀽𑀧𑀁 𑀯𑁂𑀤𑀦𑀸 𑀲𑀜𑁆𑀜𑀸 𑀲𑀗𑁆𑀔𑀸𑀭𑀸 𑀯𑀺𑀜𑁆𑀜𑀸𑀡𑀦𑁆𑀢𑀺? 𑀆𑀫𑀦𑁆𑀢𑀸. 𑀅𑀦𑁆𑀢𑀭𑀸𑀪𑀯𑁂 𑀅𑀢𑁆𑀣𑀺 𑀭𑀽𑀧𑀁 𑀯𑁂𑀤𑀦𑀸 𑀲𑀜𑁆𑀜𑀸 𑀲𑀗𑁆𑀔𑀸𑀭𑀸 𑀯𑀺𑀜𑁆𑀜𑀸𑀡𑀦𑁆𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂… 𑀭𑀽𑀧𑀪𑀯𑁄 𑀧𑀜𑁆𑀘𑀯𑁄𑀓𑀸𑀭𑀪𑀯𑁄𑀢𑀺? 𑀆𑀫𑀦𑁆𑀢𑀸. 𑀅𑀦𑁆𑀢𑀭𑀸𑀪𑀯𑁄 𑀧𑀜𑁆𑀘𑀯𑁄𑀓𑀸𑀭𑀪𑀯𑁄𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….
𑀅𑀢𑁆𑀣𑀺 𑀅𑀭𑀽𑀧𑀪𑀯𑁄, 𑀅𑀭𑀽𑀧𑀪𑀯𑁄 𑀪𑀯𑁄 𑀕𑀢𑀺 𑀲𑀢𑁆𑀢𑀸𑀯𑀸𑀲𑁄 𑀲𑀁𑀲𑀸𑀭𑁄 𑀬𑁄𑀦𑀺 𑀯𑀺𑀜𑁆𑀜𑀸𑀡𑀝𑁆𑀞𑀺𑀢𑀺 𑀅𑀢𑁆𑀢𑀪𑀸𑀯𑀧𑀝𑀺𑀮𑀸𑀪𑁄𑀢𑀺? 𑀆𑀫𑀦𑁆𑀢𑀸. 𑀅𑀢𑁆𑀣𑀺 𑀅𑀦𑁆𑀢𑀭𑀸𑀪𑀯𑁄, 𑀅𑀦𑁆𑀢𑀭𑀸𑀪𑀯𑁄 𑀪𑀯𑁄 𑀕𑀢𑀺 𑀲𑀢𑁆𑀢𑀸𑀯𑀸𑀲𑁄 𑀲𑀁𑀲𑀸𑀭𑁄 𑀬𑁄𑀦𑀺 𑀯𑀺𑀜𑁆𑀜𑀸𑀡𑀝𑁆𑀞𑀺𑀢𑀺 𑀅𑀢𑁆𑀢𑀪𑀸𑀯𑀧𑀝𑀺𑀮𑀸𑀪𑁄𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂… 𑀅𑀢𑁆𑀣𑀺 𑀅𑀭𑀽𑀧𑀪𑀯𑀽𑀧𑀕𑀁 𑀓𑀫𑁆𑀫𑀦𑁆𑀢𑀺? 𑀆𑀫𑀦𑁆𑀢𑀸. 𑀅𑀢𑁆𑀣𑀺 𑀅𑀦𑁆𑀢𑀭𑀸𑀪𑀯𑀽𑀧𑀕𑀁 𑀓𑀫𑁆𑀫𑀦𑁆𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂… 𑀅𑀢𑁆𑀣𑀺 𑀅𑀭𑀽𑀧𑀪𑀯𑀽𑀧𑀕𑀸 𑀲𑀢𑁆𑀢𑀸𑀢𑀺? 𑀆𑀫𑀦𑁆𑀢𑀸. 𑀅𑀢𑁆𑀣𑀺 𑀅𑀦𑁆𑀢𑀭𑀸𑀪𑀯𑀽𑀧𑀕𑀸 𑀲𑀢𑁆𑀢𑀸𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂… 𑀅𑀭𑀽𑀧𑀪𑀯𑁂 𑀲𑀢𑁆𑀢𑀸 𑀚𑀸𑀬𑀦𑁆𑀢𑀺 𑀚𑀻𑀬𑀦𑁆𑀢𑀺 𑀫𑀻𑀬𑀦𑁆𑀢𑀺 𑀘𑀯𑀦𑁆𑀢𑀺 𑀉𑀧𑀧𑀚𑁆𑀚𑀦𑁆𑀢𑀻𑀢𑀺? 𑀆𑀫𑀦𑁆𑀢𑀸. 𑀅𑀦𑁆𑀢𑀭𑀸𑀪𑀯𑁂 𑀲𑀢𑁆𑀢𑀸 𑀚𑀸𑀬𑀦𑁆𑀢𑀺 𑀚𑀻𑀬𑀦𑁆𑀢𑀺 𑀫𑀻𑀬𑀦𑁆𑀢𑀺 𑀘𑀯𑀦𑁆𑀢𑀺 𑀉𑀧𑀧𑀚𑁆𑀚𑀦𑁆𑀢𑀻𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂… 𑀅𑀭𑀽𑀧𑀪𑀯𑁂 𑀅𑀢𑁆𑀣𑀺 𑀯𑁂𑀤𑀦𑀸 𑀲𑀜𑁆𑀜𑀸 𑀲𑀗𑁆𑀔𑀸𑀭𑀸 𑀯𑀺𑀜𑁆𑀜𑀸𑀡𑀦𑁆𑀢𑀺? 𑀆𑀫𑀦𑁆𑀢𑀸. 𑀅𑀦𑁆𑀢𑀭𑀸𑀪𑀯𑁂 𑀅𑀢𑁆𑀣𑀺 𑀯𑁂𑀤𑀦𑀸 𑀲𑀜𑁆𑀜𑀸 𑀲𑀗𑁆𑀔𑀸𑀭𑀸 𑀯𑀺𑀜𑁆𑀜𑀸𑀡𑀦𑁆𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂… 𑀅𑀭𑀽𑀧𑀪𑀯𑁄 𑀘𑀢𑀼𑀯𑁄𑀓𑀸𑀭𑀪𑀯𑁄𑀢𑀺? 𑀆𑀫𑀦𑁆𑀢𑀸. 𑀅𑀦𑁆𑀢𑀭𑀸𑀪𑀯𑁄 𑀘𑀢𑀼𑀯𑁄𑀓𑀸𑀭𑀪𑀯𑁄𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….
𑁫𑁦𑁮. 𑀅𑀢𑁆𑀣𑀺 𑀅𑀦𑁆𑀢𑀭𑀸𑀪𑀯𑁄𑀢𑀺? 𑀆𑀫𑀦𑁆𑀢𑀸. 𑀲𑀩𑁆𑀩𑁂𑀲𑀜𑁆𑀜𑁂𑀯 𑀲𑀢𑁆𑀢𑀸𑀦𑀁 𑀅𑀢𑁆𑀣𑀺 𑀅𑀦𑁆𑀢𑀭𑀸𑀪𑀯𑁄𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂 …𑀧𑁂… 𑀲𑀩𑁆𑀩𑁂𑀲𑀜𑁆𑀜𑁂𑀯 𑀲𑀢𑁆𑀢𑀸𑀦𑀁 𑀦𑀢𑁆𑀣𑀺 𑀅𑀦𑁆𑀢𑀭𑀸𑀪𑀯𑁄𑀢𑀺? 𑀆𑀫𑀦𑁆𑀢𑀸. 𑀳𑀜𑁆𑀘𑀺 𑀲𑀩𑁆𑀩𑁂𑀲𑀜𑁆𑀜𑁂𑀯 𑀲𑀢𑁆𑀢𑀸𑀦𑀁 𑀦𑀢𑁆𑀣𑀺 𑀅𑀦𑁆𑀢𑀭𑀸𑀪𑀯𑁄, 𑀦𑁄 𑀘 𑀯𑀢 𑀭𑁂 𑀯𑀢𑁆𑀢𑀩𑁆𑀩𑁂 𑁋 ‘‘𑀅𑀢𑁆𑀣𑀺 𑀅𑀦𑁆𑀢𑀭𑀸𑀪𑀯𑁄’’𑀢𑀺.
𑀅𑀢𑁆𑀣𑀺 𑀅𑀦𑁆𑀢𑀭𑀸𑀪𑀯𑁄𑀢𑀺? 𑀆𑀫𑀦𑁆𑀢𑀸. 𑀆𑀦𑀦𑁆𑀢𑀭𑀺𑀬𑀲𑁆𑀲 𑀧𑀼𑀕𑁆𑀕𑀮𑀲𑁆𑀲 𑀅𑀢𑁆𑀣𑀺 𑀅𑀦𑁆𑀢𑀭𑀸𑀪𑀯𑁄𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂… 𑀆𑀦𑀦𑁆𑀢𑀭𑀺𑀬𑀲𑁆𑀲 𑀧𑀼𑀕𑁆𑀕𑀮𑀲𑁆𑀲 𑀦𑀢𑁆𑀣𑀺 𑀅𑀦𑁆𑀢𑀭𑀸𑀪𑀯𑁄𑀢𑀺? 𑀆𑀫𑀦𑁆𑀢𑀸. 𑀳𑀜𑁆𑀘𑀺 𑀆𑀦𑀦𑁆𑀢𑀭𑀺𑀬𑀲𑁆𑀲 𑀧𑀼𑀕𑁆𑀕𑀮𑀲𑁆𑀲 𑀦𑀢𑁆𑀣𑀺 𑀅𑀦𑁆𑀢𑀭𑀸𑀪𑀯𑁄, 𑀦𑁄 𑀘 𑀯𑀢 𑀭𑁂 𑀯𑀢𑁆𑀢𑀩𑁆𑀩𑁂 𑁋 ‘‘𑀅𑀢𑁆𑀣𑀺 𑀅𑀦𑁆𑀢𑀭𑀸𑀪𑀯𑁄’’𑀢𑀺.
𑀦 𑀆𑀦𑀦𑁆𑀢𑀭𑀺𑀬𑀲𑁆𑀲 𑀧𑀼𑀕𑁆𑀕𑀮𑀲𑁆𑀲 𑀅𑀢𑁆𑀣𑀺 𑀅𑀦𑁆𑀢𑀭𑀸𑀪𑀯𑁄𑀢𑀺? 𑀆𑀫𑀦𑁆𑀢𑀸. 𑀆𑀦𑀦𑁆𑀢𑀭𑀺𑀬𑀲𑁆𑀲 𑀧𑀼𑀕𑁆𑀕𑀮𑀲𑁆𑀲 𑀅𑀢𑁆𑀣𑀺 𑀅𑀦𑁆𑀢𑀭𑀸𑀪𑀯𑁄𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂… 𑀆𑀦𑀦𑁆𑀢𑀭𑀺𑀬𑀲𑁆𑀲 𑀧𑀼𑀕𑁆𑀕𑀮𑀲𑁆𑀲 𑀦𑀢𑁆𑀣𑀺 𑀅𑀦𑁆𑀢𑀭𑀸𑀪𑀯𑁄𑀢𑀺? 𑀆𑀫𑀦𑁆𑀢𑀸. 𑀦 𑀆𑀦𑀦𑁆𑀢𑀭𑀺𑀬𑀲𑁆𑀲 𑀧𑀼𑀕𑁆𑀕𑀮𑀲𑁆𑀲 𑀦𑀢𑁆𑀣𑀺 𑀅𑀦𑁆𑀢𑀭𑀸𑀪𑀯𑁄𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂… 𑀦𑀺𑀭𑀬𑀽𑀧𑀕𑀲𑁆𑀲 𑀧𑀼𑀕𑁆𑀕𑀮𑀲𑁆𑀲…𑀧𑁂… 𑀅𑀲𑀜𑁆𑀜𑀲𑀢𑁆𑀢𑀽𑀧𑀕𑀲𑁆𑀲 𑀧𑀼𑀕𑁆𑀕𑀮𑀲𑁆𑀲 …𑀧𑁂… 𑀅𑀭𑀽𑀧𑀽𑀧𑀕𑀲𑁆𑀲 𑀧𑀼𑀕𑁆𑀕𑀮𑀲𑁆𑀲 𑀅𑀢𑁆𑀣𑀺 𑀅𑀦𑁆𑀢𑀭𑀸𑀪𑀯𑁄𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂… 𑀅𑀭𑀽𑀧𑀽𑀧𑀕𑀲𑁆𑀲 𑀧𑀼𑀕𑁆𑀕𑀮𑀲𑁆𑀲 𑀦𑀢𑁆𑀣𑀺 𑀅𑀦𑁆𑀢𑀭𑀸𑀪𑀯𑁄𑀢𑀺? 𑀆𑀫𑀦𑁆𑀢𑀸. 𑀳𑀜𑁆𑀘𑀺 𑀅𑀭𑀽𑀧𑀽𑀧𑀕𑀲𑁆𑀲 𑀧𑀼𑀕𑁆𑀕𑀮𑀲𑁆𑀲 𑀦𑀢𑁆𑀣𑀺 𑀅𑀦𑁆𑀢𑀭𑀸𑀪𑀯𑁄, 𑀦𑁄 𑀘 𑀯𑀢 𑀭𑁂 𑀯𑀢𑁆𑀢𑀩𑁆𑀩𑁂 𑁋 ‘‘𑀅𑀢𑁆𑀣𑀺 𑀅𑀦𑁆𑀢𑀭𑀸𑀪𑀯𑁄’’𑀢𑀺.
𑀦 𑀅𑀭𑀽𑀧𑀽𑀧𑀕𑀲𑁆𑀲 𑀧𑀼𑀕𑁆𑀕𑀮𑀲𑁆𑀲 𑀅𑀢𑁆𑀣𑀺 𑀅𑀦𑁆𑀢𑀭𑀸𑀪𑀯𑁄𑀢𑀺? 𑀆𑀫𑀦𑁆𑀢𑀸. 𑀅𑀭𑀽𑀧𑀽𑀧𑀕𑀲𑁆𑀲 𑀧𑀼𑀕𑁆𑀕𑀮𑀲𑁆𑀲 𑀅𑀢𑁆𑀣𑀺 𑀅𑀦𑁆𑀢𑀭𑀸𑀪𑀯𑁄𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂… 𑀅𑀭𑀽𑀧𑀽𑀧𑀕𑀲𑁆𑀲 𑀧𑀼𑀕𑁆𑀕𑀮𑀲𑁆𑀲 𑀦𑀢𑁆𑀣𑀺 𑀅𑀦𑁆𑀢𑀭𑀸𑀪𑀯𑁄𑀢𑀺? 𑀆𑀫𑀦𑁆𑀢𑀸. 𑀦 𑀅𑀭𑀽𑀧𑀽𑀧𑀕𑀲𑁆𑀲 𑀧𑀼𑀕𑁆𑀕𑀮𑀲𑁆𑀲 𑀦𑀢𑁆𑀣𑀺 𑀅𑀦𑁆𑀢𑀭𑀸𑀪𑀯𑁄𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….
𑁫𑁦𑁯. 𑀦 𑀯𑀢𑁆𑀢𑀩𑁆𑀩𑀁 𑀅𑀢𑁆𑀣𑀺 𑀅𑀦𑁆𑀢𑀭𑀸𑀪𑀯𑁄𑀢𑀺? 𑀆𑀫𑀦𑁆𑀢𑀸. 𑀦𑀦𑀼 𑀅𑀦𑁆𑀢𑀭𑀸𑀧𑀭𑀺𑀦𑀺𑀩𑁆𑀩𑀸𑀬𑀻 𑀧𑀼𑀕𑁆𑀕𑀮𑁄 𑀅𑀢𑁆𑀣𑀻𑀢𑀺? 𑀆𑀫𑀦𑁆𑀢𑀸. 𑀳𑀜𑁆𑀘𑀺 𑀅𑀦𑁆𑀢𑀭𑀸𑀧𑀭𑀺𑀦𑀺𑀩𑁆𑀩𑀸𑀬𑀻 𑀧𑀼𑀕𑁆𑀕𑀮𑁄 𑀅𑀢𑁆𑀣𑀺, 𑀢𑁂𑀦 𑀯𑀢 𑀭𑁂 [𑀦𑁄 𑀘 𑀯𑀢 𑀭𑁂 (𑀲𑀻. 𑀓.), 𑀦𑁄 𑀯𑀢 𑀭𑁂 (𑀲𑁆𑀬𑀸.)] 𑀯𑀢𑁆𑀢𑀩𑁆𑀩𑁂 𑁋 ‘‘𑀅𑀢𑁆𑀣𑀺 𑀅𑀦𑁆𑀢𑀭𑀸𑀪𑀯𑁄’’𑀢𑀺.
𑀅𑀦𑁆𑀢𑀭𑀸𑀧𑀭𑀺𑀦𑀺𑀩𑁆𑀩𑀸𑀬𑀻 𑀧𑀼𑀕𑁆𑀕𑀮𑁄 𑀅𑀢𑁆𑀣𑀻𑀢𑀺 𑀓𑀢𑁆𑀯𑀸 𑀅𑀢𑁆𑀣𑀺 𑀅𑀦𑁆𑀢𑀭𑀸𑀪𑀯𑁄𑀢𑀺? 𑀆𑀫𑀦𑁆𑀢𑀸. 𑀉𑀧𑀳𑀘𑁆𑀘𑀧𑀭𑀺𑀦𑀺𑀩𑁆𑀩𑀸𑀬𑀻 𑀧𑀼𑀕𑁆𑀕𑀮𑁄 𑀅𑀢𑁆𑀣𑀻𑀢𑀺 𑀓𑀢𑁆𑀯𑀸 𑀅𑀢𑁆𑀣𑀺 𑀉𑀧𑀳𑀘𑁆𑀘𑀪𑀯𑁄𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂… 𑀅𑀦𑁆𑀢𑀭𑀸𑀧𑀭𑀺𑀦𑀺𑀩𑁆𑀩𑀸𑀬𑀻 𑀧𑀼𑀕𑁆𑀕𑀮𑁄 𑀅𑀢𑁆𑀣𑀻𑀢𑀺 𑀓𑀢𑁆𑀯𑀸 𑀅𑀢𑁆𑀣𑀺 𑀅𑀦𑁆𑀢𑀭𑀸𑀪𑀯𑁄𑀢𑀺? 𑀆𑀫𑀦𑁆𑀢𑀸. 𑀅𑀲𑀗𑁆𑀔𑀸𑀭𑀧𑀭𑀺𑀦𑀺𑀩𑁆𑀩𑀸𑀬𑀻 𑀧𑀼𑀕𑁆𑀕𑀮𑁄…𑀧𑁂… 𑀲𑀲𑀗𑁆𑀔𑀸𑀭𑀧𑀭𑀺𑀦𑀺𑀩𑁆𑀩𑀸𑀬𑀻 𑀧𑀼𑀕𑁆𑀕𑀮𑁄 𑀅𑀢𑁆𑀣𑀻𑀢𑀺 𑀓𑀢𑁆𑀯𑀸 𑀅𑀢𑁆𑀣𑀺 𑀲𑀲𑀗𑁆𑀔𑀸𑀭𑀪𑀯𑁄𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….
𑀅𑀦𑁆𑀢𑀭𑀸𑀪𑀯𑀓𑀣𑀸 𑀦𑀺𑀝𑁆𑀞𑀺𑀢𑀸.
𑁮. 𑀅𑀝𑁆𑀞𑀫𑀯𑀕𑁆𑀕𑁄
(𑁭𑁫) 𑁩. 𑀓𑀸𑀫𑀕𑀼𑀡𑀓𑀣𑀸
𑁫𑁧𑁦. 𑀧𑀜𑁆𑀘𑁂𑀯 𑀓𑀸𑀫𑀕𑀼𑀡𑀸 𑀓𑀸𑀫𑀥𑀸𑀢𑀽𑀢𑀺? 𑀆𑀫𑀦𑁆𑀢𑀸. 𑀦𑀦𑀼 𑀅𑀢𑁆𑀣𑀺 𑀢𑀧𑁆𑀧𑀝𑀺𑀲𑀜𑁆𑀜𑀼𑀢𑁆𑀢𑁄 𑀙𑀦𑁆𑀤𑁄𑀢𑀺? 𑀆𑀫𑀦𑁆𑀢𑀸. 𑀳𑀜𑁆𑀘𑀺 𑀅𑀢𑁆𑀣𑀺 𑀢𑀧𑁆𑀧𑀝𑀺𑀲𑀜𑁆𑀜𑀼𑀢𑁆𑀢𑁄 𑀙𑀦𑁆𑀤𑁄, 𑀦𑁄 𑀘 𑀯𑀢 𑀭𑁂 𑀯𑀢𑁆𑀢𑀩𑁆𑀩𑁂 𑁋 ‘‘𑀧𑀜𑁆𑀘𑁂𑀯 𑀓𑀸𑀫𑀕𑀼𑀡𑀸 𑀓𑀸𑀫𑀥𑀸𑀢𑀽’’𑀢𑀺. 𑀦𑀦𑀼 𑀅𑀢𑁆𑀣𑀺 𑀢𑀧𑁆𑀧𑀝𑀺𑀲𑀜𑁆𑀜𑀼𑀢𑁆𑀢𑁄 𑀭𑀸𑀕𑁄 𑀢𑀧𑁆𑀧𑀝𑀺𑀲𑀜𑁆𑀜𑀼𑀢𑁆𑀢𑁄 𑀙𑀦𑁆𑀤𑁄 𑀢𑀧𑁆𑀧𑀝𑀺𑀲𑀜𑁆𑀜𑀼𑀢𑁆𑀢𑁄 𑀙𑀦𑁆𑀤𑀭𑀸𑀕𑁄 𑀢𑀧𑁆𑀧𑀝𑀺𑀲𑀜𑁆𑀜𑀼𑀢𑁆𑀢𑁄 𑀲𑀗𑁆𑀓𑀧𑁆𑀧𑁄 𑀢𑀧𑁆𑀧𑀝𑀺𑀲𑀜𑁆𑀜𑀼𑀢𑁆𑀢𑁄 𑀭𑀸𑀕𑁄 𑀢𑀧𑁆𑀧𑀝𑀺𑀲𑀜𑁆𑀜𑀼𑀢𑁆𑀢𑁄 𑀲𑀗𑁆𑀓𑀧𑁆𑀧𑀭𑀸𑀕𑁄 𑀢𑀧𑁆𑀧𑀝𑀺𑀲𑀜𑁆𑀜𑀼𑀢𑁆𑀢𑀸 𑀧𑀻𑀢𑀺 𑀢𑀧𑁆𑀧𑀝𑀺𑀲𑀜𑁆𑀜𑀼𑀢𑁆𑀢𑀁 𑀲𑁄𑀫𑀦𑀲𑁆𑀲𑀁 𑀢𑀧𑁆𑀧𑀝𑀺𑀲𑀜𑁆𑀜𑀼𑀢𑁆𑀢𑀁 𑀧𑀻𑀢𑀺𑀲𑁄𑀫𑀦𑀲𑁆𑀲𑀦𑁆𑀢𑀺? 𑀆𑀫𑀦𑁆𑀢𑀸. 𑀳𑀜𑁆𑀘𑀺 𑀅𑀢𑁆𑀣𑀺 𑀢𑀧𑁆𑀧𑀝𑀺𑀲𑀜𑁆𑀜𑀼𑀢𑁆𑀢𑀁 𑀧𑀻𑀢𑀺𑀲𑁄𑀫𑀦𑀲𑁆𑀲𑀁, 𑀦𑁄 𑀘 𑀯𑀢 𑀭𑁂 𑀯𑀢𑁆𑀢𑀩𑁆𑀩𑁂 𑁋 ‘‘𑀧𑀜𑁆𑀘𑁂𑀯 𑀓𑀸𑀫𑀕𑀼𑀡𑀸 𑀓𑀸𑀫𑀥𑀸𑀢𑀽’’𑀢𑀺.
𑀧𑀜𑁆𑀘𑁂𑀯 𑀓𑀸𑀫𑀕𑀼𑀡𑀸 𑀓𑀸𑀫𑀥𑀸𑀢𑀽𑀢𑀺? 𑀆𑀫𑀦𑁆𑀢𑀸. 𑀫𑀦𑀼𑀲𑁆𑀲𑀸𑀦𑀁 𑀘𑀓𑁆𑀔𑀼 𑀦 𑀓𑀸𑀫𑀥𑀸𑀢𑀽𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂… 𑀫𑀦𑀼𑀲𑁆𑀲𑀸𑀦𑀁 𑀲𑁄𑀢𑀁…𑀧𑁂… 𑀫𑀦𑀼𑀲𑁆𑀲𑀸𑀦𑀁 𑀖𑀸𑀦𑀁…𑀧𑁂… 𑀫𑀦𑀼𑀲𑁆𑀲𑀸𑀦𑀁 𑀚𑀺𑀯𑁆𑀳𑀸…𑀧𑁂… 𑀫𑀦𑀼𑀲𑁆𑀲𑀸𑀦𑀁 𑀓𑀸𑀬𑁄…𑀧𑁂… 𑀫𑀦𑀼𑀲𑁆𑀲𑀸𑀦𑀁 𑀫𑀦𑁄 𑀦 𑀓𑀸𑀫𑀥𑀸𑀢𑀽𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….
𑀫𑀦𑀼𑀲𑁆𑀲𑀸𑀦𑀁 𑀫𑀦𑁄 𑀦 𑀓𑀸𑀫𑀥𑀸𑀢𑀽𑀢𑀺? 𑀆𑀫𑀦𑁆𑀢𑀸. 𑀦𑀦𑀼 𑀯𑀼𑀢𑁆𑀢𑀁 𑀪𑀕𑀯𑀢𑀸 𑁋
‘‘𑀧𑀜𑁆𑀘 𑀓𑀸𑀫𑀕𑀼𑀡𑀸 𑀮𑁄𑀓𑁂, 𑀫𑀦𑁄𑀘𑁆𑀙𑀝𑁆𑀞𑀸 𑀧𑀯𑁂𑀤𑀺𑀢𑀸;
𑀏𑀢𑁆𑀣 𑀙𑀦𑁆𑀤𑀁 𑀯𑀺𑀭𑀸𑀚𑁂𑀢𑁆𑀯𑀸, 𑀏𑀯𑀁 𑀤𑀼𑀓𑁆𑀔𑀸 𑀧𑀫𑀼𑀘𑁆𑀘𑀢𑀻’’𑀢𑀺 [𑀲𑀼. 𑀦𑀺. 𑁧𑁭𑁩; 𑀲𑀁. 𑀦𑀺. 𑁧.𑁩𑁦].
𑀅𑀢𑁆𑀣𑁂𑀯 𑀲𑀼𑀢𑁆𑀢𑀦𑁆𑀢𑁄𑀢𑀺? 𑀆𑀫𑀦𑁆𑀢𑀸. 𑀢𑁂𑀦 𑀳𑀺 𑀦 𑀯𑀢𑁆𑀢𑀩𑁆𑀩𑀁 𑁋 ‘‘𑀫𑀦𑀼𑀲𑁆𑀲𑀸𑀦𑀁 𑀫𑀦𑁄 𑀦 𑀓𑀸𑀫𑀥𑀸𑀢𑀽’’𑀢𑀺.
𑁫𑁧𑁧. 𑀧𑀜𑁆𑀘𑁂𑀯 𑀓𑀸𑀫𑀕𑀼𑀡𑀸 𑀓𑀸𑀫𑀥𑀸𑀢𑀽𑀢𑀺? 𑀆𑀫𑀦𑁆𑀢𑀸. 𑀓𑀸𑀫𑀕𑀼𑀡𑀸 𑀪𑀯𑁄 𑀕𑀢𑀺 𑀲𑀢𑁆𑀢𑀸𑀯𑀸𑀲𑁄 𑀲𑀁𑀲𑀸𑀭𑁄 𑀬𑁄𑀦𑀺 𑀯𑀺𑀜𑁆𑀜𑀸𑀡𑀝𑁆𑀞𑀺𑀢𑀺 𑀅𑀢𑁆𑀢𑀪𑀸𑀯𑀧𑀝𑀺𑀮𑀸𑀪𑁄𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂… 𑀅𑀢𑁆𑀣𑀺 𑀓𑀸𑀫𑀕𑀼𑀡𑀽𑀧𑀕𑀁 𑀓𑀫𑁆𑀫𑀦𑁆𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂… 𑀅𑀢𑁆𑀣𑀺 𑀓𑀸𑀫𑀕𑀼𑀡𑀽𑀧𑀕𑀸 𑀲𑀢𑁆𑀢𑀸𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂… 𑀓𑀸𑀫𑀕𑀼𑀡𑁂 𑀲𑀢𑁆𑀢𑀸 𑀚𑀸𑀬𑀦𑁆𑀢𑀺 𑀚𑀻𑀬𑀦𑁆𑀢𑀺 𑀫𑀻𑀬𑀦𑁆𑀢𑀺 𑀘𑀯𑀦𑁆𑀢𑀺 𑀉𑀧𑀧𑀚𑁆𑀚𑀦𑁆𑀢𑀻𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂… 𑀓𑀸𑀫𑀕𑀼𑀡𑁂 𑀅𑀢𑁆𑀣𑀺 𑀭𑀽𑀧𑀁 𑀯𑁂𑀤𑀦𑀸 𑀲𑀜𑁆𑀜𑀸 𑀲𑀗𑁆𑀔𑀸𑀭𑀸 𑀯𑀺𑀜𑁆𑀜𑀸𑀡𑀦𑁆𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂… 𑀓𑀸𑀫𑀕𑀼𑀡𑀸 𑀧𑀜𑁆𑀘𑀯𑁄𑀓𑀸𑀭𑀪𑀯𑁄𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂… 𑀓𑀸𑀫𑀕𑀼𑀡𑁂 𑀲𑀫𑁆𑀫𑀸𑀲𑀫𑁆𑀩𑀼𑀤𑁆𑀥𑀸 𑀉𑀧𑁆𑀧𑀚𑁆𑀚𑀦𑁆𑀢𑀺, 𑀧𑀘𑁆𑀘𑁂𑀓𑀲𑀫𑁆𑀩𑀼𑀤𑁆𑀥𑀸 𑀉𑀧𑁆𑀧𑀚𑁆𑀚𑀦𑁆𑀢𑀺, 𑀲𑀸𑀯𑀓𑀬𑀼𑀕𑀁 𑀉𑀧𑁆𑀧𑀚𑁆𑀚𑀢𑀻𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….
𑀓𑀸𑀫𑀥𑀸𑀢𑀼 𑀪𑀯𑁄 𑀕𑀢𑀺 𑀲𑀢𑁆𑀢𑀸𑀯𑀸𑀲𑁄 𑀲𑀁𑀲𑀸𑀭𑁄 𑀬𑁄𑀦𑀺 𑀯𑀺𑀜𑁆𑀜𑀸𑀡𑀝𑁆𑀞𑀺𑀢𑀺 𑀅𑀢𑁆𑀢𑀪𑀸𑀯𑀧𑀝𑀺𑀮𑀸𑀪𑁄𑀢𑀺? 𑀆𑀫𑀦𑁆𑀢𑀸. 𑀓𑀸𑀫𑀕𑀼𑀡𑀸 𑀪𑀯𑁄 𑀕𑀢𑀺 𑀲𑀢𑁆𑀢𑀸𑀯𑀸𑀲𑁄 𑀲𑀁𑀲𑀸𑀭𑁄 𑀬𑁄𑀦𑀺 𑀯𑀺𑀜𑁆𑀜𑀸𑀡𑀝𑁆𑀞𑀺𑀢𑀺 𑀅𑀢𑁆𑀢𑀪𑀸𑀯𑀧𑀝𑀺𑀮𑀸𑀪𑁄𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂… 𑀅𑀢𑁆𑀣𑀺 𑀓𑀸𑀫𑀥𑀸𑀢𑀽𑀧𑀕𑀁 𑀓𑀫𑁆𑀫𑀦𑁆𑀢𑀺? 𑀆𑀫𑀦𑁆𑀢𑀸. 𑀅𑀢𑁆𑀣𑀺 𑀓𑀸𑀫𑀕𑀼𑀡𑀽𑀧𑀕𑀁 𑀓𑀫𑁆𑀫𑀦𑁆𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂… 𑀅𑀢𑁆𑀣𑀺 𑀓𑀸𑀫𑀥𑀸𑀢𑀽𑀧𑀕𑀸 𑀲𑀢𑁆𑀢𑀸𑀢𑀺? 𑀆𑀫𑀦𑁆𑀢𑀸. 𑀅𑀢𑁆𑀣𑀺 𑀓𑀸𑀫𑀕𑀼𑀡𑀽𑀧𑀕𑀸 𑀲𑀢𑁆𑀢𑀸𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….
