𑁭. 𑀲𑀢𑁆𑀢𑀫𑀯𑀕𑁆𑀕𑁄

(𑁭𑁧) 𑁯. 𑀅𑀭𑀺𑀬𑀥𑀫𑁆𑀫𑀯𑀺𑀧𑀸𑀓𑀓𑀣𑀸

𑁪𑁯𑁮. 𑀦𑀢𑁆𑀣𑀺 𑀅𑀭𑀺𑀬𑀥𑀫𑁆𑀫𑀯𑀺𑀧𑀸𑀓𑁄𑀢𑀺? 𑀆𑀫𑀦𑁆𑀢𑀸. 𑀦𑀦𑀼 𑀫𑀳𑀧𑁆𑀨𑀮𑀁 𑀲𑀸𑀫𑀜𑁆𑀜𑀁 𑀫𑀳𑀧𑁆𑀨𑀮𑀁 𑀩𑁆𑀭𑀳𑁆𑀫𑀜𑁆𑀜𑀦𑁆𑀢𑀺? 𑀆𑀫𑀦𑁆𑀢𑀸. 𑀳𑀜𑁆𑀘𑀺 𑀫𑀳𑀧𑁆𑀨𑀮𑀁 𑀲𑀸𑀫𑀜𑁆𑀜𑀁 𑀫𑀳𑀧𑁆𑀨𑀮𑀁 𑀩𑁆𑀭𑀳𑁆𑀫𑀜𑁆𑀜𑀁, 𑀦𑁄 𑀘 𑀯𑀢 𑀭𑁂 𑀯𑀢𑁆𑀢𑀩𑁆𑀩𑁂 𑁋 ‘‘𑀦𑀢𑁆𑀣𑀺 𑀅𑀭𑀺𑀬𑀥𑀫𑁆𑀫𑀯𑀺𑀧𑀸𑀓𑁄’’𑀢𑀺.

𑀦𑀢𑁆𑀣𑀺 𑀅𑀭𑀺𑀬𑀥𑀫𑁆𑀫𑀯𑀺𑀧𑀸𑀓𑁄𑀢𑀺? 𑀆𑀫𑀦𑁆𑀢𑀸. 𑀦𑀦𑀼 𑀅𑀢𑁆𑀣𑀺 𑀲𑁄𑀢𑀸𑀧𑀢𑁆𑀢𑀺𑀨𑀮𑀦𑁆𑀢𑀺? 𑀆𑀫𑀦𑁆𑀢𑀸. 𑀳𑀜𑁆𑀘𑀺 𑀅𑀢𑁆𑀣𑀺 𑀲𑁄𑀢𑀸𑀧𑀢𑁆𑀢𑀺𑀨𑀮𑀁, 𑀦𑁄 𑀘 𑀯𑀢 𑀭𑁂 𑀯𑀢𑁆𑀢𑀩𑁆𑀩𑁂 𑁋 ‘‘𑀦𑀢𑁆𑀣𑀺 𑀅𑀭𑀺𑀬𑀥𑀫𑁆𑀫𑀯𑀺𑀧𑀸𑀓𑁄’’𑀢𑀺. 𑀦𑀦𑀼 𑀅𑀢𑁆𑀣𑀺 𑀲𑀓𑀤𑀸𑀕𑀸𑀫𑀺𑀨𑀮𑀁…𑀧𑁂… 𑀅𑀦𑀸𑀕𑀸𑀫𑀺𑀨𑀮𑀁…𑀧𑁂… 𑀅𑀭𑀳𑀢𑁆𑀢𑀨𑀮𑀦𑁆𑀢𑀺? 𑀆𑀫𑀦𑁆𑀢𑀸. 𑀳𑀜𑁆𑀘𑀺 𑀅𑀢𑁆𑀣𑀺 𑀅𑀭𑀳𑀢𑁆𑀢𑀨𑀮𑀁, 𑀦𑁄 𑀘 𑀯𑀢 𑀭𑁂 𑀯𑀢𑁆𑀢𑀩𑁆𑀩𑁂 𑁋 ‘‘𑀦𑀢𑁆𑀣𑀺 𑀅𑀭𑀺𑀬𑀥𑀫𑁆𑀫𑀯𑀺𑀧𑀸𑀓𑁄’’𑀢𑀺.

