(𑁩𑁮) 𑁬. 𑀩𑁄𑀥𑀺𑀬𑀸 𑀩𑀼𑀤𑁆𑀥𑁄𑀢𑀺𑀓𑀣𑀸

𑁩𑁯𑁮. 𑀩𑁄𑀥𑀺𑀬𑀸 𑀩𑀼𑀤𑁆𑀥𑁄𑀢𑀺? 𑀆𑀫𑀦𑁆𑀢𑀸. 𑀩𑁄𑀥𑀺𑀬𑀸 𑀦𑀺𑀭𑀼𑀤𑁆𑀥𑀸𑀬 𑀯𑀺𑀕𑀢𑀸𑀬 𑀧𑀝𑀺𑀧𑀲𑁆𑀲𑀤𑁆𑀥𑀸𑀬 𑀅𑀩𑀼𑀤𑁆𑀥𑁄 𑀳𑁄𑀢𑀻𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑀩𑁄𑀥𑀺𑀬𑀸 𑀩𑀼𑀤𑁆𑀥𑁄𑀢𑀺? 𑀆𑀫𑀦𑁆𑀢𑀸. 𑀅𑀢𑀻𑀢𑀸𑀬 𑀩𑁄𑀥𑀺𑀬𑀸 𑀩𑀼𑀤𑁆𑀥𑁄𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂… 𑀅𑀢𑀻𑀢𑀸𑀬 𑀩𑁄𑀥𑀺𑀬𑀸 𑀩𑀼𑀤𑁆𑀥𑁄𑀢𑀺? 𑀆𑀫𑀦𑁆𑀢𑀸. 𑀢𑀸𑀬 𑀩𑁄𑀥𑀺𑀬𑀸 𑀩𑁄𑀥𑀺𑀓𑀭𑀡𑀻𑀬𑀁 𑀓𑀭𑁄𑀢𑀻𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑀢𑀸𑀬 𑀩𑁄𑀥𑀺𑀬𑀸 𑀩𑁄𑀥𑀺𑀓𑀭𑀡𑀻𑀬𑀁 𑀓𑀭𑁄𑀢𑀻𑀢𑀺? 𑀆𑀫𑀦𑁆𑀢𑀸. 𑀢𑀸𑀬 𑀩𑁄𑀥𑀺𑀬𑀸 𑀤𑀼𑀓𑁆𑀔𑀁 𑀧𑀭𑀺𑀚𑀸𑀦𑀸𑀢𑀺, 𑀲𑀫𑀼𑀤𑀬𑀁 𑀧𑀚𑀳𑀢𑀺, 𑀦𑀺𑀭𑁄𑀥𑀁 𑀲𑀘𑁆𑀙𑀺𑀓𑀭𑁄𑀢𑀺, 𑀫𑀕𑁆𑀕𑀁 𑀪𑀸𑀯𑁂𑀢𑀻𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑀩𑁄𑀥𑀺𑀬𑀸 𑀩𑀼𑀤𑁆𑀥𑁄𑀢𑀺? 𑀆𑀫𑀦𑁆𑀢𑀸. 𑀅𑀦𑀸𑀕𑀢𑀸𑀬 𑀩𑁄𑀥𑀺𑀬𑀸 𑀩𑀼𑀤𑁆𑀥𑁄𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑀅𑀦𑀸𑀕𑀢𑀸𑀬 𑀩𑁄𑀥𑀺𑀬𑀸 𑀩𑀼𑀤𑁆𑀥𑁄𑀢𑀺? 𑀆𑀫𑀦𑁆𑀢𑀸. 𑀢𑀸𑀬 𑀩𑁄𑀥𑀺𑀬𑀸 𑀩𑁄𑀥𑀺𑀓𑀭𑀡𑀻𑀬𑀁 𑀓𑀭𑁄𑀢𑀻𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑀢𑀸𑀬 𑀩𑁄𑀥𑀺𑀬𑀸 𑀩𑁄𑀥𑀺𑀓𑀭𑀡𑀻𑀬𑀁 𑀓𑀭𑁄𑀢𑀻𑀢𑀺? 