𑁪. 𑀅𑀝𑁆𑀞𑀓𑀣𑀸𑀓𑀡𑁆𑀟𑀁

𑀢𑀺𑀓𑀅𑀢𑁆𑀣𑀼𑀤𑁆𑀥𑀸𑀭𑁄

𑁧𑁩𑁮𑁪. 𑀓𑀢𑀫𑁂 𑀥𑀫𑁆𑀫𑀸 𑀓𑀼𑀲𑀮𑀸? 𑀘𑀢𑀽𑀲𑀼 𑀪𑀽𑀫𑀻𑀲𑀼 𑀓𑀼𑀲𑀮𑀁 𑁋 𑀇𑀫𑁂 𑀥𑀫𑁆𑀫𑀸 𑀓𑀼𑀲𑀮𑀸.

𑁧𑁩𑁮𑁫. 𑀓𑀢𑀫𑁂 𑀥𑀫𑁆𑀫𑀸 𑀅𑀓𑀼𑀲𑀮𑀸? 𑀤𑁆𑀯𑀸𑀤𑀲 𑀅𑀓𑀼𑀲𑀮𑀘𑀺𑀢𑁆𑀢𑀼𑀧𑁆𑀧𑀸𑀤𑀸 𑁋 𑀇𑀫𑁂 𑀥𑀫𑁆𑀫𑀸 𑀅𑀓𑀼𑀲𑀮𑀸.

𑁧𑁩𑁮𑁬. 𑀓𑀢𑀫𑁂 𑀥𑀫𑁆𑀫𑀸 𑀅𑀩𑁆𑀬𑀸𑀓𑀢𑀸? 𑀘𑀢𑀽𑀲𑀼 𑀪𑀽𑀫𑀻𑀲𑀼 𑀯𑀺𑀧𑀸𑀓𑁄, 𑀢𑀻𑀲𑀼 𑀪𑀽𑀫𑀻𑀲𑀼 𑀓𑀺𑀭𑀺𑀬𑀸𑀩𑁆𑀬𑀸𑀓𑀢𑀁, 𑀭𑀽𑀧𑀜𑁆𑀘, 𑀦𑀺𑀩𑁆𑀩𑀸𑀦𑀜𑁆𑀘 𑁋 𑀇𑀫𑁂 𑀥𑀫𑁆𑀫𑀸 𑀅𑀩𑁆𑀬𑀸𑀓𑀢𑀸.

𑁧𑁩𑁮𑁭. 𑀓𑀢𑀫𑁂 𑀥𑀫𑁆𑀫𑀸 𑀲𑀼𑀔𑀸𑀬 𑀯𑁂𑀤𑀦𑀸𑀬 𑀲𑀫𑁆𑀧𑀬𑀼𑀢𑁆𑀢𑀸? 𑀓𑀸𑀫𑀸𑀯𑀘𑀭𑀓𑀼𑀲𑀮𑀢𑁄 𑀘𑀢𑁆𑀢𑀸𑀭𑁄 𑀲𑁄𑀫𑀦𑀲𑁆𑀲𑀲𑀳𑀕𑀢𑀘𑀺𑀢𑁆𑀢𑀼𑀧𑁆𑀧𑀸𑀤𑀸, 𑀅𑀓𑀼𑀲𑀮𑀢𑁄 𑀘𑀢𑁆𑀢𑀸𑀭𑁄 𑀓𑀸𑀫𑀸𑀯𑀘𑀭𑀓𑀼𑀲𑀮𑀲𑁆𑀲 𑀯𑀺𑀧𑀸𑀓𑀢𑁄 𑀘 𑀓𑀺𑀭𑀺𑀬𑀢𑁄 𑀘 𑀧𑀜𑁆𑀘, 𑀭𑀽𑀧𑀸𑀯𑀘𑀭𑀢𑀺𑀓𑀘𑀢𑀼𑀓𑁆𑀓𑀚𑁆𑀛𑀸𑀦𑀸 𑀓𑀼𑀲𑀮𑀢𑁄 𑀘 𑀯𑀺𑀧𑀸𑀓𑀢𑁄 𑀘 𑀓𑀺𑀭𑀺𑀬𑀢𑁄 𑀘, 𑀮𑁄𑀓𑀼𑀢𑁆𑀢𑀭𑀢𑀺𑀓𑀘𑀢𑀼𑀓𑁆𑀓𑀚𑁆𑀛𑀸𑀦𑀸 𑀓𑀼𑀲𑀮𑀢𑁄 𑀘 𑀯𑀺𑀧𑀸𑀓𑀢𑁄 𑀘, 𑀏𑀢𑁆𑀣𑀼𑀧𑁆𑀧𑀦𑁆𑀦𑀁 𑀲𑀼𑀔𑀁 𑀯𑁂𑀤𑀦𑀁 𑀞𑀧𑁂𑀢𑁆𑀯𑀸 𑁋 𑀇𑀫𑁂 𑀥𑀫𑁆𑀫𑀸 𑀲𑀼𑀔𑀸𑀬 𑀯𑁂𑀤𑀦𑀸𑀬 𑀲𑀫𑁆𑀧𑀬𑀼𑀢𑁆𑀢𑀸.

𑁧𑁩𑁮𑁮. 𑀓𑀢𑀫𑁂 𑀥𑀫𑁆𑀫𑀸 𑀤𑀼𑀓𑁆𑀔𑀸𑀬 𑀯𑁂𑀤𑀦𑀸𑀬 𑀲𑀫𑁆𑀧𑀬𑀼𑀢𑁆𑀢𑀸? 𑀤𑁆𑀯𑁂 𑀤𑁄𑀫𑀦𑀲𑁆𑀲𑀲𑀳𑀕𑀢𑀘𑀺𑀢𑁆𑀢𑀼𑀧𑁆𑀧𑀸𑀤𑀸, 𑀤𑀼𑀓𑁆𑀔𑀲𑀳𑀕𑀢𑀁 𑀓𑀸𑀬𑀯𑀺𑀜𑁆𑀜𑀸𑀡𑀁, 𑀏𑀢𑁆𑀣𑀼𑀧𑁆𑀧𑀦𑁆𑀦𑀁 𑀤𑀼𑀓𑁆𑀔𑀁 𑀯𑁂𑀤𑀦𑀁 𑀞𑀧𑁂𑀢𑁆𑀯𑀸 𑁋 𑀇𑀫𑁂 𑀥𑀫𑁆𑀫𑀸 𑀤𑀼𑀓𑁆𑀔𑀸𑀬 𑀯𑁂𑀤𑀦𑀸𑀬 𑀲𑀫𑁆𑀧𑀬𑀼𑀢𑁆𑀢𑀸.

𑁧𑁩𑁮𑁯. 𑀓𑀢𑀫𑁂 𑀥𑀫𑁆𑀫𑀸 𑀅𑀤𑀼𑀓𑁆𑀔𑀫𑀲𑀼𑀔𑀸𑀬 𑀯𑁂𑀤𑀦𑀸𑀬 𑀲𑀫𑁆𑀧𑀬𑀼𑀢𑁆𑀢𑀸? 𑀓𑀸𑀫𑀸𑀯𑀘𑀭𑀓𑀼𑀲𑀮𑀢𑁄 𑀘𑀢𑁆𑀢𑀸𑀭𑁄 𑀉𑀧𑁂𑀓𑁆𑀔𑀸𑀲𑀳𑀕𑀢𑀘𑀺𑀢𑁆𑀢𑀼𑀧𑁆𑀧𑀸𑀤𑀸, 𑀅𑀓𑀼𑀲𑀮𑀢𑁄 𑀙, 𑀓𑀸𑀫𑀸𑀯𑀘𑀭𑀓𑀼𑀲𑀮𑀲𑁆𑀲 𑀯𑀺𑀧𑀸𑀓𑀢𑁄 𑀤𑀲, 𑀅𑀓𑀼𑀲𑀮𑀲𑁆𑀲 𑀯𑀺𑀧𑀸𑀓𑀢𑁄 𑀙, 𑀓𑀺𑀭𑀺𑀬𑀢𑁄 𑀙, 𑀭𑀽𑀧𑀸𑀯𑀘𑀭𑀁 𑀘𑀢𑀼𑀢𑁆𑀣𑀁 𑀛𑀸𑀦𑀁 𑀓𑀼𑀲𑀮𑀢𑁄 𑀘 𑀯𑀺𑀧𑀸𑀓𑀢𑁄 𑀘 𑀓𑀺𑀭𑀺𑀬𑀢𑁄 𑀘, 𑀘𑀢𑁆𑀢𑀸𑀭𑁄 𑀅𑀭𑀽𑀧𑀸𑀯𑀘𑀭𑀸 𑀓𑀼𑀲𑀮𑀢𑁄 𑀘 𑀯𑀺𑀧𑀸𑀓𑀢𑁄 𑀘 𑀓𑀺𑀭𑀺𑀬𑀢𑁄 𑀘, 𑀮𑁄𑀓𑀼𑀢𑁆𑀢𑀭𑀁 𑀘𑀢𑀼𑀢𑁆𑀣𑀁 𑀛𑀸𑀦𑀁 𑀓𑀼𑀲𑀮𑀢𑁄 𑀘 𑀯𑀺𑀧𑀸𑀓𑀢𑁄 𑀘, 𑀏𑀢𑁆𑀣𑀼𑀧𑁆𑀧𑀦𑁆𑀦𑀁 𑀅𑀤𑀼𑀓𑁆𑀔𑀫𑀲𑀼𑀔𑀁 𑀯𑁂𑀤𑀦𑀁 𑀞𑀧𑁂𑀢𑁆𑀯𑀸 𑁋 𑀇𑀫𑁂 𑀥𑀫𑁆𑀫𑀸 𑀅𑀤𑀼𑀓𑁆𑀔𑀫𑀲𑀼𑀔𑀸𑀬 𑀯𑁂𑀤𑀦𑀸𑀬 𑀲𑀫𑁆𑀧𑀬𑀼𑀢𑁆𑀢𑀸. 𑀢𑀺𑀲𑁆𑀲𑁄 𑀘 𑀯𑁂𑀤𑀦𑀸, 𑀭𑀽𑀧𑀜𑁆𑀘, 𑀦𑀺𑀩𑁆𑀩𑀸𑀦𑀜𑁆𑀘 𑁋 𑀇𑀫𑁂 𑀥𑀫𑁆𑀫𑀸 𑀦 𑀯𑀢𑁆𑀢𑀩𑁆𑀩𑀸 𑀲𑀼𑀔𑀸𑀬 𑀯𑁂𑀤𑀦𑀸𑀬 𑀲𑀫𑁆𑀧𑀬𑀼𑀢𑁆𑀢𑀸𑀢𑀺𑀧𑀺, 𑀤𑀼𑀓𑁆𑀔𑀸𑀬 𑀯𑁂𑀤𑀦𑀸𑀬 𑀲𑀫𑁆𑀧𑀬𑀼𑀢𑁆𑀢𑀸𑀢𑀺𑀧𑀺, 𑀬 𑀯𑁂𑀤𑀦𑀸𑀬 𑀲𑀫𑁆𑀧𑀬𑀼𑀢𑁆𑀢𑀸𑀢𑀺𑀧𑀺.

𑁧𑁩𑁯𑁦. 𑀓𑀢𑀫𑁂 𑀥𑀫𑁆𑀫𑀸 𑀯𑀺𑀧𑀸𑀓𑀸? 𑀘𑀢𑀽𑀲𑀼 𑀪𑀽𑀫𑀻𑀲𑀼 𑀯𑀺𑀧𑀸𑀓𑁄 𑁋 𑀇𑀫𑁂 𑀥𑀫𑁆𑀫𑀸 𑀯𑀺𑀧𑀸𑀓𑀸.

𑁧𑁩𑁯𑁧. 𑀓𑀢𑀫𑁂 𑀥𑀫𑁆𑀫𑀸 𑀯𑀺𑀧𑀸𑀓𑀥𑀫𑁆𑀫𑀥𑀫𑁆𑀫𑀸? 𑀘𑀢𑀽𑀲𑀼 𑀪𑀽𑀫𑀻𑀲𑀼 𑀓𑀼𑀲𑀮𑀁 𑀅𑀓𑀼𑀲𑀮𑀁 𑁋 𑀇𑀫𑁂 𑀥𑀫𑁆𑀫𑀸 𑀯𑀺𑀧𑀸𑀓𑀥𑀫𑁆𑀫𑀥𑀫𑁆𑀫𑀸.

𑁧𑁩𑁯𑁨. 𑀓𑀢𑀫𑁂 𑀥𑀫𑁆𑀫𑀸 𑀦𑁂𑀯𑀯𑀺𑀧𑀸𑀓𑀦𑀯𑀺𑀧𑀸𑀓𑀥𑀫𑁆𑀫𑀥𑀫𑁆𑀫𑀸? 𑀢𑀻𑀲𑀼 𑀪𑀽𑀫𑀻𑀲𑀼 𑀓𑀺𑀭𑀺𑀬𑀸𑀩𑁆𑀬𑀸𑀓𑀢𑀁, 𑀭𑀽𑀧𑀜𑁆𑀘, 𑀦𑀺𑀩𑁆𑀩𑀸𑀦𑀜𑁆𑀘 𑁋 𑀇𑀫𑁂 𑀥𑀫𑁆𑀫𑀸 𑀦𑁂𑀯𑀯𑀺𑀧𑀸𑀓𑀦𑀯𑀺𑀧𑀸𑀓𑀥𑀫𑁆𑀫𑀥𑀫𑁆𑀫𑀸.

𑁧𑁩𑁯𑁩. 𑀓𑀢𑀫𑁂 𑀥𑀫𑁆𑀫𑀸 𑀉𑀧𑀸𑀤𑀺𑀡𑁆𑀡𑀼𑀧𑀸𑀤𑀸𑀦𑀺𑀬𑀸? 𑀢𑀻𑀲𑀼 𑀪𑀽𑀫𑀻𑀲𑀼 𑀯𑀺𑀧𑀸𑀓𑁄, 𑀬𑀜𑁆𑀘 𑀭𑀽𑀧𑀁 𑀓𑀫𑁆𑀫𑀲𑁆𑀲 𑀓𑀢𑀢𑁆𑀢𑀸 𑁋 𑀇𑀫𑁂 𑀥𑀫𑁆𑀫𑀸 𑀉𑀧𑀸𑀤𑀺𑀡𑁆𑀡𑀼𑀧𑀸𑀤𑀸𑀦𑀺𑀬𑀸.

𑁧𑁩𑁯𑁪. 𑀓𑀢𑀫𑁂 𑀥𑀫𑁆𑀫𑀸 𑀅𑀦𑀼𑀧𑀸𑀤𑀺𑀡𑁆𑀡𑀼𑀧𑀸𑀤𑀸𑀦𑀺𑀬𑀸? 𑀢𑀻𑀲𑀼 𑀪𑀽𑀫𑀻𑀲𑀼 𑀓𑀼𑀲𑀮𑀁, 𑀅𑀓𑀼𑀲𑀮𑀁, 𑀢𑀻𑀲𑀼 𑀪𑀽𑀫𑀻𑀲𑀼 𑀓𑀺𑀭𑀺𑀬𑀸𑀩𑁆𑀬𑀸𑀓𑀢𑀁, 𑀬𑀜𑁆𑀘 𑀭𑀽𑀧𑀁 𑀦 𑀓𑀫𑁆𑀫𑀲𑁆𑀲 𑀓𑀢𑀢𑁆𑀢𑀸 𑁋 𑀇𑀫𑁂 𑀥𑀫𑁆𑀫𑀸 𑀅𑀦𑀼𑀧𑀸𑀤𑀺𑀡𑁆𑀡𑀼𑀧𑀸𑀤𑀸𑀦𑀺𑀬𑀸.

𑁧𑁩𑁯𑁫. 𑀓𑀢𑀫𑁂 𑀥𑀫𑁆𑀫𑀸 𑀅𑀦𑀼𑀧𑀸𑀤𑀺𑀡𑁆𑀡𑀅𑀦𑀼𑀧𑀸𑀤𑀸𑀦𑀺𑀬𑀸? 𑀘𑀢𑁆𑀢𑀸𑀭𑁄 𑀫𑀕𑁆𑀕𑀸 𑀅𑀧𑀭𑀺𑀬𑀸𑀧𑀦𑁆𑀦𑀸, 𑀘𑀢𑁆𑀢𑀸𑀭𑀺 𑀘 𑀲𑀸𑀫𑀜𑁆𑀜𑀨𑀮𑀸𑀦𑀺, 𑀦𑀺𑀩𑁆𑀩𑀸𑀦𑀜𑁆𑀘 𑁋 𑀇𑀫𑁂 𑀥𑀫𑁆𑀫𑀸 𑀅𑀦𑀼𑀧𑀸𑀤𑀺𑀡𑁆𑀡𑀅𑀦𑀼𑀧𑀸𑀤𑀸𑀦𑀺𑀬𑀸.

𑁧𑁩𑁯𑁬. 𑀓𑀢𑀫𑁂 𑀥𑀫𑁆𑀫𑀸 𑀲𑀁𑀓𑀺𑀮𑀺𑀝𑁆𑀞𑀲𑀁𑀓𑀺𑀮𑁂𑀲𑀺𑀓𑀸? 𑀤𑁆𑀯𑀸𑀤𑀲𑀸𑀓𑀼𑀲𑀮𑀘𑀺𑀢𑁆𑀢𑀼𑀧𑁆𑀧𑀸𑀤𑀸 𑁋 𑀇𑀫𑁂 𑀥𑀫𑁆𑀫𑀸 𑀲𑀁𑀓𑀺𑀮𑀺𑀝𑁆𑀞𑀲𑀁𑀓𑀺𑀮𑁂𑀲𑀺𑀓𑀸.

𑁧𑁩𑁯𑁭. 𑀓𑀢𑀫𑁂 𑀥𑀫𑁆𑀫𑀸 𑀅𑀲𑀁𑀓𑀺𑀮𑀺𑀝𑁆𑀞𑀲𑀁𑀓𑀺𑀮𑁂𑀲𑀺𑀓𑀸? 𑀢𑀻𑀲𑀼 𑀪𑀽𑀫𑀻𑀲𑀼 𑀓𑀼𑀲𑀮𑀁, 𑀢𑀻𑀲𑀼 𑀪𑀽𑀫𑀻𑀲𑀼 𑀯𑀺𑀧𑀸𑀓𑁄, 𑀢𑀻𑀲𑀼 𑀪𑀽𑀫𑀻𑀲𑀼 𑀓𑀺𑀭𑀺𑀬𑀸𑀩𑁆𑀬𑀸𑀓𑀢𑀁, 𑀲𑀩𑁆𑀩𑀜𑁆𑀘 𑀭𑀽𑀧𑀁 𑁋 𑀇𑀫𑁂 𑀥𑀫𑁆𑀫𑀸 𑀅𑀲𑀁𑀓𑀺𑀮𑀺𑀝𑁆𑀞𑀲𑀁𑀓𑀺𑀮𑁂𑀲𑀺𑀓𑀸.

𑁧𑁩𑁯𑁮. 𑀓𑀢𑀫𑁂 𑀥𑀫𑁆𑀫𑀸 𑀅𑀲𑀁𑀓𑀺𑀮𑀺𑀝𑁆𑀞𑀅𑀲𑀁𑀓𑀺𑀮𑁂𑀲𑀺𑀓𑀸? 𑀘𑀢𑁆𑀢𑀸𑀭𑁄 𑀫𑀕𑁆𑀕𑀸 𑀅𑀧𑀭𑀺𑀬𑀸𑀧𑀦𑁆𑀦𑀸, 𑀘𑀢𑁆𑀢𑀸𑀭𑀺 𑀘 𑀲𑀸𑀫𑀜𑁆𑀜𑀨𑀮𑀸𑀦𑀺, 𑀦𑀺𑀩𑁆𑀩𑀸𑀦𑀜𑁆𑀘 𑁋 𑀇𑀫𑁂 𑀥𑀫𑁆𑀫𑀸 𑀅𑀲𑀁𑀓𑀺𑀮𑀺𑀝𑁆𑀞𑀅𑀲𑀁𑀓𑀺𑀮𑁂𑀲𑀺𑀓𑀸.

𑁧𑁩𑁯𑁯. 𑀓𑀢𑀫𑁂 𑀥𑀫𑁆𑀫𑀸 𑀲𑀯𑀺𑀢𑀓𑁆𑀓𑀲𑀯𑀺𑀘𑀸𑀭𑀸? 𑀓𑀸𑀫𑀸𑀯𑀘𑀭𑀁 𑀓𑀼𑀲𑀮𑀁, 𑀅𑀓𑀼𑀲𑀮𑀁, 𑀓𑀸𑀫𑀸𑀯𑀘𑀭𑀓𑀼𑀲𑀮𑀲𑁆𑀲 𑀯𑀺𑀧𑀸𑀓𑀢𑁄 𑀏𑀓𑀸𑀤𑀲 𑀘𑀺𑀢𑁆𑀢𑀼𑀧𑁆𑀧𑀸𑀤𑀸, 𑀅𑀓𑀼𑀲𑀮𑀲𑁆𑀲 𑀯𑀺𑀧𑀸𑀓𑀢𑁄 𑀤𑁆𑀯𑁂, 𑀓𑀺𑀭𑀺𑀬𑀢𑁄 𑀏𑀓𑀸𑀤𑀲, 𑀭𑀽𑀧𑀸𑀯𑀘𑀭𑀁 𑀧𑀞𑀫𑀁 𑀛𑀸𑀦𑀁 𑀓𑀼𑀲𑀮𑀢𑁄 𑀘 𑀯𑀺𑀧𑀸𑀓𑀢𑁄 𑀘 𑀓𑀺𑀭𑀺𑀬𑀢𑁄 𑀘, 𑀮𑁄𑀓𑀼𑀢𑁆𑀢𑀭𑀁 𑀧𑀞𑀫𑀁 𑀛𑀸𑀦𑀁 𑀓𑀼𑀲𑀮𑀢𑁄 𑀘 𑀯𑀺𑀧𑀸𑀓𑀢𑁄 𑀘, 𑀏𑀢𑁆𑀣𑀼𑀧𑁆𑀧𑀦𑁆𑀦𑁂 𑀯𑀺𑀢𑀓𑁆𑀓𑀯𑀺𑀘𑀸𑀭𑁂 𑀞𑀧𑁂𑀢𑁆𑀯𑀸 𑁋 𑀇𑀫𑁂 𑀥𑀫𑁆𑀫𑀸 𑀲𑀯𑀺𑀢𑀓𑁆𑀓𑀲𑀯𑀺𑀘𑀸𑀭𑀸.

𑁧𑁪𑁦𑁦. 𑀓𑀢𑀫𑁂 𑀥𑀫𑁆𑀫𑀸 𑀅𑀯𑀺𑀢𑀓𑁆𑀓𑀯𑀺𑀘𑀸𑀭𑀫𑀢𑁆𑀢𑀸? 𑀭𑀽𑀧𑀸𑀯𑀘𑀭𑀧𑀜𑁆𑀘𑀓𑀦𑀬𑁂 𑀤𑀼𑀢𑀺𑀬𑀁 𑀛𑀸𑀦𑀁 𑀓𑀼𑀲𑀮𑀢𑁄 𑀘 𑀯𑀺𑀧𑀸𑀓𑀢𑁄 𑀘 𑀓𑀺𑀭𑀺𑀬𑀢𑁄 𑀘, 𑀮𑁄𑀓𑀼𑀢𑁆𑀢𑀭𑀧𑀜𑁆𑀘𑀓𑀦𑀬𑁂 𑀤𑀼𑀢𑀺𑀬𑀁 𑀛𑀸𑀦𑀁 𑀓𑀼𑀲𑀮𑀢𑁄 𑀘 𑀯𑀺𑀧𑀸𑀓𑀢𑁄 𑀘, 𑀏𑀢𑁆𑀣𑀼𑀧𑁆𑀧𑀦𑁆𑀦𑀁 𑀯𑀺𑀘𑀸𑀭𑀁 𑀞𑀧𑁂𑀢𑁆𑀯𑀸, 𑀯𑀺𑀢𑀓𑁆𑀓𑁄 𑀘 𑁋 𑀇𑀫𑁂 𑀥𑀫𑁆𑀫𑀸 𑀅𑀯𑀺𑀢𑀓𑁆𑀓𑀯𑀺𑀘𑀸𑀭𑀫𑀢𑁆𑀢𑀸.

𑁧𑁪𑁦𑁧. 𑀓𑀢𑀫𑁂 𑀥𑀫𑁆𑀫𑀸 𑀅𑀯𑀺𑀢𑀓𑁆𑀓𑀅𑀯𑀺𑀘𑀸𑀭𑀸? 𑀤𑁆𑀯𑁂𑀧𑀜𑁆𑀘𑀯𑀺𑀜𑁆𑀜𑀸𑀡𑀸𑀦𑀺, 𑀭𑀽𑀧𑀸𑀯𑀘𑀭𑀢𑀺𑀓𑀢𑀺𑀓𑀚𑁆𑀛𑀸𑀦𑀸 𑀓𑀼𑀲𑀮𑀢𑁄 𑀘 𑀯𑀺𑀧𑀸𑀓𑀢𑁄 𑀘 𑀓𑀺𑀭𑀺𑀬𑀢𑁄 𑀘, 𑀘𑀢𑁆𑀢𑀸𑀭𑁄 𑀆𑀭𑀼𑀧𑁆𑀧𑀸 𑀓𑀼𑀲𑀮𑀢𑁄 𑀘 𑀯𑀺𑀧𑀸𑀓𑀢𑁄 𑀘 𑀓𑀺𑀭𑀺𑀬𑀢𑁄 𑀘 𑀮𑁄𑀓𑀼𑀢𑁆𑀢𑀭𑀢𑀺𑀓𑀢𑀺𑀓𑀚𑁆𑀛𑀸𑀦𑀸 𑀓𑀼𑀲𑀮𑀢𑁄 𑀘 𑀯𑀺𑀧𑀸𑀓𑀢𑁄 𑀘 𑀧𑀜𑁆𑀘𑀓𑀦𑀬𑁂 𑀤𑀼𑀢𑀺𑀬𑁂 𑀛𑀸𑀦𑁂 [𑀤𑀼𑀢𑀺𑀬𑀚𑁆𑀛𑀸𑀦𑁂 (𑀲𑀻.)], 𑀉𑀧𑁆𑀧𑀦𑁆𑀦𑁄 𑀘 𑀯𑀺𑀘𑀸𑀭𑁄 𑀭𑀽𑀧𑀜𑁆𑀘 𑀦𑀺𑀩𑁆𑀩𑀸𑀦𑀜𑁆𑀘 𑁋 𑀇𑀫𑁂 𑀥𑀫𑁆𑀫𑀸 𑀅𑀯𑀺𑀢𑀓𑁆𑀓𑀅𑀯𑀺𑀘𑀸𑀭𑀸. 𑀯𑀺𑀢𑀓𑁆𑀓𑀲𑀳𑀚𑀸𑀢𑁄 𑀯𑀺𑀘𑀸𑀭𑁄 𑀦 𑀯𑀢𑁆𑀢𑀩𑁆𑀩𑁄 𑀲𑀯𑀺𑀢𑀓𑁆𑀓𑀲𑀯𑀺𑀘𑀸𑀭𑁄𑀢𑀺𑀧𑀺, 𑀅𑀯𑀺𑀢𑀓𑁆𑀓𑀯𑀺𑀘𑀸𑀭𑀫𑀢𑁆𑀢𑁄𑀢𑀺𑀧𑀺, 𑀅𑀯𑀺𑀢𑀓𑁆𑀓𑀅𑀯𑀺𑀘𑀸𑀭𑁄𑀢𑀺𑀧𑀺.

𑁧𑁪𑁦𑁨. 𑀓𑀢𑀫𑁂 𑀥𑀫𑁆𑀫𑀸 𑀧𑀻𑀢𑀺𑀲𑀳𑀕𑀢𑀸? 𑀓𑀸𑀫𑀸𑀯𑀘𑀭𑀓𑀼𑀲𑀮𑀢𑁄 𑀘𑀢𑁆𑀢𑀸𑀭𑁄 𑀲𑁄𑀫𑀦𑀲𑁆𑀲𑀲𑀳𑀕𑀢𑀘𑀺𑀢𑁆𑀢𑀼𑀧𑁆𑀧𑀸𑀤𑀸, 𑀅𑀓𑀼𑀲𑀮𑀢𑁄 𑀘𑀢𑁆𑀢𑀸𑀭𑁄, 𑀓𑀸𑀫𑀸𑀯𑀘𑀭𑀓𑀼𑀲𑀮𑀲𑁆𑀲 𑀯𑀺𑀧𑀸𑀓𑀢𑁄 𑀧𑀜𑁆𑀘, 𑀓𑀺𑀭𑀺𑀬𑀢𑁄 𑀧𑀜𑁆𑀘, 𑀭𑀽𑀧𑀸𑀯𑀘𑀭𑀤𑀼𑀓𑀢𑀺𑀓𑀚𑁆𑀛𑀸𑀦𑀸 𑀓𑀼𑀲𑀮𑀢𑁄 𑀘 𑀯𑀺𑀧𑀸𑀓𑀢𑁄 𑀘 𑀓𑀺𑀭𑀺𑀬𑀢𑁄 𑀘, 𑀮𑁄𑀓𑀼𑀢𑁆𑀢𑀭𑀤𑀼𑀓𑀢𑀺𑀓𑀚𑁆𑀛𑀸𑀦𑀸 𑀓𑀼𑀲𑀮𑀢𑁄 𑀘 𑀯𑀺𑀧𑀸𑀓𑀢𑁄 𑀘, 𑀏𑀢𑁆𑀣𑀼𑀧𑁆𑀧𑀦𑁆𑀦𑀁 𑀧𑀻𑀢𑀺𑀁 𑀞𑀧𑁂𑀢𑁆𑀯𑀸 𑁋 𑀇𑀫𑁂 𑀥𑀫𑁆𑀫𑀸 𑀧𑀻𑀢𑀺𑀲𑀳𑀕𑀢𑀸.

