𑁫. 𑀧𑀜𑁆𑀘𑀫𑀯𑀕𑁆𑀕𑁄

(𑁫𑁨) 𑁧𑁦. 𑀨𑀮𑀜𑀸𑀡𑀓𑀣𑀸

𑁪𑁪𑁩. 𑀲𑀸𑀯𑀓𑀲𑁆𑀲 𑀨𑀮𑁂 𑀜𑀸𑀡𑀁 𑀅𑀢𑁆𑀣𑀻𑀢𑀺? 𑀆𑀫𑀦𑁆𑀢𑀸. 𑀲𑀸𑀯𑀓𑁄 𑀨𑀮𑀲𑁆𑀲 𑀓𑀢𑀁 𑀧𑀜𑁆𑀜𑀸𑀧𑁂𑀢𑀻𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩…𑀧𑁂….

𑀲𑀸𑀯𑀓𑀲𑁆𑀲 𑀨𑀮𑁂 𑀜𑀸𑀡𑀁 𑀅𑀢𑁆𑀣𑀻𑀢𑀺? 𑀆𑀫𑀦𑁆𑀢𑀸. 𑀅𑀢𑁆𑀣𑀺 𑀲𑀸𑀯𑀓𑀲𑁆𑀲 𑀨𑀮𑀧𑀭𑁄𑀧𑀭𑀺𑀬𑀢𑁆𑀢𑀺 𑀇𑀦𑁆𑀤𑁆𑀭𑀺𑀬𑀧𑀭𑁄𑀧𑀭𑀺𑀬𑀢𑁆𑀢𑀺 𑀧𑀼𑀕𑁆𑀕𑀮𑀧𑀭𑁄𑀧𑀭𑀺𑀬𑀢𑁆𑀢𑀻𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑀲𑀸𑀯𑀓𑀲𑁆𑀲 𑀨𑀮𑁂 𑀜𑀸𑀡𑀁 𑀅𑀢𑁆𑀣𑀻𑀢𑀺? 𑀆𑀫𑀦𑁆𑀢𑀸. 𑀅𑀢𑁆𑀣𑀺 𑀲𑀸𑀯𑀓𑀲𑁆𑀲 𑀔𑀦𑁆𑀥𑀧𑀜𑁆𑀜𑀢𑁆𑀢𑀺 𑀆𑀬𑀢𑀦𑀧𑀜𑁆𑀜𑀢𑁆𑀢𑀺 𑀥𑀸𑀢𑀼𑀧𑀜𑁆𑀜𑀢𑁆𑀢𑀺 𑀲𑀘𑁆𑀘𑀧𑀜𑁆𑀜𑀢𑁆𑀢𑀺 𑀇𑀦𑁆𑀤𑁆𑀭𑀺𑀬𑀧𑀜𑁆𑀜𑀢𑁆𑀢𑀺 𑀧𑀼𑀕𑁆𑀕𑀮𑀧𑀜𑁆𑀜𑀢𑁆𑀢𑀻𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑀲𑀸𑀯𑀓𑀲𑁆𑀲 𑀨𑀮𑁂 𑀜𑀸𑀡𑀁 𑀅𑀢𑁆𑀣𑀻𑀢𑀺? 𑀆𑀫𑀦𑁆𑀢𑀸. 𑀲𑀸𑀯𑀓𑁄 𑀚𑀺𑀦𑁄 𑀲𑀢𑁆𑀣𑀸 𑀲𑀫𑁆𑀫𑀸𑀲𑀫𑁆𑀩𑀼𑀤𑁆𑀥𑁄 𑀲𑀩𑁆𑀩𑀜𑁆𑀜𑀽 𑀲𑀩𑁆𑀩𑀤𑀲𑁆𑀲𑀸𑀯𑀻 𑀥𑀫𑁆𑀫𑀲𑁆𑀲𑀸𑀫𑀻 𑀥𑀫𑁆𑀫𑀧𑁆𑀧𑀝𑀺𑀲𑀭𑀡𑁄𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑀲𑀸𑀯𑀓𑀲𑁆𑀲 𑀨𑀮𑁂 𑀜𑀸𑀡𑀁 𑀅𑀢𑁆𑀣𑀻𑀢𑀺? 𑀆𑀫𑀦𑁆𑀢𑀸. 𑀲𑀸𑀯𑀓𑁄 𑀅𑀦𑀼𑀧𑁆𑀧𑀦𑁆𑀦𑀲𑁆𑀲 𑀫𑀕𑁆𑀕𑀲𑁆𑀲 𑀉𑀧𑁆𑀧𑀸𑀤𑁂𑀢𑀸 𑀅𑀲𑀜𑁆𑀚𑀸𑀢𑀲𑁆𑀲 𑀫𑀕𑁆𑀕𑀲𑁆𑀲 𑀲𑀜𑁆𑀚𑀦𑁂𑀢𑀸 𑀅𑀦𑀓𑁆𑀔𑀸𑀢𑀲𑁆𑀲 𑀫𑀕𑁆𑀕𑀲𑁆𑀲 𑀅𑀓𑁆𑀔𑀸𑀢𑀸 𑀫𑀕𑁆𑀕𑀜𑁆𑀜𑀽 𑀫𑀕𑁆𑀕𑀯𑀺𑀤𑀽 𑀫𑀕𑁆𑀕𑀓𑁄𑀯𑀺𑀤𑁄𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑁪𑁪𑁪. 𑀦 𑀯𑀢𑁆𑀢𑀩𑁆𑀩𑀁 𑁋 ‘‘𑀲𑀸𑀯𑀓𑀲𑁆𑀲 𑀨𑀮𑁂 𑀜𑀸𑀡𑀁 𑀅𑀢𑁆𑀣𑀻’’𑀢𑀺? 𑀆𑀫𑀦𑁆𑀢𑀸. 𑀲𑀸𑀯𑀓𑁄 𑀅𑀜𑁆𑀜𑀸𑀡𑀻𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂… 𑀢𑁂𑀦 𑀳𑀺 𑀲𑀸𑀯𑀓𑀲𑁆𑀲 𑀨𑀮𑁂 𑀜𑀸𑀡𑀁 𑀅𑀢𑁆𑀣𑀻𑀢𑀺…𑀧𑁂….