𑀆𑀫𑀦𑁆𑀢𑀸. 𑀢𑀸𑀬 𑀩𑁄𑀥𑀺𑀬𑀸 𑀤𑀼𑀓𑁆𑀔𑀁 𑀧𑀭𑀺𑀚𑀸𑀦𑀸𑀢𑀺…𑀧𑁂… 𑀫𑀕𑁆𑀕𑀁 𑀪𑀸𑀯𑁂𑀢𑀻𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑀧𑀘𑁆𑀘𑀼𑀧𑁆𑀧𑀦𑁆𑀦𑀸𑀬 𑀩𑁄𑀥𑀺𑀬𑀸 𑀩𑀼𑀤𑁆𑀥𑁄, 𑀢𑀸𑀬 𑀩𑁄𑀥𑀺𑀬𑀸 𑀩𑁄𑀥𑀺𑀓𑀭𑀡𑀻𑀬𑀁 𑀓𑀭𑁄𑀢𑀻𑀢𑀺? 𑀆𑀫𑀦𑁆𑀢𑀸. 𑀅𑀢𑀻𑀢𑀸𑀬 𑀩𑁄𑀥𑀺𑀬𑀸 𑀩𑀼𑀤𑁆𑀥𑁄, 𑀢𑀸𑀬 𑀩𑁄𑀥𑀺𑀬𑀸 𑀩𑁄𑀥𑀺𑀓𑀭𑀡𑀻𑀬𑀁 𑀓𑀭𑁄𑀢𑀻𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑀧𑀘𑁆𑀘𑀼𑀧𑁆𑀧𑀦𑁆𑀦𑀸𑀬 𑀩𑁄𑀥𑀺𑀬𑀸 𑀩𑀼𑀤𑁆𑀥𑁄, 𑀢𑀸𑀬 𑀩𑁄𑀥𑀺𑀬𑀸 𑀤𑀼𑀓𑁆𑀔𑀁 𑀧𑀭𑀺𑀚𑀸𑀦𑀸𑀢𑀺, 𑀲𑀫𑀼𑀤𑀬𑀁 𑀧𑀚𑀳𑀢𑀺, 𑀦𑀺𑀭𑁄𑀥𑀁 𑀲𑀘𑁆𑀙𑀺𑀓𑀭𑁄𑀢𑀺, 𑀫𑀕𑁆𑀕𑀁 𑀪𑀸𑀯𑁂𑀢𑀻𑀢𑀺? 𑀆𑀫𑀦𑁆𑀢𑀸. 𑀅𑀢𑀻𑀢𑀸𑀬 𑀩𑁄𑀥𑀺𑀬𑀸 𑀩𑀼𑀤𑁆𑀥𑁄, 𑀢𑀸𑀬 𑀩𑁄𑀥𑀺𑀬𑀸 𑀤𑀼𑀓𑁆𑀔𑀁 𑀧𑀭𑀺𑀚𑀸𑀦𑀸𑀢𑀺…𑀧𑁂… 𑀫𑀕𑁆𑀕𑀁 𑀪𑀸𑀯𑁂𑀢𑀻𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑀧𑀘𑁆𑀘𑀼𑀧𑁆𑀧𑀦𑁆𑀦𑀸𑀬 𑀩𑁄𑀥𑀺𑀬𑀸 𑀩𑀼𑀤𑁆𑀥𑁄, 𑀢𑀸𑀬 𑀩𑁄𑀥𑀺𑀬𑀸 𑀩𑁄𑀥𑀺𑀓𑀭𑀡𑀻𑀬𑀁 𑀓𑀭𑁄𑀢𑀻𑀢𑀺? 𑀆𑀫𑀦𑁆𑀢𑀸. 𑀅𑀦𑀸𑀕𑀢𑀸𑀬 𑀩𑁄𑀥𑀺𑀬𑀸 𑀩𑀼𑀤𑁆𑀥𑁄, 𑀢𑀸𑀬 𑀩𑁄𑀥𑀺𑀬𑀸 𑀩𑁄𑀥𑀺𑀓𑀭𑀡𑀻𑀬𑀁 𑀓𑀭𑁄𑀢𑀻𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑀧𑀘𑁆𑀘𑀼𑀧𑁆𑀧𑀦𑁆𑀦𑀸𑀬 𑀩𑁄𑀥𑀺𑀬𑀸 𑀩𑀼𑀤𑁆𑀥𑁄, 𑀢𑀸𑀬 𑀩𑁄𑀥𑀺𑀬𑀸 𑀤𑀼𑀓𑁆𑀔𑀁 𑀧𑀭𑀺𑀚𑀸𑀦𑀸𑀢𑀺…𑀧𑁂… 𑀫𑀕𑁆𑀕𑀁 𑀪𑀸𑀯𑁂𑀢𑀻𑀢𑀺? 