𑁧𑁪𑁦𑁩. 𑀓𑀢𑀫𑁂 𑀥𑀫𑁆𑀫𑀸 𑀲𑀼𑀔𑀲𑀳𑀕𑀢𑀸? 𑀓𑀸𑀫𑀸𑀯𑀘𑀭𑀓𑀼𑀲𑀮𑀢𑁄 𑀘𑀢𑁆𑀢𑀸𑀭𑁄 𑀲𑁄𑀫𑀦𑀲𑁆𑀲𑀲𑀳𑀕𑀢𑀘𑀺𑀢𑁆𑀢𑀼𑀧𑁆𑀧𑀸𑀤𑀸, 𑀅𑀓𑀼𑀲𑀮𑀢𑁄 𑀘𑀢𑁆𑀢𑀸𑀭𑁄, 𑀓𑀸𑀫𑀸𑀯𑀘𑀭𑀓𑀼𑀲𑀮𑀲𑁆𑀲 𑀯𑀺𑀧𑀸𑀓𑀢𑁄 𑀙, 𑀓𑀺𑀭𑀺𑀬𑀢𑁄 𑀧𑀜𑁆𑀘, 𑀭𑀽𑀧𑀸𑀯𑀘𑀭𑀢𑀺𑀓𑀘𑀢𑀼𑀓𑁆𑀓𑀚𑁆𑀛𑀸𑀦𑀸 𑀓𑀼𑀲𑀮𑀢𑁄 𑀘 𑀯𑀺𑀧𑀸𑀓𑀢𑁄 𑀘 𑀓𑀺𑀭𑀺𑀬𑀢𑁄 𑀘, 𑀮𑁄𑀓𑀼𑀢𑁆𑀢𑀭𑀢𑀺𑀓𑀘𑀢𑀼𑀓𑁆𑀓𑀚𑁆𑀛𑀸𑀦𑀸 𑀓𑀼𑀲𑀮𑀢𑁄 𑀘 𑀯𑀺𑀧𑀸𑀓𑀢𑁄 𑀘, 𑀏𑀢𑁆𑀣𑀼𑀧𑁆𑀧𑀦𑁆𑀦𑀁 𑀲𑀼𑀔𑀁 𑀞𑀧𑁂𑀢𑁆𑀯𑀸 𑁋 𑀇𑀫𑁂 𑀥𑀫𑁆𑀫𑀸 𑀲𑀼𑀔𑀲𑀳𑀕𑀢𑀸.

𑁧𑁪𑁦𑁪. 𑀓𑀢𑀫𑁂 𑀥𑀫𑁆𑀫𑀸 𑀉𑀧𑁂𑀓𑁆𑀔𑀸𑀲𑀳𑀕𑀢𑀸? 𑀓𑀸𑀫𑀸𑀯𑀘𑀭𑀓𑀼𑀲𑀮𑀢𑁄 𑀘𑀢𑁆𑀢𑀸𑀭𑁄 𑀉𑀧𑁂𑀓𑁆𑀔𑀸𑀲𑀳𑀕𑀢𑀘𑀺𑀢𑁆𑀢𑀼𑀧𑁆𑀧𑀸𑀤𑀸, 𑀅𑀓𑀼𑀲𑀮𑀢𑁄 𑀙, 𑀓𑀸𑀫𑀸𑀯𑀘𑀭𑀓𑀼𑀲𑀮𑀲𑁆𑀲 𑀯𑀺𑀧𑀸𑀓𑀢𑁄 𑀤𑀲, 𑀅𑀓𑀼𑀲𑀮𑀲𑁆𑀲 𑀯𑀺𑀧𑀸𑀓𑀢𑁄 𑀙, 𑀓𑀺𑀭𑀺𑀬𑀢𑁄 𑀙, 𑀭𑀽𑀧𑀸𑀯𑀘𑀭𑀁 𑀘𑀢𑀼𑀢𑁆𑀣𑀁 𑀛𑀸𑀦𑀁 𑀓𑀼𑀲𑀮𑀢𑁄 𑀘 𑀯𑀺𑀧𑀸𑀓𑀢𑁄 𑀘 𑀓𑀺𑀭𑀺𑀬𑀢𑁄 𑀘, 𑀘𑀢𑁆𑀢𑀸𑀭𑁄 𑀆𑀭𑀼𑀧𑁆𑀧𑀸 𑀓𑀼𑀲𑀮𑀢𑁄 𑀘 𑀯𑀺𑀧𑀸𑀓𑀢𑁄 𑀘 𑀓𑀺𑀭𑀺𑀬𑀢𑁄 𑀘, 𑀮𑁄𑀓𑀼𑀢𑁆𑀢𑀭𑀁 𑀘𑀢𑀼𑀢𑁆𑀣𑀁 𑀛𑀸𑀦𑀁 𑀓𑀼𑀲𑀮𑀢𑁄 𑀘 𑀯𑀺𑀧𑀸𑀓𑀢𑁄 𑀘, 𑀏𑀢𑁆𑀣𑀼𑀧𑁆𑀧𑀦𑁆𑀦𑀁 𑀉𑀧𑁂𑀓𑁆𑀔𑀁 𑀞𑀧𑁂𑀢𑁆𑀯𑀸 𑁋 𑀇𑀫𑁂 𑀥𑀫𑁆𑀫𑀸 𑀉𑀧𑁂𑀓𑁆𑀔𑀸𑀲𑀳𑀕𑀢𑀸. 𑀧𑀻𑀢𑀺 𑀦 𑀧𑀻𑀢𑀺𑀲𑀳𑀕𑀢𑀸, 𑀲𑀼𑀔𑀲𑀳𑀕𑀢𑀸, 𑀦 𑀉𑀧𑁂𑀓𑁆𑀔𑀸𑀲𑀳𑀕𑀢𑀸. 𑀲𑀼𑀔𑀁 𑀦 𑀲𑀼𑀔𑀲𑀳𑀕𑀢𑀁, 𑀲𑀺𑀬𑀸 𑀧𑀻𑀢𑀺𑀲𑀳𑀕𑀢𑀁, 𑀦 𑀉𑀧𑁂𑀓𑁆𑀔𑀸𑀲𑀳𑀕𑀢𑀁, 𑀲𑀺𑀬𑀸 𑀦 𑀯𑀢𑁆𑀢𑀩𑁆𑀩𑀁 𑀧𑀻𑀢𑀺𑀲𑀳𑀕𑀢𑀦𑁆𑀢𑀺. 𑀤𑁆𑀯𑁂 𑀤𑁄𑀫𑀦𑀲𑁆𑀲𑀲𑀳𑀕𑀢𑀘𑀺𑀢𑁆𑀢𑀼𑀧𑁆𑀧𑀸𑀤𑀸, 𑀤𑀼𑀓𑁆𑀔𑀲𑀳𑀕𑀢𑀓𑀸𑀬𑀯𑀺𑀜𑁆𑀜𑀸𑀡𑀁, 𑀬𑀸 𑀘 𑀯𑁂𑀤𑀦𑀸 𑀉𑀧𑁂𑀓𑁆𑀔𑀸, 𑀭𑀽𑀧𑀜𑁆𑀘 𑀦𑀺𑀩𑁆𑀩𑀸𑀦𑀜𑁆𑀘 𑁋 𑀇𑀫𑁂 𑀥𑀫𑁆𑀫𑀸 𑀦 𑀯𑀢𑁆𑀢𑀩𑁆𑀩𑀸 𑀧𑀻𑀢𑀺𑀲𑀳𑀕𑀢𑀸𑀢𑀺𑀧𑀺, 𑀲𑀼𑀔𑀲𑀳𑀕𑀢𑀸𑀢𑀺𑀧𑀺, 𑀉𑀧𑁂𑀓𑁆𑀔𑀸𑀲𑀳𑀕𑀢𑀸𑀢𑀺𑀧𑀺.

𑁧𑁪𑁦𑁫. 𑀓𑀢𑀫𑁂 𑀥𑀫𑁆𑀫𑀸 𑀤𑀲𑁆𑀲𑀦𑁂𑀦 𑀧𑀳𑀸𑀢𑀩𑁆𑀩𑀸? 𑀘𑀢𑁆𑀢𑀸𑀭𑁄 𑀤𑀺𑀝𑁆𑀞𑀺𑀕𑀢𑀲𑀫𑁆𑀧𑀬𑀼𑀢𑁆𑀢𑀘𑀺𑀢𑁆𑀢𑀼𑀧𑁆𑀧𑀸𑀤𑀸, 𑀯𑀺𑀘𑀺𑀓𑀺𑀘𑁆𑀙𑀸𑀲𑀳𑀕𑀢𑁄 𑀘𑀺𑀢𑁆𑀢𑀼𑀧𑁆𑀧𑀸𑀤𑁄 𑁋 𑀇𑀫𑁂 𑀥𑀫𑁆𑀫𑀸 𑀤𑀲𑁆𑀲𑀦𑁂𑀦 𑀧𑀳𑀸𑀢𑀩𑁆𑀩𑀸.

𑁧𑁪𑁦𑁬. 𑀓𑀢𑀫𑁂 𑀥𑀫𑁆𑀫𑀸 𑀪𑀸𑀯𑀦𑀸𑀬 𑀧𑀳𑀸𑀢𑀩𑁆𑀩𑀸? 𑀉𑀤𑁆𑀥𑀘𑁆𑀘𑀲𑀳𑀕𑀢𑁄 𑀘𑀺𑀢𑁆𑀢𑀼𑀧𑁆𑀧𑀸𑀤𑁄 𑁋 𑀇𑀫𑁂 𑀥𑀫𑁆𑀫𑀸 𑀪𑀸𑀯𑀦𑀸𑀬 𑀧𑀳𑀸𑀢𑀩𑁆𑀩𑀸. 𑀘𑀢𑁆𑀢𑀸𑀭𑁄 𑀤𑀺𑀝𑁆𑀞𑀺𑀕𑀢𑀯𑀺𑀧𑁆𑀧𑀬𑀼𑀢𑁆𑀢𑀸 𑀮𑁄𑀪𑀲𑀳𑀕𑀢𑀘𑀺𑀢𑁆𑀢𑀼𑀧𑁆𑀧𑀸𑀤𑀸, 𑀤𑁆𑀯𑁂 𑀤𑁄𑀫𑀦𑀲𑁆𑀲𑀲𑀳𑀕𑀢𑀘𑀺𑀢𑁆𑀢𑀼𑀧𑁆𑀧𑀸𑀤𑀸 𑁋 𑀇𑀫𑁂 𑀥𑀫𑁆𑀫𑀸 𑀲𑀺𑀬𑀸 𑀤𑀲𑁆𑀲𑀦𑁂𑀦 𑀧𑀳𑀸𑀢𑀩𑁆𑀩𑀸 𑀲𑀺𑀬𑀸 𑀪𑀸𑀯𑀦𑀸𑀬 𑀧𑀳𑀸𑀢𑀩𑁆𑀩𑀸.

𑁧𑁪𑁦𑁭. 𑀓𑀢𑀫𑁂 𑀥𑀫𑁆𑀫𑀸 𑀦𑁂𑀯 𑀤𑀲𑁆𑀲𑀦𑁂𑀦 𑀦 𑀪𑀸𑀯𑀦𑀸𑀬 𑀧𑀳𑀸𑀢𑀩𑁆𑀩𑀸? 𑀘𑀢𑀽𑀲𑀼 𑀪𑀽𑀫𑀻𑀲𑀼 𑀓𑀼𑀲𑀮𑀁, 𑀘𑀢𑀽𑀲𑀼 𑀪𑀽𑀫𑀻𑀲𑀼 𑀯𑀺𑀧𑀸𑀓𑁄, 𑀢𑀻𑀲𑀼 𑀪𑀽𑀫𑀻𑀲𑀼 𑀓𑀺𑀭𑀺𑀬𑀸𑀩𑁆𑀬𑀸𑀓𑀢𑀁, 𑀭𑀽𑀧𑀜𑁆𑀘, 𑀦𑀺𑀩𑁆𑀩𑀸𑀦𑀜𑁆𑀘 𑁋 𑀇𑀫𑁂 𑀥𑀫𑁆𑀫𑀸 𑀦𑁂𑀯 𑀤𑀲𑁆𑀲𑀦𑁂𑀦 𑀦 𑀪𑀸𑀯𑀦𑀸𑀬 𑀧𑀳𑀸𑀢𑀩𑁆𑀩𑀸.

𑁧𑁪𑁦𑁮. 𑀓𑀢𑀫𑁂 𑀥𑀫𑁆𑀫𑀸 𑀤𑀲𑁆𑀲𑀦𑁂𑀦 𑀧𑀳𑀸𑀢𑀩𑁆𑀩𑀳𑁂𑀢𑀼𑀓𑀸? 𑀘𑀢𑁆𑀢𑀸𑀭𑁄 𑀤𑀺𑀝𑁆𑀞𑀺𑀕𑀢𑀲𑀫𑁆𑀧𑀬𑀼𑀢𑁆𑀢𑀘𑀺𑀢𑁆𑀢𑀼𑀧𑁆𑀧𑀸𑀤𑀸, 𑀯𑀺𑀘𑀺𑀓𑀺𑀘𑁆𑀙𑀸𑀲𑀳𑀕𑀢𑁄 𑀘𑀺𑀢𑁆𑀢𑀼𑀧𑁆𑀧𑀸𑀤𑁄, 𑀏𑀢𑁆𑀣𑀼𑀧𑁆𑀧𑀦𑁆𑀦𑀁 𑀫𑁄𑀳𑀁 𑀞𑀧𑁂𑀢𑁆𑀯𑀸 𑁋 𑀇𑀫𑁂 𑀥𑀫𑁆𑀫𑀸 𑀤𑀲𑁆𑀲𑀦𑁂𑀦 𑀧𑀳𑀸𑀢𑀩𑁆𑀩𑀳𑁂𑀢𑀼𑀓𑀸.

𑁧𑁪𑁦𑁯. 𑀓𑀢𑀫𑁂 𑀥𑀫𑁆𑀫𑀸 𑀪𑀸𑀯𑀦𑀸𑀬 𑀧𑀳𑀸𑀢𑀩𑁆𑀩𑀳𑁂𑀢𑀼𑀓𑀸? 𑀉𑀤𑁆𑀥𑀘𑁆𑀘𑀲𑀳𑀕𑀢𑁄 𑀘𑀺𑀢𑁆𑀢𑀼𑀧𑁆𑀧𑀸𑀤𑁄, 𑀏𑀢𑁆𑀣𑀼𑀧𑁆𑀧𑀦𑁆𑀦𑀁 𑀫𑁄𑀳𑀁 𑀞𑀧𑁂𑀢𑁆𑀯𑀸 𑁋 𑀇𑀫𑁂 𑀥𑀫𑁆𑀫𑀸 𑀪𑀸𑀯𑀦𑀸𑀬 𑀧𑀳𑀸𑀢𑀩𑁆𑀩𑀳𑁂𑀢𑀼𑀓𑀸. 𑀘𑀢𑁆𑀢𑀸𑀭𑁄 𑀤𑀺𑀝𑁆𑀞𑀺𑀕𑀢𑀯𑀺𑀧𑁆𑀧𑀬𑀼𑀢𑁆𑀢𑀸 𑀮𑁄𑀪𑀲𑀳𑀕𑀢𑀘𑀺𑀢𑁆𑀢𑀼𑀧𑁆𑀧𑀸𑀤𑀸, 𑀤𑁆𑀯𑁂 𑀤𑁄𑀫𑀦𑀲𑁆𑀲𑀲𑀳𑀕𑀢𑀘𑀺𑀢𑁆𑀢𑀼𑀧𑁆𑀧𑀸𑀤𑀸 𑁋 𑀇𑀫𑁂 𑀥𑀫𑁆𑀫𑀸 𑀲𑀺𑀬𑀸 𑀤𑀲𑁆𑀲𑀦𑁂𑀦 𑀧𑀳𑀸𑀢𑀩𑁆𑀩𑀳𑁂𑀢𑀼𑀓𑀸, 𑀲𑀺𑀬𑀸 𑀪𑀸𑀯𑀦𑀸𑀬 𑀧𑀳𑀸𑀢𑀩𑁆𑀩𑀳𑁂𑀢𑀼𑀓𑀸.

𑁧𑁪𑁧𑁦. 𑀓𑀢𑀫𑁂 𑀥𑀫𑁆𑀫𑀸 𑀦𑁂𑀯 𑀤𑀲𑁆𑀲𑀦𑁂𑀦 𑀦 𑀪𑀸𑀯𑀦𑀸𑀬 𑀧𑀳𑀸𑀢𑀩𑁆𑀩𑀳𑁂𑀢𑀼𑀓𑀸? 𑀯𑀺𑀘𑀺𑀓𑀺𑀘𑁆𑀙𑀸𑀲𑀳𑀕𑀢𑁄 𑀫𑁄𑀳𑁄, 𑀉𑀤𑁆𑀥𑀘𑁆𑀘𑀲𑀳𑀕𑀢𑁄 𑀫𑁄𑀳𑁄, 𑀘𑀢𑀽𑀲𑀼 𑀪𑀽𑀫𑀻𑀲𑀼 𑀓𑀼𑀲𑀮𑀁, 𑀘𑀢𑀽𑀲𑀼 𑀪𑀽𑀫𑀻𑀲𑀼 𑀯𑀺𑀧𑀸𑀓𑁄, 𑀢𑀻𑀲𑀼 𑀪𑀽𑀫𑀻𑀲𑀼 𑀓𑀺𑀭𑀺𑀬𑀸𑀩𑁆𑀬𑀸𑀓𑀢𑀁, 𑀭𑀽𑀧𑀜𑁆𑀘, 𑀦𑀺𑀩𑁆𑀩𑀸𑀦𑀜𑁆𑀘 𑁋 𑀇𑀫𑁂 𑀥𑀫𑁆𑀫𑀸 𑀦𑁂𑀯 𑀤𑀲𑁆𑀲𑀦𑁂𑀦 𑀦 𑀪𑀸𑀯𑀦𑀸𑀬 𑀧𑀳𑀸𑀢𑀩𑁆𑀩𑀳𑁂𑀢𑀼𑀓𑀸.

𑁧𑁪𑁧𑁧. 𑀓𑀢𑀫𑁂 𑀥𑀫𑁆𑀫𑀸 𑀆𑀘𑀬𑀕𑀸𑀫𑀺𑀦𑁄? 𑀢𑀻𑀲𑀼 𑀪𑀽𑀫𑀻𑀲𑀼 𑀓𑀼𑀲𑀮𑀁, 𑀅𑀓𑀼𑀲𑀮𑀁 𑁋 𑀇𑀫𑁂 𑀥𑀫𑁆𑀫𑀸 𑀆𑀘𑀬𑀕𑀸𑀫𑀺𑀦𑁄.

𑁧𑁪𑁧𑁨. 𑀓𑀢𑀫𑁂 𑀥𑀫𑁆𑀫𑀸 𑀅𑀧𑀘𑀬𑀕𑀸𑀫𑀺𑀦𑁄? 𑀘𑀢𑁆𑀢𑀸𑀭𑁄 𑀫𑀕𑁆𑀕𑀸 𑀅𑀧𑀭𑀺𑀬𑀸𑀧𑀦𑁆𑀦𑀸 𑁋 𑀇𑀫𑁂 𑀥𑀫𑁆𑀫𑀸 𑀅𑀧𑀘𑀬𑀕𑀸𑀫𑀺𑀦𑁄.

𑁧𑁪𑁧𑁩. 𑀓𑀢𑀫𑁂 𑀥𑀫𑁆𑀫𑀸 𑀦𑁂𑀯𑀸𑀘𑀬𑀕𑀸𑀫𑀺𑀦𑀸𑀧𑀘𑀬𑀕𑀸𑀫𑀺𑀦𑁄? 𑀘𑀢𑀽𑀲𑀼 𑀪𑀽𑀫𑀻𑀲𑀼 𑀯𑀺𑀧𑀸𑀓𑁄, 𑀢𑀻𑀲𑀼 𑀪𑀽𑀫𑀻𑀲𑀼 𑀓𑀺𑀭𑀺𑀬𑀸𑀩𑁆𑀬𑀸𑀓𑀢𑀁, 𑀭𑀽𑀧𑀜𑁆𑀘, 𑀦𑀺𑀩𑁆𑀩𑀸𑀦𑀜𑁆𑀘 𑁋 𑀇𑀫𑁂 𑀥𑀫𑁆𑀫𑀸 𑀦𑁂𑀯𑀸𑀘𑀬𑀕𑀸𑀫𑀺𑀦𑀸𑀧𑀘𑀬𑀕𑀸𑀫𑀺𑀦𑁄.

𑁧𑁪𑁧𑁪. 𑀓𑀢𑀫𑁂 𑀥𑀫𑁆𑀫𑀸 𑀲𑁂𑀓𑁆𑀔𑀸? 𑀘𑀢𑁆𑀢𑀸𑀭𑁄 𑀫𑀕𑁆𑀕𑀸 𑀅𑀧𑀭𑀺𑀬𑀸𑀧𑀦𑁆𑀦𑀸, 𑀳𑁂𑀝𑁆𑀞𑀺𑀫𑀸𑀦𑀺 𑀘 𑀢𑀻𑀡𑀺 𑀲𑀸𑀫𑀜𑁆𑀜𑀨𑀮𑀸𑀦𑀺 𑁋 𑀇𑀫𑁂 𑀥𑀫𑁆𑀫𑀸 𑀲𑁂𑀓𑁆𑀔𑀸.

𑁧𑁪𑁧𑁫. 𑀓𑀢𑀫𑁂 𑀥𑀫𑁆𑀫𑀸 𑀅𑀲𑁂𑀓𑁆𑀔𑀸? 𑀉𑀧𑀭𑀺𑀝𑁆𑀞𑀺𑀫𑀁 𑀅𑀭𑀳𑀢𑁆𑀢𑀨𑀮𑀁 𑁋 𑀇𑀫𑁂 𑀥𑀫𑁆𑀫𑀸 𑀅𑀲𑁂𑀓𑁆𑀔𑀸.

𑁧𑁪𑁧𑁬. 𑀓𑀢𑀫𑁂 𑀥𑀫𑁆𑀫𑀸 𑀦𑁂𑀯𑀲𑁂𑀓𑁆𑀔𑀦𑀸𑀲𑁂𑀓𑁆𑀔𑀸? 𑀢𑀻𑀲𑀼 𑀪𑀽𑀫𑀻𑀲𑀼 𑀓𑀼𑀲𑀮𑀁, 𑀅𑀓𑀼𑀲𑀮𑀁, 𑀢𑀻𑀲𑀼 𑀪𑀽𑀫𑀻𑀲𑀼 𑀯𑀺𑀧𑀸𑀓𑁄, 𑀢𑀻𑀲𑀼 𑀪𑀽𑀫𑀻𑀲𑀼 𑀓𑀺𑀭𑀺𑀬𑀸𑀩𑁆𑀬𑀸𑀓𑀢𑀁, 𑀭𑀽𑀧𑀜𑁆𑀘, 𑀦𑀺𑀩𑁆𑀩𑀸𑀦𑀜𑁆𑀘 𑁋 𑀇𑀫𑁂 𑀥𑀫𑁆𑀫𑀸 𑀦𑁂𑀯𑀲𑁂𑀓𑁆𑀔𑀦𑀸𑀲𑁂𑀓𑁆𑀔𑀸.

𑁧𑁪𑁧𑁭. 𑀓𑀢𑀫𑁂 𑀥𑀫𑁆𑀫𑀸 𑀧𑀭𑀺𑀢𑁆𑀢𑀸? 𑀓𑀸𑀫𑀸𑀯𑀘𑀭𑀓𑀼𑀲𑀮𑀁, 𑀅𑀓𑀼𑀲𑀮𑀁, 𑀲𑀩𑁆𑀩𑁄 𑀓𑀸𑀫𑀸𑀯𑀘𑀭𑀲𑁆𑀲 𑀯𑀺𑀧𑀸𑀓𑁄, 𑀓𑀸𑀫𑀸𑀯𑀘𑀭𑀓𑀺𑀭𑀺𑀬𑀸𑀩𑁆𑀬𑀸𑀓𑀢𑀁, 𑀲𑀩𑁆𑀩𑀜𑁆𑀘 𑀭𑀽𑀧𑀁 𑁋 𑀇𑀫𑁂 𑀥𑀫𑁆𑀫𑀸 𑀧𑀭𑀺𑀢𑁆𑀢𑀸.

𑁧𑁪𑁧𑁮. 𑀓𑀢𑀫𑁂 𑀥𑀫𑁆𑀫𑀸 𑀫𑀳𑀕𑁆𑀕𑀢𑀸? 𑀭𑀽𑀧𑀸𑀯𑀘𑀭𑀸, 𑀅𑀭𑀽𑀧𑀸𑀯𑀘𑀭𑀸, 𑀓𑀼𑀲𑀮𑀸𑀩𑁆𑀬𑀸𑀓𑀢𑀸 𑁋 𑀇𑀫𑁂 𑀥𑀫𑁆𑀫𑀸 𑀫𑀳𑀕𑁆𑀕𑀢𑀸.

𑁧𑁪𑁧𑁯. 𑀓𑀢𑀫𑁂 𑀥𑀫𑁆𑀫𑀸 𑀅𑀧𑁆𑀧𑀫𑀸𑀡𑀸? 𑀘𑀢𑁆𑀢𑀸𑀭𑁄 𑀫𑀕𑁆𑀕𑀸 𑀅𑀧𑀭𑀺𑀬𑀸𑀧𑀦𑁆𑀦𑀸, 𑀘𑀢𑁆𑀢𑀸𑀭𑀺 𑀘 𑀲𑀸𑀫𑀜𑁆𑀜𑀨𑀮𑀸𑀦𑀺, 𑀦𑀺𑀩𑁆𑀩𑀸𑀦𑀜𑁆𑀘 𑁋 𑀇𑀫𑁂 𑀥𑀫𑁆𑀫𑀸 𑀅𑀧𑁆𑀧𑀫𑀸𑀡𑀸.

𑁧𑁪𑁨𑁦. 𑀓𑀢𑀫𑁂 𑀥𑀫𑁆𑀫𑀸 𑀧𑀭𑀺𑀢𑁆𑀢𑀸𑀭𑀫𑁆𑀫𑀡𑀸? 𑀲𑀩𑁆𑀩𑁄 𑀓𑀸𑀫𑀸𑀯𑀘𑀭𑀲𑁆𑀲 𑀯𑀺𑀧𑀸𑀓𑁄, 𑀓𑀺𑀭𑀺𑀬𑀸𑀫𑀦𑁄𑀥𑀸𑀢𑀼, 𑀓𑀺𑀭𑀺𑀬𑀸𑀳𑁂𑀢𑀼𑀓𑀫𑀦𑁄𑀯𑀺𑀜𑁆𑀜𑀸𑀡𑀥𑀸𑀢𑀼 𑀲𑁄𑀫𑀦𑀲𑁆𑀲𑀲𑀳𑀕𑀢𑀸 𑁋 𑀇𑀫𑁂 𑀥𑀫𑁆𑀫𑀸 𑀧𑀭𑀺𑀢𑁆𑀢𑀸𑀭𑀫𑁆𑀫𑀡𑀸.

𑁧𑁪𑁨𑁧. 𑀓𑀢𑀫𑁂 𑀥𑀫𑁆𑀫𑀸 𑀫𑀳𑀕𑁆𑀕𑀢𑀸𑀭𑀫𑁆𑀫𑀡𑀸? 𑀯𑀺𑀜𑁆𑀜𑀸𑀡𑀜𑁆𑀘𑀸𑀬𑀢𑀦𑀁, 𑀦𑁂𑀯𑀲𑀜𑁆𑀜𑀸𑀦𑀸𑀲𑀜𑁆𑀜𑀸𑀬𑀢𑀦𑀁 𑁋 𑀇𑀫𑁂 𑀥𑀫𑁆𑀫𑀸 𑀫𑀳𑀕𑁆𑀕𑀢𑀸𑀭𑀫𑁆𑀫𑀡𑀸.