𑀓𑀸𑀫𑀥𑀸𑀢𑀼𑀬𑀸 𑀲𑀢𑁆𑀢𑀸 𑀚𑀸𑀬𑀦𑁆𑀢𑀺 𑀚𑀻𑀬𑀦𑁆𑀢𑀺 𑀫𑀻𑀬𑀦𑁆𑀢𑀺 𑀘𑀯𑀦𑁆𑀢𑀺 𑀉𑀧𑀧𑀚𑁆𑀚𑀦𑁆𑀢𑀻𑀢𑀺? 𑀆𑀫𑀦𑁆𑀢𑀸. 𑀓𑀸𑀫𑀕𑀼𑀡𑁂 𑀲𑀢𑁆𑀢𑀸 𑀚𑀸𑀬𑀦𑁆𑀢𑀺 𑀚𑀻𑀬𑀦𑁆𑀢𑀺 𑀫𑀻𑀬𑀦𑁆𑀢𑀺 𑀘𑀯𑀦𑁆𑀢𑀺 𑀉𑀧𑀧𑀚𑁆𑀚𑀦𑁆𑀢𑀻𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂 …𑀧𑁂… 𑀓𑀸𑀫𑀥𑀸𑀢𑀼𑀬𑀸 𑀅𑀢𑁆𑀣𑀺 𑀭𑀽𑀧𑀁 𑀯𑁂𑀤𑀦𑀸 𑀲𑀜𑁆𑀜𑀸 𑀲𑀗𑁆𑀔𑀸𑀭𑀸 𑀯𑀺𑀜𑁆𑀜𑀸𑀡𑀦𑁆𑀢𑀺? 𑀆𑀫𑀦𑁆𑀢𑀸. 𑀓𑀸𑀫𑀕𑀼𑀡𑁂 𑀅𑀢𑁆𑀣𑀺 𑀭𑀽𑀧𑀁 𑀯𑁂𑀤𑀦𑀸 𑀲𑀜𑁆𑀜𑀸 𑀲𑀗𑁆𑀔𑀸𑀭𑀸 𑀯𑀺𑀜𑁆𑀜𑀸𑀡𑀦𑁆𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂… 𑀓𑀸𑀫𑀥𑀸𑀢𑀼 𑀧𑀜𑁆𑀘𑀯𑁄𑀓𑀸𑀭𑀪𑀯𑁄𑀢𑀺? 𑀆𑀫𑀦𑁆𑀢𑀸. 𑀓𑀸𑀫𑀕𑀼𑀡𑀸 𑀧𑀜𑁆𑀘𑀯𑁄𑀓𑀸𑀭𑀪𑀯𑁄𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂… 𑀓𑀸𑀫𑀥𑀸𑀢𑀼𑀬𑀸 𑀲𑀫𑁆𑀫𑀸𑀲𑀫𑁆𑀩𑀼𑀤𑁆𑀥𑀸 𑀉𑀧𑁆𑀧𑀚𑁆𑀚𑀦𑁆𑀢𑀺, 𑀧𑀘𑁆𑀘𑁂𑀓𑀲𑀩𑀼𑀤𑁆𑀥𑀸 𑀉𑀧𑁆𑀧𑀚𑁆𑀚𑀦𑁆𑀢𑀺, 𑀲𑀸𑀯𑀓𑀬𑀼𑀕𑀁 𑀉𑀧𑁆𑀧𑀚𑁆𑀚𑀢𑀻𑀢𑀺? 𑀆𑀫𑀦𑁆𑀢𑀸. 𑀓𑀸𑀫𑀕𑀼𑀡𑁂 𑀲𑀫𑁆𑀫𑀸𑀲𑀫𑁆𑀩𑀼𑀤𑁆𑀥𑀸 𑀉𑀧𑁆𑀧𑀚𑁆𑀚𑀦𑁆𑀢𑀺, 𑀧𑀘𑁆𑀘𑁂𑀓𑀲𑀫𑁆𑀩𑀼𑀤𑁆𑀥𑀸 𑀉𑀧𑁆𑀧𑀚𑁆𑀚𑀦𑁆𑀢𑀺, 𑀲𑀸𑀯𑀓𑀬𑀼𑀕𑀁 𑀉𑀧𑁆𑀧𑀚𑁆𑀚𑀢𑀻𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….
𑁫𑁧𑁨. 𑀦 𑀯𑀢𑁆𑀢𑀩𑁆𑀩𑀁 𑁋 ‘‘𑀧𑀜𑁆𑀘𑁂𑀯 𑀓𑀸𑀫𑀕𑀼𑀡𑀸 𑀓𑀸𑀫𑀥𑀸𑀢𑀽’’𑀢𑀺? 𑀆𑀫𑀦𑁆𑀢𑀸. 𑀦𑀦𑀼 𑀯𑀼𑀢𑁆𑀢𑀁 𑀪𑀕𑀯𑀢𑀸 𑁋 ‘‘𑀧𑀜𑁆𑀘𑀺𑀫𑁂, 𑀪𑀺𑀓𑁆𑀔𑀯𑁂, 𑀓𑀸𑀫𑀕𑀼𑀡𑀸! 𑀓𑀢𑀫𑁂 𑀧𑀜𑁆𑀘? 𑀘𑀓𑁆𑀔𑀼𑀯𑀺𑀜𑁆𑀜𑁂𑀬𑁆𑀬𑀸 𑀭𑀽𑀧𑀸 𑀇𑀝𑁆𑀞𑀸 𑀓𑀦𑁆𑀢𑀸 𑀫𑀦𑀸𑀧𑀸 𑀧𑀺𑀬𑀭𑀽𑀧𑀸 𑀓𑀸𑀫𑀽𑀧𑀲𑀁𑀳𑀺𑀢𑀸 𑀭𑀚𑀦𑀻𑀬𑀸, 𑀲𑁄𑀢𑀯𑀺𑀜𑁆𑀜𑁂𑀬𑁆𑀬𑀸 𑀲𑀤𑁆𑀤𑀸…𑀧𑁂… 𑀖𑀸𑀦𑀯𑀺𑀜𑁆𑀜𑁂𑀬𑁆𑀬𑀸 𑀕𑀦𑁆𑀥𑀸…𑀧𑁂… 𑀚𑀺𑀯𑁆𑀳𑀸𑀯𑀺𑀜𑁆𑀜𑁂𑀬𑁆𑀬𑀸 𑀭𑀲𑀸…𑀧𑁂… 𑀓𑀸𑀬𑀯𑀺𑀜𑁆𑀜𑁂𑀬𑁆𑀬𑀸 𑀨𑁄𑀝𑁆𑀞𑀩𑁆𑀩𑀸 𑀇𑀝𑁆𑀞𑀸 𑀓𑀦𑁆𑀢𑀸 𑀫𑀦𑀸𑀧𑀸 𑀧𑀺𑀬𑀭𑀽𑀧𑀸 𑀓𑀸𑀫𑀽𑀧𑀲𑀁𑀳𑀺𑀢𑀸 𑀭𑀚𑀦𑀻𑀬𑀸 𑁋 𑀇𑀫𑁂 𑀔𑁄, 𑀪𑀺𑀓𑁆𑀔𑀯𑁂, 𑀧𑀜𑁆𑀘 𑀓𑀸𑀫𑀕𑀼𑀡𑀸’’𑀢𑀺. 𑀅𑀢𑁆𑀣𑁂𑀯 𑀲𑀼𑀢𑁆𑀢𑀦𑁆𑀢𑁄𑀢𑀺? 𑀆𑀫𑀦𑁆𑀢𑀸. 𑀢𑁂𑀦 𑀳𑀺 𑀧𑀜𑁆𑀘𑁂𑀯 𑀓𑀸𑀫𑀕𑀼𑀡𑀸 𑀓𑀸𑀫𑀥𑀸𑀢𑀽𑀢𑀺.
𑀓𑀸𑀫𑀕𑀼𑀡𑀓𑀣𑀸 𑀦𑀺𑀝𑁆𑀞𑀺𑀢𑀸.
𑁮. 𑀅𑀝𑁆𑀞𑀫𑀯𑀕𑁆𑀕𑁄
(𑁭𑁬) 𑁪. 𑀓𑀸𑀫𑀓𑀣𑀸
𑁫𑁧𑁩. 𑀧𑀜𑁆𑀘𑁂𑀯𑀸𑀬𑀢𑀦𑀸 𑀓𑀸𑀫𑀸𑀢𑀺? 𑀆𑀫𑀦𑁆𑀢𑀸. 𑀦𑀦𑀼 𑀅𑀢𑁆𑀣𑀺 𑀢𑀧𑁆𑀧𑀝𑀺𑀲𑀁𑀬𑀼𑀢𑁆𑀢𑁄 𑀙𑀦𑁆𑀤𑁄𑀢𑀺? 𑀆𑀫𑀦𑁆𑀢𑀸. 𑀳𑀜𑁆𑀘𑀺 𑀅𑀢𑁆𑀣𑀺 𑀢𑀧𑁆𑀧𑀝𑀺𑀲𑀁𑀬𑀼𑀢𑁆𑀢𑁄 𑀙𑀦𑁆𑀤𑁄, 𑀦𑁄 𑀘 𑀯𑀢 𑀭𑁂 𑀯𑀢𑁆𑀢𑀩𑁆𑀩𑁂 𑁋 ‘‘𑀧𑀜𑁆𑀘𑁂𑀯𑀸𑀬𑀢𑀦𑀸 𑀓𑀸𑀫𑀸’’𑀢𑀺. 𑀦𑀦𑀼 𑀅𑀢𑁆𑀣𑀺 𑀢𑀧𑁆𑀧𑀝𑀺𑀲𑀁𑀬𑀼𑀢𑁆𑀢𑁄 𑀭𑀸𑀕𑁄 𑀢𑀧𑁆𑀧𑀝𑀺𑀲𑀁𑀬𑀼𑀢𑁆𑀢𑁄 𑀙𑀦𑁆𑀤𑁄 𑀢𑀧𑁆𑀧𑀝𑀺𑀲𑀁𑀬𑀼𑀢𑁆𑀢𑁄 𑀙𑀦𑁆𑀤𑀭𑀸𑀕𑁄 𑀢𑀧𑁆𑀧𑀝𑀺𑀲𑀁𑀬𑀼𑀢𑁆𑀢𑁄 𑀲𑀗𑁆𑀓𑀧𑁆𑀧𑁄 𑀢𑀧𑁆𑀧𑀝𑀺𑀲𑀁𑀬𑀼𑀢𑁆𑀢𑁄 𑀭𑀸𑀕𑁄 𑀢𑀧𑁆𑀧𑀝𑀺𑀲𑀁𑀬𑀼𑀢𑁆𑀢𑁄 𑀲𑀗𑁆𑀓𑀧𑁆𑀧𑀭𑀸𑀕𑁄 𑀢𑀧𑁆𑀧𑀝𑀺𑀲𑀁𑀬𑀼𑀢𑁆𑀢𑀸 𑀧𑀻𑀢𑀺 𑀢𑀧𑁆𑀧𑀝𑀺𑀲𑀁𑀬𑀼𑀢𑁆𑀢𑀁 𑀲𑁄𑀫𑀦𑀲𑁆𑀲𑀁 𑀢𑀧𑁆𑀧𑀝𑀺𑀲𑀁𑀬𑀼𑀢𑁆𑀢𑀁 𑀧𑀻𑀢𑀺𑀲𑁄𑀫𑀦𑀲𑁆𑀲𑀦𑁆𑀢𑀺? 𑀆𑀫𑀦𑁆𑀢𑀸. 𑀳𑀜𑁆𑀘𑀺 𑀅𑀢𑁆𑀣𑀺 𑀢𑀧𑁆𑀧𑀝𑀺𑀲𑀁𑀬𑀼𑀢𑁆𑀢𑀁 𑀧𑀻𑀢𑀺𑀲𑁄𑀫𑀦𑀲𑁆𑀲𑀁, 𑀦𑁄 𑀘 𑀯𑀢 𑀭𑁂 𑀯𑀢𑁆𑀢𑀩𑁆𑀩𑁂 𑁋 ‘‘𑀧𑀜𑁆𑀘𑁂𑀯𑀸𑀬𑀢𑀦𑀸 𑀓𑀸𑀫𑀸’’𑀢𑀺.
𑁫𑁧𑁪. 𑀦 𑀯𑀢𑁆𑀢𑀩𑁆𑀩𑀁 𑁋 ‘‘𑀧𑀜𑁆𑀘𑁂𑀯𑀸𑀬𑀢𑀦𑀸 𑀓𑀸𑀫𑀸’’𑀢𑀺? 𑀆𑀫𑀦𑁆𑀢𑀸. 𑀦𑀦𑀼 𑀯𑀼𑀢𑁆𑀢𑀁 𑀪𑀕𑀯𑀢𑀸 𑁋 ‘‘𑀧𑀜𑁆𑀘𑀺𑀫𑁂, 𑀪𑀺𑀓𑁆𑀔𑀯𑁂, 𑀓𑀸𑀫𑀕𑀼𑀡𑀸! 𑀓𑀢𑀫𑁂 𑀧𑀜𑁆𑀘? 𑀘𑀓𑁆𑀔𑀼𑀯𑀺𑀜𑁆𑀜𑁂𑀬𑁆𑀬𑀸 𑀭𑀽𑀧𑀸…𑀧𑁂… 𑀓𑀸𑀬𑀯𑀺𑀜𑁆𑀜𑁂𑀬𑁆𑀬𑀸 𑀨𑁄𑀝𑁆𑀞𑀩𑁆𑀩𑀸 𑀇𑀝𑁆𑀞𑀸 𑀓𑀦𑁆𑀢𑀸 𑀫𑀦𑀸𑀧𑀸 𑀧𑀺𑀬𑀭𑀽𑀧𑀸 𑀓𑀸𑀫𑀽𑀧𑀲𑀁𑀳𑀺𑀢𑀸 𑀭𑀚𑀦𑀻𑀬𑀸 𑁋 𑀇𑀫𑁂 𑀔𑁄, 𑀪𑀺𑀓𑁆𑀔𑀯𑁂, 𑀧𑀜𑁆𑀘 𑀓𑀸𑀫𑀕𑀼𑀡𑀸’’𑀢𑀺. 𑀅𑀢𑁆𑀣𑁂𑀯 𑀲𑀼𑀢𑁆𑀢𑀦𑁆𑀢𑁄𑀢𑀺? 𑀆𑀫𑀦𑁆𑀢𑀸. 𑀢𑁂𑀦 𑀳𑀺 𑀧𑀜𑁆𑀘𑁂𑀯𑀸𑀬𑀢𑀦𑀸 𑀓𑀸𑀫𑀸𑀢𑀺.
𑀧𑀜𑁆𑀘𑁂𑀯𑀸𑀬𑀢𑀦𑀸 𑀓𑀸𑀫𑀸𑀢𑀺? 𑀆𑀫𑀦𑁆𑀢𑀸. 𑀦𑀦𑀼 𑀯𑀼𑀢𑁆𑀢𑀁 𑀪𑀕𑀯𑀢𑀸 𑁋 ‘‘𑀧𑀜𑁆𑀘𑀺𑀫𑁂, 𑀪𑀺𑀓𑁆𑀔𑀯𑁂, 𑀓𑀸𑀫𑀕𑀼𑀡𑀸! 𑀓𑀢𑀫𑁂 𑀧𑀜𑁆𑀘? 𑀘𑀓𑁆𑀔𑀼𑀯𑀺𑀜𑁆𑀜𑁂𑀬𑁆𑀬𑀸 𑀭𑀽𑀧𑀸…𑀧𑁂… 𑀓𑀸𑀬𑀯𑀺𑀜𑁆𑀜𑁂𑀬𑁆𑀬𑀸 𑀨𑁄𑀝𑁆𑀞𑀩𑁆𑀩𑀸 𑀇𑀝𑁆𑀞𑀸 𑀓𑀦𑁆𑀢𑀸 𑀫𑀦𑀸𑀧𑀸 𑀧𑀺𑀬𑀭𑀽𑀧𑀸 𑀓𑀸𑀫𑀽𑀧𑀲𑀁𑀳𑀺𑀢𑀸 𑀭𑀚𑀦𑀻𑀬𑀸 𑁋 𑀇𑀫𑁂 𑀔𑁄, 𑀪𑀺𑀓𑁆𑀔𑀯𑁂, 𑀧𑀜𑁆𑀘 𑀓𑀸𑀫𑀕𑀼𑀡𑀸. 𑀅𑀧𑀺 𑀘, 𑀪𑀺𑀓𑁆𑀔𑀯𑁂, 𑀦𑁂𑀢𑁂 𑀓𑀸𑀫𑀸 𑀓𑀸𑀫𑀕𑀼𑀡𑀸 𑀦𑀸𑀫𑁂𑀢𑁂 𑀅𑀭𑀺𑀬𑀲𑁆𑀲 𑀯𑀺𑀦𑀬𑁂 𑀯𑀼𑀘𑁆𑀘’’𑀦𑁆𑀢𑀺 𑁋
‘‘𑀲𑀗𑁆𑀓𑀧𑁆𑀧𑀭𑀸𑀕𑁄 𑀧𑀼𑀭𑀺𑀲𑀲𑁆𑀲 𑀓𑀸𑀫𑁄,
𑀦 𑀢𑁂 𑀓𑀸𑀫𑀸 𑀬𑀸𑀦𑀺 𑀘𑀺𑀢𑁆𑀭𑀸𑀦𑀺 𑀮𑁄𑀓𑁂;
𑀲𑀗𑁆𑀓𑀧𑁆𑀧𑀭𑀸𑀕𑁄 𑀧𑀼𑀭𑀺𑀲𑀲𑁆𑀲 𑀓𑀸𑀫𑁄,
𑀢𑀺𑀝𑁆𑀞𑀦𑁆𑀢𑀺 𑀘𑀺𑀢𑁆𑀭𑀸𑀦𑀺 𑀢𑀣𑁂𑀯 𑀮𑁄𑀓𑁂;
𑀅𑀣𑁂𑀢𑁆𑀣 𑀥𑀻𑀭𑀸 𑀯𑀺𑀦𑀬𑀦𑁆𑀢𑀺 𑀙𑀦𑁆𑀤’’𑀦𑁆𑀢𑀺 [𑀅. 𑀦𑀺. 𑁬.𑁬𑁩 𑀦𑀺𑀩𑁆𑀩𑁂𑀥𑀺𑀓𑀲𑀼𑀢𑁆𑀢𑁂].
𑀅𑀢𑁆𑀣𑁂𑀯 𑀲𑀼𑀢𑁆𑀢𑀦𑁆𑀢𑁄𑀢𑀺? 𑀆𑀫𑀦𑁆𑀢𑀸. 𑀢𑁂𑀦 𑀳𑀺 𑀦 𑀯𑀢𑁆𑀢𑀩𑁆𑀩𑀁 𑁋 ‘‘𑀧𑀜𑁆𑀘𑁂𑀯𑀸𑀬𑀢𑀦𑀸 𑀓𑀸𑀫𑀸’’𑀢𑀺.
𑀓𑀸𑀫𑀓𑀣𑀸 𑀦𑀺𑀝𑁆𑀞𑀺𑀢𑀸.
𑁮. 𑀅𑀝𑁆𑀞𑀫𑀯𑀕𑁆𑀕𑁄
(𑁭𑁭) 𑁫. 𑀭𑀽𑀧𑀥𑀸𑀢𑀼𑀓𑀣𑀸
𑁫𑁧𑁫. 𑀭𑀽𑀧𑀺𑀦𑁄 𑀥𑀫𑁆𑀫𑀸 𑀭𑀽𑀧𑀥𑀸𑀢𑀽𑀢𑀺? 𑀆𑀫𑀦𑁆𑀢𑀸. 𑀭𑀽𑀧𑀁 𑀪𑀯𑁄 𑀕𑀢𑀺 𑀲𑀢𑁆𑀢𑀸𑀯𑀸𑀲𑁄 𑀲𑀁𑀲𑀸𑀭𑁄 𑀬𑁄𑀦𑀺 𑀯𑀺𑀜𑁆𑀜𑀸𑀡𑀝𑁆𑀞𑀺𑀢𑀺 𑀅𑀢𑁆𑀢𑀪𑀸𑀯𑀧𑀝𑀺𑀮𑀸𑀪𑁄𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂… 𑀅𑀢𑁆𑀣𑀺 𑀭𑀽𑀧𑀽𑀧𑀕𑀁 𑀓𑀫𑁆𑀫𑀦𑁆𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂… 𑀅𑀢𑁆𑀣𑀺 𑀭𑀽𑀧𑀽𑀧𑀕𑀸 𑀲𑀢𑁆𑀢𑀸𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂… 𑀭𑀽𑀧𑁂 𑀲𑀢𑁆𑀢𑀸 𑀚𑀸𑀬𑀦𑁆𑀢𑀺 𑀚𑀻𑀬𑀦𑁆𑀢𑀺 𑀫𑀻𑀬𑀦𑁆𑀢𑀺 𑀘𑀯𑀦𑁆𑀢𑀺 𑀉𑀧𑀧𑀚𑁆𑀚𑀦𑁆𑀢𑀻𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂… 𑀭𑀽𑀧𑁂 𑀅𑀢𑁆𑀣𑀺 𑀭𑀽𑀧𑀁 𑀯𑁂𑀤𑀦𑀸 𑀲𑀜𑁆𑀜𑀸 𑀲𑀗𑁆𑀔𑀸𑀭𑀸 𑀯𑀺𑀜𑁆𑀜𑀸𑀡𑀦𑁆𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂… 𑀭𑀽𑀧𑀁 𑀧𑀜𑁆𑀘𑀯𑁄𑀓𑀸𑀭𑀪𑀯𑁄𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….
𑀭𑀽𑀧𑀥𑀸𑀢𑀼 𑀪𑀯𑁄 𑀕𑀢𑀺…𑀧𑁂… 𑀅𑀢𑁆𑀢𑀪𑀸𑀯𑀧𑀝𑀺𑀮𑀸𑀪𑁄𑀢𑀺? 𑀆𑀫𑀦𑁆𑀢𑀸. 𑀭𑀽𑀧𑀁 𑀪𑀯𑁄 𑀕𑀢𑀺…𑀧𑁂… 𑀅𑀢𑁆𑀢𑀪𑀸𑀯𑀧𑀝𑀺𑀮𑀸𑀪𑁄𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂… 𑀅𑀢𑁆𑀣𑀺 𑀭𑀽𑀧𑀥𑀸𑀢𑀽𑀧𑀕𑀁 𑀓𑀫𑁆𑀫𑀦𑁆𑀢𑀺? 𑀆𑀫𑀦𑁆𑀢𑀸. 𑀅𑀢𑁆𑀣𑀺 𑀭𑀽𑀧𑀽𑀧𑀕𑀁 𑀓𑀫𑁆𑀫𑀦𑁆𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂… 𑀅𑀢𑁆𑀣𑀺 𑀭𑀽𑀧𑀥𑀸𑀢𑀽𑀧𑀕𑀸 𑀲𑀢𑁆𑀢𑀸𑀢𑀺? 𑀆𑀫𑀦𑁆𑀢𑀸. 𑀅𑀢𑁆𑀣𑀺 𑀭𑀽𑀧𑀽𑀧𑀕𑀸 𑀲𑀢𑁆𑀢𑀸𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….
𑀭𑀽𑀧𑀥𑀸𑀢𑀼𑀬𑀸 𑀲𑀢𑁆𑀢𑀸 𑀚𑀸𑀬𑀦𑁆𑀢𑀺 𑀚𑀻𑀬𑀦𑁆𑀢𑀺 𑀫𑀻𑀬𑀦𑁆𑀢𑀺 𑀘𑀯𑀦𑁆𑀢𑀺 𑀉𑀧𑀧𑀚𑁆𑀚𑀦𑁆𑀢𑀻𑀢𑀺? 𑀆𑀫𑀦𑁆𑀢𑀸. 𑀭𑀽𑀧𑁂 𑀲𑀢𑁆𑀢𑀸 𑀚𑀸𑀬𑀦𑁆𑀢𑀺 𑀚𑀻𑀬𑀦𑁆𑀢𑀺 𑀫𑀻𑀬𑀦𑁆𑀢𑀺 𑀘𑀯𑀦𑁆𑀢𑀺 𑀉𑀧𑀧𑀚𑁆𑀚𑀦𑁆𑀢𑀻𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂… 𑀭𑀽𑀧𑀥𑀸𑀢𑀼𑀬𑀸 𑀅𑀢𑁆𑀣𑀺 𑀭𑀽𑀧𑀁 𑀯𑁂𑀤𑀦𑀸 𑀲𑀜𑁆𑀜𑀸 𑀲𑀗𑁆𑀔𑀸𑀭𑀸 𑀯𑀺𑀜𑁆𑀜𑀸𑀡𑀦𑁆𑀢𑀺? 𑀆𑀫𑀦𑁆𑀢𑀸. 𑀭𑀽𑀧𑁂 𑀅𑀢𑁆𑀣𑀺 𑀭𑀽𑀧𑀁 𑀯𑁂𑀤𑀦𑀸 𑀲𑀜𑁆𑀜𑀸 𑀲𑀗𑁆𑀔𑀸𑀭𑀸 𑀯𑀺𑀜𑁆𑀜𑀸𑀡𑀦𑁆𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂… 𑀭𑀽𑀧𑀥𑀸𑀢𑀼 𑀧𑀜𑁆𑀘𑀯𑁄𑀓𑀸𑀭𑀪𑀯𑁄𑀢𑀺? 𑀆𑀫𑀦𑁆𑀢𑀸. 𑀭𑀽𑀧𑀁 𑀧𑀜𑁆𑀘𑀯𑁄𑀓𑀸𑀭𑀪𑀯𑁄𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….
𑁫𑁧𑁬. 𑀭𑀽𑀧𑀺𑀦𑁄 𑀥𑀫𑁆𑀫𑀸 𑀭𑀽𑀧𑀥𑀸𑀢𑀼, 𑀓𑀸𑀫𑀥𑀸𑀢𑀼𑀬𑀸 𑀅𑀢𑁆𑀣𑀺 𑀭𑀽𑀧𑀦𑁆𑀢𑀺? 𑀆𑀫𑀦𑁆𑀢𑀸. 𑀲𑀸𑀯 𑀓𑀸𑀫𑀥𑀸𑀢𑀼, 𑀲𑀸 𑀭𑀽𑀧𑀥𑀸𑀢𑀽𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂… 𑀲𑀸𑀯 𑀓𑀸𑀫𑀥𑀸𑀢𑀼, 𑀲𑀸 𑀭𑀽𑀧𑀥𑀸𑀢𑀽𑀢𑀺? 𑀆𑀫𑀦𑁆𑀢𑀸. 𑀓𑀸𑀫𑀪𑀯𑁂𑀦 𑀲𑀫𑀦𑁆𑀦𑀸𑀕𑀢𑁄 𑀧𑀼𑀕𑁆𑀕𑀮𑁄 𑀤𑁆𑀯𑀻𑀳𑀺 𑀪𑀯𑁂𑀳𑀺 𑀲𑀫𑀦𑁆𑀦𑀸𑀕𑀢𑁄 𑀳𑁄𑀢𑀺 𑁋 𑀓𑀸𑀫𑀪𑀯𑁂𑀦 𑀘 𑀭𑀽𑀧𑀪𑀯𑁂𑀦 𑀘𑀸𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂.
𑀭𑀽𑀧𑀥𑀸𑀢𑀼𑀓𑀣𑀸 𑀦𑀺𑀝𑁆𑀞𑀺𑀢𑀸.
𑁮. 𑀅𑀝𑁆𑀞𑀫𑀯𑀕𑁆𑀕𑁄
(𑁭𑁮) 𑁬. 𑀅𑀭𑀽𑀧𑀥𑀸𑀢𑀼𑀓𑀣𑀸
𑁫𑁧𑁭. 𑀅𑀭𑀽𑀧𑀺𑀦𑁄 𑀥𑀫𑁆𑀫𑀸 𑀅𑀭𑀽𑀧𑀥𑀸𑀢𑀽𑀢𑀺? 𑀆𑀫𑀦𑁆𑀢𑀸. 𑀯𑁂𑀤𑀦𑀸 𑀪𑀯𑁄 𑀕𑀢𑀺 𑀲𑀢𑁆𑀢𑀸𑀯𑀸𑀲𑁄 𑀲𑀁𑀲𑀸𑀭𑁄 𑀬𑁄𑀦𑀺 𑀯𑀺𑀜𑁆𑀜𑀸𑀡𑀝𑁆𑀞𑀺𑀢𑀺 𑀅𑀢𑁆𑀢𑀪𑀸𑀯𑀧𑀝𑀺𑀮𑀸𑀪𑁄𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂… 𑀅𑀢𑁆𑀣𑀺 𑀯𑁂𑀤𑀦𑀽𑀧𑀕𑀁 𑀓𑀫𑁆𑀫𑀦𑁆𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂… 𑀅𑀢𑁆𑀣𑀺 𑀯𑁂𑀤𑀦𑀽𑀧𑀕𑀸 𑀲𑀢𑁆𑀢𑀸𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂… 𑀯𑁂𑀤𑀦𑀸𑀬 𑀲𑀢𑁆𑀢𑀸 𑀚𑀸𑀬𑀦𑁆𑀢𑀺 𑀚𑀻𑀬𑀦𑁆𑀢𑀺 𑀫𑀻𑀬𑀦𑁆𑀢𑀺 𑀘𑀯𑀦𑁆𑀢𑀺 𑀉𑀧𑀧𑀚𑁆𑀚𑀦𑁆𑀢𑀻𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂… 𑀯𑁂𑀤𑀦𑀸𑀬 𑀅𑀢𑁆𑀣𑀺 𑀯𑁂𑀤𑀦𑀸 𑀲𑀜𑁆𑀜𑀸 𑀲𑀗𑁆𑀔𑀸𑀭𑀸 𑀯𑀺𑀜𑁆𑀜𑀸𑀡𑀦𑁆𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂… 𑀯𑁂𑀤𑀦𑀸 𑀘𑀢𑀼𑀯𑁄𑀓𑀸𑀭𑀪𑀯𑁄𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….
𑀅𑀭𑀽𑀧𑀥𑀸𑀢𑀼 𑀪𑀯𑁄 𑀕𑀢𑀺…𑀧𑁂… 𑀅𑀢𑁆𑀢𑀪𑀸𑀯𑀧𑀝𑀺𑀮𑀸𑀪𑁄𑀢𑀺? 𑀆𑀫𑀦𑁆𑀢𑀸. 𑀯𑁂𑀤𑀦𑀸 𑀪𑀯𑁄 𑀕𑀢𑀺…𑀧𑁂… 𑀅𑀢𑁆𑀢𑀪𑀸𑀯𑀧𑀝𑀺𑀮𑀸𑀪𑁄𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂… 𑀅𑀢𑁆𑀣𑀺 𑀅𑀭𑀽𑀧𑀥𑀸𑀢𑀽𑀧𑀕𑀁 𑀓𑀫𑁆𑀫𑀦𑁆𑀢𑀺? 𑀆𑀫𑀦𑁆𑀢𑀸. 𑀅𑀢𑁆𑀣𑀺 𑀯𑁂𑀤𑀦𑀽𑀧𑀕𑀁 𑀓𑀫𑁆𑀫𑀦𑁆𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂… 𑀅𑀢𑁆𑀣𑀺 𑀅𑀭𑀽𑀧𑀥𑀸𑀢𑀽𑀧𑀕𑀸 𑀲𑀢𑁆𑀢𑀸𑀢𑀺? 𑀆𑀫𑀦𑁆𑀢𑀸. 𑀅𑀢𑁆𑀣𑀺 𑀯𑁂𑀤𑀦𑀽𑀧𑀕𑀸 𑀲𑀢𑁆𑀢𑀸𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….