𑀲𑁄𑀢𑀸𑀧𑀢𑁆𑀢𑀺𑀨𑀮𑀁 𑀦 𑀯𑀺𑀧𑀸𑀓𑁄𑀢𑀺? 𑀆𑀫𑀦𑁆𑀢𑀸. 𑀤𑀸𑀦𑀨𑀮𑀁 𑀦 𑀯𑀺𑀧𑀸𑀓𑁄𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂… 𑀲𑁄𑀢𑀸𑀧𑀢𑁆𑀢𑀺𑀨𑀮𑀁 𑀦 𑀯𑀺𑀧𑀸𑀓𑁄𑀢𑀺? 𑀆𑀫𑀦𑁆𑀢𑀸. 𑀲𑀻𑀮𑀨𑀮𑀁…𑀧𑁂… 𑀪𑀸𑀯𑀦𑀸𑀨𑀮𑀁 𑀦 𑀯𑀺𑀧𑀸𑀓𑁄𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑀲𑀓𑀤𑀸𑀕𑀸𑀫𑀺𑀨𑀮𑀁…𑀧𑁂… 𑀅𑀦𑀸𑀕𑀸𑀫𑀺𑀨𑀮𑀁…𑀧𑁂… 𑀅𑀭𑀳𑀢𑁆𑀢𑀨𑀮𑀁 𑀦 𑀯𑀺𑀧𑀸𑀓𑁄𑀢𑀺? 𑀆𑀫𑀦𑁆𑀢𑀸. 𑀤𑀸𑀦𑀨𑀮𑀁 𑀦 𑀯𑀺𑀧𑀸𑀓𑁄𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂… 𑀅𑀭𑀳𑀢𑁆𑀢𑀨𑀮𑀁 𑀦 𑀯𑀺𑀧𑀸𑀓𑁄𑀢𑀺? 𑀆𑀫𑀦𑁆𑀢𑀸. 𑀲𑀻𑀮𑀨𑀮𑀁…𑀧𑁂… 𑀪𑀸𑀯𑀦𑀸𑀨𑀮𑀁 𑀦 𑀯𑀺𑀧𑀸𑀓𑁄𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂… 𑀤𑀸𑀦𑀨𑀮𑀁 𑀯𑀺𑀧𑀸𑀓𑁄𑀢𑀺? 𑀆𑀫𑀦𑁆𑀢𑀸. 𑀲𑁄𑀢𑀸𑀧𑀢𑁆𑀢𑀺𑀨𑀮𑀁 𑀯𑀺𑀧𑀸𑀓𑁄𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑀤𑀸𑀦𑀨𑀮𑀁 𑀯𑀺𑀧𑀸𑀓𑁄𑀢𑀺? 𑀆𑀫𑀦𑁆𑀢𑀸. 𑀲𑀓𑀤𑀸𑀕𑀸𑀫𑀺𑀨𑀮𑀁…𑀧𑁂… 𑀅𑀦𑀸𑀕𑀸𑀫𑀺𑀨𑀮𑀁…𑀧𑁂… 𑀅𑀭𑀳𑀢𑁆𑀢𑀨𑀮𑀁 𑀯𑀺𑀧𑀸𑀓𑁄𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂… 𑀲𑀻𑀮𑀨𑀮𑀁…𑀧𑁂… 𑀪𑀸𑀯𑀦𑀸𑀨𑀮𑀁 𑀯𑀺𑀧𑀸𑀓𑁄𑀢𑀺? 𑀆𑀫𑀦𑁆𑀢𑀸. 𑀲𑁄𑀢𑀸𑀧𑀢𑁆𑀢𑀺𑀨𑀮𑀁 𑀯𑀺𑀧𑀸𑀓𑁄𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂… 𑀪𑀸𑀯𑀦𑀸𑀨𑀮𑀁 𑀯𑀺𑀧𑀸𑀓𑁄𑀢𑀺? 𑀆𑀫𑀦𑁆𑀢𑀸. 𑀲𑀓𑀤𑀸𑀕𑀸𑀫𑀺𑀨𑀮𑀁…𑀧𑁂… 𑀅𑀦𑀸𑀕𑀸𑀫𑀺𑀨𑀮𑀁 …𑀧𑁂… 𑀅𑀭𑀳𑀢𑁆𑀢𑀨𑀮𑀁 𑀯𑀺𑀧𑀸𑀓𑁄𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑁪𑁯𑁯. 𑀓𑀸𑀫𑀸𑀯𑀘𑀭𑀁 𑀓𑀼𑀲𑀮𑀁 𑀲𑀯𑀺𑀧𑀸𑀓𑀦𑁆𑀢𑀺? 𑀆𑀫𑀦𑁆𑀢𑀸. 