𑁧𑁪𑁨𑁨. 𑀓𑀢𑀫𑁂 𑀥𑀫𑁆𑀫𑀸 𑀅𑀧𑁆𑀧𑀫𑀸𑀡𑀸𑀭𑀫𑁆𑀫𑀡𑀸? 𑀘𑀢𑁆𑀢𑀸𑀭𑁄 𑀫𑀕𑁆𑀕𑀸 𑀅𑀧𑀭𑀺𑀬𑀸𑀧𑀦𑁆𑀦𑀸, 𑀘𑀢𑁆𑀢𑀸𑀭𑀺 𑀘 𑀲𑀸𑀫𑀜𑁆𑀜𑀨𑀮𑀸𑀦𑀺 𑁋 𑀇𑀫𑁂 𑀥𑀫𑁆𑀫𑀸 𑀅𑀧𑁆𑀧𑀫𑀸𑀡𑀸𑀭𑀫𑁆𑀫𑀡𑀸. 𑀓𑀸𑀫𑀸𑀯𑀘𑀭𑀓𑀼𑀲𑀮𑀢𑁄 𑀘𑀢𑁆𑀢𑀸𑀭𑁄 𑀜𑀸𑀡𑀯𑀺𑀧𑁆𑀧𑀬𑀼𑀢𑁆𑀢𑀘𑀺𑀢𑁆𑀢𑀼𑀧𑁆𑀧𑀸𑀤𑀸, 𑀓𑀺𑀭𑀺𑀬𑀢𑁄 𑀘𑀢𑁆𑀢𑀸𑀭𑁄 𑀜𑀸𑀡𑀯𑀺𑀧𑁆𑀧𑀬𑀼𑀢𑁆𑀢𑀘𑀺𑀢𑁆𑀢𑀼𑀧𑁆𑀧𑀸𑀤𑀸, 𑀲𑀩𑁆𑀩𑀁 𑀅𑀓𑀼𑀲𑀮𑀁 𑁋 𑀇𑀫𑁂 𑀥𑀫𑁆𑀫𑀸 𑀲𑀺𑀬𑀸 𑀧𑀭𑀺𑀢𑁆𑀢𑀸𑀭𑀫𑁆𑀫𑀡𑀸, 𑀲𑀺𑀬𑀸 𑀫𑀳𑀕𑁆𑀕𑀢𑀸𑀭𑀫𑁆𑀫𑀡𑀸, 𑀦 𑀅𑀧𑁆𑀧𑀫𑀸𑀡𑀸𑀭𑀫𑁆𑀫𑀡𑀸, 𑀲𑀺𑀬𑀸 𑀦 𑀯𑀢𑁆𑀢𑀩𑁆𑀩𑀸 𑀧𑀭𑀺𑀢𑁆𑀢𑀸𑀭𑀫𑁆𑀫𑀡𑀸𑀢𑀺𑀧𑀺, 𑀫𑀳𑀕𑁆𑀕𑀢𑀸𑀭𑀫𑁆𑀫𑀡𑀸𑀢𑀺𑀧𑀺. 𑀓𑀸𑀫𑀸𑀯𑀘𑀭𑀓𑀼𑀲𑀮𑀢𑁄 𑀘𑀢𑁆𑀢𑀸𑀭𑁄 𑀜𑀸𑀡𑀲𑀫𑁆𑀧𑀬𑀼𑀢𑁆𑀢𑀘𑀺𑀢𑁆𑀢𑀼𑀧𑁆𑀧𑀸𑀤𑀸, 𑀓𑀺𑀭𑀺𑀬𑀢𑁄 𑀘𑀢𑁆𑀢𑀸𑀭𑁄 𑀜𑀸𑀡𑀲𑀫𑁆𑀧𑀬𑀼𑀢𑁆𑀢𑀘𑀺𑀢𑁆𑀢𑀼𑀧𑁆𑀧𑀸𑀤𑀸, 𑀭𑀽𑀧𑀸𑀯𑀘𑀭𑀁 𑀘𑀢𑀼𑀢𑁆𑀣𑀁 𑀛𑀸𑀦𑀁 𑀓𑀼𑀲𑀮𑀢𑁄 𑀘 𑀓𑀺𑀭𑀺𑀬𑀢𑁄 𑀘, 𑀓𑀺𑀭𑀺𑀬𑀸𑀳𑁂𑀢𑀼𑀓𑀫𑀦𑁄𑀯𑀺𑀜𑁆𑀜𑀸𑀡𑀥𑀸𑀢𑀼 𑀉𑀧𑁂𑀓𑁆𑀔𑀸𑀲𑀳𑀕𑀢𑀸 𑁋 𑀇𑀫𑁂 𑀥𑀫𑁆𑀫𑀸 𑀲𑀺𑀬𑀸 𑀧𑀭𑀺𑀢𑁆𑀢𑀸𑀭𑀫𑁆𑀫𑀡𑀸, 𑀲𑀺𑀬𑀸 𑀫𑀳𑀕𑁆𑀕𑀢𑀸𑀭𑀫𑁆𑀫𑀡𑀸, 𑀲𑀺𑀬𑀸 𑀅𑀧𑁆𑀧𑀫𑀸𑀡𑀸𑀭𑀫𑁆𑀫𑀡𑀸, 𑀲𑀺𑀬𑀸 𑀦 𑀯𑀢𑁆𑀢𑀩𑁆𑀩𑀸 𑀧𑀭𑀺𑀢𑁆𑀢𑀸𑀭𑀫𑁆𑀫𑀡𑀸𑀢𑀺𑀧𑀺, 𑀫𑀳𑀕𑁆𑀕𑀢𑀸𑀭𑀫𑁆𑀫𑀡𑀸𑀢𑀺𑀧𑀺, 𑀅𑀧𑁆𑀧𑀫𑀸𑀡𑀸𑀭𑀫𑁆𑀫𑀡𑀸𑀢𑀺𑀧𑀺. 𑀭𑀽𑀧𑀸𑀯𑀘𑀭𑀢𑀺𑀓𑀘𑀢𑀼𑀓𑁆𑀓𑀚𑁆𑀛𑀸𑀦𑀸 𑀓𑀼𑀲𑀮𑀢𑁄 𑀘 𑀯𑀺𑀧𑀸𑀓𑀢𑁄 𑀘 𑀓𑀺𑀭𑀺𑀬𑀢𑁄 𑀘, 𑀘𑀢𑀼𑀢𑁆𑀣𑀲𑁆𑀲 𑀛𑀸𑀦𑀲𑁆𑀲 𑀯𑀺𑀧𑀸𑀓𑁄, 𑀆𑀓𑀸𑀲𑀸𑀦𑀜𑁆𑀘𑀸𑀬𑀢𑀦𑀁, 𑀆𑀓𑀺𑀜𑁆𑀘𑀜𑁆𑀜𑀸𑀬𑀢𑀦𑀁 𑁋 𑀇𑀫𑁂 𑀥𑀫𑁆𑀫𑀸 𑀦 𑀯𑀢𑁆𑀢𑀩𑁆𑀩𑀸 𑀧𑀭𑀺𑀢𑁆𑀢𑀸𑀭𑀫𑁆𑀫𑀡𑀸𑀢𑀺𑀧𑀺, 𑀫𑀳𑀕𑁆𑀕𑀢𑀸𑀭𑀫𑁆𑀫𑀡𑀸𑀢𑀺𑀧𑀺, 𑀅𑀧𑁆𑀧𑀫𑀸𑀡𑀸𑀭𑀫𑁆𑀫𑀡𑀸𑀢𑀺𑀧𑀺. 𑀭𑀽𑀧𑀜𑁆𑀘 𑀦𑀺𑀩𑁆𑀩𑀸𑀦𑀜𑁆𑀘 𑀅𑀦𑀸𑀭𑀫𑁆𑀫𑀡𑀸.

𑁧𑁪𑁨𑁩. 𑀓𑀢𑀫𑁂 𑀥𑀫𑁆𑀫𑀸 𑀳𑀻𑀦𑀸? 𑀤𑁆𑀯𑀸𑀤𑀲 𑀅𑀓𑀼𑀲𑀮𑀘𑀺𑀢𑁆𑀢𑀼𑀧𑁆𑀧𑀸𑀤𑀸 𑁋 𑀇𑀫𑁂 𑀥𑀫𑁆𑀫𑀸 𑀳𑀻𑀦𑀸.

𑁧𑁪𑁨𑁪. 𑀓𑀢𑀫𑁂 𑀥𑀫𑁆𑀫𑀸 𑀫𑀚𑁆𑀛𑀺𑀫𑀸? 𑀢𑀻𑀲𑀼 𑀪𑀽𑀫𑀻𑀲𑀼 𑀓𑀼𑀲𑀮𑀁, 𑀢𑀻𑀲𑀼 𑀪𑀽𑀫𑀻𑀲𑀼 𑀯𑀺𑀧𑀸𑀓𑁄, 𑀢𑀻𑀲𑀼 𑀪𑀽𑀫𑀻𑀲𑀼 𑀓𑀺𑀭𑀺𑀬𑀸𑀩𑁆𑀬𑀸𑀓𑀢𑀁, 𑀲𑀩𑁆𑀩𑀜𑁆𑀘 𑀭𑀽𑀧𑀁 𑁋 𑀇𑀫𑁂 𑀥𑀫𑁆𑀫𑀸 𑀫𑀚𑁆𑀛𑀺𑀫𑀸.

𑁧𑁪𑁨𑁫. 𑀓𑀢𑀫𑁂 𑀥𑀫𑁆𑀫𑀸 𑀧𑀡𑀻𑀢𑀸? 𑀘𑀢𑁆𑀢𑀸𑀭𑁄 𑀫𑀕𑁆𑀕𑀸 𑀅𑀧𑀭𑀺𑀬𑀸𑀧𑀦𑁆𑀦𑀸, 𑀘𑀢𑁆𑀢𑀸𑀭𑀺 𑀘 𑀲𑀸𑀫𑀜𑁆𑀜𑀨𑀮𑀸𑀦𑀺, 𑀦𑀺𑀩𑁆𑀩𑀸𑀦𑀜𑁆𑀘 𑁋 𑀇𑀫𑁂 𑀥𑀫𑁆𑀫𑀸 𑀧𑀡𑀻𑀢𑀸.

𑁧𑁪𑁨𑁬. 𑀓𑀢𑀫𑁂 𑀥𑀫𑁆𑀫𑀸 𑀫𑀺𑀘𑁆𑀙𑀢𑁆𑀢𑀦𑀺𑀬𑀢𑀸? 𑀘𑀢𑁆𑀢𑀸𑀭𑁄 𑀤𑀺𑀝𑁆𑀞𑀺𑀕𑀢𑀲𑀫𑁆𑀧𑀬𑀼𑀢𑁆𑀢𑀘𑀺𑀢𑁆𑀢𑀼𑀧𑁆𑀧𑀸𑀤𑀸, 𑀤𑁆𑀯𑁂 𑀤𑁄𑀫𑀦𑀲𑁆𑀲𑀲𑀳𑀕𑀢𑀘𑀺𑀢𑁆𑀢𑀼𑀧𑁆𑀧𑀸𑀤𑀸 𑁋 𑀇𑀫𑁂 𑀥𑀫𑁆𑀫𑀸 𑀲𑀺𑀬𑀸 𑀫𑀺𑀘𑁆𑀙𑀢𑁆𑀢𑀦𑀺𑀬𑀢𑀸, 𑀲𑀺𑀬𑀸 𑀅𑀦𑀺𑀬𑀢𑀸.

𑁧𑁪𑁨𑁭. 𑀓𑀢𑀫𑁂 𑀥𑀫𑁆𑀫𑀸 𑀲𑀫𑁆𑀫𑀢𑁆𑀢𑀦𑀺𑀬𑀢𑀸? 𑀘𑀢𑁆𑀢𑀸𑀭𑁄 𑀫𑀕𑁆𑀕𑀸 𑀅𑀧𑀭𑀺𑀬𑀸𑀧𑀦𑁆𑀦𑀸 𑁋 𑀇𑀫𑁂 𑀥𑀫𑁆𑀫𑀸 𑀲𑀫𑁆𑀫𑀢𑁆𑀢𑀦𑀺𑀬𑀢𑀸.

𑁧𑁪𑁨𑁮. 𑀓𑀢𑀫𑁂 𑀥𑀫𑁆𑀫𑀸 𑀅𑀦𑀺𑀬𑀢𑀸? 𑀘𑀢𑁆𑀢𑀸𑀭𑁄 𑀤𑀺𑀝𑁆𑀞𑀺𑀕𑀢𑀯𑀺𑀧𑁆𑀧𑀬𑀼𑀢𑁆𑀢𑀮𑁄𑀪𑀲𑀳𑀕𑀢𑀘𑀺𑀢𑁆𑀢𑀼𑀧𑁆𑀧𑀸𑀤𑀸, 𑀯𑀺𑀘𑀺𑀓𑀺𑀘𑁆𑀙𑀸𑀲𑀳𑀕𑀢𑁄 𑀘𑀺𑀢𑁆𑀢𑀼𑀧𑁆𑀧𑀸𑀤𑁄, 𑀉𑀤𑁆𑀥𑀘𑁆𑀘𑀲𑀳𑀕𑀢𑁄 𑀘𑀺𑀢𑁆𑀢𑀼𑀧𑁆𑀧𑀸𑀤𑁄, 𑀢𑀻𑀲𑀼 𑀪𑀽𑀫𑀻𑀲𑀼 𑀓𑀼𑀲𑀮𑀁, 𑀘𑀢𑀽𑀲𑀼 𑀪𑀽𑀫𑀻𑀲𑀼 𑀯𑀺𑀧𑀸𑀓𑁄, 𑀢𑀻𑀲𑀼 𑀪𑀽𑀫𑀻𑀲𑀼 𑀓𑀺𑀭𑀺𑀬𑀸𑀩𑁆𑀬𑀸𑀓𑀢𑀁, 𑀭𑀽𑀧𑀜𑁆𑀘, 𑀦𑀺𑀩𑁆𑀩𑀸𑀦𑀜𑁆𑀘 𑁋 𑀇𑀫𑁂 𑀥𑀫𑁆𑀫𑀸 𑀅𑀦𑀺𑀬𑀢𑀸.

𑁧𑁪𑁨𑁯. 𑀓𑀢𑀫𑁂 𑀥𑀫𑁆𑀫𑀸 𑀫𑀕𑁆𑀕𑀸𑀭𑀫𑁆𑀫𑀡𑀸? 𑀓𑀸𑀫𑀸𑀯𑀘𑀭𑀓𑀼𑀲𑀮𑀢𑁄 𑀘𑀢𑁆𑀢𑀸𑀭𑁄 𑀜𑀸𑀡𑀲𑀫𑁆𑀧𑀬𑀼𑀢𑁆𑀢𑀘𑀺𑀢𑁆𑀢𑀼𑀧𑁆𑀧𑀸𑀤𑀸, 𑀓𑀺𑀭𑀺𑀬𑀢𑁄 𑀘𑀢𑁆𑀢𑀸𑀭𑁄 𑀜𑀸𑀡𑀲𑀫𑁆𑀧𑀬𑀼𑀢𑁆𑀢𑀘𑀺𑀢𑁆𑀢𑀼𑀧𑁆𑀧𑀸𑀤𑀸 𑁋 𑀇𑀫𑁂 𑀥𑀫𑁆𑀫𑀸 𑀲𑀺𑀬𑀸 𑀫𑀕𑁆𑀕𑀸𑀭𑀫𑁆𑀫𑀡𑀸, 𑀦 𑀫𑀕𑁆𑀕𑀳𑁂𑀢𑀼𑀓𑀸; 𑀲𑀺𑀬𑀸 𑀫𑀕𑁆𑀕𑀸𑀥𑀺𑀧𑀢𑀺𑀦𑁄, 𑀲𑀺𑀬𑀸 𑀦 𑀯𑀢𑁆𑀢𑀩𑁆𑀩𑀸 𑀫𑀕𑁆𑀕𑀸𑀭𑀫𑁆𑀫𑀡𑀸𑀢𑀺𑀧𑀺, 𑀫𑀕𑁆𑀕𑀸𑀥𑀺𑀧𑀢𑀺𑀦𑁄𑀢𑀺𑀧𑀺. 𑀘𑀢𑁆𑀢𑀸𑀭𑁄 𑀅𑀭𑀺𑀬𑀫𑀕𑁆𑀕𑀸 𑀦 𑀫𑀕𑁆𑀕𑀸𑀭𑀫𑁆𑀫𑀡𑀸, 𑀫𑀕𑁆𑀕𑀳𑁂𑀢𑀼𑀓𑀸; 𑀲𑀺𑀬𑀸 𑀫𑀕𑁆𑀕𑀸𑀥𑀺𑀧𑀢𑀺𑀦𑁄, 𑀲𑀺𑀬𑀸 𑀦 𑀯𑀢𑁆𑀢𑀩𑁆𑀩𑀸 𑀫𑀕𑁆𑀕𑀸𑀥𑀺𑀧𑀢𑀺𑀦𑁄𑀢𑀺. 𑀭𑀽𑀧𑀸𑀯𑀘𑀭𑀘𑀢𑀼𑀢𑁆𑀣𑀁 𑀛𑀸𑀦𑀁 𑀓𑀼𑀲𑀮𑀢𑁄 𑀘 𑀓𑀺𑀭𑀺𑀬𑀢𑁄 𑀘, 𑀓𑀺𑀭𑀺𑀬𑀸𑀳𑁂𑀢𑀼𑀓𑀫𑀦𑁄𑀯𑀺𑀜𑁆𑀜𑀸𑀡𑀥𑀸𑀢𑀼 𑀉𑀧𑁂𑀓𑁆𑀔𑀸𑀲𑀳𑀕𑀢𑀸 𑁋 𑀇𑀫𑁂 𑀥𑀫𑁆𑀫𑀸 𑀲𑀺𑀬𑀸 𑀫𑀕𑁆𑀕𑀸𑀭𑀫𑁆𑀫𑀡𑀸; 𑀦 𑀫𑀕𑁆𑀕𑀳𑁂𑀢𑀼𑀓𑀸, 𑀦 𑀫𑀕𑁆𑀕𑀸𑀥𑀺𑀧𑀢𑀺𑀦𑁄; 𑀲𑀺𑀬𑀸 𑀦 𑀯𑀢𑁆𑀢𑀩𑁆𑀩𑀸 𑀫𑀕𑁆𑀕𑀸𑀭𑀫𑁆𑀫𑀡𑀸𑀢𑀺. 𑀓𑀸𑀫𑀸𑀯𑀘𑀭𑀓𑀼𑀲𑀮𑀢𑁄 𑀘𑀢𑁆𑀢𑀸𑀭𑁄 𑀜𑀸𑀡𑀯𑀺𑀧𑁆𑀧𑀬𑀼𑀢𑁆𑀢𑀘𑀺𑀢𑁆𑀢𑀼𑀧𑁆𑀧𑀸𑀤𑀸, 𑀲𑀩𑁆𑀩𑀁 𑀅𑀓𑀼𑀲𑀮𑀁, 𑀲𑀩𑁆𑀩𑁄 𑀓𑀸𑀫𑀸𑀯𑀘𑀭𑀲𑁆𑀲 𑀯𑀺𑀧𑀸𑀓𑁄, 𑀓𑀺𑀭𑀺𑀬𑀢𑁄 𑀙 𑀘𑀺𑀢𑁆𑀢𑀼𑀧𑁆𑀧𑀸𑀤𑀸, 𑀭𑀽𑀧𑀸𑀯𑀘𑀭𑀢𑀺𑀓𑀘𑀢𑀼𑀓𑁆𑀓𑀚𑁆𑀛𑀸𑀦𑀸 𑀓𑀼𑀲𑀮𑀢𑁄 𑀘 𑀯𑀺𑀧𑀸𑀓𑀢𑁄 𑀘 𑀓𑀺𑀭𑀺𑀬𑀢𑁄 𑀘, 𑀘𑀢𑀼𑀢𑁆𑀣𑀲𑁆𑀲 𑀛𑀸𑀦𑀲𑁆𑀲 𑀯𑀺𑀧𑀸𑀓𑁄, 𑀘𑀢𑁆𑀢𑀸𑀭𑁄 𑀆𑀭𑀼𑀧𑁆𑀧𑀸 𑀓𑀼𑀲𑀮𑀢𑁄 𑀘 𑀯𑀺𑀧𑀸𑀓𑀢𑁄 𑀘 𑀓𑀺𑀭𑀺𑀬𑀢𑁄 𑀘, 𑀘𑀢𑁆𑀢𑀸𑀭𑀺 𑀘 𑀲𑀸𑀫𑀜𑁆𑀜𑀨𑀮𑀸𑀦𑀺 𑁋 𑀇𑀫𑁂 𑀥𑀫𑁆𑀫𑀸 𑀦 𑀯𑀢𑁆𑀢𑀩𑁆𑀩𑀸 𑀫𑀕𑁆𑀕𑀸𑀭𑀫𑁆𑀫𑀡𑀸𑀢𑀺𑀧𑀺, 𑀫𑀕𑁆𑀕𑀳𑁂𑀢𑀼𑀓𑀸𑀢𑀺𑀧𑀺, 𑀫𑀕𑁆𑀕𑀸𑀥𑀺𑀧𑀢𑀺𑀦𑁄𑀢𑀺𑀧𑀺. 𑀭𑀽𑀧𑀜𑁆𑀘 𑀦𑀺𑀩𑁆𑀩𑀸𑀦𑀜𑁆𑀘 𑀅𑀦𑀸𑀭𑀫𑁆𑀫𑀡𑀸.

𑁧𑁪𑁩𑁦. 𑀓𑀢𑀫𑁂 𑀥𑀫𑁆𑀫𑀸 𑀉𑀧𑁆𑀧𑀦𑁆𑀦𑀸? 𑀘𑀢𑀽𑀲𑀼 𑀪𑀽𑀫𑀻𑀲𑀼 𑀯𑀺𑀧𑀸𑀓𑁄, 𑀬𑀜𑁆𑀘 𑀭𑀽𑀧𑀁 𑀓𑀫𑁆𑀫𑀲𑁆𑀲 𑀓𑀢𑀢𑁆𑀢𑀸 𑁋 𑀇𑀫𑁂 𑀥𑀫𑁆𑀫𑀸 𑀲𑀺𑀬𑀸 𑀉𑀧𑁆𑀧𑀦𑁆𑀦𑀸, 𑀲𑀺𑀬𑀸 𑀉𑀧𑁆𑀧𑀸𑀤𑀺𑀦𑁄; 𑀦 𑀯𑀢𑁆𑀢𑀩𑁆𑀩𑀸 𑀅𑀦𑀼𑀧𑁆𑀧𑀦𑁆𑀦𑀸𑀢𑀺. 𑀘𑀢𑀽𑀲𑀼 𑀪𑀽𑀫𑀻𑀲𑀼 𑀓𑀼𑀲𑀮𑀁, 𑀅𑀓𑀼𑀲𑀮𑀁, 𑀢𑀻𑀲𑀼 𑀪𑀽𑀫𑀻𑀲𑀼 𑀓𑀺𑀭𑀺𑀬𑀸𑀩𑁆𑀬𑀸𑀓𑀢𑀁, 𑀬𑀜𑁆𑀘 𑀭𑀽𑀧𑀁 𑀦 𑀓𑀫𑁆𑀫𑀲𑁆𑀲 𑀓𑀢𑀢𑁆𑀢𑀸 𑁋 𑀇𑀫𑁂 𑀥𑀫𑁆𑀫𑀸 𑀲𑀺𑀬𑀸 𑀉𑀧𑁆𑀧𑀦𑁆𑀦𑀸, 𑀲𑀺𑀬𑀸 𑀅𑀦𑀼𑀧𑁆𑀧𑀦𑁆𑀦𑀸, 𑀦 𑀯𑀢𑁆𑀢𑀩𑁆𑀩𑀸 𑀉𑀧𑁆𑀧𑀸𑀤𑀺𑀦𑁄𑀢𑀺. 𑀦𑀺𑀩𑁆𑀩𑀸𑀦𑀁 𑀦 𑀯𑀢𑁆𑀢𑀩𑁆𑀩𑀁 𑀉𑀧𑁆𑀧𑀦𑁆𑀦𑀦𑁆𑀢𑀺𑀧𑀺, 𑀅𑀦𑀼𑀧𑁆𑀧𑀦𑁆𑀦𑀦𑁆𑀢𑀺𑀧𑀺, 𑀉𑀧𑁆𑀧𑀸𑀤𑀺𑀦𑁄𑀢𑀺𑀧𑀺.

𑁧𑁪𑁩𑁧. 𑀦𑀺𑀩𑁆𑀩𑀸𑀦𑀁 𑀞𑀧𑁂𑀢𑁆𑀯𑀸 𑀲𑀩𑁆𑀩𑁂 𑀥𑀫𑁆𑀫𑀸 𑀲𑀺𑀬𑀸 𑀅𑀢𑀻𑀢𑀸, 𑀲𑀺𑀬𑀸 𑀅𑀦𑀸𑀕𑀢𑀸, 𑀲𑀺𑀬𑀸 𑀧𑀘𑁆𑀘𑀼𑀧𑁆𑀧𑀦𑁆𑀦𑀸. 𑀦𑀺𑀩𑁆𑀩𑀸𑀦𑀁 𑀦 𑀯𑀢𑁆𑀢𑀩𑁆𑀩𑀁 𑀅𑀢𑀻𑀢𑀦𑁆𑀢𑀺𑀧𑀺, 𑀅𑀦𑀸𑀕𑀢𑀦𑁆𑀢𑀺𑀧𑀺, 𑀧𑀘𑁆𑀘𑀼𑀧𑁆𑀧𑀦𑁆𑀦𑀦𑁆𑀢𑀺𑀧𑀺.

𑁧𑁪𑁩𑁨. 𑀓𑀢𑀫𑁂 𑀥𑀫𑁆𑀫𑀸 𑀅𑀢𑀻𑀢𑀸𑀭𑀫𑁆𑀫𑀡𑀸? 𑀯𑀺𑀜𑁆𑀜𑀸𑀡𑀜𑁆𑀘𑀸𑀬𑀢𑀦𑀁, 𑀦𑁂𑀯𑀲𑀜𑁆𑀜𑀸𑀦𑀸𑀲𑀜𑁆𑀜𑀸𑀬𑀢𑀦𑀁 𑁋 𑀇𑀫𑁂 𑀥𑀫𑁆𑀫𑀸 𑀅𑀢𑀻𑀢𑀸𑀭𑀫𑁆𑀫𑀡𑀸.

𑁧𑁪𑁩𑁩. 𑀦𑀺𑀬𑁄𑀕𑀸 𑀅𑀦𑀸𑀕𑀢𑀸𑀭𑀫𑁆𑀫𑀡𑀸 𑀦𑀢𑁆𑀣𑀺.