𑀅𑀭𑀽𑀧𑀥𑀸𑀢𑀼𑀬𑀸 𑀲𑀢𑁆𑀢𑀸 𑀚𑀸𑀬𑀦𑁆𑀢𑀺 𑀚𑀻𑀬𑀦𑁆𑀢𑀺 𑀫𑀻𑀬𑀦𑁆𑀢𑀺 𑀘𑀯𑀦𑁆𑀢𑀺 𑀉𑀧𑀧𑀚𑁆𑀚𑀦𑁆𑀢𑀻𑀢𑀺? 𑀆𑀫𑀦𑁆𑀢𑀸. 𑀯𑁂𑀤𑀦𑀸𑀬 𑀲𑀢𑁆𑀢𑀸 𑀚𑀸𑀬𑀦𑁆𑀢𑀺 𑀚𑀻𑀬𑀦𑁆𑀢𑀺 𑀫𑀻𑀬𑀦𑁆𑀢𑀺 𑀘𑀯𑀦𑁆𑀢𑀺 𑀉𑀧𑀧𑀚𑁆𑀚𑀦𑁆𑀢𑀻𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂… 𑀅𑀭𑀽𑀧𑀥𑀸𑀢𑀼𑀬𑀸 𑀅𑀢𑁆𑀣𑀺 𑀯𑁂𑀤𑀦𑀸 𑀲𑀜𑁆𑀜𑀸 𑀲𑀗𑁆𑀔𑀸𑀭𑀸 𑀯𑀺𑀜𑁆𑀜𑀸𑀡𑀦𑁆𑀢𑀺? 𑀆𑀫𑀦𑁆𑀢𑀸. 𑀯𑁂𑀤𑀦𑀸𑀬 𑀅𑀢𑁆𑀣𑀺 𑀯𑁂𑀤𑀦𑀸 𑀲𑀜𑁆𑀜𑀸 𑀲𑀗𑁆𑀔𑀸𑀭𑀸 𑀯𑀺𑀜𑁆𑀜𑀸𑀡𑀦𑁆𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂… 𑀅𑀭𑀽𑀧𑀥𑀸𑀢𑀼 𑀘𑀢𑀼𑀯𑁄𑀓𑀸𑀭𑀪𑀯𑁄𑀢𑀺? 𑀆𑀫𑀦𑁆𑀢𑀸. 𑀯𑁂𑀤𑀦𑀸 𑀘𑀢𑀼𑀯𑁄𑀓𑀸𑀭𑀪𑀯𑁄𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….
𑁫𑁧𑁮. 𑀅𑀭𑀽𑀧𑀺𑀦𑁄 𑀥𑀫𑁆𑀫𑀸 𑀅𑀭𑀽𑀧𑀥𑀸𑀢𑀼, 𑀓𑀸𑀫𑀥𑀸𑀢𑀼𑀬𑀸 𑀅𑀢𑁆𑀣𑀺 𑀯𑁂𑀤𑀦𑀸 𑀲𑀜𑁆𑀜𑀸 𑀲𑀗𑁆𑀔𑀸𑀭𑀸 𑀯𑀺𑀜𑁆𑀜𑀸𑀡𑀦𑁆𑀢𑀺? 𑀆𑀫𑀦𑁆𑀢𑀸. 𑀲𑀸𑀯 𑀓𑀸𑀫𑀥𑀸𑀢𑀼, 𑀲𑀸 𑀅𑀭𑀽𑀧𑀥𑀸𑀢𑀽𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂… 𑀲𑀸𑀯 𑀓𑀸𑀫𑀥𑀸𑀢𑀼, 𑀲𑀸 𑀅𑀭𑀽𑀧𑀥𑀸𑀢𑀽𑀢𑀺? 𑀆𑀫𑀦𑁆𑀢𑀸. 𑀓𑀸𑀫𑀪𑀯𑁂𑀦 𑀲𑀫𑀦𑁆𑀦𑀸𑀕𑀢𑁄 𑀧𑀼𑀕𑁆𑀕𑀮𑁄 𑀤𑁆𑀯𑀻𑀳𑀺 𑀪𑀯𑁂𑀳𑀺 𑀲𑀫𑀦𑁆𑀦𑀸𑀕𑀢𑁄 𑀳𑁄𑀢𑀺 𑁋 𑀓𑀸𑀫𑀪𑀯𑁂𑀦 𑀘 𑀅𑀭𑀽𑀧𑀪𑀯𑁂𑀦 𑀘𑀸𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….
𑀭𑀽𑀧𑀺𑀦𑁄 𑀥𑀫𑁆𑀫𑀸 𑀭𑀽𑀧𑀥𑀸𑀢𑀼, 𑀅𑀭𑀽𑀧𑀺𑀦𑁄 𑀥𑀫𑁆𑀫𑀸 𑀅𑀭𑀽𑀧𑀥𑀸𑀢𑀼, 𑀓𑀸𑀫𑀥𑀸𑀢𑀼𑀬𑀸 𑀅𑀢𑁆𑀣𑀺 𑀭𑀽𑀧𑀁 𑀯𑁂𑀤𑀦𑀸 𑀲𑀜𑁆𑀜𑀸 𑀲𑀗𑁆𑀔𑀸𑀭𑀸 𑀯𑀺𑀜𑁆𑀜𑀸𑀡𑀦𑁆𑀢𑀺? 𑀆𑀫𑀦𑁆𑀢𑀸. 𑀲𑀸𑀯 𑀓𑀸𑀫𑀥𑀸𑀢𑀼, 𑀲𑀸 𑀭𑀽𑀧𑀥𑀸𑀢𑀼, 𑀲𑀸 𑀅𑀭𑀽𑀧𑀥𑀸𑀢𑀽𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂… 𑀲𑀸𑀯 𑀓𑀸𑀫𑀥𑀸𑀢𑀼, 𑀲𑀸 𑀭𑀽𑀧𑀥𑀸𑀢𑀼, 𑀲𑀸 𑀅𑀭𑀽𑀧𑀥𑀸𑀢𑀽𑀢𑀺? 𑀆𑀫𑀦𑁆𑀢𑀸. 𑀓𑀸𑀫𑀪𑀯𑁂𑀦 𑀲𑀫𑀦𑁆𑀦𑀸𑀕𑀢𑁄 𑀧𑀼𑀕𑁆𑀕𑀮𑁄 𑀢𑀻𑀳𑀺 𑀪𑀯𑁂𑀳𑀺 𑀲𑀫𑀦𑁆𑀦𑀸𑀕𑀢𑁄 𑀳𑁄𑀢𑀺 𑁋 𑀓𑀸𑀫𑀪𑀯𑁂𑀦 𑀘 𑀭𑀽𑀧𑀪𑀯𑁂𑀦 𑀘 𑀅𑀭𑀽𑀧𑀪𑀯𑁂𑀦 𑀘𑀸𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….
𑀅𑀭𑀽𑀧𑀥𑀸𑀢𑀼𑀓𑀣𑀸 𑀦𑀺𑀝𑁆𑀞𑀺𑀢𑀸.
𑁮. 𑀅𑀝𑁆𑀞𑀫𑀯𑀕𑁆𑀕𑁄
(𑁭𑁯) 𑁭. 𑀭𑀽𑀧𑀥𑀸𑀢𑀼𑀬𑀸𑀆𑀬𑀢𑀦𑀓𑀣𑀸
𑁫𑁧𑁯. 𑀅𑀢𑁆𑀣𑀺 𑀲𑀴𑀸𑀬𑀢𑀦𑀺𑀓𑁄 𑀅𑀢𑁆𑀢𑀪𑀸𑀯𑁄 𑀭𑀽𑀧𑀥𑀸𑀢𑀼𑀬𑀸𑀢𑀺? 𑀆𑀫𑀦𑁆𑀢𑀸. 𑀅𑀢𑁆𑀣𑀺 𑀢𑀢𑁆𑀣 𑀖𑀸𑀦𑀸𑀬𑀢𑀦𑀦𑁆𑀢𑀺? 𑀆𑀫𑀦𑁆𑀢𑀸. 𑀅𑀢𑁆𑀣𑀺 𑀢𑀢𑁆𑀣 𑀕𑀦𑁆𑀥𑀸𑀬𑀢𑀦𑀦𑁆𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂… 𑀅𑀢𑁆𑀣𑀺 𑀢𑀢𑁆𑀣 𑀚𑀺𑀯𑁆𑀳𑀸𑀬𑀢𑀦𑀦𑁆𑀢𑀺? 𑀆𑀫𑀦𑁆𑀢𑀸. 𑀅𑀢𑁆𑀣𑀺 𑀢𑀢𑁆𑀣 𑀭𑀲𑀸𑀬𑀢𑀦𑀦𑁆𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂… 𑀅𑀢𑁆𑀣𑀺 𑀢𑀢𑁆𑀣 𑀓𑀸𑀬𑀸𑀬𑀢𑀦𑀦𑁆𑀢𑀺? 𑀆𑀫𑀦𑁆𑀢𑀸. 𑀅𑀢𑁆𑀣𑀺 𑀢𑀢𑁆𑀣 𑀨𑁄𑀝𑁆𑀞𑀩𑁆𑀩𑀸𑀬𑀢𑀦𑀦𑁆𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….
𑀦𑀢𑁆𑀣𑀺 𑀢𑀢𑁆𑀣 𑀕𑀦𑁆𑀥𑀸𑀬𑀢𑀦𑀦𑁆𑀢𑀺? 𑀆𑀫𑀦𑁆𑀢𑀸. 𑀦𑀢𑁆𑀣𑀺 𑀢𑀢𑁆𑀣 𑀖𑀸𑀦𑀸𑀬𑀢𑀦𑀦𑁆𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂… 𑀦𑀢𑁆𑀣𑀺 𑀢𑀢𑁆𑀣 𑀭𑀲𑀸𑀬𑀢𑀦𑀦𑁆𑀢𑀺? 𑀆𑀫𑀦𑁆𑀢𑀸. 𑀦𑀢𑁆𑀣𑀺 𑀢𑀢𑁆𑀣 𑀚𑀺𑀯𑁆𑀳𑀸𑀬𑀢𑀦𑀦𑁆𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂… 𑀦𑀢𑁆𑀣𑀺 𑀢𑀢𑁆𑀣 𑀨𑁄𑀝𑁆𑀞𑀩𑁆𑀩𑀸𑀬𑀢𑀦𑀦𑁆𑀢𑀺? 𑀆𑀫𑀦𑁆𑀢𑀸. 𑀦𑀢𑁆𑀣𑀺 𑀢𑀢𑁆𑀣 𑀓𑀸𑀬𑀸𑀬𑀢𑀦𑀦𑁆𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….
𑁫𑁨𑁦. 𑀅𑀢𑁆𑀣𑀺 𑀢𑀢𑁆𑀣 𑀘𑀓𑁆𑀔𑀸𑀬𑀢𑀦𑀁, 𑀅𑀢𑁆𑀣𑀺 𑀭𑀽𑀧𑀸𑀬𑀢𑀦𑀦𑁆𑀢𑀺? 𑀆𑀫𑀦𑁆𑀢𑀸. 𑀅𑀢𑁆𑀣𑀺 𑀢𑀢𑁆𑀣 𑀖𑀸𑀦𑀸𑀬𑀢𑀦𑀁, 𑀅𑀢𑁆𑀣𑀺 𑀕𑀦𑁆𑀥𑀸𑀬𑀢𑀦𑀦𑁆𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂… 𑀅𑀢𑁆𑀣𑀺 𑀢𑀢𑁆𑀣 𑀘𑀓𑁆𑀔𑀸𑀬𑀢𑀦𑀁, 𑀅𑀢𑁆𑀣𑀺 𑀭𑀽𑀧𑀸𑀬𑀢𑀦𑀦𑁆𑀢𑀺? 𑀆𑀫𑀦𑁆𑀢𑀸. 𑀅𑀢𑁆𑀣𑀺 𑀢𑀢𑁆𑀣 𑀚𑀺𑀯𑁆𑀳𑀸𑀬𑀢𑀦𑀁, 𑀅𑀢𑁆𑀣𑀺 𑀭𑀲𑀸𑀬𑀢𑀦𑀁…𑀧𑁂… 𑀅𑀢𑁆𑀣𑀺 𑀢𑀢𑁆𑀣 𑀓𑀸𑀬𑀸𑀬𑀢𑀦𑀁, 𑀅𑀢𑁆𑀣𑀺 𑀨𑁄𑀝𑁆𑀞𑀩𑁆𑀩𑀸𑀬𑀢𑀦𑀦𑁆𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂… 𑀅𑀢𑁆𑀣𑀺 𑀢𑀢𑁆𑀣 𑀲𑁄𑀢𑀸𑀬𑀢𑀦𑀁, 𑀅𑀢𑁆𑀣𑀺 𑀲𑀤𑁆𑀤𑀸𑀬𑀢𑀦𑀁…𑀧𑁂… 𑀅𑀢𑁆𑀣𑀺 𑀢𑀢𑁆𑀣 𑀫𑀦𑀸𑀬𑀢𑀦𑀁, 𑀅𑀢𑁆𑀣𑀺 𑀥𑀫𑁆𑀫𑀸𑀬𑀢𑀦𑀦𑁆𑀢𑀺? 𑀆𑀫𑀦𑁆𑀢𑀸. 𑀅𑀢𑁆𑀣𑀺 𑀢𑀢𑁆𑀣 𑀖𑀸𑀦𑀸𑀬𑀢𑀦𑀁, 𑀅𑀢𑁆𑀣𑀺 𑀕𑀦𑁆𑀥𑀸𑀬𑀢𑀦𑀦𑁆𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂… 𑀅𑀢𑁆𑀣𑀺 𑀢𑀢𑁆𑀣 𑀫𑀦𑀸𑀬𑀢𑀦𑀁, 𑀅𑀢𑁆𑀣𑀺 𑀥𑀫𑁆𑀫𑀸𑀬𑀢𑀦𑀦𑁆𑀢𑀺? 𑀆𑀫𑀦𑁆𑀢𑀸. 𑀅𑀢𑁆𑀣𑀺 𑀢𑀢𑁆𑀣 𑀚𑀺𑀯𑁆𑀳𑀸𑀬𑀢𑀦𑀁, 𑀅𑀢𑁆𑀣𑀺 𑀭𑀲𑀸𑀬𑀢𑀦𑀦𑁆𑀢𑀺…𑀧𑁂… 𑀅𑀢𑁆𑀣𑀺 𑀢𑀢𑁆𑀣 𑀓𑀸𑀬𑀸𑀬𑀢𑀦𑀁, 𑀅𑀢𑁆𑀣𑀺 𑀨𑁄𑀝𑁆𑀞𑀩𑁆𑀩𑀸𑀬𑀢𑀦𑀦𑁆𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….
𑀅𑀢𑁆𑀣𑀺 𑀢𑀢𑁆𑀣 𑀖𑀸𑀦𑀸𑀬𑀢𑀦𑀁, 𑀦𑀢𑁆𑀣𑀺 𑀕𑀦𑁆𑀥𑀸𑀬𑀢𑀦𑀦𑁆𑀢𑀺? 𑀆𑀫𑀦𑁆𑀢𑀸. 𑀅𑀢𑁆𑀣𑀺 𑀢𑀢𑁆𑀣 𑀘𑀓𑁆𑀔𑀸𑀬𑀢𑀦𑀁, 𑀦𑀢𑁆𑀣𑀺 𑀭𑀽𑀧𑀸𑀬𑀢𑀦𑀦𑁆𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂… 𑀅𑀢𑁆𑀣𑀺 𑀢𑀢𑁆𑀣 𑀖𑀸𑀦𑀸𑀬𑀢𑀦𑀁, 𑀦𑀢𑁆𑀣𑀺 𑀕𑀦𑁆𑀥𑀸𑀬𑀢𑀦𑀦𑁆𑀢𑀺? 𑀆𑀫𑀦𑁆𑀢𑀸. 𑀅𑀢𑁆𑀣𑀺 𑀢𑀢𑁆𑀣 𑀲𑁄𑀢𑀸𑀬𑀢𑀦𑀁, 𑀦𑀢𑁆𑀣𑀺 𑀲𑀤𑁆𑀤𑀸𑀬𑀢𑀦𑀁…𑀧𑁂… 𑀅𑀢𑁆𑀣𑀺 𑀢𑀢𑁆𑀣 𑀫𑀦𑀸𑀬𑀢𑀦𑀁, 𑀦𑀢𑁆𑀣𑀺 𑀥𑀫𑁆𑀫𑀸𑀬𑀢𑀦𑀦𑁆𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂… 𑀅𑀢𑁆𑀣𑀺 𑀢𑀢𑁆𑀣 𑀚𑀺𑀯𑁆𑀳𑀸𑀬𑀢𑀦𑀁, 𑀦𑀢𑁆𑀣𑀺 𑀭𑀲𑀸𑀬𑀢𑀦𑀁…𑀧𑁂… 𑀅𑀢𑁆𑀣𑀺 𑀢𑀢𑁆𑀣 𑀓𑀸𑀬𑀸𑀬𑀢𑀦𑀁, 𑀦𑀢𑁆𑀣𑀺 𑀨𑁄𑀝𑁆𑀞𑀩𑁆𑀩𑀸𑀬𑀢𑀦𑀦𑁆𑀢𑀺? 𑀆𑀫𑀦𑁆𑀢𑀸. 𑀅𑀢𑁆𑀣𑀺 𑀢𑀢𑁆𑀣 𑀘𑀓𑁆𑀔𑀸𑀬𑀢𑀦𑀁, 𑀦𑀢𑁆𑀣𑀺 𑀭𑀽𑀧𑀸𑀬𑀢𑀦𑀦𑁆𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂… 𑀅𑀢𑁆𑀣𑀺 𑀢𑀢𑁆𑀣 𑀓𑀸𑀬𑀸𑀬𑀢𑀦𑀁, 𑀦𑀢𑁆𑀣𑀺 𑀨𑁄𑀝𑁆𑀞𑀩𑁆𑀩𑀸𑀬𑀢𑀦𑀦𑁆𑀢𑀺? 𑀆𑀫𑀦𑁆𑀢𑀸. 𑀅𑀢𑁆𑀣𑀺 𑀢𑀢𑁆𑀣 𑀲𑁄𑀢𑀸𑀬𑀢𑀦𑀁, 𑀦𑀢𑁆𑀣𑀺 𑀲𑀤𑁆𑀤𑀸𑀬𑀢𑀦𑀁 …𑀧𑁂… 𑀅𑀢𑁆𑀣𑀺 𑀢𑀢𑁆𑀣 𑀫𑀦𑀸𑀬𑀢𑀦𑀁, 𑀦𑀢𑁆𑀣𑀺 𑀥𑀫𑁆𑀫𑀸𑀬𑀢𑀦𑀦𑁆𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….
𑁫𑁨𑁧. 𑀅𑀢𑁆𑀣𑀺 𑀢𑀢𑁆𑀣 𑀘𑀓𑁆𑀔𑀸𑀬𑀢𑀦𑀁 𑀅𑀢𑁆𑀣𑀺 𑀭𑀽𑀧𑀸𑀬𑀢𑀦𑀁, 𑀢𑁂𑀦 𑀘𑀓𑁆𑀔𑀼𑀦𑀸 𑀢𑀁 𑀭𑀽𑀧𑀁 𑀧𑀲𑁆𑀲𑀢𑀻𑀢𑀺? 𑀆𑀫𑀦𑁆𑀢𑀸. 𑀅𑀢𑁆𑀣𑀺 𑀢𑀢𑁆𑀣 𑀖𑀸𑀦𑀸𑀬𑀢𑀦𑀁 𑀅𑀢𑁆𑀣𑀺 𑀕𑀦𑁆𑀥𑀸𑀬𑀢𑀦𑀁, 𑀢𑁂𑀦 𑀖𑀸𑀦𑁂𑀦 𑀢𑀁 𑀕𑀦𑁆𑀥𑀁 𑀖𑀸𑀬𑀢𑀻𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂… 𑀅𑀢𑁆𑀣𑀺 𑀢𑀢𑁆𑀣 𑀘𑀓𑁆𑀔𑀸𑀬𑀢𑀦𑀁 𑀅𑀢𑁆𑀣𑀺 𑀭𑀽𑀧𑀸𑀬𑀢𑀦𑀁, 𑀢𑁂𑀦 𑀘𑀓𑁆𑀔𑀼𑀦𑀸 𑀢𑀁 𑀭𑀽𑀧𑀁 𑀧𑀲𑁆𑀲𑀢𑀻𑀢𑀺? 𑀆𑀫𑀦𑁆𑀢𑀸. 𑀅𑀢𑁆𑀣𑀺 𑀢𑀢𑁆𑀣 𑀚𑀺𑀯𑁆𑀳𑀸𑀬𑀢𑀦𑀁 𑀅𑀢𑁆𑀣𑀺 𑀭𑀲𑀸𑀬𑀢𑀦𑀁, 𑀢𑀸𑀬 𑀚𑀺𑀯𑁆𑀳𑀸𑀬 𑀢𑀁 𑀭𑀲𑀁 𑀲𑀸𑀬𑀢𑀺…𑀧𑁂… 𑀅𑀢𑁆𑀣𑀺 𑀢𑀢𑁆𑀣 𑀓𑀸𑀬𑀸𑀬𑀢𑀦𑀁 𑀅𑀢𑁆𑀣𑀺 𑀨𑁄𑀝𑁆𑀞𑀩𑁆𑀩𑀸𑀬𑀢𑀦𑀁, 𑀢𑁂𑀦 𑀓𑀸𑀬𑁂𑀦 𑀢𑀁 𑀨𑁄𑀝𑁆𑀞𑀩𑁆𑀩𑀁 𑀨𑀼𑀲𑀢𑀻𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….
𑀅𑀢𑁆𑀣𑀺 𑀢𑀢𑁆𑀣 𑀲𑁄𑀢𑀸𑀬𑀢𑀦𑀁 𑀅𑀢𑁆𑀣𑀺 𑀲𑀤𑁆𑀤𑀸𑀬𑀢𑀦𑀁…𑀧𑁂… 𑀅𑀢𑁆𑀣𑀺 𑀢𑀢𑁆𑀣 𑀫𑀦𑀸𑀬𑀢𑀦𑀁 𑀅𑀢𑁆𑀣𑀺 𑀥𑀫𑁆𑀫𑀸𑀬𑀢𑀦𑀁, 𑀢𑁂𑀦 𑀫𑀦𑁂𑀦 𑀢𑀁 𑀥𑀫𑁆𑀫𑀁 𑀯𑀺𑀚𑀸𑀦𑀸𑀢𑀻𑀢𑀺? 𑀆𑀫𑀦𑁆𑀢𑀸. 𑀅𑀢𑁆𑀣𑀺 𑀢𑀢𑁆𑀣 𑀖𑀸𑀦𑀸𑀬𑀢𑀦𑀁 𑀅𑀢𑁆𑀣𑀺 𑀕𑀦𑁆𑀥𑀸𑀬𑀢𑀦𑀁, 𑀢𑁂𑀦 𑀖𑀸𑀦𑁂𑀦 𑀢𑀁 𑀕𑀦𑁆𑀥𑀁 𑀖𑀸𑀬𑀢𑀻𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂… 𑀅𑀢𑁆𑀣𑀺 𑀢𑀢𑁆𑀣 𑀫𑀦𑀸𑀬𑀢𑀦𑀁 𑀅𑀢𑁆𑀣𑀺 𑀥𑀫𑁆𑀫𑀸𑀬𑀢𑀦𑀁, 𑀢𑁂𑀦 𑀫𑀦𑁂𑀦 𑀢𑀁 𑀥𑀫𑁆𑀫𑀁 𑀯𑀺𑀚𑀸𑀦𑀸𑀢𑀻𑀢𑀺? 𑀆𑀫𑀦𑁆𑀢𑀸. 𑀅𑀢𑁆𑀣𑀺 𑀢𑀢𑁆𑀣 𑀚𑀺𑀯𑁆𑀳𑀸𑀬𑀢𑀦𑀁 𑀅𑀢𑁆𑀣𑀺 𑀭𑀲𑀸𑀬𑀢𑀦𑀁…𑀧𑁂… 𑀅𑀢𑁆𑀣𑀺 𑀢𑀢𑁆𑀣 𑀓𑀸𑀬𑀸𑀬𑀢𑀦𑀁 𑀅𑀢𑁆𑀣𑀺 𑀨𑁄𑀝𑁆𑀞𑀩𑁆𑀩𑀸𑀬𑀢𑀦𑀁, 𑀢𑁂𑀦 𑀓𑀸𑀬𑁂𑀦 𑀢𑀁 𑀨𑁄𑀝𑁆𑀞𑀩𑁆𑀩𑀁 𑀨𑀼𑀲𑀢𑀻𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….
𑀅𑀢𑁆𑀣𑀺 𑀢𑀢𑁆𑀣 𑀖𑀸𑀦𑀸𑀬𑀢𑀦𑀁 𑀅𑀢𑁆𑀣𑀺 𑀕𑀦𑁆𑀥𑀸𑀬𑀢𑀦𑀁, 𑀦 𑀘 𑀢𑁂𑀦 𑀖𑀸𑀦𑁂𑀦 𑀢𑀁 𑀕𑀦𑁆𑀥𑀁 𑀖𑀸𑀬𑀢𑀻𑀢𑀺? 𑀆𑀫𑀦𑁆𑀢𑀸. 𑀅𑀢𑁆𑀣𑀺 𑀢𑀢𑁆𑀣 𑀘𑀓𑁆𑀔𑀸𑀬𑀢𑀦𑀁 𑀅𑀢𑁆𑀣𑀺 𑀭𑀽𑀧𑀸𑀬𑀢𑀦𑀁, 𑀦 𑀘 𑀢𑁂𑀦 𑀘𑀓𑁆𑀔𑀼𑀦𑀸 𑀢𑀁 𑀭𑀽𑀧𑀁 𑀧𑀲𑁆𑀲𑀢𑀻𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂… 𑀅𑀢𑁆𑀣𑀺 𑀢𑀢𑁆𑀣 𑀖𑀸𑀦𑀸𑀬𑀢𑀦𑀁 𑀅𑀢𑁆𑀣𑀺 𑀕𑀦𑁆𑀥𑀸𑀬𑀢𑀦𑀁, 𑀦 𑀘 𑀢𑁂𑀦 𑀖𑀸𑀦𑁂𑀦 𑀢𑀁 𑀕𑀦𑁆𑀥𑀁 𑀖𑀸𑀬𑀢𑀻𑀢𑀺? 𑀆𑀫𑀦𑁆𑀢𑀸. 𑀅𑀢𑁆𑀣𑀺 𑀢𑀢𑁆𑀣 𑀲𑁄𑀢𑀸𑀬𑀢𑀦𑀁 𑀅𑀢𑁆𑀣𑀺 𑀲𑀤𑁆𑀤𑀸𑀬𑀢𑀦𑀁…𑀧𑁂… 𑀅𑀢𑁆𑀣𑀺 𑀢𑀢𑁆𑀣 𑀫𑀦𑀸𑀬𑀢𑀦𑀁 𑀅𑀢𑁆𑀣𑀺 𑀥𑀫𑁆𑀫𑀸𑀬𑀢𑀦𑀁, 𑀦 𑀘 𑀢𑁂𑀦 𑀫𑀦𑁂𑀦 𑀢𑀁 𑀥𑀫𑁆𑀫𑀁 𑀯𑀺𑀚𑀸𑀦𑀸𑀢𑀻𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….
𑀅𑀢𑁆𑀣𑀺 𑀢𑀢𑁆𑀣 𑀚𑀺𑀯𑁆𑀳𑀸𑀬𑀢𑀦𑀁 𑀅𑀢𑁆𑀣𑀺 𑀭𑀲𑀸𑀬𑀢𑀦𑀁…𑀧𑁂… 𑀅𑀢𑁆𑀣𑀺 𑀢𑀢𑁆𑀣 𑀓𑀸𑀬𑀸𑀬𑀢𑀦𑀁 𑀅𑀢𑁆𑀣𑀺 𑀨𑁄𑀝𑁆𑀞𑀩𑁆𑀩𑀸𑀬𑀢𑀦𑀁, 𑀦 𑀘 𑀢𑁂𑀦 𑀓𑀸𑀬𑁂𑀦 𑀢𑀁 𑀨𑁄𑀝𑁆𑀞𑀩𑁆𑀩𑀁 𑀨𑀼𑀲𑀢𑀻𑀢𑀺? 𑀆𑀫𑀦𑁆𑀢𑀸. 𑀅𑀢𑁆𑀣𑀺 𑀢𑀢𑁆𑀣 𑀲𑁄𑀢𑀸𑀬𑀢𑀦𑀁 𑀅𑀢𑁆𑀣𑀺 𑀲𑀤𑁆𑀤𑀸𑀬𑀢𑀦𑀁…𑀧𑁂… 𑀅𑀢𑁆𑀣𑀺 𑀢𑀢𑁆𑀣 𑀫𑀦𑀸𑀬𑀢𑀦𑀁 𑀅𑀢𑁆𑀣𑀺 𑀥𑀫𑁆𑀫𑀸𑀬𑀢𑀦𑀁, 𑀦 𑀘 𑀢𑁂𑀦 𑀫𑀦𑁂𑀦 𑀢𑀁 𑀥𑀫𑁆𑀫𑀁 𑀯𑀺𑀚𑀸𑀦𑀸𑀢𑀻𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….
𑁫𑁨𑁨. 𑀅𑀢𑁆𑀣𑀺 𑀢𑀢𑁆𑀣 𑀖𑀸𑀦𑀸𑀬𑀢𑀦𑀁 𑀅𑀢𑁆𑀣𑀺 𑀕𑀦𑁆𑀥𑀸𑀬𑀢𑀦𑀁, 𑀢𑁂𑀦 𑀖𑀸𑀦𑁂𑀦 𑀢𑀁 𑀕𑀦𑁆𑀥𑀁 𑀖𑀸𑀬𑀢𑀻𑀢𑀺? 𑀆𑀫𑀦𑁆𑀢𑀸. 𑀅𑀢𑁆𑀣𑀺 𑀢𑀢𑁆𑀣 𑀫𑀽𑀮𑀕𑀦𑁆𑀥𑁄 𑀲𑀸𑀭𑀕𑀦𑁆𑀥𑁄 𑀢𑀘𑀕𑀦𑁆𑀥𑁄 𑀧𑀢𑁆𑀢𑀕𑀦𑁆𑀥𑁄 𑀧𑀼𑀧𑁆𑀨𑀕𑀦𑁆𑀥𑁄 𑀨𑀮𑀕𑀦𑁆𑀥𑁄 𑀆𑀫𑀕𑀦𑁆𑀥𑁄 𑀯𑀺𑀲𑁆𑀲𑀕𑀦𑁆𑀥𑁄 𑀲𑀼𑀕𑀦𑁆𑀥𑁄 𑀤𑀼𑀕𑁆𑀕𑀦𑁆𑀥𑁄𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….
𑀅𑀢𑁆𑀣𑀺 𑀢𑀢𑁆𑀣 𑀚𑀺𑀯𑁆𑀳𑀸𑀬𑀢𑀦𑀁 𑀅𑀢𑁆𑀣𑀺 𑀭𑀲𑀸𑀬𑀢𑀦𑀁, 𑀢𑀸𑀬 𑀚𑀺𑀯𑁆𑀳𑀸𑀬 𑀢𑀁 𑀭𑀲𑀁 𑀲𑀸𑀬𑀢𑀻𑀢𑀺? 𑀆𑀫𑀦𑁆𑀢𑀸. 𑀅𑀢𑁆𑀣𑀺 𑀢𑀢𑁆𑀣 𑀫𑀽𑀮𑀭𑀲𑁄 𑀔𑀦𑁆𑀥𑀭𑀲𑁄 𑀢𑀘𑀭𑀲𑁄 𑀧𑀢𑁆𑀢𑀭𑀲𑁄 𑀧𑀼𑀧𑁆𑀨𑀭𑀲𑁄 𑀨𑀮𑀭𑀲𑁄 𑀅𑀫𑁆𑀩𑀺𑀮𑀁 𑀫𑀥𑀼𑀭𑀁 𑀢𑀺𑀢𑁆𑀢𑀓𑀁 𑀓𑀝𑀼𑀓𑀁 𑀮𑁄𑀡𑀺𑀬𑀁 𑀔𑀸𑀭𑀺𑀬𑀁 𑀮𑀫𑁆𑀩𑀺𑀮𑀁 𑀓𑀲𑀸𑀯𑁄 𑀲𑀸𑀤𑀼 𑀅𑀲𑀸𑀤𑀽𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….