𑀆𑀫𑀦𑁆𑀢𑀸. 𑀅𑀦𑀸𑀕𑀢𑀸𑀬 𑀩𑁄𑀥𑀺𑀬𑀸 𑀩𑀼𑀤𑁆𑀥𑁄, 𑀢𑀸𑀬 𑀩𑁄𑀥𑀺𑀬𑀸 𑀤𑀼𑀓𑁆𑀔𑀁 𑀧𑀭𑀺𑀚𑀸𑀦𑀸𑀢𑀺…𑀧𑁂… 𑀫𑀕𑁆𑀕𑀁 𑀪𑀸𑀯𑁂𑀢𑀻𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑀅𑀢𑀻𑀢𑀸𑀬 𑀩𑁄𑀥𑀺𑀬𑀸 𑀩𑀼𑀤𑁆𑀥𑁄, 𑀦 𑀘 𑀢𑀸𑀬 𑀩𑁄𑀥𑀺𑀬𑀸 𑀩𑁄𑀥𑀺𑀓𑀭𑀡𑀻𑀬𑀁 𑀓𑀭𑁄𑀢𑀻𑀢𑀺? 𑀆𑀫𑀦𑁆𑀢𑀸. 𑀧𑀘𑁆𑀘𑀼𑀧𑁆𑀧𑀦𑁆𑀦𑀸𑀬 𑀩𑁄𑀥𑀺𑀬𑀸 𑀩𑀼𑀤𑁆𑀥𑁄, 𑀦 𑀘 𑀢𑀸𑀬 𑀩𑁄𑀥𑀺𑀬𑀸 𑀩𑁄𑀥𑀺𑀓𑀭𑀡𑀻𑀬𑀁 𑀓𑀭𑁄𑀢𑀻𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑀅𑀢𑀻𑀢𑀸𑀬 𑀩𑁄𑀥𑀺𑀬𑀸 𑀩𑀼𑀤𑁆𑀥𑁄, 𑀦 𑀘 𑀢𑀸𑀬 𑀩𑁄𑀥𑀺𑀬𑀸 𑀤𑀼𑀓𑁆𑀔𑀁 𑀧𑀭𑀺𑀚𑀸𑀦𑀸𑀢𑀺…𑀧𑁂… 𑀫𑀕𑁆𑀕𑀁 𑀪𑀸𑀯𑁂𑀢𑀻𑀢𑀺? 𑀆𑀫𑀦𑁆𑀢𑀸. 𑀧𑀘𑁆𑀘𑀼𑀧𑁆𑀧𑀦𑁆𑀦𑀸𑀬 𑀩𑁄𑀥𑀺𑀬𑀸 𑀩𑀼𑀤𑁆𑀥𑁄, 𑀦 𑀘 𑀢𑀸𑀬 𑀩𑁄𑀥𑀺𑀬𑀸 𑀤𑀼𑀓𑁆𑀔𑀁 𑀧𑀭𑀺𑀚𑀸𑀦𑀸𑀢𑀺…𑀧𑁂… 𑀫𑀕𑁆𑀕𑀁 𑀪𑀸𑀯𑁂𑀢𑀻𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑀅𑀦𑀸𑀕𑀢𑀸𑀬 𑀩𑁄𑀥𑀺𑀬𑀸 𑀩𑀼𑀤𑁆𑀥𑁄, 𑀦 𑀘 𑀢𑀸𑀬 𑀩𑁄𑀥𑀺𑀬𑀸 𑀩𑁄𑀥𑀺𑀓𑀭𑀡𑀻𑀬𑀁 𑀓𑀭𑁄𑀢𑀻𑀢𑀺? 𑀆𑀫𑀦𑁆𑀢𑀸. 𑀧𑀘𑁆𑀘𑀼𑀧𑁆𑀧𑀦𑁆𑀦𑀸𑀬 𑀩𑁄𑀥𑀺𑀬𑀸 𑀩𑀼𑀤𑁆𑀥𑁄, 𑀦 𑀘 𑀢𑀸𑀬 𑀩𑁄𑀥𑀺𑀬𑀸 𑀩𑁄𑀥𑀺𑀓𑀭𑀡𑀻𑀬𑀁 𑀓𑀭𑁄𑀢𑀻𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑀅𑀦𑀸𑀕𑀢𑀸𑀬 𑀩𑁄𑀥𑀺𑀬𑀸 𑀩𑀼𑀤𑁆𑀥𑁄, 𑀦 𑀘 𑀢𑀸𑀬 𑀩𑁄𑀥𑀺𑀬𑀸 𑀤𑀼𑀓𑁆𑀔𑀁 𑀧𑀭𑀺𑀚𑀸𑀦𑀸𑀢𑀺…𑀧𑁂… 𑀫𑀕𑁆𑀕𑀁 𑀪𑀸𑀯𑁂𑀢𑀻𑀢𑀺? 