𑁧𑁪𑁩𑁪. 𑀓𑀢𑀫𑁂 𑀥𑀫𑁆𑀫𑀸 𑀧𑀘𑁆𑀘𑀼𑀧𑁆𑀧𑀦𑁆𑀦𑀸𑀭𑀫𑁆𑀫𑀡𑀸? 𑀤𑁆𑀯𑁂𑀧𑀜𑁆𑀘𑀯𑀺𑀜𑁆𑀜𑀸𑀡𑀸𑀦𑀺, 𑀢𑀺𑀲𑁆𑀲𑁄 𑀘 𑀫𑀦𑁄𑀥𑀸𑀢𑀼𑀬𑁄 𑁋 𑀇𑀫𑁂 𑀥𑀫𑁆𑀫𑀸 𑀧𑀘𑁆𑀘𑀼𑀧𑁆𑀧𑀦𑁆𑀦𑀸𑀭𑀫𑁆𑀫𑀡𑀸. 𑀓𑀸𑀫𑀸𑀯𑀘𑀭𑀓𑀼𑀲𑀮𑀲𑁆𑀲 𑀯𑀺𑀧𑀸𑀓𑀢𑁄 𑀤𑀲 𑀘𑀺𑀢𑁆𑀢𑀼𑀧𑁆𑀧𑀸𑀤𑀸, 𑀅𑀓𑀼𑀲𑀮𑀲𑁆𑀲 𑀯𑀺𑀧𑀸𑀓𑀢𑁄 𑀫𑀦𑁄𑀯𑀺𑀜𑁆𑀜𑀸𑀡𑀥𑀸𑀢𑀼 𑀉𑀧𑁂𑀓𑁆𑀔𑀸𑀲𑀳𑀕𑀢𑀸, 𑀓𑀺𑀭𑀺𑀬𑀸𑀳𑁂𑀢𑀼𑀓𑀫𑀦𑁄𑀯𑀺𑀜𑁆𑀜𑀸𑀡𑀥𑀸𑀢𑀼 𑀲𑁄𑀫𑀦𑀲𑁆𑀲𑀲𑀳𑀕𑀢𑀸 𑁋 𑀇𑀫𑁂 𑀥𑀫𑁆𑀫𑀸 𑀲𑀺𑀬𑀸 𑀅𑀢𑀻𑀢𑀸𑀭𑀫𑁆𑀫𑀡𑀸, 𑀲𑀺𑀬𑀸 𑀅𑀦𑀸𑀕𑀢𑀸𑀭𑀫𑁆𑀫𑀡𑀸, 𑀲𑀺𑀬𑀸 𑀧𑀘𑁆𑀘𑀼𑀧𑁆𑀧𑀦𑁆𑀦𑀸𑀭𑀫𑁆𑀫𑀡𑀸. 𑀓𑀸𑀫𑀸𑀯𑀘𑀭𑀓𑀼𑀲𑀮𑀁, 𑀅𑀓𑀼𑀲𑀮𑀁, 𑀓𑀺𑀭𑀺𑀬𑀢𑁄 𑀦𑀯 𑀘𑀺𑀢𑁆𑀢𑀼𑀧𑁆𑀧𑀸𑀤𑀸, 𑀭𑀽𑀧𑀸𑀯𑀘𑀭𑀁 𑀘𑀢𑀼𑀢𑁆𑀣𑀁 𑀛𑀸𑀦𑀁 𑀓𑀼𑀲𑀮𑀢𑁄 𑀘 𑀓𑀺𑀭𑀺𑀬𑀢𑁄 𑀘 𑁋 𑀇𑀫𑁂 𑀥𑀫𑁆𑀫𑀸 𑀲𑀺𑀬𑀸 𑀅𑀢𑀻𑀢𑀸𑀭𑀫𑁆𑀫𑀡𑀸, 𑀲𑀺𑀬𑀸 𑀅𑀦𑀸𑀕𑀢𑀸𑀭𑀫𑁆𑀫𑀡𑀸, 𑀲𑀺𑀬𑀸 𑀧𑀘𑁆𑀘𑀼𑀧𑁆𑀧𑀦𑁆𑀦𑀸𑀭𑀫𑁆𑀫𑀡𑀸; 𑀲𑀺𑀬𑀸 𑀦 𑀯𑀢𑁆𑀢𑀩𑁆𑀩𑀸 𑀅𑀢𑀻𑀢𑀸𑀭𑀫𑁆𑀫𑀡𑀸𑀢𑀺𑀧𑀺, 𑀅𑀦𑀸𑀕𑀢𑀸𑀭𑀫𑁆𑀫𑀡𑀸𑀢𑀺𑀧𑀺, 𑀧𑀘𑁆𑀘𑀼𑀧𑁆𑀧𑀦𑁆𑀦𑀸𑀭𑀫𑁆𑀫𑀡𑀸𑀢𑀺𑀧𑀺. 𑀭𑀽𑀧𑀸𑀯𑀘𑀭𑀢𑀺𑀓𑀘𑀢𑀼𑀓𑁆𑀓𑀚𑁆𑀛𑀸𑀦𑀸 𑀓𑀼𑀲𑀮𑀢𑁄 𑀘 𑀯𑀺𑀧𑀸𑀓𑀢𑁄 𑀘 𑀓𑀺𑀭𑀺𑀬𑀢𑁄 𑀘, 𑀘𑀢𑀼𑀢𑁆𑀣𑀲𑁆𑀲 𑀛𑀸𑀦𑀲𑁆𑀲 𑀯𑀺𑀧𑀸𑀓𑁄, 𑀆𑀓𑀸𑀲𑀸𑀦𑀜𑁆𑀘𑀸𑀬𑀢𑀦𑀁, 𑀆𑀓𑀺𑀜𑁆𑀘𑀜𑁆𑀜𑀸𑀬𑀢𑀦𑀁, 𑀘𑀢𑁆𑀢𑀸𑀭𑁄 𑀫𑀕𑁆𑀕𑀸 𑀅𑀧𑀭𑀺𑀬𑀸𑀧𑀦𑁆𑀦𑀸, 𑀘𑀢𑁆𑀢𑀸𑀭𑀺 𑀘 𑀲𑀸𑀫𑀜𑁆𑀜𑀨𑀮𑀸𑀦𑀺 𑁋 𑀇𑀫𑁂 𑀥𑀫𑁆𑀫𑀸 𑀦 𑀯𑀢𑁆𑀢𑀩𑁆𑀩𑀸 𑀅𑀢𑀻𑀢𑀸𑀭𑀫𑁆𑀫𑀡𑀸𑀢𑀺𑀧𑀺, 𑀅𑀦𑀸𑀕𑀢𑀸𑀭𑀫𑁆𑀫𑀡𑀸𑀢𑀺𑀧𑀺, 𑀧𑀘𑁆𑀘𑀼𑀧𑁆𑀧𑀦𑁆𑀦𑀸𑀭𑀫𑁆𑀫𑀡𑀸𑀢𑀺𑀧𑀺. 𑀭𑀽𑀧𑀜𑁆𑀘 𑀦𑀺𑀩𑁆𑀩𑀸𑀦𑀜𑁆𑀘 𑀅𑀦𑀸𑀭𑀫𑁆𑀫𑀡𑀸.

𑁧𑁪𑁩𑁫. 𑀅𑀦𑀺𑀦𑁆𑀤𑁆𑀭𑀺𑀬𑀩𑀤𑁆𑀥𑀭𑀽𑀧𑀜𑁆𑀘 𑀦𑀺𑀩𑁆𑀩𑀸𑀦𑀜𑁆𑀘 𑀞𑀧𑁂𑀢𑁆𑀯𑀸, 𑀲𑀩𑁆𑀩𑁂 𑀥𑀫𑁆𑀫𑀸 𑀲𑀺𑀬𑀸 𑀅𑀚𑁆𑀛𑀢𑁆𑀢𑀸, 𑀲𑀺𑀬𑀸 𑀩𑀳𑀺𑀤𑁆𑀥𑀸, 𑀲𑀺𑀬𑀸 𑀅𑀚𑁆𑀛𑀢𑁆𑀢𑀩𑀳𑀺𑀤𑁆𑀥𑀸. 𑀅𑀦𑀺𑀦𑁆𑀤𑁆𑀭𑀺𑀬𑀩𑀤𑁆𑀥𑀭𑀽𑀧𑀜𑁆𑀘 𑀦𑀺𑀩𑁆𑀩𑀸𑀦𑀜𑁆𑀘 𑀩𑀳𑀺𑀤𑁆𑀥𑀸.

𑁧𑁪𑁩𑁬. 𑀓𑀢𑀫𑁂 𑀥𑀫𑁆𑀫𑀸 𑀅𑀚𑁆𑀛𑀢𑁆𑀢𑀸𑀭𑀫𑁆𑀫𑀡𑀸? 𑀯𑀺𑀜𑁆𑀜𑀸𑀡𑀜𑁆𑀘𑀸𑀬𑀢𑀦𑀁, 𑀦𑁂𑀯𑀲𑀜𑁆𑀜𑀸𑀦𑀸𑀲𑀜𑁆𑀜𑀸𑀬𑀢𑀦𑀁 𑁋 𑀇𑀫𑁂 𑀥𑀫𑁆𑀫𑀸 𑀅𑀚𑁆𑀛𑀢𑁆𑀢𑀸𑀭𑀫𑁆𑀫𑀡𑀸.

𑁧𑁪𑁩𑁭. 𑀓𑀢𑀫𑁂 𑀥𑀫𑁆𑀫𑀸 𑀩𑀳𑀺𑀤𑁆𑀥𑀸𑀭𑀫𑁆𑀫𑀡𑀸? 𑀭𑀽𑀧𑀸𑀯𑀘𑀭𑀢𑀺𑀓𑀘𑀢𑀼𑀓𑁆𑀓𑀚𑁆𑀛𑀸𑀦𑀸 𑀓𑀼𑀲𑀮𑀢𑁄 𑀘 𑀯𑀺𑀧𑀸𑀓𑀢𑁄 𑀘 𑀓𑀺𑀭𑀺𑀬𑀢𑁄 𑀘, 𑀘𑀢𑀼𑀢𑁆𑀣𑀲𑁆𑀲 𑀛𑀸𑀦𑀲𑁆𑀲 𑀯𑀺𑀧𑀸𑀓𑁄, 𑀆𑀓𑀸𑀲𑀸𑀦𑀜𑁆𑀘𑀸𑀬𑀢𑀦𑀁, 𑀘𑀢𑁆𑀢𑀸𑀭𑁄 𑀫𑀕𑁆𑀕𑀸 𑀅𑀧𑀭𑀺𑀬𑀸𑀧𑀦𑁆𑀦𑀸 𑀘𑀢𑁆𑀢𑀸𑀭𑀺 𑀘 𑀲𑀸𑀫𑀜𑁆𑀜𑀨𑀮𑀸𑀦𑀺 𑁋 𑀇𑀫𑁂 𑀥𑀫𑁆𑀫𑀸 𑀩𑀳𑀺𑀤𑁆𑀥𑀸𑀭𑀫𑁆𑀫𑀡𑀸. 𑀭𑀽𑀧𑀁 𑀞𑀧𑁂𑀢𑁆𑀯𑀸, 𑀲𑀩𑁆𑀩𑁂𑀯 𑀓𑀸𑀫𑀸𑀯𑀘𑀭𑀸 𑀓𑀼𑀲𑀮𑀸𑀓𑀼𑀲𑀮𑀸𑀩𑁆𑀬𑀸𑀓𑀢𑀸 𑀥𑀫𑁆𑀫𑀸, 𑀭𑀽𑀧𑀸𑀯𑀘𑀭𑀁 𑀘𑀢𑀼𑀢𑁆𑀣𑀁 𑀛𑀸𑀦𑀁 𑀓𑀼𑀲𑀮𑀢𑁄 𑀘 𑀓𑀺𑀭𑀺𑀬𑀢𑁄 𑀘 𑁋 𑀇𑀫𑁂 𑀥𑀫𑁆𑀫𑀸 𑀲𑀺𑀬𑀸 𑀅𑀚𑁆𑀛𑀢𑁆𑀢𑀸𑀭𑀫𑁆𑀫𑀡𑀸, 𑀲𑀺𑀬𑀸 𑀩𑀳𑀺𑀤𑁆𑀥𑀸𑀭𑀫𑁆𑀫𑀡𑀸, 𑀲𑀺𑀬𑀸 𑀅𑀚𑁆𑀛𑀢𑁆𑀢𑀩𑀳𑀺𑀤𑁆𑀥𑀸𑀭𑀫𑁆𑀫𑀡𑀸. 𑀆𑀓𑀺𑀜𑁆𑀘𑀜𑁆𑀜𑀸𑀬𑀢𑀦𑀁 𑀦 𑀯𑀢𑁆𑀢𑀩𑁆𑀩𑀁 𑀅𑀚𑁆𑀛𑀢𑁆𑀢𑀸𑀭𑀫𑁆𑀫𑀡𑀦𑁆𑀢𑀺𑀧𑀺, 𑀩𑀳𑀺𑀤𑁆𑀥𑀸𑀭𑀫𑁆𑀫𑀡𑀦𑁆𑀢𑀺𑀧𑀺, 𑀅𑀚𑁆𑀛𑀢𑁆𑀢𑀩𑀳𑀺𑀤𑁆𑀥𑀸𑀭𑀫𑁆𑀫𑀡𑀦𑁆𑀢𑀺𑀧𑀺. 𑀭𑀽𑀧𑀜𑁆𑀘 𑀦𑀺𑀩𑁆𑀩𑀸𑀦𑀜𑁆𑀘 𑀅𑀦𑀸𑀭𑀫𑁆𑀫𑀡𑀸.

𑁧𑁪𑁩𑁮. 𑀓𑀢𑀫𑁂 𑀥𑀫𑁆𑀫𑀸 𑀲𑀦𑀺𑀤𑀲𑁆𑀲𑀦𑀲𑀧𑁆𑀧𑀝𑀺𑀖𑀸? 𑀭𑀽𑀧𑀸𑀬𑀢𑀦𑀁 𑁋 𑀇𑀫𑁂 𑀥𑀫𑁆𑀫𑀸 𑀲𑀦𑀺𑀤𑀲𑁆𑀲𑀦𑀲𑀧𑁆𑀧𑀝𑀺𑀖𑀸.

𑁧𑁪𑁩𑁯. 𑀓𑀢𑀫𑁂 𑀥𑀫𑁆𑀫𑀸 𑀅𑀦𑀺𑀤𑀲𑁆𑀲𑀦𑀲𑀧𑁆𑀧𑀝𑀺𑀖𑀸? 𑀘𑀓𑁆𑀔𑀸𑀬𑀢𑀦𑀁…𑀧𑁂… 𑀨𑁄𑀝𑁆𑀞𑀩𑁆𑀩𑀸𑀬𑀢𑀦𑀁 𑁋 𑀇𑀫𑁂 𑀥𑀫𑁆𑀫𑀸 𑀅𑀦𑀺𑀤𑀲𑁆𑀲𑀦𑀲𑀧𑁆𑀧𑀝𑀺𑀖𑀸.

𑁧𑁪𑁪𑁦. 𑀓𑀢𑀫𑁂 𑀥𑀫𑁆𑀫𑀸 𑀅𑀦𑀺𑀤𑀲𑁆𑀲𑀦𑀅𑀧𑁆𑀧𑀝𑀺𑀖𑀸? 𑀘𑀢𑀽𑀲𑀼 𑀪𑀽𑀫𑀻𑀲𑀼 𑀓𑀼𑀲𑀮𑀁, 𑀅𑀓𑀼𑀲𑀮𑀁, 𑀘𑀢𑀽𑀲𑀼 𑀪𑀽𑀫𑀻𑀲𑀼 𑀯𑀺𑀧𑀸𑀓𑁄, 𑀢𑀻𑀲𑀼 𑀪𑀽𑀫𑀻𑀲𑀼 𑀓𑀺𑀭𑀺𑀬𑀸𑀩𑁆𑀬𑀸𑀓𑀢𑀁, 𑀬𑀜𑁆𑀘 𑀭𑀽𑀧𑀁 𑀅𑀦𑀺𑀤𑀲𑁆𑀲𑀦𑀁 𑀅𑀧𑁆𑀧𑀝𑀺𑀖𑀁 𑀥𑀫𑁆𑀫𑀸𑀬𑀢𑀦𑀧𑀭𑀺𑀬𑀸𑀧𑀦𑁆𑀦𑀁, 𑀦𑀺𑀩𑁆𑀩𑀸𑀦𑀜𑁆𑀘 𑁋 𑀇𑀫𑁂 𑀥𑀫𑁆𑀫𑀸 𑀅𑀦𑀺𑀤𑀲𑁆𑀲𑀦𑀅𑀧𑁆𑀧𑀝𑀺𑀖𑀸.

𑀢𑀺𑀓𑀁.

𑀤𑀼𑀓𑀅𑀢𑁆𑀣𑀼𑀤𑁆𑀥𑀸𑀭𑁄

𑀳𑁂𑀢𑀼𑀕𑁄𑀘𑁆𑀙𑀓𑀁

𑁧𑁪𑁪𑁧. 𑀓𑀢𑀫𑁂 𑀥𑀫𑁆𑀫𑀸 𑀳𑁂𑀢𑀽? 𑀢𑀬𑁄 𑀓𑀼𑀲𑀮𑀳𑁂𑀢𑀽, 𑀢𑀬𑁄 𑀅𑀓𑀼𑀲𑀮𑀳𑁂𑀢𑀽, 𑀢𑀬𑁄 𑀅𑀩𑁆𑀬𑀸𑀓𑀢𑀳𑁂𑀢𑀽. 𑀅𑀮𑁄𑀪𑁄 𑀓𑀼𑀲𑀮𑀳𑁂𑀢𑀼, 𑀅𑀤𑁄𑀲𑁄 𑀓𑀼𑀲𑀮𑀳𑁂𑀢𑀼, 𑀘𑀢𑀽𑀲𑀼 𑀪𑀽𑀫𑀻𑀲𑀼 𑀓𑀼𑀲𑀮𑁂𑀲𑀼 𑀉𑀧𑁆𑀧𑀚𑁆𑀚𑀦𑁆𑀢𑀺. 𑀅𑀫𑁄𑀳𑁄 𑀓𑀼𑀲𑀮𑀳𑁂𑀢𑀼, 𑀓𑀸𑀫𑀸𑀯𑀘𑀭𑀓𑀼𑀲𑀮𑀢𑁄 𑀘𑀢𑁆𑀢𑀸𑀭𑁄 𑀜𑀸𑀡𑀯𑀺𑀧𑁆𑀧𑀬𑀼𑀢𑁆𑀢𑁂 𑀘𑀺𑀢𑁆𑀢𑀼𑀧𑁆𑀧𑀸𑀤𑁂 𑀞𑀧𑁂𑀢𑁆𑀯𑀸, 𑀘𑀢𑀽𑀲𑀼 𑀪𑀽𑀫𑀻𑀲𑀼 𑀓𑀼𑀲𑀮𑁂𑀲𑀼 𑀉𑀧𑁆𑀧𑀚𑁆𑀚𑀢𑀺.

𑀮𑁄𑀪𑁄 𑀅𑀝𑁆𑀞𑀲𑀼 𑀮𑁄𑀪𑀲𑀳𑀕𑀢𑁂𑀲𑀼 𑀘𑀺𑀢𑁆𑀢𑀼𑀧𑁆𑀧𑀸𑀤𑁂𑀲𑀼 𑀉𑀧𑁆𑀧𑀚𑁆𑀚𑀢𑀺. 𑀤𑁄𑀲𑁄 𑀤𑁆𑀯𑀻𑀲𑀼 𑀤𑁄𑀫𑀦𑀲𑁆𑀲𑀲𑀳𑀕𑀢𑁂𑀲𑀼 𑀘𑀺𑀢𑁆𑀢𑀼𑀧𑁆𑀧𑀸𑀤𑁂𑀲𑀼 𑀉𑀧𑁆𑀧𑀚𑁆𑀚𑀢𑀺. 𑀫𑁄𑀳𑁄 𑀲𑀩𑁆𑀩𑀸𑀓𑀼𑀲𑀮𑁂𑀲𑀼 𑀉𑀧𑁆𑀧𑀚𑁆𑀚𑀢𑀺.

𑀅𑀮𑁄𑀪𑁄 𑀯𑀺𑀧𑀸𑀓𑀳𑁂𑀢𑀼 𑀅𑀤𑁄𑀲𑁄 𑀯𑀺𑀧𑀸𑀓𑀳𑁂𑀢𑀼, 𑀓𑀸𑀫𑀸𑀯𑀘𑀭𑀲𑁆𑀲 𑀯𑀺𑀧𑀸𑀓𑀢𑁄 𑀅𑀳𑁂𑀢𑀼𑀓𑁂 𑀘𑀺𑀢𑁆𑀢𑀼𑀧𑁆𑀧𑀸𑀤𑁂 𑀞𑀧𑁂𑀢𑁆𑀯𑀸, 𑀘𑀢𑀽𑀲𑀼 𑀪𑀽𑀫𑀻𑀲𑀼 𑀯𑀺𑀧𑀸𑀓𑁂𑀲𑀼 𑀉𑀧𑁆𑀧𑀚𑁆𑀚𑀦𑁆𑀢𑀺. 𑀅𑀫𑁄𑀳𑁄 𑀯𑀺𑀧𑀸𑀓𑀳𑁂𑀢𑀼, 𑀓𑀸𑀫𑀸𑀯𑀘𑀭𑀲𑁆𑀲 𑀯𑀺𑀧𑀸𑀓𑀢𑁄 𑀅𑀳𑁂𑀢𑀼𑀓𑁂 𑀘𑀺𑀢𑁆𑀢𑀼𑀧𑁆𑀧𑀸𑀤𑁂 𑀞𑀧𑁂𑀢𑁆𑀯𑀸, 𑀘𑀢𑁆𑀢𑀸𑀭𑁄 𑀜𑀸𑀡𑀯𑀺𑀧𑁆𑀧𑀬𑀼𑀢𑁆𑀢𑁂 𑀘𑀺𑀢𑁆𑀢𑀼𑀧𑁆𑀧𑀸𑀤𑁂 𑀞𑀧𑁂𑀢𑁆𑀯𑀸, 𑀘𑀢𑀽𑀲𑀼 𑀪𑀽𑀫𑀻𑀲𑀼 𑀯𑀺𑀧𑀸𑀓𑁂𑀲𑀼 𑀉𑀧𑁆𑀧𑀚𑁆𑀚𑀢𑀺.

𑀅𑀮𑁄𑀪𑁄 𑀓𑀺𑀭𑀺𑀬𑀳𑁂𑀢𑀼 𑀅𑀤𑁄𑀲𑁄 𑀓𑀺𑀭𑀺𑀬𑀳𑁂𑀢𑀼, 𑀓𑀸𑀫𑀸𑀯𑀘𑀭𑀓𑀺𑀭𑀺𑀬𑀢𑁄 𑀅𑀳𑁂𑀢𑀼𑀓𑁂 𑀘𑀺𑀢𑁆𑀢𑀼𑀧𑁆𑀧𑀸𑀤𑁂 𑀞𑀧𑁂𑀢𑁆𑀯𑀸, 𑀢𑀻𑀲𑀼 𑀪𑀽𑀫𑀻𑀲𑀼 𑀓𑀺𑀭𑀺𑀬𑁂𑀲𑀼 𑀉𑀧𑁆𑀧𑀚𑁆𑀚𑀦𑁆𑀢𑀺. 𑀅𑀫𑁄𑀳𑁄 𑀓𑀺𑀭𑀺𑀬𑀳𑁂𑀢𑀼, 𑀓𑀸𑀫𑀸𑀯𑀘𑀭𑀓𑀺𑀭𑀺𑀬𑀢𑁄 𑀅𑀳𑁂𑀢𑀼𑀓𑁂 𑀘𑀺𑀢𑁆𑀢𑀼𑀧𑁆𑀧𑀸𑀤𑁂 𑀞𑀧𑁂𑀢𑁆𑀯𑀸, 𑀘𑀢𑁆𑀢𑀸𑀭𑁄 𑀜𑀸𑀡𑀯𑀺𑀧𑁆𑀧𑀬𑀼𑀢𑁆𑀢𑁂 𑀘𑀺𑀢𑁆𑀢𑀼𑀧𑁆𑀧𑀸𑀤𑁂 𑀞𑀧𑁂𑀢𑁆𑀯𑀸, 𑀢𑀻𑀲𑀼 𑀪𑀽𑀫𑀻𑀲𑀼 𑀓𑀺𑀭𑀺𑀬𑁂𑀲𑀼 𑀉𑀧𑁆𑀧𑀚𑁆𑀚𑀢𑀺 𑁋 𑀇𑀫𑁂 𑀥𑀫𑁆𑀫𑀸 𑀳𑁂𑀢𑀽.

𑁧𑁪𑁪𑁨. 𑀓𑀢𑀫𑁂 𑀥𑀫𑁆𑀫𑀸 𑀦 𑀳𑁂𑀢𑀽? 𑀞𑀧𑁂𑀢𑁆𑀯𑀸 𑀳𑁂𑀢𑀽, 𑀘𑀢𑀽𑀲𑀼 𑀪𑀽𑀫𑀻𑀲𑀼 𑀓𑀼𑀲𑀮𑀁, 𑀅𑀓𑀼𑀲𑀮𑀁, 𑀘𑀢𑀽𑀲𑀼 𑀪𑀽𑀫𑀻𑀲𑀼 𑀯𑀺𑀧𑀸𑀓𑁄, 𑀢𑀻𑀲𑀼 𑀪𑀽𑀫𑀻𑀲𑀼 𑀓𑀺𑀭𑀺𑀬𑀸𑀩𑁆𑀬𑀸𑀓𑀢𑀁, 𑀭𑀽𑀧𑀜𑁆𑀘, 𑀦𑀺𑀩𑁆𑀩𑀸𑀦𑀜𑁆𑀘 𑁋 𑀇𑀫𑁂 𑀥𑀫𑁆𑀫𑀸 𑀦 𑀳𑁂𑀢𑀽.

𑁧𑁪𑁪𑁩. 𑀓𑀢𑀫𑁂 𑀥𑀫𑁆𑀫𑀸 𑀲𑀳𑁂𑀢𑀼𑀓𑀸? 𑀯𑀺𑀘𑀺𑀓𑀺𑀘𑁆𑀙𑀸𑀲𑀳𑀕𑀢𑀁 𑀉𑀤𑁆𑀥𑀘𑁆𑀘𑀲𑀳𑀕𑀢𑀁 𑀫𑁄𑀳𑀁 𑀞𑀧𑁂𑀢𑁆𑀯𑀸 𑀅𑀯𑀲𑁂𑀲𑀁 𑀅𑀓𑀼𑀲𑀮𑀁, 𑀘𑀢𑀽𑀲𑀼 𑀪𑀽𑀫𑀻𑀲𑀼 𑀓𑀼𑀲𑀮𑀁, 𑀓𑀸𑀫𑀸𑀯𑀘𑀭𑀲𑁆𑀲 𑀯𑀺𑀧𑀸𑀓𑀢𑁄 𑀅𑀳𑁂𑀢𑀼𑀓𑁂 𑀘𑀺𑀢𑁆𑀢𑀼𑀧𑁆𑀧𑀸𑀤𑁂 𑀞𑀧𑁂𑀢𑁆𑀯𑀸 𑀘𑀢𑀽𑀲𑀼 𑀪𑀽𑀫𑀻𑀲𑀼 𑀯𑀺𑀧𑀸𑀓𑁄, 𑀓𑀸𑀫𑀸𑀯𑀘𑀭𑀓𑀺𑀭𑀺𑀬𑀢𑁄 𑀅𑀳𑁂𑀢𑀼𑀓𑁂 𑀘𑀺𑀢𑁆𑀢𑀼𑀧𑁆𑀧𑀸𑀤𑁂 𑀞𑀧𑁂𑀢𑁆𑀯𑀸 𑀢𑀻𑀲𑀼 𑀪𑀽𑀫𑀻𑀲𑀼 𑀓𑀺𑀭𑀺𑀬𑀸𑀩𑁆𑀬𑀸𑀓𑀢𑀁 𑁋 𑀇𑀫𑁂 𑀥𑀫𑁆𑀫𑀸 𑀲𑀳𑁂𑀢𑀼𑀓𑀸.

𑁧𑁪𑁪𑁪. 𑀓𑀢𑀫𑁂 𑀥𑀫𑁆𑀫𑀸 𑀅𑀳𑁂𑀢𑀼𑀓𑀸? 𑀯𑀺𑀘𑀺𑀓𑀺𑀘𑁆𑀙𑀸𑀲𑀳𑀕𑀢𑁄 𑀫𑁄𑀳𑁄, 𑀉𑀤𑁆𑀥𑀘𑁆𑀘𑀲𑀳𑀕𑀢𑁄 𑀫𑁄𑀳𑁄, 𑀤𑁆𑀯𑁂𑀧𑀜𑁆𑀘𑀯𑀺𑀜𑁆𑀜𑀸𑀡𑀸𑀦𑀺, 𑀢𑀺𑀲𑁆𑀲𑁄 𑀘 𑀫𑀦𑁄𑀥𑀸𑀢𑀼𑀬𑁄, 𑀧𑀜𑁆𑀘 𑀘 𑀅𑀳𑁂𑀢𑀼𑀓𑀫𑀦𑁄𑀯𑀺𑀜𑁆𑀜𑀸𑀡𑀥𑀸𑀢𑀼𑀬𑁄, 𑀭𑀽𑀧𑀜𑁆𑀘, 𑀦𑀺𑀩𑁆𑀩𑀸𑀦𑀜𑁆𑀘 𑁋 𑀇𑀫𑁂 𑀥𑀫𑁆𑀫𑀸 𑀅𑀳𑁂𑀢𑀼𑀓𑀸.

𑁧𑁪𑁪𑁫. 𑀓𑀢𑀫𑁂 𑀥𑀫𑁆𑀫𑀸 𑀳𑁂𑀢𑀼𑀲𑀫𑁆𑀧𑀬𑀼𑀢𑁆𑀢𑀸? 𑀯𑀺𑀘𑀺𑀓𑀺𑀘𑁆𑀙𑀸𑀲𑀳𑀕𑀢𑀁 𑀉𑀤𑁆𑀥𑀘𑁆𑀘𑀲𑀳𑀕𑀢𑀁 𑀫𑁄𑀳𑀁 𑀞𑀧𑁂𑀢𑁆𑀯𑀸 𑀅𑀯𑀲𑁂𑀲𑀁 𑀅𑀓𑀼𑀲𑀮𑀁, 𑀘𑀢𑀽𑀲𑀼 𑀪𑀽𑀫𑀻𑀲𑀼 𑀓𑀼𑀲𑀮𑀁, 𑀓𑀸𑀫𑀸𑀯𑀘𑀭𑀲𑁆𑀲 𑀯𑀺𑀧𑀸𑀓𑀢𑁄 𑀅𑀳𑁂𑀢𑀼𑀓𑁂 𑀘𑀺𑀢𑁆𑀢𑀼𑀧𑁆𑀧𑀸𑀤𑁂 𑀞𑀧𑁂𑀢𑁆𑀯𑀸 𑀘𑀢𑀽𑀲𑀼 𑀪𑀽𑀫𑀻𑀲𑀼 𑀯𑀺𑀧𑀸𑀓𑁄, 𑀓𑀸𑀫𑀸𑀯𑀘𑀭𑀓𑀺𑀭𑀺𑀬𑀢𑁄 𑀅𑀳𑁂𑀢𑀼𑀓𑁂 𑀘𑀺𑀢𑁆𑀢𑀼𑀧𑁆𑀧𑀸𑀤𑁂 𑀞𑀧𑁂𑀢𑁆𑀯𑀸 𑀢𑀻𑀲𑀼 𑀪𑀽𑀫𑀻𑀲𑀼 𑀓𑀺𑀭𑀺𑀬𑀸𑀩𑁆𑀬𑀸𑀓𑀢𑀁 𑁋 𑀇𑀫𑁂 𑀥𑀫𑁆𑀫𑀸 𑀳𑁂𑀢𑀼𑀲𑀫𑁆𑀧𑀬𑀼𑀢𑁆𑀢𑀸.