𑀨𑀮𑀜𑀸𑀡𑀓𑀣𑀸 𑀦𑀺𑀝𑁆𑀞𑀺𑀢𑀸.

𑀧𑀜𑁆𑀘𑀫𑀯𑀕𑁆𑀕𑁄.

𑀢𑀲𑁆𑀲𑀼𑀤𑁆𑀤𑀸𑀦𑀁 𑁋

𑀯𑀺𑀫𑀼𑀢𑁆𑀢𑀺𑀜𑀸𑀡𑀁 𑀯𑀺𑀫𑀼𑀢𑁆𑀢𑀁, 𑀲𑁂𑀔𑀲𑁆𑀲 𑀅𑀲𑁂𑀔𑀁 𑀜𑀸𑀡𑀁, 𑀯𑀺𑀧𑀭𑀻𑀢𑁂 𑀜𑀸𑀡𑀁, 𑀅𑀦𑀺𑀬𑀢𑀲𑁆𑀲 𑀦𑀺𑀬𑀸𑀫𑀕𑀫𑀦𑀸𑀬 𑀅𑀢𑁆𑀣𑀺 𑀜𑀸𑀡𑀁, 𑀲𑀩𑁆𑀩𑀁 𑀜𑀸𑀡𑀁 𑀧𑀝𑀺𑀲𑀫𑁆𑀪𑀺𑀤𑀸𑀢𑀺, 𑀲𑀫𑁆𑀫𑀼𑀢𑀺𑀜𑀸𑀡𑀁, 𑀘𑁂𑀢𑁄𑀧𑀭𑀺𑀬𑀸𑀬𑁂 𑀜𑀸𑀡𑀁, 𑀅𑀦𑀸𑀕𑀢𑁂 𑀜𑀸𑀡𑀁, 𑀧𑀝𑀼𑀧𑁆𑀧𑀦𑁆𑀦𑁂 𑀜𑀸𑀡𑀁, 𑀲𑀸𑀯𑀓𑀲𑁆𑀲 𑀨𑀮𑁂 𑀜𑀸𑀡𑀦𑁆𑀢𑀺.

𑀫𑀳𑀸𑀧𑀡𑁆𑀡𑀸𑀲𑀓𑁄.

𑀢𑀲𑁆𑀲𑀸𑀧𑀺 𑀉𑀤𑁆𑀤𑀸𑀦𑀁 𑁋

𑀲𑀢𑁆𑀢𑀼𑀧𑀮𑀤𑁆𑀥𑀺𑀁, 𑀉𑀧𑀳𑀭𑀢𑁄, 𑀩𑀮𑀁, 𑀕𑀺𑀳𑀺𑀲𑁆𑀲 𑀅𑀭𑀳𑀸 𑀘, 𑀯𑀺𑀫𑀼𑀢𑁆𑀢𑀺𑀧𑀜𑁆𑀘𑀫𑀦𑁆𑀢𑀺.