𑀅𑀢𑁆𑀣𑀺 𑀢𑀢𑁆𑀣 𑀓𑀸𑀬𑀸𑀬𑀢𑀦𑀁 𑀅𑀢𑁆𑀣𑀺 𑀨𑁄𑀝𑁆𑀞𑀩𑁆𑀩𑀸𑀬𑀢𑀦𑀁, 𑀢𑁂𑀦 𑀓𑀸𑀬𑁂𑀦 𑀢𑀁 𑀨𑁄𑀝𑁆𑀞𑀩𑁆𑀩𑀁 𑀨𑀼𑀲𑀢𑀻𑀢𑀺? 𑀆𑀫𑀦𑁆𑀢𑀸. 𑀅𑀢𑁆𑀣𑀺 𑀢𑀢𑁆𑀣 𑀓𑀓𑁆𑀔𑀴𑀁 𑀫𑀼𑀤𑀼𑀓𑀁 𑀲𑀡𑁆𑀳𑀁 𑀨𑀭𑀼𑀲𑀁 𑀲𑀼𑀔𑀲𑀫𑁆𑀨𑀲𑁆𑀲𑀁 𑀤𑀼𑀓𑁆𑀔𑀲𑀫𑁆𑀨𑀲𑁆𑀲𑀁 𑀕𑀭𑀼𑀓𑀁 𑀮𑀳𑀼𑀓𑀦𑁆𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….
𑁫𑁨𑁩. 𑀦 𑀯𑀢𑁆𑀢𑀩𑁆𑀩𑀁 𑁋 ‘‘𑀲𑀴𑀸𑀬𑀢𑀦𑀺𑀓𑁄 𑀅𑀢𑁆𑀢𑀪𑀸𑀯𑁄 𑀭𑀽𑀧𑀥𑀸𑀢𑀼𑀬𑀸’’𑀢𑀺? 𑀆𑀫𑀦𑁆𑀢𑀸. 𑀦𑀦𑀼 𑀅𑀢𑁆𑀣𑀺 𑀢𑀢𑁆𑀣 𑀖𑀸𑀦𑀦𑀺𑀫𑀺𑀢𑁆𑀢𑀁 𑀚𑀺𑀯𑁆𑀳𑀸𑀦𑀺𑀫𑀺𑀢𑁆𑀢𑀁 𑀓𑀸𑀬𑀦𑀺𑀫𑀺𑀢𑁆𑀢𑀦𑁆𑀢𑀺? 𑀆𑀫𑀦𑁆𑀢𑀸. 𑀳𑀜𑁆𑀘𑀺 𑀅𑀢𑁆𑀣𑀺 𑀢𑀢𑁆𑀣 𑀖𑀸𑀦𑀦𑀺𑀫𑀺𑀢𑁆𑀢𑀁 𑀚𑀺𑀯𑁆𑀳𑀸𑀦𑀺𑀫𑀺𑀢𑁆𑀢𑀁 𑀓𑀸𑀬𑀦𑀺𑀫𑀺𑀢𑁆𑀢𑀁, 𑀢𑁂𑀦 𑀯𑀢 𑀭𑁂 𑀯𑀢𑁆𑀢𑀩𑁆𑀩𑁂 𑁋 ‘‘𑀲𑀴𑀸𑀬𑀢𑀦𑀺𑀓𑁄 𑀅𑀢𑁆𑀢𑀪𑀸𑀯𑁄 𑀭𑀽𑀧𑀥𑀸𑀢𑀼𑀬𑀸’’𑀢𑀺.
𑀭𑀽𑀧𑀥𑀸𑀢𑀼𑀬𑀸 𑀆𑀬𑀢𑀦𑀓𑀣𑀸 𑀦𑀺𑀝𑁆𑀞𑀺𑀢𑀸.
𑁮. 𑀅𑀝𑁆𑀞𑀫𑀯𑀕𑁆𑀕𑁄
(𑁮𑁦) 𑁮. 𑀅𑀭𑀽𑀧𑁂 𑀭𑀽𑀧𑀓𑀣𑀸
𑁫𑁨𑁪. 𑀅𑀢𑁆𑀣𑀺 𑀭𑀽𑀧𑀁 𑀅𑀭𑀽𑀧𑁂𑀲𑀽𑀢𑀺? 𑀆𑀫𑀦𑁆𑀢𑀸. 𑀭𑀽𑀧𑀪𑀯𑁄 𑀭𑀽𑀧𑀕𑀢𑀺 𑀭𑀽𑀧𑀲𑀢𑁆𑀢𑀸𑀯𑀸𑀲𑁄 𑀭𑀽𑀧𑀲𑀁𑀲𑀸𑀭𑁄 𑀭𑀽𑀧𑀬𑁄𑀦𑀺 𑀭𑀽𑀧𑀢𑁆𑀢𑀪𑀸𑀯𑀧𑀝𑀺𑀮𑀸𑀪𑁄𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂… 𑀦𑀦𑀼 𑀅𑀭𑀽𑀧𑀪𑀯𑁄 𑀅𑀭𑀽𑀧𑀕𑀢𑀺 𑀅𑀭𑀽𑀧𑀲𑀢𑁆𑀢𑀸𑀯𑀸𑀲𑁄 𑀅𑀭𑀽𑀧𑀲𑀁𑀲𑀸𑀭𑁄 𑀅𑀭𑀽𑀧𑀬𑁄𑀦𑀺 𑀅𑀭𑀽𑀧𑀢𑁆𑀢𑀪𑀸𑀯𑀧𑀝𑀺𑀮𑀸𑀪𑁄𑀢𑀺? 𑀆𑀫𑀦𑁆𑀢𑀸. 𑀳𑀜𑁆𑀘𑀺 𑀅𑀭𑀽𑀧𑀪𑀯𑁄…𑀧𑁂… 𑀅𑀭𑀽𑀧𑀢𑁆𑀢𑀪𑀸𑀯𑀧𑀝𑀺𑀮𑀸𑀪𑁄, 𑀦𑁄 𑀘 𑀯𑀢 𑀭𑁂 𑀯𑀢𑁆𑀢𑀩𑁆𑀩𑁂 𑁋 ‘‘𑀅𑀢𑁆𑀣𑀺 𑀭𑀽𑀧𑀁 𑀅𑀭𑀽𑀧𑁂𑀲𑀽’’𑀢𑀺.
𑀅𑀢𑁆𑀣𑀺 𑀭𑀽𑀧𑀁 𑀅𑀭𑀽𑀧𑁂𑀲𑀽𑀢𑀺? 𑀆𑀫𑀦𑁆𑀢𑀸. 𑀧𑀜𑁆𑀘𑀯𑁄𑀓𑀸𑀭𑀪𑀯𑁄 𑀕𑀢𑀺 𑀲𑀢𑁆𑀢𑀸𑀯𑀸𑀲𑁄 𑀲𑀁𑀲𑀸𑀭𑁄 𑀬𑁄𑀦𑀺 𑀯𑀺𑀜𑁆𑀜𑀸𑀡𑀝𑁆𑀞𑀺𑀢𑀺 𑀅𑀢𑁆𑀢𑀪𑀸𑀯𑀧𑀝𑀺𑀮𑀸𑀪𑁄𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂… 𑀦𑀦𑀼 𑀘𑀢𑀼𑀯𑁄𑀓𑀸𑀭𑀪𑀯𑁄…𑀧𑁂… 𑀅𑀢𑁆𑀢𑀪𑀸𑀯𑀧𑀝𑀺𑀮𑀸𑀪𑁄𑀢𑀺? 𑀆𑀫𑀦𑁆𑀢𑀸. 𑀳𑀜𑁆𑀘𑀺 𑀘𑀢𑀼𑀯𑁄𑀓𑀸𑀭𑀪𑀯𑁄 𑀕𑀢𑀺…𑀧𑁂… 𑀅𑀢𑁆𑀢𑀪𑀸𑀯𑀧𑀝𑀺𑀮𑀸𑀪𑁄, 𑀦𑁄 𑀘 𑀯𑀢 𑀭𑁂 𑀯𑀢𑁆𑀢𑀩𑁆𑀩𑁂 𑁋 ‘‘𑀅𑀢𑁆𑀣𑀺 𑀭𑀽𑀧𑀁 𑀅𑀭𑀽𑀧𑁂𑀲𑀽’’𑀢𑀺.
𑁫𑁨𑁫. 𑀅𑀢𑁆𑀣𑀺 𑀭𑀽𑀧𑀁 𑀭𑀽𑀧𑀥𑀸𑀢𑀼𑀬𑀸, 𑀲𑁄 𑀘 𑀭𑀽𑀧𑀪𑀯𑁄 𑀭𑀽𑀧𑀕𑀢𑀺 𑀭𑀽𑀧𑀲𑀢𑁆𑀢𑀸𑀯𑀸𑀲𑁄 𑀭𑀽𑀧𑀲𑀁𑀲𑀸𑀭𑁄 𑀭𑀽𑀧𑀬𑁄𑀦𑀺 𑀭𑀽𑀧𑀢𑁆𑀢𑀪𑀸𑀯𑀧𑀝𑀺𑀮𑀸𑀪𑁄𑀢𑀺? 𑀆𑀫𑀦𑁆𑀢𑀸. 𑀅𑀢𑁆𑀣𑀺 𑀭𑀽𑀧𑀁 𑀅𑀭𑀽𑀧𑁂𑀲𑀼, 𑀲𑁄 𑀘 𑀭𑀽𑀧𑀪𑀯𑁄 𑀭𑀽𑀧𑀕𑀢𑀺…𑀧𑁂… 𑀭𑀽𑀧𑀢𑁆𑀢𑀪𑀸𑀯𑀧𑀝𑀺𑀮𑀸𑀪𑁄𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂… 𑀅𑀢𑁆𑀣𑀺 𑀭𑀽𑀧𑀁 𑀭𑀽𑀧𑀥𑀸𑀢𑀼𑀬𑀸, 𑀲𑁄 𑀘 𑀧𑀜𑁆𑀘𑀯𑁄𑀓𑀸𑀭𑀪𑀯𑁄 𑀕𑀢𑀺…𑀧𑁂… 𑀅𑀢𑁆𑀢𑀪𑀸𑀯𑀧𑀝𑀺𑀮𑀸𑀪𑁄𑀢𑀺? 𑀆𑀫𑀦𑁆𑀢𑀸. 𑀅𑀢𑁆𑀣𑀺 𑀭𑀽𑀧𑀁 𑀅𑀭𑀽𑀧𑁂𑀲𑀼, 𑀲𑁄 𑀘 𑀧𑀜𑁆𑀘𑀯𑁄𑀓𑀸𑀭𑀪𑀯𑁄 𑀕𑀢𑀺…𑀧𑁂… 𑀅𑀢𑁆𑀢𑀪𑀸𑀯𑀧𑀝𑀺𑀮𑀸𑀪𑁄𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂…. 𑀅𑀢𑁆𑀣𑀺 𑀭𑀽𑀧𑀁 𑀅𑀭𑀽𑀧𑁂𑀲𑀼, 𑀲𑁄 𑀘 𑀅𑀭𑀽𑀧𑀪𑀯𑁄 𑀅𑀭𑀽𑀧𑀕𑀢𑀺 𑀅𑀭𑀽𑀧𑀲𑀢𑁆𑀢𑀸𑀯𑀸𑀲𑁄 𑀅𑀭𑀽𑀧𑀲𑀁𑀲𑀸𑀭𑁄 𑀅𑀭𑀽𑀧𑀬𑁄𑀦𑀺 𑀅𑀭𑀽𑀧𑀢𑁆𑀢𑀪𑀸𑀯𑀧𑀝𑀺𑀮𑀸𑀪𑁄𑀢𑀺? 𑀆𑀫𑀦𑁆𑀢𑀸. 𑀅𑀢𑁆𑀣𑀺 𑀭𑀽𑀧𑀁 𑀭𑀽𑀧𑀥𑀸𑀢𑀼𑀬𑀸 [𑀅𑀭𑀽𑀧𑀥𑀸𑀢𑀼𑀬𑀸 (𑀲𑀩𑁆𑀩𑀢𑁆𑀣)], 𑀲𑁄 𑀘 𑀅𑀭𑀽𑀧𑀪𑀯𑁄 𑀅𑀭𑀽𑀧𑀕𑀢𑀺…𑀧𑁂… 𑀅𑀭𑀽𑀧𑀢𑁆𑀢𑀪𑀸𑀯𑀧𑀝𑀺𑀮𑀸𑀪𑁄𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂… 𑀅𑀢𑁆𑀣𑀺 𑀭𑀽𑀧𑀁 𑀅𑀭𑀽𑀧𑁂𑀲𑀼, 𑀲𑁄 𑀘 𑀘𑀢𑀼𑀯𑁄𑀓𑀸𑀭𑀪𑀯𑁄 𑀕𑀢𑀺…𑀧𑁂… 𑀅𑀢𑁆𑀢𑀪𑀸𑀯𑀧𑀝𑀺𑀮𑀸𑀪𑁄𑀢𑀺? 𑀆𑀫𑀦𑁆𑀢𑀸. 𑀅𑀢𑁆𑀣𑀺 𑀭𑀽𑀧𑀁 𑀭𑀽𑀧𑀥𑀸𑀢𑀼𑀬𑀸 [𑀅𑀭𑀽𑀧𑀥𑀸𑀢𑀼𑀬𑀸 (𑀲𑀩𑁆𑀩𑀢𑁆𑀣)], 𑀲𑁄 𑀘 𑀘𑀢𑀼𑀯𑁄𑀓𑀸𑀭𑀪𑀯𑁄 𑀕𑀢𑀺…𑀧𑁂… 𑀅𑀢𑁆𑀢𑀪𑀸𑀯𑀧𑀝𑀺𑀮𑀸𑀪𑁄𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….
𑁫𑁨𑁬. 𑀅𑀢𑁆𑀣𑀺 𑀭𑀽𑀧𑀁 𑀅𑀭𑀽𑀧𑁂𑀲𑀽𑀢𑀺? 𑀆𑀫𑀦𑁆𑀢𑀸. 𑀦𑀦𑀼 𑀭𑀽𑀧𑀸𑀦𑀁 𑀦𑀺𑀲𑁆𑀲𑀭𑀡𑀁 𑀅𑀭𑀽𑀧𑀁 [𑀇𑀢𑀺𑀯𑀼. 𑁭𑁨; 𑀅. 𑀦𑀺. 𑁫.𑁨𑁦𑁦; 𑀤𑀻. 𑀦𑀺. 𑁩.𑁩𑁨𑁧] 𑀯𑀼𑀢𑁆𑀢𑀁 𑀪𑀕𑀯𑀢𑀸𑀢𑀺? 𑀆𑀫𑀦𑁆𑀢𑀸. 𑀳𑀜𑁆𑀘𑀺 𑀭𑀽𑀧𑀸𑀦𑀁 𑀦𑀺𑀲𑁆𑀲𑀭𑀡𑀁 𑀅𑀭𑀽𑀧𑀁 [𑀇𑀢𑀺𑀯𑀼. 𑁭𑁨; 𑀅. 𑀦𑀺. 𑁫.𑁨𑁦𑁦; 𑀤𑀻. 𑀦𑀺. 𑁩.𑁩𑁨𑁧] 𑀯𑀼𑀢𑁆𑀢𑀁 𑀪𑀕𑀯𑀢𑀸, 𑀦𑁄 𑀘 𑀯𑀢 𑀭𑁂 𑀯𑀢𑁆𑀢𑀩𑁆𑀩𑁂 𑁋 ‘‘𑀅𑀢𑁆𑀣𑀺 𑀭𑀽𑀧𑀁 𑀅𑀭𑀽𑀧𑁂𑀲𑀽’’𑀢𑀺.
𑀭𑀽𑀧𑀸𑀦𑀁 𑀦𑀺𑀲𑁆𑀲𑀭𑀡𑀁 𑀅𑀭𑀽𑀧𑀁 𑀯𑀼𑀢𑁆𑀢𑀁 𑀪𑀕𑀯𑀢𑀸, 𑀅𑀢𑁆𑀣𑀺 𑀭𑀽𑀧𑀁 𑀅𑀭𑀽𑀧𑁂𑀲𑀽𑀢𑀺? 𑀆𑀫𑀦𑁆𑀢𑀸. 𑀓𑀸𑀫𑀸𑀦𑀁 𑀦𑀺𑀲𑁆𑀲𑀭𑀡𑀁 𑀦𑁂𑀓𑁆𑀔𑀫𑁆𑀫𑀁 𑀯𑀼𑀢𑁆𑀢𑀁 𑀪𑀕𑀯𑀢𑀸, 𑀅𑀢𑁆𑀣𑀺 𑀦𑁂𑀓𑁆𑀔𑀫𑁆𑀫𑁂𑀲𑀼 𑀓𑀸𑀫𑀸, 𑀅𑀢𑁆𑀣𑀺 𑀅𑀦𑀸𑀲𑀯𑁂𑀲𑀼 𑀆𑀲𑀯𑀸, 𑀅𑀢𑁆𑀣𑀺 𑀅𑀧𑀭𑀺𑀬𑀸𑀧𑀦𑁆𑀦𑁂𑀲𑀼 𑀧𑀭𑀺𑀬𑀸𑀧𑀦𑁆𑀦𑀸𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….
𑀅𑀭𑀽𑀧𑁂 𑀭𑀽𑀧𑀓𑀣𑀸 𑀦𑀺𑀝𑁆𑀞𑀺𑀢𑀸.
𑁮. 𑀅𑀝𑁆𑀞𑀫𑀯𑀕𑁆𑀕𑁄
(𑁮𑁧) 𑁯. 𑀭𑀽𑀧𑀁 𑀓𑀫𑁆𑀫𑀦𑁆𑀢𑀺𑀓𑀣𑀸
𑁫𑁨𑁭. 𑀓𑀼𑀲𑀮𑁂𑀦 𑀘𑀺𑀢𑁆𑀢𑁂𑀦 𑀲𑀫𑀼𑀝𑁆𑀞𑀺𑀢𑀁 𑀓𑀸𑀬𑀓𑀫𑁆𑀫𑀁 𑀭𑀽𑀧𑀁 𑀓𑀼𑀲𑀮𑀦𑁆𑀢𑀺? 𑀆𑀫𑀦𑁆𑀢𑀸. 𑀲𑀸𑀭𑀫𑁆𑀫𑀡𑀁, 𑀅𑀢𑁆𑀣𑀺 𑀢𑀲𑁆𑀲 𑀆𑀯𑀝𑁆𑀝𑀦𑀸 𑀆𑀪𑁄𑀕𑁄 𑀲𑀫𑀦𑁆𑀦𑀸𑀳𑀸𑀭𑁄 𑀫𑀦𑀲𑀺𑀓𑀸𑀭𑁄 𑀘𑁂𑀢𑀦𑀸 𑀧𑀢𑁆𑀣𑀦𑀸 𑀧𑀡𑀺𑀥𑀻𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂… 𑀦𑀦𑀼 𑀅𑀦𑀸𑀭𑀫𑁆𑀫𑀡𑀁, 𑀦𑀢𑁆𑀣𑀺 𑀢𑀲𑁆𑀲 𑀆𑀯𑀝𑁆𑀝𑀦𑀸 𑀆𑀪𑁄𑀕𑁄 𑀲𑀫𑀦𑁆𑀦𑀸𑀳𑀸𑀭𑁄 𑀫𑀦𑀲𑀺𑀓𑀸𑀭𑁄 𑀘𑁂𑀢𑀦𑀸 𑀧𑀢𑁆𑀣𑀦𑀸 𑀧𑀡𑀺𑀥𑀻𑀢𑀺? 𑀆𑀫𑀦𑁆𑀢𑀸. 𑀳𑀜𑁆𑀘𑀺 𑀅𑀦𑀸𑀭𑀫𑁆𑀫𑀡𑀁, 𑀦𑀢𑁆𑀣𑀺 𑀢𑀲𑁆𑀲 𑀆𑀯𑀝𑁆𑀝𑀦𑀸…𑀧𑁂… 𑀧𑀡𑀺𑀥𑀻𑀢𑀺, 𑀦𑁄 𑀘 𑀯𑀢 𑀭𑁂 𑀯𑀢𑁆𑀢𑀩𑁆𑀩𑁂 𑁋 ‘‘𑀓𑀼𑀲𑀮𑁂𑀦 𑀘𑀺𑀢𑁆𑀢𑁂𑀦 𑀲𑀫𑀼𑀝𑁆𑀞𑀺𑀢𑀁 𑀓𑀸𑀬𑀓𑀫𑁆𑀫𑀁 𑀭𑀽𑀧𑀁 𑀓𑀼𑀲𑀮’’𑀦𑁆𑀢𑀺.
𑀓𑀼𑀲𑀮𑁂𑀦 𑀘𑀺𑀢𑁆𑀢𑁂𑀦 𑀲𑀫𑀼𑀝𑁆𑀞𑀺𑀢𑁄 𑀨𑀲𑁆𑀲𑁄 𑀓𑀼𑀲𑀮𑁄 𑀲𑀸𑀭𑀫𑁆𑀫𑀡𑁄, 𑀅𑀢𑁆𑀣𑀺 𑀢𑀲𑁆𑀲 𑀆𑀯𑀝𑁆𑀝𑀦𑀸…𑀧𑁂… 𑀧𑀡𑀺𑀥𑀻𑀢𑀺? 𑀆𑀫𑀦𑁆𑀢𑀸. 𑀓𑀼𑀲𑀮𑁂𑀦 𑀘𑀺𑀢𑁆𑀢𑁂𑀦 𑀲𑀫𑀼𑀝𑁆𑀞𑀺𑀢𑀁 𑀓𑀸𑀬𑀓𑀫𑁆𑀫𑀁 𑀭𑀽𑀧𑀁 𑀓𑀼𑀲𑀮𑀁 𑀲𑀸𑀭𑀫𑁆𑀫𑀡𑀁, 𑀅𑀢𑁆𑀣𑀺 𑀢𑀲𑁆𑀲 𑀆𑀯𑀝𑁆𑀝𑀦𑀸…𑀧𑁂… 𑀧𑀡𑀺𑀥𑀻𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂… 𑀓𑀼𑀲𑀮𑁂𑀦 𑀘𑀺𑀢𑁆𑀢𑁂𑀦 𑀲𑀫𑀼𑀝𑁆𑀞𑀺𑀢𑀸 𑀯𑁂𑀤𑀦𑀸…𑀧𑁂… 𑀲𑀜𑁆𑀜𑀸… 𑀘𑁂𑀢𑀦𑀸… 𑀲𑀤𑁆𑀥𑀸… 𑀯𑀻𑀭𑀺𑀬𑀁… 𑀲𑀢𑀺… 𑀲𑀫𑀸𑀥𑀺…𑀧𑁂… 𑀧𑀜𑁆𑀜𑀸 𑀓𑀼𑀲𑀮𑀸 𑀲𑀸𑀭𑀫𑁆𑀫𑀡𑀸, 𑀅𑀢𑁆𑀣𑀺 𑀢𑀸𑀬 𑀆𑀯𑀝𑁆𑀝𑀦𑀸…𑀧𑁂… 𑀧𑀡𑀺𑀥𑀻𑀢𑀺? 𑀆𑀫𑀦𑁆𑀢𑀸. 𑀓𑀼𑀲𑀮𑁂𑀦 𑀘𑀺𑀢𑁆𑀢𑁂𑀦 𑀲𑀫𑀼𑀝𑁆𑀞𑀺𑀢𑀁 𑀓𑀸𑀬𑀓𑀫𑁆𑀫𑀁 𑀭𑀽𑀧𑀁 𑀓𑀼𑀲𑀮𑀁 𑀲𑀸𑀭𑀫𑁆𑀫𑀡𑀁, 𑀅𑀢𑁆𑀣𑀺 𑀢𑀲𑁆𑀲 𑀆𑀯𑀝𑁆𑀝𑀦𑀸…𑀧𑁂… 𑀧𑀡𑀺𑀥𑀻𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….
𑀓𑀼𑀲𑀮𑁂𑀦 𑀘𑀺𑀢𑁆𑀢𑁂𑀦 𑀲𑀫𑀼𑀝𑁆𑀞𑀺𑀢𑀁 𑀓𑀸𑀬𑀓𑀫𑁆𑀫𑀁 𑀭𑀽𑀧𑀁 𑀓𑀼𑀲𑀮𑀁 𑀅𑀦𑀸𑀭𑀫𑁆𑀫𑀡𑀁, 𑀦𑀢𑁆𑀣𑀺 𑀢𑀲𑁆𑀲 𑀆𑀯𑀝𑁆𑀝𑀦𑀸…𑀧𑁂… 𑀧𑀡𑀺𑀥𑀻𑀢𑀺? 𑀆𑀫𑀦𑁆𑀢𑀸. 𑀓𑀼𑀲𑀮𑁂𑀦 𑀘𑀺𑀢𑁆𑀢𑁂𑀦 𑀲𑀫𑀼𑀝𑁆𑀞𑀺𑀢𑁄 𑀨𑀲𑁆𑀲𑁄 𑀓𑀼𑀲𑀮𑁄 𑀅𑀦𑀸𑀭𑀫𑁆𑀫𑀡𑁄, 𑀦𑀢𑁆𑀣𑀺 𑀢𑀲𑁆𑀲 𑀆𑀯𑀝𑁆𑀝𑀦𑀸…𑀧𑁂… 𑀧𑀡𑀺𑀥𑀻𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂… 𑀓𑀼𑀲𑀮𑁂𑀦 𑀘𑀺𑀢𑁆𑀢𑁂𑀦 𑀲𑀫𑀼𑀝𑁆𑀞𑀺𑀢𑀁 𑀓𑀸𑀬𑀓𑀫𑁆𑀫𑀁 𑀭𑀽𑀧𑀁 𑀓𑀼𑀲𑀮𑀁 𑀅𑀦𑀸𑀭𑀫𑁆𑀫𑀡𑀁, 𑀦𑀢𑁆𑀣𑀺 𑀢𑀲𑁆𑀲 𑀆𑀯𑀝𑁆𑀝𑀦𑀸…𑀧𑁂… 𑀧𑀡𑀺𑀥𑀻𑀢𑀺? 𑀆𑀫𑀦𑁆𑀢𑀸. 𑀓𑀼𑀲𑀮𑁂𑀦 𑀘𑀺𑀢𑁆𑀢𑁂𑀦 𑀲𑀫𑀼𑀝𑁆𑀞𑀺𑀢𑀸 𑀯𑁂𑀤𑀦𑀸…𑀧𑁂… 𑀲𑀜𑁆𑀜𑀸… 𑀘𑁂𑀢𑀦𑀸… 𑀲𑀤𑁆𑀥𑀸… 𑀯𑀻𑀭𑀺𑀬𑀁… 𑀲𑀢𑀺… 𑀲𑀫𑀸𑀥𑀺…𑀧𑁂… 𑀧𑀜𑁆𑀜𑀸 𑀓𑀼𑀲𑀮𑀸 𑀅𑀦𑀸𑀭𑀫𑁆𑀫𑀡𑀸, 𑀦𑀢𑁆𑀣𑀺 𑀢𑀸𑀬 𑀆𑀯𑀝𑁆𑀝𑀦𑀸…𑀧𑁂… 𑀧𑀡𑀺𑀥𑀻𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….
𑁫𑁨𑁮. 𑀓𑀼𑀲𑀮𑁂𑀦 𑀘𑀺𑀢𑁆𑀢𑁂𑀦 𑀲𑀫𑀼𑀝𑁆𑀞𑀺𑀢𑀁 𑀓𑀸𑀬𑀓𑀫𑁆𑀫𑀁 𑀭𑀽𑀧𑀁 𑀓𑀼𑀲𑀮𑀦𑁆𑀢𑀺? 𑀆𑀫𑀦𑁆𑀢𑀸. 𑀬𑀁 𑀓𑀺𑀜𑁆𑀘𑀺 𑀓𑀼𑀲𑀮𑁂𑀦 𑀘𑀺𑀢𑁆𑀢𑁂𑀦 𑀲𑀫𑀼𑀝𑁆𑀞𑀺𑀢𑀁 𑀭𑀽𑀧𑀁 𑀲𑀩𑁆𑀩𑀁 𑀢𑀁 𑀓𑀼𑀲𑀮𑀦𑁆𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….
𑀓𑀼𑀲𑀮𑁂𑀦 𑀘𑀺𑀢𑁆𑀢𑁂𑀦 𑀲𑀫𑀼𑀝𑁆𑀞𑀺𑀢𑀁 𑀓𑀸𑀬𑀓𑀫𑁆𑀫𑀁 𑀭𑀽𑀧𑀁 𑀓𑀼𑀲𑀮𑀦𑁆𑀢𑀺? 𑀆𑀫𑀦𑁆𑀢𑀸. 𑀓𑀼𑀲𑀮𑁂𑀦 𑀘𑀺𑀢𑁆𑀢𑁂𑀦 𑀲𑀫𑀼𑀝𑁆𑀞𑀺𑀢𑀁 𑀭𑀽𑀧𑀸𑀬𑀢𑀦𑀁 𑀓𑀼𑀲𑀮𑀦𑁆𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂… 𑀓𑀼𑀲𑀮𑁂𑀦 𑀘𑀺𑀢𑁆𑀢𑁂𑀦 𑀲𑀫𑀼𑀝𑁆𑀞𑀺𑀢𑀁 𑀓𑀸𑀬𑀓𑀫𑁆𑀫𑀁 𑀭𑀽𑀧𑀁 𑀓𑀼𑀲𑀮𑀦𑁆𑀢𑀺? 𑀆𑀫𑀦𑁆𑀢𑀸. 𑀓𑀼𑀲𑀮𑁂𑀦 𑀘𑀺𑀢𑁆𑀢𑁂𑀦 𑀲𑀫𑀼𑀝𑁆𑀞𑀺𑀢𑀁 𑀲𑀤𑁆𑀤𑀸𑀬𑀢𑀦𑀁…𑀧𑁂… 𑀕𑀦𑁆𑀥𑀸𑀬𑀢𑀦𑀁… 𑀭𑀲𑀸𑀬𑀢𑀦𑀁… 𑀨𑁄𑀝𑁆𑀞𑀩𑁆𑀩𑀸𑀬𑀢𑀦𑀁…𑀧𑁂… 𑀧𑀣𑀯𑀻𑀥𑀸𑀢𑀼 … 𑀆𑀧𑁄𑀥𑀸𑀢𑀼… 𑀢𑁂𑀚𑁄𑀥𑀸𑀢𑀼…𑀧𑁂… 𑀯𑀸𑀬𑁄𑀥𑀸𑀢𑀼 𑀓𑀼𑀲𑀮𑀸𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….