𑁧𑁪𑁪𑁬. 𑀓𑀢𑀫𑁂 𑀥𑀫𑁆𑀫𑀸 𑀳𑁂𑀢𑀼𑀯𑀺𑀧𑁆𑀧𑀬𑀼𑀢𑁆𑀢𑀸? 𑀯𑀺𑀘𑀺𑀓𑀺𑀘𑁆𑀙𑀸𑀲𑀳𑀕𑀢𑁄 𑀫𑁄𑀳𑁄, 𑀉𑀤𑁆𑀥𑀘𑁆𑀘𑀲𑀳𑀕𑀢𑁄 𑀫𑁄𑀳𑁄, 𑀤𑁆𑀯𑁂𑀧𑀜𑁆𑀘𑀯𑀺𑀜𑁆𑀜𑀸𑀡𑀸𑀦𑀺 𑀢𑀺𑀲𑁆𑀲𑁄 𑀘 𑀫𑀦𑁄𑀥𑀸𑀢𑀼𑀬𑁄 𑀧𑀜𑁆𑀘 𑀘 𑀅𑀳𑁂𑀢𑀼𑀓𑀫𑀦𑁄𑀯𑀺𑀜𑁆𑀜𑀸𑀡𑀥𑀸𑀢𑀼𑀬𑁄, 𑀭𑀽𑀧𑀜𑁆𑀘, 𑀦𑀺𑀩𑁆𑀩𑀸𑀦𑀜𑁆𑀘 𑁋 𑀇𑀫𑁂 𑀥𑀫𑁆𑀫𑀸 𑀳𑁂𑀢𑀼𑀯𑀺𑀧𑁆𑀧𑀬𑀼𑀢𑁆𑀢𑀸.

𑁧𑁪𑁪𑁭. 𑀓𑀢𑀫𑁂 𑀥𑀫𑁆𑀫𑀸 𑀳𑁂𑀢𑀽 𑀘𑁂𑀯 𑀲𑀳𑁂𑀢𑀼𑀓𑀸 𑀘? 𑀬𑀢𑁆𑀣 𑀤𑁆𑀯𑁂 𑀢𑀬𑁄 𑀳𑁂𑀢𑀽 𑀏𑀓𑀢𑁄 𑀉𑀧𑁆𑀧𑀚𑁆𑀚𑀦𑁆𑀢𑀺 𑁋 𑀇𑀫𑁂 𑀥𑀫𑁆𑀫𑀸 𑀳𑁂𑀢𑀽 𑀘𑁂𑀯 𑀲𑀳𑁂𑀢𑀼𑀓𑀸 𑀘.

𑁧𑁪𑁪𑁮. 𑀓𑀢𑀫𑁂 𑀥𑀫𑁆𑀫𑀸 𑀲𑀳𑁂𑀢𑀼𑀓𑀸 𑀘𑁂𑀯 𑀦 𑀘 𑀳𑁂𑀢𑀽? 𑀘𑀢𑀽𑀲𑀼 𑀪𑀽𑀫𑀻𑀲𑀼 𑀓𑀼𑀲𑀮𑀁, 𑀅𑀓𑀼𑀲𑀮𑀁, 𑀓𑀸𑀫𑀸𑀯𑀘𑀭𑀲𑁆𑀲 𑀯𑀺𑀧𑀸𑀓𑀢𑁄 𑀅𑀳𑁂𑀢𑀼𑀓𑁂 𑀘𑀺𑀢𑁆𑀢𑀼𑀧𑁆𑀧𑀸𑀤𑁂 𑀞𑀧𑁂𑀢𑁆𑀯𑀸 𑀘𑀢𑀽𑀲𑀼 𑀪𑀽𑀫𑀻𑀲𑀼 𑀯𑀺𑀧𑀸𑀓𑁄, 𑀓𑀸𑀫𑀸𑀯𑀘𑀭𑀓𑀺𑀭𑀺𑀬𑀢𑁄 𑀅𑀳𑁂𑀢𑀼𑀓𑁂 𑀘𑀺𑀢𑁆𑀢𑀼𑀧𑁆𑀧𑀸𑀤𑁂 𑀞𑀧𑁂𑀢𑁆𑀯𑀸 𑀢𑀻𑀲𑀼 𑀪𑀽𑀫𑀻𑀲𑀼 𑀓𑀺𑀭𑀺𑀬𑀸𑀩𑁆𑀬𑀸𑀓𑀢𑀁, 𑀏𑀢𑁆𑀣𑀼𑀧𑁆𑀧𑀦𑁆𑀦𑁂 𑀳𑁂𑀢𑀽 𑀞𑀧𑁂𑀢𑁆𑀯𑀸 𑁋 𑀇𑀫𑁂 𑀥𑀫𑁆𑀫𑀸 𑀲𑀳𑁂𑀢𑀼𑀓𑀸 𑀘𑁂𑀯 𑀦 𑀘 𑀳𑁂𑀢𑀽. 𑀅𑀳𑁂𑀢𑀼𑀓𑀸 𑀥𑀫𑁆𑀫𑀸 𑀦 𑀯𑀢𑁆𑀢𑀩𑁆𑀩𑀸 𑁋 𑀳𑁂𑀢𑀽 𑀘𑁂𑀯 𑀲𑀳𑁂𑀢𑀼𑀓𑀸 𑀘𑀸𑀢𑀺𑀧𑀺, 𑀲𑀳𑁂𑀢𑀼𑀓𑀸 𑀘𑁂𑀯 𑀦 𑀘 𑀳𑁂𑀢𑀽𑀢𑀺𑀧𑀺.

𑁧𑁪𑁪𑁯. 𑀓𑀢𑀫𑁂 𑀥𑀫𑁆𑀫𑀸 𑀳𑁂𑀢𑀽 𑀘𑁂𑀯 𑀳𑁂𑀢𑀼𑀲𑀫𑁆𑀧𑀬𑀼𑀢𑁆𑀢𑀸 𑀘? 𑀬𑀢𑁆𑀣 𑀤𑁆𑀯𑁂 𑀢𑀬𑁄 𑀳𑁂𑀢𑀽 𑀏𑀓𑀢𑁄 𑀉𑀧𑁆𑀧𑀚𑁆𑀚𑀦𑁆𑀢𑀺 𑁋 𑀇𑀫𑁂 𑀥𑀫𑁆𑀫𑀸 𑀳𑁂𑀢𑀽 𑀘𑁂𑀯 𑀳𑁂𑀢𑀼𑀲𑀫𑁆𑀧𑀬𑀼𑀢𑁆𑀢𑀸 𑀘.

𑁧𑁪𑁫𑁦. 𑀓𑀢𑀫𑁂 𑀥𑀫𑁆𑀫𑀸 𑀳𑁂𑀢𑀼𑀲𑀫𑁆𑀧𑀬𑀼𑀢𑁆𑀢𑀸 𑀘𑁂𑀯 𑀦 𑀘 𑀳𑁂𑀢𑀽? 𑀘𑀢𑀽𑀲𑀼 𑀪𑀽𑀫𑀻𑀲𑀼 𑀓𑀼𑀲𑀮𑀁, 𑀅𑀓𑀼𑀲𑀮𑀁, 𑀓𑀸𑀫𑀸𑀯𑀘𑀭𑀲𑁆𑀲 𑀯𑀺𑀧𑀸𑀓𑀢𑁄 𑀅𑀳𑁂𑀢𑀼𑀓𑁂 𑀘𑀺𑀢𑁆𑀢𑀼𑀧𑁆𑀧𑀸𑀤𑁂 𑀞𑀧𑁂𑀢𑁆𑀯𑀸 𑀘𑀢𑀽𑀲𑀼 𑀪𑀽𑀫𑀻𑀲𑀼 𑀯𑀺𑀧𑀸𑀓𑁄, 𑀓𑀸𑀫𑀸𑀯𑀘𑀭𑀓𑀺𑀭𑀺𑀬𑀢𑁄 𑀅𑀳𑁂𑀢𑀼𑀓𑁂 𑀘𑀺𑀢𑁆𑀢𑀼𑀧𑁆𑀧𑀸𑀤𑁂 𑀞𑀧𑁂𑀢𑁆𑀯𑀸 𑀢𑀻𑀲𑀼 𑀪𑀽𑀫𑀻𑀲𑀼 𑀓𑀺𑀭𑀺𑀬𑀸𑀩𑁆𑀬𑀸𑀓𑀢𑀁, 𑀏𑀢𑁆𑀣𑀼𑀧𑁆𑀧𑀦𑁆𑀦𑁂 𑀳𑁂𑀢𑀽 𑀞𑀧𑁂𑀢𑁆𑀯𑀸 𑁋 𑀇𑀫𑁂 𑀥𑀫𑁆𑀫𑀸 𑀳𑁂𑀢𑀼𑀲𑀫𑁆𑀧𑀬𑀼𑀢𑁆𑀢𑀸 𑀘𑁂𑀯 𑀦 𑀘 𑀳𑁂𑀢𑀽. 𑀳𑁂𑀢𑀼𑀯𑀺𑀧𑁆𑀧𑀬𑀼𑀢𑁆𑀢𑀸 𑀥𑀫𑁆𑀫𑀸 𑀦 𑀯𑀢𑁆𑀢𑀩𑁆𑀩𑀸 𑁋 𑀳𑁂𑀢𑀽 𑀘𑁂𑀯 𑀳𑁂𑀢𑀼𑀲𑀫𑁆𑀧𑀬𑀼𑀢𑁆𑀢𑀸 𑀘𑀸𑀢𑀺𑀧𑀺, 𑀳𑁂𑀢𑀼𑀲𑀫𑁆𑀧𑀬𑀼𑀢𑁆𑀢𑀸 𑀘𑁂𑀯 𑀦 𑀘 𑀳𑁂𑀢𑀽𑀢𑀺𑀧𑀺.

𑁧𑁪𑁫𑁧. 𑀓𑀢𑀫𑁂 𑀥𑀫𑁆𑀫𑀸 𑀦 𑀳𑁂𑀢𑀽 𑀲𑀳𑁂𑀢𑀼𑀓𑀸? 𑀘𑀢𑀽𑀲𑀼 𑀪𑀽𑀫𑀻𑀲𑀼 𑀓𑀼𑀲𑀮𑀁, 𑀅𑀓𑀼𑀲𑀮𑀁, 𑀓𑀸𑀫𑀸𑀯𑀘𑀭𑀲𑁆𑀲 𑀯𑀺𑀧𑀸𑀓𑀢𑁄 𑀅𑀳𑁂𑀢𑀼𑀓𑁂 𑀘𑀺𑀢𑁆𑀢𑀼𑀧𑁆𑀧𑀸𑀤𑁂 𑀞𑀧𑁂𑀢𑁆𑀯𑀸 𑀘𑀢𑀽𑀲𑀼 𑀪𑀽𑀫𑀻𑀲𑀼 𑀯𑀺𑀧𑀸𑀓𑁄, 𑀓𑀸𑀫𑀸𑀯𑀘𑀭𑀓𑀺𑀭𑀺𑀬𑀢𑁄 𑀅𑀳𑁂𑀢𑀼𑀓𑁂 𑀘𑀺𑀢𑁆𑀢𑀼𑀧𑁆𑀧𑀸𑀤𑁂 𑀞𑀧𑁂𑀢𑁆𑀯𑀸 𑀢𑀻𑀲𑀼 𑀪𑀽𑀫𑀻𑀲𑀼 𑀓𑀺𑀭𑀺𑀬𑀸𑀩𑁆𑀬𑀸𑀓𑀢𑀁, 𑀏𑀢𑁆𑀣𑀼𑀧𑁆𑀧𑀦𑁆𑀦𑁂 𑀳𑁂𑀢𑀽 𑀞𑀧𑁂𑀢𑁆𑀯𑀸 𑁋 𑀇𑀫𑁂 𑀥𑀫𑁆𑀫𑀸 𑀦 𑀳𑁂𑀢𑀽 𑀲𑀳𑁂𑀢𑀼𑀓𑀸.

𑁧𑁪𑁫𑁨. 𑀓𑀢𑀫𑁂 𑀥𑀫𑁆𑀫𑀸 𑀦 𑀳𑁂𑀢𑀽 𑀅𑀳𑁂𑀢𑀼𑀓𑀸? 𑀤𑁆𑀯𑁂𑀧𑀜𑁆𑀘𑀯𑀺𑀜𑁆𑀜𑀸𑀡𑀸𑀦𑀺, 𑀢𑀺𑀲𑁆𑀲𑁄 𑀘 𑀫𑀦𑁄𑀥𑀸𑀢𑀼𑀬𑁄, 𑀧𑀜𑁆𑀘 𑀘 𑀅𑀳𑁂𑀢𑀼𑀓𑀫𑀦𑁄𑀯𑀺𑀜𑁆𑀜𑀸𑀡𑀥𑀸𑀢𑀼𑀬𑁄, 𑀭𑀽𑀧𑀜𑁆𑀘, 𑀦𑀺𑀩𑁆𑀩𑀸𑀦𑀜𑁆𑀘 𑁋 𑀇𑀫𑁂 𑀥𑀫𑁆𑀫𑀸 𑀦 𑀳𑁂𑀢𑀽 𑀅𑀳𑁂𑀢𑀼𑀓𑀸. 𑀳𑁂𑀢𑀽 𑀥𑀫𑁆𑀫𑀸 𑀦 𑀯𑀢𑁆𑀢𑀩𑁆𑀩𑀸 𑁋 𑀦 𑀳𑁂𑀢𑀽 𑀲𑀳𑁂𑀢𑀼𑀓𑀸𑀢𑀺𑀧𑀺, 𑀦 𑀳𑁂𑀢𑀽 𑀅𑀳𑁂𑀢𑀼𑀓𑀸𑀢𑀺𑀧𑀺.

𑀘𑀽𑀴𑀦𑁆𑀢𑀭𑀤𑀼𑀓𑀁

𑁧𑁪𑁫𑁩. 𑀓𑀢𑀫𑁂 𑀥𑀫𑁆𑀫𑀸 𑀲𑀧𑁆𑀧𑀘𑁆𑀘𑀬𑀸? 𑀘𑀢𑀽𑀲𑀼 𑀪𑀽𑀫𑀻𑀲𑀼 𑀓𑀼𑀲𑀮𑀁, 𑀅𑀓𑀼𑀲𑀮𑀁, 𑀘𑀢𑀽𑀲𑀼 𑀪𑀽𑀫𑀻𑀲𑀼 𑀯𑀺𑀧𑀸𑀓𑁄, 𑀢𑀻𑀲𑀼 𑀪𑀽𑀫𑀻𑀲𑀼 𑀓𑀺𑀭𑀺𑀬𑀸𑀩𑁆𑀬𑀸𑀓𑀢𑀁, 𑀲𑀩𑁆𑀩𑀜𑁆𑀘 𑀭𑀽𑀧𑀁 𑁋 𑀇𑀫𑁂 𑀥𑀫𑁆𑀫𑀸 𑀲𑀧𑁆𑀧𑀘𑁆𑀘𑀬𑀸.

𑁧𑁪𑁫𑁪. 𑀓𑀢𑀫𑁂 𑀥𑀫𑁆𑀫𑀸 𑀅𑀧𑁆𑀧𑀘𑁆𑀘𑀬𑀸? 𑀦𑀺𑀩𑁆𑀩𑀸𑀦𑀁 𑁋 𑀇𑀫𑁂 𑀥𑀫𑁆𑀫𑀸 𑀅𑀧𑁆𑀧𑀘𑁆𑀘𑀬𑀸.

𑁧𑁪𑁫𑁫. 𑀓𑀢𑀫𑁂 𑀥𑀫𑁆𑀫𑀸 𑀲𑀗𑁆𑀔𑀢𑀸? 𑀘𑀢𑀽𑀲𑀼 𑀪𑀽𑀫𑀻𑀲𑀼 𑀓𑀼𑀲𑀮𑀁, 𑀅𑀓𑀼𑀲𑀮𑀁, 𑀘𑀢𑀽𑀲𑀼 𑀪𑀽𑀫𑀻𑀲𑀼 𑀯𑀺𑀧𑀸𑀓𑁄, 𑀢𑀻𑀲𑀼 𑀪𑀽𑀫𑀻𑀲𑀼 𑀓𑀺𑀭𑀺𑀬𑀸𑀩𑁆𑀬𑀸𑀓𑀢𑀁, 𑀲𑀩𑁆𑀩𑀜𑁆𑀘 𑀭𑀽𑀧𑀁 𑁋 𑀇𑀫𑁂 𑀥𑀫𑁆𑀫𑀸 𑀲𑀗𑁆𑀔𑀢𑀸.

𑁧𑁪𑁫𑁬. 𑀓𑀢𑀫𑁂 𑀥𑀫𑁆𑀫𑀸 𑀅𑀲𑀗𑁆𑀔𑀢𑀸? 𑀦𑀺𑀩𑁆𑀩𑀸𑀦𑀁 𑁋 𑀇𑀫𑁂 𑀥𑀫𑁆𑀫𑀸 𑀅𑀲𑀗𑁆𑀔𑀢𑀸.

𑁧𑁪𑁫𑁭. 𑀓𑀢𑀫𑁂 𑀥𑀫𑁆𑀫𑀸 𑀲𑀦𑀺𑀤𑀲𑁆𑀲𑀦𑀸? 𑀭𑀽𑀧𑀸𑀬𑀢𑀦𑀁 𑁋 𑀇𑀫𑁂 𑀥𑀫𑁆𑀫𑀸 𑀲𑀦𑀺𑀤𑀲𑁆𑀲𑀦𑀸.

𑁧𑁪𑁫𑁮. 𑀓𑀢𑀫𑁂 𑀥𑀫𑁆𑀫𑀸 𑀅𑀦𑀺𑀤𑀲𑁆𑀲𑀦𑀸? 𑀘𑀓𑁆𑀔𑀸𑀬𑀢𑀦𑀁 …𑀧𑁂… 𑀨𑁄𑀝𑁆𑀞𑀩𑁆𑀩𑀸𑀬𑀢𑀦𑀁, 𑀘𑀢𑀽𑀲𑀼 𑀪𑀽𑀫𑀻𑀲𑀼 𑀓𑀼𑀲𑀮𑀁, 𑀅𑀓𑀼𑀲𑀮𑀁, 𑀘𑀢𑀽𑀲𑀼 𑀪𑀽𑀫𑀻𑀲𑀼 𑀯𑀺𑀧𑀸𑀓𑁄, 𑀢𑀻𑀲𑀼 𑀪𑀽𑀫𑀻𑀲𑀼 𑀓𑀺𑀭𑀺𑀬𑀸𑀩𑁆𑀬𑀸𑀓𑀢𑀁, 𑀬𑀜𑁆𑀘 𑀭𑀽𑀧𑀁 𑀅𑀦𑀺𑀤𑀲𑁆𑀲𑀦𑀁 𑀅𑀧𑁆𑀧𑀝𑀺𑀖𑀁 𑀥𑀫𑁆𑀫𑀸𑀬𑀢𑀦𑀧𑀭𑀺𑀬𑀸𑀧𑀦𑁆𑀦𑀁, 𑀦𑀺𑀩𑁆𑀩𑀸𑀦𑀜𑁆𑀘 𑁋 𑀇𑀫𑁂 𑀥𑀫𑁆𑀫𑀸 𑀅𑀦𑀺𑀤𑀲𑁆𑀲𑀦𑀸.

𑁧𑁪𑁫𑁯. 𑀓𑀢𑀫𑁂 𑀥𑀫𑁆𑀫𑀸 𑀲𑀧𑁆𑀧𑀝𑀺𑀖𑀸? 𑀘𑀓𑁆𑀔𑀸𑀬𑀢𑀦𑀁…𑀧𑁂… 𑀨𑁄𑀝𑁆𑀞𑀩𑁆𑀩𑀸𑀬𑀢𑀦𑀁 𑁋 𑀇𑀫𑁂 𑀥𑀫𑁆𑀫𑀸 𑀲𑀧𑁆𑀧𑀝𑀺𑀖𑀸.

𑁧𑁪𑁬𑁦. 𑀓𑀢𑀫𑁂 𑀥𑀫𑁆𑀫𑀸 𑀅𑀧𑁆𑀧𑀝𑀺𑀖𑀸? 𑀘𑀢𑀽𑀲𑀼 𑀪𑀽𑀫𑀻𑀲𑀼 𑀓𑀼𑀲𑀮𑀁, 𑀅𑀓𑀼𑀲𑀮𑀁, 𑀘𑀢𑀽𑀲𑀼 𑀪𑀽𑀫𑀻𑀲𑀼 𑀯𑀺𑀧𑀸𑀓𑁄, 𑀢𑀻𑀲𑀼 𑀪𑀽𑀫𑀻𑀲𑀼 𑀓𑀺𑀭𑀺𑀬𑀸𑀩𑁆𑀬𑀸𑀓𑀢𑀁, 𑀬𑀜𑁆𑀘 𑀭𑀽𑀧𑀁 𑀅𑀦𑀺𑀤𑀲𑁆𑀲𑀦𑀁 𑀅𑀧𑁆𑀧𑀝𑀺𑀖𑀁 𑀥𑀫𑁆𑀫𑀸𑀬𑀢𑀦𑀧𑀭𑀺𑀬𑀸𑀧𑀦𑁆𑀦𑀁, 𑀦𑀺𑀩𑁆𑀩𑀸𑀦𑀜𑁆𑀘 𑁋 𑀇𑀫𑁂 𑀥𑀫𑁆𑀫𑀸 𑀅𑀧𑁆𑀧𑀝𑀺𑀖𑀸.

𑁧𑁪𑁬𑁧. 𑀓𑀢𑀫𑁂 𑀥𑀫𑁆𑀫𑀸 𑀭𑀽𑀧𑀺𑀦𑁄? 𑀘𑀢𑁆𑀢𑀸𑀭𑁄 𑀘 𑀫𑀳𑀸𑀪𑀽𑀢𑀸, 𑀘𑀢𑀼𑀦𑁆𑀦𑀜𑁆𑀘 𑀫𑀳𑀸𑀪𑀽𑀢𑀸𑀦𑀁 𑀉𑀧𑀸𑀤𑀸𑀬 𑀭𑀽𑀧𑀁 𑁋 𑀇𑀫𑁂 𑀥𑀫𑁆𑀫𑀸 𑀭𑀽𑀧𑀺𑀦𑁄.

𑁧𑁪𑁬𑁨. 𑀓𑀢𑀫𑁂 𑀥𑀫𑁆𑀫𑀸 𑀅𑀭𑀽𑀧𑀺𑀦𑁄? 𑀘𑀢𑀽𑀲𑀼 𑀪𑀽𑀫𑀻𑀲𑀼 𑀓𑀼𑀲𑀮𑀁, 𑀅𑀓𑀼𑀲𑀮𑀁, 𑀘𑀢𑀽𑀲𑀼 𑀪𑀽𑀫𑀻𑀲𑀼 𑀯𑀺𑀧𑀸𑀓𑁄, 𑀢𑀻𑀲𑀼 𑀪𑀽𑀫𑀻𑀲𑀼 𑀓𑀺𑀭𑀺𑀬𑀸𑀩𑁆𑀬𑀸𑀓𑀢𑀁, 𑀦𑀺𑀩𑁆𑀩𑀸𑀦𑀜𑁆𑀘 𑁋 𑀇𑀫𑁂 𑀥𑀫𑁆𑀫𑀸 𑀅𑀭𑀽𑀧𑀺𑀦𑁄.

𑁧𑁪𑁬𑁩. 𑀓𑀢𑀫𑁂 𑀥𑀫𑁆𑀫𑀸 𑀮𑁄𑀓𑀺𑀬𑀸? 𑀢𑀻𑀲𑀼 𑀪𑀽𑀫𑀻𑀲𑀼 𑀓𑀼𑀲𑀮𑀁, 𑀅𑀓𑀼𑀲𑀮𑀁, 𑀢𑀻𑀲𑀼 𑀪𑀽𑀫𑀻𑀲𑀼 𑀯𑀺𑀧𑀸𑀓𑁄, 𑀢𑀻𑀲𑀼 𑀪𑀽𑀫𑀻𑀲𑀼 𑀓𑀺𑀭𑀺𑀬𑀸𑀩𑁆𑀬𑀸𑀓𑀢𑀁, 𑀲𑀩𑁆𑀩𑀜𑁆𑀘 𑀭𑀽𑀧𑀁 𑁋 𑀇𑀫𑁂 𑀥𑀫𑁆𑀫𑀸 𑀮𑁄𑀓𑀺𑀬𑀸.

𑁧𑁪𑁬𑁪. 𑀓𑀢𑀫𑁂 𑀥𑀫𑁆𑀫𑀸 𑀮𑁄𑀓𑀼𑀢𑁆𑀢𑀭𑀸? 𑀘𑀢𑁆𑀢𑀸𑀭𑁄 𑀫𑀕𑁆𑀕𑀸 𑀅𑀧𑀭𑀺𑀬𑀸𑀧𑀦𑁆𑀦𑀸, 𑀘𑀢𑁆𑀢𑀸𑀭𑀺 𑀘 𑀲𑀸𑀫𑀜𑁆𑀜𑀨𑀮𑀸𑀦𑀺, 𑀦𑀺𑀩𑁆𑀩𑀸𑀦𑀜𑁆𑀘 𑁋 𑀇𑀫𑁂 𑀥𑀫𑁆𑀫𑀸 𑀮𑁄𑀓𑀼𑀢𑁆𑀢𑀭𑀸. 𑀲𑀩𑁆𑀩𑁂 [𑀲𑀩𑁆𑀩𑁂𑀯 (𑀲𑁆𑀬𑀸.)] 𑀥𑀫𑁆𑀫𑀸 𑀓𑁂𑀦𑀘𑀺 𑀯𑀺𑀜𑁆𑀜𑁂𑀬𑁆𑀬𑀸, 𑀓𑁂𑀦𑀘𑀺 𑀦 𑀯𑀺𑀜𑁆𑀜𑁂𑀬𑁆𑀬𑀸.

𑀆𑀲𑀯𑀕𑁄𑀘𑁆𑀙𑀓𑀁

𑁧𑁪𑁬𑁫. 𑀓𑀢𑀫𑁂 𑀥𑀫𑁆𑀫𑀸 𑀆𑀲𑀯𑀸? 𑀘𑀢𑁆𑀢𑀸𑀭𑁄 𑀆𑀲𑀯𑀸 𑁋 𑀓𑀸𑀫𑀸𑀲𑀯𑁄, 𑀪𑀯𑀸𑀲𑀯𑁄, 𑀤𑀺𑀝𑁆𑀞𑀸𑀲𑀯𑁄, 𑀅𑀯𑀺𑀚𑁆𑀚𑀸𑀲𑀯𑁄. 𑀓𑀸𑀫𑀸𑀲𑀯𑁄 𑀅𑀝𑁆𑀞𑀲𑀼 𑀮𑁄𑀪𑀲𑀳𑀕𑀢𑁂𑀲𑀼 𑀘𑀺𑀢𑁆𑀢𑀼𑀧𑁆𑀧𑀸𑀤𑁂𑀲𑀼 𑀉𑀧𑁆𑀧𑀚𑁆𑀚𑀢𑀺 𑀪𑀯𑀸𑀲𑀯𑁄 𑀘𑀢𑀽𑀲𑀼 𑀤𑀺𑀝𑁆𑀞𑀺𑀕𑀢𑀯𑀺𑀧𑁆𑀧𑀬𑀼𑀢𑁆𑀢𑀮𑁄𑀪𑀲𑀳𑀕𑀢𑁂𑀲𑀼 𑀘𑀺𑀢𑁆𑀢𑀼𑀧𑁆𑀧𑀸𑀤𑁂𑀲𑀼 𑀉𑀧𑁆𑀧𑀚𑁆𑀚𑀢𑀺 𑀤𑀺𑀝𑁆𑀞𑀸𑀲𑀯𑁄 𑀘𑀢𑀽𑀲𑀼 𑀤𑀺𑀝𑁆𑀞𑀺𑀕𑀢𑀲𑀫𑁆𑀧𑀬𑀼𑀢𑁆𑀢𑁂𑀲𑀼 𑀘𑀺𑀢𑁆𑀢𑀼𑀧𑁆𑀧𑀸𑀤𑁂𑀲𑀼 𑀉𑀧𑁆𑀧𑀚𑁆𑀚𑀢𑀺. 𑀅𑀯𑀺𑀚𑁆𑀚𑀸𑀲𑀯𑁄 𑀲𑀩𑁆𑀩𑀸𑀓𑀼𑀲𑀮𑁂𑀲𑀼 𑀉𑀧𑁆𑀧𑀚𑁆𑀚𑀢𑀺 𑁋 𑀇𑀫𑁂 𑀥𑀫𑁆𑀫𑀸 𑀆𑀲𑀯𑀸.