𑀮𑁄𑀓𑀼𑀢𑁆𑀢𑀭𑀁 𑀓𑀼𑀲𑀮𑀁 𑀲𑀯𑀺𑀧𑀸𑀓𑀦𑁆𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂… 𑀭𑀽𑀧𑀸𑀯𑀘𑀭𑀁 𑀓𑀼𑀲𑀮𑀁…𑀧𑁂… 𑀅𑀭𑀽𑀧𑀸𑀯𑀘𑀭𑀁 𑀓𑀼𑀲𑀮𑀁 𑀲𑀯𑀺𑀧𑀸𑀓𑀦𑁆𑀢𑀺? 𑀆𑀫𑀦𑁆𑀢𑀸. 𑀮𑁄𑀓𑀼𑀢𑁆𑀢𑀭𑀁 𑀓𑀼𑀲𑀮𑀁 𑀲𑀯𑀺𑀧𑀸𑀓𑀦𑁆𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑀮𑁄𑀓𑀼𑀢𑁆𑀢𑀭𑀁 𑀓𑀼𑀲𑀮𑀁 𑀅𑀯𑀺𑀧𑀸𑀓𑀦𑁆𑀢𑀺? 𑀆𑀫𑀦𑁆𑀢𑀸. 𑀓𑀸𑀫𑀸𑀯𑀘𑀭𑀁 𑀓𑀼𑀲𑀮𑀁 𑀅𑀯𑀺𑀧𑀸𑀓𑀦𑁆𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂… 𑀮𑁄𑀓𑀼𑀢𑁆𑀢𑀭𑀁 𑀓𑀼𑀲𑀮𑀁 𑀅𑀯𑀺𑀧𑀸𑀓𑀦𑁆𑀢𑀺? 𑀆𑀫𑀦𑁆𑀢𑀸. 𑀭𑀽𑀧𑀸𑀯𑀘𑀭𑀁…𑀧𑁂… 𑀅𑀭𑀽𑀧𑀸𑀯𑀘𑀭𑀁 𑀓𑀼𑀲𑀮𑀁 𑀅𑀯𑀺𑀧𑀸𑀓𑀦𑁆𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑁫𑁦𑁦. 𑀓𑀸𑀫𑀸𑀯𑀘𑀭𑀁 𑀓𑀼𑀲𑀮𑀁 𑀲𑀯𑀺𑀧𑀸𑀓𑀁 𑀆𑀘𑀬𑀕𑀸𑀫𑀻𑀢𑀺? 𑀆𑀫𑀦𑁆𑀢𑀸. 𑀮𑁄𑀓𑀼𑀢𑁆𑀢𑀭𑀁 𑀓𑀼𑀲𑀮𑀁 𑀲𑀯𑀺𑀧𑀸𑀓𑀁 𑀆𑀘𑀬𑀕𑀸𑀫𑀻𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂… 𑀭𑀽𑀧𑀸𑀯𑀘𑀭𑀁…𑀧𑁂… 𑀅𑀭𑀽𑀧𑀸𑀯𑀘𑀭𑀁 𑀓𑀼𑀲𑀮𑀁 𑀲𑀯𑀺𑀧𑀸𑀓𑀁 𑀆𑀘𑀬𑀕𑀸𑀫𑀻𑀢𑀺? 𑀆𑀫𑀦𑁆𑀢𑀸. 𑀮𑁄𑀓𑀼𑀢𑁆𑀢𑀭𑀁 𑀓𑀼𑀲𑀮𑀁 𑀲𑀯𑀺𑀧𑀸𑀓𑀁 𑀆𑀘𑀬𑀕𑀸𑀫𑀻𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑀮𑁄𑀓𑀼𑀢𑁆𑀢𑀭𑀁 𑀓𑀼𑀲𑀮𑀁 𑀲𑀯𑀺𑀧𑀸𑀓𑀁 𑀅𑀧𑀘𑀬𑀕𑀸𑀫𑀻𑀢𑀺? 𑀆𑀫𑀦𑁆𑀢𑀸. 𑀓𑀸𑀫𑀸𑀯𑀘𑀭𑀁 𑀓𑀼𑀲𑀮𑀁 𑀲𑀯𑀺𑀧𑀸𑀓𑀁 𑀅𑀧𑀘𑀬𑀕𑀸𑀫𑀻𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂…. 𑀮𑁄𑀓𑀼𑀢𑁆𑀢𑀭𑀁 𑀓𑀼𑀲𑀮𑀁 𑀲𑀯𑀺𑀧𑀸𑀓𑀁 𑀅𑀧𑀘𑀬𑀕𑀸𑀫𑀻𑀢𑀺? 𑀆𑀫𑀦𑁆𑀢𑀸. 𑀭𑀽𑀧𑀸𑀯𑀘𑀭𑀁…𑀧𑁂… 𑀅𑀭𑀽𑀧𑀸𑀯𑀘𑀭𑀁 𑀓𑀼𑀲𑀮𑀁 𑀲𑀯𑀺𑀧𑀸𑀓𑀁 𑀅𑀧𑀘𑀬𑀕𑀸𑀫𑀻𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑀅𑀭𑀺𑀬𑀥𑀫𑁆𑀫𑀯𑀺𑀧𑀸𑀓𑀓𑀣𑀸 𑀦𑀺𑀝𑁆𑀞𑀺𑀢𑀸.