𑀓𑀼𑀲𑀮𑁂𑀦 𑀘𑀺𑀢𑁆𑀢𑁂𑀦 𑀲𑀫𑀼𑀝𑁆𑀞𑀺𑀢𑀁 𑀭𑀽𑀧𑀸𑀬𑀢𑀦𑀁 𑀅𑀩𑁆𑀬𑀸𑀓𑀢𑀦𑁆𑀢𑀺? 𑀆𑀫𑀦𑁆𑀢𑀸. 𑀓𑀼𑀲𑀮𑁂𑀦 𑀘𑀺𑀢𑁆𑀢𑁂𑀦 𑀲𑀫𑀼𑀝𑁆𑀞𑀺𑀢𑀁 𑀓𑀸𑀬𑀓𑀫𑁆𑀫𑀁 𑀭𑀽𑀧𑀁 𑀅𑀩𑁆𑀬𑀸𑀓𑀢𑀦𑁆𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂… 𑀓𑀼𑀲𑀮𑁂𑀦 𑀘𑀺𑀢𑁆𑀢𑁂𑀦 𑀲𑀫𑀼𑀝𑁆𑀞𑀺𑀢𑀁 𑀲𑀤𑁆𑀤𑀸𑀬𑀢𑀦𑀁…𑀧𑁂… 𑀕𑀦𑁆𑀥𑀸𑀬𑀢𑀦𑀁… 𑀭𑀲𑀸𑀬𑀢𑀦𑀁… 𑀨𑁄𑀝𑁆𑀞𑀩𑁆𑀩𑀸𑀬𑀢𑀦𑀁…𑀧𑁂… 𑀧𑀣𑀯𑀻𑀥𑀸𑀢𑀼… 𑀆𑀧𑁄𑀥𑀸𑀢𑀼 … 𑀢𑁂𑀚𑁄𑀥𑀸𑀢𑀼 …𑀧𑁂… 𑀯𑀸𑀬𑁄𑀥𑀸𑀢𑀼 𑀅𑀩𑁆𑀬𑀸𑀓𑀢𑀸𑀢𑀺? 𑀆𑀫𑀦𑁆𑀢𑀸. 𑀓𑀼𑀲𑀮𑁂𑀦 𑀘𑀺𑀢𑁆𑀢𑁂𑀦 𑀲𑀫𑀼𑀝𑁆𑀞𑀺𑀢𑀁 𑀓𑀸𑀬𑀓𑀫𑁆𑀫𑀁 𑀭𑀽𑀧𑀁 𑀅𑀩𑁆𑀬𑀸𑀓𑀢𑀦𑁆𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….
𑁫𑁨𑁯. 𑀓𑀼𑀲𑀮𑁂𑀦 𑀘𑀺𑀢𑁆𑀢𑁂𑀦 𑀲𑀫𑀼𑀝𑁆𑀞𑀺𑀢𑀁 𑀓𑀸𑀬𑀓𑀫𑁆𑀫𑀁 𑀭𑀽𑀧𑀁 𑀅𑀦𑀸𑀭𑀫𑁆𑀫𑀡𑀁 𑀓𑀼𑀲𑀮𑀦𑁆𑀢𑀺? 𑀆𑀫𑀦𑁆𑀢𑀸. 𑀓𑀼𑀲𑀮𑁂𑀦 𑀘𑀺𑀢𑁆𑀢𑁂𑀦 𑀲𑀫𑀼𑀝𑁆𑀞𑀺𑀢𑀁 𑀭𑀽𑀧𑀸𑀬𑀢𑀦𑀁 𑀅𑀦𑀸𑀭𑀫𑁆𑀫𑀡𑀁 𑀓𑀼𑀲𑀮𑀦𑁆𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂… 𑀓𑀼𑀲𑀮𑁂𑀦 𑀘𑀺𑀢𑁆𑀢𑁂𑀦 𑀲𑀫𑀼𑀝𑁆𑀞𑀺𑀢𑀁 𑀓𑀸𑀬𑀓𑀫𑁆𑀫𑀁 𑀭𑀽𑀧𑀁 𑀅𑀦𑀸𑀭𑀫𑁆𑀫𑀡𑀁 𑀓𑀼𑀲𑀮𑀦𑁆𑀢𑀺? 𑀆𑀫𑀦𑁆𑀢𑀸. 𑀓𑀼𑀲𑀮𑁂𑀦 𑀘𑀺𑀢𑁆𑀢𑁂𑀦 𑀲𑀫𑀼𑀝𑁆𑀞𑀺𑀢𑀁 𑀲𑀤𑁆𑀤𑀸𑀬𑀢𑀦𑀁…𑀧𑁂… 𑀕𑀦𑁆𑀥𑀸𑀬𑀢𑀦𑀁… 𑀭𑀲𑀸𑀬𑀢𑀦𑀁… 𑀨𑁄𑀝𑁆𑀞𑀩𑁆𑀩𑀸𑀬𑀢𑀦𑀁…𑀧𑁂… 𑀧𑀣𑀯𑀻𑀥𑀸𑀢𑀼… 𑀆𑀧𑁄𑀥𑀸𑀢𑀼… 𑀢𑁂𑀚𑁄𑀥𑀸𑀢𑀼…𑀧𑁂… 𑀯𑀸𑀬𑁄𑀥𑀸𑀢𑀼 𑀅𑀦𑀸𑀭𑀫𑁆𑀫𑀡𑀸 𑀓𑀼𑀲𑀮𑀸𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….
𑀓𑀼𑀲𑀮𑁂𑀦 𑀘𑀺𑀢𑁆𑀢𑁂𑀦 𑀲𑀫𑀼𑀝𑁆𑀞𑀺𑀢𑀁 𑀭𑀽𑀧𑀸𑀬𑀢𑀦𑀁 𑀅𑀦𑀸𑀭𑀫𑁆𑀫𑀡𑀁 𑀅𑀩𑁆𑀬𑀸𑀓𑀢𑀦𑁆𑀢𑀺? 𑀆𑀫𑀦𑁆𑀢𑀸. 𑀓𑀼𑀲𑀮𑁂𑀦 𑀘𑀺𑀢𑁆𑀢𑁂𑀦 𑀲𑀫𑀼𑀝𑁆𑀞𑀺𑀢𑀁 𑀓𑀸𑀬𑀓𑀫𑁆𑀫𑀁 𑀭𑀽𑀧𑀁 𑀅𑀦𑀸𑀭𑀫𑁆𑀫𑀡𑀁 𑀅𑀩𑁆𑀬𑀸𑀓𑀢𑀦𑁆𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂… 𑀓𑀼𑀲𑀮𑁂𑀦 𑀘𑀺𑀢𑁆𑀢𑁂𑀦 𑀲𑀫𑀼𑀝𑁆𑀞𑀺𑀢𑀁 𑀲𑀤𑁆𑀤𑀸𑀬𑀢𑀦𑀁…𑀧𑁂… 𑀕𑀦𑁆𑀥𑀸𑀬𑀢𑀦𑀁 … 𑀭𑀲𑀸𑀬𑀢𑀦𑀁… 𑀨𑁄𑀝𑁆𑀞𑀩𑁆𑀩𑀸𑀬𑀢𑀦𑀁…𑀧𑁂… 𑀧𑀣𑀯𑀻𑀥𑀸𑀢𑀼… 𑀆𑀧𑁄𑀥𑀸𑀢𑀼… 𑀢𑁂𑀚𑁄𑀥𑀸𑀢𑀼…𑀧𑁂… 𑀯𑀸𑀬𑁄𑀥𑀸𑀢𑀼 𑀅𑀦𑀸𑀭𑀫𑁆𑀫𑀡𑀸 𑀅𑀩𑁆𑀬𑀸𑀓𑀢𑀸𑀢𑀺? 𑀆𑀫𑀦𑁆𑀢𑀸. 𑀓𑀼𑀲𑀮𑁂𑀦 𑀘𑀺𑀢𑁆𑀢𑁂𑀦 𑀲𑀫𑀼𑀝𑁆𑀞𑀺𑀢𑀁 𑀓𑀸𑀬𑀓𑀫𑁆𑀫𑀁 𑀭𑀽𑀧𑀁 𑀅𑀦𑀸𑀭𑀫𑁆𑀫𑀡𑀁 𑀅𑀩𑁆𑀬𑀸𑀓𑀢𑀦𑁆𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….
𑁫𑁩𑁦. 𑀓𑀼𑀲𑀮𑁂𑀦 𑀘𑀺𑀢𑁆𑀢𑁂𑀦 𑀲𑀫𑀼𑀝𑁆𑀞𑀺𑀢𑀁 𑀓𑀸𑀬𑀓𑀫𑁆𑀫𑀁 𑀭𑀽𑀧𑀁 𑀨𑀲𑁆𑀲𑀯𑀺𑀧𑁆𑀧𑀬𑀼𑀢𑁆𑀢𑀁 𑀓𑀼𑀲𑀮𑀦𑁆𑀢𑀺? 𑀆𑀫𑀦𑁆𑀢𑀸. 𑀓𑀼𑀲𑀮𑁂𑀦 𑀘𑀺𑀢𑁆𑀢𑁂𑀦 𑀲𑀫𑀼𑀝𑁆𑀞𑀺𑀢𑀁 𑀭𑀽𑀧𑀸𑀬𑀢𑀦𑀁 𑀨𑀲𑁆𑀲𑀯𑀺𑀧𑁆𑀧𑀬𑀼𑀢𑁆𑀢𑀁 𑀓𑀼𑀲𑀮𑀦𑁆𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂… 𑀓𑀼𑀲𑀮𑁂𑀦 𑀘𑀺𑀢𑁆𑀢𑁂𑀦 𑀲𑀫𑀼𑀝𑁆𑀞𑀺𑀢𑀁 𑀓𑀸𑀬𑀓𑀫𑁆𑀫𑀁 𑀭𑀽𑀧𑀁 𑀨𑀲𑁆𑀲𑀯𑀺𑀧𑁆𑀧𑀬𑀼𑀢𑁆𑀢𑀁 𑀓𑀼𑀲𑀮𑀦𑁆𑀢𑀺? 𑀆𑀫𑀦𑁆𑀢𑀸. 𑀓𑀼𑀲𑀮𑁂𑀦 𑀘𑀺𑀢𑁆𑀢𑁂𑀦 𑀲𑀫𑀼𑀝𑁆𑀞𑀺𑀢𑀁 𑀲𑀤𑁆𑀤𑀸𑀬𑀢𑀦𑀁…𑀧𑁂… 𑀕𑀦𑁆𑀥𑀸𑀬𑀢𑀦𑀁… 𑀭𑀲𑀸𑀬𑀢𑀦𑀁… 𑀨𑁄𑀝𑁆𑀞𑀩𑁆𑀩𑀸𑀬𑀢𑀦𑀁…𑀧𑁂… 𑀧𑀣𑀯𑀻𑀥𑀸𑀢𑀼… 𑀆𑀧𑁄𑀥𑀸𑀢𑀼… 𑀢𑁂𑀚𑁄𑀥𑀸𑀢𑀼…𑀧𑁂… 𑀯𑀸𑀬𑁄𑀥𑀸𑀢𑀼 𑀨𑀲𑁆𑀲𑀯𑀺𑀧𑁆𑀧𑀬𑀼𑀢𑁆𑀢𑀸 𑀓𑀼𑀲𑀮𑀸𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….
𑀓𑀼𑀲𑀮𑁂𑀦 𑀘𑀺𑀢𑁆𑀢𑁂𑀦 𑀲𑀫𑀼𑀝𑁆𑀞𑀺𑀢𑀁 𑀭𑀽𑀧𑀸𑀬𑀢𑀦𑀁 𑀨𑀲𑁆𑀲𑀯𑀺𑀧𑁆𑀧𑀬𑀼𑀢𑁆𑀢𑀁 𑀅𑀩𑁆𑀬𑀸𑀓𑀢𑀦𑁆𑀢𑀺? 𑀆𑀫𑀦𑁆𑀢𑀸. 𑀓𑀼𑀲𑀮𑁂𑀦 𑀘𑀺𑀢𑁆𑀢𑁂𑀦 𑀲𑀫𑀼𑀝𑁆𑀞𑀺𑀢𑀁 𑀓𑀸𑀬𑀓𑀫𑁆𑀫𑀁 𑀭𑀽𑀧𑀁 𑀨𑀲𑁆𑀲𑀯𑀺𑀧𑁆𑀧𑀬𑀼𑀢𑁆𑀢𑀁 𑀅𑀩𑁆𑀬𑀸𑀓𑀢𑀦𑁆𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂… 𑀓𑀼𑀲𑀮𑁂𑀦 𑀘𑀺𑀢𑁆𑀢𑁂𑀦 𑀲𑀫𑀼𑀝𑁆𑀞𑀺𑀢𑀁 𑀲𑀤𑁆𑀤𑀸𑀬𑀢𑀦𑀁…𑀧𑁂… 𑀕𑀦𑁆𑀥𑀸𑀬𑀢𑀦𑀁… 𑀭𑀲𑀸𑀬𑀢𑀦𑀁… 𑀨𑁄𑀝𑁆𑀞𑀩𑁆𑀩𑀸𑀬𑀢𑀦𑀁…𑀧𑁂… 𑀧𑀣𑀯𑀻𑀥𑀸𑀢𑀼… 𑀆𑀧𑁄𑀥𑀸𑀢𑀼… 𑀢𑁂𑀚𑁄𑀥𑀸𑀢𑀼…𑀧𑁂… 𑀯𑀸𑀬𑁄𑀥𑀸𑀢𑀼 𑀨𑀲𑁆𑀲𑀯𑀺𑀧𑁆𑀧𑀬𑀼𑀢𑁆𑀢𑀸 𑀅𑀩𑁆𑀬𑀸𑀓𑀢𑀸𑀢𑀺? 𑀆𑀫𑀦𑁆𑀢𑀸. 𑀓𑀼𑀲𑀮𑁂𑀦 𑀘𑀺𑀢𑁆𑀢𑁂𑀦 𑀲𑀫𑀼𑀝𑁆𑀞𑀺𑀢𑀁 𑀓𑀸𑀬𑀓𑀫𑁆𑀫𑀁 𑀭𑀽𑀧𑀁 𑀨𑀲𑁆𑀲𑀯𑀺𑀧𑁆𑀧𑀬𑀼𑀢𑁆𑀢𑀁 𑀅𑀩𑁆𑀬𑀸𑀓𑀢𑀦𑁆𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….
𑁫𑁩𑁧. 𑀓𑀼𑀲𑀮𑁂𑀦 𑀘𑀺𑀢𑁆𑀢𑁂𑀦 𑀲𑀫𑀼𑀝𑁆𑀞𑀺𑀢𑀁 𑀓𑀸𑀬𑀓𑀫𑁆𑀫𑀁 𑀭𑀽𑀧𑀁 𑀅𑀦𑀸𑀭𑀫𑁆𑀫𑀡𑀁 𑀨𑀲𑁆𑀲𑀯𑀺𑀧𑁆𑀧𑀬𑀼𑀢𑁆𑀢𑀁 𑀓𑀼𑀲𑀮𑀦𑁆𑀢𑀺? 𑀆𑀫𑀦𑁆𑀢𑀸. 𑀓𑀼𑀲𑀮𑁂𑀦 𑀘𑀺𑀢𑁆𑀢𑁂𑀦 𑀲𑀫𑀼𑀝𑁆𑀞𑀺𑀢𑀁 𑀭𑀽𑀧𑀸𑀬𑀢𑀦𑀁 𑀅𑀦𑀸𑀭𑀫𑁆𑀫𑀡𑀁 𑀨𑀲𑁆𑀲𑀯𑀺𑀧𑁆𑀧𑀬𑀼𑀢𑁆𑀢𑀁 𑀓𑀼𑀲𑀮𑀦𑁆𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂… 𑀓𑀼𑀲𑀮𑁂𑀦 𑀘𑀺𑀢𑁆𑀢𑁂𑀦 𑀲𑀫𑀼𑀝𑁆𑀞𑀺𑀢𑀁 𑀓𑀸𑀬𑀓𑀫𑁆𑀫𑀁 𑀭𑀽𑀧𑀁 𑀅𑀦𑀸𑀭𑀫𑁆𑀫𑀡𑀁 𑀨𑀲𑁆𑀲𑀯𑀺𑀧𑁆𑀧𑀬𑀼𑀢𑁆𑀢𑀁 𑀓𑀼𑀲𑀮𑀦𑁆𑀢𑀺? 𑀆𑀫𑀦𑁆𑀢𑀸. 𑀓𑀼𑀲𑀮𑁂𑀦 𑀘𑀺𑀢𑁆𑀢𑁂𑀦 𑀲𑀫𑀼𑀝𑁆𑀞𑀺𑀢𑀁 𑀲𑀤𑁆𑀤𑀸𑀬𑀢𑀦𑀁…𑀧𑁂… 𑀕𑀦𑁆𑀥𑀸𑀬𑀢𑀦𑀁… 𑀭𑀲𑀸𑀬𑀢𑀦𑀁… 𑀨𑁄𑀝𑁆𑀞𑀩𑁆𑀩𑀸𑀬𑀢𑀦𑀁…𑀧𑁂… 𑀧𑀣𑀯𑀻𑀥𑀸𑀢𑀼… 𑀆𑀧𑁄𑀥𑀸𑀢𑀼… 𑀢𑁂𑀚𑁄𑀥𑀸𑀢𑀼…𑀧𑁂… 𑀯𑀸𑀬𑁄𑀥𑀸𑀢𑀼 𑀅𑀦𑀸𑀭𑀫𑁆𑀫𑀡𑀸 𑀨𑀲𑁆𑀲𑀯𑀺𑀧𑁆𑀧𑀬𑀼𑀢𑁆𑀢𑀸 𑀓𑀼𑀲𑀮𑀸𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….
𑀓𑀼𑀲𑀮𑁂𑀦 𑀘𑀺𑀢𑁆𑀢𑁂𑀦 𑀲𑀫𑀼𑀝𑁆𑀞𑀺𑀢𑀁 𑀭𑀽𑀧𑀸𑀬𑀢𑀦𑀁 𑀅𑀦𑀸𑀭𑀫𑁆𑀫𑀡𑀁 𑀨𑀲𑁆𑀲𑀯𑀺𑀧𑁆𑀧𑀬𑀼𑀢𑁆𑀢𑀁 𑀅𑀩𑁆𑀬𑀸𑀓𑀢𑀦𑁆𑀢𑀺? 𑀆𑀫𑀦𑁆𑀢𑀸. 𑀓𑀼𑀲𑀮𑁂𑀦 𑀘𑀺𑀢𑁆𑀢𑁂𑀦 𑀲𑀫𑀼𑀝𑁆𑀞𑀺𑀢𑀁 𑀓𑀸𑀬𑀓𑀫𑁆𑀫𑀁 𑀭𑀽𑀧𑀁 𑀅𑀦𑀸𑀭𑀫𑁆𑀫𑀡𑀁 𑀨𑀲𑁆𑀲𑀯𑀺𑀧𑁆𑀧𑀬𑀼𑀢𑁆𑀢𑀁 𑀅𑀩𑁆𑀬𑀸𑀓𑀢𑀦𑁆𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂… 𑀓𑀼𑀲𑀮𑁂𑀦 𑀘𑀺𑀢𑁆𑀢𑁂𑀦 𑀲𑀫𑀼𑀝𑁆𑀞𑀺𑀢𑀁 𑀲𑀤𑁆𑀤𑀸𑀬𑀢𑀦𑀁…𑀧𑁂… 𑀕𑀦𑁆𑀥𑀸𑀬𑀢𑀦𑀁… 𑀭𑀲𑀸𑀬𑀢𑀦𑀁… 𑀨𑁄𑀝𑁆𑀞𑀩𑁆𑀩𑀸𑀬𑀢𑀦𑀁…𑀧𑁂… 𑀧𑀣𑀯𑀻𑀥𑀸𑀢𑀼… 𑀆𑀧𑁄𑀥𑀸𑀢𑀼… 𑀢𑁂𑀚𑁄𑀥𑀸𑀢𑀼…𑀧𑁂… 𑀯𑀸𑀬𑁄𑀥𑀸𑀢𑀼 𑀅𑀦𑀸𑀭𑀫𑁆𑀫𑀡𑀸 𑀨𑀲𑁆𑀲𑀯𑀺𑀧𑁆𑀧𑀬𑀼𑀢𑁆𑀢𑀸 𑀅𑀩𑁆𑀬𑀸𑀓𑀢𑀸𑀢𑀺? 𑀆𑀫𑀦𑁆𑀢𑀸. 𑀓𑀼𑀲𑀮𑁂𑀦 𑀘𑀺𑀢𑁆𑀢𑁂𑀦 𑀲𑀫𑀼𑀝𑁆𑀞𑀺𑀢𑀁 𑀓𑀸𑀬𑀓𑀫𑁆𑀫𑀁 𑀭𑀽𑀧𑀁 𑀅𑀦𑀸𑀭𑀫𑁆𑀫𑀡𑀁 𑀨𑀲𑁆𑀲𑀯𑀺𑀧𑁆𑀧𑀬𑀼𑀢𑁆𑀢𑀁 𑀅𑀩𑁆𑀬𑀸𑀓𑀢𑀦𑁆𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….
𑁫𑁩𑁨. 𑀓𑀼𑀲𑀮𑁂𑀦 𑀘𑀺𑀢𑁆𑀢𑁂𑀦 𑀲𑀫𑀼𑀝𑁆𑀞𑀺𑀢𑀁 𑀯𑀘𑀻𑀓𑀫𑁆𑀫𑀁 𑀭𑀽𑀧𑀁 𑀓𑀼𑀲𑀮𑀦𑁆𑀢𑀺? 𑀆𑀫𑀦𑁆𑀢𑀸. 𑀲𑀸𑀭𑀫𑁆𑀫𑀡𑀁, 𑀅𑀢𑁆𑀣𑀺 𑀢𑀲𑁆𑀲 𑀆𑀯𑀝𑁆𑀝𑀦𑀸…𑀧𑁂… 𑀧𑀡𑀺𑀥𑀻𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂… 𑀦𑀦𑀼 𑀅𑀦𑀸𑀭𑀫𑁆𑀫𑀡𑀁, 𑀦𑀢𑁆𑀣𑀺 𑀢𑀲𑁆𑀲 𑀆𑀯𑀝𑁆𑀝𑀦𑀸…𑀧𑁂… 𑀧𑀡𑀺𑀥𑀻𑀢𑀺? 𑀆𑀫𑀦𑁆𑀢𑀸. 𑀳𑀜𑁆𑀘𑀺 𑀅𑀦𑀸𑀭𑀫𑁆𑀫𑀡𑀁, 𑀦𑀢𑁆𑀣𑀺 𑀢𑀲𑁆𑀲 𑀆𑀯𑀝𑁆𑀝𑀦𑀸…𑀧𑁂… 𑀧𑀡𑀺𑀥𑀺; 𑀦𑁄 𑀘 𑀯𑀢 𑀭𑁂 𑀯𑀢𑁆𑀢𑀩𑁆𑀩𑁂 𑁋 ‘‘𑀓𑀼𑀲𑀮𑁂𑀦 𑀘𑀺𑀢𑁆𑀢𑁂𑀦 𑀲𑀫𑀼𑀝𑁆𑀞𑀺𑀢𑀁 𑀯𑀘𑀻𑀓𑀫𑁆𑀫𑀁 𑀭𑀽𑀧𑀁 𑀓𑀼𑀲𑀮’’𑀦𑁆𑀢𑀺.
𑀓𑀼𑀲𑀮𑁂𑀦 𑀘𑀺𑀢𑁆𑀢𑁂𑀦 𑀲𑀫𑀼𑀝𑁆𑀞𑀺𑀢𑁄 𑀨𑀲𑁆𑀲𑁄 𑀓𑀼𑀲𑀮𑁄 𑀲𑀸𑀭𑀫𑁆𑀫𑀡𑁄, 𑀅𑀢𑁆𑀣𑀺 𑀢𑀲𑁆𑀲 𑀆𑀯𑀝𑁆𑀝𑀦𑀸…𑀧𑁂… 𑀧𑀡𑀺𑀥𑀻𑀢𑀺? 𑀆𑀫𑀦𑁆𑀢𑀸. 𑀓𑀼𑀲𑀮𑁂𑀦 𑀘𑀺𑀢𑁆𑀢𑁂𑀦 𑀲𑀫𑀼𑀝𑁆𑀞𑀺𑀢𑀁 𑀯𑀘𑀻𑀓𑀫𑁆𑀫𑀁 𑀭𑀽𑀧𑀁 𑀓𑀼𑀲𑀮𑀁 𑀲𑀸𑀭𑀫𑁆𑀫𑀡𑀁, 𑀅𑀢𑁆𑀣𑀺 𑀢𑀲𑁆𑀲 𑀆𑀯𑀝𑁆𑀝𑀦𑀸…𑀧𑁂… 𑀧𑀡𑀺𑀥𑀻𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂… 𑀓𑀼𑀲𑀮𑁂𑀦 𑀘𑀺𑀢𑁆𑀢𑁂𑀦 𑀲𑀫𑀼𑀝𑁆𑀞𑀺𑀢𑀸 𑀯𑁂𑀤𑀦𑀸…𑀧𑁂… 𑀲𑀜𑁆𑀜𑀸… 𑀘𑁂𑀢𑀦𑀸… 𑀲𑀤𑁆𑀥𑀸… 𑀯𑀻𑀭𑀺𑀬𑀁… 𑀲𑀢𑀺… 𑀲𑀫𑀸𑀥𑀺…𑀧𑁂… 𑀧𑀜𑁆𑀜𑀸 𑀓𑀼𑀲𑀮𑀸 𑀲𑀸𑀭𑀫𑁆𑀫𑀡𑀸, 𑀅𑀢𑁆𑀣𑀺 𑀢𑀸𑀬 𑀆𑀯𑀝𑁆𑀝𑀦𑀸…𑀧𑁂… 𑀧𑀡𑀺𑀥𑀻𑀢𑀺? 𑀆𑀫𑀦𑁆𑀢𑀸. 𑀓𑀼𑀲𑀮𑁂𑀦 𑀘𑀺𑀢𑁆𑀢𑁂𑀦 𑀲𑀫𑀼𑀝𑁆𑀞𑀺𑀢𑀁 𑀯𑀘𑀻𑀓𑀫𑁆𑀫𑀁 𑀭𑀽𑀧𑀁 𑀓𑀼𑀲𑀮𑀁 𑀲𑀸𑀭𑀫𑁆𑀫𑀡𑀁, 𑀅𑀢𑁆𑀣𑀺 𑀢𑀲𑁆𑀲 𑀆𑀯𑀝𑁆𑀝𑀦𑀸…𑀧𑁂… 𑀧𑀡𑀺𑀥𑀻𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….
𑀓𑀼𑀲𑀮𑁂𑀦 𑀘𑀺𑀢𑁆𑀢𑁂𑀦 𑀲𑀫𑀼𑀝𑁆𑀞𑀺𑀢𑀁 𑀯𑀘𑀻𑀓𑀫𑁆𑀫𑀁 𑀭𑀽𑀧𑀁 𑀓𑀼𑀲𑀮𑀁 𑀅𑀦𑀸𑀭𑀫𑁆𑀫𑀡𑀁, 𑀦𑀢𑁆𑀣𑀺 𑀢𑀲𑁆𑀲 𑀆𑀯𑀝𑁆𑀝𑀦𑀸…𑀧𑁂… 𑀧𑀡𑀺𑀥𑀻𑀢𑀺? 𑀆𑀫𑀦𑁆𑀢𑀸. 𑀓𑀼𑀲𑀮𑁂𑀦 𑀘𑀺𑀢𑁆𑀢𑁂𑀦 𑀲𑀫𑀼𑀝𑁆𑀞𑀺𑀢𑁄 𑀨𑀲𑁆𑀲𑁄 𑀓𑀼𑀲𑀮𑁄 𑀅𑀦𑀸𑀭𑀫𑁆𑀫𑀡𑁄, 𑀦𑀢𑁆𑀣𑀺 𑀢𑀲𑁆𑀲 𑀆𑀯𑀝𑁆𑀝𑀦𑀸…𑀧𑁂… 𑀧𑀡𑀺𑀥𑀻𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂… 𑀓𑀼𑀲𑀮𑁂𑀦 𑀘𑀺𑀢𑁆𑀢𑁂𑀦 𑀲𑀫𑀼𑀝𑁆𑀞𑀺𑀢𑀁 𑀯𑀘𑀻𑀓𑀫𑁆𑀫𑀁 𑀭𑀽𑀧𑀁 𑀓𑀼𑀲𑀮𑀁 𑀅𑀦𑀸𑀭𑀫𑁆𑀫𑀡𑀁, 𑀦𑀢𑁆𑀣𑀺 𑀢𑀲𑁆𑀲 𑀆𑀯𑀝𑁆𑀝𑀦𑀸…𑀧𑁂… 𑀧𑀡𑀺𑀥𑀻𑀢𑀺? 𑀆𑀫𑀦𑁆𑀢𑀸. 𑀓𑀼𑀲𑀮𑁂𑀦 𑀘𑀺𑀢𑁆𑀢𑁂𑀦 𑀲𑀫𑀼𑀝𑁆𑀞𑀺𑀢𑀸 𑀯𑁂𑀤𑀦𑀸…𑀧𑁂… 𑀲𑀜𑁆𑀜𑀸… 𑀘𑁂𑀢𑀦𑀸… 𑀲𑀤𑁆𑀥𑀸… 𑀯𑀻𑀭𑀺𑀬𑀁… 𑀲𑀢𑀺… 𑀲𑀫𑀸𑀥𑀺…𑀧𑁂… 𑀧𑀜𑁆𑀜𑀸 𑀓𑀼𑀲𑀮𑀸 𑀅𑀦𑀸𑀭𑀫𑁆𑀫𑀡𑀸, 𑀦𑀢𑁆𑀣𑀺 𑀢𑀸𑀬 𑀆𑀯𑀝𑁆𑀝𑀦𑀸…𑀧𑁂… 𑀧𑀡𑀺𑀥𑀻𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….
𑀓𑀼𑀲𑀮𑁂𑀦 𑀘𑀺𑀢𑁆𑀢𑁂𑀦 𑀲𑀫𑀼𑀝𑁆𑀞𑀺𑀢𑀁 𑀯𑀘𑀻𑀓𑀫𑁆𑀫𑀁 𑀭𑀽𑀧𑀁 𑀓𑀼𑀲𑀮𑀦𑁆𑀢𑀺? 𑀆𑀫𑀦𑁆𑀢𑀸. 𑀬𑀁 𑀓𑀺𑀜𑁆𑀘𑀺 𑀓𑀼𑀲𑀮𑁂𑀦 𑀘𑀺𑀢𑁆𑀢𑁂𑀦 𑀲𑀫𑀼𑀝𑁆𑀞𑀺𑀢𑀁 𑀭𑀽𑀧𑀁 𑀲𑀩𑁆𑀩𑀁 𑀢𑀁 𑀓𑀼𑀲𑀮𑀦𑁆𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂… 𑀬𑀣𑀸 𑀓𑀸𑀬𑀓𑀫𑁆𑀫𑀁 𑀢𑀣𑀸 𑀯𑀘𑀻𑀓𑀫𑁆𑀫𑀦𑁆𑀢𑀺.
𑁫𑁩𑁩. 𑀅𑀓𑀼𑀲𑀮𑁂𑀦 𑀘𑀺𑀢𑁆𑀢𑁂𑀦 𑀲𑀫𑀼𑀝𑁆𑀞𑀺𑀢𑀁 𑀓𑀸𑀬𑀓𑀫𑁆𑀫𑀁 𑀭𑀽𑀧𑀁 𑀅𑀓𑀼𑀲𑀮𑀦𑁆𑀢𑀺? 𑀆𑀫𑀦𑁆𑀢𑀸. 𑀲𑀸𑀭𑀫𑁆𑀫𑀡𑀁, 𑀅𑀢𑁆𑀣𑀺 𑀢𑀲𑁆𑀲 𑀆𑀯𑀝𑁆𑀝𑀦𑀸 𑀆𑀪𑁄𑀕𑁄 𑀲𑀫𑀦𑁆𑀦𑀸𑀳𑀸𑀭𑁄 𑀫𑀦𑀲𑀺𑀓𑀸𑀭𑁄 𑀘𑁂𑀢𑀦𑀸 𑀧𑀢𑁆𑀣𑀦𑀸 𑀧𑀡𑀺𑀥𑀻𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂… 𑀦𑀦𑀼 𑀅𑀦𑀸𑀭𑀫𑁆𑀫𑀡𑀁, 𑀦𑀢𑁆𑀣𑀺 𑀢𑀲𑁆𑀲 𑀆𑀯𑀝𑁆𑀝𑀦𑀸 𑀆𑀪𑁄𑀕𑁄 𑀲𑀫𑀦𑁆𑀦𑀸𑀳𑀸𑀭𑁄 𑀫𑀦𑀲𑀺𑀓𑀸𑀭𑁄 𑀘𑁂𑀢𑀦𑀸 𑀧𑀢𑁆𑀣𑀦𑀸 𑀧𑀡𑀺𑀥𑀻𑀢𑀺? 𑀆𑀫𑀦𑁆𑀢𑀸. 𑀳𑀜𑁆𑀘𑀺 𑀅𑀦𑀸𑀭𑀫𑁆𑀫𑀡𑀁, 𑀦𑀢𑁆𑀣𑀺 𑀢𑀲𑁆𑀲 𑀆𑀯𑀝𑁆𑀝𑀦𑀸 𑀆𑀪𑁄𑀕𑁄 𑀲𑀫𑀦𑁆𑀦𑀸𑀳𑀸𑀭𑁄 𑀫𑀦𑀲𑀺𑀓𑀸𑀭𑁄 𑀘𑁂𑀢𑀦𑀸 𑀧𑀢𑁆𑀣𑀦𑀸 𑀧𑀡𑀺𑀥𑀺; 𑀦𑁄 𑀘 𑀯𑀢 𑀭𑁂 𑀯𑀢𑁆𑀢𑀩𑁆𑀩𑁂 𑁋 ‘‘𑀅𑀓𑀼𑀲𑀮𑁂𑀦 𑀘𑀺𑀢𑁆𑀢𑁂𑀦 𑀲𑀫𑀼𑀝𑁆𑀞𑀺𑀢𑀁 𑀓𑀸𑀬𑀓𑀫𑁆𑀫𑀁 𑀭𑀽𑀧𑀁 𑀅𑀓𑀼𑀲𑀮’’𑀦𑁆𑀢𑀺.