𑁧𑁪𑁬𑁬. 𑀓𑀢𑀫𑁂 𑀥𑀫𑁆𑀫𑀸 𑀦𑁄 𑀆𑀲𑀯𑀸? 𑀞𑀧𑁂𑀢𑁆𑀯𑀸 𑀆𑀲𑀯𑁂 𑀅𑀯𑀲𑁂𑀲𑀁 𑀅𑀓𑀼𑀲𑀮𑀁, 𑀘𑀢𑀽𑀲𑀼 𑀪𑀽𑀫𑀻𑀲𑀼 𑀓𑀼𑀲𑀮𑀁, 𑀘𑀢𑀽𑀲𑀼 𑀪𑀽𑀫𑀻𑀲𑀼 𑀯𑀺𑀧𑀸𑀓𑁄, 𑀢𑀻𑀲𑀼 𑀪𑀽𑀫𑀻𑀲𑀼 𑀓𑀺𑀭𑀺𑀬𑀸𑀩𑁆𑀬𑀸𑀓𑀢𑀁, 𑀭𑀽𑀧𑀜𑁆𑀘, 𑀦𑀺𑀩𑁆𑀩𑀸𑀦𑀜𑁆𑀘 𑁋 𑀇𑀫𑁂 𑀥𑀫𑁆𑀫𑀸 𑀦𑁄 𑀆𑀲𑀯𑀸.

𑁧𑁪𑁬𑁭. 𑀓𑀢𑀫𑁂 𑀥𑀫𑁆𑀫𑀸 𑀲𑀸𑀲𑀯𑀸? 𑀢𑀻𑀲𑀼 𑀪𑀽𑀫𑀻𑀲𑀼 𑀓𑀼𑀲𑀮𑀁, 𑀅𑀓𑀼𑀲𑀮𑀁, 𑀢𑀻𑀲𑀼 𑀪𑀽𑀫𑀻𑀲𑀼 𑀯𑀺𑀧𑀸𑀓𑁄, 𑀢𑀻𑀲𑀼 𑀪𑀽𑀫𑀻𑀲𑀼 𑀓𑀺𑀭𑀺𑀬𑀸𑀩𑁆𑀬𑀸𑀓𑀢𑀁, 𑀲𑀩𑁆𑀩𑀜𑁆𑀘 𑀭𑀽𑀧𑀁 𑁋 𑀇𑀫𑁂 𑀥𑀫𑁆𑀫𑀸 𑀲𑀸𑀲𑀯𑀸.

𑁧𑁪𑁬𑁮. 𑀓𑀢𑀫𑁂 𑀥𑀫𑁆𑀫𑀸 𑀅𑀦𑀸𑀲𑀯𑀸? 𑀘𑀢𑁆𑀢𑀸𑀭𑁄 𑀫𑀕𑁆𑀕𑀸 𑀅𑀧𑀭𑀺𑀬𑀸𑀧𑀦𑁆𑀦𑀸, 𑀘𑀢𑁆𑀢𑀸𑀭𑀺 𑀘 𑀲𑀸𑀫𑀜𑁆𑀜𑀨𑀮𑀸𑀦𑀺, 𑀦𑀺𑀩𑁆𑀩𑀸𑀦𑀜𑁆𑀘 𑁋 𑀇𑀫𑁂 𑀥𑀫𑁆𑀫𑀸 𑀅𑀦𑀸𑀲𑀯𑀸.

𑁧𑁪𑁬𑁯. 𑀓𑀢𑀫𑁂 𑀥𑀫𑁆𑀫𑀸 𑀆𑀲𑀯𑀲𑀫𑁆𑀧𑀬𑀼𑀢𑁆𑀢𑀸? 𑀤𑁆𑀯𑁂 𑀤𑁄𑀫𑀦𑀲𑁆𑀲𑀲𑀳𑀕𑀢𑀘𑀺𑀢𑁆𑀢𑀼𑀧𑁆𑀧𑀸𑀤𑀸 𑀏𑀢𑁆𑀣𑀼𑀧𑁆𑀧𑀦𑁆𑀦𑀁 𑀫𑁄𑀳𑀁 𑀞𑀧𑁂𑀢𑁆𑀯𑀸, 𑀯𑀺𑀘𑀺𑀓𑀺𑀘𑁆𑀙𑀸𑀲𑀳𑀕𑀢𑀁 𑀉𑀤𑁆𑀥𑀘𑁆𑀘𑀲𑀳𑀕𑀢𑀁 𑀫𑁄𑀳𑀁 𑀞𑀧𑁂𑀢𑁆𑀯𑀸, 𑀅𑀯𑀲𑁂𑀲𑀁 𑀅𑀓𑀼𑀲𑀮𑀁 𑁋 𑀇𑀫𑁂 𑀥𑀫𑁆𑀫𑀸 𑀆𑀲𑀯𑀲𑀫𑁆𑀧𑀬𑀼𑀢𑁆𑀢𑀸.

𑁧𑁪𑁭𑁦. 𑀓𑀢𑀫𑁂 𑀥𑀫𑁆𑀫𑀸 𑀆𑀲𑀯𑀯𑀺𑀧𑁆𑀧𑀬𑀼𑀢𑁆𑀢𑀸? 𑀤𑁆𑀯𑀻𑀲𑀼 𑀤𑁄𑀫𑀦𑀲𑁆𑀲𑀲𑀳𑀕𑀢𑁂𑀲𑀼 𑀘𑀺𑀢𑁆𑀢𑀼𑀧𑁆𑀧𑀸𑀤𑁂𑀲𑀼 𑀉𑀧𑁆𑀧𑀦𑁆𑀦𑁄 𑀫𑁄𑀳𑁄, 𑀯𑀺𑀘𑀺𑀓𑀺𑀘𑁆𑀙𑀸𑀲𑀳𑀕𑀢𑁄 𑀫𑁄𑀳𑁄, 𑀉𑀤𑁆𑀥𑀘𑁆𑀘𑀲𑀳𑀕𑀢𑁄 𑀫𑁄𑀳𑁄, 𑀘𑀢𑀽𑀲𑀼 𑀪𑀽𑀫𑀻𑀲𑀼 𑀓𑀼𑀲𑀮𑀁, 𑀘𑀢𑀽𑀲𑀼 𑀪𑀽𑀫𑀻𑀲𑀼 𑀯𑀺𑀧𑀸𑀓𑁄, 𑀢𑀻𑀲𑀼 𑀪𑀽𑀫𑀻𑀲𑀼 𑀓𑀺𑀭𑀺𑀬𑀸𑀩𑁆𑀬𑀸𑀓𑀢𑀁, 𑀭𑀽𑀧𑀜𑁆𑀘, 𑀦𑀺𑀩𑁆𑀩𑀸𑀦𑀜𑁆𑀘 𑁋 𑀇𑀫𑁂 𑀥𑀫𑁆𑀫𑀸 𑀆𑀲𑀯𑀯𑀺𑀧𑁆𑀧𑀬𑀼𑀢𑁆𑀢𑀸.

𑁧𑁪𑁭𑁧. 𑀓𑀢𑀫𑁂 𑀥𑀫𑁆𑀫𑀸 𑀆𑀲𑀯𑀸 𑀘𑁂𑀯 𑀲𑀸𑀲𑀯𑀸 𑀘? 𑀢𑁂𑀯 𑀆𑀲𑀯𑀸 𑀆𑀲𑀯𑀸 𑀘𑁂𑀯 𑀲𑀸𑀲𑀯𑀸 𑀘.

𑁧𑁪𑁭𑁨. 𑀓𑀢𑀫𑁂 𑀥𑀫𑁆𑀫𑀸 𑀲𑀸𑀲𑀯𑀸 𑀘𑁂𑀯 𑀦𑁄 𑀘 𑀆𑀲𑀯𑀸? 𑀞𑀧𑁂𑀢𑁆𑀯𑀸 𑀆𑀲𑀯𑁂, 𑀅𑀯𑀲𑁂𑀲𑀁 𑀅𑀓𑀼𑀲𑀮𑀁, 𑀢𑀻𑀲𑀼 𑀪𑀽𑀫𑀻𑀲𑀼 𑀓𑀼𑀲𑀮𑀁, 𑀢𑀻𑀲𑀼 𑀪𑀽𑀫𑀻𑀲𑀼 𑀯𑀺𑀧𑀸𑀓𑁄, 𑀢𑀻𑀲𑀼 𑀪𑀽𑀫𑀻𑀲𑀼 𑀓𑀺𑀭𑀺𑀬𑀸𑀩𑁆𑀬𑀸𑀓𑀢𑀁, 𑀲𑀩𑁆𑀩𑀜𑁆𑀘 𑀭𑀽𑀧𑀁 𑁋 𑀇𑀫𑁂 𑀥𑀫𑁆𑀫𑀸 𑀲𑀸𑀲𑀯𑀸 𑀘𑁂𑀯 𑀦𑁄 𑀘 𑀆𑀲𑀯𑀸. 𑀅𑀦𑀸𑀲𑀯𑀸 𑀥𑀫𑁆𑀫𑀸 𑀦 𑀯𑀢𑁆𑀢𑀩𑁆𑀩𑀸 𑁋 𑀆𑀲𑀯𑀸 𑀘𑁂𑀯 𑀲𑀸𑀲𑀯𑀸 𑀘𑀸𑀢𑀺𑀧𑀺, 𑀲𑀸𑀲𑀯𑀸 𑀘𑁂𑀯 𑀦𑁄 𑀘 𑀆𑀲𑀯𑀸𑀢𑀺𑀧𑀺.

𑁧𑁪𑁭𑁩. 𑀓𑀢𑀫𑁂 𑀥𑀫𑁆𑀫𑀸 𑀆𑀲𑀯𑀸 𑀘𑁂𑀯 𑀆𑀲𑀯𑀲𑀫𑁆𑀧𑀬𑀼𑀢𑁆𑀢𑀸 𑀘? 𑀬𑀢𑁆𑀣 𑀤𑁆𑀯𑁂 𑀢𑀬𑁄 𑀆𑀲𑀯𑀸 𑀏𑀓𑀢𑁄 𑀉𑀧𑁆𑀧𑀚𑁆𑀚𑀦𑁆𑀢𑀺 𑁋 𑀇𑀫𑁂 𑀥𑀫𑁆𑀫𑀸 𑀆𑀲𑀯𑀸 𑀘𑁂𑀯 𑀆𑀲𑀯𑀲𑀫𑁆𑀧𑀬𑀼𑀢𑁆𑀢𑀸 𑀘.

𑁧𑁪𑁭𑁪. 𑀓𑀢𑀫𑁂 𑀥𑀫𑁆𑀫𑀸 𑀆𑀲𑀯𑀲𑀫𑁆𑀧𑀬𑀼𑀢𑁆𑀢𑀸 𑀘𑁂𑀯 𑀦𑁄 𑀘 𑀆𑀲𑀯𑀸? 𑀞𑀧𑁂𑀢𑁆𑀯𑀸 𑀆𑀲𑀯𑁂, 𑀅𑀯𑀲𑁂𑀲𑀁 𑀅𑀓𑀼𑀲𑀮𑀁 𑁋 𑀇𑀫𑁂 𑀥𑀫𑁆𑀫𑀸 𑀆𑀲𑀯𑀲𑀫𑁆𑀧𑀬𑀼𑀢𑁆𑀢𑀸 𑀘𑁂𑀯 𑀦𑁄 𑀘 𑀆𑀲𑀯𑀸. 𑀆𑀲𑀯𑀯𑀺𑀧𑁆𑀧𑀬𑀼𑀢𑁆𑀢𑀸 𑀥𑀫𑁆𑀫𑀸 𑀦 𑀯𑀢𑁆𑀢𑀩𑁆𑀩𑀸 𑁋 𑀆𑀲𑀯𑀸 𑀘𑁂𑀯 𑀆𑀲𑀯𑀲𑀫𑁆𑀧𑀬𑀼𑀢𑁆𑀢𑀸 𑀘𑀸𑀢𑀺𑀧𑀺, 𑀆𑀲𑀯𑀲𑀫𑁆𑀧𑀬𑀼𑀢𑁆𑀢𑀸 𑀘𑁂𑀯 𑀦𑁄 𑀘 𑀆𑀲𑀯𑀸𑀢𑀺𑀧𑀺.

𑁧𑁪𑁭𑁫. 𑀓𑀢𑀫𑁂 𑀥𑀫𑁆𑀫𑀸 𑀆𑀲𑀯𑀯𑀺𑀧𑁆𑀧𑀬𑀼𑀢𑁆𑀢𑀸 𑀲𑀸𑀲𑀯𑀸? 𑀤𑁆𑀯𑀻𑀲𑀼 𑀤𑁄𑀫𑀦𑀲𑁆𑀲𑀲𑀳𑀕𑀢𑁂𑀲𑀼 𑀘𑀺𑀢𑁆𑀢𑀼𑀧𑁆𑀧𑀸𑀤𑁂𑀲𑀼 𑀉𑀧𑁆𑀧𑀦𑁆𑀦𑁄 𑀫𑁄𑀳𑁄, 𑀯𑀺𑀘𑀺𑀓𑀺𑀘𑁆𑀙𑀸𑀲𑀳𑀕𑀢𑁄 𑀫𑁄𑀳𑁄, 𑀉𑀤𑁆𑀥𑀘𑁆𑀘𑀲𑀳𑀕𑀢𑁄 𑀫𑁄𑀳𑁄, 𑀢𑀻𑀲𑀼 𑀪𑀽𑀫𑀻𑀲𑀼 𑀓𑀼𑀲𑀮𑀁, 𑀢𑀻𑀲𑀼 𑀪𑀽𑀫𑀻𑀲𑀼 𑀯𑀺𑀧𑀸𑀓𑁄, 𑀢𑀻𑀲𑀼 𑀪𑀽𑀫𑀻𑀲𑀼 𑀓𑀺𑀭𑀺𑀬𑀸𑀩𑁆𑀬𑀸𑀓𑀢𑀁, 𑀲𑀩𑁆𑀩𑀜𑁆𑀘 𑀭𑀽𑀧𑀁 𑁋 𑀇𑀫𑁂 𑀥𑀫𑁆𑀫𑀸 𑀆𑀲𑀯𑀯𑀺𑀧𑁆𑀧𑀬𑀼𑀢𑁆𑀢𑀸 𑀲𑀸𑀲𑀯𑀸.

𑁧𑁪𑁭𑁬. 𑀓𑀢𑀫𑁂 𑀥𑀫𑁆𑀫𑀸 𑀆𑀲𑀯𑀯𑀺𑀧𑁆𑀧𑀬𑀼𑀢𑁆𑀢𑀸 𑀅𑀦𑀸𑀲𑀯𑀸? 𑀘𑀢𑁆𑀢𑀸𑀭𑁄 𑀫𑀕𑁆𑀕𑀸 𑀅𑀧𑀭𑀺𑀬𑀸𑀧𑀦𑁆𑀦𑀸, 𑀘𑀢𑁆𑀢𑀸𑀭𑀺 𑀘 𑀲𑀸𑀫𑀜𑁆𑀜𑀨𑀮𑀸𑀦𑀺, 𑀦𑀺𑀩𑁆𑀩𑀸𑀦𑀜𑁆𑀘 𑁋 𑀇𑀫𑁂 𑀥𑀫𑁆𑀫𑀸 𑀆𑀲𑀯𑀯𑀺𑀧𑁆𑀧𑀬𑀼𑀢𑁆𑀢𑀸 𑀅𑀦𑀸𑀲𑀯𑀸. 𑀆𑀲𑀯𑀲𑀫𑁆𑀧𑀬𑀼𑀢𑁆𑀢𑀸 𑀥𑀫𑁆𑀫𑀸 𑀦 𑀯𑀢𑁆𑀢𑀩𑁆𑀩𑀸 𑁋 𑀆𑀲𑀯𑀯𑀺𑀧𑁆𑀧𑀬𑀼𑀢𑁆𑀢𑀸 𑀲𑀸𑀲𑀯𑀸𑀢𑀺𑀧𑀺, 𑀆𑀲𑀯𑀯𑀺𑀧𑁆𑀧𑀬𑀼𑀢𑁆𑀢𑀸 𑀅𑀦𑀸𑀲𑀯𑀸𑀢𑀺𑀧𑀺.

𑀲𑀁𑀬𑁄𑀚𑀦𑀕𑁄𑀘𑁆𑀙𑀓𑀁

𑁧𑁪𑁭𑁭. 𑀓𑀢𑀫𑁂 𑀥𑀫𑁆𑀫𑀸 𑀲𑀁𑀬𑁄𑀚𑀦𑀸? 𑀤𑀲 𑀲𑀁𑀬𑁄𑀚𑀦𑀸𑀦𑀺 𑁋 𑀓𑀸𑀫𑀭𑀸𑀕𑀲𑀁𑀬𑁄𑀚𑀦𑀁, 𑀧𑀝𑀺𑀖𑀲𑀁𑀬𑁄𑀚𑀦𑀁, 𑀫𑀸𑀦𑀲𑀁𑀬𑁄𑀚𑀦𑀁, 𑀤𑀺𑀝𑁆𑀞𑀺𑀲𑀁𑀬𑁄𑀚𑀦𑀁, 𑀯𑀺𑀘𑀺𑀓𑀺𑀘𑁆𑀙𑀸𑀲𑀁𑀬𑁄𑀚𑀦𑀁, 𑀲𑀻𑀮𑀩𑁆𑀩𑀢𑀧𑀭𑀸𑀫𑀸𑀲𑀲𑀁𑀬𑁄𑀚𑀦𑀁, 𑀪𑀯𑀭𑀸𑀕𑀲𑀁𑀬𑁄𑀚𑀦𑀁, 𑀇𑀲𑁆𑀲𑀸𑀲𑀁𑀬𑁄𑀚𑀦𑀁, 𑀫𑀘𑁆𑀙𑀭𑀺𑀬𑀲𑀁𑀬𑁄𑀚𑀦𑀁, 𑀅𑀯𑀺𑀚𑁆𑀚𑀸𑀲𑀁𑀬𑁄𑀚𑀦𑀁. 𑀓𑀸𑀫𑀭𑀸𑀕𑀲𑀁𑀬𑁄𑀚𑀦𑀁 𑀅𑀝𑁆𑀞𑀲𑀼 𑀮𑁄𑀪𑀲𑀳𑀕𑀢𑁂𑀲𑀼 𑀘𑀺𑀢𑁆𑀢𑀼𑀧𑁆𑀧𑀸𑀤𑁂𑀲𑀼 𑀉𑀧𑁆𑀧𑀚𑁆𑀚𑀢𑀺. 𑀧𑀝𑀺𑀖𑀲𑀁𑀬𑁄𑀚𑀦𑀁 𑀤𑁆𑀯𑀻𑀲𑀼 𑀤𑁄𑀫𑀦𑀲𑁆𑀲𑀲𑀳𑀕𑀢𑁂𑀲𑀼 𑀘𑀺𑀢𑁆𑀢𑀼𑀧𑁆𑀧𑀸𑀤𑁂𑀲𑀼 𑀉𑀧𑁆𑀧𑀚𑁆𑀚𑀢𑀺. 𑀫𑀸𑀦𑀲𑀁𑀬𑁄𑀚𑀦𑀁 𑀘𑀢𑀽𑀲𑀼 𑀤𑀺𑀝𑁆𑀞𑀺𑀕𑀢𑀯𑀺𑀧𑁆𑀧𑀬𑀼𑀢𑁆𑀢𑀮𑁄𑀪𑀲𑀳𑀕𑀢𑁂𑀲𑀼 𑀘𑀺𑀢𑁆𑀢𑀼𑀧𑁆𑀧𑀸𑀤𑁂𑀲𑀼 𑀉𑀧𑁆𑀧𑀚𑁆𑀚𑀢𑀺. 𑀤𑀺𑀝𑁆𑀞𑀺𑀲𑀁𑀬𑁄𑀚𑀦𑀁 𑀘𑀢𑀽𑀲𑀼 𑀤𑀺𑀝𑁆𑀞𑀺𑀕𑀢𑀲𑀫𑁆𑀧𑀬𑀼𑀢𑁆𑀢𑁂𑀲𑀼 𑀘𑀺𑀢𑁆𑀢𑀼𑀧𑁆𑀧𑀸𑀤𑁂𑀲𑀼 𑀉𑀧𑁆𑀧𑀚𑁆𑀚𑀢𑀺. 𑀯𑀺𑀘𑀺𑀓𑀺𑀘𑁆𑀙𑀸𑀲𑀁𑀬𑁄𑀚𑀦𑀁 𑀯𑀺𑀘𑀺𑀓𑀺𑀘𑁆𑀙𑀸𑀲𑀳𑀕𑀢𑁂𑀲𑀼 𑀘𑀺𑀢𑁆𑀢𑀼𑀧𑁆𑀧𑀸𑀤𑁂𑀲𑀼 𑀉𑀧𑁆𑀧𑀚𑁆𑀚𑀢𑀺. 𑀲𑀻𑀮𑀩𑁆𑀩𑀢𑀧𑀭𑀸𑀫𑀸𑀲𑀲𑀁𑀬𑁄𑀚𑀦𑀁 𑀘𑀢𑀽𑀲𑀼 𑀤𑀺𑀝𑁆𑀞𑀺𑀕𑀢𑀲𑀫𑁆𑀧𑀬𑀼𑀢𑁆𑀢𑁂𑀲𑀼 𑀘𑀺𑀢𑁆𑀢𑀼𑀧𑁆𑀧𑀸𑀤𑁂𑀲𑀼 𑀉𑀧𑁆𑀧𑀚𑁆𑀚𑀢𑀺. 𑀪𑀯𑀭𑀸𑀕𑀲𑀁𑀬𑁄𑀚𑀦𑀁 𑀘𑀢𑀽𑀲𑀼 𑀤𑀺𑀝𑁆𑀞𑀺𑀕𑀢𑀯𑀺𑀧𑁆𑀧𑀬𑀼𑀢𑁆𑀢𑀮𑁄𑀪𑀲𑀳𑀕𑀢𑁂𑀲𑀼 𑀘𑀺𑀢𑁆𑀢𑀼𑀧𑁆𑀧𑀸𑀤𑁂𑀲𑀼 𑀉𑀧𑁆𑀧𑀚𑁆𑀚𑀢𑀺. 𑀇𑀲𑁆𑀲𑀸𑀲𑀁𑀬𑁄𑀚𑀦𑀜𑁆𑀘 𑀫𑀘𑁆𑀙𑀭𑀺𑀬𑀲𑀁𑀬𑁄𑀚𑀦𑀜𑁆𑀘 𑀤𑁆𑀯𑀻𑀲𑀼 𑀤𑁄𑀫𑀦𑀲𑁆𑀲𑀲𑀳𑀕𑀢𑁂𑀲𑀼 𑀘𑀺𑀢𑁆𑀢𑀼𑀧𑁆𑀧𑀸𑀤𑁂𑀲𑀼 𑀉𑀧𑁆𑀧𑀚𑁆𑀚𑀦𑁆𑀢𑀺. 𑀅𑀯𑀺𑀚𑁆𑀚𑀸𑀲𑀁𑀬𑁄𑀚𑀦𑀁 𑀲𑀩𑁆𑀩𑀸𑀓𑀼𑀲𑀮𑁂𑀲𑀼 𑀉𑀧𑁆𑀧𑀚𑁆𑀚𑀢𑀺 𑁋 𑀇𑀫𑁂 𑀥𑀫𑁆𑀫𑀸 𑀲𑀁𑀬𑁄𑀚𑀦𑀸.

𑁧𑁪𑁭𑁮. 𑀓𑀢𑀫𑁂 𑀥𑀫𑁆𑀫𑀸 𑀦𑁄 𑀲𑀁𑀬𑁄𑀚𑀦𑀸. 𑀞𑀧𑁂𑀢𑁆𑀯𑀸 𑀲𑀁𑀬𑁄𑀚𑀦𑁂 𑀅𑀯𑀲𑁂𑀲𑀁 𑀅𑀓𑀼𑀲𑀮𑀁, 𑀘𑀢𑀽𑀲𑀼 𑀪𑀽𑀫𑀻𑀲𑀼 𑀓𑀼𑀲𑀮𑀁, 𑀘𑀢𑀽𑀲𑀼 𑀪𑀽𑀫𑀻𑀲𑀼 𑀯𑀺𑀧𑀸𑀓𑁄, 𑀢𑀻𑀲𑀼 𑀪𑀽𑀫𑀻𑀲𑀼 𑀓𑀺𑀭𑀺𑀬𑀸𑀩𑁆𑀬𑀸𑀓𑀢𑀁, 𑀭𑀽𑀧𑀜𑁆𑀘, 𑀦𑀺𑀩𑁆𑀩𑀸𑀦𑀜𑁆𑀘 𑁋 𑀇𑀫𑁂 𑀥𑀫𑁆𑀫𑀸 𑀦𑁄 𑀲𑀁𑀬𑁄𑀚𑀦𑀸.

𑁧𑁪𑁭𑁯. 𑀓𑀢𑀫𑁂 𑀥𑀫𑁆𑀫𑀸 𑀲𑀁𑀬𑁄𑀚𑀦𑀺𑀬𑀸? 𑀢𑀻𑀲𑀼 𑀪𑀽𑀫𑀻𑀲𑀼 𑀓𑀼𑀲𑀮𑀁, 𑀅𑀓𑀼𑀲𑀮𑀁, 𑀢𑀻𑀲𑀼 𑀪𑀽𑀫𑀻𑀲𑀼 𑀯𑀺𑀧𑀸𑀓𑁄, 𑀢𑀻𑀲𑀼 𑀪𑀽𑀫𑀻𑀲𑀼 𑀓𑀺𑀭𑀺𑀬𑀸𑀩𑁆𑀬𑀸𑀓𑀢𑀁, 𑀲𑀩𑁆𑀩𑀜𑁆𑀘 𑀭𑀽𑀧𑀁 𑁋 𑀇𑀫𑁂 𑀥𑀫𑁆𑀫𑀸 𑀲𑀁𑀬𑁄𑀚𑀦𑀺𑀬𑀸.

𑁧𑁪𑁮𑁦. 𑀓𑀢𑀫𑁂 𑀥𑀫𑁆𑀫𑀸 𑀅𑀲𑀁𑀬𑁄𑀚𑀦𑀺𑀬𑀸? 𑀘𑀢𑁆𑀢𑀸𑀭𑁄 𑀫𑀕𑁆𑀕𑀸 𑀅𑀧𑀭𑀺𑀬𑀸𑀧𑀦𑁆𑀦𑀸, 𑀘𑀢𑁆𑀢𑀸𑀭𑀺 𑀘 𑀲𑀸𑀫𑀜𑁆𑀜𑀨𑀮𑀸𑀦𑀺, 𑀦𑀺𑀩𑁆𑀩𑀸𑀦𑀜𑁆𑀘 𑁋 𑀇𑀫𑁂 𑀥𑀫𑁆𑀫𑀸 𑀅𑀲𑀁𑀬𑁄𑀚𑀦𑀺𑀬𑀸.

𑁧𑁪𑁮𑁧. 𑀓𑀢𑀫𑁂 𑀥𑀫𑁆𑀫𑀸 𑀲𑀁𑀬𑁄𑀚𑀦𑀲𑀫𑁆𑀧𑀬𑀼𑀢𑁆𑀢𑀸? 𑀉𑀤𑁆𑀥𑀘𑁆𑀘𑀲𑀳𑀕𑀢𑀁 𑀫𑁄𑀳𑀁 𑀞𑀧𑁂𑀢𑁆𑀯𑀸 𑀅𑀯𑀲𑁂𑀲𑀁 𑀅𑀓𑀼𑀲𑀮𑀁 𑁋 𑀇𑀫𑁂 𑀥𑀫𑁆𑀫𑀸 𑀲𑀁𑀬𑁄𑀚𑀦𑀲𑀫𑁆𑀧𑀬𑀼𑀢𑁆𑀢𑀸.