𑀆𑀫𑀦𑁆𑀢𑀸. 𑀧𑀘𑁆𑀘𑀼𑀧𑁆𑀧𑀦𑁆𑀦𑀸𑀬 𑀩𑁄𑀥𑀺𑀬𑀸 𑀩𑀼𑀤𑁆𑀥𑁄, 𑀦 𑀘 𑀢𑀸𑀬 𑀩𑁄𑀥𑀺𑀬𑀸 𑀤𑀼𑀓𑁆𑀔𑀁 𑀧𑀭𑀺𑀚𑀸𑀦𑀸𑀢𑀺…𑀧𑁂… 𑀫𑀕𑁆𑀕𑀁 𑀪𑀸𑀯𑁂𑀢𑀻𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑁩𑁯𑁯. 𑀅𑀢𑀻𑀢𑀸𑀬 𑀩𑁄𑀥𑀺𑀬𑀸 𑀩𑀼𑀤𑁆𑀥𑁄, 𑀅𑀦𑀸𑀕𑀢𑀸𑀬 𑀩𑁄𑀥𑀺𑀬𑀸 𑀩𑀼𑀤𑁆𑀥𑁄, 𑀧𑀘𑁆𑀘𑀼𑀧𑁆𑀧𑀦𑁆𑀦𑀸𑀬 𑀩𑁄𑀥𑀺𑀬𑀸 𑀩𑀼𑀤𑁆𑀥𑁄𑀢𑀺? 𑀆𑀫𑀦𑁆𑀢𑀸. 𑀢𑀻𑀳𑀺 𑀩𑁄𑀥𑀻𑀳𑀺 𑀩𑀼𑀤𑁆𑀥𑁄𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑀢𑀻𑀳𑀺 𑀩𑁄𑀥𑀻𑀳𑀺 𑀩𑀼𑀤𑁆𑀥𑁄𑀢𑀺? 𑀆𑀫𑀦𑁆𑀢𑀸. 𑀲𑀢𑀢𑀁 𑀲𑀫𑀺𑀢𑀁 𑀅𑀩𑁆𑀩𑁄𑀓𑀺𑀡𑁆𑀡𑀁 𑀢𑀻𑀳𑀺 𑀩𑁄𑀥𑀻𑀳𑀺 𑀲𑀫𑀦𑁆𑀦𑀸𑀕𑀢𑁄 𑀲𑀫𑁄𑀳𑀺𑀢𑁄, 𑀢𑀺𑀲𑁆𑀲𑁄 𑀩𑁄𑀥𑀺𑀬𑁄 𑀧𑀘𑁆𑀘𑀼𑀧𑀝𑁆𑀞𑀺𑀢𑀸𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑀦 𑀯𑀢𑁆𑀢𑀩𑁆𑀩𑀁 𑁋 ‘‘𑀩𑁄𑀥𑀺𑀬𑀸 𑀩𑀼𑀤𑁆𑀥𑁄’’𑀢𑀺? 𑀆𑀫𑀦𑁆𑀢𑀸. 𑀦𑀦𑀼 𑀩𑁄𑀥𑀺𑀧𑀝𑀺𑀮𑀸𑀪𑀸 𑀩𑀼𑀤𑁆𑀥𑁄𑀢𑀺? 𑀆𑀫𑀦𑁆𑀢𑀸. 𑀳𑀜𑁆𑀘𑀺 𑀩𑁄𑀥𑀺𑀧𑀝𑀺𑀮𑀸𑀪𑀸 𑀩𑀼𑀤𑁆𑀥𑁄, 𑀢𑁂𑀦 𑀯𑀢 𑀭𑁂 𑀯𑀢𑁆𑀢𑀩𑁆𑀩𑁂 𑁋 ‘‘𑀩𑁄𑀥𑀺𑀬𑀸 𑀩𑀼𑀤𑁆𑀥𑁄’’𑀢𑀺.

𑀩𑁄𑀥𑀺𑀧𑀝𑀺𑀮𑀸𑀪𑀸 𑀩𑀼𑀤𑁆𑀥𑁄𑀢𑀺, 𑀩𑁄𑀥𑀺𑀬𑀸 𑀩𑀼𑀤𑁆𑀥𑁄𑀢𑀺? 𑀆𑀫𑀦𑁆𑀢𑀸. 𑀩𑁄𑀥𑀺𑀧𑀝𑀺𑀮𑀸𑀪𑀸 𑀩𑁄𑀥𑀻𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑀩𑁄𑀥𑀺𑀬𑀸 𑀩𑀼𑀤𑁆𑀥𑁄𑀢𑀺𑀓𑀣𑀸 𑀦𑀺𑀝𑁆𑀞𑀺𑀢𑀸.