𑀅𑀓𑀼𑀲𑀮𑁂𑀦 𑀘𑀺𑀢𑁆𑀢𑁂𑀦 𑀲𑀫𑀼𑀝𑁆𑀞𑀺𑀢𑁄 𑀨𑀲𑁆𑀲𑁄 𑀅𑀓𑀼𑀲𑀮𑁄 𑀲𑀸𑀭𑀫𑁆𑀫𑀡𑁄, 𑀅𑀢𑁆𑀣𑀺 𑀢𑀲𑁆𑀲 𑀆𑀯𑀝𑁆𑀝𑀦𑀸…𑀧𑁂… 𑀧𑀡𑀺𑀥𑀻𑀢𑀺? 𑀆𑀫𑀦𑁆𑀢𑀸. 𑀅𑀓𑀼𑀲𑀮𑁂𑀦 𑀘𑀺𑀢𑁆𑀢𑁂𑀦 𑀲𑀫𑀼𑀝𑁆𑀞𑀺𑀢𑀁 𑀓𑀸𑀬𑀓𑀫𑁆𑀫𑀁 𑀭𑀽𑀧𑀁 𑀅𑀓𑀼𑀲𑀮𑀁 𑀲𑀸𑀭𑀫𑁆𑀫𑀡𑀁, 𑀅𑀢𑁆𑀣𑀺 𑀢𑀲𑁆𑀲 𑀆𑀯𑀝𑁆𑀝𑀦𑀸…𑀧𑁂… 𑀧𑀡𑀺𑀥𑀻𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂… 𑀅𑀓𑀼𑀲𑀮𑁂𑀦 𑀘𑀺𑀢𑁆𑀢𑁂𑀦 𑀲𑀫𑀼𑀝𑁆𑀞𑀺𑀢𑀸 𑀯𑁂𑀤𑀦𑀸…𑀧𑁂… 𑀲𑀜𑁆𑀜𑀸… 𑀘𑁂𑀢𑀦𑀸… 𑀭𑀸𑀕𑁄… 𑀤𑁄𑀲𑁄… 𑀫𑁄𑀳𑁄… 𑀫𑀸𑀦𑁄… 𑀤𑀺𑀝𑁆𑀞𑀺… 𑀯𑀺𑀘𑀺𑀓𑀺𑀘𑁆𑀙𑀸… 𑀣𑀺𑀦𑀁… 𑀉𑀤𑁆𑀥𑀘𑁆𑀘𑀁… 𑀅𑀳𑀺𑀭𑀺𑀓𑀁…𑀧𑁂… 𑀅𑀦𑁄𑀢𑁆𑀢𑀧𑁆𑀧𑀁 𑀅𑀓𑀼𑀲𑀮𑀁 𑀲𑀸𑀭𑀫𑁆𑀫𑀡𑀁, 𑀅𑀢𑁆𑀣𑀺 𑀢𑀲𑁆𑀲 𑀆𑀯𑀝𑁆𑀝𑀦𑀸…𑀧𑁂… 𑀧𑀡𑀺𑀥𑀻𑀢𑀺? 𑀆𑀫𑀦𑁆𑀢𑀸. 𑀅𑀓𑀼𑀲𑀮𑁂𑀦 𑀘𑀺𑀢𑁆𑀢𑁂𑀦 𑀲𑀫𑀼𑀝𑁆𑀞𑀺𑀢𑀁 𑀓𑀸𑀬𑀓𑀫𑁆𑀫𑀁 𑀭𑀽𑀧𑀁 𑀅𑀓𑀼𑀲𑀮𑀁 𑀲𑀸𑀭𑀫𑁆𑀫𑀡𑀁, 𑀅𑀢𑁆𑀣𑀺 𑀢𑀲𑁆𑀲 𑀆𑀯𑀝𑁆𑀝𑀦𑀸…𑀧𑁂… 𑀧𑀡𑀺𑀥𑀻𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….
𑀅𑀓𑀼𑀲𑀮𑁂𑀦 𑀘𑀺𑀢𑁆𑀢𑁂𑀦 𑀲𑀫𑀼𑀝𑁆𑀞𑀺𑀢𑀁 𑀓𑀸𑀬𑀓𑀫𑁆𑀫𑀁 𑀭𑀽𑀧𑀁 𑀅𑀓𑀼𑀲𑀮𑀁 𑀅𑀦𑀸𑀭𑀫𑁆𑀫𑀡𑀁, 𑀦𑀢𑁆𑀣𑀺 𑀢𑀲𑁆𑀲 𑀆𑀯𑀝𑁆𑀝𑀦𑀸…𑀧𑁂… 𑀧𑀡𑀺𑀥𑀻𑀢𑀺? 𑀆𑀫𑀦𑁆𑀢𑀸. 𑀅𑀓𑀼𑀲𑀮𑁂𑀦 𑀘𑀺𑀢𑁆𑀢𑁂𑀦 𑀲𑀫𑀼𑀝𑁆𑀞𑀺𑀢𑁄 𑀨𑀲𑁆𑀲𑁄 𑀅𑀓𑀼𑀲𑀮𑁄 𑀅𑀦𑀸𑀭𑀫𑁆𑀫𑀡𑁄, 𑀦𑀢𑁆𑀣𑀺 𑀢𑀲𑁆𑀲 𑀆𑀯𑀝𑁆𑀝𑀦𑀸…𑀧𑁂… 𑀧𑀡𑀺𑀥𑀻𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂… 𑀅𑀓𑀼𑀲𑀮𑁂𑀦 𑀘𑀺𑀢𑁆𑀢𑁂𑀦 𑀲𑀫𑀼𑀝𑁆𑀞𑀺𑀢𑀁 𑀓𑀸𑀬𑀓𑀫𑁆𑀫𑀁 𑀭𑀽𑀧𑀁 𑀅𑀓𑀼𑀲𑀮𑀁 𑀅𑀦𑀸𑀭𑀫𑁆𑀫𑀡𑀁, 𑀦𑀢𑁆𑀣𑀺 𑀢𑀲𑁆𑀲 𑀆𑀯𑀝𑁆𑀝𑀦𑀸…𑀧𑁂… 𑀧𑀡𑀺𑀥𑀻𑀢𑀺? 𑀆𑀫𑀦𑁆𑀢𑀸. 𑀅𑀓𑀼𑀲𑀮𑁂𑀦 𑀘𑀺𑀢𑁆𑀢𑁂𑀦 𑀲𑀫𑀼𑀝𑁆𑀞𑀺𑀢𑀸 𑀯𑁂𑀤𑀦𑀸…𑀧𑁂… 𑀲𑀜𑁆𑀜𑀸… 𑀘𑁂𑀢𑀦𑀸… 𑀭𑀸𑀕𑁄… 𑀤𑁄𑀲𑁄… 𑀫𑁄𑀳𑁄… 𑀫𑀸𑀦𑁄… 𑀤𑀺𑀝𑁆𑀞𑀺… 𑀯𑀺𑀘𑀺𑀓𑀺𑀘𑁆𑀙𑀸… 𑀣𑀺𑀦𑀁… 𑀉𑀤𑁆𑀥𑀘𑁆𑀘𑀁… 𑀅𑀳𑀺𑀭𑀺𑀓𑀁…𑀧𑁂… 𑀅𑀦𑁄𑀢𑁆𑀢𑀧𑁆𑀧𑀁 𑀅𑀓𑀼𑀲𑀮𑀁 𑀅𑀦𑀸𑀭𑀫𑁆𑀫𑀡𑀁, 𑀦𑀢𑁆𑀣𑀺 𑀢𑀲𑁆𑀲 𑀆𑀯𑀝𑁆𑀝𑀦𑀸…𑀧𑁂… 𑀧𑀡𑀺𑀥𑀻𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….
𑀅𑀓𑀼𑀲𑀮𑁂𑀦 𑀘𑀺𑀢𑁆𑀢𑁂𑀦 𑀲𑀫𑀼𑀝𑁆𑀞𑀺𑀢𑀁 𑀓𑀸𑀬𑀓𑀫𑁆𑀫𑀁 𑀭𑀽𑀧𑀁 𑀅𑀓𑀼𑀲𑀮𑀦𑁆𑀢𑀺? 𑀆𑀫𑀦𑁆𑀢𑀸. 𑀬𑀁 𑀓𑀺𑀜𑁆𑀘𑀺 𑀅𑀓𑀼𑀲𑀮𑁂𑀦 𑀘𑀺𑀢𑁆𑀢𑁂𑀦 𑀲𑀫𑀼𑀝𑁆𑀞𑀺𑀢𑀁 𑀭𑀽𑀧𑀁 𑀲𑀩𑁆𑀩𑀁 𑀢𑀁 𑀅𑀓𑀼𑀲𑀮𑀦𑁆𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….
𑁫𑁩𑁪. 𑀅𑀓𑀼𑀲𑀮𑁂𑀦 𑀘𑀺𑀢𑁆𑀢𑁂𑀦 𑀲𑀫𑀼𑀝𑁆𑀞𑀺𑀢𑀁 𑀯𑀘𑀻𑀓𑀫𑁆𑀫𑀁 𑀭𑀽𑀧𑀁 𑀅𑀓𑀼𑀲𑀮𑀦𑁆𑀢𑀺? 𑀆𑀫𑀦𑁆𑀢𑀸. 𑀲𑀸𑀭𑀫𑁆𑀫𑀡𑀁, 𑀅𑀢𑁆𑀣𑀺 𑀢𑀲𑁆𑀲 𑀆𑀯𑀝𑁆𑀝𑀦𑀸…𑀧𑁂… 𑀧𑀡𑀺𑀥𑀻𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂… 𑀦𑀦𑀼 𑀅𑀦𑀸𑀭𑀫𑁆𑀫𑀡𑀁, 𑀦𑀢𑁆𑀣𑀺 𑀢𑀲𑁆𑀲 𑀆𑀯𑀝𑁆𑀝𑀦𑀸…𑀧𑁂… 𑀧𑀡𑀺𑀥𑀻𑀢𑀺? 𑀆𑀫𑀦𑁆𑀢𑀸. 𑀳𑀜𑁆𑀘𑀺 𑀅𑀦𑀸𑀭𑀫𑁆𑀫𑀡𑀁, 𑀦𑀢𑁆𑀣𑀺 𑀢𑀲𑁆𑀲 𑀆𑀯𑀝𑁆𑀝𑀦𑀸…𑀧𑁂… 𑀧𑀡𑀺𑀥𑀺; 𑀦𑁄 𑀘 𑀯𑀢 𑀭𑁂 𑀯𑀢𑁆𑀢𑀩𑁆𑀩𑁂 𑁋 ‘‘𑀅𑀓𑀼𑀲𑀮𑁂𑀦 𑀘𑀺𑀢𑁆𑀢𑁂𑀦 𑀲𑀫𑀼𑀝𑁆𑀞𑀺𑀢𑀁 𑀯𑀘𑀻𑀓𑀫𑁆𑀫𑀁 𑀭𑀽𑀧𑀁 𑀅𑀓𑀼𑀲𑀮’’𑀦𑁆𑀢𑀺.
𑀅𑀓𑀼𑀲𑀮𑁂𑀦 𑀘𑀺𑀢𑁆𑀢𑁂𑀦 𑀲𑀫𑀼𑀝𑁆𑀞𑀺𑀢𑁄 𑀨𑀲𑁆𑀲𑁄 𑀅𑀓𑀼𑀲𑀮𑁄 𑀲𑀸𑀭𑀫𑁆𑀫𑀡𑁄, 𑀅𑀢𑁆𑀣𑀺 𑀢𑀲𑁆𑀲 𑀆𑀯𑀝𑁆𑀝𑀦𑀸…𑀧𑁂… 𑀧𑀡𑀺𑀥𑀻𑀢𑀺? 𑀆𑀫𑀦𑁆𑀢𑀸. 𑀅𑀓𑀼𑀲𑀮𑁂𑀦 𑀘𑀺𑀢𑁆𑀢𑁂𑀦 𑀲𑀫𑀼𑀝𑁆𑀞𑀺𑀢𑀁 𑀯𑀘𑀻𑀓𑀫𑁆𑀫𑀁 𑀭𑀽𑀧𑀁 𑀅𑀓𑀼𑀲𑀮𑀁 𑀲𑀸𑀭𑀫𑁆𑀫𑀡𑀁, 𑀅𑀢𑁆𑀣𑀺 𑀢𑀲𑁆𑀲 𑀆𑀯𑀝𑁆𑀝𑀦𑀸…𑀧𑁂… 𑀧𑀡𑀺𑀥𑀻𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂… 𑀅𑀓𑀼𑀲𑀮𑁂𑀦 𑀘𑀺𑀢𑁆𑀢𑁂𑀦 𑀲𑀫𑀼𑀝𑁆𑀞𑀺𑀢𑀸 𑀯𑁂𑀤𑀦𑀸…𑀧𑁂… 𑀲𑀜𑁆𑀜𑀸 … 𑀘𑁂𑀢𑀦𑀸… 𑀭𑀸𑀕𑁄… 𑀤𑁄𑀲𑁄… 𑀫𑁄𑀳𑁄… 𑀫𑀸𑀦𑁄… 𑀤𑀺𑀝𑁆𑀞𑀺… 𑀯𑀺𑀘𑀺𑀓𑀺𑀘𑁆𑀙𑀸… 𑀣𑀺𑀦𑀁… 𑀉𑀤𑁆𑀥𑀘𑁆𑀘𑀁… 𑀅𑀳𑀺𑀭𑀺𑀓𑀁…𑀧𑁂… 𑀅𑀦𑁄𑀢𑁆𑀢𑀧𑁆𑀧𑀁 𑀅𑀓𑀼𑀲𑀮𑀁 𑀲𑀸𑀭𑀫𑁆𑀫𑀡𑀁, 𑀅𑀢𑁆𑀣𑀺 𑀢𑀲𑁆𑀲 𑀆𑀯𑀝𑁆𑀝𑀦𑀸…𑀧𑁂… 𑀧𑀡𑀺𑀥𑀻𑀢𑀺? 𑀆𑀫𑀦𑁆𑀢𑀸. 𑀅𑀓𑀼𑀲𑀮𑁂𑀦 𑀘𑀺𑀢𑁆𑀢𑁂𑀦 𑀲𑀫𑀼𑀝𑁆𑀞𑀺𑀢𑀁 𑀯𑀘𑀻𑀓𑀫𑁆𑀫𑀁 𑀭𑀽𑀧𑀁 𑀅𑀓𑀼𑀲𑀮𑀁 𑀲𑀸𑀭𑀫𑁆𑀫𑀡𑀁, 𑀅𑀢𑁆𑀣𑀺 𑀢𑀲𑁆𑀲 𑀆𑀯𑀝𑁆𑀝𑀦𑀸…𑀧𑁂… 𑀧𑀡𑀺𑀥𑀻𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….
𑀅𑀓𑀼𑀲𑀮𑁂𑀦 𑀘𑀺𑀢𑁆𑀢𑁂𑀦 𑀲𑀫𑀼𑀝𑁆𑀞𑀺𑀢𑀁 𑀯𑀘𑀻𑀓𑀫𑁆𑀫𑀁 𑀭𑀽𑀧𑀁 𑀅𑀓𑀼𑀲𑀮𑀁 𑀅𑀦𑀸𑀭𑀫𑁆𑀫𑀡𑀁, 𑀦𑀢𑁆𑀣𑀺 𑀢𑀲𑁆𑀲 𑀆𑀯𑀝𑁆𑀝𑀦𑀸…𑀧𑁂… 𑀧𑀡𑀺𑀥𑀻𑀢𑀺? 𑀆𑀫𑀦𑁆𑀢𑀸. 𑀅𑀓𑀼𑀲𑀮𑁂𑀦 𑀘𑀺𑀢𑁆𑀢𑁂𑀦 𑀲𑀫𑀼𑀝𑁆𑀞𑀺𑀢𑁄 𑀨𑀲𑁆𑀲𑁄 𑀅𑀓𑀼𑀲𑀮𑁄 𑀅𑀦𑀸𑀭𑀫𑁆𑀫𑀡𑁄, 𑀦𑀢𑁆𑀣𑀺 𑀢𑀲𑁆𑀲 𑀆𑀯𑀝𑁆𑀝𑀦𑀸…𑀧𑁂… 𑀧𑀡𑀺𑀥𑀻𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂… 𑀅𑀓𑀼𑀲𑀮𑁂𑀦 𑀘𑀺𑀢𑁆𑀢𑁂𑀦 𑀲𑀫𑀼𑀝𑁆𑀞𑀺𑀢𑀁 𑀯𑀘𑀻𑀓𑀫𑁆𑀫𑀁 𑀭𑀽𑀧𑀁 𑀅𑀓𑀼𑀲𑀮𑀁 𑀅𑀦𑀸𑀭𑀫𑁆𑀫𑀡𑀁, 𑀦𑀢𑁆𑀣𑀺 𑀢𑀲𑁆𑀲 𑀆𑀯𑀝𑁆𑀝𑀦𑀸…𑀧𑁂… 𑀧𑀡𑀺𑀥𑀻𑀢𑀺? 𑀆𑀫𑀦𑁆𑀢𑀸. 𑀅𑀓𑀼𑀲𑀮𑁂𑀦 𑀘𑀺𑀢𑁆𑀢𑁂𑀦 𑀲𑀫𑀼𑀝𑁆𑀞𑀺𑀢𑀸 𑀯𑁂𑀤𑀦𑀸…𑀧𑁂… 𑀲𑀜𑁆𑀜𑀸… 𑀘𑁂𑀢𑀦𑀸… 𑀭𑀸𑀕𑁄… 𑀤𑁄𑀲𑁄… 𑀫𑁄𑀳𑁄… 𑀫𑀸𑀦𑁄… 𑀤𑀺𑀝𑁆𑀞𑀺… 𑀯𑀺𑀘𑀺𑀓𑀺𑀘𑁆𑀙𑀸… 𑀣𑀺𑀦𑀁… 𑀉𑀤𑁆𑀥𑀘𑁆𑀘𑀁… 𑀅𑀳𑀺𑀭𑀺𑀓𑀁…𑀧𑁂… 𑀅𑀦𑁄𑀢𑁆𑀢𑀧𑁆𑀧𑀁 𑀅𑀓𑀼𑀲𑀮𑀁 𑀅𑀦𑀸𑀭𑀫𑁆𑀫𑀡𑀁, 𑀦𑀢𑁆𑀣𑀺 𑀢𑀲𑁆𑀲 𑀆𑀯𑀝𑁆𑀝𑀦𑀸…𑀧𑁂… 𑀧𑀡𑀺𑀥𑀻𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….
𑀅𑀓𑀼𑀲𑀮𑁂𑀦 𑀘𑀺𑀢𑁆𑀢𑁂𑀦 𑀲𑀫𑀼𑀝𑁆𑀞𑀺𑀢𑀁 𑀯𑀘𑀻𑀓𑀫𑁆𑀫𑀁 𑀭𑀽𑀧𑀁 𑀅𑀓𑀼𑀲𑀮𑀦𑁆𑀢𑀺? 𑀆𑀫𑀦𑁆𑀢𑀸. 𑀬𑀁 𑀓𑀺𑀜𑁆𑀘𑀺 𑀅𑀓𑀼𑀲𑀮𑁂𑀦 𑀘𑀺𑀢𑁆𑀢𑁂𑀦 𑀲𑀫𑀼𑀝𑁆𑀞𑀺𑀢𑀁 𑀭𑀽𑀧𑀁 𑀲𑀩𑁆𑀩𑀁 𑀢𑀁 𑀅𑀓𑀼𑀲𑀮𑀦𑁆𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….
𑁫𑁩𑁫. 𑀅𑀓𑀼𑀲𑀮𑁂𑀦 𑀘𑀺𑀢𑁆𑀢𑁂𑀦 𑀲𑀫𑀼𑀝𑁆𑀞𑀺𑀢𑀁 𑀯𑀘𑀻𑀓𑀫𑁆𑀫𑀁 𑀭𑀽𑀧𑀁 𑀅𑀓𑀼𑀲𑀮𑀦𑁆𑀢𑀺? 𑀆𑀫𑀦𑁆𑀢𑀸. 𑀅𑀓𑀼𑀲𑀮𑁂𑀦 𑀘𑀺𑀢𑁆𑀢𑁂𑀦 𑀲𑀫𑀼𑀝𑁆𑀞𑀺𑀢𑀁 𑀭𑀽𑀧𑀸𑀬𑀢𑀦𑀁 𑀅𑀓𑀼𑀲𑀮𑀦𑁆𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂… 𑀅𑀓𑀼𑀲𑀮𑁂𑀦 𑀘𑀺𑀢𑁆𑀢𑁂𑀦 𑀲𑀫𑀼𑀝𑁆𑀞𑀺𑀢𑀁 𑀯𑀘𑀻𑀓𑀫𑁆𑀫𑀁 𑀭𑀽𑀧𑀁 𑀅𑀓𑀼𑀲𑀮𑀦𑁆𑀢𑀺? 𑀆𑀫𑀦𑁆𑀢𑀸. 𑀅𑀓𑀼𑀲𑀮𑁂𑀦 𑀘𑀺𑀢𑁆𑀢𑁂𑀦 𑀲𑀫𑀼𑀝𑁆𑀞𑀺𑀢𑀁 𑀲𑀤𑁆𑀤𑀸𑀬𑀢𑀦𑀁…𑀧𑁂… 𑀕𑀦𑁆𑀥𑀸𑀬𑀢𑀦𑀁… 𑀭𑀲𑀸𑀬𑀢𑀦𑀁… 𑀨𑁄𑀝𑁆𑀞𑀩𑁆𑀩𑀸𑀬𑀢𑀦𑀁…𑀧𑁂… 𑀧𑀣𑀯𑀻𑀥𑀸𑀢𑀼… 𑀆𑀧𑁄𑀥𑀸𑀢𑀼… 𑀢𑁂𑀚𑁄𑀥𑀸𑀢𑀼…𑀧𑁂… 𑀯𑀸𑀬𑁄𑀥𑀸𑀢𑀼 𑀅𑀲𑀼𑀘𑀺 𑀅𑀲𑁆𑀲𑀼 𑀮𑁄𑀳𑀺𑀢𑀁 𑀲𑁂𑀤𑁄 𑀅𑀓𑀼𑀲𑀮𑁄𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….
𑀅𑀓𑀼𑀲𑀮𑁂𑀦 𑀘𑀺𑀢𑁆𑀢𑁂𑀦 𑀲𑀫𑀼𑀝𑁆𑀞𑀺𑀢𑀁 𑀭𑀽𑀧𑀸𑀬𑀢𑀦𑀁 𑀅𑀩𑁆𑀬𑀸𑀓𑀢𑀦𑁆𑀢𑀺? 𑀆𑀫𑀦𑁆𑀢𑀸. 𑀅𑀓𑀼𑀲𑀮𑁂𑀦 𑀘𑀺𑀢𑁆𑀢𑁂𑀦 𑀲𑀫𑀼𑀝𑁆𑀞𑀺𑀢𑀁 𑀯𑀘𑀻𑀓𑀫𑁆𑀫𑀁 𑀭𑀽𑀧𑀁 𑀅𑀩𑁆𑀬𑀸𑀓𑀢𑀦𑁆𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂… 𑀅𑀓𑀼𑀲𑀮𑁂𑀦 𑀘𑀺𑀢𑁆𑀢𑁂𑀦 𑀲𑀫𑀼𑀝𑁆𑀞𑀺𑀢𑀁 𑀲𑀤𑁆𑀤𑀸𑀬𑀢𑀦𑀁…𑀧𑁂… 𑀕𑀦𑁆𑀥𑀸𑀬𑀢𑀦𑀁… 𑀭𑀲𑀸𑀬𑀢𑀦𑀁… 𑀨𑁄𑀝𑁆𑀞𑀩𑁆𑀩𑀸𑀬𑀢𑀦𑀁…𑀧𑁂… 𑀧𑀣𑀯𑀻𑀥𑀸𑀢𑀼… 𑀆𑀧𑁄𑀥𑀸𑀢𑀼… 𑀢𑁂𑀚𑁄𑀥𑀸𑀢𑀼…𑀧𑁂… 𑀯𑀸𑀬𑁄𑀥𑀸𑀢𑀼 𑀅𑀲𑀼𑀘𑀺 𑀅𑀲𑁆𑀲𑀼 𑀮𑁄𑀳𑀺𑀢𑀁 𑀲𑁂𑀤𑁄 𑀅𑀩𑁆𑀬𑀸𑀓𑀢𑁄𑀢𑀺? 𑀆𑀫𑀦𑁆𑀢𑀸. 𑀅𑀓𑀼𑀲𑀮𑁂𑀦 𑀘𑀺𑀢𑁆𑀢𑁂𑀦 𑀲𑀫𑀼𑀝𑁆𑀞𑀺𑀢𑀁 𑀯𑀘𑀻𑀓𑀫𑁆𑀫𑀁 𑀭𑀽𑀧𑀁 𑀅𑀩𑁆𑀬𑀸𑀓𑀢𑀦𑁆𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….
𑁫𑁩𑁬. 𑀅𑀓𑀼𑀲𑀮𑁂𑀦 𑀘𑀺𑀢𑁆𑀢𑁂𑀦 𑀲𑀫𑀼𑀝𑁆𑀞𑀺𑀢𑀁 𑀯𑀘𑀻𑀓𑀫𑁆𑀫𑀁 𑀭𑀽𑀧𑀁 𑀅𑀦𑀸𑀭𑀫𑁆𑀫𑀡𑀁 𑀅𑀓𑀼𑀲𑀮𑀦𑁆𑀢𑀺? 𑀆𑀫𑀦𑁆𑀢𑀸. 𑀅𑀓𑀼𑀲𑀮𑁂𑀦 𑀘𑀺𑀢𑁆𑀢𑁂𑀦 𑀲𑀫𑀼𑀝𑁆𑀞𑀺𑀢𑀁 𑀭𑀽𑀧𑀸𑀬𑀢𑀦𑀁 𑀅𑀦𑀸𑀭𑀫𑁆𑀫𑀡𑀁 𑀅𑀓𑀼𑀲𑀮𑀦𑁆𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂… 𑀅𑀓𑀼𑀲𑀮𑁂𑀦 𑀘𑀺𑀢𑁆𑀢𑁂𑀦 𑀲𑀫𑀼𑀝𑁆𑀞𑀺𑀢𑀁 𑀯𑀘𑀻𑀓𑀫𑁆𑀫𑀁 𑀭𑀽𑀧𑀁 𑀅𑀦𑀸𑀭𑀫𑁆𑀫𑀡𑀁 𑀅𑀓𑀼𑀲𑀮𑀦𑁆𑀢𑀺? 𑀆𑀫𑀦𑁆𑀢𑀸. 𑀅𑀓𑀼𑀲𑀮𑁂𑀦 𑀘𑀺𑀢𑁆𑀢𑁂𑀦 𑀲𑀫𑀼𑀝𑁆𑀞𑀺𑀢𑀁 𑀲𑀤𑁆𑀤𑀸𑀬𑀢𑀦𑀁…𑀧𑁂… 𑀕𑀦𑁆𑀥𑀸𑀬𑀢𑀦𑀁…𑀧𑁂… 𑀭𑀲𑀸𑀬𑀢𑀦𑀁…𑀧𑁂… 𑀨𑁄𑀝𑁆𑀞𑀩𑁆𑀩𑀸𑀬𑀢𑀦𑀁… 𑀧𑀣𑀯𑀻𑀥𑀸𑀢𑀼… 𑀆𑀧𑁄𑀥𑀸𑀢𑀼… 𑀢𑁂𑀚𑁄𑀥𑀸𑀢𑀼…𑀧𑁂… 𑀯𑀸𑀬𑁄𑀥𑀸𑀢𑀼 𑀅𑀲𑀼𑀘𑀺 𑀅𑀲𑁆𑀲𑀼 𑀮𑁄𑀳𑀺𑀢𑀁 𑀲𑁂𑀤𑁄 𑀅𑀦𑀸𑀭𑀫𑁆𑀫𑀡𑁄 𑀅𑀓𑀼𑀲𑀮𑁄𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….
𑀅𑀓𑀼𑀲𑀮𑁂𑀦 𑀘𑀺𑀢𑁆𑀢𑁂𑀦 𑀲𑀫𑀼𑀝𑁆𑀞𑀺𑀢𑀁 𑀭𑀽𑀧𑀸𑀬𑀢𑀦𑀁 𑀅𑀦𑀸𑀭𑀫𑁆𑀫𑀡𑀁 𑀅𑀩𑁆𑀬𑀸𑀓𑀢𑀦𑁆𑀢𑀺? 𑀆𑀫𑀦𑁆𑀢𑀸. 𑀅𑀓𑀼𑀲𑀮𑁂𑀦 𑀘𑀺𑀢𑁆𑀢𑁂𑀦 𑀲𑀫𑀼𑀝𑁆𑀞𑀺𑀢𑀁 𑀯𑀘𑀻𑀓𑀫𑁆𑀫𑀁 𑀭𑀽𑀧𑀁 𑀅𑀦𑀸𑀭𑀫𑁆𑀫𑀡𑀁 𑀅𑀩𑁆𑀬𑀸𑀓𑀢𑀦𑁆𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂… 𑀅𑀓𑀼𑀲𑀮𑁂𑀦 𑀘𑀺𑀢𑁆𑀢𑁂𑀦 𑀲𑀫𑀼𑀝𑁆𑀞𑀺𑀢𑀁 𑀲𑀤𑁆𑀤𑀸𑀬𑀢𑀦𑀁…𑀧𑁂… 𑀕𑀦𑁆𑀥𑀸𑀬𑀢𑀦𑀁… 𑀭𑀲𑀸𑀬𑀢𑀦𑀁… 𑀨𑁄𑀝𑁆𑀞𑀩𑁆𑀩𑀸𑀬𑀢𑀦𑀁…𑀧𑁂… 𑀧𑀣𑀯𑀻𑀥𑀸𑀢𑀼… 𑀆𑀧𑁄𑀥𑀸𑀢𑀼… 𑀢𑁂𑀚𑁄𑀥𑀸𑀢𑀼…𑀧𑁂… 𑀯𑀸𑀬𑁄𑀥𑀸𑀢𑀼 𑀅𑀲𑀼𑀘𑀺 𑀅𑀲𑁆𑀲𑀼 𑀮𑁄𑀳𑀺𑀢𑀁 𑀲𑁂𑀤𑁄 𑀅𑀦𑀸𑀭𑀫𑁆𑀫𑀡𑁄 𑀅𑀩𑁆𑀬𑀸𑀓𑀢𑁄𑀢𑀺? 𑀆𑀫𑀦𑁆𑀢𑀸. 𑀅𑀓𑀼𑀲𑀮𑁂𑀦 𑀘𑀺𑀢𑁆𑀢𑁂𑀦 𑀲𑀫𑀼𑀝𑁆𑀞𑀺𑀢𑀁 𑀯𑀘𑀻𑀓𑀫𑁆𑀫𑀁 𑀭𑀽𑀧𑀁 𑀅𑀦𑀸𑀭𑀫𑁆𑀫𑀡𑀁 𑀅𑀩𑁆𑀬𑀸𑀓𑀢𑀦𑁆𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….