𑁧𑁪𑁮𑁨. 𑀓𑀢𑀫𑁂 𑀥𑀫𑁆𑀫𑀸 𑀲𑀁𑀬𑁄𑀚𑀦𑀯𑀺𑀧𑁆𑀧𑀬𑀼𑀢𑁆𑀢𑀸? 𑀉𑀤𑁆𑀥𑀘𑁆𑀘𑀲𑀳𑀕𑀢𑁄 𑀫𑁄𑀳𑁄, 𑀘𑀢𑀽𑀲𑀼 𑀪𑀽𑀫𑀻𑀲𑀼 𑀓𑀼𑀲𑀮𑀁, 𑀘𑀢𑀽𑀲𑀼 𑀪𑀽𑀫𑀻𑀲𑀼 𑀯𑀺𑀧𑀸𑀓𑁄, 𑀢𑀻𑀲𑀼 𑀪𑀽𑀫𑀻𑀲𑀼 𑀓𑀺𑀭𑀺𑀬𑀸𑀩𑁆𑀬𑀸𑀓𑀢𑀁, 𑀭𑀽𑀧𑀜𑁆𑀘, 𑀦𑀺𑀩𑁆𑀩𑀸𑀦𑀜𑁆𑀘 𑁋 𑀇𑀫𑁂 𑀥𑀫𑁆𑀫𑀸 𑀲𑀁𑀬𑁄𑀚𑀦𑀯𑀺𑀧𑁆𑀧𑀬𑀼𑀢𑁆𑀢𑀸.

𑁧𑁪𑁮𑁩. 𑀓𑀢𑀫𑁂 𑀥𑀫𑁆𑀫𑀸 𑀲𑀁𑀬𑁄𑀚𑀦𑀸 𑀘𑁂𑀯 𑀲𑀁𑀬𑁄𑀚𑀦𑀺𑀬𑀸 𑀘? 𑀢𑀸𑀦𑁂𑀯 𑀲𑀁𑀬𑁄𑀚𑀦𑀸𑀦𑀺 𑀲𑀁𑀬𑁄𑀚𑀦𑀸 𑀘𑁂𑀯 𑀲𑀁𑀬𑁄𑀚𑀦𑀺𑀬𑀸 𑀘.

𑁧𑁪𑁮𑁪. 𑀓𑀢𑀫𑁂 𑀥𑀫𑁆𑀫𑀸 𑀲𑀁𑀬𑁄𑀚𑀦𑀺𑀬𑀸 𑀘𑁂𑀯 𑀦𑁄 𑀘 𑀲𑀁𑀬𑁄𑀚𑀦𑀸? 𑀞𑀧𑁂𑀢𑁆𑀯𑀸 𑀲𑀁𑀬𑁄𑀚𑀦𑁂 𑀅𑀯𑀲𑁂𑀲𑀁 𑀅𑀓𑀼𑀲𑀮𑀁, 𑀢𑀻𑀲𑀼 𑀪𑀽𑀫𑀻𑀲𑀼 𑀓𑀼𑀲𑀮𑀁, 𑀢𑀻𑀲𑀼 𑀪𑀽𑀫𑀻𑀲𑀼 𑀯𑀺𑀧𑀸𑀓𑁄, 𑀢𑀻𑀲𑀼 𑀪𑀽𑀫𑀻𑀲𑀼 𑀓𑀺𑀭𑀺𑀬𑀸𑀩𑁆𑀬𑀸𑀓𑀢𑀁, 𑀲𑀩𑁆𑀩𑀜𑁆𑀘 𑀭𑀽𑀧𑀁 𑁋 𑀇𑀫𑁂 𑀥𑀫𑁆𑀫𑀸 𑀲𑀁𑀬𑁄𑀚𑀦𑀺𑀬𑀸 𑀘𑁂𑀯 𑀦𑁄 𑀘 𑀲𑀁𑀬𑁄𑀚𑀦𑀸. 𑀅𑀲𑀁𑀬𑁄𑀚𑀦𑀺𑀬𑀸 𑀥𑀫𑁆𑀫𑀸 𑀦 𑀯𑀢𑁆𑀢𑀩𑁆𑀩𑀸 𑁋 𑀲𑀁𑀬𑁄𑀚𑀦𑀸 𑀘𑁂𑀯 𑀲𑀁𑀬𑁄𑀚𑀦𑀺𑀬𑀸 𑀘𑀸𑀢𑀺𑀧𑀺, 𑀲𑀁𑀬𑁄𑀚𑀦𑀺𑀬𑀸 𑀘𑁂𑀯 𑀦𑁄 𑀘 𑀲𑀁𑀬𑁄𑀚𑀦𑀸𑀢𑀺𑀧𑀺.

𑁧𑁪𑁮𑁫. 𑀓𑀢𑀫𑁂 𑀥𑀫𑁆𑀫𑀸 𑀲𑀁𑀬𑁄𑀚𑀦𑀸 𑀘𑁂𑀯 𑀲𑀁𑀬𑁄𑀚𑀦𑀲𑀫𑁆𑀧𑀬𑀼𑀢𑁆𑀢𑀸 𑀘? 𑀬𑀢𑁆𑀣 𑀤𑁆𑀯𑁂 𑀢𑀻𑀡𑀺 𑀲𑀁𑀬𑁄𑀚𑀦𑀸𑀦𑀺 𑀏𑀓𑀢𑁄 𑀉𑀧𑁆𑀧𑀚𑁆𑀚𑀦𑁆𑀢𑀺 𑁋 𑀇𑀫𑁂 𑀥𑀫𑁆𑀫𑀸 𑀲𑀁𑀬𑁄𑀚𑀦𑀸 𑀘𑁂𑀯 𑀲𑀁𑀬𑁄𑀚𑀦𑀲𑀫𑁆𑀧𑀬𑀼𑀢𑁆𑀢𑀸 𑀘.

𑁧𑁪𑁮𑁬. 𑀓𑀢𑀫𑁂 𑀥𑀫𑁆𑀫𑀸 𑀲𑀁𑀬𑁄𑀚𑀦𑀲𑀫𑁆𑀧𑀬𑀼𑀢𑁆𑀢𑀸 𑀘𑁂𑀯 𑀦𑁄 𑀘 𑀲𑀁𑀬𑁄𑀚𑀦𑀸? 𑀞𑀧𑁂𑀢𑁆𑀯𑀸 𑀲𑀁𑀬𑁄𑀚𑀦𑁂, 𑀅𑀯𑀲𑁂𑀲𑀁 𑀅𑀓𑀼𑀲𑀮𑀁 𑁋 𑀇𑀫𑁂 𑀥𑀫𑁆𑀫𑀸 𑀲𑀁𑀬𑁄𑀚𑀦𑀲𑀫𑁆𑀧𑀬𑀼𑀢𑁆𑀢𑀸 𑀘𑁂𑀯 𑀦𑁄 𑀘 𑀲𑀁𑀬𑁄𑀚𑀦𑀸. 𑀲𑀁𑀬𑁄𑀚𑀦𑀯𑀺𑀧𑁆𑀧𑀬𑀼𑀢𑁆𑀢𑀸 𑀥𑀫𑁆𑀫𑀸 𑀦 𑀯𑀢𑁆𑀢𑀩𑁆𑀩𑀸 𑁋 𑀲𑀁𑀬𑁄𑀚𑀦𑀸 𑀘𑁂𑀯 𑀲𑀁𑀬𑁄𑀚𑀦𑀲𑀫𑁆𑀧𑀬𑀼𑀢𑁆𑀢𑀸 𑀘𑀸𑀢𑀺𑀧𑀺, 𑀲𑀁𑀬𑁄𑀚𑀦𑀲𑀫𑁆𑀧𑀬𑀼𑀢𑁆𑀢𑀸 𑀘𑁂𑀯 𑀦𑁄 𑀘 𑀲𑀁𑀬𑁄𑀚𑀦𑀸𑀢𑀺𑀧𑀺.

𑁧𑁪𑁮𑁭. 𑀓𑀢𑀫𑁂 𑀥𑀫𑁆𑀫𑀸 𑀲𑀁𑀬𑁄𑀚𑀦𑀯𑀺𑀧𑁆𑀧𑀬𑀼𑀢𑁆𑀢𑀸 𑀲𑀁𑀬𑁄𑀚𑀦𑀺𑀬𑀸? 𑀉𑀤𑁆𑀥𑀘𑁆𑀘𑀲𑀳𑀕𑀢𑁄 𑀫𑁄𑀳𑁄, 𑀢𑀻𑀲𑀼 𑀪𑀽𑀫𑀻𑀲𑀼 𑀓𑀼𑀲𑀮𑀁, 𑀢𑀻𑀲𑀼 𑀪𑀽𑀫𑀻𑀲𑀼 𑀯𑀺𑀧𑀸𑀓𑁄, 𑀢𑀻𑀲𑀼 𑀪𑀽𑀫𑀻𑀲𑀼 𑀓𑀺𑀭𑀺𑀬𑀸𑀩𑁆𑀬𑀸𑀓𑀢𑀁, 𑀲𑀩𑁆𑀩𑀜𑁆𑀘 𑀭𑀽𑀧𑀁 𑁋 𑀇𑀫𑁂 𑀥𑀫𑁆𑀫𑀸 𑀲𑀁𑀬𑁄𑀚𑀦𑀯𑀺𑀧𑁆𑀧𑀬𑀼𑀢𑁆𑀢𑀸 𑀲𑀁𑀬𑁄𑀚𑀦𑀺𑀬𑀸.

𑁧𑁪𑁮𑁮. 𑀓𑀢𑀫𑁂 𑀥𑀫𑁆𑀫𑀸 𑀲𑀁𑀬𑁄𑀚𑀦𑀯𑀺𑀧𑁆𑀧𑀬𑀼𑀢𑁆𑀢𑀸 𑀅𑀲𑀁𑀬𑁄𑀚𑀦𑀺𑀬𑀸? 𑀘𑀢𑁆𑀢𑀸𑀭𑁄 𑀫𑀕𑁆𑀕𑀸 𑀅𑀧𑀭𑀺𑀬𑀸𑀧𑀦𑁆𑀦𑀸, 𑀘𑀢𑁆𑀢𑀸𑀭𑀺 𑀘 𑀲𑀸𑀫𑀜𑁆𑀜𑀨𑀮𑀸𑀦𑀺, 𑀦𑀺𑀩𑁆𑀩𑀸𑀦𑀜𑁆𑀘 𑁋 𑀇𑀫𑁂 𑀥𑀫𑁆𑀫𑀸 𑀲𑀁𑀬𑁄𑀚𑀦𑀯𑀺𑀧𑁆𑀧𑀬𑀼𑀢𑁆𑀢𑀸 𑀅𑀲𑀁𑀬𑁄𑀚𑀦𑀺𑀬𑀸. 𑀲𑀁𑀬𑁄𑀚𑀦𑀲𑀫𑁆𑀧𑀬𑀼𑀢𑁆𑀢𑀸 𑀥𑀫𑁆𑀫𑀸 𑀦 𑀯𑀢𑁆𑀢𑀩𑁆𑀩𑀸 𑁋 𑀲𑀁𑀬𑁄𑀚𑀦𑀯𑀺𑀧𑁆𑀧𑀬𑀼𑀢𑁆𑀢𑀸 𑀲𑀁𑀬𑁄𑀚𑀦𑀺𑀬𑀸𑀢𑀺𑀧𑀺, 𑀲𑀁𑀬𑁄𑀚𑀦𑀯𑀺𑀧𑁆𑀧𑀬𑀼𑀢𑁆𑀢𑀸 𑀅𑀲𑀁𑀬𑁄𑀚𑀦𑀺𑀬𑀸𑀢𑀺𑀧𑀺.

𑀕𑀦𑁆𑀣𑀕𑁄𑀘𑁆𑀙𑀓𑀁

𑁧𑁪𑁮𑁯. 𑀓𑀢𑀫𑁂 𑀥𑀫𑁆𑀫𑀸 𑀕𑀦𑁆𑀣𑀸? 𑀘𑀢𑁆𑀢𑀸𑀭𑁄 𑀕𑀦𑁆𑀣𑀸 𑁋 𑀅𑀪𑀺𑀚𑁆𑀛𑀸𑀓𑀸𑀬𑀕𑀦𑁆𑀣𑁄, 𑀩𑁆𑀬𑀸𑀧𑀸𑀤𑁄 𑀓𑀸𑀬𑀕𑀦𑁆𑀣𑁄, 𑀲𑀻𑀮𑀩𑁆𑀩𑀢𑀧𑀭𑀸𑀫𑀸𑀲𑁄 𑀓𑀸𑀬𑀕𑀦𑁆𑀣𑁄, 𑀇𑀤𑀁𑀲𑀘𑁆𑀘𑀸𑀪𑀺𑀦𑀺𑀯𑁂𑀲𑁄 𑀓𑀸𑀬𑀕𑀦𑁆𑀣𑁄. 𑀅𑀪𑀺𑀚𑁆𑀛𑀸𑀓𑀸𑀬𑀕𑀦𑁆𑀣𑁄 𑀅𑀝𑁆𑀞𑀲𑀼 𑀮𑁄𑀪𑀲𑀳𑀕𑀢𑁂𑀲𑀼 𑀘𑀺𑀢𑁆𑀢𑀼𑀧𑁆𑀧𑀸𑀤𑁂𑀲𑀼 𑀉𑀧𑁆𑀧𑀚𑁆𑀚𑀢𑀺. 𑀩𑁆𑀬𑀸𑀧𑀸𑀤𑁄 𑀓𑀸𑀬𑀕𑀦𑁆𑀣𑁄 𑀤𑁆𑀯𑀻𑀲𑀼 𑀤𑁄𑀫𑀦𑀲𑁆𑀲𑀲𑀳𑀕𑀢𑁂𑀲𑀼 𑀘𑀺𑀢𑁆𑀢𑀼𑀧𑁆𑀧𑀸𑀤𑁂𑀲𑀼 𑀉𑀧𑁆𑀧𑀚𑁆𑀚𑀢𑀺. 𑀲𑀻𑀮𑀩𑁆𑀩𑀢𑀧𑀭𑀸𑀫𑀸𑀲𑁄 𑀓𑀸𑀬𑀕𑀦𑁆𑀣𑁄 𑀘 𑀇𑀤𑀁𑀲𑀘𑁆𑀘𑀸𑀪𑀺𑀦𑀺𑀯𑁂𑀲𑁄 𑀓𑀸𑀬𑀕𑀦𑁆𑀣𑁄 𑀘 𑀘𑀢𑀽𑀲𑀼 𑀤𑀺𑀝𑁆𑀞𑀺𑀕𑀢𑀲𑀫𑁆𑀧𑀬𑀼𑀢𑁆𑀢𑁂𑀲𑀼 𑀘𑀺𑀢𑁆𑀢𑀼𑀧𑁆𑀧𑀸𑀤𑁂𑀲𑀼 𑀉𑀧𑁆𑀧𑀚𑁆𑀚𑀦𑁆𑀢𑀺 𑁋 𑀇𑀫𑁂 𑀥𑀫𑁆𑀫𑀸 𑀕𑀦𑁆𑀣𑀸.

𑁧𑁪𑁯𑁦. 𑀓𑀢𑀫𑁂 𑀥𑀫𑁆𑀫𑀸 𑀦𑁄 𑀕𑀦𑁆𑀣𑀸? 𑀞𑀧𑁂𑀢𑁆𑀯𑀸 𑀕𑀦𑁆𑀣𑁂, 𑀅𑀯𑀲𑁂𑀲𑀁 𑀅𑀓𑀼𑀲𑀮𑀁, 𑀘𑀢𑀽𑀲𑀼 𑀪𑀽𑀫𑀻𑀲𑀼 𑀓𑀼𑀲𑀮𑀁, 𑀘𑀢𑀽𑀲𑀼 𑀪𑀽𑀫𑀻𑀲𑀼 𑀯𑀺𑀧𑀸𑀓𑁄, 𑀢𑀻𑀲𑀼 𑀪𑀽𑀫𑀻𑀲𑀼 𑀓𑀺𑀭𑀺𑀬𑀸𑀩𑁆𑀬𑀸𑀓𑀢𑀁, 𑀭𑀽𑀧𑀜𑁆𑀘, 𑀦𑀺𑀩𑁆𑀩𑀸𑀦𑀜𑁆𑀘 𑁋 𑀇𑀫𑁂 𑀥𑀫𑁆𑀫𑀸 𑀦𑁄 𑀕𑀦𑁆𑀣𑀸.

𑁧𑁪𑁯𑁧. 𑀓𑀢𑀫𑁂 𑀥𑀫𑁆𑀫𑀸 𑀕𑀦𑁆𑀣𑀦𑀺𑀬𑀸? 𑀢𑀻𑀲𑀼 𑀪𑀽𑀫𑀻𑀲𑀼 𑀓𑀼𑀲𑀮𑀁, 𑀅𑀓𑀼𑀲𑀮𑀁, 𑀢𑀻𑀲𑀼 𑀪𑀽𑀫𑀻𑀲𑀼 𑀯𑀺𑀧𑀸𑀓𑁄, 𑀢𑀻𑀲𑀼 𑀪𑀽𑀫𑀻𑀲𑀼 𑀓𑀺𑀭𑀺𑀬𑀸𑀩𑁆𑀬𑀸𑀓𑀢𑀁, 𑀲𑀩𑁆𑀩𑀜𑁆𑀘 𑀭𑀽𑀧𑀁 𑁋 𑀇𑀫𑁂 𑀥𑀫𑁆𑀫𑀸 𑀕𑀦𑁆𑀣𑀦𑀺𑀬𑀸.

𑁧𑁪𑁯𑁨. 𑀓𑀢𑀫𑁂 𑀥𑀫𑁆𑀫𑀸 𑀅𑀕𑀦𑁆𑀣𑀦𑀺𑀬𑀸? 𑀘𑀢𑁆𑀢𑀸𑀭𑁄 𑀫𑀕𑁆𑀕𑀸 𑀅𑀧𑀭𑀺𑀬𑀸𑀧𑀦𑁆𑀦𑀸, 𑀘𑀢𑁆𑀢𑀸𑀭𑀺 𑀘 𑀲𑀸𑀫𑀜𑁆𑀜𑀨𑀮𑀸𑀦𑀺, 𑀦𑀺𑀩𑁆𑀩𑀸𑀦𑀜𑁆𑀘 𑁋 𑀇𑀫𑁂 𑀥𑀫𑁆𑀫𑀸 𑀅𑀕𑀦𑁆𑀣𑀦𑀺𑀬𑀸.

𑁧𑁪𑁯𑁩. 𑀓𑀢𑀫𑁂 𑀥𑀫𑁆𑀫𑀸 𑀕𑀦𑁆𑀣𑀲𑀫𑁆𑀧𑀬𑀼𑀢𑁆𑀢𑀸? 𑀘𑀢𑁆𑀢𑀸𑀭𑁄 𑀤𑀺𑀝𑁆𑀞𑀺𑀕𑀢𑀲𑀫𑁆𑀧𑀬𑀼𑀢𑁆𑀢𑀘𑀺𑀢𑁆𑀢𑀼𑀧𑁆𑀧𑀸𑀤𑀸, 𑀘𑀢𑁆𑀢𑀸𑀭𑁄 𑀤𑀺𑀝𑁆𑀞𑀺𑀕𑀢𑀯𑀺𑀧𑁆𑀧𑀬𑀼𑀢𑁆𑀢𑀮𑁄𑀪𑀲𑀳𑀕𑀢𑀘𑀺𑀢𑁆𑀢𑀼𑀧𑁆𑀧𑀸𑀤𑀸, 𑀏𑀢𑁆𑀣𑀼𑀧𑁆𑀧𑀦𑁆𑀦𑀁 𑀮𑁄𑀪𑀁 𑀞𑀧𑁂𑀢𑁆𑀯𑀸, 𑀤𑁆𑀯𑁂 𑀤𑁄𑀫𑀦𑀲𑁆𑀲𑀲𑀳𑀕𑀢𑀘𑀺𑀢𑁆𑀢𑀼𑀧𑁆𑀧𑀸𑀤𑀸, 𑀏𑀢𑁆𑀣𑀼𑀧𑁆𑀧𑀦𑁆𑀦𑀁 𑀧𑀝𑀺𑀖𑀁 𑀞𑀧𑁂𑀢𑁆𑀯𑀸 𑁋 𑀇𑀫𑁂 𑀥𑀫𑁆𑀫𑀸 𑀕𑀦𑁆𑀣𑀲𑀫𑁆𑀧𑀬𑀼𑀢𑁆𑀢𑀸.

𑁧𑁪𑁯𑁪. 𑀓𑀢𑀫𑁂 𑀥𑀫𑁆𑀫𑀸 𑀕𑀦𑁆𑀣𑀯𑀺𑀧𑁆𑀧𑀬𑀼𑀢𑁆𑀢𑀸? 𑀘𑀢𑀽𑀲𑀼 𑀤𑀺𑀝𑁆𑀞𑀺𑀕𑀢𑀯𑀺𑀧𑁆𑀧𑀬𑀼𑀢𑁆𑀢𑀮𑁄𑀪𑀲𑀳𑀕𑀢𑁂𑀲𑀼 𑀘𑀺𑀢𑁆𑀢𑀼𑀧𑁆𑀧𑀸𑀤𑁂𑀲𑀼 𑀉𑀧𑁆𑀧𑀦𑁆𑀦𑁄 𑀮𑁄𑀪𑁄, 𑀤𑁆𑀯𑀻𑀲𑀼 𑀤𑁄𑀫𑀦𑀲𑁆𑀲𑀲𑀳𑀕𑀢𑁂𑀲𑀼 𑀘𑀺𑀢𑁆𑀢𑀼𑀧𑁆𑀧𑀸𑀤𑁂𑀲𑀼 𑀉𑀧𑁆𑀧𑀦𑁆𑀦𑀁 𑀧𑀝𑀺𑀖𑀁, 𑀯𑀺𑀘𑀺𑀓𑀺𑀘𑁆𑀙𑀸𑀲𑀳𑀕𑀢𑁄 𑀘𑀺𑀢𑁆𑀢𑀼𑀧𑁆𑀧𑀸𑀤𑁄, 𑀉𑀤𑁆𑀥𑀘𑁆𑀘𑀲𑀳𑀕𑀢𑁄 𑀘𑀺𑀢𑁆𑀢𑀼𑀧𑁆𑀧𑀸𑀤𑁄, 𑀘𑀢𑀽𑀲𑀼 𑀪𑀽𑀫𑀻𑀲𑀼 𑀓𑀼𑀲𑀮𑀁, 𑀘𑀢𑀽𑀲𑀼 𑀪𑀽𑀫𑀻𑀲𑀼 𑀯𑀺𑀧𑀸𑀓𑁄, 𑀢𑀻𑀲𑀼 𑀪𑀽𑀫𑀻𑀲𑀼 𑀓𑀺𑀭𑀺𑀬𑀸𑀩𑁆𑀬𑀸𑀓𑀢𑀁, 𑀭𑀽𑀧𑀜𑁆𑀘, 𑀦𑀺𑀩𑁆𑀩𑀸𑀦𑀜𑁆𑀘 𑁋 𑀇𑀫𑁂 𑀥𑀫𑁆𑀫𑀸 𑀕𑀦𑁆𑀣𑀯𑀺𑀧𑁆𑀧𑀬𑀼𑀢𑁆𑀢𑀸.

𑁧𑁪𑁯𑁫. 𑀓𑀢𑀫𑁂 𑀥𑀫𑁆𑀫𑀸 𑀕𑀦𑁆𑀣𑀸 𑀘𑁂𑀯 𑀕𑀦𑁆𑀣𑀦𑀺𑀬𑀸 𑀘? 𑀢𑁂𑀯 𑀕𑀦𑁆𑀣𑀸 𑀕𑀦𑁆𑀣𑀸 𑀘𑁂𑀯 𑀕𑀦𑁆𑀣𑀦𑀺𑀬𑀸 𑀘.

𑁧𑁪𑁯𑁬. 𑀓𑀢𑀫𑁂 𑀥𑀫𑁆𑀫𑀸 𑀕𑀦𑁆𑀣𑀦𑀺𑀬𑀸 𑀘𑁂𑀯 𑀦𑁄 𑀘 𑀕𑀦𑁆𑀣𑀸? 𑀞𑀧𑁂𑀢𑁆𑀯𑀸 𑀕𑀦𑁆𑀣𑁂 𑀅𑀯𑀲𑁂𑀲𑀁 𑀅𑀓𑀼𑀲𑀮𑀁, 𑀢𑀻𑀲𑀼 𑀪𑀽𑀫𑀻𑀲𑀼 𑀓𑀼𑀲𑀮𑀁, 𑀢𑀻𑀲𑀼 𑀪𑀽𑀫𑀻𑀲𑀼 𑀯𑀺𑀧𑀸𑀓𑁄, 𑀢𑀻𑀲𑀼 𑀪𑀽𑀫𑀻𑀲𑀼 𑀓𑀺𑀭𑀺𑀬𑀸𑀩𑁆𑀬𑀸𑀓𑀢𑀁, 𑀲𑀩𑁆𑀩𑀜𑁆𑀘 𑀭𑀽𑀧𑀁 𑁋 𑀇𑀫𑁂 𑀥𑀫𑁆𑀫𑀸 𑀕𑀦𑁆𑀣𑀦𑀺𑀬𑀸 𑀘𑁂𑀯 𑀦𑁄 𑀘 𑀕𑀦𑁆𑀣𑀸. 𑀅𑀕𑀦𑁆𑀣𑀦𑀺𑀬𑀸 𑀥𑀫𑁆𑀫𑀸 𑀦 𑀯𑀢𑁆𑀢𑀩𑁆𑀩𑀸 𑁋 𑀕𑀦𑁆𑀣𑀸 𑀘𑁂𑀯 𑀕𑀦𑁆𑀣𑀦𑀺𑀬𑀸 𑀘𑀸𑀢𑀺𑀧𑀺, 𑀕𑀦𑁆𑀣𑀦𑀺𑀬𑀸 𑀘𑁂𑀯 𑀦𑁄 𑀘 𑀕𑀦𑁆𑀣𑀸𑀢𑀺𑀧𑀺.

𑁧𑁪𑁯𑁭. 𑀓𑀢𑀫𑁂 𑀥𑀫𑁆𑀫𑀸 𑀕𑀦𑁆𑀣𑀸 𑀘𑁂𑀯 𑀕𑀦𑁆𑀣𑀲𑀫𑁆𑀧𑀬𑀼𑀢𑁆𑀢𑀸 𑀘? 𑀬𑀢𑁆𑀣 𑀤𑀺𑀝𑁆𑀞𑀺 𑀘 𑀮𑁄𑀪𑁄 𑀘 𑀏𑀓𑀢𑁄 𑀉𑀧𑁆𑀧𑀚𑁆𑀚𑀦𑁆𑀢𑀺 𑁋 𑀇𑀫𑁂 𑀥𑀫𑁆𑀫𑀸 𑀕𑀦𑁆𑀣𑀸 𑀘𑁂𑀯 𑀕𑀦𑁆𑀣𑀲𑀫𑁆𑀧𑀬𑀼𑀢𑁆𑀢𑀸 𑀘.

𑁧𑁪𑁯𑁮. 𑀓𑀢𑀫𑁂 𑀥𑀫𑁆𑀫𑀸 𑀕𑀦𑁆𑀣𑀲𑀫𑁆𑀧𑀬𑀼𑀢𑁆𑀢𑀸 𑀘𑁂𑀯 𑀦𑁄 𑀘 𑀕𑀦𑁆𑀣𑀸? 𑀅𑀝𑁆𑀞 𑀮𑁄𑀪𑀲𑀳𑀕𑀢𑀘𑀺𑀢𑁆𑀢𑀼𑀧𑁆𑀧𑀸𑀤𑀸 𑀤𑁆𑀯𑁂 𑀤𑁄𑀫𑀦𑀲𑁆𑀲𑀲𑀳𑀕𑀢𑀘𑀺𑀢𑁆𑀢𑀼𑀧𑁆𑀧𑀸𑀤𑀸, 𑀏𑀢𑁆𑀣𑀼𑀧𑁆𑀧𑀦𑁆𑀦𑁂 𑀕𑀦𑁆𑀣𑁂 𑀞𑀧𑁂𑀢𑁆𑀯𑀸 𑁋 𑀇𑀫𑁂 𑀥𑀫𑁆𑀫𑀸 𑀕𑀦𑁆𑀣𑀲𑀫𑁆𑀧𑀬𑀼𑀢𑁆𑀢𑀸 𑀘𑁂𑀯 𑀦𑁄 𑀘 𑀕𑀦𑁆𑀣𑀸. 𑀕𑀦𑁆𑀣𑀯𑀺𑀧𑁆𑀧𑀬𑀼𑀢𑁆𑀢𑀸 𑀥𑀫𑁆𑀫𑀸 𑀦 𑀯𑀢𑁆𑀢𑀩𑁆𑀩𑀸 𑁋 𑀕𑀦𑁆𑀣𑀸 𑀘𑁂𑀯 𑀕𑀦𑁆𑀣𑀲𑀫𑁆𑀧𑀬𑀼𑀢𑁆𑀢𑀸 𑀘𑀸𑀢𑀺𑀧𑀺, 𑀕𑀦𑁆𑀣𑀲𑀫𑁆𑀧𑀬𑀼𑀢𑁆𑀢𑀸 𑀘𑁂𑀯 𑀦𑁄 𑀘 𑀕𑀦𑁆𑀣𑀸𑀢𑀺𑀧𑀺.