𑁫𑁩𑁭. 𑀅𑀓𑀼𑀲𑀮𑁂𑀦 𑀘𑀺𑀢𑁆𑀢𑁂𑀦 𑀲𑀫𑀼𑀝𑁆𑀞𑀺𑀢𑀁 𑀯𑀘𑀻𑀓𑀫𑁆𑀫𑀁 𑀭𑀽𑀧𑀁 𑀨𑀲𑁆𑀲𑀯𑀺𑀧𑁆𑀧𑀬𑀼𑀢𑁆𑀢𑀁 𑀅𑀓𑀼𑀲𑀮𑀦𑁆𑀢𑀺? 𑀆𑀫𑀦𑁆𑀢𑀸. 𑀅𑀓𑀼𑀲𑀮𑁂𑀦 𑀘𑀺𑀢𑁆𑀢𑁂𑀦 𑀲𑀫𑀼𑀝𑁆𑀞𑀺𑀢𑀁 𑀭𑀽𑀧𑀸𑀬𑀢𑀦𑀁 𑀨𑀲𑁆𑀲𑀯𑀺𑀧𑁆𑀧𑀬𑀼𑀢𑁆𑀢𑀁 𑀅𑀓𑀼𑀲𑀮𑀦𑁆𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂… 𑀅𑀓𑀼𑀲𑀮𑁂𑀦 𑀘𑀺𑀢𑁆𑀢𑁂𑀦 𑀲𑀫𑀼𑀝𑁆𑀞𑀺𑀢𑀁 𑀯𑀘𑀻𑀓𑀫𑁆𑀫𑀁 𑀭𑀽𑀧𑀁 𑀨𑀲𑁆𑀲𑀯𑀺𑀧𑁆𑀧𑀬𑀼𑀢𑁆𑀢𑀁 𑀅𑀓𑀼𑀲𑀮𑀦𑁆𑀢𑀺? 𑀆𑀫𑀦𑁆𑀢𑀸. 𑀅𑀓𑀼𑀲𑀮𑁂𑀦 𑀘𑀺𑀢𑁆𑀢𑁂𑀦 𑀲𑀫𑀼𑀝𑁆𑀞𑀺𑀢𑀁 𑀲𑀤𑁆𑀤𑀸𑀬𑀢𑀦𑀁…𑀧𑁂… 𑀕𑀦𑁆𑀥𑀸𑀬𑀢𑀦𑀁… 𑀭𑀲𑀸𑀬𑀢𑀦𑀁… 𑀨𑁄𑀝𑁆𑀞𑀩𑁆𑀩𑀸𑀬𑀢𑀦𑀁… 𑀧𑀣𑀯𑀻𑀥𑀸𑀢𑀼… 𑀆𑀧𑁄𑀥𑀸𑀢𑀼… 𑀢𑁂𑀚𑁄𑀥𑀸𑀢𑀼…𑀧𑁂… 𑀯𑀸𑀬𑁄𑀥𑀸𑀢𑀼 𑀅𑀲𑀼𑀘𑀺 𑀅𑀲𑁆𑀲𑀼 𑀮𑁄𑀳𑀺𑀢𑀁 𑀲𑁂𑀤𑁄 𑀨𑀲𑁆𑀲𑀯𑀺𑀧𑁆𑀧𑀬𑀼𑀢𑁆𑀢𑁄 𑀅𑀓𑀼𑀲𑀮𑁄𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….
𑀅𑀓𑀼𑀲𑀮𑁂𑀦 𑀘𑀺𑀢𑁆𑀢𑁂𑀦 𑀲𑀫𑀼𑀝𑁆𑀞𑀺𑀢𑀁 𑀭𑀽𑀧𑀸𑀬𑀢𑀦𑀁 𑀨𑀲𑁆𑀲𑀯𑀺𑀧𑁆𑀧𑀬𑀼𑀢𑁆𑀢𑀁 𑀅𑀩𑁆𑀬𑀸𑀓𑀢𑀦𑁆𑀢𑀺? 𑀆𑀫𑀦𑁆𑀢𑀸. 𑀅𑀓𑀼𑀲𑀮𑁂𑀦 𑀘𑀺𑀢𑁆𑀢𑁂𑀦 𑀲𑀫𑀼𑀝𑁆𑀞𑀺𑀢𑀁 𑀯𑀘𑀻𑀓𑀫𑁆𑀫𑀁 𑀭𑀽𑀧𑀁 𑀅𑀦𑀸𑀭𑀫𑁆𑀫𑀡𑀁 𑀨𑀲𑁆𑀲𑀯𑀺𑀧𑁆𑀧𑀬𑀼𑀢𑁆𑀢𑀁 𑀅𑀩𑁆𑀬𑀸𑀓𑀢𑀦𑁆𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂… 𑀅𑀓𑀼𑀲𑀮𑁂𑀦 𑀘𑀺𑀢𑁆𑀢𑁂𑀦 𑀲𑀫𑀼𑀝𑁆𑀞𑀺𑀢𑀁 𑀲𑀤𑁆𑀤𑀸𑀬𑀢𑀦𑀁…𑀧𑁂… 𑀕𑀦𑁆𑀥𑀸𑀬𑀢𑀦𑀁… 𑀭𑀲𑀸𑀬𑀢𑀦𑀁… 𑀨𑁄𑀝𑁆𑀞𑀩𑁆𑀩𑀸𑀬𑀢𑀦𑀁… 𑀧𑀣𑀯𑀻𑀥𑀸𑀢𑀼… 𑀆𑀧𑁄𑀥𑀸𑀢𑀼… 𑀢𑁂𑀚𑁄𑀥𑀸𑀢𑀼…𑀧𑁂… 𑀯𑀸𑀬𑁄𑀥𑀸𑀢𑀼 𑀅𑀲𑀼𑀘𑀺 𑀅𑀲𑁆𑀲𑀼 𑀮𑁄𑀳𑀺𑀢𑀁 𑀲𑁂𑀤𑁄 𑀅𑀦𑀸𑀭𑀫𑁆𑀫𑀡𑁄 𑀨𑀲𑁆𑀲𑀯𑀺𑀧𑁆𑀧𑀬𑀼𑀢𑁆𑀢𑁄 𑀅𑀩𑁆𑀬𑀸𑀓𑀢𑁄𑀢𑀺? 𑀆𑀫𑀦𑁆𑀢𑀸. 𑀅𑀓𑀼𑀲𑀮𑁂𑀦 𑀘𑀺𑀢𑁆𑀢𑁂𑀦 𑀲𑀫𑀼𑀝𑁆𑀞𑀺𑀢𑀁 𑀯𑀘𑀻𑀓𑀫𑁆𑀫𑀁 𑀭𑀽𑀧𑀁 𑀅𑀦𑀸𑀭𑀫𑁆𑀫𑀡𑀁 𑀨𑀲𑁆𑀲𑀯𑀺𑀧𑁆𑀧𑀬𑀼𑀢𑁆𑀢𑀁 𑀅𑀩𑁆𑀬𑀸𑀓𑀢𑀦𑁆𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….
𑀅𑀓𑀼𑀲𑀮𑁂𑀦 𑀘𑀺𑀢𑁆𑀢𑁂𑀦 𑀲𑀫𑀼𑀝𑁆𑀞𑀺𑀢𑀁 𑀯𑀘𑀻𑀓𑀫𑁆𑀫𑀁 𑀭𑀽𑀧𑀁 𑀅𑀦𑀸𑀭𑀫𑁆𑀫𑀡𑀁 𑀨𑀲𑁆𑀲𑀯𑀺𑀧𑁆𑀧𑀬𑀼𑀢𑁆𑀢𑀁 𑀅𑀓𑀼𑀲𑀮𑀦𑁆𑀢𑀺? 𑀆𑀫𑀦𑁆𑀢𑀸. 𑀅𑀓𑀼𑀲𑀮𑁂𑀦 𑀘𑀺𑀢𑁆𑀢𑁂𑀦 𑀲𑀫𑀼𑀝𑁆𑀞𑀺𑀢𑀁 𑀭𑀽𑀧𑀸𑀬𑀢𑀦𑀁 𑀅𑀦𑀸𑀭𑀫𑁆𑀫𑀡𑀁 𑀨𑀲𑁆𑀲𑀯𑀺𑀧𑁆𑀧𑀬𑀼𑀢𑁆𑀢𑀁 𑀅𑀓𑀼𑀲𑀮𑀦𑁆𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂… 𑀅𑀓𑀼𑀲𑀮𑁂𑀦 𑀘𑀺𑀢𑁆𑀢𑁂𑀦 𑀲𑀫𑀼𑀝𑁆𑀞𑀺𑀢𑀁 𑀯𑀘𑀻𑀓𑀫𑁆𑀫𑀁 𑀭𑀽𑀧𑀁 𑀅𑀦𑀸𑀭𑀫𑁆𑀫𑀡𑀁 𑀨𑀲𑁆𑀲𑀯𑀺𑀧𑁆𑀧𑀬𑀼𑀢𑁆𑀢𑀁 𑀅𑀓𑀼𑀲𑀮𑀦𑁆𑀢𑀺? 𑀆𑀫𑀦𑁆𑀢𑀸. 𑀅𑀓𑀼𑀲𑀮𑁂𑀦 𑀘𑀺𑀢𑁆𑀢𑁂𑀦 𑀲𑀫𑀼𑀝𑁆𑀞𑀺𑀢𑀁 𑀲𑀤𑁆𑀤𑀸𑀬𑀢𑀦𑀁…𑀧𑁂… 𑀕𑀦𑁆𑀥𑀸𑀬𑀢𑀦𑀁… 𑀭𑀲𑀸𑀬𑀢𑀦𑀁… 𑀨𑁄𑀝𑁆𑀞𑀩𑁆𑀩𑀸𑀬𑀢𑀦𑀁… 𑀧𑀣𑀯𑀻𑀥𑀸𑀢𑀼… 𑀆𑀧𑁄𑀥𑀸𑀢𑀼… 𑀢𑁂𑀚𑁄𑀥𑀸𑀢𑀼…𑀧𑁂… 𑀯𑀸𑀬𑁄𑀥𑀸𑀢𑀼 𑀅𑀲𑀼𑀘𑀺 𑀅𑀲𑁆𑀲𑀼 𑀮𑁄𑀳𑀺𑀢𑀁 𑀲𑁂𑀤𑁄 𑀅𑀦𑀸𑀭𑀫𑁆𑀫𑀡𑁄 𑀨𑀲𑁆𑀲𑀯𑀺𑀧𑁆𑀧𑀬𑀼𑀢𑁆𑀢𑁄 𑀅𑀓𑀼𑀲𑀮𑁄𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….
𑀅𑀓𑀼𑀲𑀮𑁂𑀦 𑀘𑀺𑀢𑁆𑀢𑁂𑀦 𑀲𑀫𑀼𑀝𑁆𑀞𑀺𑀢𑀁 𑀭𑀽𑀧𑀸𑀬𑀢𑀦𑀁 𑀅𑀦𑀸𑀭𑀫𑁆𑀫𑀡𑀁 𑀨𑀲𑁆𑀲𑀯𑀺𑀧𑁆𑀧𑀬𑀼𑀢𑁆𑀢𑀁 𑀅𑀩𑁆𑀬𑀸𑀓𑀢𑀦𑁆𑀢𑀺? 𑀆𑀫𑀦𑁆𑀢𑀸. 𑀅𑀓𑀼𑀲𑀮𑁂𑀦 𑀘𑀺𑀢𑁆𑀢𑁂𑀦 𑀲𑀫𑀼𑀝𑁆𑀞𑀺𑀢𑀁 𑀯𑀘𑀻𑀓𑀫𑁆𑀫𑀁 𑀭𑀽𑀧𑀁 𑀅𑀦𑀸𑀭𑀫𑁆𑀫𑀡𑀁 𑀨𑀲𑁆𑀲𑀯𑀺𑀧𑁆𑀧𑀬𑀼𑀢𑁆𑀢𑀁 𑀅𑀩𑁆𑀬𑀸𑀓𑀢𑀦𑁆𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂… 𑀅𑀓𑀼𑀲𑀮𑁂𑀦 𑀘𑀺𑀢𑁆𑀢𑁂𑀦 𑀲𑀫𑀼𑀝𑁆𑀞𑀺𑀢𑀁 𑀲𑀤𑁆𑀤𑀸𑀬𑀢𑀦𑀁…𑀧𑁂… 𑀕𑀦𑁆𑀥𑀸𑀬𑀢𑀦𑀁… 𑀭𑀲𑀸𑀬𑀢𑀦𑀁… 𑀨𑁄𑀝𑁆𑀞𑀩𑁆𑀩𑀸𑀬𑀢𑀦𑀁… 𑀧𑀣𑀯𑀻𑀥𑀸𑀢𑀼… 𑀆𑀧𑁄𑀥𑀸𑀢𑀼… 𑀢𑁂𑀚𑁄𑀥𑀸𑀢𑀼…𑀧𑁂… 𑀯𑀸𑀬𑁄𑀥𑀸𑀢𑀼 𑀅𑀲𑀼𑀘𑀺 𑀅𑀲𑁆𑀲𑀼 𑀮𑁄𑀳𑀺𑀢𑀁 𑀲𑁂𑀤𑁄 𑀅𑀦𑀸𑀭𑀫𑁆𑀫𑀡𑁄 𑀨𑀲𑁆𑀲𑀯𑀺𑀧𑁆𑀧𑀬𑀼𑀢𑁆𑀢𑁄 𑀅𑀩𑁆𑀬𑀸𑀓𑀢𑁄𑀢𑀺? 𑀆𑀫𑀦𑁆𑀢𑀸. 𑀅𑀓𑀼𑀲𑀮𑁂𑀦 𑀘𑀺𑀢𑁆𑀢𑁂𑀦 𑀲𑀫𑀼𑀝𑁆𑀞𑀺𑀢𑀁 𑀯𑀘𑀻𑀓𑀫𑁆𑀫𑀁 𑀭𑀽𑀧𑀁 𑀅𑀦𑀸𑀭𑀫𑁆𑀫𑀡𑀁 𑀨𑀲𑁆𑀲𑀯𑀺𑀧𑁆𑀧𑀬𑀼𑀢𑁆𑀢𑀁 𑀅𑀩𑁆𑀬𑀸𑀓𑀢𑀦𑁆𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….
𑁫𑁩𑁮. 𑀦 𑀯𑀢𑁆𑀢𑀩𑁆𑀩𑀁 𑁋 ‘‘𑀭𑀽𑀧𑀁 𑀓𑀼𑀲𑀮𑀫𑁆𑀧𑀺 𑀅𑀓𑀼𑀲𑀮𑀫𑁆𑀧𑀻’’𑀢𑀺? 𑀆𑀫𑀦𑁆𑀢𑀸. 𑀦𑀦𑀼 𑀓𑀸𑀬𑀓𑀫𑁆𑀫𑀁 𑀯𑀘𑀻𑀓𑀫𑁆𑀫𑀁 𑀓𑀼𑀲𑀮𑀫𑁆𑀧𑀺 𑀅𑀓𑀼𑀲𑀮𑀫𑁆𑀧𑀻𑀢𑀺? 𑀆𑀫𑀦𑁆𑀢𑀸. 𑀳𑀜𑁆𑀘𑀺 𑀓𑀸𑀬𑀓𑀫𑁆𑀫𑀁 𑀯𑀘𑀻𑀓𑀫𑁆𑀫𑀁 𑀓𑀼𑀲𑀮𑀫𑁆𑀧𑀺 𑀅𑀓𑀼𑀲𑀮𑀫𑁆𑀧𑀺, 𑀢𑁂𑀦 𑀯𑀢 𑀭𑁂 𑀯𑀢𑁆𑀢𑀩𑁆𑀩𑁂 𑁋 ‘‘𑀭𑀽𑀧𑀁 𑀓𑀼𑀲𑀮𑀫𑁆𑀧𑀺 𑀅𑀓𑀼𑀲𑀮𑀫𑁆𑀧𑀻’’𑀢𑀺.
𑀭𑀽𑀧𑀁 𑀓𑀼𑀲𑀮𑀫𑁆𑀧𑀺 𑀅𑀓𑀼𑀲𑀮𑀫𑁆𑀧𑀻𑀢𑀺? 𑀆𑀫𑀦𑁆𑀢𑀸. 𑀘𑀓𑁆𑀔𑀸𑀬𑀢𑀦𑀁 𑀓𑀼𑀲𑀮𑀫𑁆𑀧𑀺 𑀅𑀓𑀼𑀲𑀮𑀫𑁆𑀧𑀻𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂… 𑀭𑀽𑀧𑀁 𑀓𑀼𑀲𑀮𑀫𑁆𑀧𑀺 𑀅𑀓𑀼𑀲𑀮𑀫𑁆𑀧𑀻𑀢𑀺? 𑀆𑀫𑀦𑁆𑀢𑀸. 𑀲𑁄𑀢𑀸𑀬𑀢𑀦𑀁…𑀧𑁂… 𑀖𑀸𑀦𑀸𑀬𑀢𑀦𑀁… 𑀚𑀺𑀯𑁆𑀳𑀸𑀬𑀢𑀦𑀁… 𑀓𑀸𑀬𑀸𑀬𑀢𑀦𑀁… 𑀭𑀽𑀧𑀸𑀬𑀢𑀦𑀁… 𑀲𑀤𑁆𑀤𑀸𑀬𑀢𑀦𑀁… 𑀕𑀦𑁆𑀥𑀸𑀬𑀢𑀦𑀁… 𑀭𑀲𑀸𑀬𑀢𑀦𑀁 … 𑀨𑁄𑀝𑁆𑀞𑀩𑁆𑀩𑀸𑀬𑀢𑀦𑀁… 𑀧𑀣𑀯𑀻𑀥𑀸𑀢𑀼… 𑀆𑀧𑁄𑀥𑀸𑀢𑀼… 𑀢𑁂𑀚𑁄𑀥𑀸𑀢𑀼…𑀧𑁂… 𑀯𑀸𑀬𑁄𑀥𑀸𑀢𑀼 𑀅𑀲𑀼𑀘𑀺 𑀅𑀲𑁆𑀲𑀼 𑀮𑁄𑀳𑀺𑀢𑀁 𑀲𑁂𑀤𑁄 𑀓𑀼𑀲𑀮𑁄𑀧𑀺 𑀅𑀓𑀼𑀲𑀮𑁄𑀧𑀻𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….
𑀓𑀸𑀬𑁄 𑀭𑀽𑀧𑀁, 𑀓𑀸𑀬𑀓𑀫𑁆𑀫𑀁 𑀭𑀽𑀧𑀦𑁆𑀢𑀺? 𑀆𑀫𑀦𑁆𑀢𑀸. 𑀫𑀦𑁄 𑀭𑀽𑀧𑀁, 𑀫𑀦𑁄𑀓𑀫𑁆𑀫𑀁 𑀭𑀽𑀧𑀦𑁆𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂 …𑀧𑁂… 𑀫𑀦𑁄 𑀅𑀭𑀽𑀧𑀁, 𑀫𑀦𑁄𑀓𑀫𑁆𑀫𑀁 𑀅𑀭𑀽𑀧𑀦𑁆𑀢𑀺? 𑀆𑀫𑀦𑁆𑀢𑀸. 𑀓𑀸𑀬𑁄 𑀅𑀭𑀽𑀧𑀁, 𑀓𑀸𑀬𑀓𑀫𑁆𑀫𑀁 𑀅𑀭𑀽𑀧𑀦𑁆𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….
𑀓𑀸𑀬𑁄 𑀭𑀽𑀧𑀦𑁆𑀢𑀺, 𑀓𑀸𑀬𑀓𑀫𑁆𑀫𑀁 𑀭𑀽𑀧𑀦𑁆𑀢𑀺? 𑀆𑀫𑀦𑁆𑀢𑀸. 𑀘𑀓𑁆𑀔𑀸𑀬𑀢𑀦𑀁 𑀭𑀽𑀧𑀦𑁆𑀢𑀺, 𑀘𑀓𑁆𑀔𑀼𑀯𑀺𑀜𑁆𑀜𑀸𑀡𑀁 𑀭𑀽𑀧𑀦𑁆𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂… 𑀓𑀸𑀬𑁄 𑀭𑀽𑀧𑀦𑁆𑀢𑀺, 𑀓𑀸𑀬𑀓𑀫𑁆𑀫𑀁 𑀭𑀽𑀧𑀦𑁆𑀢𑀺? 𑀆𑀫𑀦𑁆𑀢𑀸. 𑀲𑁄𑀢𑀸𑀬𑀢𑀦𑀁 𑀭𑀽𑀧𑀦𑁆𑀢𑀺, 𑀲𑁄𑀢𑀯𑀺𑀜𑁆𑀜𑀸𑀡𑀁 𑀭𑀽𑀧𑀦𑁆𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂… 𑀓𑀸𑀬𑁄 𑀭𑀽𑀧𑀦𑁆𑀢𑀺, 𑀓𑀸𑀬𑀓𑀫𑁆𑀫𑀁 𑀭𑀽𑀧𑀦𑁆𑀢𑀺? 𑀆𑀫𑀦𑁆𑀢𑀸. 𑀖𑀸𑀦𑀸𑀬𑀢𑀦𑀁 𑀭𑀽𑀧𑀦𑁆𑀢𑀺, 𑀖𑀸𑀦𑀯𑀺𑀜𑁆𑀜𑀸𑀡𑀁 𑀭𑀽𑀧𑀦𑁆𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂… 𑀓𑀸𑀬𑁄 𑀭𑀽𑀧𑀦𑁆𑀢𑀺, 𑀓𑀸𑀬𑀓𑀫𑁆𑀫𑀁 𑀭𑀽𑀧𑀦𑁆𑀢𑀺? 𑀆𑀫𑀦𑁆𑀢𑀸. 𑀚𑀺𑀯𑁆𑀳𑀸𑀬𑀢𑀦𑀁 𑀭𑀽𑀧𑀦𑁆𑀢𑀺, 𑀚𑀺𑀯𑁆𑀳𑀸𑀯𑀺𑀜𑁆𑀜𑀸𑀡𑀁 𑀭𑀽𑀧𑀦𑁆𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂… 𑀓𑀸𑀬𑁄 𑀭𑀽𑀧𑀦𑁆𑀢𑀺, 𑀓𑀸𑀬𑀓𑀫𑁆𑀫𑀁 𑀭𑀽𑀧𑀦𑁆𑀢𑀺? 𑀆𑀫𑀦𑁆𑀢𑀸. 𑀓𑀸𑀬𑀸𑀬𑀢𑀦𑀁 𑀭𑀽𑀧𑀦𑁆𑀢𑀺, 𑀓𑀸𑀬𑀯𑀺𑀜𑁆𑀜𑀸𑀡𑀁 𑀭𑀽𑀧𑀦𑁆𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….
𑁫𑁩𑁯. 𑀭𑀽𑀧𑀁 𑀓𑀫𑁆𑀫𑀦𑁆𑀢𑀺? 𑀆𑀫𑀦𑁆𑀢𑀸. 𑀦𑀦𑀼 𑀯𑀼𑀢𑁆𑀢𑀁 𑀪𑀕𑀯𑀢𑀸 𑁋 ‘‘𑀘𑁂𑀢𑀦𑀸𑀳𑀁, 𑀪𑀺𑀓𑁆𑀔𑀯𑁂, 𑀓𑀫𑁆𑀫𑀁 𑀯𑀤𑀸𑀫𑀺; 𑀘𑁂𑀢𑀬𑀺𑀢𑁆𑀯𑀸 𑀓𑀫𑁆𑀫𑀁 𑀓𑀭𑁄𑀢𑀺 𑀓𑀸𑀬𑁂𑀦 𑀯𑀸𑀘𑀸𑀬 𑀫𑀦𑀲𑀸’’𑀢𑀺 [𑀅. 𑀦𑀺. 𑁬.𑁬𑁩 𑀦𑀺𑀩𑁆𑀩𑁂𑀥𑀺𑀓𑀲𑀼𑀢𑁆𑀢𑁂]! 𑀅𑀢𑁆𑀣𑁂𑀯 𑀲𑀼𑀢𑁆𑀢𑀦𑁆𑀢𑁄𑀢𑀺? 𑀆𑀫𑀦𑁆𑀢𑀸. 𑀢𑁂𑀦 𑀳𑀺 𑀦 𑀯𑀢𑁆𑀢𑀩𑁆𑀩𑀁 𑁋 ‘‘𑀭𑀽𑀧𑀁 𑀓𑀫𑁆𑀫’’𑀦𑁆𑀢𑀺.
𑀭𑀽𑀧𑀁 𑀓𑀫𑁆𑀫𑀦𑁆𑀢𑀺? 𑀆𑀫𑀦𑁆𑀢𑀸. 𑀦𑀦𑀼 𑀯𑀼𑀢𑁆𑀢𑀁 𑀪𑀕𑀯𑀢𑀸 𑁋 ‘‘𑀓𑀸𑀬𑁂 𑀯𑀸, 𑀆𑀦𑀦𑁆𑀤 [𑀳𑀸𑀦𑀦𑁆𑀤 (𑀲𑀁. 𑀦𑀺. 𑁨.𑁨𑁫)], 𑀲𑀢𑀺 𑀓𑀸𑀬𑀲𑀜𑁆𑀘𑁂𑀢𑀦𑀸𑀳𑁂𑀢𑀼 𑀉𑀧𑁆𑀧𑀚𑁆𑀚𑀢𑀺 𑀅𑀚𑁆𑀛𑀢𑁆𑀢𑀁 𑀲𑀼𑀔𑀤𑀼𑀓𑁆𑀔𑀁; 𑀯𑀸𑀘𑀸𑀬 𑀯𑀸, 𑀆𑀦𑀦𑁆𑀤 [𑀳𑀸𑀦𑀦𑁆𑀤 (𑀲𑀁. 𑀦𑀺. 𑁨.𑁨𑁫)], 𑀲𑀢𑀺 𑀯𑀘𑀻𑀲𑀜𑁆𑀘𑁂𑀢𑀦𑀸𑀳𑁂𑀢𑀼 𑀉𑀧𑁆𑀧𑀚𑁆𑀚𑀢𑀺 𑀅𑀚𑁆𑀛𑀢𑁆𑀢𑀁 𑀲𑀼𑀔𑀤𑀼𑀓𑁆𑀔𑀁; 𑀫𑀦𑁂 𑀯𑀸, 𑀆𑀦𑀦𑁆𑀤 [𑀳𑀸𑀦𑀦𑁆𑀤 (𑀲𑀁. 𑀦𑀺. 𑁨.𑁨𑁫)], 𑀲𑀢𑀺 𑀫𑀦𑁄𑀲𑀜𑁆𑀘𑁂𑀢𑀦𑀸𑀳𑁂𑀢𑀼 𑀉𑀧𑁆𑀧𑀚𑁆𑀚𑀢𑀺 𑀅𑀚𑁆𑀛𑀢𑁆𑀢𑀁 𑀲𑀼𑀔𑀤𑀼𑀓𑁆𑀔’’𑀦𑁆𑀢𑀺 [𑀲𑀁. 𑀦𑀺. 𑁨.𑁨𑁫; 𑀅. 𑀦𑀺. 𑁪.𑁧𑁭𑁧]! 𑀅𑀢𑁆𑀣𑁂𑀯 𑀲𑀼𑀢𑁆𑀢𑀦𑁆𑀢𑁄𑀢𑀺? 𑀆𑀫𑀦𑁆𑀢𑀸. 𑀢𑁂𑀦 𑀳𑀺 𑀦 𑀯𑀢𑁆𑀢𑀩𑁆𑀩𑀁 𑁋 ‘‘𑀭𑀽𑀧𑀁 𑀓𑀫𑁆𑀫’’𑀦𑁆𑀢𑀺.
𑀭𑀽𑀧𑀁 𑀓𑀫𑁆𑀫𑀦𑁆𑀢𑀺? 𑀆𑀫𑀦𑁆𑀢𑀸. 𑀦𑀦𑀼 𑀯𑀼𑀢𑁆𑀢𑀁 𑀪𑀕𑀯𑀢𑀸 𑁋 ‘‘𑀢𑀺𑀯𑀺𑀥𑀸, 𑀪𑀺𑀓𑁆𑀔𑀯𑁂, 𑀓𑀸𑀬𑀲𑀜𑁆𑀘𑁂𑀢𑀦𑀸 𑀅𑀓𑀼𑀲𑀮𑀁 𑀓𑀸𑀬𑀓𑀫𑁆𑀫𑀁 𑀤𑀼𑀓𑁆𑀔𑀼𑀤𑁆𑀭𑀬𑀁 𑀤𑀼𑀓𑁆𑀔𑀯𑀺𑀧𑀸𑀓𑀁; 𑀘𑀢𑀼𑀩𑁆𑀩𑀺𑀥𑀸, 𑀪𑀺𑀓𑁆𑀔𑀯𑁂, 𑀯𑀘𑀻𑀲𑀜𑁆𑀘𑁂𑀢𑀦𑀸 𑀅𑀓𑀼𑀲𑀮𑀁 𑀯𑀘𑀻𑀓𑀫𑁆𑀫𑀁 𑀤𑀼𑀓𑁆𑀔𑀼𑀤𑁆𑀭𑀬𑀁 𑀤𑀼𑀓𑁆𑀔𑀯𑀺𑀧𑀸𑀓𑀁; 𑀢𑀺𑀯𑀺𑀥𑀸, 𑀪𑀺𑀓𑁆𑀔𑀯𑁂, 𑀫𑀦𑁄𑀲𑀜𑁆𑀘𑁂𑀢𑀦𑀸 𑀅𑀓𑀼𑀲𑀮𑀁 𑀫𑀦𑁄𑀓𑀫𑁆𑀫𑀁 𑀤𑀼𑀓𑁆𑀔𑀼𑀤𑁆𑀭𑀬𑀁 𑀤𑀼𑀓𑁆𑀔𑀯𑀺𑀧𑀸𑀓𑀁; 𑀢𑀺𑀯𑀺𑀥𑀸, 𑀪𑀺𑀓𑁆𑀔𑀯𑁂, 𑀓𑀸𑀬𑀲𑀜𑁆𑀘𑁂𑀢𑀦𑀸 𑀓𑀼𑀲𑀮𑀁 𑀓𑀸𑀬𑀓𑀫𑁆𑀫𑀁 𑀲𑀼𑀔𑀼𑀤𑁆𑀭𑀬𑀁 𑀲𑀼𑀔𑀯𑀺𑀧𑀸𑀓𑀁; 𑀘𑀢𑀼𑀩𑁆𑀩𑀺𑀥𑀸, 𑀪𑀺𑀓𑁆𑀔𑀯𑁂, 𑀯𑀘𑀻𑀲𑀜𑁆𑀘𑁂𑀢𑀦𑀸 𑀓𑀼𑀲𑀮𑀁 𑀯𑀘𑀻𑀓𑀫𑁆𑀫𑀁 𑀲𑀼𑀔𑀼𑀤𑁆𑀭𑀬𑀁 𑀲𑀼𑀔𑀯𑀺𑀧𑀸𑀓𑀁; 𑀢𑀺𑀯𑀺𑀥𑀸, 𑀪𑀺𑀓𑁆𑀔𑀯𑁂, 𑀫𑀦𑁄𑀲𑀜𑁆𑀘𑁂𑀢𑀦𑀸 𑀓𑀼𑀲𑀮𑀁 𑀫𑀦𑁄𑀓𑀫𑁆𑀫𑀁 𑀲𑀼𑀔𑀼𑀤𑁆𑀭𑀬𑀁 𑀲𑀼𑀔𑀯𑀺𑀧𑀸𑀓’’𑀦𑁆𑀢𑀺 [𑀅. 𑀦𑀺. 𑁧𑁦.𑁨𑁧𑁭 𑀣𑁄𑀓𑀁 𑀧𑀦 𑀯𑀺𑀲𑀤𑀺𑀲𑀁]! 𑀅𑀢𑁆𑀣𑁂𑀯 𑀲𑀼𑀢𑁆𑀢𑀦𑁆𑀢𑁄𑀢𑀺? 𑀆𑀫𑀦𑁆𑀢𑀸. 𑀢𑁂𑀦 𑀳𑀺 𑀦 𑀯𑀢𑁆𑀢𑀩𑁆𑀩𑀁 𑁋 ‘‘𑀭𑀽𑀧𑀁 𑀓𑀫𑁆𑀫’’𑀦𑁆𑀢𑀺.