𑁧𑁪𑁯𑁯. 𑀓𑀢𑀫𑁂 𑀥𑀫𑁆𑀫𑀸 𑀕𑀦𑁆𑀣𑀯𑀺𑀧𑁆𑀧𑀬𑀼𑀢𑁆𑀢𑀸 𑀕𑀦𑁆𑀣𑀦𑀺𑀬𑀸? 𑀘𑀢𑀽𑀲𑀼 𑀤𑀺𑀝𑁆𑀞𑀺𑀕𑀢𑀯𑀺𑀧𑁆𑀧𑀬𑀼𑀢𑁆𑀢𑀮𑁄𑀪𑀲𑀳𑀕𑀢𑁂𑀲𑀼 𑀘𑀺𑀢𑁆𑀢𑀼𑀧𑁆𑀧𑀸𑀤𑁂𑀲𑀼 𑀉𑀧𑁆𑀧𑀦𑁆𑀦𑁄 𑀮𑁄𑀪𑁄, 𑀤𑁆𑀯𑀻𑀲𑀼 𑀤𑁄𑀫𑀦𑀲𑁆𑀲𑀲𑀳𑀕𑀢𑁂𑀲𑀼 𑀘𑀺𑀢𑁆𑀢𑀼𑀧𑁆𑀧𑀸𑀤𑁂𑀲𑀼 𑀉𑀧𑁆𑀧𑀦𑁆𑀦𑀁 𑀧𑀝𑀺𑀖𑀁, 𑀯𑀺𑀘𑀺𑀓𑀺𑀘𑁆𑀙𑀸𑀲𑀳𑀕𑀢𑁄 𑀘𑀺𑀢𑁆𑀢𑀼𑀧𑁆𑀧𑀸𑀤𑁄, 𑀉𑀤𑁆𑀥𑀘𑁆𑀘𑀲𑀳𑀕𑀢𑁄 𑀘𑀺𑀢𑁆𑀢𑀼𑀧𑁆𑀧𑀸𑀤𑁄, 𑀢𑀻𑀲𑀼 𑀪𑀽𑀫𑀻𑀲𑀼 𑀓𑀼𑀲𑀮𑀁, 𑀢𑀻𑀲𑀼 𑀪𑀽𑀫𑀻𑀲𑀼 𑀯𑀺𑀧𑀸𑀓𑁄, 𑀢𑀻𑀲𑀼 𑀪𑀽𑀫𑀻𑀲𑀼 𑀓𑀺𑀭𑀺𑀬𑀸𑀩𑁆𑀬𑀸𑀓𑀢𑀁, 𑀲𑀩𑁆𑀩𑀜𑁆𑀘 𑀭𑀽𑀧𑀁 𑁋 𑀇𑀫𑁂 𑀥𑀫𑁆𑀫𑀸 𑀕𑀦𑁆𑀣𑀯𑀺𑀧𑁆𑀧𑀬𑀼𑀢𑁆𑀢𑀸 𑀕𑀦𑁆𑀣𑀦𑀺𑀬𑀸.

𑁧𑁫𑁦𑁦. 𑀓𑀢𑀫𑁂 𑀥𑀫𑁆𑀫𑀸 𑀕𑀦𑁆𑀣𑀯𑀺𑀧𑁆𑀧𑀬𑀼𑀢𑁆𑀢𑀸 𑀅𑀕𑀦𑁆𑀣𑀦𑀺𑀬𑀸? 𑀘𑀢𑁆𑀢𑀸𑀭𑁄 𑀫𑀕𑁆𑀕𑀸 𑀅𑀧𑀭𑀺𑀬𑀸𑀧𑀦𑁆𑀦𑀸, 𑀘𑀢𑁆𑀢𑀸𑀭𑀺 𑀘 𑀲𑀸𑀫𑀜𑁆𑀜𑀨𑀮𑀸𑀦𑀺, 𑀦𑀺𑀩𑁆𑀩𑀸𑀦𑀜𑁆𑀘 𑁋 𑀇𑀫𑁂 𑀥𑀫𑁆𑀫𑀸 𑀕𑀦𑁆𑀣𑀯𑀺𑀧𑁆𑀧𑀬𑀼𑀢𑁆𑀢𑀸 𑀅𑀕𑀦𑁆𑀣𑀦𑀺𑀬𑀸. 𑀕𑀦𑁆𑀣𑀲𑀫𑁆𑀧𑀬𑀼𑀢𑁆𑀢𑀸 𑀥𑀫𑁆𑀫𑀸 𑀦 𑀯𑀢𑁆𑀢𑀩𑁆𑀩𑀸 𑁋 𑀕𑀦𑁆𑀣𑀯𑀺𑀧𑁆𑀧𑀬𑀼𑀢𑁆𑀢𑀸 𑀕𑀦𑁆𑀣𑀦𑀺𑀬𑀸𑀢𑀺𑀧𑀺, 𑀕𑀦𑁆𑀣𑀯𑀺𑀧𑁆𑀧𑀬𑀼𑀢𑁆𑀢𑀸 𑀅𑀕𑀦𑁆𑀣𑀦𑀺𑀬𑀸𑀢𑀺𑀧𑀺.

𑀑𑀖𑀕𑁄𑀘𑁆𑀙𑀓𑀁

𑁧𑁫𑁦𑁧. 𑀓𑀢𑀫𑁂 𑀥𑀫𑁆𑀫𑀸 𑀑𑀖𑀸…𑀧𑁂….

𑀬𑁄𑀕𑀕𑁄𑀘𑁆𑀙𑀓𑀁

𑁧𑁫𑁦𑁨. 𑀓𑀢𑀫𑁂 𑀥𑀫𑁆𑀫𑀸 𑀬𑁄𑀕𑀸…𑀧𑁂….

𑀦𑀻𑀯𑀭𑀡𑀕𑁄𑀘𑁆𑀙𑀓𑀁

𑁧𑁫𑁦𑁩. 𑀓𑀢𑀫𑁂 𑀥𑀫𑁆𑀫𑀸 𑀦𑀻𑀯𑀭𑀡𑀸? 𑀙 𑀦𑀻𑀯𑀭𑀡𑀸 𑁋 𑀓𑀸𑀫𑀘𑁆𑀙𑀦𑁆𑀤𑀦𑀻𑀯𑀭𑀡𑀁, 𑀩𑁆𑀬𑀸𑀧𑀸𑀤𑀦𑀻𑀯𑀭𑀡𑀁, 𑀣𑀺𑀦𑀫𑀺𑀤𑁆𑀥𑀦𑀻𑀯𑀭𑀡𑀁, 𑀉𑀤𑁆𑀥𑀘𑁆𑀘𑀓𑀼𑀓𑁆𑀓𑀼𑀘𑁆𑀘𑀦𑀻𑀯𑀭𑀡𑀁, 𑀯𑀺𑀘𑀺𑀓𑀺𑀘𑁆𑀙𑀸𑀦𑀻𑀯𑀭𑀡𑀁, 𑀅𑀯𑀺𑀚𑁆𑀚𑀸𑀦𑀻𑀯𑀭𑀡𑀁. 𑀓𑀸𑀫𑀘𑁆𑀙𑀦𑁆𑀤𑀦𑀻𑀯𑀭𑀡𑀁 𑀅𑀝𑁆𑀞𑀲𑀼 𑀮𑁄𑀪𑀲𑀳𑀕𑀢𑁂𑀲𑀼 𑀘𑀺𑀢𑁆𑀢𑀼𑀧𑁆𑀧𑀸𑀤𑁂𑀲𑀼 𑀉𑀧𑁆𑀧𑀚𑁆𑀚𑀢𑀺, 𑀩𑁆𑀬𑀸𑀧𑀸𑀤𑀦𑀻𑀯𑀭𑀡𑀁 𑀤𑁆𑀯𑀻𑀲𑀼 𑀤𑁄𑀫𑀦𑀲𑁆𑀲𑀲𑀳𑀕𑀢𑁂𑀲𑀼 𑀘𑀺𑀢𑁆𑀢𑀼𑀧𑁆𑀧𑀸𑀤𑁂𑀲𑀼 𑀉𑀧𑁆𑀧𑀚𑁆𑀚𑀢𑀺, 𑀣𑀺𑀦𑀫𑀺𑀤𑁆𑀥𑀦𑀻𑀯𑀭𑀡𑀁 𑀲𑀲𑀗𑁆𑀔𑀸𑀭𑀺𑀓𑁂𑀲𑀼 𑀅𑀓𑀼𑀲𑀮𑁂𑀲𑀼 𑀉𑀧𑁆𑀧𑀚𑁆𑀚𑀢𑀺, 𑀉𑀤𑁆𑀥𑀘𑁆𑀘𑀦𑀻𑀯𑀭𑀡𑀁 𑀉𑀤𑁆𑀥𑀘𑁆𑀘𑀲𑀳𑀕𑀢𑁂𑀲𑀼 𑀘𑀺𑀢𑁆𑀢𑀼𑀧𑁆𑀧𑀸𑀤𑁂𑀲𑀼 𑀉𑀧𑁆𑀧𑀚𑁆𑀚𑀢𑀺, 𑀓𑀼𑀓𑁆𑀓𑀼𑀘𑁆𑀘𑀦𑀻𑀯𑀭𑀡𑀁 𑀤𑁆𑀯𑀻𑀲𑀼 𑀤𑁄𑀫𑀦𑀲𑁆𑀲𑀲𑀳𑀕𑀢𑁂𑀲𑀼 𑀘𑀺𑀢𑁆𑀢𑀼𑀧𑁆𑀧𑀸𑀤𑁂𑀲𑀼 𑀉𑀧𑁆𑀧𑀚𑁆𑀚𑀢𑀺, 𑀯𑀺𑀘𑀺𑀓𑀺𑀘𑁆𑀙𑀸𑀦𑀻𑀯𑀭𑀡𑀁 𑀯𑀺𑀘𑀺𑀓𑀺𑀘𑁆𑀙𑀸𑀲𑀳𑀕𑀢𑁂𑀲𑀼 𑀘𑀺𑀢𑁆𑀢𑀼𑀧𑁆𑀧𑀸𑀤𑁂𑀲𑀼 𑀉𑀧𑁆𑀧𑀚𑁆𑀚𑀢𑀺, 𑀅𑀯𑀺𑀚𑁆𑀚𑀸𑀦𑀻𑀯𑀭𑀡𑀁 𑀲𑀩𑁆𑀩𑀸𑀓𑀼𑀲𑀮𑁂𑀲𑀼 𑀉𑀧𑁆𑀧𑀚𑁆𑀚𑀢𑀺 𑁋 𑀇𑀫𑁂 𑀥𑀫𑁆𑀫𑀸 𑀦𑀻𑀯𑀭𑀡𑀸.

𑁧𑁫𑁦𑁪. 𑀓𑀢𑀫𑁂 𑀥𑀫𑁆𑀫𑀸 𑀦𑁄 𑀦𑀻𑀯𑀭𑀡𑀸? 𑀞𑀧𑁂𑀢𑁆𑀯𑀸 𑀦𑀻𑀯𑀭𑀡𑁂 𑀅𑀯𑀲𑁂𑀲𑀁 𑀅𑀓𑀼𑀲𑀮𑀁, 𑀘𑀢𑀽𑀲𑀼 𑀪𑀽𑀫𑀻𑀲𑀼 𑀓𑀼𑀲𑀮𑀁, 𑀘𑀢𑀽𑀲𑀼 𑀪𑀽𑀫𑀻𑀲𑀼 𑀯𑀺𑀧𑀸𑀓𑁄, 𑀢𑀻𑀲𑀼 𑀪𑀽𑀫𑀻𑀲𑀼 𑀓𑀺𑀭𑀺𑀬𑀸𑀩𑁆𑀬𑀸𑀓𑀢𑀁, 𑀭𑀽𑀧𑀜𑁆𑀘, 𑀦𑀺𑀩𑁆𑀩𑀸𑀦𑀜𑁆𑀘 𑁋 𑀇𑀫𑁂 𑀥𑀫𑁆𑀫𑀸 𑀦𑁄 𑀦𑀻𑀯𑀭𑀡𑀸.

𑁧𑁫𑁦𑁫. 𑀓𑀢𑀫𑁂 𑀥𑀫𑁆𑀫𑀸 𑀦𑀻𑀯𑀭𑀡𑀺𑀬𑀸? 𑀢𑀻𑀲𑀼 𑀪𑀽𑀫𑀻𑀲𑀼 𑀓𑀼𑀲𑀮𑀁, 𑀅𑀓𑀼𑀲𑀮𑀁, 𑀢𑀻𑀲𑀼 𑀪𑀽𑀫𑀻𑀲𑀼 𑀯𑀺𑀧𑀸𑀓𑁄, 𑀢𑀻𑀲𑀼 𑀪𑀽𑀫𑀻𑀲𑀼 𑀓𑀺𑀭𑀺𑀬𑀸𑀩𑁆𑀬𑀸𑀓𑀢𑀁, 𑀲𑀩𑁆𑀩𑀜𑁆𑀘 𑀭𑀽𑀧𑀁 𑁋 𑀇𑀫𑁂 𑀥𑀫𑁆𑀫𑀸 𑀦𑀻𑀯𑀭𑀡𑀺𑀬𑀸.

𑁧𑁫𑁦𑁬. 𑀓𑀢𑀫𑁂 𑀥𑀫𑁆𑀫𑀸 𑀅𑀦𑀻𑀯𑀭𑀡𑀺𑀬𑀸? 𑀘𑀢𑁆𑀢𑀸𑀭𑁄 𑀫𑀕𑁆𑀕𑀸 𑀅𑀧𑀭𑀺𑀬𑀸𑀧𑀦𑁆𑀦𑀸, 𑀘𑀢𑁆𑀢𑀸𑀭𑀺 𑀘 𑀲𑀸𑀫𑀜𑁆𑀜𑀨𑀮𑀸𑀦𑀺, 𑀦𑀺𑀩𑁆𑀩𑀸𑀦𑀜𑁆𑀘 𑁋 𑀇𑀫𑁂 𑀥𑀫𑁆𑀫𑀸 𑀅𑀦𑀻𑀯𑀭𑀡𑀺𑀬𑀸.

𑁧𑁫𑁦𑁭. 𑀓𑀢𑀫𑁂 𑀥𑀫𑁆𑀫𑀸 𑀦𑀻𑀯𑀭𑀡𑀲𑀫𑁆𑀧𑀬𑀼𑀢𑁆𑀢𑀸? 𑀤𑁆𑀯𑀸𑀤𑀲 𑀅𑀓𑀼𑀲𑀮𑀘𑀺𑀢𑁆𑀢𑀼𑀧𑁆𑀧𑀸𑀤𑀸 𑁋 𑀇𑀫𑁂 𑀥𑀫𑁆𑀫𑀸 𑀦𑀻𑀯𑀭𑀡𑀲𑀫𑁆𑀧𑀬𑀼𑀢𑁆𑀢𑀸.

𑁧𑁫𑁦𑁮. 𑀓𑀢𑀫𑁂 𑀥𑀫𑁆𑀫𑀸 𑀦𑀻𑀯𑀭𑀡𑀯𑀺𑀧𑁆𑀧𑀬𑀼𑀢𑁆𑀢𑀸? 𑀘𑀢𑀽𑀲𑀼 𑀪𑀽𑀫𑀻𑀲𑀼 𑀓𑀼𑀲𑀮𑀁, 𑀘𑀢𑀽𑀲𑀼 𑀪𑀽𑀫𑀻𑀲𑀼 𑀯𑀺𑀧𑀸𑀓𑁄, 𑀢𑀻𑀲𑀼 𑀪𑀽𑀫𑀻𑀲𑀼 𑀓𑀺𑀭𑀺𑀬𑀸𑀩𑁆𑀬𑀸𑀓𑀢𑀁, 𑀭𑀽𑀧𑀜𑁆𑀘, 𑀦𑀺𑀩𑁆𑀩𑀸𑀦𑀜𑁆𑀘 𑁋 𑀇𑀫𑁂 𑀥𑀫𑁆𑀫𑀸 𑀦𑀻𑀯𑀭𑀡𑀯𑀺𑀧𑁆𑀧𑀬𑀼𑀢𑁆𑀢𑀸.

𑁧𑁫𑁦𑁯. 𑀓𑀢𑀫𑁂 𑀥𑀫𑁆𑀫𑀸 𑀦𑀻𑀯𑀭𑀡𑀸 𑀘𑁂𑀯 𑀦𑀻𑀯𑀭𑀡𑀺𑀬𑀸 𑀘? 𑀢𑀸𑀦𑁂𑀯 𑀦𑀻𑀯𑀭𑀡𑀸𑀦𑀺 𑀦𑀻𑀯𑀭𑀡𑀸 𑀘𑁂𑀯 𑀦𑀻𑀯𑀭𑀡𑀺𑀬𑀸 𑀘.

𑁧𑁫𑁧𑁦. 𑀓𑀢𑀫𑁂 𑀥𑀫𑁆𑀫𑀸 𑀦𑀻𑀯𑀭𑀡𑀺𑀬𑀸 𑀘𑁂𑀯 𑀦𑁄 𑀘 𑀦𑀻𑀯𑀭𑀡𑀸? 𑀞𑀧𑁂𑀢𑁆𑀯𑀸 𑀦𑀻𑀯𑀭𑀡𑁂, 𑀅𑀯𑀲𑁂𑀲𑀁 𑀅𑀓𑀼𑀲𑀮𑀁, 𑀢𑀻𑀲𑀼 𑀪𑀽𑀫𑀻𑀲𑀼 𑀓𑀼𑀲𑀮𑀁, 𑀢𑀻𑀲𑀼 𑀪𑀽𑀫𑀻𑀲𑀼 𑀯𑀺𑀧𑀸𑀓𑁄, 𑀢𑀻𑀲𑀼 𑀪𑀽𑀫𑀻𑀲𑀼 𑀓𑀺𑀭𑀺𑀬𑀸𑀩𑁆𑀬𑀸𑀓𑀢𑀁, 𑀲𑀩𑁆𑀩𑀜𑁆𑀘 𑀭𑀽𑀧𑀁 𑁋 𑀇𑀫𑁂 𑀥𑀫𑁆𑀫𑀸 𑀦𑀻𑀯𑀭𑀡𑀺𑀬𑀸 𑀘𑁂𑀯 𑀦𑁄 𑀘 𑀦𑀻𑀯𑀭𑀡𑀸. 𑀅𑀦𑀻𑀯𑀭𑀡𑀺𑀬𑀸 𑀥𑀫𑁆𑀫𑀸 𑀦 𑀯𑀢𑁆𑀢𑀩𑁆𑀩𑀸 𑁋 𑀦𑀻𑀯𑀭𑀡𑀸 𑀘𑁂𑀯 𑀦𑀻𑀯𑀭𑀡𑀺𑀬𑀸 𑀘𑀸𑀢𑀺𑀧𑀺, 𑀦𑀻𑀯𑀭𑀡𑀺𑀬𑀸 𑀘𑁂𑀯 𑀦𑁄 𑀘 𑀦𑀻𑀯𑀭𑀡𑀸𑀢𑀺𑀧𑀺.

𑁧𑁫𑁧𑁧. 𑀓𑀢𑀫𑁂 𑀥𑀫𑁆𑀫𑀸 𑀦𑀻𑀯𑀭𑀡𑀸 𑀘𑁂𑀯 𑀦𑀻𑀯𑀭𑀡𑀲𑀫𑁆𑀧𑀬𑀼𑀢𑁆𑀢𑀸 𑀘? 𑀬𑀢𑁆𑀣 𑀤𑁆𑀯𑁂 𑀢𑀻𑀡𑀺 𑀦𑀻𑀯𑀭𑀡𑀸𑀦𑀺 𑀏𑀓𑀢𑁄 𑀉𑀧𑁆𑀧𑀚𑁆𑀚𑀦𑁆𑀢𑀺 𑁋 𑀇𑀫𑁂 𑀥𑀫𑁆𑀫𑀸 𑀦𑀻𑀯𑀭𑀡𑀸 𑀘𑁂𑀯 𑀦𑀻𑀯𑀭𑀡𑀲𑀫𑁆𑀧𑀬𑀼𑀢𑁆𑀢𑀸 𑀘.

𑁧𑁫𑁧𑁨. 𑀓𑀢𑀫𑁂 𑀥𑀫𑁆𑀫𑀸 𑀦𑀻𑀯𑀭𑀡𑀲𑀫𑁆𑀧𑀬𑀼𑀢𑁆𑀢𑀸 𑀘𑁂𑀯 𑀦𑁄 𑀘 𑀦𑀻𑀯𑀭𑀡𑀸? 𑀞𑀧𑁂𑀢𑁆𑀯𑀸 𑀦𑀻𑀯𑀭𑀡𑁂, 𑀅𑀯𑀲𑁂𑀲𑀁 𑀅𑀓𑀼𑀲𑀮𑀁 𑁋 𑀇𑀫𑁂 𑀥𑀫𑁆𑀫𑀸 𑀦𑀻𑀯𑀭𑀡𑀲𑀫𑁆𑀧𑀬𑀼𑀢𑁆𑀢𑀸 𑀘𑁂𑀯 𑀦𑁄 𑀘 𑀦𑀻𑀯𑀭𑀡𑀸. 𑀦𑀻𑀯𑀭𑀡𑀯𑀺𑀧𑁆𑀧𑀬𑀼𑀢𑁆𑀢𑀸 𑀥𑀫𑁆𑀫𑀸 𑀦 𑀯𑀢𑁆𑀢𑀩𑁆𑀩𑀸 𑁋 𑀦𑀻𑀯𑀭𑀡𑀸 𑀘𑁂𑀯 𑀦𑀻𑀯𑀭𑀡𑀲𑀫𑁆𑀧𑀬𑀼𑀢𑁆𑀢𑀸 𑀘𑀸𑀢𑀺𑀧𑀺, 𑀦𑀻𑀯𑀭𑀡𑀲𑀫𑁆𑀧𑀬𑀼𑀢𑁆𑀢𑀸 𑀘𑁂𑀯 𑀦𑁄 𑀘 𑀦𑀻𑀯𑀭𑀡𑀸𑀢𑀺𑀧𑀺.

𑁧𑁫𑁧𑁩. 𑀓𑀢𑀫𑁂 𑀥𑀫𑁆𑀫𑀸 𑀦𑀻𑀯𑀭𑀡𑀯𑀺𑀧𑁆𑀧𑀬𑀼𑀢𑁆𑀢𑀸 𑀦𑀻𑀯𑀭𑀡𑀺𑀬𑀸? 𑀢𑀻𑀲𑀼 𑀪𑀽𑀫𑀻𑀲𑀼 𑀓𑀼𑀲𑀮𑀁, 𑀢𑀻𑀲𑀼 𑀪𑀽𑀫𑀻𑀲𑀼 𑀯𑀺𑀧𑀸𑀓𑁄, 𑀢𑀻𑀲𑀼 𑀪𑀽𑀫𑀻𑀲𑀼 𑀓𑀺𑀭𑀺𑀬𑀸𑀩𑁆𑀬𑀸𑀓𑀢𑀁, 𑀲𑀩𑁆𑀩𑀜𑁆𑀘 𑀭𑀽𑀧𑀁 𑁋 𑀇𑀫𑁂 𑀥𑀫𑁆𑀫𑀸 𑀦𑀻𑀯𑀭𑀡𑀯𑀺𑀧𑁆𑀧𑀬𑀼𑀢𑁆𑀢𑀸 𑀦𑀻𑀯𑀭𑀡𑀺𑀬𑀸.

𑁧𑁫𑁧𑁪. 𑀓𑀢𑀫𑁂 𑀥𑀫𑁆𑀫𑀸 𑀦𑀻𑀯𑀭𑀡𑀯𑀺𑀧𑁆𑀧𑀬𑀼𑀢𑁆𑀢𑀸 𑀅𑀦𑀻𑀯𑀭𑀡𑀺𑀬𑀸? 𑀘𑀢𑁆𑀢𑀸𑀭𑁄 𑀫𑀕𑁆𑀕𑀸 𑀅𑀧𑀭𑀺𑀬𑀸𑀧𑀦𑁆𑀦𑀸, 𑀘𑀢𑁆𑀢𑀸𑀭𑀺 𑀘 𑀲𑀸𑀫𑀜𑁆𑀜𑀨𑀮𑀸𑀦𑀺, 𑀦𑀺𑀩𑁆𑀩𑀸𑀦𑀜𑁆𑀘 𑁋 𑀇𑀫𑁂 𑀥𑀫𑁆𑀫𑀸 𑀦𑀻𑀯𑀭𑀡𑀯𑀺𑀧𑁆𑀧𑀬𑀼𑀢𑁆𑀢𑀸 𑀅𑀦𑀻𑀯𑀭𑀡𑀺𑀬𑀸. 𑀦𑀻𑀯𑀭𑀡𑀲𑀫𑁆𑀧𑀬𑀼𑀢𑁆𑀢𑀸 𑀥𑀫𑁆𑀫𑀸 𑀦 𑀯𑀢𑁆𑀢𑀩𑁆𑀩𑀸 𑁋 𑀦𑀻𑀯𑀭𑀡𑀯𑀺𑀧𑁆𑀧𑀬𑀼𑀢𑁆𑀢𑀸 𑀦𑀻𑀯𑀭𑀡𑀺𑀬𑀸𑀢𑀺𑀧𑀺, 𑀦𑀻𑀯𑀭𑀡𑀯𑀺𑀧𑁆𑀧𑀬𑀼𑀢𑁆𑀢𑀸 𑀅𑀦𑀻𑀯𑀭𑀡𑀺𑀬𑀸𑀢𑀺𑀧𑀺.

𑀧𑀭𑀸𑀫𑀸𑀲𑀕𑁄𑀘𑁆𑀙𑀓𑀁

𑁧𑁫𑁧𑁫. 𑀓𑀢𑀫𑁂 𑀥𑀫𑁆𑀫𑀸 𑀧𑀭𑀸𑀫𑀸𑀲𑀸? 𑀤𑀺𑀝𑁆𑀞𑀺𑀧𑀭𑀸𑀫𑀸𑀲𑁄 𑀘𑀢𑀽𑀲𑀼 𑀤𑀺𑀝𑁆𑀞𑀺𑀕𑀢𑀲𑀫𑁆𑀧𑀬𑀼𑀢𑁆𑀢𑁂𑀲𑀼 𑀘𑀺𑀢𑁆𑀢𑀼𑀧𑁆𑀧𑀸𑀤𑁂𑀲𑀼 𑀉𑀧𑁆𑀧𑀚𑁆𑀚𑀢𑀺 𑁋 𑀇𑀫𑁂 𑀥𑀫𑁆𑀫𑀸 𑀧𑀭𑀸𑀫𑀸𑀲𑀸.

𑁧𑁫𑁧𑁬. 𑀓𑀢𑀫𑁂 𑀥𑀫𑁆𑀫𑀸 𑀦𑁄 𑀧𑀭𑀸𑀫𑀸𑀲𑀸? 𑀞𑀧𑁂𑀢𑁆𑀯𑀸 𑀧𑀭𑀸𑀫𑀸𑀲𑀁 𑀅𑀯𑀲𑁂𑀲𑀁 𑀅𑀓𑀼𑀲𑀮𑀁, 𑀘𑀢𑀽𑀲𑀼 𑀪𑀽𑀫𑀻𑀲𑀼 𑀓𑀼𑀲𑀮𑀁, 𑀘𑀢𑀽𑀲𑀼 𑀪𑀽𑀫𑀻𑀲𑀼 𑀯𑀺𑀧𑀸𑀓𑁄, 𑀢𑀻𑀲𑀼 𑀪𑀽𑀫𑀻𑀲𑀼 𑀓𑀺𑀭𑀺𑀬𑀸𑀩𑁆𑀬𑀸𑀓𑀢𑀁, 𑀭𑀽𑀧𑀜𑁆𑀘, 𑀦𑀺𑀩𑁆𑀩𑀸𑀦𑀜𑁆𑀘 𑁋 𑀇𑀫𑁂 𑀥𑀫𑁆𑀫𑀸 𑀦𑁄 𑀧𑀭𑀸𑀫𑀸𑀲𑀸.

𑁧𑁫𑁧𑁭. 𑀓𑀢𑀫𑁂 𑀥𑀫𑁆𑀫𑀸 𑀧𑀭𑀸𑀫𑀝𑁆𑀞𑀸? 𑀢𑀻𑀲𑀼 𑀪𑀽𑀫𑀻𑀲𑀼 𑀓𑀼𑀲𑀮𑀁, 𑀅𑀓𑀼𑀲𑀮𑀁, 𑀢𑀻𑀲𑀼 𑀪𑀽𑀫𑀻𑀲𑀼 𑀯𑀺𑀧𑀸𑀓𑁄, 𑀢𑀻𑀲𑀼 𑀪𑀽𑀫𑀻𑀲𑀼 𑀓𑀺𑀭𑀺𑀬𑀸𑀩𑁆𑀬𑀸𑀓𑀢𑀁, 𑀲𑀩𑁆𑀩𑀜𑁆𑀘 𑀭𑀽𑀧𑀁 𑁋 𑀇𑀫𑁂 𑀥𑀫𑁆𑀫𑀸 𑀧𑀭𑀸𑀫𑀝𑁆𑀞𑀸.