𑀭𑀽𑀧𑀁 𑀓𑀫𑁆𑀫𑀦𑁆𑀢𑀺? 𑀆𑀫𑀦𑁆𑀢𑀸. 𑀦𑀦𑀼 𑀯𑀼𑀢𑁆𑀢𑀁 𑀪𑀕𑀯𑀢𑀸 𑁋 ‘‘𑀲𑀘𑀸𑀬𑀁, 𑀆𑀦𑀦𑁆𑀤, 𑀲𑀫𑀺𑀤𑁆𑀥𑀺 𑀫𑁄𑀖𑀧𑀼𑀭𑀺𑀲𑁄 𑀧𑀸𑀝𑀮𑀺𑀧𑀼𑀢𑁆𑀢𑀲𑁆𑀲 [𑀧𑁄𑀢𑀮𑀺𑀧𑀼𑀢𑁆𑀢𑀲𑁆𑀲 (𑀫. 𑀦𑀺. 𑁩.𑁩𑁦𑁦)] 𑀧𑀭𑀺𑀩𑁆𑀩𑀸𑀚𑀓𑀲𑁆𑀲 𑀏𑀯𑀁 𑀧𑀼𑀝𑁆𑀞𑁄 𑀏𑀯𑀁 𑀩𑁆𑀬𑀸𑀓𑀭𑁂𑀬𑁆𑀬 𑁋 ‘𑀲𑀜𑁆𑀘𑁂𑀢𑀦𑀺𑀬𑀁, 𑀆𑀯𑀼𑀲𑁄 𑀧𑀸𑀝𑀮𑀺𑀧𑀼𑀢𑁆𑀢, 𑀓𑀫𑁆𑀫𑀁 𑀓𑀢𑁆𑀯𑀸 𑀓𑀸𑀬𑁂𑀦 𑀯𑀸𑀘𑀸𑀬 𑀫𑀦𑀲𑀸 𑀲𑀼𑀔𑀯𑁂𑀤𑀦𑀺𑀬𑀁 𑀲𑀼𑀔𑀁 𑀲𑁄 𑀯𑁂𑀤𑀬𑀢𑀺; 𑀲𑀜𑁆𑀘𑁂𑀢𑀦𑀺𑀬𑀁, 𑀆𑀯𑀼𑀲𑁄 𑀧𑀸𑀝𑀮𑀺𑀧𑀼𑀢𑁆𑀢, 𑀓𑀫𑁆𑀫𑀁 𑀓𑀢𑁆𑀯𑀸 𑀓𑀸𑀬𑁂𑀦 𑀯𑀸𑀘𑀸𑀬 𑀫𑀦𑀲𑀸 𑀤𑀼𑀓𑁆𑀔𑀯𑁂𑀤𑀦𑀺𑀬𑀁 𑀤𑀼𑀓𑁆𑀔𑀁 𑀲𑁄 𑀯𑁂𑀤𑀬𑀢𑀺; 𑀲𑀜𑁆𑀘𑁂𑀢𑀦𑀺𑀬𑀁, 𑀆𑀯𑀼𑀲𑁄 𑀧𑀸𑀝𑀮𑀺𑀧𑀼𑀢𑁆𑀢, 𑀓𑀫𑁆𑀫𑀁 𑀓𑀢𑁆𑀯𑀸 𑀓𑀸𑀬𑁂𑀦 𑀯𑀸𑀘𑀸𑀬 𑀫𑀦𑀲𑀸 𑀅𑀤𑀼𑀓𑁆𑀔𑀫𑀲𑀼𑀔𑀯𑁂𑀤𑀦𑀺𑀬𑀁 𑀅𑀤𑀼𑀓𑁆𑀔𑀫𑀲𑀼𑀔𑀁 𑀲𑁄 𑀯𑁂𑀤𑀬𑀢𑀻’𑀢𑀺, 𑀏𑀯𑀁 𑀩𑁆𑀬𑀸𑀓𑀭𑀫𑀸𑀦𑁄 𑀔𑁄, 𑀆𑀦𑀦𑁆𑀤, 𑀲𑀫𑀺𑀤𑁆𑀥𑀺 𑀫𑁄𑀖𑀧𑀼𑀭𑀺𑀲𑁄 𑀧𑀸𑀝𑀮𑀺𑀧𑀼𑀢𑁆𑀢𑀲𑁆𑀲 𑀧𑀭𑀺𑀩𑁆𑀩𑀸𑀚𑀓𑀲𑁆𑀲 𑀲𑀫𑁆𑀫𑀸 𑀩𑁆𑀬𑀸𑀓𑀭𑀫𑀸𑀦𑁄 𑀩𑁆𑀬𑀸𑀓𑀭𑁂𑀬𑁆𑀬𑀸’’𑀢𑀺 [𑀫. 𑀦𑀺. 𑁩.𑁩𑁦𑁦]! 𑀅𑀢𑁆𑀣𑁂𑀯 𑀲𑀼𑀢𑁆𑀢𑀦𑁆𑀢𑁄𑀢𑀺? 𑀆𑀫𑀦𑁆𑀢𑀸. 𑀢𑁂𑀦 𑀳𑀺 𑀦 𑀯𑀢𑁆𑀢𑀩𑁆𑀩𑀁 𑁋 ‘‘𑀭𑀽𑀧𑀁 𑀓𑀫𑁆𑀫’’𑀦𑁆𑀢𑀺.
𑀭𑀽𑀧𑀁 𑀓𑀫𑁆𑀫𑀦𑁆𑀢𑀺𑀓𑀣𑀸 𑀦𑀺𑀝𑁆𑀞𑀺𑀢𑀸.
𑁮. 𑀅𑀝𑁆𑀞𑀫𑀯𑀕𑁆𑀕𑁄
(𑁮𑁨) 𑁧𑁦. 𑀚𑀻𑀯𑀺𑀢𑀺𑀦𑁆𑀤𑁆𑀭𑀺𑀬𑀓𑀣𑀸
𑁫𑁪𑁦. 𑀦𑀢𑁆𑀣𑀺 𑀭𑀽𑀧𑀚𑀻𑀯𑀺𑀢𑀺𑀦𑁆𑀤𑁆𑀭𑀺𑀬𑀦𑁆𑀢𑀺? 𑀆𑀫𑀦𑁆𑀢𑀸. 𑀦𑀢𑁆𑀣𑀺 𑀭𑀽𑀧𑀻𑀦𑀁 𑀥𑀫𑁆𑀫𑀸𑀦𑀁 𑀆𑀬𑀼 𑀞𑀺𑀢𑀺 𑀬𑀧𑀦𑀸 𑀬𑀸𑀧𑀦𑀸 𑀇𑀭𑀺𑀬𑀦𑀸 𑀯𑀢𑁆𑀢𑀦𑀸 𑀧𑀸𑀮𑀦𑀸𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂… 𑀅𑀢𑁆𑀣𑀺 𑀭𑀽𑀧𑀻𑀦𑀁 𑀥𑀫𑁆𑀫𑀸𑀦𑀁 𑀆𑀬𑀼 𑀞𑀺𑀢𑀺 𑀬𑀧𑀦𑀸 𑀬𑀸𑀧𑀦𑀸 𑀇𑀭𑀺𑀬𑀦𑀸 𑀯𑀢𑁆𑀢𑀦𑀸 𑀧𑀸𑀮𑀦𑀸𑀢𑀺? 𑀆𑀫𑀦𑁆𑀢𑀸. 𑀳𑀜𑁆𑀘𑀺 𑀅𑀢𑁆𑀣𑀺 𑀭𑀽𑀧𑀻𑀦𑀁 𑀥𑀫𑁆𑀫𑀸𑀦𑀁 𑀆𑀬𑀼 𑀞𑀺𑀢𑀺 𑀬𑀧𑀦𑀸 𑀬𑀸𑀧𑀦𑀸 𑀇𑀭𑀺𑀬𑀦𑀸 𑀯𑀢𑁆𑀢𑀦𑀸 𑀧𑀸𑀮𑀦𑀸, 𑀦𑁄 𑀘 𑀯𑀢 𑀭𑁂 𑀯𑀢𑁆𑀢𑀩𑁆𑀩𑁂 𑁋 ‘‘𑀦𑀢𑁆𑀣𑀺 𑀭𑀽𑀧𑀚𑀻𑀯𑀺𑀢𑀺𑀦𑁆𑀤𑁆𑀭𑀺𑀬’’𑀦𑁆𑀢𑀺.
𑀅𑀢𑁆𑀣𑀺 𑀅𑀭𑀽𑀧𑀻𑀦𑀁 𑀥𑀫𑁆𑀫𑀸𑀦𑀁 𑀆𑀬𑀼 𑀞𑀺𑀢𑀺 𑀬𑀧𑀦𑀸 𑀬𑀸𑀧𑀦𑀸 𑀇𑀭𑀺𑀬𑀦𑀸 𑀯𑀢𑁆𑀢𑀦𑀸 𑀧𑀸𑀮𑀦𑀸, 𑀅𑀢𑁆𑀣𑀺 𑀅𑀭𑀽𑀧𑀚𑀻𑀯𑀺𑀢𑀺𑀦𑁆𑀤𑁆𑀭𑀺𑀬𑀦𑁆𑀢𑀺? 𑀆𑀫𑀦𑁆𑀢𑀸. 𑀅𑀢𑁆𑀣𑀺 𑀭𑀽𑀧𑀻𑀦𑀁 𑀥𑀫𑁆𑀫𑀸𑀦𑀁 𑀆𑀬𑀼 𑀞𑀺𑀢𑀺 𑀬𑀧𑀦𑀸 𑀬𑀸𑀧𑀦𑀸 𑀇𑀭𑀺𑀬𑀦𑀸 𑀯𑀢𑁆𑀢𑀦𑀸 𑀧𑀸𑀮𑀦𑀸, 𑀅𑀢𑁆𑀣𑀺 𑀭𑀽𑀧𑀚𑀻𑀯𑀺𑀢𑀺𑀦𑁆𑀤𑁆𑀭𑀺𑀬𑀦𑁆𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂… 𑀅𑀢𑁆𑀣𑀺 𑀭𑀽𑀧𑀻𑀦𑀁 𑀥𑀫𑁆𑀫𑀸𑀦𑀁 𑀆𑀬𑀼 𑀞𑀺𑀢𑀺 𑀬𑀧𑀦𑀸 𑀬𑀸𑀧𑀦𑀸 𑀇𑀭𑀺𑀬𑀦𑀸 𑀯𑀢𑁆𑀢𑀦𑀸 𑀧𑀸𑀮𑀦𑀸, 𑀦𑀢𑁆𑀣𑀺 𑀭𑀽𑀧𑀚𑀻𑀯𑀺𑀢𑀺𑀦𑁆𑀤𑁆𑀭𑀺𑀬𑀦𑁆𑀢𑀺? 𑀆𑀫𑀦𑁆𑀢𑀸. 𑀅𑀢𑁆𑀣𑀺 𑀅𑀭𑀽𑀧𑀻𑀦𑀁 𑀥𑀫𑁆𑀫𑀸𑀦𑀁 𑀆𑀬𑀼 𑀞𑀺𑀢𑀺 𑀬𑀧𑀦𑀸 𑀬𑀸𑀧𑀦𑀸 𑀇𑀭𑀺𑀬𑀦𑀸 𑀯𑀢𑁆𑀢𑀦𑀸 𑀧𑀸𑀮𑀦𑀸, 𑀦𑀢𑁆𑀣𑀺 𑀅𑀭𑀽𑀧𑀚𑀻𑀯𑀺𑀢𑀺𑀦𑁆𑀤𑁆𑀭𑀺𑀬𑀦𑁆𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….
𑀅𑀭𑀽𑀧𑀻𑀦𑀁 𑀥𑀫𑁆𑀫𑀸𑀦𑀁 𑀆𑀬𑀼 𑀅𑀭𑀽𑀧𑀚𑀻𑀯𑀺𑀢𑀺𑀦𑁆𑀤𑁆𑀭𑀺𑀬𑀦𑁆𑀢𑀺? 𑀆𑀫𑀦𑁆𑀢𑀸. 𑀭𑀽𑀧𑀻𑀦𑀁 𑀥𑀫𑁆𑀫𑀸𑀦𑀁 𑀆𑀬𑀼 𑀭𑀽𑀧𑀚𑀻𑀯𑀺𑀢𑀺𑀦𑁆𑀤𑁆𑀭𑀺𑀬𑀦𑁆𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂… 𑀭𑀽𑀧𑀻𑀦𑀁 𑀥𑀫𑁆𑀫𑀸𑀦𑀁 𑀆𑀬𑀼 𑀦 𑀯𑀢𑁆𑀢𑀩𑁆𑀩𑀁 𑁋 ‘‘𑀭𑀽𑀧𑀚𑀻𑀯𑀺𑀢𑀺𑀦𑁆𑀤𑁆𑀭𑀺𑀬’’𑀦𑁆𑀢𑀺? 𑀆𑀫𑀦𑁆𑀢𑀸. 𑀅𑀭𑀽𑀧𑀻𑀦𑀁 𑀥𑀫𑁆𑀫𑀸𑀦𑀁 𑀆𑀬𑀼 𑀦 𑀯𑀢𑁆𑀢𑀩𑁆𑀩𑀁 𑁋 ‘‘𑀅𑀭𑀽𑀧𑀚𑀻𑀯𑀺𑀢𑀺𑀦𑁆𑀤𑁆𑀭𑀺𑀬’’𑀦𑁆𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….
𑁫𑁪𑁧. 𑀭𑀽𑀧𑀻𑀦𑀁 𑀥𑀫𑁆𑀫𑀸𑀦𑀁 𑀆𑀬𑀼 𑀅𑀭𑀽𑀧𑀚𑀻𑀯𑀺𑀢𑀺𑀦𑁆𑀤𑁆𑀭𑀺𑀬𑀦𑁆𑀢𑀺? 𑀆𑀫𑀦𑁆𑀢𑀸. 𑀅𑀭𑀽𑀧𑀻𑀦𑀁 𑀥𑀫𑁆𑀫𑀸𑀦𑀁 𑀆𑀬𑀼 𑀭𑀽𑀧𑀚𑀻𑀯𑀺𑀢𑀺𑀦𑁆𑀤𑁆𑀭𑀺𑀬𑀦𑁆𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….
𑀅𑀭𑀽𑀧𑀻𑀦𑀁 𑀥𑀫𑁆𑀫𑀸𑀦𑀁 𑀆𑀬𑀼 𑀦 𑀯𑀢𑁆𑀢𑀩𑁆𑀩𑀁 𑁋 ‘‘𑀭𑀽𑀧𑀚𑀻𑀯𑀺𑀢𑀺𑀦𑁆𑀤𑁆𑀭𑀺𑀬’’𑀦𑁆𑀢𑀺? 𑀆𑀫𑀦𑁆𑀢𑀸. 𑀭𑀽𑀧𑀻𑀦𑀁 𑀥𑀫𑁆𑀫𑀸𑀦𑀁 𑀆𑀬𑀼 𑀦 𑀯𑀢𑁆𑀢𑀩𑁆𑀩𑀁 𑁋 ‘‘𑀅𑀭𑀽𑀧𑀚𑀻𑀯𑀺𑀢𑀺𑀦𑁆𑀤𑁆𑀭𑀺𑀬’’𑀦𑁆𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….
𑀭𑀽𑀧𑀻𑀦𑀜𑁆𑀘 𑀅𑀭𑀽𑀧𑀻𑀦𑀜𑁆𑀘 𑀥𑀫𑁆𑀫𑀸𑀦𑀁 𑀆𑀬𑀼 𑀅𑀭𑀽𑀧𑀚𑀻𑀯𑀺𑀢𑀺𑀦𑁆𑀤𑁆𑀭𑀺𑀬𑀦𑁆𑀢𑀺? 𑀆𑀫𑀦𑁆𑀢𑀸. 𑀭𑀽𑀧𑀻𑀦𑀜𑁆𑀘 𑀅𑀭𑀽𑀧𑀻𑀦𑀜𑁆𑀘 𑀥𑀫𑁆𑀫𑀸𑀦𑀁 𑀆𑀬𑀼 𑀭𑀽𑀧𑀚𑀻𑀯𑀺𑀢𑀺𑀦𑁆𑀤𑁆𑀭𑀺𑀬𑀦𑁆𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….
𑀭𑀽𑀧𑀻𑀦𑀜𑁆𑀘 𑀅𑀭𑀽𑀧𑀻𑀦𑀜𑁆𑀘 𑀥𑀫𑁆𑀫𑀸𑀦𑀁 𑀆𑀬𑀼 𑀦 𑀯𑀢𑁆𑀢𑀩𑁆𑀩𑀁 𑁋 ‘‘𑀭𑀽𑀧𑀚𑀻𑀯𑀺𑀢𑀺𑀦𑁆𑀤𑁆𑀭𑀺𑀬’’𑀦𑁆𑀢𑀺? 𑀆𑀫𑀦𑁆𑀢𑀸. 𑀭𑀽𑀧𑀻𑀦𑀜𑁆𑀘 𑀅𑀭𑀽𑀧𑀻𑀦𑀜𑁆𑀘 𑀥𑀫𑁆𑀫𑀸𑀦𑀁 𑀆𑀬𑀼 𑀦 𑀯𑀢𑁆𑀢𑀩𑁆𑀩𑀁 𑁋 ‘‘𑀅𑀭𑀽𑀧𑀚𑀻𑀯𑀺𑀢𑀺𑀦𑁆𑀤𑁆𑀭𑀺𑀬’’𑀦𑁆𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂… 𑀦𑀢𑁆𑀣𑀺 𑀭𑀽𑀧𑀚𑀻𑀯𑀺𑀢𑀺𑀦𑁆𑀤𑁆𑀭𑀺𑀬𑀦𑁆𑀢𑀺? 𑀆𑀫𑀦𑁆𑀢𑀸. 𑀦𑀺𑀭𑁄𑀥𑀁 𑀲𑀫𑀸𑀧𑀦𑁆𑀦𑀲𑁆𑀲 𑀦𑀢𑁆𑀣𑀺 𑀚𑀻𑀯𑀺𑀢𑀺𑀦𑁆𑀤𑁆𑀭𑀺𑀬𑀦𑁆𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….
𑁫𑁪𑁨. 𑀦𑀺𑀭𑁄𑀥𑀁 𑀲𑀫𑀸𑀧𑀦𑁆𑀦𑀲𑁆𑀲 𑀅𑀢𑁆𑀣𑀺 𑀚𑀻𑀯𑀺𑀢𑀺𑀦𑁆𑀤𑁆𑀭𑀺𑀬𑀦𑁆𑀢𑀺? 𑀆𑀫𑀦𑁆𑀢𑀸. 𑀳𑀜𑁆𑀘𑀺 𑀦𑀺𑀭𑁄𑀥𑀁 𑀲𑀫𑀸𑀧𑀦𑁆𑀦𑀲𑁆𑀲 𑀅𑀢𑁆𑀣𑀺 𑀚𑀻𑀯𑀺𑀢𑀺𑀦𑁆𑀤𑁆𑀭𑀺𑀬𑀁, 𑀦𑁄 𑀘 𑀯𑀢 𑀭𑁂 𑀯𑀢𑁆𑀢𑀩𑁆𑀩𑁂 𑁋 ‘‘𑀦𑀢𑁆𑀣𑀺 𑀭𑀽𑀧𑀚𑀻𑀯𑀺𑀢𑀺𑀦𑁆𑀤𑁆𑀭𑀺𑀬’’𑀦𑁆𑀢𑀺.
𑀦𑀺𑀭𑁄𑀥𑀁 𑀲𑀫𑀸𑀧𑀦𑁆𑀦𑀲𑁆𑀲 𑀅𑀢𑁆𑀣𑀺 𑀚𑀻𑀯𑀺𑀢𑀺𑀦𑁆𑀤𑁆𑀭𑀺𑀬𑀦𑁆𑀢𑀺? 𑀆𑀫𑀦𑁆𑀢𑀸. 𑀓𑀢𑀫𑀓𑁆𑀔𑀦𑁆𑀥𑀧𑀭𑀺𑀬𑀸𑀧𑀦𑁆𑀦𑀦𑁆𑀢𑀺? 𑀲𑀗𑁆𑀔𑀸𑀭𑀓𑁆𑀔𑀦𑁆𑀥𑀧𑀭𑀺𑀬𑀸𑀧𑀦𑁆𑀦𑀦𑁆𑀢𑀺. 𑀦𑀺𑀭𑁄𑀥𑀁 𑀲𑀫𑀸𑀧𑀦𑁆𑀦𑀲𑁆𑀲 𑀅𑀢𑁆𑀣𑀺 𑀲𑀗𑁆𑀔𑀸𑀭𑀓𑁆𑀔𑀦𑁆𑀥𑁄𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….
𑀦𑀺𑀭𑁄𑀥𑀁 𑀲𑀫𑀸𑀧𑀦𑁆𑀦𑀲𑁆𑀲 𑀅𑀢𑁆𑀣𑀺 𑀲𑀗𑁆𑀔𑀸𑀭𑀓𑁆𑀔𑀦𑁆𑀥𑁄𑀢𑀺? 𑀆𑀫𑀦𑁆𑀢𑀸. 𑀦𑀺𑀭𑁄𑀥𑀁 𑀲𑀫𑀸𑀧𑀦𑁆𑀦𑀲𑁆𑀲 𑀅𑀢𑁆𑀣𑀺 𑀯𑁂𑀤𑀦𑀸𑀓𑁆𑀔𑀦𑁆𑀥𑁄…𑀧𑁂… 𑀲𑀜𑁆𑀜𑀸𑀓𑁆𑀔𑀦𑁆𑀥𑁄…𑀧𑁂… 𑀯𑀺𑀜𑁆𑀜𑀸𑀡𑀓𑁆𑀔𑀦𑁆𑀥𑁄𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….
𑀦𑀺𑀭𑁄𑀥𑀁 𑀲𑀫𑀸𑀧𑀦𑁆𑀦𑀲𑁆𑀲 𑀅𑀢𑁆𑀣𑀺 𑀯𑁂𑀤𑀦𑀸𑀓𑁆𑀔𑀦𑁆𑀥𑁄…𑀧𑁂… 𑀲𑀜𑁆𑀜𑀸𑀓𑁆𑀔𑀦𑁆𑀥𑁄…𑀧𑁂… 𑀯𑀺𑀜𑁆𑀜𑀸𑀡𑀓𑁆𑀔𑀦𑁆𑀥𑁄𑀢𑀺? 𑀆𑀫𑀦𑁆𑀢𑀸. 𑀦 𑀦𑀺𑀭𑁄𑀥𑀁 𑀲𑀫𑀸𑀧𑀦𑁆𑀦𑁄𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….
𑁫𑁪𑁩. 𑀦𑀢𑁆𑀣𑀺 𑀭𑀽𑀧𑀚𑀻𑀯𑀺𑀢𑀺𑀦𑁆𑀤𑁆𑀭𑀺𑀬𑀦𑁆𑀢𑀺? 𑀆𑀫𑀦𑁆𑀢𑀸. 𑀅𑀲𑀜𑁆𑀜𑀲𑀢𑁆𑀢𑀸𑀦𑀁 𑀦𑀢𑁆𑀣𑀺 𑀚𑀻𑀯𑀺𑀢𑀺𑀦𑁆𑀤𑁆𑀭𑀺𑀬𑀦𑁆𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….
𑀅𑀲𑀜𑁆𑀜𑀲𑀢𑁆𑀢𑀸𑀦𑀁 𑀅𑀢𑁆𑀣𑀺 𑀚𑀻𑀯𑀺𑀢𑀺𑀦𑁆𑀤𑁆𑀭𑀺𑀬𑀦𑁆𑀢𑀺? 𑀆𑀫𑀦𑁆𑀢𑀸. 𑀳𑀜𑁆𑀘𑀺 𑀅𑀲𑀜𑁆𑀜𑀲𑀢𑁆𑀢𑀸𑀦𑀁 𑀅𑀢𑁆𑀣𑀺 𑀚𑀻𑀯𑀺𑀢𑀺𑀦𑁆𑀤𑁆𑀭𑀺𑀬𑀁, 𑀦𑁄 𑀘 𑀯𑀢 𑀭𑁂 𑀯𑀢𑁆𑀢𑀩𑁆𑀩𑁂 𑁋 ‘‘𑀦𑀢𑁆𑀣𑀺 𑀭𑀽𑀧𑀚𑀻𑀯𑀺𑀢𑀺𑀦𑁆𑀤𑁆𑀭𑀺𑀬’’𑀦𑁆𑀢𑀺. 𑀅𑀲𑀜𑁆𑀜𑀲𑀢𑁆𑀢𑀸𑀦𑀁 𑀅𑀢𑁆𑀣𑀺 𑀚𑀻𑀯𑀺𑀢𑀺𑀦𑁆𑀤𑁆𑀭𑀺𑀬𑀦𑁆𑀢𑀺? 𑀆𑀫𑀦𑁆𑀢𑀸. 𑀓𑀢𑀫𑀓𑁆𑀔𑀦𑁆𑀥𑀧𑀭𑀺𑀬𑀸𑀧𑀦𑁆𑀦𑀦𑁆𑀢𑀺? 𑀲𑀗𑁆𑀔𑀸𑀭𑀓𑁆𑀔𑀦𑁆𑀥𑀧𑀭𑀺𑀬𑀸𑀧𑀦𑁆𑀦𑀦𑁆𑀢𑀺. 𑀅𑀲𑀜𑁆𑀜𑀲𑀢𑁆𑀢𑀸𑀦𑀁 𑀅𑀢𑁆𑀣𑀺 𑀲𑀗𑁆𑀔𑀸𑀭𑀓𑁆𑀔𑀦𑁆𑀥𑁄𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….
𑀅𑀲𑀜𑁆𑀜𑀲𑀢𑁆𑀢𑀸𑀦𑀁 𑀅𑀢𑁆𑀣𑀺 𑀲𑀗𑁆𑀔𑀸𑀭𑀓𑁆𑀔𑀦𑁆𑀥𑁄𑀢𑀺? 𑀆𑀫𑀦𑁆𑀢𑀸. 𑀅𑀲𑀜𑁆𑀜𑀲𑀢𑁆𑀢𑀸𑀦𑀁 𑀅𑀢𑁆𑀣𑀺 𑀯𑁂𑀤𑀦𑀸𑀓𑁆𑀔𑀦𑁆𑀥𑁄…𑀧𑁂… 𑀲𑀜𑁆𑀜𑀸𑀓𑁆𑀔𑀦𑁆𑀥𑁄…𑀧𑁂… 𑀯𑀺𑀜𑁆𑀜𑀸𑀡𑀓𑁆𑀔𑀦𑁆𑀥𑁄𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….
𑀅𑀲𑀜𑁆𑀜𑀲𑀢𑁆𑀢𑀸𑀦𑀁 𑀅𑀢𑁆𑀣𑀺 𑀯𑁂𑀤𑀦𑀸𑀓𑁆𑀔𑀦𑁆𑀥𑁄…𑀧𑁂… 𑀲𑀜𑁆𑀜𑀸𑀓𑁆𑀔𑀦𑁆𑀥𑁄…𑀧𑁂… 𑀯𑀺𑀜𑁆𑀜𑀸𑀡𑀓𑁆𑀔𑀦𑁆𑀥𑁄𑀢𑀺? 𑀆𑀫𑀦𑁆𑀢𑀸. 𑀧𑀜𑁆𑀘𑀯𑁄𑀓𑀸𑀭𑀪𑀯𑁄𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….
𑁫𑁪𑁪. 𑀉𑀧𑀧𑀢𑁆𑀢𑁂𑀲𑀺𑀬𑁂𑀦 𑀘𑀺𑀢𑁆𑀢𑁂𑀦 𑀲𑀫𑀼𑀝𑁆𑀞𑀺𑀢𑀁 𑀚𑀻𑀯𑀺𑀢𑀺𑀦𑁆𑀤𑁆𑀭𑀺𑀬𑀁 𑀉𑀧𑀧𑀢𑁆𑀢𑁂𑀲𑀺𑀬𑁂 𑀘𑀺𑀢𑁆𑀢𑁂 𑀪𑀺𑀚𑁆𑀚𑀫𑀸𑀦𑁂 𑀏𑀓𑀤𑁂𑀲𑀁 𑀪𑀺𑀚𑁆𑀚𑀢𑀻𑀢𑀺? 𑀆𑀫𑀦𑁆𑀢𑀸. 𑀉𑀧𑀧𑀢𑁆𑀢𑁂𑀲𑀺𑀬𑁂𑀦 𑀘𑀺𑀢𑁆𑀢𑁂𑀦 𑀲𑀫𑀼𑀝𑁆𑀞𑀺𑀢𑁄 𑀨𑀲𑁆𑀲𑁄 𑀉𑀧𑀧𑀢𑁆𑀢𑁂𑀲𑀺𑀬𑁂 𑀘𑀺𑀢𑁆𑀢𑁂 𑀪𑀺𑀚𑁆𑀚𑀫𑀸𑀦𑁂 𑀏𑀓𑀤𑁂𑀲𑁄 𑀪𑀺𑀚𑁆𑀚𑀢𑀻𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….
𑀉𑀧𑀧𑀢𑁆𑀢𑁂𑀲𑀺𑀬𑁂𑀦 𑀘𑀺𑀢𑁆𑀢𑁂𑀦 𑀲𑀫𑀼𑀝𑁆𑀞𑀺𑀢𑁄 𑀨𑀲𑁆𑀲𑁄 𑀉𑀧𑀧𑀢𑁆𑀢𑁂𑀲𑀺𑀬𑁂 𑀘𑀺𑀢𑁆𑀢𑁂 𑀪𑀺𑀚𑁆𑀚𑀫𑀸𑀦𑁂 𑀅𑀦𑀯𑀲𑁂𑀲𑁄 𑀪𑀺𑀚𑁆𑀚𑀢𑀻𑀢𑀺? 𑀆𑀫𑀦𑁆𑀢𑀸. 𑀉𑀧𑀧𑀢𑁆𑀢𑁂𑀲𑀺𑀬𑁂𑀦 𑀘𑀺𑀢𑁆𑀢𑁂𑀦 𑀲𑀫𑀼𑀝𑁆𑀞𑀺𑀢𑀁 𑀚𑀻𑀯𑀺𑀢𑀺𑀦𑁆𑀤𑁆𑀭𑀺𑀬𑀁 𑀉𑀧𑀧𑀢𑁆𑀢𑁂𑀲𑀺𑀬𑁂 𑀘𑀺𑀢𑁆𑀢𑁂 𑀪𑀺𑀚𑁆𑀚𑀫𑀸𑀦𑁂 𑀅𑀦𑀯𑀲𑁂𑀲𑀁 𑀪𑀺𑀚𑁆𑀚𑀢𑀻𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….
𑁫𑁪𑁫. 𑀤𑁆𑀯𑁂 𑀚𑀻𑀯𑀺𑀢𑀺𑀦𑁆𑀤𑁆𑀭𑀺𑀬𑀸𑀦𑀻𑀢𑀺? 𑀆𑀫𑀦𑁆𑀢𑀸. 𑀤𑁆𑀯𑀻𑀳𑀺 𑀚𑀻𑀯𑀺𑀢𑁂𑀳𑀺 𑀚𑀻𑀯𑀢𑀺, 𑀤𑁆𑀯𑀻𑀳𑀺 𑀫𑀭𑀡𑁂𑀳𑀺 𑀫𑀻𑀬𑀢𑀻𑀢𑀺? 𑀆𑀫𑀦𑁆𑀢𑀸 [𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂 (𑀲𑁆𑀬𑀸. 𑀓𑀁. 𑀧𑀻.)].
𑀚𑀻𑀯𑀺𑀢𑀺𑀦𑁆𑀤𑁆𑀭𑀺𑀬𑀓𑀣𑀸 𑀦𑀺𑀝𑁆𑀞𑀺𑀢𑀸.